عيلة الراوي

بتبدأ الحكاية برحلة طلعتها مدرستي طيب قبل ما اقول لكم الحكاية تعالو اعرفكم بيا

انا فرح علي الراوي البنت الكبيرة ل علي الراوي صاحب شركة انتاج سينمائي مش اكبر شركة ولا اصغر شركة تقدروا تقولو متوسطة لكننا عايشين بسببها في مستوي كويس جدا وماديا احنا مرتاحين وامي اللي انا شبه منها واسمها فاتن وعندي اخت صغيرة اسمها شيماء في تالتة اعدادي السنه دي وكنا عايشين زي اي عيله علي قد حالها ما عندناش معارف كتير نمتلك فيلا بجنينة كبيرة في طريق المريوطية اصل بابا بيحب الهدوء اوي وما بيحبش الزحمة لكن الدنيا عمرها ما هتخلينا عايشين ديما في هدوء وراحة لازم الشر يحوم حوالين مننا ويقلب حياتنا من الفرح للخوف والقلق ودة حصل من اربع سنين يوم ما روحت رحلة تلت ايام ل مرسي علم مع المدرسة وكنت وقتها في تالته ثانوي وطالبه في مدرسة مشتركة يعني شباب مع بنات ودي مصيبة كانت السبب في كارثة

عيلة الراوي

مقتبسة عن فيلم هندي من احلي الافلام اللي اتفرجت عليها يارب الحكاية تعجبكم زي ما عجبتني

الحلقة الاولي

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

من جوة اوضة فرح تقف فرح قصاد دولابها وعلي السرير وراء منها شنطة ظهر صغيره وكانت بطلع هدوم من الدولاب علشان الرحلة وبتحطها في الشنطة تدخل عليها امها وكانت بتبص لها وبتقول

اية يا فرح كل دة بتحضري شنطتك دول كلهم تلت ايام

فرح

وانتي يا ماما مستهترة ب تلت ايام دة انا وصحابي ناوين نعمل فيهم حاجات كتير اوي

هنا تدخل عليهم شيماء وتقول

اعملي اللي تعملي المهم تجيب لي قواقع ولؤلؤة

قالت فرح وهي بتجهز شنطتها

مش عايزا كمان ياقوت ومرجان

شيماء

لو في هاتي مش هقولك لا

ضحكوا لكن فجاة وبدون سابق انذار تبدا الرعشة تمسك في اطراف فرح والتشنجات تبان عليها لحظت امها اللي بيحصل ل بنتها وعرفت ان دي حاله من حالات الصرع اللي بتصيب بنتها وقت الفرحة الشديدة او الحزن الشديد او الخوف راحت ناحيتها وخدتها في حضنها وقالت

قولت لك خدي العلاج لكنك بطلتي تسمعي كلامي

لكن فرح ما ردتش وبدات اعراض الصرع تزيد والرعب يزيد وكل اطراف جسمها متشجنة وجسمها بيتهز بصورة مخيفة وبدات الرغاوي البيضاء تطلع من بوقها والنني اللي في عيون فرح اختفي كل دة وهي في حضن امها اللي ميته عليها من القلق جريت شيماء بسرعة ناحية موبيلها واتصلت ب ابوها واول ما رد علي قالت شيماء

الحقني يا بابا نوبه الصرع جت تاني ل فرح ،،،،،،،

بعديها بشوية علي واقف مع الدكتور اللي قدر يعالج فرح ولسة فرح في حضن امها بعد ما اعراض الصرع انتهت وخرج علي يوصل الدكتور اللي كان بيقول

ازاي توقف العلاج من نفسها دة انا محذرك

علي

هي عنديه ما بتسمعش الكلام لكني اوعدك اني انا بنفسي اللي هديها العلاج ومش هخليها توقفو تاني ابدا

الدكتور

الاهم من العلاج انها تتحكم اكتر من كدة في ردود فعلها واكد عليها تاني وتالت اي رد فعل مبالغ في زي فرحة او حزن او خوف هيكون نتيجتة اللي حصل لها دة

علي

اصلها نفسها من زمان تطلع رحلة مع زماليها وطلبتها مني كتير وانا اللي كنت برفض ولما وقفت ما كنتش مصدقة نفسها من الفرحة

الدكتور

يوسفني اقول لك انها ما ينفعش دلوقتي تروح اي مكان لانها ممكن تتعرض تاني ل فرحة زيادة او اي حاجة تسببها لها نوبه الصرع لازم تعرف يا علي ان حاله بنتك نادرة وعايزا معاملة خاصة وبرضو انا قولت لك الكلام دة قبل كدة وانا حذرتك وانت حر بقي ،،،،،،،،

وبعد ما يخرج الدكتور يرجع علي ل اوضة بنته اللي اول ما شافته قالت

بابا قول ل ماما تسيبني اقوم اكمل لم شنطتي علشان الحق اتوبيس الرحلة

بص لها علي واتوجع علي حال بنته وقالت فاتن

مش هتروحي الرحلة يا فرح انتي تعبانه

فرح

انا بقيت كويسة ولو علي العلاج هاخد العلاج انا هاخد العلاج ومش هوقفة تاني

وعيطت وهي بتقول

بس والنبي خليني اروح الرحلة

ما قدرش علي يستحمل يشوف دموع بنته وبكي وراح خدها في حضنه وهو بيقول

بلاش تعيطي

فرح وهي في حضن ابوها

مش عايزني اعيط خليني اروح الرحلة

علي مبقاش عارف يقول اية وكان بين نارين وهي قالت

والله مش هفرح اوي وهتحكم في انفعالتي بس بلاش تقولي مش هتروحي

ازداد حيرة علي الراوي وهنا بصت له فاتن وقالت

علي قولها لا انت بتفكر في اية

علي بص ل فاتن وعقلة شغال بمنتهي السرعة مش عارف الصح يقول اة ولا لا في الحالتين حاله بنته مش هتكون في احسن حال وفضلت عيون علي وفاتن وفرح يبصوا ل بعض والترقب ل قرار علي

اللي قال

هتروحي

فرحت فرح اوي واستغربت فاتن ل قرار علي ولسة هتعترض قال علي

هي وعدتني انها هتتحكم في انفعالاتها وهتاخد العلاج معاها ومش هتوقفو

فرح باسته بمنتهي الفرحة وقالت

هعمل كل اللي انت قولت عليه يا احلي بابا في الدنيا

فرح علي ل فرحة بنته وقال

ما تنسيش بقي تجييي لي قواقع

ضحكت فرح وقالت

يبقي انت اللي عرفت بنتك حوار القواقع دة

ضحك علي وباس دماغ بنته وقال

وهي المفعوصة دي تعرف اية عن القواقع

شيماء

اعرف كل حاجة

علي

طيب شكلها اية القواقع دي

شيماء

لونها اسود وبطير

علي

دي شبه الذبان وانا ما اعرفش

وضحكوا كلهم و علي قال

انا لازم امشي علشان ورايا شغل

وخرج من الاوضة وخرجت وراء فاتن وقالت

علي مش صح اللي انت عملته دة بنتنا تعبانه

علي بص ل فاتن وقال

ولو رفضنا تطمئني منين انا ما تتعبش اكتر

ومسك علي ذراع فاتن بمنتهي الحب والحنان وقال

بنتنا مش لازم تعيش محرومة من متعة الدنيا علشان مريضة صرع خليها تعيش واللي ربنا كاتبه ليها هتشوفه ،،،،،،،

في نفس الوقت ومن مرسي علم ومن جوة الفندق اللي هينزلو في الطلاب اللي طالعين الرحلة كان في شاب اسمة عماد جوة اوضة من الاوض ومعه واحد من الهاوس كيبن اسمه شلبي وكان عماد بيزرع كاميرات مراقبة صغيرة جدا جوة الحمام بتاع الاوضة وفوق السرير اللي في الاوضة وجوة الدولاب وهنا شلبي قال وهو قلقان

ما تخلص بقي يا عماد انا لو مديري عرف ان دخلتك الاوضة اللي هتنزل فيها البنات تحط كاميرات تراقبهم بيها هينفخني

عماد وهو مركز في تركيب الكاميرات الصغيرة جدا

عايزك تنشف كدة دة انت واخد مني كام الف علشان يجمدو قلبك الخرع وبعدين انا داخل قصاد مدير الفندق نفسه علي اساس اني فني تكيف

شلبي

ما كنوش 5000 ج دول اللي هتفضل تبيع وتشتري فيا بيهم

عماد كان خلص اللي بيعملو وقال

خلاص بطل ندب انا خلصت ما كنتش اوضة دي اللي احتجت فيها ل مساعدتك

شلبي

بس لو اعرف انت لية بتعمل كدة دة انت ابن الوزيرة عفاف حاتم وابن اللواء نور الشامي يعني اي بت تشاور لها باصغر صباع عندك تيجي لك راكعة

عماد

كلهم كدة ما عدا دي عندية لكن بمجرد ما هتحط رجليها في الاوضة دي هتنكسر عينيها ووقتها هتكون زي الخاتم في صباعي

شلبي

انت ،،،،،،

بص له بصة معنها هتشتم ولا اية خاف شلبي وسكت وعماد ضحكة ضحكة كلها شر وخرج من الاوضة ،،،،،،،،

وبعدها بكام ساعة يتفتح باب الاوضة اللي كان فيها عماد بيزرع الكاميرات ودخلت فرح ومعها بنت تانية اسمها شروق وماحدش فيهم شافت الكاميرات المزروعة جوة الاوضة وبداو يغيروا هدومهم وبدات الكاميرات تصور وعماد يسجل ومن هنا بدات الكارثة ،،،،،،،،

عيلة الراوي

★الحلقة الثانية★

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

وبالليل ومن جوة اوضة من اوض فندق مرسي علم يقعد عماد علي سريرة وفي ايدة موبيلة وببتفرج علي الفيديوهات اللي سجلتها الكاميرات ل شروق وفرح وكانت قاعد قصاد منه شاب تاني بيلف حشيش واسمه عصفور وبيقول

اية الدنيا فرحني الشبكة اللي انت رمتها طلعت بقراميط

عماد وهو بيبص ل فرح باعجاب شديد

حطيت الكاميرا علشان اصور شروق طلعت صاحبتها اللي معها في الاوضة اجمد منها ميت مرة

عصفور راح ناحية عماد وفي ايدة سيجارة الحشيش وبيدها له وهو بيقول

صاحبتها مين

عماد وهو بيبص ل فرح وبيفصص كل حتة فيها

البت فرح بتاعت تالته ثانوي

عصفور

مالقتش اللي البت دي دي عندها كهرباء زيادة في المخ دي في مرة وقعت في نص المدرسة وجت لها حاله صرع وكانت عاملة زي الموبيل لما يرن في جيبك وانت عاملة هزاز ووقتها فضلت تعمل كدة

وبدا عصفور يقلد نوبه الصرع لكن باستهزاء مريض وضحك عماد وعصفور ضحك وبعد ما خلصو ضحك قال عماد

اهو انا بقي نفسي اجرب الهزاز دة وهو في حضني

عصفور صوت جاي من وراء دخان الحشيش

طيب و شروق

عماد

تقعد احتياطي شوية

ورجع بص ل فرح تاني وقال

انما اللي هتلعب اساسي الفترة الجاية فرح،،،،،،

ومن جوة شقة الراوي يقعد علي

علي السفرة مستني مراته فاتن تحط باقي الاكل علي السفرة وجنب منه تقعد شيماء وجت فاتن ومعها الاكل وبداو الفطار وبعد ما حط علي اول لقمة في بوقه وفضل ياكل فيها كتير لحظت فاتن اللي هو في فقالت

ولما انت قلقان عليها اوي كدة وكلمتها بدل المرة تلاته من وقت ما سافرت لية خلتها تسافر

بص لها علي وقال

مش هتبطلي ترقبيني وانا باكل

فاتن

ما انت عندك ثبات انفعالي تنحسد عليه واللي جواك صعب اي حد يعرفه لكن وقت الاكل حالتك المزاجية بتبان وبعرف انت حاسس باية

علي

وازاي بقي بتعرفي دة كله يا فليسوفه

فاتن

من غير ما تتريق انت لما بتكون فرحان بتاكل بسرعة اوي واللقمة ما بتاخدش في بوقك وقت لغاية ما تبلعها لكن وقت ما بتكون قلقان او حزين بتفضل اللقمة في بوقك دقيقة وممكن اكتر

ابتسم علي وقال

الفلوس اللي علمك بيها باباكي كانت فلوس حلال

مسكت فاتن ايدة بمنتي الحب وقالت

دة قلبي اللي بيحبك هو اللي خلاني اتعلم دة كله

علي

ربنا ما يحرمني منك

شيماء

طيب وانا

علي ابتسم وقال

وانتي كمان

شيماء

انا كمان اية

علي

ربنا ما يحرمني منك يلا ناكل بقي علشان ورايا شغل مع ان الفطار ملهوش طعم من غير فرح ،،،،،،،

