انا فضل عمران كنت عايش من جدي حامد لغاية ما بقي عندي 10 سنين وبعد ما مات نمت وصحيت لقيت نفسي نايم علي الرصيف في شارع جوة محافظة غير اللي انا اتربيت ولقيت نفسي ناسي انا منين وساكن فين ماكنتش فاكر الا اسمي واسم جدي وفضلت علي الحال دة 15 سنة بتنقل من رصيف ل رصيف ومن شارع ل شارع باكل من الزباله وبشرب من النيل لغاية ما نمت في يوم ولقيت حد بيصحيني بزقه ليا في ذراعي فتحت عيوني مالقتش حد ولقيت جنب مني جواب من جدي الميت ومن هنا بدات الحكاية
فضل و الشيطان
★الحلقة الاولي★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
هنرجع بالاحداث لكام سنة وراء وفضل لسة عيل عنده 10 س نايم علي الرصيف بهدوم نظيفة هدوم تدل علي انه ابن عز فتح فضل عيونه بصعوبه وقعد علي الرصيف وهو دماغه تقيلة وبص حوالين منه يشوف هو فين لكنه لقي نفسه في مكان وشارع اول مرة يكون فيهم قام وقف وهو لسة دايخ وكانه مخبوط علي دماغة وفضل يبص حوالين منه وهو بيحط ايدة علي المكان اللي حاسس في بالوجع وبدا يمشي مش عارف هو رايح فين سايب رجله تسوقه لغاية ما تعب وجاع حط ايدة جوة هدومة يمكن يلاقي اي فلوس ياكل بيها لكنه ملقاش اي فلوس راح وقف قصاد مطعم فول وطعمية صاحب المطعم راجل عجوز في الستينات من عمره بص له العجوز وقال
اجيب لك اية
فضل بص للطاسة اللي فيها البطاطس بتتحمر وفضل ساكت فقال له العجوز
ما تقول يا ابني اجيب لك اية
فضل
انا مش من هنا وصحيت لقيت نفسي علي الرصيف ومش فاكر الا اسمي وجدي اللي كنت عايش معه جدي حامد انا اسمي فضل عمران حامد
العجوز ساب البطاطس اللي كان مركز في تحميرها وقال
اية الحكاية الغريبة دي ازاي تكون فاكر اسمك وناسي عنوانك
فضل
ما عرفش غير اللي قولته وانا محتاج مساعدتك وجعان عايز اكل
ابتسم العجوز برحمة وقال
طيب ادخل اقعد جوة في المطعم وانا هخليهم ينزلو لك سندوتشات علي حسابي وبعد ما تاكل نبقي نتكلم ،،،،،،،،،
وفي نفس الوقت من جوة الاصلاحية التابعة لوزارة الدخلية وللي ميعرفش الاصلاحية دي ف هي سجن لاي طفل قاصر يتم القبض عليه ل اي سبب ومعظم اللي فيها اطفال الشوارع اللي ملهمش اهل واحنا دلوقتي جوة مكتب موظف مكلف بحراسة الاطفال دي وهو زي السجان كدة وكان قاعد وراء مكتبه وهو راجل في الاربعين من عمره ضخم شكله مخيف واسمه يونس اللي بص للتيلفون الارضي اللي كان بيرن ورفع السماعة وقال بصوت طخين
الو
وسكت للحظات وبعدها قال
النهاردة بالليل فوت علي اية اكون جهزت لك اللي انت عايزة والمدير بتاعي يكون مشي
وحط سماعة التيلفون وقام وقف وخرج من وراء مكتبه وراح ناحية باب المكتب فتحة وخرج ومشي في طرقا طويلة لغاية ما وصل في اخرها ل باب حديد فتحة بالمفتاح اللي معه وفضل يبص للاطفال الموجودين جوة الاوضة دي لغاية ما وقعت عينه علي طفل اشقر باين عليه انه ابن ناس مش شبه الموجودين جوة الاصلاحية ومش معني كدة انه هو بس اللي كدة لا في زيي بس مش كتير وقرب يونس من الطفل دة وحط ايدة علي شعرة وقال
انت اسمك اية
الطفل شال ايد يونس وهو بيقول
انت عايز تضربني ولا اية
ابتسم يونس وقال
لية بس بتقول كدة هو انا كنت ضربتك قبل كدة
الطفل
ما تضربتنيش انا لكنك ضربت عيال تاني غيري قدام مني ونيمتهم من غير اكل
يونس
دول ما سمعوش الكلام لكن انت باين عليك غيرهم مع انك قتلت جوز امك
الطفل
علشان لقيته بيبص علي اختي وهي بتاخد دش
يونس
لا راجل
ومسك شعره تاني وشد يونس شعر الطفل بمنتهي العنف صرخ الطفل وقال يونس وهو باصص في عيونه
اسمك اية يا ذكر
الطفل وهو بيتوجع
شادي
يونس ساب شعر شادي وراح ناحية باب الاوضة ووقف قصاد الباب وظهرة كان للاطفال وندهه باعلي صوته وقال
ضبع
جري ناحية منه طفل لكنه ضخم ووقف جنب يونس وقال
عيون ضبع
بص له يونس بطرف عيونه وقال
جهز لي شادي علشان هيخرج النهاردة
ضبع
من عينيه
وخرج يونس من الاوضة وقفل الباب الحديد وهو بيبص بطرف عينه ناحية ضبع اللي بدا يضرب في شادي وشادي بيصرخ وبيطلب حد يلحقة ،،،،،،،،،،،،،،
وبعدها بكام دقيقة ومن جوة شقة مدير الاصلاحية اللواء فهمي كان فهمي حاطط سماعة التيلفون علي ودنه وبيقول
دي مش اول مرة يا يونس الواد اللي اسمه ضبع دة زودها لو انت مش قادر عليه اشوف سجان غيرك يقدر عليه
صوت يونس
يا باشا ازاي بس تقول كدة يعني انا هغلب في اني اوقف عيل عند حدة بس انت اللي مانعني من اني استخدم العنف مع الاطفال
فهمي
امنعه بالعقل مش يالعنف يونس انا سايب لك كل حاجة وواثق فيك لاني مش فاضي للاصلاحية بسبب مشروعي اللي انا بديرة ف ياريت ما اصحاش اللاقي نفسي مرفوض بسبب ضرب العيل ل بعضهم
يونس
هو السن دة كدة صعب السيطرة عليه لكن وعد مني ضبع هيتعاقب واللي عمله دة مش هيتكرر تاني اديني بقي الاذن بنقل شادي للمستشفي
فهمي
عندك الختم في المكتب املي استمارة خروج ل شادي واختمها وانا لما اجي لك بكرة هبقي اشوف حل للزفت ضبع دة
وقفل فهمي ونرجع للاصلاحية ويونس بعد خلص كل الاوراق الخاصة ل خروج شادي للعلاج فتح يونس بوابة الاصلاحية الخارجية وكان شايل شادي اللي كان غرقان في دمه وفاقد الوعي وراح بي ناحية البوكس وركب قدام بعد ما حط شادي جنب منه واتحرك بالبوكس لغاية ماوصل للطريق الصحراوي ووقف بالبوكس قصاد عربيه ملاكي كانت واقفة علي جنب نزل من البوكس وراح ناحية العربية الملاكي واول ما قرب من العربية الملاكي اتفتح الباب اللي قدام ونزل منه راجل في نفس سن يونس تقريبا وهو اخوه التؤام صديق بص له صديق وقال
اتاخرت عليه اوي
يونس
عقبال ما خلصت اجراءات الخروج بالعيل
صديق
وجايبه مضروب زي العيل اللي قابلة
يونس
طبعا اومال هخرج بي ازاي من الاصلاحية الا وهو مضروب علشان الورق يتكتب في اني رايح اعالجة في المستشفي الميري المهم تخلص اللي انت هتعلمه بالواد وقبل الصبح يكون عندي
صديق
ما تقلقش زي المرة اللي فاتت الصبح بدري الواد هيكون عندك المهم هو فين
يونس
ايدك الاول
ومد يونس ايدة ناحية صديق اللي حط ايدة في اجيبة طلع رزمة فلوس بص يونس للفلوس وابتسم وقال
ما تزعلش مني انت اخويا اة بس الفلوس امي وابويا
صديق
وازعل منك لية ما الفلوس عندي برضو امي وابويا واخويا ........
وبعدها ب ساعة يوصل صديق ل مكان وسط الصحراء عبارة عن مخزن وينزل من عربيته وعلي كتفه شادي اللي رجع له وعيه وكان بيقول
انا فين
صديق
انت معايا ما تقلقش
ودخل المخزن دة وراح ناحية عمود موجود في وسط المخزن وربط شادي في العمود وقال شادي
انت شبه لكنك مش هو
صديق وهو لسة بيربط شادي
لو تقصد يونس ف انا اخوة التؤام
شادي
طيب انت بتعمل فيا لية كدة
صديق
علشان هفتح بيك المندل
شادي
اية المندل دة
صديق
ما تشغلش بالك هما ساعتين ويطلع النهار وترجع زي للاصلاحية
شادي وهو بيحاول يفك نفسه
بس انا مش عايز اعمل كدة
صديق
مش بمزاجك
وسابه صديق ومشي ورجع بشنطة كبيرة فتحها وطلع منها بتلت قطط ميتين لونهم اسود سواد مريب وحط القطط دي في شكل مثلث وبقي شادي جوة المثلث دة بص شادي لمنظر القطط وصرخ وصديق قال
صوتك هيتنبح وفي الاخر ماحدش هيسمعك
شادي وهو مرعوب
انا خايف وعايز امشي من هنا
صديق
قولت لك هما ساعتين وهتمشي
وطلع كيس دم ورشوا علي وش القطط وبعدها رش الدم علي وش شادي صرخ شادي اكتر واكتر صديق اتعصب وطلع من الشنطة حتة قماشة وقال
انت عيل صداع لازم اكتم نفسك وارتاح من صوتك
ولف القماشة حوالين بوق شادي لكنه ما خدش باله انه لف القماشة حوالين مناخير شادي كمان وبقي شادي بيتنفس بصعوبه وصديق بدا مراسم فتح المندل وللي ما يعرفش فتح المندل دة ف دة ببساطة حاجة بيستخدمها الدجالين في شغلهم لمعرفة معلومة من الجن وكل المراسم بتم وشادي بيحارب علشان يدخل جوة جسمة اكسجين لكنه مش قادر ومش عارف وبدا يطلع في الروح ،،،،،،،،
في نفس الوقت كان فضل نايم جوة مطعم العجوز اللي صعب عليه حاله وخلي ينام في المطعم وقفل عليه من برة وهنا سمع فضل صوت خبط علي باب المطعم المقفول وشاف ايد طفل عديت من تحت الباب وكان بيحاول يرفع الباب جري بسرعة ناحية باب المطعم وسمع صوت شادي الطفل اللي بيموت قصاد صديق بيقول
انا شادي افتح لي وخليني اهرب منهم انت الوحيد اللي هتقدر عليهم
فضل استغرب وقال
هقدر علي مين واساعدك ازاي وباب المطعم مقفول من برة
شادي دخل ايدة اكتر واكتر وقال
اسحب ايدي خليني ادخل عندك انا بموت
حاول فضل انه يرفع باب المحل لكنه ما قدرش و ايد شادي بدات تتسحب لبرة المطعم والصوت انقطع استغرب فضل و شاف تلت قطط بيخرجوا من باب المطعم المقفول بص باستغراب للي بيحصل ورجع بسرعه قعد مكانه . وفضل باصص ل باب المطعم المقفول مش فاهم ولا مستوعب اية اللي حصل
يونس يصحي من نومه علي صوت تيلفونه الارضي بيرن بص ل مراته اللي كانت بتنزل من فوق السرير رايحة ترد وقال
خليكي انتي انا هقوم ارد
وقام من جنبها وراح ناحية التيلفون اللي كان في الصاله ورد وقال
الو
صوت صديق
الحقني يا يونس الواد مات
يونس برق واتصدم من اللي سمعه ،،،،،،
فضل و الشيطان
★الحلقة الثانية★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من جوة المخزن اللي صديق كان رابط في شادي يقف صديق وجنب منه يونس والاثنين قصاد منهم علي الارض جثة الطفل شادي ويونس كان متعصب وهو بيقول
دي مصيبة سوداء اقول اية لسيادة اللواء فهمي
صديق
قوله مات بسبب الضرب اللي كان في كل حتة في جسمة
يونس بص ل اخوة بعصبية
ضرب اية اللي يسبب الموت عمرك شوفت عيل مات بسبب ضرب عيل تاني لية وبعدين الجثة هتتشرح والطب الشرعي هيعرف انه مات مخنوق
صديق بسخرية
خلاص قوله اخويا هو اللي قتله
يونس بعصبية
صديق بلاش الطريقة المستفزة دي وخلينا نشوف حل
صديق
هقول لك قولهم هرب من المستشفي وانا هدفن الجثة دي بمعرفتي
