دموع تحت اقدام عشق الحلقة الاخيرة

 دموع تحت اقدام عشق

                    ‏ ★الحلقة الثالثة★

من تاليفي، ، 
محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                    ‏                    

وفتح وائل الباب وخرج من الاوضة وخديجة وعبير شافو منظر عشق صعبت عليهم وشعرها في ايدها وعمالة تبص له وتعيط ووقفت شروق علي باب الاوضة وعبير بصت لها بصة كلها شك و اسئلة كتير. وقامت عبير منفعلة وراحت ناحية شروق ومسكتها من ذراعها بمنتهي الغيظ وقالت لها

قولت لية لبابا علي حوار الرسالة

فتبعد شروق ايد عبير عنها وهي تقول

بابا هو اللي سالني عن اللي حصل ليلة عيد الميلاد. وانا مابحبش اخبي حاجة عن بابا

عبير باستهزاء وعدم اقتناع

لا. بجد.

وتقترب اكتر من شروق وهي بتبص في عينيها وتقول

انتي في حاجة بينك وبين مالك

فتصدم شروق وتبلع ريقها بالعافية وتقول بارتباك

انتي متخلفة وغبية. ازاي تفتكري ان في حاجة بيني وبين مالك

عبير بثبات انفعالي

ياريت اطلع متخلفة وغبية وكدابة. لان لو في حاجة بينك وبين مالك انا بقي اللي هاقف لك يا اختي الكبيرة

وتبص لها عبير من فوق لتحت وتسيبها وتخش لعشق اللي لسة بتعيط فتبص خديجة لشروق وتقول لها

شروق روحي اعملي مية بسكر لاختك

شروق وهي بتبص لعبير قالت

مش رايحة في حتة

وسابتهم شروق وراحت داخلة اوضتها وقفلت الباب وراء منها بمنتهي العصبية فبصت خديجة لعبير اللي كانت بتحضن في اختها اوي وقالت خديجة

مال اختك

عبير

ماعرفش مالها. بس والله مش هارتاح الا لما اعرف مالها، ،،،

وفي هذة اللحظة كانت شروق في اوضتها وهي في حالة هياج شديد وتفكر بمنتهي العصبية والغيرة تمتلك كل ذرة في قلبها وتقول لنفسها

معقول يكون مالك بيضحك علية وبيكلم عشق من ورايا. 

بس لا. مالك بيحبني انا واتجوزني علشان ما قدرش يعيش بعيد عني. دة انا اول حلم في حياتة هو قالي كدة.

بس عشق صغيرة واحلي مني. لية مايكنش بيحبها.

اسكتي. مالك بيحبني انا وبس. انا عايزا اتاكد مافيش غير اني افتكر الرقم اللي بعت الرسالة علي واتس عشق ولو هو رد زي ما عشق بتقول. يبقي بيلعب بيا وبيخوني.  

ركزي يا شروق وافتكري الرقم هو كان رقم مميز سهل افتكرة.

ومسكت الموبيل بتاعها وبدات تعصر دماغها وكتبت الرقم وبصت للرقم واتاكدت انه هو فقالت لنفسيها

كدة بقي مش فاضل غير اني ارن علي الرقم دة واشوف مين اللي هايرد.  

وتستعد للرن ولكنها ترجع في كلامها مرة واحدة وتنهي الاتصال مسرعه وتقول لنفسها

ماتبقيش غبية يا شروق. ماهو لو مالك صاحب الرقم فهو عارف رقمي. ومش هايرد يبقي لازم اشتري شريحة تانية وارن علية منها. ولو هو اللي رد يبقي يستحمل اللي هاعملة في

وهنا تسمع شروق صوت صرخة خديجة وهي تقول

عشق ردي علية ردي علية يا عشق

فتفتح شروق باب الاوضة بسرعة وبصت لقيت عشق فاقدة النطق وعمالة تترعش بشكل مخيف فبصت خديجة ناحية اوضة نومها وقالت

يا وائل. الحق بنتك ماعرفش حصل لها اية

فخرج وائل من الاوضة بسرعة وبص لعشق بحرقة شديدة وحزن ،،،،،،،،

وفي نفس اللحظة ومن داخل شقة رامي. كان رامي في اوضة وبيرمي هدومة علي الارض وهو مضايق بشدة وبيقول لفاطمة اللي كانت واقفة قدامة.

مش عاجبها ريحتي وتقول لي قولها علي حبك ليها. مابقاش ينفع اتكلم

فاطمة

يا رامي اكيد هي ما تقصدش 

رامي بياس

ولا تقصد. الحوار دة اتقفل وخلاص. انا ماليش في الحب والجواز. خليني مكمل في طريقي وبعد ما اطمئن عليكم هابق،،،،،،،،،

وفي هذة اللحظة تفتح صباح باب الاوضة عليهم وهي تقول بخضة 

الحق يا رامي.