في نفس الوقت كانت فرح في البحر بتلعب مع صحابها البنات وبتتصور في اكتر من وضع وهي فرحانة لكن فرحتها بحساب علشان كانت خايفة من نوبه الصرع لكن في عز لعبها شافت عماد اللي كان باصص لها ومتنح وبيفصل كل حتة في جسمها بصة تكرها اي بنت محترمة ودة كان رد فعل فرح اللي لفت وشها ولحظت شروق رد فعل فرح فقالت

مالك في اية

فرح

الزفت اللي اسمة عماد دة عمال يبص ناحيتنا اوي

شروق

هو كدة عيل زباله وشايف نفسه وفرحان اكمنه ابن وزيرة

فرح

دة ابن وزيرة ازاي وكل اصحابه اقل منه في المستوي

شروق

انتي فاكرة انه لي صاحب دة بيعرف اللي اقل منه علشان يكونو عنده خدامين عيل معقد ومريض

فرح

هو لسة بيضيقك

شروق

اة هو يعني هيبطل قرف

فرح

طيب خلاص سيبك منه وخلينا في المية وحلاوتها

شروق

دي مية معدنية دي

فرح ضحكت اوي قبل ما تحس ب ايد مسكت رجليها من تحت المية صرخت ورجعت لوراء خطوتين وهنا يطلع من تحت المية عماد ويقف قدام منهم وهو بيضحك قالت فرح بمنتهي العصبية

انت قليل الادب

عماد بقلة ادب

في اية يا بت هو انا كنت عملت لك حاجة

فرح

وايدك اللي مسكت رجلي دي

عماد

بعوم وايدية جت فيكي بالغلط

شروق

طيب عوم بعيد عننا بطل طريقتك دي عيب احنا زمايل في مدرسة واحدة

عماد بعصبية

هي بقت كلها مريم العذراء ولا اية هو كان حد كلمكم علشان تعملو الدوشة دي كلها بنات عرر صحيح

فرح بعصبية شديدة

انت قليل الادب وما تربتش

عماد ضربها بالقلم وقال

انا عماد ابن اللواء نور الشامي يتقال لي ما تربتش يا بنت الكلب

بدات التشجنات تظهر علي فرح وباقي شباب المدرسة اتجمعوا علي الخناقة بعد ما شافو اللي حصل وبداو يبعدوا عماد عن فرح وشروق ونوبة الصرع جت ل فرح ووقعت في المية وبدات المية تدخل في بوقها وتبلعها وشروق بتحاول وبتصرخ عايزا حد يساعدها تطلع بصاحبتها من المية قبل ما تغرق وفعلا طلعوها من المية وفضلت نوبة الصرع وهي علي الشاطئ وشروق قلقانه علي صاحبتها اوي والمية اللي شربتها عماله تخرج من بوقها مع التشنجات اللي هي فيها وصرخت شروق اكتر وفرح في حضنها وقالت

الحقوني بدكتور فرح بتموت

وعدي عماد ومعه عصفور قصاد منهم وكان عماد بيقلد الحاله اللي فيها فرح بمنتهي قلة الذوق وعصفور بيضحك وسط استنكار كل الموجودين ،،،،،،،،،،،

بعدها ب ساعة وقت ما كان علي في مكان تصوير اخر افلامه وواقف مع المخرج وبيقول

لا ابوس ايدك انا برمي فلوسي كدة علي الارض لما مشهد يتعاد اكتر من مرة بسبب ضحك الممثلين وهزارهم مع بعض

المخرج

ما انا طلبت منهم يركزوا اكتر من مرة

علي

لا سيطر شوية مش كدة

وهنا يرن موبيل علي ويطلع موبيلة ويلاقي رقم مراته فاتن فاستاذن من المخرج وراح ل بعيد ورد وقال

خير يا فاتن

فاتن بخضة

بنتك بتصل بيها بقالي ساعتين وهي ما بتردتش

علي

ومالك بس مخضوضة كدة تلاقيها في المية والموبيل بعيد عنها

فاتن

لا يا علي الموبيل معها لانها لسة من ساعتين كانت رافعة استوري علي الواتس وانا كلمتها وردت عليه وبعد كدة قولت اتصل بيها اطمئن عليها لكنها ما بتردتش

علي

سابت الموبيل يا فاتن ودخلت المية مش قضية يعني

فاتن

يا علي انا قلقانة علي البت

علي

طيب اقفلي وانا هتصل عليها

فاتن

بالله عليك اتصل وطمئني

وفعلا قفلت فاتن واتصل علي بدل المرة خمسة لغاية ما ردت شروق وقالت

ايوة يا عمو

علي

انتي شروق صح

شروق بصوت حزين

ايوة انا

علي بقلق

اومال فين فرح

شروق

نايمة

علي بص في ساعته لقاها 9 ص فقال

بس فرح بتحب تنزل البحر في الميعاد دة ازاي تنام

وبلهجة حادة

شروق فرح جري لها اية ،،،،،،،

ويتبدل المشهد وعلي بينزل من تاكسي وداخل مطار القاهرة وبيسال عن اقرب طيارة رايحة مرسي علم وفعلا قدر يحجز في طيارة هتقلع كمان ساعة واستني ميعاد الطيارة ورن موبيلة تاني وكانت فاتن واول ما رد قالت

شروق هي اللي بترد علي موبيل فرح لية

علي

فاتن انتي مكبرة الموضوع بصراحة بنتك فضلت سهرانه طول الليل ونايمة فيها اية دي

فاتن بقلق شديد

بنتي طالما صحيت ما بتنمش دلوقتي يا علي وانت عارف وانا عارفة بنتك تعبت يا علي انا كان قلبي حاسس انها مش هتعدي علي خير وقولت لك بلاش

علي بعصبية

هو انتي عايزا تقدري البلا قبل وقعه لية بنتك بخير ونايمة عملت مصيبة انها نامت

وهنا تسمع فاتن صوت داخلي خاص بالمطار فقالت

علي انت فين

علي

في المطار يا فاتن

فاتن

ماقولتيش يعني انك مسافر

علي

عندي تصوير مشاهد خارجية خاصة بالفيلم بتاعي ولازم اتابعها بنفسي فيها حاجة دي

فاتن

من امتي بتسافر من غير ما تعرفني

علي بمنتهي العصبية

يووووووو ما كفاية بقي اسئلة انتي اية مباحث

وقفل السكة في وشها وقفل الموبيل وحطة جنب منه وهو كل اللي في دماغة بنته واللي حصل لها وانه هو السبب في انها تروح الرحلة دي ،،،،،،،،،

وفي نفس الوقت كانت فرح في المستشفي وبدات تكون احسن وعديت الازمة علي خير وبعد ما شروق اطمئنت عليها قالت فرح

هاتي موبيلي زمان بابا وماما اتصلو بيه كتير

شروق وهي بتديها الموبيل

هما اتصلو وانا قولت ل باباكي انك تعبتي

فرح اضيقت وقالت

لية بس تعملي كدة

شروق

عمي كان خايف عليكي اوي وما قدرتش اكذب عليه

فرح

اوعي تكوني عرفتي باللي عمله عماد معايا

شروق

لا هو انا غبيه انا قولت له انك تعبتي وبس

فرح

طيب لما اتصل بي واطمئنة واطمئن ماما

وكلمت امها وطمنتها وقفلت معها وكلمت ابوها لكن الموبيل كان مقفول جربت تاني وتالت ورابع لغاية ما زهقت وحطت الموبيل جنب منها وقالت لنفسها

هبقي اتصل بي تاني كمان شوية

وبعدها بكام ساعة يوصل علي للمستشفي اللي فيها فرح وتتصدم فرح لما شافته داخل عليها الاوضة وبصت ل شروق وهو خدها في حضنه وقال

انتي كويسة

فرح

انت جيت لية بس

علي

اعرف انك تعبانه وما جيش طيب ازاي دة نص قلبي مكتوب باسمك

وابتسم علي وابتسمت فرح وهي بتقول

انا بحبك اوي يا بابا

لكن ابتسامة علي ماتت لما شاف صوابع معلمة علي وش بنته وبص بتركيز لخد بنته اللي ضربها عليه عماد وقال

مين اللي عمل فيكي كدة

فرح عيطت وفضلت ساكتة بص علي ل شروق وقال وهو مبرق لها

اية اللي حصل ،،،،،،،،،

وبعدها بشوية علي يقف مع واحد من بتوع الهوس كيبن قصاد اوضة عماد وبيقول

ممكن تفتح لي الاوضة علشان نسيت الماستر كين بتاعي جوة

الهوس كيبن عارفة دة منتج معروف ف ماشكش انه ممكن يكون بيكذب وفعلا فتح له الباب ودخل علي للاوضة والشر في عيونه وقفل الباب وراء منه وراح ناحية عماد اللي كان نايم علي سرير وعلي السرير التاني نايم عصفور وبص ناحية عماد بمنتهي الغضب وقرر انه يربي لكن عماد اتقلب في السرير وفتح عيونه شاف علي واقف فقال

انت مين ،،،،،،،

عيلة الراوي

★الحلقة الثالثة★

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

واتصدم عماد لما فتح عيونه بالصدفة وشاف علي واقف قدام منه وقال

انت مين

علي مسكة من شعره وسحب سلك التيلفون الارضي ولفة حوالين بوق عماد قبل ما يصرخ ويطلب النجدة وفعلا سلك التيلفون منع عماد من انه يصرخ وبعد كدة راح بي ناحية البالكونة الموجودة في الاوضة وفتح علي باب البالكونة وزق عماد ناحية سور البالكونة وقال وهو بيقرب منه

عايز تعرف انا مين انا ملك الموت اللي جاي يقبض روحك

حاول عماد يصرخ لكن علي ضربه وبمنتهي القوة بالقلم علي خدة ومن قوة الضربة عماد اختل توازنة ووقع علي الارض وهو بيقع دماغة اتخبطت في السور الحديد اتفتحت والدم بدا ينزل منها بغزارة وبسرعة و علي راح ناحية ايد عماد وكسرها بمنتهي العنف ولسة علي هيتكلم ويعرف عماد بنفسه ويهددة بانه لو قرب من فرح هيكسر رقبته رجع وقرر يسكت خاف علي بنته ل عماد يعمل فيها حاجة وقال بتهديد واضح وصريح

يطلع النهار عليك وانت مش في مرسي علم فاهم ولا لا

عماد كان بيترعش من الخوف وقت ما علي داس برجلية علي ايد عماد المكسورة وصرخ عماد صرخة مكتومة صرخة كلها وجع وهز دماغة طالب الرحمة وبدا يعيط زي النسوان و علي شاف كدة سابه وخرج من الاوضة وسابه برة في البالكونة وقفل عليه من جوة وبمجرد ما علي خرج من الاوضة راح عماد ناحية ازاز البالكونة وفضل يخبط عليه علشان عصفور يصحي وفعلا صحي عصفور وفتح عيونه بالعافية ما هو كمية المخدرات اللي بياخدها تخلي ينام زي القتيل وشاف عصفور عماد محبوس وراء ازاز البالكونة راح بسرعة ناحية الازاز وفتحة وقال

مين اللي عمل فيك كدة

عماد شال سلك التيلفون من فوق بوقة وقال

انت لسة هتسال اجري بسرعة وهات لي ابن الكلب اللي عمل فيا كدة

عصفور

اجري وراء مين هو انا اعرف شكله

عماد بصعوبه من شدة الوجع

خلي بتاع الكاميرات يوريك مين اللي لسة خارج من اوضتنا وازاي دة دخل علينا واحنا نائيمين

ولسة هيخرج عصفور دخل الهاوس كيبن ومعه ورقة وقال

مين فيكم عماد

قال عماد

انا عماد

الهاوس كيبن

في حد باعت لك الورقة دي

بص عماد ل عصفور وقال

خد الورقة شوف مكتوب فيها اية

مسك عصفور الورقة وبص فيها واستغرب من اللي مكتوب وفضل ساكت عماد شاف ملامح وشة اللي اتغيرت وقال

ما تنطق مكتوب اية

عصفور

انا قولت لك يطلع عليك النهار ما تكنش في مرسي علم لكن طالما انت عايز تدور عليه وتعرف انا مين ف انا بقول لك قدامك ساعة واحدة لو شوفتك بعديها في مرسي علم هترجع ل اهلك في تابوت

وطبق عصفور الورقة وبان الخوف علي وش عماد لكنه حاول يبان متماسك وقال عصفور

ازاي المجنون دة يهددك بالقتل هو ما يعرفش انت ابن مين

عماد

مين دة وعمل فيا لية كدة

عصفور

مش دة المهم المهم دلوقتي هتفضل هنا بعد اللي اتقال دة

عماد

لا انا همشي ولما اوصل القاهرة هعرف مين دة وهعرف ازاي اجيب حقي منه بس في الاول وديني المستشفي علشان يجبسوا لي ايدي ويخيطو الجرح اللي في دماغي دة ،،،،،،،