يونس اقتنع بالفكرة وقال
فكرة برضو
صديق
وبكرة تجيب لي عيل تاني غير اللي مات دة
يونس
انت عبيط في دماغك تقتل عيل النهاردة وعايزني اجيب لك غيرة بكرة
صديق
ما انا لازم افتح المندل دة حوار يخص عيلة تقيلة في البلد ودفعت كتير والمندل ما بيتفتحش الا علي عيل حي مش ميت وعيل ملهوش حد يسال عليه ودول عندك كتير
يونس
بعيد عني حوار المندل دة وبعيد عن العيال اللي في الاصلاحية انا مش ناقص وش الدخلية لو عرفت ان في عيل مات بسبب المندل انا هلبس الازرق واخد فيها بالميت 5 س سجن
صديق
هو انا كنت عملت لك وش امتي ما انت جبت لي عيلين قبل كدة والدنيا كانت ماشية زبادي خلاط وقبل ما الفجر يأذن كانت العيال بتبقي عندك في الاصلاحية
بص يونس ل جثة شادي وقال
كانت زبادي خلاط قبل ما دة يموت
صديق
ما تكبرش الحكاية عمره وخلص
يونس بحزم
اسمعني كويس عيال تاني من عندي انسي والواد دة تخفي جثته واياك حد يعرف مكانها
صديق
بقي كدة يا ابن والدي دة انا اخوك ومحتاج لك
يونس
دة اخر الكلام
وسابه يونس وخرج من المخزن ورجع صديق يبص ل شادي وهو مخنوق وبيفكر يحل ازاي المشكلة دي ،،،،،،،،
ويطلع النهار ويفتح العجوز المطعم علشان يلاقي فضل قاعد استغرب وقال
الله اية اللي مصحيك بدري كدة ما عرفتش تنام ولا اية
فضل
انام ازاي بس بعد اللي شوفته ليلة امباراح
العجوز باهتمام
شوفت اية
حكي فضل للعجوز كل اللي حصل من اول الخبط اللي كان علي باب المطعم وصوت شادي والتلت قطط اللي خرجوا من المطعم ضحك العجوز وقال
شكلك كدة تقلت في العشاء ودة خلاك تحلم بالكابوس دة
فضل بضيق
بس انا كنت صاحي
العجوز ما حبش يزعله فقال وهو بيطبطب عليه
طيب خلاص ما تزعلش وسيبك من الحكاية دي وقولي لسة ما افتكرتش اي حاجة تاني عن عنوانك واهلك
فضل
ما افتكرتش اي حاجة
العجوز
طيب وبعدين هتفضل كدة نايم علي الارض في المطعم عندي
فضل
لو مش عايزني انام هنا ممكن ارجع للرصيف تاني
العجوز بطيبة
يا واد افهم انت صعبان عليه شكلك ولبسك يقوله انك ابن ناس حرام تنام علي الارض وانا والله لولا اني عايش مع ولادي واحفادي في شقة اوضين وصاله كنت خدك معايا
فضل
انت طيب اوي يا
وسكت فضل لانه كان لسة ما يعرفش اسم العجوز وقال
هو انت اسمك اية
العجوز
اسمي بدر
فضل
اسمك جميل اوي يا عم بدر
بدر
طيب يلا بقي ساعدني في تقطيع البطاطس وعمايل العجينة خلينا نجهز لعمال المصنع اللي هيجو ياخدوا فطارهم كمان ساعة ،،،،،،،،
ونروح ل شركة استيراد وتصدير وجوة مكتب فخم يقعد اللواء فهمي مدير الاصلاحية وفي ايدة سماعة التيلفون وكان بيقول بعصبية
هرب ازاي يا يونس وانت كنت فين
يونس
روحت سيدك ولما عرفت الخبر اتجننت بس اطمئن سيدك انا هقلب الدنيا عليه ومش هيعدي النهاردة الا والواد دة نايم علي سريرة في الاصلاحية
فهمي
طيب اتصرف يا يونس واياك حد يحس بالمصيبة دي انت فاهم وانا كلها يومين تلاته واكون عندك بس اظبط شوية حاجات في شركتي
يونس
براحتك يا باشا شوف شغلك وانا هتصرف،،
ومن جوة قصر كبير في الاسماعلية يقعد راجل في الخمسين من عمره اسمه عمران وجنب منه ست اصغر منه ب خمس سنين وهي مراته صباح وقصاد منهم صديق اللي كان بيقول
انا كل اللي محتاجة يومين كمان علشان اقدر اعرف ابنكم فين
عمران
باين عليك واخد صيت علي الفاضي ومش هتعرف ابننا فين
صباح
لو مش هيعرف احس له يرجع الفلوس اللي خدها واحنا هنعرف ابننا فضل راح فين بعد موت جده
صديق
ليكم حق تقولو اكتر من كدة لكن انا كل اللي عايزة منكم يومين كمان وانا هعرف لكم فضل فين ومين وراء اللي حصل له
عمران
لما نشوف عارف انت جيت ازاي ولا تحب حد يوصلك
صديق باحراج
عارف عارف
ومشي وبص عمران ل صباح وقال
واخرتها اية
صباح
اخرتها خير بس نوصل ل فضل
قنديل ابواب الروح اللي الارواح بتحوم حوالين منه بس نوصل له ووقتها مش هنلاحق علي الخير اللي هيجي من وراء الهبة اللي عنده دي بس المهم ان فضل ما يعرفش انه يقدر يشوف ويسمع الاموات
عمران
بس لو اعرف مين اللي عمل كدة في ابننا هيكون حسابه معايا عسير وهاخد روحه بايدي،،،،،،،،،
ويجي الليل وفضل لسة نايم في المطعم ويصحي فضل علي صوت خبط علي باب المطعم فتح عيونه وبص لباب المطعم وقال
مين
لكن ما حدش رد ولقي باب المطعم بيترفع ل فوق فقال
عم بدر انت جيت
وفضل باب المطعم بيترفع وما فيش حد ظهر استغرب فضل جدا وقام يشوف مين اللي رفع باب المطعم ل فوق وملقاش اي حد في الشارع فضل واقف مستغرب لغاية ما ظهر من العدم باب من الخشب لكنه باب قديم وحد واقف وراء الباب عمال يخبط راح بخطوات مهزوزة ناحية الباب وكان عمال يقول
مين
ولكن الباب بيخبط خبطات سريعة قرب اكتر وفتح الباب ولقي نفسه في المخزن اللي كان في صديق وقت ما مات شادي فضل ماشي جوة المخزن وهو عمال يبص لي لغاية ما خرج من المخزن وراح ناحية الصحراء ووقف فوق البقعة اللي صديق دفن فيها شادي ومد ايدة ناحية البقعة دي وايدة اخترقت الارض وكانه كان حاططها في مية وطلع بجثة شادي ،،،،،،،،،،،،،،،
بعدها بساعة صديق كان في شقته وبيكلم اخوة يونس في التيلفون وبيقول
يا يونس بلاش تبقي غبي واوعدك ان العيل اللي هتجيبة المرة دي هيرجع لك كمان ساعة بس بلاش تضيع مني المصلحة
وفي اللحظة دي يسمع صوت خبط علي باب شقته استغرب وبص في الساعة اللس عديت 2 ص وقال وهو باصص للباب
ودة مين اللي جي دلوقتي
وبعدها قال ل يونس
خليك معايا اشوف مين بيخبط دلوقتي
وراح فتح الباب علشان يلاقي كومة من الرمل وتحت منها جثة شادي وجنب الجثة يقف فضل بص له صديق وهو هايتجنن وفضل خرج من جسمة تلت قطط ووقع مغمي عليه
وفي اللحظة دي يسمع صديق صوت خبط علي باب شقته استغرب وبص في الساعة اللس عديت 2 ص وقال وهو باصص للباب
ودة مين اللي جي دلوقتي
وبعدها قال ل يونس
خليك معايا اشوف مين بيخبط دلوقتي
وراح فتح الباب علشان يلاقي كومة من الرمل وتحت منها جثة شادي وجنب الجثة يقف فضل بص له صديق وهو هايتجنن وفضل خرج من جسمة تلت قطط ووقع مغمي عليه
فضل و الشيطان
★الحلقة الثالثة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي عز صدمة صديق يفوق من صدمته علي صوت مراته نجوي اللي كانت بتبص لجثة شادي و فضل اللي واقع جنب منه وقالت
يا ليلة سوداء مين دول يا
حط صديق ايدة علي بوقها وقال
بس اكتمي اية الفضايح دي هتلمي علينا سكان العمارة
ورجع بص ل شادي وفضل من تاني ،،،،،،،
وبعدها ب ساعة من جوة شقة صديق يقعد يونس وصديق جنب منه وقصاد منهم جثة شادي وفضل اللي فاق من حاله الغيبوبة اللي كان فيها وقال له يونس
ما تنطق يا روح امك وصلت ازاي للواد دة
فضل بص ل جثة شادي وقال
ما عرفش
ضربه صديق بالقلم وقال بعصبية
ولا اظبط بدل ما اظبطك
اتوجع فضل ومسك خدة وعيط طلعت نجوي من اوضة نومها وقالت
حرام عليك بتعمل في لية كدة
صديق بعصبية
نجوي انا مش ناقص دة عيل ما عرفش وقع عليه منين وجاي لغاية هنا بمصيبة تلبسني اعدام
نجوي
ما هو طلما جه ل غاية هنا بالجثة دي يبقي عايز يوصل لك رساله ما هو مش عيل صغير زي دة اللي هيلبسك جريمة زي دي انت تعرف مين العيل اللي مات دة
بص لها فضل وهنا يونس قال
نجوي مش شايفة ان الكلام دة لو حد سمعه غيرنا يلبس جوزك اعدام ف اما تقولي كلمة حلوة او تسكتي
بصت نجوي ل صديق وقالت
افتكر ان كتير انا قولت لك اني ما بحبش طريقة يونس في الكلام معايا
صديق
يونس مع حق انتي بتقولي كلام يوديني في داهية ف اسكتي احسن وخشي اوضك واقفلي علي نفسك وسايبنا نتعامل
نجوي بصت ل فضل وقالت
هسيبكم بس اوعي تاذو العيل الغلبان دة
صديق
ما تخافيش خشي بقي واقفلي علي نفسك
رجعت نجوي اوضتها وهي بتبص ل فضل اللي كان صعبان عليه وصديق بمجرد ما نجوي قفلت الباب قال ل فضل
هات بقي من الاخر وقولي مين بعتك بالجثة دي
فضل
ما عرفش والله العظيم ما اعرف
يونس قرب من فضل وقال
هو انت يلا اسمك اية
فضل
فضل عمران حامد
صديق استغرب
عمران حامد
يونس
تعرف الاسم دة
صديق
دة الراجل التقيل بتاع الاسماعلية اللي انا بدور علي ابنه
فضل
انا ابن الراجل دة
صديق
اكتم يلا
وخد يونس صديق علي جنب وقال
تفتكر ان الواد دة يكون ابن الراجل دة
يونس
ابنه ولا مش ابنه الواد دة عرف المكان اللي انت دفنت في شادي وجابه لغاية بيتك يعني خطر عليك وعليه
صديق
طيب انت شايف نعمل معه اية
يونس
بقول لك اية الواد دة انا هاخدة عندي الاصلاحية وهناك انا هعرف ازاي اخلي يتكلم ويقول هو مع مين ومين اللي بعته ليك
صديق فكر للحظات وبعدها قال
طيب بقول لك اية مش انا كنت عايز افتح المندل بعيل انا هفتح بي المندل وبعدها حلال عليك وانا هدفن جثة شادي تاني
يونس
لا ما بقاش ينفع انا هبلغ اللواء فهمي باننا لقينا شادي مقتول ومرمي في الصحراء
صديق
وهتخلص كدة
يونس
هخلصها انا ما تقلقش
صديق
ما كنت عملت كدة من الاول بدل الفضايح دي
يونس
ما كنتش اعرف بقي انها هتعك العك دة وياويلك لو في حد شافك وصورك وانت بتدفن الواد دة وهيبدا يساومك
صديق
هعرف مين دة وهخلي الجن ينفخه
يونس
ومراتك
صديق بص ل اوضة النوم وقال
خليها تفكر تتكلم وانا هسويها علي الجنبين ،،،،،،،
واول ما نزل صديق ويونس ونجوي تسمع الباب بيتقفل تخرج بسرعه من اوضتها وتتصل برقم وتستني لكام ثانية ثم ترد وتقول
الو سيف اخويا الحقني
وحكيت له علي كل اللي حصل وبعد ما خلصت قال سيف
نجوي انا ماليش دعوي بجوزك دة مؤذي وانتي عارفة السكة الشمال اللي هو ماشي فيها
نجوي
يعني اشوف عيل بيتاذي واسكت
سيف
اعملي نفسك ما شوفتيش حاجة وابعدي عن الشر وغني له ولو مش حابه العيشة معه اطلقي
نجوي
ما قدرش
سيف
علشان خايفة من اللي هيعمله فيكي
نجوي
انا ست لكن انت راجل
سيف
الخوف من اللي زي جوزك ما يفرقش بين راجل وست خليني بعيد علشان اربي عيالي ،،،،،.