رامي بقلق

في اية يا ماما

صباح

عمك شايل. عشق اللي قاطعة النفس ورايح بيها المستشفي

فيفزع رامي من الخوف علي عشق ويبص لفاطمة اللي كانت ما تختلفش عنه، ،،،،،،،،،

وبعدها بساعة ومن داخل احدي المستشفيات يقفوا العيلتين ماعدا مالك. قدام احدي الاوض مستنين خروج الدكتور بعد ما يتم الكشف علي عشق لكي يطمئنهم وبالفعل يخرج الدكتور فيبصو له كل الحاضرين بلهفة شديدة ويقول وائل

خير يا دكتور

الدكتور

انت مين

وائل

انا ابوها

الدكتور

بنتك يا حج عندها انهيار عصبي شديد. وعماله تنادي علي حد اسمه مالك. وتقول له انا خايفة عليك منهم 

فبص الحضور لبعض وكلهم بدوأ يرددوا اسم مالك باستغراب شديد. ووائل يقول

واشمعني مالك. اللي بتنادي عليه وخايفة علية لية 

الدكتور

دة الاسم اللي بيتردد في عقلها الباطن. هو مالك دة خطيبها 

خديجة 

لا. ابن عمها

الدكتور 

ممكن تكون متعلقة بي علشان كدة بتنادي علية. او يكون الانيهار العصبي حصل لها بسبب حاجة تخص مالك

رامي 

يعني اية. ممكن تفهمنا اكتر

الدكتور

الانهيار العصبي لما بيجي للمريض بيكون بسبب صدمة معينة او تعرض المريض لضغط شديد ما يقدرش يستحملة. او خوف وقلق معين من حاجة هو خايف لتحصل وواضح ان المريضة هنا خايفة علي مالك. من حاجة. ممكن تحصل له وماستحملش عقلها حالة القلق والخوف دي وحصل لها انهيار عصبي. 

وائل باستغراب شديد

وهي لية تخاف علي مالك لدرجة انه يحصل لها انهيار عصبي 

خديجة وهي بتعيط بشدة

كله منك انت يا وائل. جننت بنتي بسبب اللي عملته فيها

وائل

خديجة. عشق بنتي انا كمان وانا كنت غضبان جدا ساعتها ومش عارف انا بعمل اية

الدكتور

انا شايف ان العتاب بتاعكم دلوقتي مش هايرجع اللي فات بنتكم محتاجة ليكم قبل ما الانهيار العصبي دة. يزيد ويبقي انهيار عقلي. يسبب لبنتكم حالة من حالات الاكتئاب الشديدة. علشان كدة لازم بنتكم تتعرض علي دكتور نفساني يقدر يتابع حالاتها ويفديكم في علاجها 

ويسيبهم الدكتور ويمشي ووائل يبص لخديجة ويقول

اية اللي يخلي بنتك تخاف علي مالك اوي كدة. اكيد هو اللي بعت لها الرسالة وفي بينها وبينه غرميات

فتبص فاطمة لرامي ورامي بيبصها ثم قال لوائل بارتباك 

رسالة اية يا عمي

فيبص وائل لرامي ويقول بلغة مخيفة

اخوك اتربي وسط بناتي وبدل ما يعتبرهم زي اختة. بعت لعشق رسالة حب من ورايا. ولا كانها بت عرفها في الشارع وبدل ما يخش البيت من بابه. ويطلب ايد عشق مني لا لف لفة عالم وسخة ورخيصة. يعني بالبلدي كدة أكل في طبقي ورجع تف في بس اقول اية عماد مات قبل ما يعرف يربي ومالك تربية نسوان علشان كدة مايعرفش حاجة عن الرجولة. لان النسوان ما بتعرفش تطلع راجل 

وبص وائل لصباح فاضيقت صباح جدا والكلام وجعها وقالت وهي بتعيط 

بقي كدة يا جوز اختي الله يسامحك.  