وبعدها بشوية كان علي واقف قصاد الفندق وكان بيبص في ساعته وقت ما شاف عصفور وعماد خارجين من الفندق بشنطهم واتاكد انه مسافر وبعدها رجع المستشفي المحجوزة فيها بنته ودخل الاوضة اللي هي فيها واول ما شافته قالت

كنت فين يا بابا دة كله

علي

كنت بربي اللي ناس تربيه

فرح اتخضت وخافت علي ابوها وقالت

بابا انت عملت اية ل عماد

علي

كسرت له الايد اللي اتمدت عليكي

شروق

احسن جدع يا عمو

فرح

بس دة عيل مؤذي وكله شر وامه وزيرة وابوة لواء

علي

والله لو ابن مين طالما قليل الرباية يبقي لازم يتربي

فرح

طيب يا بابا انا عايزا ارجع معاك القاهرة

علي

ما فيش رجوع القاهرة احنا هنكمل الرحلة

شروق

والله يا عمو انت زي القمر وكلامك حلو زيك

علي ابتسم

والله ما حد قمر غيرك انتي وصاحبتك اللي هي بنتي

فرح

بس انا ما ليش نفس اكمل الرحلة بعد اللي حصل دة

علي

فرح ما تخليش اي حاجة في الدنيا مهما كانت هي اية تبوظ لك فرحتك طول ما انا عايش انتي هتكملي الرحلة وانا هكون ليكي بودي جارد وعايز حد يفكر بس يبص لك

رغرغت عيون فرح بالدموع وقامت نطت من فوق السرير واترمت في حضن ابوها وهي بتقول

انا بحبك اوي يا بابا

طبطب عليها علي وفرح ل فرحتها وقال

عايز يبقي عندك ثبات انفعالي علشان نتحكم في نوبات الصرع

فرح

حاضر

علي

واياك مامتك تعرف باللي حصل

فرح

اكيد طبعا ،،،،،،،،،

وفعلا كملت فرح الرحلة وكان علي بيتفرج عليها من بعيد وفرحان بفرحتها وهي رايحة وجاية وماكنش يعرف باللي بيحصل في القاهرة وبالتحديد جوة قصر الوزيرة عفاف حاتم اللي كانت جوة مكتبها ومعلقة عصفور من رجليه في سقف الاوضة وهو بيطلب الرحمة ووشة كله دم وعيونه ورمة من الضرب وكان بيقول

والله ما اعرف مين اللي عمل في كدة انا كنت نايم وقتها

كانت قاعدة عفاف بجبروت شديد وقت ما كان عصفور بيقول الجملة دي وحوالين منها تلاته بودي جارد بتدفع لهم مرتب خاص من جيبها لحمايتها ودول غير الحرس اللي معاها بامر من الحكومة

ونرجع ل عفاف اللي قامت وقفت وراحت ناحيتة ووقفت قدام منه بالظبط وهو كان مرعوب وخايف من اللي هتعمله في وفجاة مسكت شعرة وقالت

انت عارف اني لغاية دلوقتي مش عايزا ادوس عليك جامد علشان انت عيل صغير وصعبان عليه

وشدت شعره وبصت في عيونه وقالت

بس اكتر من كدة هحزن عليك اهلك فاهم ولا لا

عصفور

والله ما ليا دعوي باللي حصل دة واسالي عماد

عفاف

انت باين عليك مش عايز ترحم نفسك

ورجعت ل مكتبها وفتحت الدرج وطلعت سلاح حاد لي سن معدن مدبب كان بيلمع تحت ضوء النجفة وقربت من عصفور وفي ايدها الاله دي اترعب عصفور وقال

هتعملي فيا اية بالسلاح اللي في ايدك دة

عفاف

هفقع لك عينيك طالما ما شوفتش بيهم اللي اذي ابني

وقربت اكتر وقالت

اصلهم كدة مايبقاش ليهم لزمة

وقربت اكتر واكتر والسن المعدن بقي بينه وبين عين عصفور اليمين حوالي 2 سم هنا اتفتح باب المكتب ودخل رجل نحيف وطويل ورغم كدة تبان عليه الهيبة ودة يبقي اللواء نور الشامي اللي شاف مراته وهي عايزا تفقع عين عصفور فقال بعصبية

اية التهريج والاجرام اللي بيحصل في بيتي دة احنا فين في وكر مجرمين

وبص للبودي جاردات وقال

نزلو

عفاف

ينزلو ازاي انت ما تعرفش اية اللي حصل ل ابنك والواد دة كان معه في الاوضة وانا شاكة انه هو اللي فتح باب الاوضة للمجرم اللي كسر ايد ابننا

بص لها نور في عيونها وقال

ابنك هو اللي اتصل بيا علشان اجي الحق صاحبة من ايدك تفتكري لو ابنك شاكك في صاحبة ولو واحد في المية كان اتصل بيا علشان اجي الحقة

عفاف

ابني لسة عيل وما يعرفش ان الاذية ديما بتيجي من اقرب الناس لينا

نور

مش لازم الناس كلها تكون زي ابوكي اللي خان امك قدام عينيكي ودة اللي خلاكي قاسية بالشكل دة

عفاف احرجت وبصت للبودي جاردات وبصت ل نور بغضب شديد لكنها ما ردتش وخرجت من اوضة المكتب وهي متعصبة ورجع بص نور تاني للبودي جاردات وقال بحدة

قولت نزلو

وفعلا نزلو و نور راح يطمئن عليه بنفسه ويشوف الجروح اللي في وشة وقال

انا بتأسف لك ودلوقتي هتركب العربية مع السواق بتاعي ويوديك ل اقرب مستشفي ومش هتخرج الا وانت سليم ومتعافي وانا عارف ومصدق انك ما تعرفش مين عمل كدة في ابني بس علي الاقل تعرف لية حصل كدة في ابني انت كنت معه في الرحلة

عصفور

ما حصلش اي حاجة كل حاجة كانت طبيعية ما عرفش مين عمل كدة وعمل كدة لية

بص له نور اوي وقال

يعني يضرب وتتكسر ايدة كدة من غير سبب لا وكمان خليت بتوع الفندق يرجعوا الكاميرات يقولو انها كانت عطلانه في الدور دة وبفعل فاعل مش شايف انها غريبة شوية

وحس عصفور انه لازم يقول للواء علي الخناقة اللي حصلت بين عماد وفرح لكنه سكت لما اتردد في ودانه صوت عماد بيقول

ومهما حصل وبابا وماما حاولو يعرفو منك اللي حصل في الرحلة اوعي تقول اني عملت مشكلة مع اي حد علشان وقتها بابا هيحرمني من الخروج نهائي لانه مشاكلي كترت وهو قرف مني وجاب اخره انت عارف بابا ما بيحبش الحال المايل وبيكره كل اللي انا بعمله

لاحظ نور سرحان عصفور فحط ايدة علي كتفة من فوق وقال

روحت مني فين

اتفزع عصفور وقال

بحاول افتكر يا باشا اللي حصل في الرحلة

نور

معقوله تكون نسبت دة انتو لسة مسافرين مافيش يومين

عصفور

انا بنسي يا باشا

نور برق ل عصفور وقال

بتنسي ولا عماد قال لك تخبي عليه قلة الادب اللي بيعملها مع بنات الناس ماهو ابني وانا عارف انه مش بعيد يكون عاكس واحدة علي الشاطئ واهلها كسروا بسبب كدة

بلع عصفور ريقة ونور هز دماغه وقال

روح دلوقتي المستشفي ولما تحب تحكي انت عارف مكتبي فين وهتعرف ازاي توصلي بس نصيحة تعالي احكي انت قبل ما انا اللي اجييك واخليك تحكي بمعرفتي

كان عصفور واقف زي المبلول وخايف من اللي جاي لكن نور قاله

روح

وخرج عصفور من المكتب ونور قعد علي الكرسي وقال

واخرتها اية معاك يا عماد ذنوبك كترت معايا وشكلي كدة هرجع اربيك من جديد،،،

في نفس الوقت كان عماد في اوضة وبيكلم عصفور علي موبيلة وعصفور حكي له كل اللي حصل وقال عماد

مش مهم الضرب وشك هيخف ولما اشوفك هبقي اديك فلوس تنسي بيهم اللي عملته فيك امي لكن المهم ان بابا ما يحرمنيش من الخروج والفسح

عصفور

بس الباشا ناوي لك وناوي لي علي نية سوداء وقالي هستناك في مكتبي تيجي تحكي لي اللي حصل

عماد

هينسي زي كل مرة بتيجي من وريا مشكلة بابا شغله كتير وماما زيه ما حدش فاضي لي واقفل بقي علشان انا صدعت

وقفل عماد المكالمة ورمي الموبيل جنب منه وفرد طهرة علي السرير لكنه فضل يفرك من الزهق وقال

انا ما بحبش قاعدة البيت دي لازم اتسلي وما فيش احلي من فرح اتسلي عليها

وطلع موبيله ودخل علي الفيديوهات اللي سجلتها الكاميرات اللي زرعها في اوضة شروق وفرح وفضل يجري في الفيديوهات ويتفرج علي فرح لغاية ما وصل ل فيديو كان في علي قاعد مع بنته وبيلعب معها كوتشينة عمل زووم علي وش علي وقلبه دق كل دقات الغضب وافتكر علي واللي عمله في وقال

انت طلعت تبع فرح دة ليلة امك وامها سوداء ،،،،،،،،

ويجي الليل وفاتن مع بناتها الاثنين لوحديهم في البيت لان علي في الشغل وهيرجع متاخر وقت ما سمعوا باب الفيلا بيخبط راحت فرح تفتح باب الفيلا لقت قصاد منها عماد اتصدمت وقالت

انت

دخل عماد وقفل الباب وراء منه وضرب فرح بالرجل في بطنها وقعت علي الارض ودخل وقفل الباب وراء منه ،،،،،،،،،،،،

انت

دخل عماد وقفل الباب وراء منه وضرب فرح بالرجل في بطنها وقعت علي الارض ودخل وقفل الباب وراء منه

عيلة الراوي

الحلقة الرابعة

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

بعد ما ضرب عماد فرح بالرجل في بطنها وقفل الباب وراء منه صرخت فرح وطلعت فاتن ومعها شيماء جري من اوضتهم وشافت فاتن عماد بيقرب من بنتها اللي قامت وجريت ناحية امها واستخبت وراء منها وقالت

الحقيني يا ماما

بصت فاتن ل عماد بغضب شديد وقالت

انت مين ودخلت هنا ازاي

عماد

انا اللي بنتك سلطت علية واحد بلطجي كسر لي ايدي ومش هخرج من هنا الا لما توصليني لي ويركع تحت رجلي طالب مني الرحمة دة انا ابن اللواء نور ولو ما تعرفوش مين هو اللواء نور يبقي جه الوقت تعرفو

فاتن بعصبية

انت مالك بتتكلم لية كدة وتعرف بنتي منين وتقصد اية باني بنتي سلطت عليك اللي يكسر ايدك

عماد طلع موبيلة وفتح الفيديو اللي متسجل من جوة الاوضة وفي علي قاعد مع فرح علي السرير وشغل الفيديو وخلي قصاد عيون فاتن وقال

اقصد دة

اتصدمت فاتن وبرقت فرح وخرجت من وراء امها وقالت

دي الاوضة اللي كانت في الفندق

وهجمت علي عماد وهي بتقول

انت كنت بتصورنا يا واطي يا خسيس

زقها عماد بعيد عنه وقال

انا بصراحة ما كنتش عايزك انتي كنت عايز صاحبتك شروق انما لما شوفت جسمك الابيض اتجننت بيكي وبجمالك ونسيت شروق وعندي صور وفيديوهات كتير حلال عليكي خديهم بس وصليني للراجل اللي معاكي دة علشان اربي انما هو مين دة ويقرب لك اية ولما انتي حلوة كدة وليكي في الرجاله الكبيرة في السن تحبي اصيغ شعري ابيض واحاول معاكي تاني

ضربته فرح بايدها اليمين والشمال وهي زي المجنونه وفضلت تقول

يا واطي يا ابن الكلب

زقها عماد تاني بعيد عنه وبدات اعراض التشجنات تبان لكن فرح بدات تضغط علي اسنانها وتتحكم في انفعالها وقت ما فاتن كانت بتحاول تاخد الموبيل من ايد عماد اللي زقها هي كمان وقعت علي الارض ورجليها بانت قرب منها عماد وقال

انا صحيح بايد واحدة بس اعرف ابسطك واركن بنتك شوية

وقرب عماد من فاتن وقرب اوي وفاتن قامت وهو لف ايدة حوالين منها وشيماء بدات تضرب في وهي بتقول