ومن جوة المخزن بتاع صديق كان صديق بيربط فضل في العمود الموجود في المخزن وبيجهزة ل فتح المندل ورش الدم علي وشة وحط التلت قطط الميتين في شكل مثلث بص فضل للمنظر دة وقال
انت بتعمل اية
صديق
بفتح المندل علشان اشوفك انت فعلا ابن عمران حامد اللي انا شغال ل حسابه ولا لا
وبدا صديق يقول طلاسم لكن الغريب ان القطط بدات تبعد عن فضل والمثلث اتحول ل دائرة وقال صديق
اية اللي بيحصل ازاي هما خايفين منك كدة
فضل بص اوي ل صديق وقال
حاول تهرب قبل ما تموت
اترعب صديق وقال
اموت
فضل
البوابة اتفتحت واسمك اتندهه
صديق بدات دقات قلبه تزيد وقال بخوف شديد
انت اية انت مش طفل عادي
فضل
انا شايف امك وابوك اللي رافضين كل اللي بتعمله
بص صديق حوالين منه وقال
ما حدش موجود هنا غيري انا وانت
فضل بص وراء صديق وقال
وهما
بص صديق وهنا سمع باب المخزن بيخبط خبط مخيف بص ل فضل وقال
مين اللي علي الباب
لكن فضل ماردتش واترفع جسمه ل فوق واتفك من الربطة اللي كان مربوط بيها وصديق قال
انت مين و ازاي بتقدر تعمل كد،،،،،،،
لكن قلب صديق بدأ يقف ووقع علي الارض بيطلع في الروح وهو عمال يبص ل فضل مش قادر يصدق اللي شايفة ،،،،،،،،.،،،
وبعدها بكام ساعة كان بونس بيتصل علي نجوي وردت نجوي وقال يونس
فين صديق
نجوي
ما رجعش من ساعة ما خرج امباراح
يونس
ازاي دة ،،،،،،
ومن جوة المخزن يقف يونس قصاد جثة صديق وكان بيبص لها وهو هيتجنن من الصدمة ونزل ل جثة صديق وقال
صديق اخويا رد عليه ابوس ايدك ورجلك رد قولي مين عمل فيك كدة
وبدا يصرخ وبعدها قال
هو العيل اللي اسمه فضل دة واللي وراء هما اللي عملو كدة في اخويا بس ورحمة اخويا مش هسيبة يتهني في عيشته ،،،،،،
وقلب يونس الدنيا علي فضل لكنه ما قدرش يوصل له وتعدي السنين وفضل بيتنقل من رصيف ل رصيف وبياكل من الزبالة حاول يرجع ل عم بدر لكنه ما قدرش يفتكر المكان وفضل تم 25 سنه وكان نايم في ليلة علي الرصيف وقت ما صحي علي ايد بتهزة فتح عيونه ملقاش حد لكنه لقي جواب جنب منه فتح الجواب وكان مكتوب
★جه الوقت ترجع مكانك وتاخد حقك من امك وابوك اللي ظلموك وتعرفهم ان حامد عرف يربي ويكبر فضل حفيدة ل يوم الحساب ومعاك وفي ظهرك كل الاموات اجهز وانسي النوم علي الرصيف جدك
حامد ★
وهنا يظهر من العدم عم بدر اللي بص له وقال
جاهز
فضل
عم بدر انت كنت فين دة انا حاولت كتير افتكر مكانك واوصل لك لكني ما قدرتش
بدر
الميت اللي زيي ملهوش الا مكان واحد
فضل
انت ميت من امتي
بدر
من اول يوم شوفتني في
فضل اتصدم وقال
وازاي كنت بشوفك واتكلم معاك
بدر
علشان انت عندك الهبة دي تقدر تشوف وتتكلم مع الاموات
فضل استغرب اكتر وقال
انا بقدر اعمل كدة
بدر
اية نسيت شادي اللي خلاك تطلعه من قبره وتدوي عند اللي قتله
فضل
انت بتتكلم عن اية انا مش قادر افتكر اي حاجة
بدر
فاكر الدجال صديق اللي خدك مخزنه ومات قصاد منك
افتكر فضل وقال
فاكر وفاكر جثة العيل اللي كانت جنب مني في شقته
بدر
اهو العيل دة اسمه شادي مات علي ايد صديق وراح لك شادي وعرفك هو ادفن فين وخلاك تخرجه من قبره وتودي ل بيت صديق
فضل
واشمعني انا ولية شادي دة بالذات اللي ظهر لي وخلاني اعمل كدة
بدر
دة سر دلوقتي مش مسموح لي باني اقوله ليك و سيبك بقي من اللي فات واجهز للي جاي
فضل
طيب انا عايز افهم
بدر
هتفهم كل حاجة في وقتها وانت جوة القصر اللي كبرت في ورباك جوة منه جدك حامد
ومد بدر ايدة ل فضل اللي فضل باصص لها لكام ثانية وبعدها مسكها وقام من فوق الرصيف وابتدي المشوار ،،،،،،،،،،،،
فضل و الشيطان
★الحلقة الرابعة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من قدام المخزن بتاع صديق يقف فضل وكان معه عم بدر وفضل افتكر المخزن وقال
دة المخزن بتاع ،،،،،،،،
وسكت فضل لما شاف باب المخزن بيتفتح وبيخرج يونس وراح ناحيته ووقف قصاد منه وقال
سكت لية دة المخزن بتاع صديق اخويا
استغرب فضل وقال
وانت يونس اخوه مش كدة
يونس
انا اللي دورت عليك سنين وسنبن لكن كويس انك جيت لي ولغاية عندي
فضل بص ل عم بدر وقال
دة انت متفق مع عم بدر بقي عليه
يونس بص ل بدر وقال
ما تظلمش بدر لانه مخلوق ضعيف وبينفذ اللي انا طلبته منه اصلي بقيت زيك صاحب هبه وبتحكم في اي ضعيف وبدر واللي زية مايقدروش يقولو ليا لا وعارف انك بتسال نفسك اية اللي جاب بدر في سكتي هقول لك ،،،،
ونرجع بالاحداث لكام سنة وراء ويونس كان في مكتبه في قلب الاصلاحية وقت
ما رن التيلفون الارضي ورد قائلا
الو
صوت راجل
العيل اللي انت بدور عليه عرفت لك مكانه
يونس باهتمام
فين ،،،،،،،
بعدها بشوية ومن قصاد المطعم بتاع عم بدر اللي كان مقفول يقف مخبر مع يونس وكان بيقول
اتشاف وهو بيدخل وبيخرح من المطعم دة
وهو مقفول كدة
يونس اتجنن وقال
انت في اية في دماغك مطعم مقفول ازاي دخل وخرج منه هو اية شبح
المخبر
دة كلام معظم اهل المنطقة لكنهم بيخافو يتكلمو لان من ساعة ما بدر صاحب المطعم دة اتقتل جوة منه وهو علي طول كدة في حاجات غريبة بتحصل في
يونس
يعني اية اللي شوفته عند اخويا صديق كان عفريت
المخبر
معقوله
يونس
هو مش دة معني كلامك
المخبر
يبقي عفريت
يونس بص له وملقاش اي كلام يتقال لكنه قال في سرة
انا بقي هعرف الحقيقية ولو حتي الواد دة كان جن مصور لازم اجيب حق اخويا منه،،،
وبعدها بشوية ومن جوة شقة شكلها غريب كلها صور مقلوبه وكلام بحروف مقلوبه يقعد يونس قصاد راجل عجوز صاحب لحية بيضاء وبشرها سمراء باين عليه الهيية والعلم والبصيرة اسمه صابر وكان يونس بيقول
دفعت كتير اوي علشان اشوفك و اقعد معاك
صابر بص له بطرف عينه وقال
انت مش جاي ل حد قليل قول اللي عندك ما ضيعش وقتك بس بالتفصيل
وحكي بونس الحكاية كلها بعد ما خلص قال صابر
كمان 7 ايام القمر هيكون مطموس وقتها تقابلني بعد الفجر في المخزن بتاع اخوك صديق وبعدها هنروح المطعم بتاع بدر ،،،،،،،
ومن جوة المخزن يقف صابر وجنب منه يونس وطلع من جيبة خيوط تشبه خيوط العنكبوت ورمي الخيوط دي علي الارض وبدات الخيوط تتشكل في شكل بني ادميين وتتحرك وكانها بترسم كل اللي حصل في ليلة موت صديق وبعد ما انتهت الخيوط من الرسم قال صابر
اخوك مات هنا فعلا بس مش علي ايدين فضل دة مات علي ايدين روحين
اتصدم يونس وقال
روحين
صابر
روح ابوك وامك
يونس كان هايتجنن وقال
انت بتقول اية يا عم انت
صابر بحدة
فضل اللي كان هنا عنده هبة تقدر من خلالها اي روح تعدي ابواب الاخرة وترجع الدنيا وتاخد حقها من اللي ظلمها وباين اوي ان امك وابوك اتظلمو كتير علي ايدين صديق اخوك
هنا الذكريات بدات تهاجم يونس وهو بيفتكر كل اللي عمله صديق من شر في ابوة وامه لدرجة انه جه عليهم وطردهم من الشقة بتاعتهم علشان يبيعها وياخد فلوسها بعد ما قدر يعمل عمل ل ابوة يخلي يكتب له البيت بيع وشراء وهو مش في وعيه ولولا بيت جدهم كان زمان ابوة وامه نامو في الشارع ولاحظ صابر سرحان يونس فقال
روحت مني فين
يونس
مش مصدق اللي انت بتقوله
صابر
براحتك لو حابب نكمل عرفني مش حابب خلاص ارجع مكاني وكانك ماشوفتنيش
واستعد صابر للخروج من المخزن فقال له بونس
استني بس
صابر
انا ما حبش اتعامل مع اي حد مكذبني
واتحرك صابر ناحية باب المخزن فقال له يونس وهو ماشي وراء
ما انت لازم تقدر اني بني ادم اول مرة اسمع الكلام دة يعني اية حد ميت يرجع الدنيا ينتقم من حد عايش علشان ظلمة
صابر
الدنيا مليانة غيبيات ما نعرفش عنها الا القليل و فضل عنده الهبه دي وما فيش منه اتنين في زمنا دة بني ادم يقدر يساعد الاموات في اخد حقهم
يونس
وانت عرفت ازاي الكلام دة
صابر
انا قريت كتير وكتير 45 سنه بقراء في عالم ما وراء الطبيعة واللي زي فضل كان موجود في زمن الملوك زمن الملك فاروق كان قنديل ابواب الاخرة يشوف اللي ماتو ويتكلم معاهم ويساعدهم في انهم ياخدوا حقهم
يونس مصدوم ولسة مش مستوعب و صابر قال
هتفضل كدة ولا نروح المطعم المقفول
يونس
هستوعب واركز معاك ودلوقتي بينا علي المطعم ،،،،،،
ويقفوا الاثنين قصاد باب المطعم المقفول ويقول صابر
افتح الباب
يونس
واعملها ازاي دي
صابر
اكيد في ورثة اعرف مين هما وخليهم يفتحوا لنا الباب
يونس
احنا لسة هندور علي ورثة
وبدا يونس يبص حوالين منه لغاية ما شاف زلطة ومسكها استغرب صابر وقال
انت ناوي تكسر القفل
يونس
ما انا مش هقدر استني وعايز حد يتكلم انا تبع الحكومة
وبدا يونس يخبط القفل من الجنب كام خبطة وراء بعض لغاية ما القفل اتفتح ورفع يونس باب المطعم لفوق ودخلو هما الاثنين المطعم و صابر اول ما دخل برق وبدا يقول طلاسم وايات قرانية معكوسة وطلع الخيوط ورماهم علي الارض وقال يونس
هي اية الخيوط دي
صابر
دي خيوط الجن
وبدات الخيوط تتشكل في شكل فضل وشكل بدر وكل اللي حصل بينهم وقال صابر
بدر مش مجرد صاحب مطعم دة جن ازرق مسخرة حامد جد فضل ل حماية فضل ومع بدر جواب من جده يوصل له لما يتم ال 25 سنه
يونس بفضول شديد
في اية الجواب دة
صابر
ما عرفش وما نقدرش نعرف لان الجواب مع بدر وفي حمايته وبس لكننا نقدر نسيطر علي بدر باننا نحضرة
يونس
طيب ما تعمل كدة
صابر
بحسابه
يونس
كل اللي انت عايزة ،،،،،
وراح يونس ل نجوي ووقف قصاد منها في شقتها وكان بيقول بعصبية
ايوة الذهب كله اية اطرشتي
نجوي
واديك الذهب بتاعي لية
يونس مسكها من شعرها وقال
دة ذهب جابه اخويا ليكي بفلوسه اخويا اللي انتي بتكرهي ولا انتي فكراني عبيط ومش عارف اللي في قلبك
نجوي
يا اخي مش كنت غورت مع اخوك وارتاحنا منك
يونس
مش هغور الا لما اخد اجلك او الذهب بتاعك يا روح امك
نجوي
وانا مش هديك الذهب يا يونس واللي عندك اعمله
يونس
لا عندي كتير
ولف ايدة حوالين رقبتها وقال وهو بيخنق
فين الذهب يا بنت الكلب
نجوي وهي بتضرب في
مش هديك حاجة
وبدات نجوي تطلع في الروح لغاية ما ماتت سابها وقعت علي الارض جثة لكن يونس داس عليها بجذمتة ودخل الاوضة يدور علي الذهب وفعلا وصل للذهب وولع في الشقة وهرب ،،،،،،،،،،
ونرجع ل يونس اللي واقف قصاد فضل
وكان بيقول
ودلوقتي انت ملكي لو عايز ترجع ل اهلك والقصر بتاعك وفلوس ملهاش اخر انا الوحيد اللي اعرف عنوانهم واعرف مين عمل فيك كدة ورماك طول السنين دة علي الرصيف
فضل بص ل بدر وقال
عم بدر
يونس
بدر هيتحرق حالا
وندهه يونس علي صابر اللي خرج من المخزن و بص ل بدر وقال طلاسم مخيفة اتحرق بعدها بدر وفضل كان بيبص للي بيحصل وهو مرعوب وهنا قرب يونس من فضل وقال
تحب مصيرك يكون نفس مصير بدر ولا تساعدني في اللي انا عايزة
فضل
تعرف ان دلوقتي باب المخزن هيخبط وهيخرج منه اللي يقتلك
اترعب يونس وسمع خبط علي باب المخزن بص يونس وراء منه و
وندهه يونس علي صابر اللي خرج من المخزن و بص ل بدر وقال طلاسم مخيفة اتحرق بعدها بدر وفضل كان بيبص للي بيحصل وهو مرعوب وهنا قرب يونس من فضل وقال
تحب مصيرك يكون نفس مصير بدر ولا تساعدني في اللي انا عايزة
فضل
تعرف ان دلوقتي باب المخزن هيخبط وهيخرج منه اللي يقتلك
اترعب يونس وسمع خبط علي باب المخزن بص يونس وراء منه و
فضل و الشيطان
★الحلقة الخامسة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
اترعب يونس وسمع خبط علي باب المخزن بص يونس وراء منه وشاف نجوي وشادي رجع بص يونس ل صابر وقال
امنعه من اذيتي انا بدفع لك كتير علشان تحميني
وهنا ابتسم صابر وقال
ما قدرش احميك منهم
وقربت نجوي و شادي من يونس لكن يونس بص لهم وقال بسخرية
يبقي انا احمي نفسي
وصرخ فيهم يونس واتحولو ل مجرد رماد وابتلعهم وبص ل فضل وقال
اصل انا ميت ووهبت روحي للشيطان علشان اقدر عليك وطبيعي الاموات لما بتكون انت في مكان يقدروا يظهروا وانت تشوفهم وصاحب الفكرة المجنونه دي صابر اللي قدر يوهب روحي للشيطان اصل صابر دة ما فيش منه اتنين زيك كدة
وبص يونس ل صابر وبعدها هجم يونس في لمح البصر علي فضل ومسكه من رقبته ورفعه ل فوق وقال
ودلوقتي هتعمل اللي هيطلب منك ورجلك فوق رقبتك وحكاية بقي الاموات اللي انت شاطر في تحضريهم مش هينفعوك انا قدهم وقدك
فضل بصعوبه
هو انت عايز مني اية
ساب يونس رقبته وقال
تقتل واحد عن طريق الاموات زي ماكنت السبب في موت اخويا صديق والواحد دة في حد دفع مبلغ كبير علشان يموت من غير اي شبهة جنائية
فضل
ودة شافك ازاي واتفق معاك علي كدة
صابر
الاتفاق تم معايا انا لاني بالبلدي كدة هنستخدم الهبة اللي عندك في اغتيالات ناس بيندفع كتير في موتهم ومن غير اي اثر جنائي يعني هيموتو موته ربنا
وبعدها اتحولت لغة صابر للتهديد وهو بيقول
وهتنفذ اللي احنا عايزينه منك تكسب رضانا وفوق الرضا قرشين يعيشوك في احسن مكان تتمني هتقول لا ما تلومش الا نفسك والرصيف اللي انت نايم عليه مش هتلاقي لاننا هنقلب حكايتك سواد
فضل
طيب قبل ما اقول اة او لا عايز اعرف الجواب اللي لقيته تحت مني دة فعلا من جدي
يونس
اة وكل كلمة في صح وانت ليك حق كبير عند ابوك وامك اللي هما سبب البهدلة اللي انت فيها
فضل
طيب هنفذ اللي انت طلبته وتعرفني مكانهم
يونس
طبعا
فضل
اية المطلوب بالظبط
طلع صابر صورة ل راجل في الاربعينات من عمره ملتحي اسمه فريد عبد المنعم وقال وهو بيحط الصورة في ايد فضل
