قصة كاملة
انا شاكر المحمدي صاحب شركة استيراد وتصدير متجوز فريدة النهري ومخلف منها بنت و ولد البنت اسمها حور عندها 16 سنه في ثانوي والولد اسمه ايمن عنده 15 سنه في ثانوي برضو وكانت حياتنا عادية جدا قبل ما نسافر امريكا علشان نقضي اجازة الصيف ويارتنا ما كنا سافرنا لان اللي حصل هناك شئ اغرب من الخيال عيشنا اصعب ليلة في حياتنا كلها ليلة مع الشيطان ودة بقي اللي احنا هنعرفه في قصتنا
اقتباس جديد من احلي الافلام اللي شوفتها يارب اقتباس المرة دي يعجبكم
حور
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من جوة فيلا شاكر يقف شاكر صاحب ال 45 سنه قصاد مراته فريدة في اوضة نومهم وكان بيقول لها
ومالك مش مصدقة لية
فريدة
اصل اول مرة تعملها تسافرنا برة مصر علشان نقضي اجازة وفجاة كدة احنا مسافرين النهاردة عليك مفاجات
شاكر
بلاش يعني ارجع في كلامي
فريدة
لا ترجع اية دة احنا كلنا محتاجين السفرية دي
شاكر
بس لازم تعرفي ان السفرية بالنسبة لكم مصيف لكنها بالنسبة لي مصيف وشغل
فريدة
لية كدة بقي هو انت مش هتبقي اجازة
شاكر
اجازة يا ستي بس في وقت الاجازة هخلص شغلانه كدة سريعا مش هطول فيها
فريدة
ربنا يوسع لك رزقك وتبقي في اعلي المراتب
شاكر
يارب و ادعي بالمرة اني ابقي نمرة واحد في عالم البرمجيات والكمبيوتر
فريدة
اية دة انت ناوي تشتغل هكر ولا اية
شاكر ابتسم وقال
اة واول جهاز ههكرة هو جهازك
ضحكت فريدة وقالت
طيب بطل هزار بقي وقولي لية عايز تكون نمرة واحد في البرمجيات
شاكر
علشان هخترع تطبيق تعقب الاول من نوعه في مصر يقدر من خلاله اي صاحب موبيل اتسرق يعرف الموبيل دة فين عن طريق اشارة بيبعدها التطبيق بتاعي للقمر الصناعي
فريدة
اللي انت بتقوله دة مش جديد وفي تطبيقات كتير بتعمل كدة
شاكر
دة والموبيل مفتوح انما لو مقفول ويدي اشارة دة الجديد بقي
فريدة عجبتها فكرة التطبيق وقالت
ودة ازاي يحصل والموبيل مقفول
شاكر
التطبيق بتاعي هيحصل بينه وبين بوردة الموبيل اتصال وعن طريق الاتصال دة التطبيق بتاعي هيتحول ل جهاز بيصدر اشارات بتقصد القمر الصناعي ومن هنا اي صاحب موبيل مسروق يعرف موبيله فين اول ما يفعل كود تشغيل التطبيق من علي اي جهاز تاني
فريدة هزت دماغها وقالت
انا مش فاهمة حاجة بس انا عارفة انك عبقري وواثقة ان شاء الله ان التطبيق دة هيكسر الدنيا
شاكر
يارب وعلي كل حال انا خلصته بنسبه 99% وناقص اني اجربه عملي علي موبيل ودة بقي اللي هعمله في امريكا مع صديقي المحمودي
فريدة
اسمع لما اقول لك احنا رايحين ننبسط ونقعد كام يوم حلوين قصتك مع المحمودي دي تحلها من غير ما تيجي علينا العيال بقالهم كتير ما خرجوش معاك
ابتسم شاكر وقال
هبقي اقابل المحمودي بعد الفجر وانتي نايمة
فريدة باسته في خده وقالت
شاطر
وهنا يسمعوا صوت خبط علي الباب فقال شاكر
ادخلو
فتحت الباب بنت زي القمر ودي حور بنته ووراء منها عيل ما يقلش حلاوة عن اخته ودة بقي أيمن اللي كان بيجر شنطتين سفر وقالت حور
انت عرفت ازاي ان احنا اثنين اللي بنخبط ما جايز مثلا هكون انا بس او ذلك العبد
واترمت حور في حضن شاكر بدلع وحب شديد وشاورت علي ايمن اللي رما الشنطتين علي الارض وقال