سيب ماما ابعد عنها

عماد

عرفوني اوصل ازاي للي في الفيديو دة وانا ارحمكم

فاتن بتحاول تبعدة عنها

ابعد يا زباله

كل دة بيحصل والنوبة بتسيطر علي فرح والتشجنات بتزيد وفرح واقفة ساندة ظهرها في الحيطة مش عايزا تضعف وعايزا تلحق امها وصرخت فرح وباعلي صوتها وجسمها كله بيتشنج ومسكت بتحفة معدن دي اول حاجة جت في ايدها وراحت ناحية عماد اللي كان مديها ظهرة لانه بيعتدي علي فاتن وضربته علي دماغة من وراء نزف ووقع علي الارض غرقان في دمة والتشنجات بتزيد وهي بتضرب عماد بالتحفة في دماغة ضربه والتانية والتالتة لغاية ما بقي عماد جثة هامدة منظر الدم خلص علي شوية المقاومة اللي كانت عند فرح وبدات اعراض النوبة تضرب كل خلايا فرح ،،،،،،،،،،

بعد اللي حصل دة ب ساعة فرح علي سريرها وفاتن جنب منها علي وشيماء وفرح بصت لهم وقامت اترمت في حضن ابوها وهي بتقول

والله ما عرفش انا ازاي عملت كدة كان غصب عني ما استحملتش اشوفه بيتهجم علي امي وكمان دة صورني وانا في الاوضة

علي طبطب عليها وقال

عايزك تهدي

فرح وهي بتترعش وبتبص ل ايدها

انا قتلت مش عارفة ازاي بس انا عملت كدة فعلا انا مرعوبه وخايفة

فاتن

فرح متخافيش احنا كنا في بيتنا وهو اللي اتهجم علينا وكان عايز ياذينا

علي

وتفتكري ان الوزيرة وابوة اللواء هيخلوها تخلص دفاع عن النفس وتسوء صورة ابنهم قصاد كل الناس

فاتن

يعني اية دي الكاميرات مصورة وهو داخل فيلتنا

علي

وبرضو الكاميرات صورتكم وانتم بتفتحوا الباب لي مش كسر الباب ودخل بالقوة

فاتن

دة اتهجم عليا

علي

اية دليلك في كاميرا صورت التعدي دة

فاتن

انت لية بتعقدها يا علي

علي

هي اصلا متعقدة ولازم الفترة الجاية ناخد بالنا اوي من كل خطوة هنخطيها علشان نطلع من المطب دة علي خير والا الاعدام هيكون مصيرنا

فاتن اترعبت من الجملة وقالت

والجثة اللي برة دي هنعمل فيها اية

علي

هندفنها ،،،،،،،

ويتبدل المشهد ونشوف علي في حديقة الفيلا وواقف قصاد حفرة وبيرمي في الحفرة دي جثة عماد وفاتن بتبص عليه من وراء ازاز احدي شبابيك الاوض وجنب منها بناتها شيماء وفرح اللي كانت متوترة جدا وبتقول

انا السبب في كل دة يا رتني ما كنت روحت الرحلة السوداء دي

فاتن خدتها في حضنها وقالت

ملهوش لزوم الكلام دة خلاص اللي حصل حصل وزي ما علي قال لازم علشان نطلع من المطب دة علي خير نحافظ علي الثبات الانفعالي لينا

وبصت لبناتها الاثنين بتركيز شديد وقالت

الغلطة ممنوعة احنا ما نعرفش الايام اللي جاية مخبيئة اية

ورجعت فاتن تبص من وراء ازاز الشباك تاني علي علي اللي كان بيردم التراب فوق جثة عادل ،،،،،،،

ومع اذان الفجر من جوة قصر اللواء نور كانت عفاف حاطة الموبيل علي ودانها وبتقول

زي ما بقول لك كدة ابنك خرج وما عرفش راح فين وما رجعش لغاية دلوقتي

نور

هتلاقي بايت عن حد من صحابه

عفاف

هيبات برة من غير ما يعرفني او يعرفك دة عمره ما عملها

نور

طيب يا عفاف عايزاني اعمل اية دلوقتي انتي عارفة في الجبل عندي مطاردة وراء ارهابيين

عفاف بعصبية

هي المطاردة دي اهم من ابنك اللي مانعرفش هو فين

نور بعصبية اكتر

ايوة اهم ابنك صايع وعادي يكون راح هنا ولا هنا وانتي ما تعرفيش ما هي مش اول مرة يخرج من غير ما يقول

عفاف

بيخرج ويرجع لكن دي اول مرة يقعد للوقت دة برة وكمان موبيلة مقفول وبعدين انت بتحاسبني لوحدي علي الحال اللي وصله ابننا هو اية كان ابني ل وحدي

نور

عفاف مش وقته ممكن تقفلي خليني اشوف شغلي

وخلصت المكالمة وعفاف رمت الموبيل جنب منها بزهق وقرف وبصت في ساعة الحائط اللي كانت قدام منها ولقتها داخلة علي 4،5 ص وقالت

بس لما ترجع يا عماد علشان اظاهر ان دلعي ليك بوظك ،،،،،،،،،

ونرجع ل علي ومراته اللي كان فارد طهرة السرير وباصص لسقف الاوضة بيفكر في اللي جاي وجنب منه فاتن حالها ما يختلفش عن حاله لكن فاتن ما استحملتش السكوت اكتر من كدة وقررت تتكلم وقالت

تفتكر ان اللي احنا عاملنا دة صح

علي وهو لسة باصص للسقف قال

ما عرفش بس ما عنديش استعداد اغامر بيكم واعترف باللي حصل وبدل ما المحكمة تحكم بالبراءة ل بنتي لانها كانت بدافع عن نفسها الاقيها واخدة اعدام علشان اللي اتهجم علينا ابن ناس تقيلة في البلد

فاتن

انت برضو علي الراوي ومش قليل في البلد

علي

انا ولا حاجة قصاد النظام والحكومة ولما شرف بنتي يتحط في كفة قصاد عماد وعيلته الكف التانية هي اللي هطب

فاتن

نثبت للناس انه كان حاطط كاميرات وبيصور بنتين في اوضة نوم جوة فندق

علي ابتسم

سهل اوي يتقال انه مش هو اللي عمل كدة

فاتن

يعني هنعيش في الرعب والقلق دة كتير

علي

ربنا كريم يحلها من عنده

فاتن

علي انا خايفة اوي

خدها علي في حضنه وقال

متخافيش انا هعمل كل اللي اقدر عليه علشان احميكم دة دوري ولازم اكون قدة،،،

بعد اللي حصل دة بيومين والدنيا طبعا اتقلبت وماحدش عرف عماد فين يحصل اخر شئ كان ممكن يتوقعه علي خلت الدنيا كلها تنقلب عليه وهو ان،،،،،،،،،،،،،،،،

انت

دخل عماد وقفل الباب وراء منه وضرب فرح بالرجل في بطنها وقعت علي الارض ودخل وقفل الباب وراء منه

عيلة الراوي

الحلقة الرابعة

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

الحقيني يا ماما

بصت فاتن ل عماد بغضب شديد وقالت

انت مين ودخلت هنا ازاي

عماد

فاتن بعصبية

انت مالك بتتكلم لية كدة وتعرف بنتي منين وتقصد اية باني بنتي سلطت عليك اللي يكسر ايدك

اقصد دة

اتصدمت فاتن وبرقت فرح وخرجت من وراء امها وقالت

دي الاوضة اللي كانت في الفندق

وهجمت علي عماد وهي بتقول

انت كنت بتصورنا يا واطي يا خسيس

زقها عماد بعيد عنه وقال

ضربته فرح بايدها اليمين والشمال وهي زي المجنونه وفضلت تقول

يا واطي يا ابن الكلب

انا صحيح بايد واحدة بس اعرف ابسطك واركن بنتك شوية

وقرب عماد من فاتن وقرب اوي وفاتن قامت وهو لف ايدة حوالين منها وشيماء بدات تضرب في وهي بتقول

سيب ماما ابعد عنها

عماد

عرفوني اوصل ازاي للي في الفيديو دة وانا ارحمكم

فاتن بتحاول تبعدة عنها

ابعد يا زباله

بعد اللي حصل دة ب ساعة فرح علي سريرها وفاتن جنب منها علي وشيماء وفرح بصت لهم وقامت اترمت في حضن ابوها وهي بتقول

والله ما عرفش انا ازاي عملت كدة كان غصب عني ما استحملتش اشوفه بيتهجم علي امي وكمان دة صورني وانا في الاوضة

علي طبطب عليها وقال

عايزك تهدي

فرح وهي بتترعش وبتبص ل ايدها

انا قتلت مش عارفة ازاي بس انا عملت كدة فعلا انا مرعوبه وخايفة

فاتن

فرح متخافيش احنا كنا في بيتنا وهو اللي اتهجم علينا وكان عايز ياذينا

علي

وتفتكري ان الوزيرة وابوة اللواء هيخلوها تخلص دفاع عن النفس وتسوء صورة ابنهم قصاد كل الناس

فاتن

يعني اية دي الكاميرات مصورة وهو داخل فيلتنا

علي

وبرضو الكاميرات صورتكم وانتم بتفتحوا الباب لي مش كسر الباب ودخل بالقوة

فاتن

دة اتهجم عليا

علي

اية دليلك في كاميرا صورت التعدي دة

فاتن

انت لية بتعقدها يا علي

علي

فاتن اترعبت من الجملة وقالت

والجثة اللي برة دي هنعمل فيها اية

علي

هندفنها ،،،،،،،

انا السبب في كل دة يا رتني ما كنت روحت الرحلة السوداء دي

فاتن خدتها في حضنها وقالت

وبصت لبناتها الاثنين بتركيز شديد وقالت

الغلطة ممنوعة احنا ما نعرفش الايام اللي جاية مخبيئة اية

ورجعت فاتن تبص من وراء ازاز الشباك تاني علي علي اللي كان بيردم التراب فوق جثة عادل ،،،،،،،

ومع اذان الفجر من جوة قصر اللواء نور كانت عفاف حاطة الموبيل علي ودانها وبتقول

زي ما بقول لك كدة ابنك خرج وما عرفش راح فين وما رجعش لغاية دلوقتي

نور

هتلاقي بايت عن حد من صحابه

عفاف

هيبات برة من غير ما يعرفني او يعرفك دة عمره ما عملها

نور

طيب يا عفاف عايزاني اعمل اية دلوقتي انتي عارفة في الجبل عندي مطاردة وراء ارهابيين

عفاف بعصبية

هي المطاردة دي اهم من ابنك اللي مانعرفش هو فين

نور بعصبية اكتر

ايوة اهم ابنك صايع وعادي يكون راح هنا ولا هنا وانتي ما تعرفيش ما هي مش اول مرة يخرج من غير ما يقول

عفاف

نور

عفاف مش وقته ممكن تقفلي خليني اشوف شغلي

بس لما ترجع يا عماد علشان اظاهر ان دلعي ليك بوظك ،،،،،،،،،

تفتكر ان اللي احنا عاملنا دة صح

علي وهو لسة باصص للسقف قال

فاتن

انت برضو علي الراوي ومش قليل في البلد

علي

انا ولا حاجة قصاد النظام والحكومة ولما شرف بنتي يتحط في كفة قصاد عماد وعيلته الكف التانية هي اللي هطب

فاتن

نثبت للناس انه كان حاطط كاميرات وبيصور بنتين في اوضة نوم جوة فندق

علي ابتسم

سهل اوي يتقال انه مش هو اللي عمل كدة

فاتن

يعني هنعيش في الرعب والقلق دة كتير

علي

ربنا كريم يحلها من عنده

فاتن

علي انا خايفة اوي

خدها علي في حضنه وقال

متخافيش انا هعمل كل اللي اقدر عليه علشان احميكم دة دوري ولازم اكون قدة،،،

بعد اللي حصل دة بيومين والدنيا طبعا اتقلبت وماحدش عرف عماد فين يحصل اخر شئ كان ممكن يتوقعه علي خلت الدنيا كلها تنقلب عليه وهو ان

عيلة الراوي

الحلقة الخامسة

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

اية بقي اللي حصل وخليت الدنيا تنقلب تعالو اقول لكم في يوم علي كان قاعد في مكتبه وماسك موبيلة وبيتابع كل اللي بيحصل وبيتقال في قضية اختفاء عماد وقتها وقف قصاد منه مساعدة وصديقة الوحيد ومدير مكتبه خيري وبص له وقال

علي هتفضل قاعد كدة كتير

بص له علي وقال

في اية يا خيري

خيري

في انك ما بقتش مركز في الفيلم الاخير لينا وديما سرحان مع الفيس وتويتر ودي ما كنتش طبيعتك