دة فريد عبد المنعم شريك بنسبة 52 % في مصنع اسمدة كبير شريكة قاسم خلف عايز يخلص عليه بعد ما يمضي علي توكيل رسمي يحق ل قاسم بسببة بيع نصيب عبد المنعم لي وبعدها ما يمضي علي التوكيل دة هيشوفك وهو اذي مراته اللي ماتت من القهر لما عرفت انه اتجوز عليها مع انها سبب الفلوس الكتير اللي ملكة وبمجرد ما هيكون قدامك روح مراته هتخلص عليه
فضل
ودة الاقي فين
صابر
هو دلوقتي في فندق كبير في شرم الشيخ بيحضر اخر صفقة المفروض هتم باسمه وهو عايش واي تفاصيل تانية هتعرفها وانت في شرم
وطلع صابر بطاقة شخصية باسم فضل وادي البطاقة ل فضل بص فضل للبطاقة واستغرب وقال
دي بطاقة ليا
صابر
اومال هتخش شرم ازاي
فضل ما كنش مصدق وكان عمال يبص للبطاقة وقال
ودي عملتوها امتي وازاي
صابر
انت بتسال كتير ودة انا مابحبوش ويلا علشان هتسافر شرم دلوقتي
بص فضل ل شكلة المبهدل وهدومة اللي عليها تراب الرصيف وشعره الطويل وقال
ازاي بس بالمنظر والهدوم دي
صابر
عامل حسابي ،،،،،،،،،
ومن جوة اوضة في فندق كبير في شرم يقف فضل مش مصدق اللي شايفة وكان عمال يبص حوالين منه اول مرة يكون جوة اوضة مقفول عليه باب راح لغاية السرير ورمي جسمة علي السرير وبعدها قام وقف قصاد المريا وكان بيبص ل نفسه باعجاب شديد صابر حوله من مجرد متسول ل شاب وسيم يسحر اي بنت بعد ما جاب له حلاق وهدوم تليق بالشخصية الجديدة اللي هيدخل بيها شرم وسمع خبط علي باب الاوضة وصوت من برة بيقول
روم سيرفس
ما فهمش لكنه قام من فوق السرير وراح فتح باب الاوضة ولقي بنت زي القمر ماسكة ترولي صغير علي اصناف كتير من الاكل وقالت
الغداء
بص لها فضل ورجع بص للاكل وقال
كل الاكل دة علشاني انا
البنت
طبعا ممكن ادخل
وسع لها فضل والبنت دخلت بالاكل وبدات تحطة علي تربيزة السفرة الموجودة في الاوضة وفضل عمال يتفرج علي الاكل اللي بينزل ويفتكر ايام ما كان بياكل من الزباله وما بقاش مصدق اللي هو في وانتهت البنت وكررت اكتر من مرة جملة
تأمرني باي حاجة تاني
لغاية ما انتبه فضل ليها وقال
شكرا
وخرجت البنت بالترولي اللي كان معها وقعد فضل ياكل من طبق قصاد منه حلو علي حادق مش مهم المهم انه ياكل اصل الحرمان وحش ،،،،،،،
وبعدها بكام ساعة وقت ما كان فضل نايم يصحي علي صوت خبط علي باب الاوضة يقوم بصعوبه ويفتح الباب علشان يلاقي قصاد منه يونس وصابر وقال يونس اول ما شافه
اية رايك في الجنة بتاعتنا
فضل وهو رايح يقعد علي السرير
ما فيش احلي من كدة بصراحة
صابر
طيب جاهز للعملية
فضل
اية دة بسرعه كدة
صابر
خلاص فريد مضي العقد وروحه بقي اولي بيها اللي خلقها
فضل
طيب هو مش حرام يموت
يونس
خلاص تموت انت واللي عمله فيك ابوك وامك ينتهي بنهايتك وما تنفذ وصية جدك بان تاخد حقك منهم
فضل فكر للحظات وقال
هاشوفة فين فريد دة
صابر
النهاردة بالليل هيكون في المطعم تدخل المطعم وتبص في عيونه والباقي بقي معروف ،،،،.،، ،
في نفس الوقت كان فريد قاعد في جناح كبير وكان بيتكلم في الموبيل بتاعه وبيقول
ايوة يا شفيق عجلين وتوزعهم علي الغلابة ما تحرمش محتاج دي حلاوة الصفقة الجديدة
وقفل فريد وبص ل شريكة قاسم اللي بيجهز ل قتله وقال قاسم
عجلين مرة واحدة مش حرام عليك المصاريف دي
فريد
بطل بخل بقي دة احنا عاملين صفقة بملايين مستخسر في الغلابة عجلين ب كام الف
قاسم
ايوة يا فريد مستخسر الكام الف دول انا اولي بيهم
فريد
قاسم انا مش ناقص صداع وحق العجلين دول من نصيبي
قاسم
يكون احسن
فريد
طيب يلا قوم اتوضاء خلينا نصلي العصر
قاسم
هصلي بعدين المهم انت متنساش العشاء النهاردة في المطعم
فريد
مش هنسي باذن الله ،،،،،،،
وجه الليل وفضل كان في المطعم مستني نزول فريد لكن فريد ما انزلش فوقف قصاد منه صابر وقال
فريد مش هيتعشي النهاردة لان معدته وجعاه انت هتطلع له اوضة وتخبط علي الباب عادي واول ما يفتح انت عارف هتعمل اية
فضل
اوضة 203
وطلع فضل للاوضة وخبط علي الباب وفتح له قاسم وبص فضل في عيون قاسم وسمع قاسم صوت باب بيخبط بص ناحية الصوت شاف اللي ظلمهم وهما اموات حاول يهرب لكن قلبه وقف وعيونه طلعت دم وبوقة كمان وكإن شرايين دماغه انفجرت ووقع من طولة ميت في نفس الوقت كانت في واحدة من الجست بتقفل باب اوضتها وشافت الدم بصت ل فضل وقالت وهي بتصرخ
قتله قتله
اتجمع الامن الموجود في الدور وجريوا ناحية فضل اللي بدا يجري هاربا وصابر بيتابع اللي بيحصل من بعيد واتعقدت الامور ،،،،،،،،،،
وطلع فضل للاوضة وخبط علي الباب وفتح له قاسم وبص فضل في عيون قاسم وسمع قاسم صوت باب بيخبط بص ناحية الصوت شاف اللي ظلمهم وهما اموات حاول يهرب لكن قلبه وقف وعيونه طلعت دم وبوقة كمان وكإن شرايين دماغه انفجرت ووقع من طولة ميت في نفس الوقت كانت في واحدة من الجست بتقفل باب اوضتها وشافت الدم بصت ل فضل وقالت وهي بتصرخ
قتله قتله
اتجمع الامن الموجود في الدور وجريوا ناحية فضل اللي بدا يجري هاربا وصابر بيتابع اللي بيحصل من بعيد واتعقدت الامور
فضل و الشيطان
★الحلقة السادسة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي وقت هروب فضل كان صابر هايتجنن وهو بيقول ل نفسه
ازاي دة حصل دة قاسم ما أكد لي انه نزل من الاوضة رجع لية تاني
وهنا يظهر بونس من العدم ويبص ل صابر ويقول
فضل اتمسك
صابر
انت بتقول اية
يونس
بقول اللي شوفته بعنيه
صابر
ولية ما ساعدوش في الهرب دة انت مجرد شبح وتقدر تخوف الامن اللي كان بيطاردة
يونس
انت هتشيلني انا الذنب لية مش كله بسبب قاسم الغبي اللي بعد ما نزل رجع تاني اوضة فريد وعارف هو رجع لية
صابر
انت تعرف
يونس
انا شوفت كل اللي حصل لاني كنت في الاوضة مع فريد ويونس
صابر
طيب ما تعرفني اية اللي حصل ،،،،،
ونرجع بالاحداث ل كام دقيقة وفريد في اوضة وكانت بطنه وجعاه وقت ما سمع صوت خبط علي باب الاوضة قام يفتح وشاف قصاد منه قاسم اللي قال
اية يا عم فريد هي دي مواعيد احجز لك العشاء في المطعم واخلي عشاء مخصوص وانت قاعد هنا ما نزلتش
فريد وهو بيقعد علي سريرة
بطني وجعاني اوي ومش هقدر اتعشي
قاسم اتصدم وقال
ازاي بس دة انا محضر لك كل اللي انت بتحبه
فريد
والله ما هقدر كل انت الف هناء وشفاء
قاسم كتم غضبه وقال
طيب هخلي الاكل يطلع لك هنا
وطلع قاسم موبيله من جيبة واتصل برقم صابر واول ما صابر فتح قال قاسم
فريد مش هيقدر ينزل ياريت تبعته دكتور علي هنا وبسرعة
وقفل قاسم الخط وفريد قال له
هو انت كنت بتكلم مين
قاسم
دة مدير الفندق طلع معرفة من زمان وحلفني اني لو عوزت اي حاجة اتصل عليه علي طول
فريد
طول عمرك علاقاتك كتير وكلهم ناس تقيلة
قاسم
اللي ما تحتجش لوشة النهاردة تحتاج بكرة ل قفاة اسيبك انا بقي ترتاح ولما يجي الدكتور ويمشي ابقي هطمئن عليك
وسمع قاسم صوت خبط علي الباب وكان طبعا اللي بيخبط فضل وللعلم قاسم ما كاتش يعرف فضل هو يعرف صابر بس وكمان هو ما يعرفش صابر كان هيقتل فريد ازاي فعلشان كدة راح فتح وشاف فضل والباقي انتو عارفينه ،،،،،،،،،
ونرجع تاني ل صابر و يونس اللي كان جسمة بيتلاشي وبيختفي شيئا ف شيئا فبص ل صابر وقال بفزع
اية اللي بيحصل فيا دة
صابر
فضل كدة بيبعد عننا وانت عارف انه هو الوحيد اللي مخلي روحك لسة علي الارض واللي بيحصل لك دلوقتي هو ان روحك هتتسجن وراء البوابة
يونس وهو بيبص ل جسمة اللي بيتلاشي
طيب والحل
صابر
نعرف فضل فين وتقرب منه علي قد ما تقدر
يونس
ودي بس هنعرفها ازاي
صابر
انا هتصرف ،،،،،،،
ومن جوة قسم شرم يقف فضل وفي ايدة الكلبشات قصاد الظابط يحيي وكان يحيي بيقول بعصبية
ما تنطق يلا قتلته لية
فضل
انا ما قتلتش حد
يحيي
اومال امن الفندق اللي مسكك قبل ما تهرب والقتيل قاسم اللي وقع علي باب اوضة غرقان في دمه كل دة ما حصلش دة انت قتلته مع سبق الاصرار والترصد يعني بالميت فيها اعدام
فضل خاف
انا ماليش دعوي بكل دة السبب وراء اللي حلص دة صابر ويونس
يحيي
مين صابر ويونس دول شركائك
فضل
لا هما اللي وداني شرم علشان اقتل فريد باتفاق مع قاسم لكن ربنا اراد ان اللي يموت قاسم مش فريد
يحيي
ومات ازاي بقي
هنا يرن موبيل يحيي فيرد قائلا
باشا
وسكت شوية وبعدها قال
يا باشا انا شغال علي القضية بايدي وسناني لكن فعلا الخيوط قليلة اوي في القضية دي وكل ما المباحث تشك في حد يطلع براءة ل عدم كفاية الادلة مش قادرين نعرف مين اللي قتله
وهنا فضل يسمع صوت خبط علي باب بص حوالين منه شاف باب خشب قديم راح ناحية الباب وفتحة ودخل جوة الباب لقي نفسه جوة شقة حالها علي قدها وراجل في وسط الشقة دي واقع علي الارض غرقان في دمه راح ناحية الجثة دي وايده اتحركت ولمس الدم بتاع الجثة وحط الدم علي لسان الجثة فتحت الجثة عيونها وشاف اللي قتل الجثة وشافو اتقتل ازاي يعني شاف في عيون الجثة كل اللي حصل وقالت الجثة
انا صالح و ابني مراد قتلني وسرق عقد الشقة اللي هي ايجار قديم علشان يدي ل صاحب البيت ويعرف يطلعني منها وياخد منه 100الف ج هات حقي انت الوحيد اللي تقدر تعمل كدة
في نفس الوقت يحيي كان باصص ل فضل اللي واقع علي الارض مغمي عليه ومسك ازازة المية اللي كانت قدام منه علي المكتب ورشها في وش فضل اترعش فضل وفتح عيونه وقام وقف بطريقة غريبة وكانه كان ميت والروح رجعت له وقال
لو بدور علي اللي قتل صالح ف انا عارف مين هو
اتصدم يحيي وبص ل فضل اوي وقال
انت عرفت اسم القتيل ازاي
فضل
مش هتصدقني علشان كدة الاحسن لينا انك تقبض علي مراد ابن صالح والدليل علي انه هو اللي قتل ابوه صالح عقد الشقة موجود عنده في البيت
يحيي
انت ازاي عرفت دة كله
فضل
هات حق صالح الاول وبعدها نتكلم ،،،،،،،
وبعدها ب ساعة كان صابر جوة عربية ومعه يونس اللي جسمة رجع زي ما كان وكانو واقفين قصاد قسم شرم ويونس قال ل صابر
فضل لازم يخرج
صابر
هيخرج لان الطب الشرعي هيكشف علي جثة قاسم ويعرف ان مات موته طبيعية مافيهاش اي شبهة جنائية
يونس
وانا علشان روحي تفضل في الارض لازم افضل قصاد القسم
صابر
هتفرق معاك انت فين مش المهم انك موجود
يونس
لا مش مهم اني موجود اتصرف وخرج فضل انا ما حبش حريتي تتقيد
صابر
يونس من اول العهد اللي بينا ومن اول ليلة وهبت فيها روحك للشيطان وانت عارف ان وجود روحك في الارض متوقف علي انك تبقي بالقرب من فضل وانت وافقت علي كدة ما تجيش دلوقتي وتطلب المستحيل
يونس
يعني مصيري هيفضل مربوط ب مصير فضل
صابر
مش مصيرك ل وحدك فضل هيحقق لنا كل اللي بنحلم بي ومستحيل نلاقي فرصة تاني زي دي بس الازمة دي تخلص علي خير وبعدها نعيد الحسابات ،،،،،،،،،
وبعدها بيوم كان يحيي في مكتب اللواء ثروت وكان ثروت بيقول
انت ما تعرفش انا فخور بيك قد اية انك قدرت تحل لغز مقتل صالح رغم انك طولت لكنك برافو قدرت توصل للقاتل
يحيي
يا فندم القضية ما كانتش سهلة وما حدش كان يتوقع ان مراد ابن القتيل هو اللي يعمل كدة لانه دخل وقتل ابوه بلا اي رحمة وخرج ساب الجثة مرمية في الصاله الجيران لما شمو ريحتها كسروا الباب وعرفو باللي حصل ل صالح وبلغو لكن مراد غلط لما ساب عقد الشقة في بيته ودة كان دليل ادانة كافي عليه
ثروت
ارجع واقول الشاطر في الاشطر منه ومع ان القيادات كانو ديما شايفينك ظابط فاشل وغير جدير بالمسئولية لكن بنجاحك في حل لغز القضية دي انت من جديد هترجع لطريق النجاح
يحيي
تلميذك يا فندم
ثروت
من كام ساعة ما كنتش اتشرف انك تبقي تلميذي لكن دلوقتي انا فخور بيك
ابتسم يحيي ابتسامة غيظ وقال في سرة
من هنا ورايح الفاشل اللي ما يشرفشك يكون تلميذك هيكون قريب اوي مكانك علي الكرسي دة في المكتب دة ،،،،،،،،،
ومن جوة مكتب يحيي يقعد يحيي قصاد دكتور الطب الشرعي اللي شرح جثة قاسم وكان بيقول
انت بتقول اية
الدكتور
اللي حضرتك سمعته قاسم مات موته ربنا موته ما فيهاش اي شبهة جنائية لان بعد تشريحي للجثة اتاكدت انه حصل له انفجار في شرايين المخ بسبب تعرضة ل صدمة عصبية ونفسية شديدة ودة سبب الوفاة
يحيي
معني كلامك ان فضل دة يخرج براءة
الدكتور
دة اللي المفروض يحصل
يحيي قال ل نفسه
اخرجه ازاي وهو اللي هيكون سيب سعدي دة انا لو خدة معايا في اي قضية قتل هيعرف لي مين القاتل زي ما عمل في قضية صالح لا الواد دة مش هيخرج منها
لازم يفضل تحت ايدي
ولاحظ الدكتور سكوت يحيي فقال
يحيي باشا انت معايا
يحيي بص له وقال
التقرير دة انا مش هاخد بي وهطلب دكتور غيرك يقوم يالكشف علي الجثة
الدكتور
هو حضرتك شايف اني مقصر اوي كدة
يحيي
ايوة شايف كدة ومش حابب اسمع كلام تاني مفهوم ،،،،.،،
ونروح للزنزانه المسجون فيها فضل اللي كان قاعد في اخرها ساند دماغة علي الحيطة ببفكر في كل اللي حصل وقت ما شاف جده حامد في خياله وكان بيقول
فضل انت قاعد لية كدة
فضل
مسجون
حامد
حفيدي ما يبقاش قليل الحيلة كدة وما يبقاش تحت رحمة اي حد
فضل
وهو انا اقدر اعمل اية وما عملتهوش
حامد
تقدر تعمل كتير الميت اللي زيك مش محتاج ابواب مفتوحه علشان يقدر يخرج
اتصدم فضل وقال
انا ميت
حامد
كلنا اموات قوم وحرر نفسك وهات حقك من اللي ظلموك
واختفي حامد وقام فضل وقف وبص ل جسمة ول نفسه وقال باستغراب شديد
انا ميت
وراح فضل ناحية باب الزنزانة وقرر يعدي من الحديد واول ما قرب من الباب لقي جسمه.