سامع يا بابا بتقول عليه اية انا عبد
شاكر ابتسم
تقصد العبد بتاع الحلويات علشان انت مسكر
طلع ايمن جهاز تسجيل صغير علي طول معه لانه بيحب يسجل كل اللي بيحصل وشغل المسجل وقال
اسمعها تاني كدة
شاكر
علشان انت مسكر وقمر
فصل ايمن المسجل وشغله علشان يسمع صوت شاكر وهو بيقول
علشان انت مسكر وقمر
ضحك وبص ل حور وقال
سامعه قال اية عليه
حور باست ابوها وقالت
ولما هو بقي كل دة اومال انا ابقي اية
شاكر
انتي بسبوسة بالقشطة وكنافة بالمنجا و رز بلبن بالمكسرات
باسته حور بوسة كبيرة وبصت بطرف عيونها ل ايمن وقالت
سجلت اللي بابا قاله
ايمن حط المسجل في جيبة وقال
المسجل باظ
هنا فريدة رفعت حاجبها وراحت اترمت في اللي فاضل من حضن جوزها وقالت
ولما المفعوصة دي كل الحاجات الحلوة دي انا اية
شاكر
انتي عمري وصاحبتي وبنتي واختي وحياتي كلها انتي الماضي اللي عيشت بي احلي ذكرياتي والحاضر اللي بعيش في احلي ايامي والمستقبل اللي بعيش بيها احلي احلامي
حضنته اوي فريدة وقالت
ربنا ما يحرمني منك ابدا
حور حضنت اللي فاضل منه وقالت
وانا كمان زيها واكتر
بص شاكر ل ايمن وقال
مش عايز تيجي تاخد حضن جماعي معانا
ايمن بص للمنظر واحدة متعلقة في رقبته من ناحية اليمين والتانية متعلقة من ناحية الشمال فقال
هي في حاجة فاضلة منك علشان احضنها
ضحكوا كلهم وقال شاكر
افضي لك حضني كله هو انا عندي كام ايمن
وطلعهم شاكر من حضنه وراح حضن ايمن لوحده والاثنين بصو له وهما رافعين حواجبهم وايمن متعلق في رقبه ابوه وبيبص لهم وبيطلع لسانه.........
ويسافروا العيلة ل امريكا ومن جوة المطار وبعد وصولهم يتصل شاكر ب المحمودي صاحبه ويرد عليه المحمودي ويقول
سامحني يا شاكر كنت المفروض اكون في انتظارك لكن مراتي تعبت جدا ونقلتها للمستشفي
شاكر
طيب فين المستشفي دي اجي لك
المحمودي
يا راجل بتقول اية بس دة انت لسة جاي من السفر انت تروح ترتاح انت وعيلتك في الفيلا بتاعتي اللي في تكساس وانا بكرة بالكتير اوي هكون عندك انت عارف العنوان ومعاك نسخة من المفاتيح اعتبرها فيلتك وانا مالي الثلاجة اكل وشرب يعني انت مش محتاج اي حاجة
شاكر
تعبت نفسك
المحمودي
هزعل منك احنا اخوات سلام دلوقتي علشان الدكتور عايزني
وقفل المحمودي وبص شاكر ل مراته اللي كانت بتقول
لازم نروح نطمئن عليها
شاكر
اكيد طبعا
حور
طيب بابا انا جعانه اوي
شاكر بص حوالين منه وشاف مطعم في المطار فقال
تعالو ندخل المطعم دة اجيب لكم اي حاجة تيكا واي ونشرب قهوة تفوقنا
وراحو المطعم وقعدوا علي تربيزة وطلب لهم شاكر سندوتشات هوت دوج واتحطت قصاد منهم السندوتشات و حور بصت للسندوتش بتاعها وقرفت اوي من منظر اللحم والسوس الكتير اللي نازل منه وقالت ل فريدة
انا قرفانه اكل من منظر السوس اللي مغرق السندوتش وحتي اللحمة شكلها مش حلو
ايمن
اصل دة لحم خنزير سيبي ليا انا هاكله لما اخلص بتاعي دة طعمة حلو اوي
حطت السندوتش قصاد منه وقالت
كلو
وبصت ل شاكر وقالت
هاتي لي يا بابا اي سندوتش تاني
شاكر
اشوف لك فراخ
حور
يكون احسن
شاكر
طيب انا هقوم اطلب لك فراخ واجيب ليا ول مامتك اتنين قهوة