في نفس الوقت كان في دق وتكسير بيحصل جنب المكتب فقال علي

هما لسة بيكسروا في حيطان القسم اللي جنب مننا

خيري

ما انت عارف انهم بيجددو وبيعملو في توسعيات كتيرة وبعدين دة مش موضوعنا انا بكلمك في حالك اللي اتغير من يومين وما بقتش علي اللي انا اعرفه

علي

عندي ظروف كدة مخل،،،،،،،،

ويسكت علي لما يسمع صوت سرينه الشرطة تحت العمارة اللي فيها مكتبه قام علي بسرعة وقلبه بيدق وبص من شباك مكتبه وشاف اتنين ظباط وراء منهم اربع عساكر بيدخلو العمارة بص علي ل خيري اللي قال

في اية

علي

دة البوليس

خيري

طيب وانت مالك قلقان لية كدة

علي رجع قعد علي مكتبه وقال بعد ما اتنهد

وهقلق من اية بس انا مستغرب دول داخلين العمارة ل مين

ويسمعوا صوت خبط علي باب المكتب بصو الاثنين للباب اللي اتفتح ودخل الظابط ووراء منه العساكر وبص لهم وقال

مين فيكم علي الراوي

غربت عيون علي واتاكد ان اللي فات كوم واللي جاي كوم تاني ،،،،،،،،،،

من جوة مكتب اللواء نور يقف الهاوس كيبن اللي فتح ل علي الباب وقت ما علي دخل وكسر ايد عماد وكان الهاوس كيين دة اسمه سعيد وكان سعيد بيشاور ناحية علي اللي قاعد قصاد نور علي مكتب وقال سعيد

هو دة يا باشا اللي انا فتحت له

علي بثبات انفعالي

انا مش فاهم حاجة ممكن افهم في اية بالظبط

نور قال ل سعيد

اخرج انت دلوقتي

وفعلا خرج سعيد ونور بص ل علي وقال

انا ماليش اني احقق معاك دة شغل ظياط المياحث وانا اكبر من كدة لكن القضية تخص ابني اللي مختفي من يومين بالظبط وقبل ما يختفي في حد كسر له ايدة وفتح له دماغة ووارد ان اللي عمل كدة عمل كدة علشان ابني غلط

وسكت نور لكام ثانية وكان بيبص في عيون علي بتركيز شديد وهو بيكمل وبيقول

في بنته فرح

ابتسم علي ابتسامة خفيفة وقال

ما حدش يعرف يغلط في بنتي ولو كان فعلا ابن حضرتك غلط ف انا كنت جيت القسم وقدمت بلاغ في وهاكون وقتها متاكد انك انت اول واحد هترفض الغلط اللي عملو ابنك انما ادخل واكسر ايده دي بلطجة انا ما عرفش اعملها لو حضرتك ما تعرفنيش ف انا علي عبد الرحمن الراوي منتج سينمائي ليا اسمي وخريج اعلام وابن راجل اعمال معروف في البلد

نور

كل الكلام دة جميل انما اية اللي وداك مرسي علم

علي

بنتي كانت هناك في رحلة تبع المدرسة وعرفت انها تعبت وجت لها نوبه الصرع وعلشان كدة سافرت

نور

الف سلامة عليها

علي

الله يسلمك

نور

يعني انت مسافر ل بنتك دخلت لية اوضة ابني

علي

غلط في الاوضة مش اكتر وبمجرد ما وشوفت اتنين شباب نايمين خرجت بسرعة

نور

ولما انت رايح ل بنتك زي ما انت بتقول لية قولت ل سعيد بتاع الهوس كيبن يفتح لك اوضة ابني علي اساس انك نسيت الماستر كين بتاعي

علي

ما كنش هيرضي يفتح لي اي اوضة الا لما اقول له كدة مش طبيعي يعني اقول افتح لي اوضة في بنتين علشان بنتي واحدة منهم وهيرضي

نور

كنت اتصلت ببنتك وخلتها هي اللي تفتح لك الباب

علي

كنت عايز اعملها مفاجاة واشوفها وهي تعبانه علشان لما امنعها من السفر تاني ما تقدرش تقاوحني انت عارف بقي السن دة بيبقي عنيد ازاي وما بيسمعش الكلام

نور بص ل علي بزهق اللي كانت كل ردوده مقنعه ومنظمة وما فيش اي ارتباك وهنا نور قام وقف وقال

انت عرفت ان قبل ما ابني ايدة تتكسر حصلت مشكلة وخناقة كبيرة بينه وبين بنتك علي الشاطئ

عمل علي نفسه مستغرب وقال

ولية بس كدة دة علي حسب ما عرفت من بنتي انهم زمايل

نور وهو بيقعد علي الكرسي اللي قدام علي بالظبط قال

يعني بنتك ماحكتش ليك انه عاكسها

علي

ما فيش بت هتيجي تقول ل ابوها علي كل اللي بيعكسوها اصل اللي ما تربوش كتير

اتعصب نور لكنه كتم عصبيته وقال

معاك حق وانا بعترف لك اني قصرت في تربيه ابني وكان لازم اربي

بص له علي وما علقش فقال نور

فين عماد

علي

ما تزعلش مني حضرتك ابوه وما تعرفش هو فين تفتكر انا اللي هاعرف

نور

معاك حق

علي

حضرتك عايزني في حاجة تاني

نور

لا تقدر تمشي

قام علي ولسة هيمشي مسك نور ايدة وقال

عرفت ان الكاميرات اتعطلت في الدور اللي كان في ابني وقت ما اضرب

علي

معلومة زي دي ملهاش لزمة عندي

نور

ازاي بس دة انت راجل بتاع سينما والكاميرات دي لعبتك وتعرف ازاي تشغلها وازاي تعطلها

علي

دي شغله مدير التصوير انما انا لا

نور

طيب قبل ما تمشي هيتعمل لك فيش وتشبية

علي

بس ميعاد تجديد البطاقة بتاعتي مش السنة دي

نور

الفيش دة مش علشان البطاقة دة علي علشان القضية

علي

هو انا متهم

نور

لغاية دلوقتي لا بس انت جوة دايرة الشك ونصيحة لو ليك حق عند ابني عرفني وانا اقسم لك اني هجيب لك حقك انما لو طلع ليك يد في اختفاء ابني ما تزعلش من اللي انا هعمله فيك

علي

أعمل الفيش فين ،،،،،،،،،

ويتغير المشهد ونشوف علي قاعد مع فاتن وفرح بعد ما حكي لهم علي اللي حصل وقالت فاتن

ورضيت لية بس تعمل الفيش دة انت دخلت الاوضة واكيد هيشوفو بصماتك فيها

علي

تفتكري اني هروح لغاية اوضة عماد من غير ما اعمل حسابي لعقدة زي دي

فرح

يعني انت اللي عطلت الكاميرات

علي

طبعا

فرح

ازاي وامتي

علي

بعد ما عرفت باللي حصل لك وان عماد دة مد ايدة عليكي خرجت من المستشفي وانا زي المجنون بس لازم وانت في وقت جنانك نحكم العقل والا الجنانك هيسوقك للتهور ووقتها ما حدش هيخسر زيك ودة اللي حصل وصلت عند الفندق وفكرت وقررت اني اعلم الواد دة الادب ومن غير اي دليل يتاخد عليه ما هو برضو مش اي عيل وصلت لغرفة التحكم وبالفلوس قدرت اخلي بتاع الامن اللي في غرفة المراقبة يعطل الكاميرات لمدة 10 دقائق ودخلت وانا خارج من الاوضة مسحت اي بصمة ليا جوة الاوضة علشان ما يكنش ورايا اي دليل يديني

فاتن

وتفتكر انها كدة خلصت

علي

خلصت اية بس دة احنا لسة بنبتدي

فرح

وهما يعني في ايدهم اية تاني يعملو

علي

يسالوكي عن اللي حصل وبعدين يسالو صاحبتك وكل اللي شاف خناقتك مع عماد

فاتن

يسالو هيلاقو الكلام كله زي بعضة

علي

مش شرط لكن لازم نخلي الكلام كله زي بعضة والاهم اننا نوصل للكاميرات اللي زرعها عماد في الاوضة علشان نشالها

فرح

لية

علي

وجود الكاميرات دي في الاوضة دليل ادانة ضدنا وبنثبت اننا اكتر ناس لينا مصلحة في قتل عماد لان اي خبير من البحث الجنائي هيوصل للكاميرات هيقدر يفرغ اللي سجلته الكاميرات وهيعرف اننا اكتر ناس لينا مصلحة في اختفاء عماد وقتله

في الوقت دة تصرخ شيماء وكانت الصرخة جاية من اوضتها جريو كلهم ناحية اوضة شيماء علشان يلاقوها واقفة عند شباك اوضتها وبتبص ناحية اللي واقف عند الشجرة اللي اندفن تحت منها عماد واتصدموا كلهم لما شافو اللي واقف عند الشجرة لان اللي كان واقف يبقي

عيلة الراوي

الحلقة السادسة

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

لان اللي كان واقف عند الشجرة الوزيرة عفاف ومعها اتنين بودي جارد فقالت فاتن ل علي

بتعمل اية دي هنا معقوله تكون عرفت مكان الجثة

علي

اهدي وحافظي علي ثباتك الانفعالي وبعدين هي هتعرف منين

فاتن بخوف شديد

اومال دي جاية لية دلوقتي وواقفة عند الشجرة

علي ما ردتش لانه كان باصص ناحية عفاف اللي بتمشي في جنينة الفيلا وبتقرب ناحية بابها الداخلي ورنت جرس الباب اتحرك علي مسكت فاتن ايدة وقالت

رايح فين

علي

هفتح لها

فاتن

لا

علي

لا ازاي يعني وهي شايفة النور منور في الفيلا كلها يعني احنا موجودين

فاتن

بلاش يا علي

علي بحدة

طريقتك دي اللي هتخلي اللي مايشكش فينا يشك

وراح علي يفتح الباب وفاتن اتحركت وراء منه وقالت لبناتها

خليكم هنا واقفلو الباب علي نفسكم واوعي حد فيكم يتحرك مفهوم

وخرجت فاتن من الاوضة وقفلت الباب وراء منها ،،،،،،،،

وبعدها بكام دقيقة كانت فاتن بتحط فنجان قهوة قصاد عفاف اللي كانت بتقول

تعبتك معايا

علي كان قاعد قصاد عفاف وقت ما بص ل فاتن اللي فضلت كام ثانية ساكتة قبل ما ترد

لا ابدا دة احنا مش مصدقين نفسنا ان الوزيرة عفاف حاتم في بيتنا

في الوقت دة بصت عفاف للبودي جارد اللي معاها وطلبت منهم باشارة من ايدها بانهم يخرجوا فعلا خرجوا وقفلو باب الفيلا وراء منهم وعفاف بصت ل علي وقالت

من بعد ما رحبت بيا وانت قاعد ساكت ومش بتتكلم

علي وهو باصص في عينيه بثبات انفعالي رهيب قال

بسال نفسي اية اللي يجيب حضرتك لبيتي في ميعاد زي دة

عفاف حطت فنجان القهوة علي شفايفها وشربت شوية بن وقالت

يعني انت مش عارف انا جاية لية لغاية هنا

علي

لو اعرف ما كنتش احترت

عفاف

وانا مش هخليك محتار كتير

وشربت عفاف كمان شوية من البن وعيونها في عيون علي وحطت الفنجان قصاد منها وقالت بصوت مخيف

عماد فين

ارتبكت فاتن وبصت لها عفاف قبل ما تسمع صوت علي بيقول

عماد ابن حضرتك ما عرفش عنه حاجة

عفاف بصت له وقالت

ارتباك مراتك يقول انك انت عارف عماد فين

علي بص ل فاتن وبرق لها و فاتن قالت

انا مش مرتبكة انا بس مستغربه الصبح جوزي يكون في المديرية بسبب عماد ودلوقتي حضرتك هنا بسبب عماد برضو هو انتم لية شاكين في ان علي ممكن يكون السبب في اختفاء عماد

عفاف

ما هو الطبيعي لما اب زيك يعرف بان بنته اتصورت عريانه اقل رد فعل هيكون موت اللي عمل كدة

واتقلب وش عفاف وهي بتقول

ودة اللي ما حبهوش يكون حصل والا ملك الموت هيحصد ارواح كتير قصاد روح ابني

علي ما اتهزش وقال

قبل التهديد ممكن اعرف تقصدي اية بان بنتي اتصورت عريانه ومين اللي عمل كدة

عفاف

يعني انت مش عارف

علي بابتسامة خفيفة

لو اعرف ما كنتش سالت

عفاف

طالما ما تعرفش اعرفك

وبصت عفاف ل فاتن وقالت

ممكن فنجان قهوة تاني اصل البن بتاعكم حلو اوي

فاتن بصت ل علي مش عارفة تمشي وتسيبة لوحدة مع عفاف ولا تقف تستني وتسمع باقي الكلام اللي جاية تقوله لكن علي قال