واختفي حامد وقام فضل وقف وبص ل جسمة ول نفسه وقال باستغراب شديد
انا ميت
وراح فضل ناحية باب الزنزانة وقرر يعدي من الحديد واول ما قرب من الباب لقي جسمه بيعدي من الحديد اتصدم وبرق وبص ل جسمه باستغراب شديد
فضل و الشيطان
★الحلقة السابعة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبدا فضل يمشي في طرقات القسم والغريبة ان ما كنش في حد شايفة لغاية ما وصل لباب القسم الخارجي ولقي قصاد الباب تلت قطط ما شافهمش من وقت
ما كان صغير بص لهم بتركيز شديد وفجاة التلت قطط اتحولو ل تلت مخلوقات يشبهوا البني ادميين لكنهم مش بني ادميين والغريب انهم شبه بعض جدا وقال واحد منهم
قدرت تحرر نفسك من الجسد وترجع لنا
فضل
انتم مين
قال الاول
انا الحارس الاول ل ابواب الروح نشروان
وقال التاني
و انا الحارس الثاني ل ابواب الروح أيار
وقال الثالث
و انا الحارس الثالث ل ابواب الروح جوان
وقالو الثلاثة في نفس ل واحد ل فضل
وانت قنديل ابواب الروح اللي من خلالك بتعدي الارواح من العالم بتاعها لدنيا البشر والغرض من المرور الانتقام كل روح اتظلمت وماتت قبل ما تاخد حقها تقدر ترجع الدنيا وتاخد حقها من اللي ظلمها بمجرد ما تبص انت في عيون الظالم وتنور الطريق الظلمة للارواح ويتم الخروج من الابواب
هنا فضل يشوف نفسه جوة الزنزانة مرمي علي الارض والظابط يحيي بيحاول يفوقة فا ستغرب فضل وقال
هو انا ازاي شايف نفسي جوة الزنزانة مع اني واقف معاكم دلوقتي
جوان الحارس الثالث
انت كنت جوة الجسد دة ول سبب ما حدش فينا يعرفه
فضل
هو انا مش فضل
ايار الحارس الثاني
انت نصير من جنسنا مش من جنس البشر احنا مخلوقات اتوجدت لحماية ابواب الروح شبه البني ادميين لكننا غيرهم واتعرف اسامينا بالحراس
نصير باستغراب شديد
نصير ولما انا من جنسكم اية اللي دخلني في جسد فضل
ايار
صدقنا ما حدش يعرف لكن كل اللي نعرفه اننا اتكلفنا بحمايتك من وانت صغير ومساعدتك لغاية ما تكبر وتقدر لوحدك تتحرر من الجسد اللي كبرت جوة منه واديك قدرت تتحرر
ورجع بص لنقطة معينه وفضل لسة واقع علي الارض في قلب الزنزانة ويحيي جاب دكتور القسم علشان يعرف اية اللي حصل له وقال نصير
وخروجي من جسم فضل معني موته
نشروان الحارس الاول
ما حدش فينا يعرف انت لية دخلت جوة الجسد دة وما حدش فينا يعرف لما تخرج منه هيحصل في اية لان اول مرة حد من جنسنا يعيش جوة جسد بني ادم
نصير
دي حكاية كلها اسرار وعايز افهم مين وصلني لي ولية اجابة الاسئلة دي كلها في الجواب بتاع جده حامد والجواب مع يونس وصابر
جوان
نصير دنيا البشر مش مكانا جه الوقت ترجع ل مكانك واهلك
نصير
هو انا ليا اهل
جوان
طبعا الام كارمن والاب يزيد
نصير
ودوني ليهم يمكن اللاقي عندهم اجابات لكل اللي حصل لي
وفي الوقت دة الحراس الثلاثة يشاورو ناحية نقطة في الهواء تظهر بوابة كبيرة خدوا مسكوا ايد فضل وراحوا ناحية البوابة دي واتفتحت البوابة ودخلو منها وراحو ل عالم الارواح ،،،.،،،،،،
وفي نفس الوقت يونس جسمه بدا يتلاشي بص ل صابر وقال
هو فضل خرج من القسم قدام منك
صابر
خرج امتي وازاي واحنا لسة سائلين علية العساكر وقالو انه الزنزانة
يونس باصص ل جسمه برعب شديد
انا جسمي بيتلاشي وبسرعه
صابر
معني كدة ان فضل مش في القسم
يونس بعصبية
طيب اتصرف واعمل اي حاجة
صابر
اهدئة انا هتصرف
لكن يونس جسمه تلاشي بسرعة جدا وصابر بيبص له ومستغرب اللي بيحصل ومش عارف اية السبب واختفي يونس من الدنيا ورجع ل عالم الارواح ،،،،،،،
ونرجع للزنزانه وفضل كان نبضة ضعيف جدا و الدكتور اللي بيكشف عليه قال ل يحيي
لازم يتنقل للمستشفي بسرعة قبل ما نبضة يقف
يحيي
يقف اية اعمل كل اللي تقدر علية الواد دة مش عايزة يموت
الدكتور طلع موبيلة وطلب رقم واول ما تم الرد قال
عربية اسعاف بسرعة هنا في قسم شرم،،،،،،
ومن عالم الارواح العالم اللي كان عبارة عن صحراء وماء وطيور شكلها غريب طيور من الرمال وحيونات بتجري في الصحراء وبرضو من الرمال وابراج عالية وقصور في اخر الصحراء كان نصير ماشي مع الثلاث حراس وبيتفرج علي العالم دة وهو مصدوم علي مخضوض علي مفزوع عالم غريب بكل ما تحملة الكلمة ووصلو عند اراضي خضراء وكانت الاراضي كلها اشجار كبيرة وضخمة وهنا يسمع صوت جوان بيقول
وصلنا لبيوت اهلك
استغرب نصير وقال
فين البيوت دي مجرد اشجار
نشراون
البيوت هي الاشجار
وقال نشراون بصوت عالي
نصير رجع لنا وبقي من جديد معانا
وهنا يشوف نصير اغرب مشهد في حياته يشوف الاشجار بتتحول ل ابواب وبيخرج منها المخلوقات اللي اسمها الحراس واللي كانو كلهم شبه بعض وكانهم شخص واحد وكان اغلب كلامهم مع بعض
ازاي عرف يرجع من عالم البشر
وردو علي بعض وقالو
قنديل ابواب الروح رجع وقدر يهرب من الجسد اللي كان جوة منه دة اكيد روح الشيطان تسكنه
عمال يسمعهم نصير وكان بيتابع نظراتهم لي وهما بيبعدوا عنه خايفين منه وكانه منبوذ لكن دة ما كانش حال واحدة ست كبيرة قربت منه وهو بتعيط ومش مصدقة انها شايفا وقالت بصوت حنون
نصير ابني
هنا قال الحارس ايار
دي الام كارمن
نصير
والدتي
وقرب منها نصير وخدها في حضنه وهي فضلت تعيط وبحرقة وتقول
كنت عارفة انك راجع
نصير
اية اللي وصلنا ل كدة
كارمن
الجاسوس والدك يزيد باعك وانت طفل ابن يومين للملوك
نصير ما فهمش فقال جوان
دول اللي عايشين في القصور والابراج العالية اللي شوفتها واحنا في طريقنا ل هنا
نصير اتصدم وقال
والدي جاسوس
كارمن
ما احنا يا ابني في بينا وبين الملوك حرب علي الاكل والمية بعد ما خربوا العالم بتاعنا بظلمهم وجشعهم لدرجة انهم قدروا يخلونا كلنا شبه بعض وكاننا حارس واحد وهما كلهم شبه بعض وكانهم ملك واحد علشان ل احنا نقدر نعيش وسطهم ولا هما يقدروا يعيشوا وسطنا واللي منهم بيتشاف في الاراضي الصحراء بتأمر ببلعه في بطنها واللي بيتشاف مننا عندهم المية اللي بينا وبينهم بيغرق فيها
نصير
انا مش قادر افهم انتو بتقولو اية
كارمن
تعالي ادخل البيت ومع الوقت هتفهم كل حاجة ،،،،،،،
ومن القصور العالية وبالتحديد من اغلي قصر فيهم يقعد الملك أشهب وقصاد منه يقف يزيد والد نصير وكان اشهب بيقول
ابنك قدر يرجع وكله من البني ادم حامد اللي نقض العهد اللي بينا وبينه
يزيد
عرفت جلالتك
اشهب
طيب والعمل يا يزيد انا مش عايز ابنك يعرف هو يقدر يعمل اية ويدمرلنا كل اللي احنا عاملنا
يزيد
ما تقلقش انا هخلصك منه
اشهب
ازاي بس
يزيد
هدي له العقار اللي بعده هيكون شبهنا ووقتها اي حد من الحراس هيشوفو مش هيرحموا والصحراء هتأمر ببلعه
اشهب عجبته الفكرة وقال
انت عبقري وبكدة اللي يخلص عليه هما مش احنا
وسكت ل كام ثانية وبعدها قال اشهب
وازاي هتقدر تدي له العقار
يزيد
انت ناسي ان ليا جاسوس في ارض الحراس هيدي له العقار وهو نايم ،،،،،،،،،،،
وبعدها ب كام ساعة يصحي نصير من النوم ويدور علي امه كارمن لكنه مليقهاش اتصدم وقام خرج من البيت وبدا يدور عليها شافو الحراس اتصدموا وهجهموا عليه وهما بيقولو
مسكنا واحد من الملوك
بص لهم نصير وقال
انا نصير منكم من الحراس
هنا ظهرت كارمن واتصدمت لما شافت الحراس ماسكين واحد من الملوك وقالت كارمن
مسكتو فين دة
نصير بص لها وقال
والدتي كارمن انا نصير خليهم يسيوني
كارمن
انت كاذب انت منهم من الملوك اقتلو
وفضل يصرخ نصير وخرجوا من بين الاشجار ورموا في الصحراء اللي بدات تتحول ل مياة من رمال وبدور حوالين يعضها وبتسحب نصير ل تحت بتبلعه في بطنها وهنا تبتسم كارمن بشر مخيف وتخرج العقار من هدومها وتبص له وتقول
لازم تموت علشان كل اللي وصلنا لي ما يضعش
وفضلت تبص ل نصير والرمال بتسحبة ل تحت وهنا وفضل يصرخ نصير وخرجوا من بين الاشجار ورموا في الصحراء اللي بدات تتحول ل مياة من رمال وبدور حوالين يعضها وبتسحب نصير ل تحت بتبلعه في بطنها وهنا تبتسم كارمن بشر مخيف وتخرج العقار من هدومها وتبص له وتقول
لازم تموت علشان كل اللي وصلنا لي ما يضعش
وفضلت تبص ل نصير والرمال بتسحبة ل تحت وهنا يسمع نصير صوت بيقول
ارجع ل جسم البني ادم فضل
نصير وهو بيقاوم ابتلاع الرمال لي
اعملها ازاي دي
الصوت
انت تقدر تتنقل بين الاكوان كلها نور الطريق ليك وارجع تاني للدنيا وعيش في جسد فضل
كانت الرمال وصلت ل غاية بوق نصير وهو بيقول
ازاي اعمل كد،،،،،،،
لكن قبل ما يكمل الجملة كانت الرمال غطته بالكامل وهنا وشاف تحت الرملة مخلوقات من الرمل صغيرة وسريعة واسنانها حادة جدا كانو رايحين ناحيته بمنتهي السرعة وناوين علي الشر و صرخ صرخة مكتومة وفجاة يختفي نصير وفي نفس الوقت يفتح فضل عيونه ويلاقي قصاد منه دكتور كان بيكشف عليه اتصدم الدكتور وقال
مش معقول انت ازاي فوقت كدة وكل اجهزتك الحيوية رجعت زي الاول
فضل و الشيطان
★الحلقة الثامنة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة قصر اشهب كان اشهب متعصب اوي وبيقول بحدة ل يزيد
هرب ازاي من رمال الصحراء
يزيد
دة هرب من بعد ما ابتلعته الرمال
اشهب
نصير بقي اخطر مما كنا نتخيل واكيد عرف ازاي يرجع تاني للدنيا
يزيد
طيب والعمل
اشهب
دور وسط الارواح عن اكتر روح بتكره نصير وهاتها قصاد مني في اقرب وقت
يزيد
كدة انت عايزني اوصل ل روح يونس وارجعها تاني للارض هي اللي تخلص علي نصير
اشهب
بالظبط ،،،،،،،،
فضل بص للدكتور وخرج كمية رمل من بوقه كتيرة وفضل يكح والدكتور استغرب وقال
اية الرملة دي
لكن فضل استعاد عافيته وقال
انا فين
الدكتور
انت في المستشفي وكنت بتموت حرفيا لكن فجاة كل حاجة رجعت ل طبيعتها وكانك ما كنش عندك اي حاجة
فضل
انا مش فاكر اي حاجة من دي لكن كل اللي انا عايزه اخرج من هنا
وبدا فضل يخلع الاجهزة المتوصله بي وبدا ينزل من فوق السرير لكن الدكتور حاول يمنعه وهو بيقول
اللي بتعمله دة خطر علي حياتك
فضل
انا حياتي ما بقتش فاهم لها حاجة
واتحرك فضل ناحية باب الاوضة ورغم محاولات الدكتور ل منعه الا انه قدر يعدي وفتح الباب علشان يلاقي في وشه الظابط يحيي بيبص له وببقول
اية طيب هتمشي بسرعة كدة انت لسة علي ذمة قضية ولا انت نسيت
زقه فضل في صدرة وطلع يجري بمنتهي السرعة في طرقات المستشفي ويحيي بيجري وراء منه لكن فرق السرعة كان في مصلحة فضل اللي دخل بجسمه في قلب ازاز الشباك الموجود في الاخر الطرقا بدا يتخبط في شباببك التكيف الخارجية لغاية ما وصل للارض بص عليه يحيي من الشباك اللي نط منه وشافه واقع علي وشه افتكر انه مات لان المسافة كبيرة لكن فضل بص له وقام وقف علي رجله وكمل جري ويحيي بص ناحيته بغضب شديد وقال
هتروح مني فين يا فضل ،،،،،،،،،
و بعدها بكام ساعة من جوة شقة صابر يقعد فضل علي الركنة الموجودة في الصالة ووراء منه مرات صابر وبنته الوحيدة متكتفين و فضل بيبص لهم وبيقول
غضب عني بس الوحيد اللي يعرف يساعدني ويعرفني مين انا هو صابر
ويتفتح باب الشقة ويدخل صابر علشان يشوف المشهد دة بص له فضل وقال
اقفل الباب وراك وادخل وما تعملش اي حركة تزعل بعدها علي مراتك وبنتك
دخل صابر وقفل الباب وهنا يسمع صوت خبط علي كل ابواب الشقة المقفوله ويبص صابر للابواب دي بخوف شديد فيقول فضل