خديجة باستغراب

وائل انت ازاي تقول كدة

صباح

سيبي جوزك يقول اللي عايزه. انا مش زعلانة. ودة مش وقت عتاب المهم اطمئن علي بنتي عشق

وائل

عشق مش بنتك. وخدي عيالك وامشي من هنا

فتبص له صباح والدموع نازله من عيونها بتقطع في لحمها فتوجع رامي علي امه وقال لوائل

عمي مايصحش كدة

فبص وائل الناحية التانية وماردش علية فبصت له فاطمة وقالت لصباح

يالا يا ماما. نمشي باللي فاضل من كرامتنا

وتبص صباح لاختها خديجة وهي زعلانه عليها وتقول لها

معلش يا صباح. انا مش عارفة وائل ماله

صباح

ولا يهمك. هابقي اتصل اطمئن منك علي عشق

وتمشي صباح وولادها فتبص خديجة لوائل وتقول له

اية اللي انت عملتة دة. وافرض طلع مالك برئ من الرسالة اللي جت لعشق يبقي اية الوضع ساعتها 

وائل

اومال هايكون مين غيرة. انت سمعتي بودانك الدكتور عمال يقول بنتك عمالة تنادي علي مالك. واللي حصل حصل بسبب خوفها علي مالك هتخاف علي مالك لية ومن اية. الا لو الرسالة مش هي السبب.

فترد خديجة علية ويستمر بينهم الجدال وفي نفس الوقت كانت عبير بتقول لشروق اللي واقفة ساكتة بتتفرج علي اللي بيحصل

عجبك المنظر دة. كل دة بسببك انتي

شروق بجحود

بسببي انا لية. اختك غلطت وكان لازم تتربي

عبير

انتي اية. معجونة من اية ما عندكيش دم. شايفة اختك حصل فيها اية وبرضو ما فيش شعرة اتهزت فيكي

شروق

انتي زعلانة مني علشان خايفة عليها

عبير

لا لا. مش عملية خوف عليها

شروق بارتباك

قصدك اية

عبير

ولا حاجة. بس اللي حصل يدل علي انك خايفة علي مالك مش عشق

فتكح شروق وكان الجملة وقفت في زورها فقالت عبير

الف سلامة عليكي اجيب لك مية تبلعي بيهم الكلمتين.

شروق 

انا ساكتة لك من الصبح وانتي عمالة تلمحي تلميحات م،،،،،،

فتقاطعها عبير وتقول لها

من غير ما تحزقي ودوري علي كذبة. اللي خايفة علي اختها كانت تقول لبابا علي اللي بعت الرسالة مش تقول له علي الرسالة اللي جت وخلاص. لكن انتي خايفة علي مالك من رد فعل بابا واللي ممكن يعمله في. عارفة اللي انتي عملتي دة اسمه اية

فتنتبة شروق للكلام اللي جاي علي الجرح وعبير بتقرب منها وبتقول لها في ودنها

اسمه غيرة. عارفة البنت مننا بتغير لية علشان بتحب

فتبلع شروق ريقها بالعافية وعبير بتكمل كلامها

وانتي كدة باين عليكي والله اعلم بتحبي مالك يا ابلة شروق 

فبصت لها شروق اللي اصابتها الصاعقة وقالت

انتي مجنونة. انا احب مالك. حصل لك اية في دماغك دة كان طالب عندي في درس من دروسي 

عبير بمكر

اية دة انتي فهمتي اية انا اقصد انك بتحبي زي اخوكي. لدرجة انك خوفتي علية من ابوكي اكتر ما خوفتي علي اختك

شروق

انتي كلامك ماسخ وانا مش هارد عليكي. وكمان هاسيبك وامشي 

وتسيبهم شروق هاربه من الحقيقة وتخرج برة المستشفي وتبص لمبني المستشفي ثم تخرج الموبيل بتاعها وتبص للرقم اللي كتابتة من ذاكرتها وتروح ناحية احدي فروع اتصالات وتشتري شريحة وتحط الشريحة في الموبيل بتاعها وتطلب الرقم ويرن الرقم ويرد مالك قائلا

الو مين 

فتقول شروق بجنون

بقي هو دة الرقم اللي انت بتكلم عشق منه. لا برافو عليك يا شاطر

فيصدم مالك لما يسمع صوت شروق. ويقول بارتباك

انا. ،،،،،،

فتقاطعة شروق قائلا

خلصت يا شاطر. وزي ما بيقولو كدة انتهي الدرس يا غبي. وعمك لازم يعرف اللي بينك وبين عشق. ولو حكمت يا شاطر انا هاقول له كمان علي اللي بيني وبينك. ويبقي علية وعلي اعدائي 

وتنهي شروق المكالمة وتبص للموبيل بغضب مخيف ثم ترن علي موبيل وائل وهي ناوية علي الشر ويرد وائل قائلا

ايوة يا شروق

شروق

بابا كنت عايزاك تعرف ان مالك يبقي، ،،،،،،،،،،،،،،

معقولة شروق هاتقول له. علي جوازها من وائل وغضبها يعميها للدرجة دي. ولا اية اللي هايحصل.

مستني ابداعكم. ،،،،،،،،