مستنيا اية سيادة الوزيرة طلبت قهوة

فاتن مشيت وهي علي عينها انا هتسييهم وعفاف قالت

بعد ما ابني اختفي فضلت ادور عليه في كل مكان ممكن يكون في وسالت عليه كل اصحابه وموصلتش لاي حاجة وقتها قررت افتح اللاب توب بتاعه يمكن اوصل لاي معلومة تعرفني هو فين ولقيت علي اللاب اخر شئ كنت ممكن اتوقعه حساب جيميل قدرت اعرف كلمة السر بتاعته ولقيت عليه فيديوهات ل بنتين في اوضة جوة فندق بنتك وواحدة صاحبتها اسمها شروق وكانو عريانين اتعصبت وعرفت انا قد اية قصرت في تربيته لكن كل شئ يتصلح وعندي استعداد اخلي يمسح كل الفيديوهات اللي اتصورت دي دة في حاله لو بنتك ما كنتش تعرف انها بتتصور وموافقة علي كدة

علي اتعصب وكتم عصبيته في صدرة وقال بهدوء شديد عكس البركان اللي جوة صدره

هو علشان حضرتك ما عرفتيش تربي فاكرة الكل ما بيعرفش يربي

اتعصبت اوي عفاف وقامت وقفت وهي بتقول

انت ازاي تتجراء وتقول الجملة دي

هنا خرجت فاتن خايفة علي جوزها اللي كان لسة قاعد وبيقول

سيادة الوزيرة ردي دة اقل رد يتقال علي كلام حضرتك

عفاف قربت منه وقالت بشر يرعب اي كائن حي

انت ما تعرفنيش رد عليه وقولي فين ابني

بص لها في عيونها بتحدي

ماعرفش وبعدين لية كلكم شاكين فيا ما هي شروق اللي اتصورت مع بنتي دي ليها اهل لية ما يكنش واحد منهم عرف وقرر يقتل ابنك وبصراحة هو يستاهل

عفاف

يعني انت شايف ان عماد يستاهل يموت يبقي انت اللي عملتها

علي

لو كنت عرفت بانه صور بنتي عريانه قبل ما يختفي كنت عملتها لكن ربنا رحمة مني

عفاف

وتفتكر اني كنت هسييك بعدها

علي

وانتي عرفتي تاخدي حق ابنك اللي اختفي من اللي عمل في كدة لما تهدديني انك مش هتسيبني بعدها كله بيقول المهم مين اللي ينفذ

عفاف برقت

بس انا مش بتاعت كلام وبس والايام هتثبت لك ولاخر مرة انت لو ليك علاقة باللي حصل ل ابني في مرسي علم وبعدها اختفائة انا مش هرحمك ل انت ولا عيلتك كلها

قالت عفاف الجملة دي وخرجت من الفيلا وهي متعصبة وراحت هي والبودي جارد ناحية عربيتها وكان فيها رجل في الاربعينات لابس بلطو ابيض اسمه تهامي بصت له وهي بتقول

عملت اية

تهامي

رفعت كل البصمات اللي علي بوابة الفيلا الخارجية وباب الفيلا الداخلي وبدا اقارن بينها وبين بصمات ابن حضرتك

عفاف

ولو لقيت بصمتة عندهم تبلغني ولو حتي وش الفجر

تهامي

تمام حضرتك

عفاف

انزل انت

ونزل تهامي من العربية وعفاف طلعت موبيلها واتصلت برقم واستني للحظات قبل ما تقول

عايزا كل معلومة تخص عيلة بنت اسمها شروق عبد الرحيم جابر وترد عليه في اسرع وقت ،،،،،،

في نفس الوقت كانت فرح بتقول ل ابوها

لية بس جبت سيرة شروق ل ست مفترية زي دي دة شروق غلبانه وملهاش في الدنيا الا امها بعدين تاذيها

علي بص لها وقال

ليها امها واخوها السوابق

اتصدمت فرح وحالها ما كنش يختلف عن حاله فاتن اللي قالت

من امتي شروق ليها اخوات لا وكمان سوابق

علي

من تاني يوم مات في عماد ما هو لازم نشتت الوزيرة واللواء

فاتن باستغراب شديد

انا مش فاهمة حاجة

علي

لما تكوني بتتخانقي مع حد اقوي منك ما ينفعش تضربي من قريب والا هيقدر عليكي وهيكسر عضمك لازم تضربي من بعيد علشان تقدري عليه ودة اللي انا بعمله دلوقتي بضرب من بعيد ل بعيد

فاتن

علي انت ناوي علي اية

علي

اخليهم بدل ما يفضلو شاكين فيا انا وبس يشكوا في غيري علشان اشتتهم دة حتي اخو شروق بكرة الصبح هيوصل المديرية ويقدم بلاغ في عماد وكمان هيديهم الموبيل بتاع عماد بالفيديوهات اللي عليه

فاتن

انت كدة تبقي فضحت بنتك بايدك

علي

متخافيش الفيديوهات هتندفن مع المحضر لان سيادة اللواء مش هيسمح باي شئ يمس ابنه ولو هو رضي الوزيرة مش هترضي

فاتن

طيب واحنا كدة نيقي كسبنا اية

علي

كسبنا ان الوزيرة واللواء هيبطلو يشكوا فينا ويركزو مع اخو شروق اللي مش موجود اصلا ،،،،،،،،،،

تاني يوم كانت عفاف في اوضتها وقت

ما دخل عليها نور وهو متعصب وقال

عرفت بالمصيبة اللي حصلت

عفاف

في اية

نور

في حد اسمه هشام سلم موبيل ابنك للمديرية وقدم بلاغ في ابنك والموبيل كان عليه فيديوهات ل بنت اسمها فرح وبنت اسمها شروق وهشام دة يبقي اخوة شروق

عفاف برقت من الصدمة وقالت

يعني علي الراوي كان عنده حق لما قال ان شروق ليها عيله ومش بعيد اللي اسمه هشام دة هو اللي وراء اختفاء ابننا

نور اتعصب اوي وقال

احنا بالمحضر دة اتقضحنا وهتبقي سريتنا علي كل لسان

عفاف

ما فيش فضيحة المحضر هيتقطع وكانه ما كانش موجود

نور

واخالف القانون اللي انا بحمي

عفاف

لا نفضح ابننا

نور

يتفضح ولا يغور في داهية انا خلاص قرفت منه وزهقت

عفاف بحدة

حتي واحنا مش عارفين هو فين مش ضايقة

نور

يارب يكون مات خلينا نرتاح منه ومن البلاوي اللي بتيجنا من وراء منه

عفاف

انت اية مش اب ازاي قدرت تدعي علي ابنك

نور

الابن اللي يهد كل اللي بيبني ابوة يستاهل الحرق مش الموت وبس

عفاف

طيب كفاية وبطل طريقتك دي والمحضر دة يتقفل

نور

المحضر مش هيتقفل فاهمة واللي ابنك كان السبب في اذيتهم لازم ياخدو حقهم

وخرج نور من الاوضة وهو مصمم علي اللي ناوي يعمله وفضلت عفاف تبص ناحية الباب اللي خرج منه ومش مصدقة ازاي هيعمل كدة في ابنه لكن قطع تفكيرها موبيلها اللي رن راحت ناحية الموبيل وشافت اسم ورقم الدكتور تهامي اللي رفع البصمات ردت بسرعة وقالت

اية عملت اية لقيت بصمة ابني في فيلا علي الراوي

تهامي رد وقال

عيلة الراوي

الحلقة السابعة

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

رد تهامي وقال

الابواب معلهاش اي بصمات خالص

عفاف باستغراب شديد

ودة ازاي يعني ما حدش بيدخل او يخرج

تهامي

لسة مدهون من كام ساعة تقريبا

عفاف

مدهون

تهامي

مدهون بورنيش زجاجي يمحي اثر اي بصمات ورنيش بيستخدمه الصنيعية في التشطيب

عفاف

وما تقدرش توصل للبصمات اللي تحت المادة دي

تهامي

صعب بالنسبة لي

عفاف

بالنسبة لك انت انما لو جبنا صنايعي تشطيب افتكر انها ما تبقاش صعبة عليه بس المهم قولي تقدر توصل للبصمات اللي علي الباب لو شيلت لك المادة الزجاجية

تهامي

اقدر بس وقتها مش هنلاقي بصمات لكننا ممكن نلاقي انسجة وخلايا بمقارنتها مع الحمض النووي ليكي بما ان عماد ابنك وقتها هنقدر نوصل لو كان عماد دخل الفيلا ولا لا

عفاف

فهمت وهتصرف

تهامي

بس ممكن سؤال حضرتك انتي لية حاسة ان عماد راح ل فيلا علي الراوي

عفاف

لان كاميرات الردار الموجودة في اول طريق المريوطية هرم صورت عربيه عماد وهو جوة منها ودة طريق فيلا علي الراوي

تهامي

دة مش دليل حضرتك

عفاف

عارفة وفي حاجة كمان علي دة مش مريح نظرات عيونه كلها مش طبيعية رغم ان فيهم ثبات انفعالي رهيب لكن مراته بثبت ان في حاجة مش مظبوطة حصلت والحاجة دي تخص ابني عماد دة احساسي وانا احساسي ما يكذبش ودلوقتي سيبك من احساسي

تهامي

والصنيعي هيشتغل ازاي في الابواب وعلي وعيلته جوة الفيلا

عفاف

دي بقي خليها عليه انا سلام دلوقتي

وقفلت عفاف واتصلت برقم تاني ورد حد وقالت

في محضر عايزا يختفي وتجيب لي كل بينات اللي قدم البلاغ دة ،،،،،،،،،،

وبعدها بكام ساعة يقف ممثل كومبارس قصاد عربية علي اللي كان بينزل منها وبيستعد ل طلوع ل مكتبه وكان متعصب جدا وعمال يقول

انت نصاب وحرامي كنت متفق معاكم علي فلوس واجي اقبض الاقي فلوس تانية خالص

علي اتعصب وقال

انت مين اصلا وازاي تتكلم معايا كدة

الكومبارس مسكة من لايقة القميص

عايز تعرف انا مين انا هعرفك انا مين

وبدا الكومبارس يتعدي علي علي بالضرب وعلي بدا يدافع عن نفسه والناس اتلمت ودة كل تحت انظار راجل في الاربعينات من عمره من حرس عفاف اللي اول ما شاف العسكري بدا يسحب الاثنين علي القسم طلع موبيلة واتصل ب رقم واول ما صاحب الرقم دة رد قال الرجل دة

كله تمام وهو دلوقتي رايح علي القسم

سكت شوية وبعدها قال

كلها كام دقيقة ومراته وبناته الاثنين هيعرفو باللي حصل دة والفيلا هتكون فاضية نهائي

وسكت تاني وبعدها قال

الصنيعي جاهز علي مكالمة مني وهندخل الفيلا اول ما هتكون فاضية ونبدا شغل في الابواب ،،،،،

وبعدها بشوية نور كان في مكتب مفتش المباحث اللي معه موبيل ابنه وبيتكلم بحدة وبيقول

يعني اية يا حضرة المفتش المحضر اتسرق وكمان الموبيل دة اهمال

المفتش

ما عرفش ازاي دة حصل مع اني اقسم لك المحضر والموبيل كانو هنا في مكتبي طول الوقت وما حدش من برة المديرية دخل مكتبي

نور

انت عارف اللي انت بتقولو دة معني اية

المفتش

عارف بس دة اللي حصل

نور بعصبية

طيب اسمعني كويس انت تعتبر نفسم متحال للتحقيق وموقوف عن العمل لغاية ما توصل للي عمل كدة

المفتش

تمام سيدك

في الوقت دة يدخل مفتش مباحث تاني بص له اللواء نور وقال

وصلت ل هشام اخوة شروق

المفتش

لسة سيدك

نور بعصبية

هو اية اللي لسة عيل سوابق زي ما بتقول التحريات ما تعرفوش لي سكة انت ازاي مفتش مباحث

المفتش

يافندم دة كان موجود ديما في منطقة الحلمية لكنه اختفي من شهور وما حدش يعرف له سكة

نور

وامه واخته شروق

المفتش

بينكروا ان يعرفو اي حد بالاسم دة

نور استغرب

دة ازاي بقي

المفتش

التحريات اكدت ان شروق ملهاش اخوات نهائي ومن بعد موت الاب هي عايشة مع امها لوحدهم وعايشين علي معاش الاب

نور

دة احنا بيتلعب بينا بقي

المفتش

دة اللي قدرنا نوصل له ودي اخر تحريتنا

نور سكت لكن عقله رفض السكوت وفضل يفكر يمكن يوصل لاي خيط يعرف منه مين هشام دة وبعد كام ثانية قال

عايز تفريغ لكاميرات المراقبة اللي في المديرية وصورة واضحة ل هشام وقت ما جه قدم بلاغ في عماد وتعرفو لي مين هشام دة وازاي قال انه اخوة شروق وهو مش اخوة