وفعلا قام شاكر وطلب لها فراخ وراح يجيب قهوة عامل الكاشير طلب منه عملات سند زي العملات الفضية عندنا وشاكر ما كنش معه اي عمله سند والكاشير ما بيبقبلش دولارت لانه مش معه باقي الدولار فلما زهق شاكر من النقاش مع الكاشير سابه ورجع قعد علي التربيزة وهو معه سندوتش الفراخ بتاع حو وقالت فريدة
اومال فين القهوة
شاكر
بتاع الكاشير غبي رافض ياخد دولار ويدي لي القهوة مش عارف لية مع اني قولت له ياخد الباقي عادي
هنا يلاقي شاكر ايد جاية من وراء وبتحط علي التربيزة قصاد منه فنجانين من القهوة استغرب شاكر وبص للي عمل كدة شاف راجل في نفس سنه تقريبا لابس بلطو اسود كبير وشعره ابيض بياض الثلج رغم انه لسه في الاربعينات فقال شاكر بالانجليزي
شكرا احنا مش ،،،،،،،
رد هذا الغامض بلهجة عربية مكسرة
انا عربي زيك واسمي هارون وكنت بالقرب منك وقت ما كنت بتتكلم مع الكاشير لكن هما هنا في المطعم دة كدة ما بياخدوش تيبس علشان كدة رفض باقي الدولار يكون لي
شاكر طلع الفلوس من جيبة علشان يحاسب هارون لكن هارون مسك ايدة وقال
انت كدة عايزني اغضب انا مجرد عربي بيساعد عربي تاني في الغربه
وبص هارون ل افراد عيلة شاكر وقال
اظن ان دي عيلتك
شاكر وهو بيشاور علي فريدة
فريدة مراتي
وشاور علي حور
حور بنتي
وشاور علي ايمن
ايمن ابني
هارون
تشرفنا
وطلع قطعه شيكولاته صغيرة كانت جوة علبه وقال وهو باصص ل حور
دي اخر قطعه شيكولاته معايا من اغلي الانواع بتحبها بنتي اللي في سنك
وحط الشيكولاته علي التربيزة حاول ايمن انه ياخدها لكن حور كلتها قبل منه وهارون بيبص لها وبيضحك ضحكة خبيثة و حور حست ان الدنيا بتلف بيها بمجرد ما الشيكولاته عدت زورها وبدات تبص ل هارون بصة غريبة هارون اللي بيستاذن وراح يقعد علي تربيزة جنب منهم ل وحدة
وقال بصوت سمعته حور بس
كلي سندوتش اللحم
حور خدت السندوتش من ايد اخوها وبدات تاكل فيها بشكل غريب وشاكر بص لها وقال
الله مش قلتي مش هاكل لحمة
ايمن
اة قالت كدة وبعد ما بدات اكل السندوتش خطفته من ايدي
حور
انا ما عرفش باكل اللحمة لية
فريدة بهزار
ما تعرفيش لية بتاكليها علشان ايمن كان هياكلها
شاكر
كلي يا حبيتي الف هناء وشفاء
وبعد ما خلصت حور السندوتش قال لها هارون
اشربي مية
مسكت ازازة مية كبيرة وفضلت تشرب وتشرب وتشرب استغربت فريدة وقالت
حور كفاية مية
وخدت منها الازازة لكن حور مدت ايدها وخدت الازازة تاني وهنا هارون قال
سيبي المية
وابتسم ابتسامة مخيف وقام مشي وشاكر كان بيقول ل حور
مالك
حور
ما عرفش ما عرفش
فريدة ل شاكر
يلا يا شاكر نروح حور شكلها تعبان اوي ،،،،،،،،،
وبعدها ب ساعة يوصلو ل فيلا المحمودي ويدخلو الفيلا وفريدة ما صدقتش عيونها من الجمال اللي شايفا وايمن راح جري ناحية حمام السباحة وقلع و نط في وهو بيقول
الجو حر جدا
فريدة
ايمن اية اللي انت عملته دة
شاكر كان واقف ورها وقال
عمل اية
فريدة
نط في ال،،،،،،،،،،
لكن شاكر مخلهاش تكمل وزقها ونط بيها في الحمام بهدومهم وبداو يلعبو ويهزروا ويرشو بعض بالمية وقت ما فريدة لحظت ان حور مش معاهم فقالت ل شاكر
شاكر هي حور ما نزلتش من العربية ولا اية
شاكر بص حوالين منه يمكن يشوفها وقال
ازاي بس دي كانت جاية ورايا