كل اللي انت ظلمتهم وماتو قدرت اجمهم وهما موجودين هنا وجاهزين يخلصو عليك انت وعيلتك
ووقف فضل وقال
باشارة مني الابواب هتتفتح والباقي انت عارفة
صابر
انت بقيت تقدر تتحكم في الارواح
فضل
واقدر اخرج من جسم فضل وابقي مجرد روح
صابر ما فهمش لكن هنا فضل يقع من طوله مغمي عليه ويطلع نصير من جسم فضل ويروح ناحية صابر اللي ماكنش شايفة وقال
هو اية اللي بيحصل
لكن نصير لف ايدة حوالين رقبه صاير ورفعه ل فوق وقال
انا نصير قنديل ابواب الروح وفي حد دخلني جوة جسم فضل ل سبب انا ما عرفوش وانت باين عليك صاحب علم خبيث تقدر تساعدني في معرفة مين انا واية اللي حصل لي ولا افتح الابواب للاموات اللي اتظلمه علي ايدك يخلوك منهم
صابر بصعوبه
هساعدك بس سيب رقبتي
و سابه نصير ورجع تاني ل جسم فضل اللي قعد مرة واحدة وقام وقف وقال صابر
انت ازاي قدرت توصل للمستوي دة بقيت تقدر تخرج وتدخل جوة جسم فضل وكمان قدرت تعرف عنواني
فضل
ما عرفش وعايز اعرف وانت اللي هتعرفني
صابر
طيب فك مراتي وبنتي وان،،،،،،،
فضل بمنتهي العصبية
لا واحسن لك بلاش تضيع وقتك معايا وقول كل اللي تعرفه والا قسما برب العزة اقتل عيلتك قصاد عيونك قبل ما اقتلك
صابر
هقول لك علي كل حاجة اعرفها
وقعد صابر والقلق كان باين عليه وهو بيبص علي الابواب المقفوله واللي الخبط جاي من وراء منها وقال
لما جالي يونس وحكي لي حكايتك عرفت اني قدام حد غير عادي بالمرة وبتمتلك هبه ما كنتش موجودة الا عند واحد كان موجود زمان ومات لكني اكتشفت اني كنت غلطان ولما وقع الجواب بتاع جدك في ايديا عن طريق يونس عرفت ان في حد تاني قدر يوصل للي من خلاله يقدر يمتلك ابواب الروح وهو جدك حامد او خليني اكون واضح وصريح معاك جد فضل
اللي انت جوة جسمه فضل العيل اللي نزل ميت من بطن امه
اتصدم فضل وقال
انت عرفت دة كله ازاي
صابر
اي ميت من البشر بيموت بيفضل قرينه عايش في الارض وبيلف ويدور زي الغريب اللي نزل بلد ما يعرفش في حد قدرت احضر قرين جدك وعرفت منه كل اللي حصل واللي كان ،،،،.،،،،،،
ونرجع بالزمن ل سنين طويلة وحامد كان في عنده 10 س وبيلعب كورة قريب من الترب الموجودة في الاسماعلية وقت ما الكورة واحد من اصحابه شاطها بقوة دخلت وسط المقابر وقت ما كانت الشمس بتغيب يعني بدات الدنيا تظلم فبصوا الاطفال ل بعض وقال واحد منهم
يلا نمشي وبكرة الصبح نبقي نيجي ناخد الكورة
حامد
ما هي لو كورتك كنت قولت كدة
رد الطفل دة وقال
اة والله كنت قولت كدة لاني مش هخش عند الميتين دلوقتي وخلاص الدنيا بتلييل
حامد
بس انا لو روحت من غير الكورة امي هتضربني لان دي مش اول كورة تضيع مني
رد طفل تاني
قولها انها عندي
حامد
انا مش هكذب وهدخل اجيب الكورة واللي عايز يجي معايا يجي اللي مش عايز ما يجيش وبعد كدة ما حدش هيلعب بيها معايا
واحد منهم قال
انا اهلي محرجين عليه اقعد في المقابر ل بعد المغرب
وقال التاني
وانا كمان
والتالت
وانا كمان
وبداو يمشوا وراء بعض لغاية ما سابو حامد ل وحدة في المقابر بص للترب بخوف شديد لكنه خوفه من امه لو رجع لها من غير كورة كان اكتر بكتير من خوفه من الترب وقال ل نفسه
هيحصل اية يعني لو دخلت ما في ناس بتيجي تدفن بالليل
وبدا يشجع نفسه ودخل الترب ،،،،،،.،،،،،
وبعدها ب ساعة تبدا ام حامد تدور عليه في البلد كلها لانه ما رجعش وراحت ل بيوت اصحابه وعرفت انه دخل الترب لطمت وقالت
يا مصبتي الواد اللي حيلتي راح مني راح مني
لكنها شافت حامد جاي من بعيد وكله تراب وفي ايدة الكورة جريت ناحيته واتصدمت من شكل حامد اللي بص لها وقال
متخافيش انا كويس يا امي
واترمي في حضنها ولف ايدة حوالين جسمها بشكل مخيف وكانه تعبان اتخضت الام وحست ان اللي في حضنها دة مش ابنها ،،،،،،،،،،
فضل و الشيطان
★الحلقة التاسعة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بيومين تفتح ام حامد عيونها بالليل علشان تقوم تدخل الحمام اتصدمت لما شافت خيال حد واقف قصاد باب اوضتها ودة كان باين من الظل اللي كان تحت عقب الباب فقالت بخوف شديد
واد يا حامد انت واقف عندك بتعمل اية
لكن اللي كان قصاد الباب جري بسرعة شديدة قامت ام حامد وراحت ناحية الباب وفتحته وهي عماله تبص في الصالة وتقول
واد يا حامد
لكن حامد ما كنش بيرد وسمعت صوت خبط علي باب البيت بصت للباب وهي مرعوبه واستغربت مين ممكن يكون جاي لهم في وقت زي دة راحت ناحبة الباب وقالت
مين
سمعت اخر صوت كانت ممكن تسمعه صوت جوزها الميت واللي هو ابو حامد وقال
افتحي يا مراة في حساب بينا لسة ما خلصش
اتصدمت الام ورجعت لوراء خطوتين تلاته ل درجة انها وقعت علي ظهرها هنا حامد يخرج من اوضة ويبص للباب ويتفتح الباب ويدخل ابوه الميت ويقتل الام وحامد بيبص ل روح امه اللي بتطلع قصاد منه من غير ما تتهز فظ شعراية وبعدها بص في مريا مكسورة كانت متعلقة في الصاله و بدل ما يشوف صورته شاف اشهب اللي كان لسة مجرد حارس من حراس ابواب الروح ولسة ما بقاش ملك وقال ل حامد
اية رايك كنت عايز تجري مني وقت ما شوفتني في المقابر وكنت خايف ومرعوب
مع اني قولت لك اني عايز لك الخير
حامد
كنت غلطان وعايش مع امي اللي سمت ابويا علشان عرفت انه متجوز عليها
اشهب
وخلاص روح ابوك انتقمت منها ومن اللي عملته فيك ما هي برضو ما كانتش بتحبك علشان انت ابنه
حامد
ولا انا كنت بحبها دة انا كنت بخاف منها اكتر من العفاريت اللي كنت هشوفها وانا لوحدي في الترب
اشهب
طيب تحب تشتغل معايا و اخليك تمتلك الهبة دي وفي المقابل اخد منك كيس دم كل يوم
حامد
وانت هتعمل اية بالدم دة
اشهب
الدم بتاعكم هيديني قوة بيها هقدر اكون ملك مش مجرد حارس من الحراس
حامد
خلاص موافق
اشهب
واول كيس دم هعوزة منك هو دم امك
حامد
ازاي بس
اشهب
عورها في اي حتة في جسمها واشرب من دمها
حامد
صعب اوي اني اعمل كدة
اشهب
سيب لي جسمك وانا اللي هعمل كدة
حامد
جسمي وروحي ملكك
اشهب ابتسم ايتسامة خبيثة وبدا يمتلك كل ذرة في جسم حامد وراح حامد ناحية امه وجرحها بسكينة في صباعها وحط الصباع المصاب في بوقه وبدا يشرب من الدم ،،،،،،،،
ونرجع ل فضل وصابر اللي كان بيقول
من هنا بدا الشر وفضل حامد عايش لوحدة في بيت ابوة وامه وجوة منه اشهب شيطان رجيم ما كنش بيفكر في اي شئ
الا انه يكون ملك مش مجرد حارس وعلشان يوصل لدة شرب الف كيس دم جابهم لي حامد اما بالسرقة او قربان من اي حد عايز يشوف حبايبة اللي ماتو لكن حامد كبر وقرر انه ما يعش تاني تحت رحمة وسلطان اشهب وبدا بينهم الصدام ،،،
ونرجع تاني ل حامد اللي بقي عنده 25 سنه وحب بنت جارتهم من البلذ وكان عايز يتجوزها وقال ل اشهب بحدة
وعلشان انت عايز تتجوز بتأمرني باني اخرج من جسمك
حامد
اومال اتجوز ازاي وانا تحت سلطانك وسيطرتك وانت متحكم في كل ذرة فيا
اشهب
بعد ما عملت منك بني ادم عنده فلوس ما يعرفش يعدها وعايش جوة قصر ما كنتش تحلم تعدي قصاد منه جاي دلوقتي وتقولي كفاية
حامد
ايوة كفاية انا خلاص ما بقتش عايز الهبة اللي انت وهبهالي ما بقتش عايز افضل اتنطتت من بلد ل بلد علشان واحد عاوز يسال ابوة الميت علي شئ ضاع او واحدة تستأذن من جوزها الميت انها لو ينفع تتجوز غيرة وكلام كتير من القرف دة زهقت يا اشهب
اشهب
بس انا لسة ما بقتش ملك
حامد
شوف حد غيري يجيب لك اكياس دم
اشهب
باين عليك الفلوس خليتك تشبع وجمدت قلبك عليه
حامد
ما بلاش كلام كتير وسيبني اعيش حياتي زي ما انا حابب
اشهب
خلاص هخرج منك بس انت تفضل تجيب لي اكياس الدم زي ما خليتك بين اهل الدنيا سلطان زمانك ويتعمل لك حساب خليني انا كمان بين عشيرتي ملك الكل يخاف منه
حامد
انت باين عليك غبي وكتير الكلام انا مش عايز يبقي بيني وبينك اي علاقة واحلامك دي حققها بعيد عني ونصيحة اياك تفكر تقرب مني مهما حصل والا هحرقك
اشهب بعصبية
تحرق مين يا بني ادم انت فاكرني من الجن هخاف من شيخ في ايدة سبحة خضراء وبيقراء قران بصوت عالي وبيرش علي وشي مية فوق واصحي انا هربت من العالم بتاعي وجيت الدنيا علشان يوم ما ارجع هرجع ملك وهعمل كدة واي حد هيفكر يمنعني انا هقتله
حامد ضحك اوي وبسخرية قال
فكر تقتلني علشان وقتها هتموت معايا
اشهب
بني ادم خسيس كل بني ادم كدة ما تحترموش ل عهد ولا ميثاق
حامد
ولما انت عارفنا علي حقيقتنا لية مصمم تكمل
اشهب
علشان مصيرنا بقي واحد
حامد
انا مصيري غير مصيرك وانهي سلطانك عليه والا
ومسك حامد سلاح قطر كان قدام منه وحط القطر علي اوردة ايدة وقال بتهديد
والا قسما بالله اقتل نفسي حالا قصاد منك وروحك تتسجن طول عمرها جوة مني
اشهب شاف نظرة مجنون في تهديد حامد فقال
اعقل وبلاش اللي انت عايز تعمله دة
حامد
ارفع سلطانك عني
اشهب
انا اقدر امنع ايدك من الحركة دلوقتي
حامد
انا مش عبيط يا اشهب وعارف ان اضعف اوقاتك هو وقت شروق الشمس وفيها ما بتقدرش تتحكم فيا اومال انا لية طلبت اتكلم معاك دلوقتي
اشهب
دة انت عامل حساب كل حاجة
حامد
اللي مصاحب شيطان زيك مش كتير عليه انه يكون شيطان اوسخ منك
وقال حامد بمنتهي الحدة والتهديد
اخلص
وشاف اشهب حامد والقطر بيخترق الجلد والدم بدأ ينزل من ايدة فقال اشهب
خلاص خلاص هعمل لك اللي انت عايزة بس كلامنا لسة ما خلص ،،،،،،
ونرجع ل فضل وصابر وفضل كان بيقول
وبعدين اية اللي حصل
صابر
اشهب ما سكتش و حامد راح يخطب البنت اللي حبها وبعد كام شهر جه يوم كتب الكتاب،،،،،،،،،
ونرجع ل يوم كتب الكتاب وبدون سابق انذار العروسة تصرخ وترفض الجواز من حامد اتصدمو كل اللي كانو موجودين في الفرح ووقف حامد قصاد العروسة وقال
خلود اية اللي حصل
خلود بصت في عيون حامد وقالت
مش عايزا اتجوزك عارف لية لاني حامل منه
حامد اتصدم وقال
من مين
قربت خلود من حامد وقالت
أشهب
وشاف حامد أشهب في عيون خلود وازداد الغضب في قلب حامد وقالت خلود بصوت أشهب
ودلوقتي هتتجوزني وتكتب اللي في بطنها ب أسمك ولا اللي في بطنها يموت ويتسمم دمها كله
اتعصب حامد وقال اشهب وهو بيدق بنفس صوت دقات الساعة
تك توك تك توك
وشاف حامد ايد خلود بتتحط علي بطنها والدم بدا ينزل من الرحم ،،،،،،،،،،،،
وشاف حامد أشهب في عيون خلود وازداد الغضب في قلب حامد وقالت خلود بصوت أشهب
ودلوقتي هتتجوزها وتكتب اللي في بطنها ب أسمك ولا اللي في بطنها يموت ويتسمم دمها كله
اتعصب حامد وقال اشهب وهو بيدق بنفس صوت دقات الساعة
تيك توك تيك توك
وشاف حامد ايد خلود بتتحط علي بطنها والدم بدا ينزل من الرحم ،،،،،
فضل و الشيطان
★الحلقة العاشرة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ونرجع ل فضل وصابر وفضل كان بيقول ل صابر
واتجوازها حامد مش كدة
صابر
اتجوزها و هي حامل فيك
اتصدم فضل وقال
انت بتقول اية ازاي وحامد يبقي جدي
صابر
دة اللي انت وغيرك تعرفو لكن الحقيقية ان حامد ابوك مش جدك والحقيقية الاصعب انك تبقي ابن أشهب
فضل
انت بتخرف صح
صابر
لا ما بخرفش خلود تبقي امك وحامد ابوك والاثنين قرروا يكتبوك باسم تاني الام صباح والاب عمران
فضل
ولية يعملو كدة
صابر