المفتش التاني

تمام سيدك

وخرج من الاوضة وبص نور للمفتش الاول وقال

وانت لو عايز ترجع شغلك لازم تعرف لي مين دخل مكتبك وسرق المحضر والموبيل،،،،،،

وفي نفس الوقت كانت فاتن بتخرج جري من الفيلا ووراء منها فرح وهي بتقول

مش هسيبك يا ماما تروحي القسم ل وحدك ومش هبقي مرتاحة لما اعرف ان بابا هناك وفي حد ضربه

فاتن وهي بتركب عربيتها

واختك بس مين يقعد معها

شيماء

مش هقعد هنا لوحدي وفي حد مدفون في الجنينة انا اخاف

فاتن برقت لها وقالت

شيماء انتي اتجننتي ازاي تقولي الكلام دة افرضي في حد سمعك

شيماء

ما حدش هيسمعنا احنا لوحدينا

فرح ركبت العربية وهي بتقول

هنفضل ننرغي وبابا مقبوض عليه

بصت فاتن ل فرح وشيماء هي كمان ركبت واتحركت فاتن بالعربيه وبمجرد ما خرجت من بوابة الفيلا تتحرك عربية كانت علي اول الشارع ناحية الفيلا وينزل منها حارس الوزيرة وتهامي دكتور البحث الجنائي ومعهم صنيعي استرجي خاص بدهانات الاخشاب وقال الحارس

ابداء بالبوابة

بص الصنيعي للبوابة الحديد وقال

لا مواخذة يا بشوات لية باب حديد يدهن بورنيش خاص بالاخشاب

تهامي

دة مش شغلك هتعرف تشيل الدهان دة من غير اي تلفيات ومن غير ما اصحاب المكان يعرفو بان الابواب حصل فيها اي تغير

الصنيعي

هعرف يا باشا دي شغلتي من زمان من وان عيل صغير

تهامي

طيب اشتغل وخلصنا

وبدا الصنيعي يشتغل وطلع من عدته ولاعه وبدا يمشي الولاعة علي سكينة وسخن حرف السكينة وبدا يمشي السكينة علي الورنيش والسكينة وهي سخنة كانت بتشيل الورنيش وفي خلال ساعة بالظبط كان الصنيعي خلص البابين وبدا تهامي يشوف شغله وبالعدسة المكبرة بتاعته قدر يشوف لحم متعلق بمسمار كان بارز بعض الشي من طرفة باب الفيلا مسك اللحم دة بملقاط وحطة في كيس بلاستيك ومشي ومعه الحارس والصنيعي ،،،،،،،،،،

وبعدها بيوم بالظبط اتاكد تهامي بعد مطابقة الحمض النووي بتاع عفاف مع اللحم اللي كان في مسمار الباب واتاكدوا ان عماد دخل الفيلا وقالت عفاف

انا كنت حاسة انه هو والله ووقعت يا علي انت وعيلتك

وجمعت الحراس بتوعها وركبت عربيتها وهما وراء منها وراحت ناحية فيلا علي وكانت ناوية علي الشر ،،،.،،،،،

واتاكدت عفاف بان اللحم اللي لقاه تهامي في مسمار باب فيلا علي الراوي يحمل نفس الجينات الخاصة ب عفاف ودة دليل علي ان اللحم دة بعد وضعه تحت فحص وتحليل الحمض النووي هو ل عماد ابن عفاف ونور ودة خلي عفاف تركب عربيتها وتاخد الحرس بتوعها وتروح ل فيلا علي

وهي ناوية علي الشر

عيلة الراوي

الحلقة الثامنة

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

حراس عفاف بيخبطوا علي باب فيلا علي وقت ما علي كان جوة ومعه مراته وبناته الاثنين وفاتن بتقول له وهي خايفة

لا مش هتفتح المرة دي انت مش سامع اللي بيخبط بيخبط ازاي

بص علي في ساعته وقال

متخافيش كلها كام دقيقة وهينتهي كل شئ

وبص علي ل شيماء اللي كانت خايفة وقال

مش عايزك تخافي كل شئ هيخلص علي خير

شيماء بصت له وقالت

هتخلص علي خير

وسابهم علي وراح يفتح باب الفيلا علشان اول ما يشوفو حراس عفاف يهجموا عليه وعلي لايقاوم ويبص ل عفاف اللي دخلت وراء منهم وهي بتقول

مستغرب ولا حيران المرة دي

بص لها علي وما ردتش وهي قربت منه وضربته بالقلم وهي بتقول

فين ابني

علي خد القلم وبرق لها وقال

علشان انتي اقوي بحكم شغلك ومركزك الاجتماعي بتفتري عليه لكن اوعدك ان لما الرؤؤس تتساوي القلم دة هتاخدي قلمين

ضربو الحراس بمنتهي القوة في معدته وقالت عفاف

انا مش جاية ارغي هو سؤال وعايزا له اجابه فين ابني

علي كانت بطنة بتتقطع من شدة الوجع بعد ضرب الحراس لي لكنه مسك نفسه واتحامل

قولتها مرة وهقولها كل مرة ما عرفش

مسكته عفاف من شعرة وقالت

انت لية مش عايز تقول الحقيقة خلاص انا لقيت لحم من جسم ابني علي راس مسمار صغير في باب فيلتك اعترف بقي واخلص وارحم نفسك

بص لها علي وقال

بتعملي كل دة علشان تتاري علي ابنك اللي صور بنتين في ثانوي جوة اوضة نوم فندق عايزا تلبسيني قضية اختفائة وخلاص علشان اتنازل عن المحضر اللي قدمته ضد ابنكم

عفاف

محضر اية دة اللي عمل المحضر دة هشام اخوة شروق

علي ابتسم وقال

هشام اللي راح المديرية وعمل محضر ضد ابنك وسلم الموبيل للحكومة دة يبقي انا بس متنكر في هيئة مجرم من الحلمية اختفي في ظروف غامضة وما حدش يعرف له طريق وانا عرفت قصته لان في مؤلف جابها ليا علشان تبقي فيلم

اتصدمت عفاف وقالت

انت عملت كدة

علي

كان لازم اعمل كدة علشان لو كنت قدمت محضر باسمي كنت عارف انها هتكون نهايتي

ضحكت عفاف باستهزاء وقالت

تعرف انك اذكي غبي انا قابلته في حياتي

لان المحضر اختفي والموبيل اللي عليه الفيديوهات اترمت في النيل يعني عماد ابني نظيف وانت وراء اختفائة

علي

بتستخدمي سلطتك في اخفاء الحقيقية عن الناس اللي انتي المفروض في خدمتهم

عفاف

شغلي ملهوش علاقة بحماية ابني

ومسكت علي من شعرة وهي بتقول

انا بحمي ابني وهفضل احمي

علي بص لها في عيونها وقال

وانا بحمي بنتي

عفاف

وهي بنتك الجربوعه تساوي اية قصاد ابني

علي

هو دلوقتي المحترمين بقو جرابيع اومال اللي زي ابنك يتقال عليه اية

ضربوا الحراس تاني وهنا ظهرت فاتن وفي ظهرها بناتها الاثنين وكانت بتقول بتوسل

ابوس ايدك ورجلك جوزي ملهوش دعوي ان،،،،،،،

بص لها علي وصرخ فيها بمنتهي الحدة وقال

فاتن خدي البنات وخشي جوة

فاتن سكتت وعفاف بصت لها وقالت

ما تسيبها تكمل

وراحت عفاف ناحية فاتن ومسكتها من ايدها بقوة وقالت

كنتي بتقولي اية بقي

بصت فاتن ل عفاف بخوف شديد وبعد كدة بصت ل علي اللي هز دماغه بمعني اوعي تنطقي لكن عفاف ضغطت علي ايدها اوي وقالت

مالكيش دعوي بي هو مش هينفعك وقولي فين ابني

فاتن

ما عرفش

ضربتها عفاف بالقلم صرخ فيها علي وفرح وقعت علي الارض ونوبه الصرع بدات تضرب كل خلايا جسمها بص علي ل ينته وحاول يوصل لها لكن الحراس كانو مسيطرين عليه بقوة بص ل بنته اللي علي الارض جسمها كله بيتنفض ورجع بص ل عفاف وقال وعيونه جوة منها دموع من بركان الغضب

ايدك لو اتمت عليها تاني هقطعهالك

بصت عفاف ل علي بجبروت شديد وقالت

انت بتهددني انا طيب اهو

وضربتها عفاف قلم تاني هنا صرخ علي صرخة اعلي من الاول لما شاف الدم نازل من بوق مراته وقال

كفاية اوي كدة

خرجت شيماء من وراء امها وفضلت تزق في عفاف اللي ضربتها وزقتها بعيد عنها وهنا يرن موبيل عفاف واللي كان بيتصل نور بصت للموبيل وكنسلت وراحت ناحية شيماء ومسكت شعرها وهي بتبص ل علي وبتقول

بنتك الكبيرة بتموت والصغيرة هتموت في ايدي انطق فين عماد

رن موبيلها تاني وكنسلت ورن وتكنسل ورن لغاية ما ردت وهي بتقول

عايز اية يا نور

نور

عايز اعرفك ان كل اللي بتعملي متصور لايف

برقت عفاف وبصت ل علي وهي بتقول

انت بتصور كل اللي بيحصل هنا

ابتسم علي وقال

صورة والصوت هركبه انا زي ما احب دي شغلتي بقي اصلي بتاع افلام

ما بقتش عارفة عفاف تعمل اية من الصدمة وقت ما سمعت صوت نور بيقول

خدي الحراس بتوعك وامشي من عندك حالا

عفاف

ابننا كان هنا قبل ما يختفي علي وعليلته عارفين هو فين

نور بعصبية

قولت خدي اللي معاكي وامشي

وقفل نور وعفاف رجعت الموبيل مكانه وبصت للحراس بتوعها وقالت

سابو واخرجو

نفذوا الحراس كلام عفاف وهنا قال علي

كدة يبقي في حد قالك انك بتتصوري وطالما عرفتي تعالي بقي اعرفك ازاي تبقي اقوي بدماغك حتة اللحم اللي انتي لقتيها في المسمار دي اخر حاجة فضلت من جسم ابنك اللي انا قطعته حتة حتة وانا اللي حطيت حتة اللحم دي علشان شوفت في الكاميرات حد تبعك بيرفع البصمات هتقولي ازاي وانا فيلتي كل كاميرتها عليها غطاء اسود هقول لك اني زرعت كاميرات زي اللي زرعها ابنك في اوضة بنتي

وبرق علي وقت ما قال

ما هو لحمها اللي اتشاف مش هيعدي بالساهل علي اللي شافو

عفاف

يعني انت اللي جبت رجليه لغاية هنا علشان تفضحني

علي

اصلي عرفت انتي بتفكري ازاي وعايزا اية القانون عندك تحت رجلك والقوة فوق دماغك لما بقي يكون عدوي بالجبروت دة لازم احفر له حفرة تليق بي واي كلام قولته دلوقتي كلام اتقال تحت التهديد والضرب المبرح اللي اتعرض لي انا وعيلتي وكل الناس شافو لايف ومافتكرش انك هتبقي وزيرة بعد اللي حصل دة علشان زي ما في ناس زيك ما بتحترمش القانون في انظف منك القانون عندهم فوق دماغهم مش تحت رجليهم وانا دلوقتي عرفت عماد طلع لمين

وضرب بعينه ناحية فاتن اللي كانت واخدة فرح في حضنها ولسة هتخرج عفاف جريت شيماء ناحيتها وقالت

ماما واختي قتلو ابنك وانا شوفت بابا بيدفنو فين بس بلاش تاذيهم انا خايفة منك

علي بص ل شيماء وقال

شيماء انتي بتقولي اية

شيماء

خليها تاخد ابنها وتمشي من هنا لاني خلاص تعبت من كتر الخوف

فاتن

شيماء اسكتي

شيماء

مش هسكت

فاتن بعصبية

قولت اسكتي اللي بتقولي دة ما حصلش

عفاف

ابني مدفون في اني حتة في الجنينة

علي

دي عيلة صغيرة ومش عارفة هي بتقول اية

عفاف ما بصتش ل علي حتة وفضلت مركزة مع شيماء وقالت

قولي فين

شيماء

عند الشجرة الكبيرة اللي في النص

خرجت عفاف زي المجنونه وراحت ناحية الشجرة وبدات تحفر بايدها ما هي قبل ما تكون وزيرة فهي ام واتحرمت من ابنها واستغربوا الحراس وقال واحد منهم

حضرتك بتعملي اية

بصت له وهي زي المجنونه وقالت

ابني مدفون هنا ساعدني واحفر

لكن في الوقت دة تيجي قوة من الشرطة اتحركت من اقرب قسم تابع لي فيلا علي لحماية علي وعيلته من بطش عفاف باوامر عليا والظابط بص ل عفاف وقال