علشان أشهب أمرهم ب كدة علشان تعيش من تاني بعد ما كنت موت
فضل برق وقال
انت بتقول اية هو في ميت بيرجع للدنيا تاني
صابر
الموت درجات وانت كنت ميت الموت اللي معروف بالنوم
فضل
ما تفسر كلامك وقولي تقصد اية
صابر
حامد استغل شروق الشمس الوقت اللي بيضعف في أشهب وقرر يدور ازاي يخلص منه قراء في كتب كتير جدا في عالم ودنيا ما وراء الطبيعية لغاية ما قدر يوصل ل كتاب نادر جدا دفع في ملايين كتاب
ما بعد الموت فتح الكتاب وفضل يقراء ويقراء وكان الكتاب بيحكي عن روح الانسان بعد ما يموت بتروح فين وكل عقيدة وكل دين فسر النقطة دي علي حسب اللي عرفه من النبي بتاعة لكن كان اغرب تفسير وصل له حامد ان الارواح ممكن ترجع للدنيا عن طريق ابواب في السماء والابواب دي وراء منها مخلوقات بتحرس الارواح دي وبتمنع وبتسمح بالمرور من عالم الاموات ل عالم الاحياء لكن يفضل قنديل ابواب الروح هو حلقة الوصل بين الاموات والاحياء وقدر يوصل ل تعويذة كان الغرض منها انه يموت المخلوق اللي في بطن مراته وفعلا قدر وقدم كل القرابين للشيطان علشان يساعدة في موت الطفل لكن ،،،،،،،
ونرجع ل حامد وخلود اللي كانو في عيادة دكتور امراض نساء وولادة والدكتور كان بيقول ل خلود
يا مدام لازم نعمل لك عملية اجهاض الطفل في بطنك ما بيتحركش
خلود
يعني ميت
الدكتور
دة اللي باين قدامي من الاشعة اللي عملتها ليكي
خلود بصت ل حامد وقالت
ومات لبة ما كان كويس
حامد ما ردش لكنه ابتسم ابتسامة المنتصر وقال الدكتور
بتحصل كتير ولا سباب كتير والعملية هتكون بسيطة جدا وبعدها ممكن تعوضي الطفل اللي مات بطفل تاني
حامد
اعمل الصح يا دكتور ونزل الطفل
لكن خلود قالت باعلي صوتها
لا يا حامد ابني هيفضل في بطني ومش هيموت واللي انت عملته احسن لك توقفة والا بموتي وموتك
الدكتور استغرب وقال
هو عمل اية
خلود ما ردتش علي الدكتور وقامت وخرجت من العيادة وجري وراء منها حامد والدكتور استغرب جدا ،،،،،
وفي الشارع تقف خلود قصاد حامد وكانت بتقول بحدة
دة اخر كلامي والا قسما بالله مش هيجي عليه الليل الا وانا جثة
حامد
أشهب ما تتهدنيش انت ما تقدرتش تسيب خلود تموت والا ،،،،،،،،
هنا خلود قاطعته وقالت
اشهب مين انت خلاص بقيت مجنون رسمي
وسابته ومشيت وهنا يحس ب طيف جاي من وراء وصوت اشهب بيقول
انا برة جسمها من يوم ما انت اتجوزتها لاني ما قدرتش اعيش جوة جسم شايل جوة منه طفل مني
بص حامد ل مصدر الصوت وقال
اظهر نفسك ليا
وظهر اشهب وقال
كنت فاكر انك هتقدر عليه اهو انت خربت الدنيا وهضيع خلود منك بغبائك
حامد
انا اللي غبي ولا انت اللي خبيث دخلت خلود في الحساب اللي بيني وبينك
أشهب
انا كتت باخد حقي منك وانا عارف انت قد اية بتحبها وعارف كمان ان اللي انت عملته علشان تقتل اللي في بطنها هتعرف تلغي
حامد
مش هعرف اعمل كدة
اشهب
ولما انت غلبان كدة لية قررت تقف في وشي
حامد
بصلح غلطة ما كنش ينفع اقع فيها
اشهب
واديك صلحت الغلط ب غلط اكبر وريني بقي هتحلها ازاي
حامد
ما كفاية لعب باعصابي واية اللي تقدر تعمله علشان الطفل يرجع تاني يعيش
أشهب
يبقي لي اب وام غيركم اب من صلبك وكل اللي حيلتك مكتوب بإسمه وانت تكون لي جد وتكون في عيون كل خلق الله عجوز
حامد
انت شيطان خبيث
إشهب
احنا الاثنين من نفس الطينة طينة الشياطين
حامد
الشياطين مخلوقة من النار
أشهب
في شياطين مخلوقه من طين اللي زيك وزيي
حامد
وان قولت اني مش موافق
أشهب ابتسم وقال
جهز صوان يليق ب حبيبتك خلود
واختفي أشهب وساب حامد ل نار الحيرة والتفكير حامد علي فكرة مش زعلان ان الطفل هيتكتب باسم حد تاني لا دة زعلان ان الحد دة هيمتلك كل اللي حيلته وكمان هيعيش عجوز لكنه حط حبه ل حبيبته خلود في كفه وحبه ل نفسه في كفه تانية وكفة حبه ل نفسه هي اللي طبت وقرر انه يقول لا حتي ولو كانت ال لا دي ثمنها موت حبيبته ،،،،،،
ونرجع ل فضل وصابر كان بيقوله
وماتت خلود وعديت السنين طويلة اوي علي حامد اللي كان كل ليلة بينام في قصرة وعلي سريرة وهو ندمان واختفي أشهب نهائي من حياة حامد وافتكر حامد ان الشر انتهي وهيقدر يعيش حياته ب شكل طبيعي واتجوز اكتر من واحدة وكل مرة يخلف ولد كان ينزل ميت اكتر من عشر اطفال من 6 مرات جواز وكل عيل ينزل ميت اتاكد ان أشهب وراء كل اللي بيحصل ومابقاش عارف يوصل له ازاي رجع يقراء تاني في الكتب الكتير يمكن يوصل ل اي طريق يقدر من خلاله يوصل ل أشهب لكنه ملقاش غير طريق واحد الموت وانه يكون مجرد روح ووقتها يقدر يوصل ل أشهب بس حامد كان بيحب الدنيا جدا وما كنش عايز يموت يبقي ما فيش قدام منه غير النوم الطويل اللي فيها يقدر ب روحة يعدي ابواب الروح ويوصل ل أشهب اما للانتقام منه بسبب اولادة اللي بيموتو في ارحام امهم او اما علشان يتفاوض معه وراح ل دكتور شمال طلب منه انه يدخله في غيبوبة طويلة ويتابع حالته ويرجعه لوعية تاني بعد شهر من الدخول في غيبوبة كانت مغامرة مجنونه من حامد اللي كان يوميا الدكتور بيدي له كل كام ساعة نسب معينه من البنج تخلي
جوة غيبوبة مستمرة
فضل استغرب اوي وقال
ودة ينفع وما خفش من كمية البنج اللي دخلت جسمة دي انها تموته
صابر
انا ما عرفش غير ان نفع وجدك طلع عايش بعد ما فضل في غيبوبه شهر بحاله
فضل
وعرف يوصل ل أشهب
صابر
ما عرفش لان الموضوع ما كنش بالسهوله اللي جدك كان متخيلها لكن بعد ما فاق من الغيبوبه ب يوم لقي أشهب عنده في الاوضة ،،،،،،
ونرجع بالاحداث لليوم دة واشهب قاعد قصاد حامد وكان بيقول
عرفت انك عمال تدور عليه
حامد
عارف اني بدور عليك وما عرفتش انا بدور عليك لية
اشهب
احب اسمعها منك بدور عليه لية
حامد
طالما قولت كدة يبقي عارف انا بدور عليك لية
اشهب
تقصد علشان العيال اللي بتنزل ميته
حامد
اشهب ابعد عني وسيبني في حالي والا انتقامي هيكون شد،،،،،،،،
قاطعه اشهب بضحكة سخرية وقال
نفسك في عيل بلاش تهددني وتقول كلام انت مش قدة
حامد بانكسار شديد
نفسي في عيل
اشهب
يبقي زي ما طلبت منك زمان مش هيكون ابنك مع انه ابنك لكنك هتكتبه باسم واحد تاني مش من صلبك وكل اللي حيلتك هيكون ملكه
حامد
صعب اوي اللي بتطلبه دة
اشهب
دة اخر كلام عندي
حامد
يروح اجيب اتنين من الشارع ابني يشيل اسمهم
أشهب
لو كان عجبك وانا علشان بحبك مش هخليك تدور كتير قدام مني اب وام جاهزين للمهمة دي
حامد
من جنسك
اشهب
من جنسي
حامد
بس ابني هيكبر قصاد عيني
اشهب
حفيدك مش ابنك ودة عهد بيني وبينك اوعي تنقضة والا عذابي هيكون شديد
حامد
من غير تهديد هيكون حفيدي ،،،،،،،،
ونرجع ل صابر وفضل وصابر كان بيقول
وتم الاتفاق وكارمن عاشت جوة جسم امك صباح ويزيد عاش جوة جسم ابوك عمران وأشهب كان خبيث ملعون خد روح نصير ابن يزيد وكارمن وحطوا جوة جسم الطفل اللي كان في رحم خلود
فضل
خلود ماتت يعني اكيد اللي في بطنها كان ميت
صابر
ازاي ميت وانت قدام مني اهو وجوة منك نصير
فضل اتصدم وقال
يعني انا ابن خلود
صابر
وابن أشهب
فضل
وجدي حامد يعرف باللي عمله أشهب دة
لكن قبل ما يجاوب صابر يظهر يونس من العدم وفي ايدة كرباج من الرمل الاحمر وبص ل فضل وقال
جه وقت الحساب يا فضل
ويهجم علي فضل ويلف الكرباج حوالين رقبته لكن نصير يخرج من جسم فضل ويهجم علي يونس لكن يونس حرر الكرباج من رقبه فضل ولفه حوالين رقبه نصير وبدا بينهم صراع مريب ويونس بيقول
دة الكرباج اللي بتعذب بي الارواح ونهايتك هتكون بي ادي هولي الملك أشهب
وفعلا يسحب يونس الكرباج مرة واحدة بعدها يصرخ نصير ويتحرق ويتحول الي سراب وانتصر يونس وبعدها بص يونس ل صابر وعيلته وبص ل فضل اللي واقع علي الارض ما بيتحركش
لكن يونس حرر الكرباج من رقبه فضل ولفه حوالين رقبه نصير وبدا بينهم صراع مريب ويونس بيقول
دة الكرباج اللي بتعذب بي الارواح ونهايتك هتكون بي ادي هولي الملك أشهب
وفعلا يسحب يونس الكرباج مرة واحدة بعدها يصرخ نصير ويتحرق ويتحول الي سراب وانتصر يونس وبعدها بص يونس ل صابر وعيلته وبص ل فضل اللي واقع علي الارض ما بيتحركش
فضل و الشيطان
★الحلقة الحادية عشر★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وقال صابر ل يونس
انت ازاي قدرت ترجع للدنيا ولية قتلت نصير انت مصيرك مربوط ب مصيرة نسيت ولا اية
يونس قرب من صابر وقال
انا ما قدرش اختار دلوقتي انا مجرد عبد عند الملك أشهب اللي فتح لي ابواب الروح وطلب مني الانتقام من فضل
ورجع بص ل فضل اللي واقع علي الارض وقال
و موت نصير يعتبر نهاية فضل وكلها دقايق وهيموت خالص
وبدا يونس يتلاشي وصابر بيقول
دة اللي انت تعرفه لكن انا اعرف ازاي اخلي فضل يعيش من غير نصير وكمان هيكون اقوي من الاول
لكن يونس اختفي من تاني ورجعت روحه ل عالم الاموات في نفس الوقت باب شقة صابر اتكسر ودخل الظابط يحيي وفي ايدة سلاحه الميري بص ل صابر اللي اتخض من دخلته وقال وهو موجه السلاح ناحيته
كنت بتتكلم مع مين دلوقتي
صابر باستغراب شديد
انت مين
يحيي
انا اللي بقالي كتير واقف تحت البيت مستنيك تخلص حكاية فضل وجده اللي مش جدة قولي كنت بتكلم مين دلوقتي
صابر
دة مجرد روح ل ميت
يحيي كانت عيونه علي صابر وسلاحه في متوجه ناحيته وهو بيفتح ابواب الاوض علشان مش مصدق صابر وقال يحيي باستهزاء
روح ميت
وخلص يحيي تفتيش في الاوض وقال ل صابر
هو انا هغلب معاك ما انت صحيح دجال
صابر
انما انت سمعتني ازاي وانا بتكلم
نزل يحيي بجسمه ناحية فضل المرمي علي الارض وطلع سماعة صغيرة جدا متصله بجهاز تعقب كانت جوة ودان فضل وقال
اصل اول ما فضل وقع مني في الزنزانة حطت له الجهاز دة في ودانه لانه كنز ما ينفعش يضيع مني
وقام يحيي وهو بيحط السماعة في جيبه وراح ناحية صابر وحط السلاح في نص جبهة صابر وقال
انا الظابط يحيي اللي كنت بحقق في قضية فضل صاحب الكرامات وكل الهري بقي بتاع ابواب الروح والملك اجرب ولا اشعذ ما تلزمنيش انا عايز الواد دة يرجع تاني يقف علي رجله ويكون زي الاول وانا سمعك حالا كنت بتقول ان انت تعرف ازاي تخلي فضل يعيش من غير اللي كان جوة جسمه وانا عايزك تعمل كدة والا
وشد اجزاء السلاح الميري اللي في ايدة فهم صابر يقصد اية صرخت مرات صابر وبنته صرخة مكتومة خائفين علي صابر لكن صابر بص في عيون يحيي وقال
هساعدك يا باشا بس كله ب حسابه
ابتسم يحيي بمنتهي الشر وقال
وماله ودلوقتي قولي المفروض نعمل اية علشان الواد دة يرجع زي الاول
وبص ل فضل فقال صابر
هنروح القصر بتاع عيلته اللي في الاسماعلية ،،،،،،،،،
واحنا دلوقتي قصاد قصر مهجور في قلب الاسماعلية قصر مكتوب علي حائط جنب البوابة بتاعته قصر حامد عمران و يوصل يحيي بعربيته قصاد القصر وكان معه صابر وفي الكنبة اللي وراء فضل اللي لسة ما بيتحركش بص يحيي للقصر وقال ل صابر
دة القصر مهجور
صابر
ما هو من بعد موت صباح من خمس سنين ما حدش دخل القصر
يحيي
صباح دي اللي المفروض انها ام فضل
صابر
بالظبط الام المزيفة اللي حامد دفع لها كتير علشان تكون ام فضل وتعيش جوة منها كارمن الام الحقيقية ل نصير اللي كان عايش جوة فضل
يحيي بزهق