مدام عفاف انتي مطلوب القبض عليكي بتهمة الاعتداء علي مواطن وعيلته في بيتهم

عفاف

اية مدام عفاف دي ان الوزيرة عفاف حاتم

الظابط

دة كان سابقا قبل ما يصدر امر رئاسي بعزلك والقبض عليكي

عفاف

اعملو فيا اللي انتو عايزينه بس اطلع ابني من هنا

ورجعت تحفر تاني لكن الظابط منعها وركبها البوكس وعلي كان بيتابع اللي بيحصل من بعيد ،،،،،،،،،،،

وبعدها بشوية عفاف جوة القسم وقصاد منها نور وكان بيقول

عجبك اللي وصلتي لي دة

عفاف

علي قتل ابننا ودفنوا في جنينة فيلته

نور

كفاية بقي انتي اية ما بتزهقيش

عفاف

والله العظيم دة حصل وبنته الصغيرة من الخوف اعترفت وقالت كمان علي مكان الجثة

نور

بنت صغيرة وخافت من اللي بيحصل في عيلتها قدام منها وخيالها هيي لها الحكاية اللي حكيتها ليكي دي لان مستحيل علي لو فعلا قتل عماد يدفنوا قصاد بنته الصغيرة مشهد زي دة كفيل بانه يدمر نفسية طفلة في سنها

عفاف

انت لية كدة لية مش فارق معاك ابننا اللي اتقتل واتقطع جسمة

نور

انا احب احكم العقل العقل اللي انتي لاغيا نهائي انا مش عارف انتي ازاي بقيتي وزيرة

عفاف

نور سيبك مني وهات حق ابنك من اللي عمل كدة

نور

لما يبقي في دليل مادي عليه

عفاف

الدليل موجود تحت الشجرة الكبيرة في جنينة الفيلا واعترافة ليا بانه قطع لحم ابني

نور

دة كله كلام في الهواء وهو عارف انه مش دليل عليه

عفاف

انت لية سلبي كدة ما تروح واحفر في الجنينة وانت هتتاكد من ان كلامي

نور

هطلع اذن نيابة وهعمل لك اللي انتي عايزا وهيكون دليل الادانة حتة اللحم اللي لقاها تهامي علي راس المسمار

عفاف

طيب بسرعة قبل ما يخرج الجثة وينقلها في مكان تاني

نور

مش هيعرف يعمل كدة لان الفيلا متراقبة والصحفيين حوالين منها كلهم مستنين اول تصريح يخرج بي علي اللي بقي ضحية الفساد اللي جوة النظام ،،،،،،،

وفعلا في خلال ساعات كانت في قوة من القسم بتتحرك ناحية فيلا علي ومعاهم اداوات الحفر وعلي واقف وفي ظهرته عيلته وبيتابع الحفر عند الشجرة بتركيز شديد علشان يوصله ل جثة مدفونه من ايام وبدا الارتباك يزيد والتوتر وعمال الحفر بيخرجوا بالجثة من تحت التراب ونور بص للجثة ورجع بص ل علي بغضب شديد وراح نور ناحية علي وطلع مسدسة وحطة في وسط دماغ علي وشد الاجزاء وداس علي الزناد وخرجت الرصاصة

عيلة الراوي

الحلقة التاسعة

الاخيرة من الموسم الاول

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

لكن الرصاصة اللي خرجت جت فوق دماغ علي لان نور رفع ايدة في اللحظة الاخيرة وقال

انت بتلعب بينا صح

علي

وهو انا اقدر العب بيكم طيب ازاي

نور

اومال تسمي اية اننا نحفر ونخرج ب جثة كلب مع ان بنتك قالت ان ابني مدفون هنا

علي

وهو من امتي كلام الاطفال بيتاخد بي

نور هز دماغه وقال

تعرف اني دلوقتي اتاكد انك انت تعرف ابني عماد فين

علي

وانا عايز كدة لكن انت غير مراتك القانون عندك فوق دماغك مش تحت رجلك وبحسابات القانون انا برئ من دم ابنك دة لو كان مات

نور

مش برئ اوي ما تنساش ان في حتة لحم من جسمة لقيناها في باب فيلتك ودة دليل ادانة

علي

معقوله تكون حضرتك نسيت نصوص القانون اللي بتقول ان الادلة اللي بتتجمع من غير اذن نيابة تعتبر باطل وبتكون في صالح الجاني مش المجني عليه

نور

اقدر اخلق اذن نيابة بتاريخ قديم

علي

وانا اقدر اخلي تقرير البحث الجنائي يثبت ان حتة اللحم دة مش من جسم ابنك

نور

بس انا مش هسمح كدة

علي

ولا انا هسمح بنهاية غير النهاية اللي انا رسمها

نور

اللي غلط لازم يتحاسب

علي

في بلدنا في اللي بيغلط وبيفلت من الحساب زي ابنك كذة

نور بص ل علي من فوق ل تحت بتحدي رهيب وقال

في الحرب اللي يكسب جولة مش شرط يكون كسب الحرب كلها

علي

عارف وجاهز للجولة الثانية في اي وقت

نور اتعصب وبقي في بركان بيجري جوة صدرة لكنه كتم غضبة وحط سلاحة في جرابه وخرج هو والقوة اللي جت مع من القسم برة الفيلا وعلي فضل باصص ناحيته لغاية ما خرج هو واللي معه وعلي خد عيلته ودخل بيهم الفيلا وقفل الباب وراء منه ورمي جسمة علي اول كرسي قابلة و راحت فاتن وقعد تحت رجله وجنب منها بناتين فرح وشيماء وقالت فاتن

خلصت كدة

علي

لسة لكننا هنعيش في هدنة لفترة من الوقت

فاتن

انما انت نقلت الجثة امتي من مكانها

علي

نقلتها بعد اول زيارة ل عفاف لينا

فاتن

وراحت فين

علي

مش لازم تعرفي دة علشان مصلحتك انتي وبناتك

وبعد كدة بص علي ل شيماء وفتح لها ذراعته وقال

تعالي في حضني يا حبيية بابا

شيماء اترمت في حضنه وهي بتقول

عملت اللي انت قولتي عليه صح

ابتسم علي وقال

انتي شطورة وبنت ابوكي بصحيح ومثلتي انك خايفة صح الصح

فاتن بصت ل فرح وهما الاثنين مستغربين وقالت فرح

هو في اية بالظبط ما تفهمنا يا بابا

شيماء بصت ل فرح وقالت

اصل بابا اتفق معايا لما تيجي عفاف دي لغاية هنا اعمل نفسي خايفة و مرعوبه واقول لها علي المكان المدفونه فيها الجثة

فاتن بصت ل علي وقالت

هو انت طلعت متفق مع شيماء

علي

انا كنت مظبط خططي كلها علي اليوم اللي تيجي في عفاف ل غاية هنا علشان نخلص من كل التوتر اللي في حياتنا ونعيش بقي زي زمان وعلشان دة يحصل كان لازم المشهد بتاع شيماء يتم بمنتهي الحرفنه ودة اللي حصل وقصاد الصحفيين وباذن النيابة تم الحفر واللي طلعو من تحت الارض جثة كلب وما فيش قانون يمنعني من اني ادفن الكلب

فاتن

وافرض الحكومة خدت بكلام شيماء

علي

الاطفال في السن دة ما بيتاخدش بكلامهم واي محامي لسة متخرج هيثبت ان البنت من الخوف الشديد بعد التعدي اللي حصل عليتها بدات تقول اي كلام علشان ترحم عيلتها

فرح اترمت في حضن علي وهي بتقول

انت بجد عبقري

طبطب عليها علي وابتسم ابتسامة خفيفة وقال

ودلوقتي نقدر نعيش حياتنا زي الاول بس بعد اخر مشوار هعمله

فاتن

رايح فين يا علي

علي

في دين في رقبه حد رايح اخده ،،،،،،

وبعدها بكام ساعة كان علي متنكر في شكل دكتور جوة مستشفي وببتمشي في الطرقا بتاعتها وهو لابس جوانتي لغاية ما وصل عند اوضة واقف علي بابها عسكري بص للعسكري وقال

بعد خمس دقايق بالظبط هتروح الحمام اللي اخر الطرقا هتلاقي شنطة بلاستيك سوداء فيها 20 الف ج حلال عليك

العسكري باستغراب

بتقول اية يا جدع انت

علي

اللي انت سمعته وانت مش غبي علشان تقول لا

العسكري

وانا هاخد الفلوس دي لية

علي

الفلوس دي مقابل انك تكون اعمي واطرش مسافة ما ادخل الاوضة دي

العسكري

وعايز لية تدخل هنا

علي

في حساب بيني وبين عفاف

العسكري

بس لو حد عرف اني دخلتك دة هيبقي فيها قطع رقبه وكمان الكاميرات بتصورنا

علي

رقبتك كانت هتقطع لو دخلتني علي الوزيرة عفاف انما اللي جوة دلوقتي ولا حاجة متخافش وفكر في ال 20.الف ولو علي الكاميرات هي دلوقتي بتصورنا لكنها بتعرض مشهد متكرر ملهوش علاقة باللي بيحصل دلوقتي

العسكري

ادخل بس تخرج قوام قوام

ابتسم علي وماعلقش ودخل الاوضة وقفل الباب وراء منه وعفاف اللي كانت نايمة علي السرير اتعدلت وقالت

كان لسة في دكتور غيرك هنا

علي قرب منها وقال

وانتي محتاجة دكتور لية هو انتي فيكي حاجة دة هي بس حركة علشان متناميش في الحجز

عفاف بصت اوي في عيونه وقالت

هو انت

ولسة هتصرخ هجم عليها علي وكتم بوقها بشريط لازق واتحكم في ايدها وحاولت هي الافلات لكنه بص لها في عيونها وقال

ايوة انا علي الراوي وجاي لك علشان نصفي الحساب اللي بينا

وشغل موبيلة وحطة علي الكمودينو اللي جنب السرير وقال

وعدك لما الرؤؤس تتساوي القلم هتاخدي قلمين ورغم اني ما حبش اضرب ستات لكن الجبروت اللي شوفته منك وشوفته في عيونك يخليني اكسر القاعدة دي

وضربها بالقلم وبمنتهي القوة وصرخت عفاف صرخة مكتومة لكن علي ضربها قلم تاني وقال

زي ما كسرتيني قصاد عيلتي

ظبط لها شعرها اللي بسبب القلمين نزل علي وشها وقال

اوعي تفتكري ان بظبط شعرك علشان املي عيني من الخلقة دي لا دة انا عايز وشك يبان وقت ما اديكي القلم الثالت ودة اللي ضربتي ل مراتي

وضربها كمان قلم وكمان قلم وقال بعد ما خلص

تعرفي اني مستحقر نفسي اوي ومش حابب اني اعمل كدة لكن انتي واللي زيك خلو اللي زيي يبقو زيهم

وقام وقف ومسك موبيله وكان بيستعد للخروج من الاوضة قبل ما يقف ويبص لها ويقول

لو كنتي طلعتي ابنك راجل ويعرف يعني اية عرض بنت كان زمانه في حضنك وماكناش وصلنا للمشهد دة

وخرج من الاوضة وساب عفاف بتصرخ صرخات مكتومة ،،،،،،،

وعدي حادث الاعتداء علي عفاف لان العسكري شهد وقال انا ما شفتوش مين اللي دخل علشان كنت في الحمام وخلصت كدة لا ما خلصتش لان عفاف بعد ما عرفت ان ابنها مات جالها حاله من حالات الجنان وبعد اللي عمله فيها علي وفضلت تتعالج اربع سنين وكمان قضت فترة عقوبتها اللي اقرتها المحكمة وهي جوة المستشفي وخرجت من المستشفي علشان تعرف ان نور الدخلية طلعته معاش مبكر بسبب كل اللي حصل يعني من الاخر خربت لكن اصعب حد ممكن تدخل معه في حرب هو اللي ما عندوش حاجة يخسرها،،،،،.

وفي ليلة علي كان راجع من شغله ودخل فيلته وعمال ينادي علي عيلته وما حدش بيرد فضل بدور عليهم في كل مكان لغاية ما دخل اوضة نومه ولقي فاتن وبناته الاثنين متعلقين في تلت احبال مدلدلين من السقف وبيحولو يتحررو من الاحبال لسة هيجري عليهم علشان يلحقهم لقي نفسه وقع علي الارض وكان بيفقد الوعي فضل باصص لهم وبيزحف علشان يوصل لهم وهنا تظهر عفاف تقف قصاد منه وتبص بغضب شديد ،،،،،.،،،،،،،

مش دي النهاية لكن دي البداية للموسم التاني من عيلة الراوي بعنوان

الرؤية

حكايات منص ودوددا

عيلة الراوي

تعليقات

إرسال تعليق

حور