انا مش ناقص لخبطة من القصة اللي كلها عفاريت دي وقولي احنا هندخل القصر دة ازاي
صابر
بالمفتاح
يحيي
وانت معاك المفتاح
بص صابر وراء علي فضل وقال
فضل هو المفتاح
مافهمش يحيي صابر يقصد اية لكن صابر نزل من ونزل وراء منه يحيي
و سندوا فضل وبقي بينهم في النص وبمجرد ما فضل قرب من بوابة القصر
البوابة الكبير اللي كان عليها قفل نحاس كبير قافل علي جنزير كبير القفل اتكسر والبوابة اتفتحت استغرب يحيي وقال
دة اقوي من اي مفتاح
صابر
انت لسة ما شوفتش قوة فضل واللي يقدر يعمله
يحيي
احب اشوف
ومشيو الاثنين في جنينة القصر اللي كانت اوراق اشجارها الواقعة علي الارض تبلانه وميته بترجع تخضر وكان الحياة رجعت لها من جديد ودة بس علشان فضل عدي عليها ويحيي ما كنتش مصدق اللي شايفة لغاية ما وصلو للقصر ودخلو وقال يحيي
هنعمل اية دلوقتي
صابر
هندخل مكتب حامد وجوة منه هنلاقي الدم اللي محتاجة فضل علشان يرجع من تاني للدنيا
يحيي باستغراب شديد
دم اية
صابر
الجزء اللي ما حكتهوش ل فضل واللي ماحدش يعرفو ان حامد قرر ينتقم من اشهب و يحول فضل ل مخلوق من الحراس قوته مش في ان روح نصير جوة منه لا دي قوة نصير في انه عايش جوة جسم فضل يعني بالبلدي كدة مش نصير هو اللي قنديل ابواب الروح لكن الحقيقية ان فضل هو اللي كدة
يحيي
وازاي قدر حامد يخلي فضل بالقوة دي
صابر
دم الحراس
يحيي استغرب اوي وقال
اية دم الحراس دة
صابر
حراس ابواب الروح قامت بينهم وبين الملوك حرب علي الاكل والمية اللي بداو يقلو جدا في العالم بتاعهم بعد ما اراضيهم بقت معظهما رمال ل درجة ان في العالم بتاعهم الرمال هي اللي بتحكم ودة خلي الملوك ياخدوا اطفال الحراس الصغار من اهاليهم مقابل انهم يدوهم اكل ومية ودول اللي خانو وباعو القضية
يحيي باهتمام شديد
والملوك كانو بياخدوا الاطفال يعملو بيهم اية
صابر
يعملو لهم غسيل مخ يعلموهم الجهل ويخوفوهم من المرض والفقر يخلوهم خدام مطعيين عندهم استعداد لما يكبروا يموتو بدل الملوك في حروب الملوك ضد الحراس
يحيي
يعني الحراس كانو بيسيبوا اطفالهم للملوك علشان الملوك يربوهم ويخلوهم يحاربو اهاليهم من تاني
صابر
بالظبط
يحيي
وكل دة عرفو حامد
صابر
عرفو وجند نصير اللي كان بيقدر يتنقل بين الاكوان علشان يجيب له دم الارواح اللي بيقعوا بسبب الحرب دي وبدا مع شروق الشمس وقت ما اشهب يكون ضعيف يشرب الدم دة للطفل فضل من وهو عنده سنه و بدل ما كان زي اي طفل يرضع لبن لا كان بيرضع دم لكن نصير بدا يكبر وبقي عنده 10 س ورفض ان يجيب دم اهله ل حامد لما عرف اللي فيها وقتل نصير حامد لما فتح الابواب ل كل الاموات اللي ظالمهم حامد وماكنش يعرف نصير ان حامد كان بيجهز للخلاص منه بطلسم الخلاص من الارواح ودة كان السبب في ان فضل يفقد الذاكرة ويصحي يلاقي نفسه علي الرصيف مش فاكر الا اسمه وجده بس واخر شئ عمله حامد قبل ما يموت انه كتب جواب وسابه مع بدر وطلب منه يوصله ل فضل في سن ال 25
يحيي
والجواب دة معاك
صابر
الجواب معايا وهو اللي خلاني اوصل لكل المعلومات دي
يحيي
بعد ما قدرت تحضر قرين حامد
صابر
تمام
يحيي
يعني احنا دلوقتي هنفتح باب المكتب هنلاقي الدم اللي المفروض انه يمد فضل بالقوة
صابر
دة علي حسب كلام قرين حامد
يحيي
خلينا ندخل المكتب ونشوف
وفعلا راحو ناحية المكتب اللي اتفتح بابه اول ما شاف فضل وفضلو يلفو في المكتب لغاية ما وصلو ل انبوبه متوسطة الحكم فيها دم اسود بصوا للانبوبة وقال يحيي
هو دة الدم
صابر
هو
ومسك الانبوبة وفضي الدم اللي فيها في بوق فضل واستنوا ل كام ثانية قبل ما جسمه سخن اوي ل درجة انها ما قدروش يمسكوا وسابو وقع علي الارض وبدات النار تخرج من جسمه من جوة وشافو مشهد غريب ارواح كتير بدات تخرج من بوق فضل اللي اتفتح علي الاخر وكانها بوابة كبيرة ورجع الهدوء للمكان بعد لحظات وفتح فضل عيونه وقام وقف وبص ل يحيي وصابر وابتسم وقال
قريب القبر هيتفتح علشان واحد منكم هيموت
بصو الاثنين ل بعض بخوف شديد وقال صابر
انت بقيت تعرف المستقبل
فضل
في موبيل هيرن
وبص للاثنين وقال ل يحيي
بتاعك انت عوزينك في جريمة قتل
وبمجرد ما خلص فضل الجملة رن موبيل يحيي اللي اتقزع وطلع الموبيل من جابه وهو مرعوب وحط الموبيل علي ودانه وسمع اللي بيتقال وقال
جاي حالا
وحط الموبيل في جيبة ورجع بص ل فضل وقال
انت اية
فضل بص له وابتسم وقال
أنا الشيطان
فضل و الشيطان
★الحلقة الثانية عشر★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فضل بيخرج من القصر ووراء منه يحيي وفي ايدة السلاح الميري مصوبه ناحية فضل وكان بيقول
ولا انطق وقولي مين فينا اللي هيموت
صابر ظهر وقال
اللي انت بتعمله دة ما ينفعش
يحيي ل صابر بعصبية
انت تخرس خالص
ورجع يحيي بص ل فضل لقي بيمشي يحيي شد الاجزاء وهو بيقول بمنتهي الغضب
انت فاكر نفسك انك تقدر تلعب بيا دة ادفنك حي يا لا
وداس يحيي علي الزناد لكن الرصاصة ما خرجتش من المسدس ورغم ان فضل كان مدي له ظهرة لكن يحيي شاف دماغ فضل بتلف 360 درجة وبص له وقال
الميت مش بيموت مرة تانية
اتصدموا الاثنين من اللي شافو وفضل سابهم ومشي وهنا قال يحيي ل صابر
يعني اية خلصت كدة
صابر
لو تقدر تعمل حاجة اعملها
يحيي
انا ما اقدرش لكن المفروض انك انت تقدر
صابر
ازاي
يحيي
خلي الجن اللي انت مسخرة يجيب لنا الواد دة تحت رجلينا الواد دة ما ينفعش يضيع مننا
صابر
الواد دة ملعون مخلوق من طين مخلوط ب دم اموات وجوة منه ارواح كتير القرب منه معني نهاية
يحيي
النهاية جاية جاية دة قال لنا قريب القبر هيتفتح علشان واحد مننا
صابر
انت عايز اية بالظبط
يحيي
عايز لو القبر اتفتح علشاني انا يتفتح وانا ناجح في شغلي مش فاشل
وكمل يحيي بجنون
عايز الناس كلها تتكلم عليه حتي بعد موتي
صابر
مش هقدر اساعدك في اللي انت عايزة دة لاني ببساطة عمري ما اتعملت مع مخلوق بالشر دة
يحيي حط سلاحه الميري في رقبه صابر وقال
انا ما يتقليش مش هقدر اساعدك انت تخلي عفاريتك كلهم بحضروا هنا وتشوف لي اللي بي اقدر اتحكم في الواد دة
صابر
من امتي مخلوق زيك يقدر يتحكم في الشيطان
يحيي بجنون اكتر واكتر
انا هقدر
ورن موبيل يحيي كمان مرة واللي كان بيتصل اللواء ثروت مديرة ورد يحيي وقال
ثروت بحدة
انت فين يا يحيي
يحيي
في طريقي يا فندم ل فيلا القتيل
ثروت
القتيل المرة دي رجل اعمال تقيل وكان سياسي مشهور والدخلية كلها مقلوبه بسبب الحادثة دي
يحيي
ما تقلقش يا فندم 24 ساعة بالظبط والقاتل هيكون قصاد منك
وقفل ثروت ويحيي رجع بص ل صابر
سمعت بودانك
صابر
هو انت لية يا باشا مش قادر تصدق اني ما قدرش اساعدك دة مش واحد انت جاي لي بي ملبوس انا هخرج اللي عليه بشوية اونطة من بتوعنا دة مخلوق ،،،،،
يحيي انفعل جدا وشد الاجزاء وقاطعة وقال
كفاية رغي بقي واتصرف والا قسما برب العزا اديك طلقة احزن اهلك عليك
صابر بخوف شديد
طيب اهدي يا باشا وانا هتصرف
يحيي
ناوي علي اية
صابر
هحضر القرين بتاع حامد واعرف منه بعد ما فضل يشرب الدم هيروح فين
يحيي
ما كان من الاول انا عارف انك تعرف تحلها بس كنت بتصيع عليه
صابر
طيب نزل سلاحك واللي انت عايزه انا هعمله ،،،،،،،،
وبعدها ب كام دقيقة كان صابر قاعد وسط الصحراء وحوالين منه شموع سوداء عاملة شكل نجمة داود ويحيي بيتاع الطقوس اللي بيعملها صابر وبدا صابر يتكلم بصوت مش مسموع لكن يحيي عارف انه بيتكلم من شفايفة اللي بتتحرك واستمر الحال دة لمدة ساعة وانتهي الحوار دة بعاصفة طفت الشمع وقام صابر وراح ناحية يحيي وقال
اللي جاي اصعب من اللي راح
يحيي
وهو اية اللي جاي
صابر
فضل ناوي يرجع حامد للدنيا
يحيي
ودة هيحصل ازاي
صابر
هيقتل أشهب وبمتلك عالم ابواب الروح وبعدها هيوصل ل روح حامد ويرجع بي للدنيا
يحيي
بعني اية فضل هيسيب الدنيا بتاعتنا
صابر
بالظبط رحلته لعالم ابواب الروح هتكون بعد ما يفتن اكبر خمس عائلات هنا في الاسماعلية
يحيي
لية
صابر
انتقام حامد منهم
يحيي
دة احنا مش هنخلص بقي من حامد والبلاوي اللي جاية من وراء
صابر
دة اللي انا عرفته من القرين ان الخمس عائلات دول كانو السبب في عذاب حامد
بحيي
هو حامد دة كان بيحضر فضل علشان ينتقم له بقي
صابر
هو كدة
يحيي
يادي النيلة طيب واللي انا محتاج فضل يعمله علشاني
صابر
يا باشا هو انا كلامي مش مفهوم فضل حامد كان بيسخره علشان ياخد حقة من كل اللي ظلمو
يحيي اتعصب اوي وقال
يعني اية كل اللي حلمت بي ضاع وهفضل في نظر كل اللي يعرفوني ظابط مباحث فاشل ولا ليا اي لزمة
صابر
حظك بقي يا باشا مش يلا بقي نمشي
يحيي
احنا هنمشي دة من وقت ما قبلت فضل دة وحل لي القضية وانا مستني الشهرة والنجاح اللي هتيجي من وراء واحلامي بقت اعلي من السماء وفي الاخر تقولي نمشي
صابر
افتكر انها خلاص خلصت كدة وفضل وما نعرفش هو راح فين وحتي لو نعرف مش هنقدر نسيطر علية يعني في كل الاحوال خلصت
يحيي
هي فعلا خلصت وانا مش هعيش فاشل تاني
وحط يحيي المسدس في جنب دماغة ولسة هيدوس علي الزناد ظهر فضل وقال
مش هتعيش فاشل تاني بس في المقابل محتاج مساعدتك في رحلة انتقامي
نزل يحيي المسدس وجري ناحية فضل وقال
انا خدامك بس اكتب لي النجاح في شغلي
فضل
انت فعلا ما تنفعش تكون غير خدام
وبعدها بص فضل ل صابر وقال
لكن انت جاي من وراك خطر كتير علشان كدة قبرك حلال عليك
وبص فضل للارض وحط ايدية الاثنين علي الارض ووجه بوقة ناحية الارض وصرخ صرخة مرعبه وخرج من بوقة ارواح كتير نزلت الارواح تحت الارض وبدات تجري تحت الارض رايحة ناحية صابر وبمنتهي السرعة صابر خاف وبدا يجري لكن الارواح اللي بتجري تحت الارض كانت اسرع ووصلت ل صابر ومسكوا رجله وبداو يسحبوا صابر ل تحت صرخ صابر وطلب الرحمة لكن الارواح فضلو يسحبوا ل تحت لغاية من الارض ابتلعته تمام وبعدها رجع الهدوء للمكان وسط نظرات يحيي اللي خائف من المنظر لكن خرج من الخوف ل خوف اكبر لما ايد فضل اتحطت علي كتفة من فوق وقال
هتفضل واقف هنا كتير وراك جريمة قتل الدنيا مقلوبه بسببها
يحيي هز دماغة ودة كان اكتر حاجة قدر يعملها وكمل فضل وقال
وبعد ما اساعدك انت هتساعدني
يحيي اللي لسة مخضوض قال
حاضر حاضر
فضل
خدام مطيع وانا حبيتك ،،،،،،.
ومن جوة فيلا القتيل اللي كان اسمه معتز زايد يقف يحيي قصاد الجثة وكان بيفحصها بعيونه وبلمسات خفيفة من ايدة وفي ظهرة يقف فضل اللي قال
لسة عايش
بص له يحيي باستغراب شديد وقال
انت بتقول اية دة واخد اربع طعنات في القلب
فضل
دة مش معتز زايد دة اخوة التؤام فراج
يحيي
بس معتز شخصية عامة واللي كل الناس تعرفو انه ملهوش اخوات
فضل
لي اخوات وجابه هنا مكانه علشان يموت
يحيي
لية
فضل
اقبض عليه وانت تعرف ليه ودلوقتي انا ساعدك وجه وقتك تساعدني
يحيي
اقدر اعمل لك اية
فضل
تعرفني عنوان امك
يحيي اتصدم وقال
امي
فضل
سعاد نادر شوقي اول اسم في قايمة الانتقام عندي
يحيي
انت اتجننت
فضل
انا مش مجنون انا بطبق العداله ودة اللي امرني بي جدي حامد اني اقتل امه
يحيي اتصدم اكتر واكتر وقال
معني اية الكلام دة
فضل
ان انت وحامد اخوات من الام
نزل الكلام علي يحيي كالصاعقة
إرسال تعليق