وندهه عليها باعلي صوت وطلع من حمام السباحة وهو عمال ينادي عليها ل غاية ما راح عند بوابة الفيلا وشاف حور واقفة قصاد هارون وكانو بيتكلمو ما سمعش شاكر اللي بيتقال وراح قرب منهم وبص ل حور وقال بحزم
خشي جوة
بصت حور ل هارون اللي قال لها
تقدري تخشي
ومشيت حور وشاكر بيبص ل بنته وهو مستغرب اللي حصل ورجع بث ل هارون وقال
انت عرفت ازاي اننا هنا
هارون وهو بيقفل بوابة الفيلا وبيدخل قال
من بنتك
اتصدم شاكر و هارون مشي كام خطوة قبل ما يقف ويبص ل شاكر اللي الصدمة شلته وبص له هارون وقال
هتفضل واقف كدة تعالي ندخل جوة علشان اليوم النهاردة هيكون صعب عليك
شاكر قرب منه وهو باصص باستغراب شديد وقال
تقصد اية بكلامك دة
هارون بص للسماء وقال
السماء غضبانه والامطار هتكون سيول اليوم بص بنفسك ل لون السحاب الاسود
بص شاكر ل فوق وشاف السحب سوداء فعلا استغرب وقال
هتمطر في الصيف
هارون
انت في امريكا يا صديقي وامطار الصيف مش غريبة هنا
ومسك هارون ذراع شاكر وقال
انت بس اللي غريب
وكمل هارون مشئ ناحية باب الفيلا الداخلي وشاكر مستغرب وماشي وراء منه وبيقول
انت رايح فين
هارون
داخل بيت صديقي
شاكر
انت تعرف المحمودي
هارون وقف و بص له وقال
اعرف شاكر انت صديقي اللي اقصده
و بعدها هارون كمل مشئ وشاكر مسكه من ذراعه وقفه وقال
لكن انا ما اعرفكش ومش هخليك تدخل
ابتسم هارون ومسك ايد شاكر اللي ماسكة ذراعه ونزلها بعيد عنه وقال
واضح انك يا صديقي متعب من السفر وانا كمان زيك وعلشان كدة هسيبك وامشي
شاكر
يكون احسن
هارون
بس افتكر انك مديون لي ب ثمن فنجانين من القهوة وهشربهم معاك الليلة
وسابه هارون ومشي وخرج من الفيلا وقفل شاكر وراء منه البوابة ومشئ شاكر وهارون وقف عند بوابة الفيلا ومسك الحديد بتاعها وقرب بوقة من الحديد وهمس وقال
بصي من شباك اوضك
ورفع عيونه ل فوق ناحية اوضة معينه وابتسم لان حور كانت واقفة وراء شباك الاوضة دي بتبص له زي المسحورة ،،،،،
وفي نفس الوقت كانت فريدة بتحط موبيلها اللي اتبل بسبب وقعها في الحمام السباحة جوة طبق مليان أرز علشان معروف ان الرز بينشف المية وخرجت من المطبخ علي صوت شاكر اللي كان بينادي علي حور وهو متعصب وبصت له حور من الدور التاني للفيلا وقال شاكر
انتي ازاي تعرفي بني ادم غريب عنوانا هنا نعرفه منين دة علشان تفتحي له بوابة الفيلا وكمان تقفي تتكلمي معه
فريدة وهي بتنشف شعرها ب فوطة
انت بتتكلم عن مين
شاكر
هو انتي لسة ما عرفتيش ان بنتك كانت واقفة مع هارون وقت ما كنا في حمام السباحة
اتصدمت فريدة وقالت
حور عملت كدة
وبصت فريدة ل حور وقالت
من امتي وانتي بتاخدي علي الاغراب بالسرعة دي
حور بدات تترعش وحطت ايدها علي ودانها وبصت لهم وقالت
همسات كتير في وداني اصوات كتير وكلهم ل بنات بيتكلمو ب كذا لغة
شاكر قلق وقال
انتي بتقولي اية
حور بصت له وقالت ب حدة
قولت كفاية انا مش عايزا اتكلم تاني وداخلة انام سامعين
وسابتهم حور ولسة فريدة هتروح لها مسك شاكر ايدها وقال
سيبيها ترتاح دلوقتي لان باين انها مش طبيعية
فريدة بصت ناحية بنتها اللي رايحة الاوضة ورجعت بصت ل شاكر وقالت
اية اللي حصل ل حور دي عمرها ما عملت كدة
شاكر
كل حاجة بدات بعد ظهور هارون دة
فريدة
وهارون دة عرف عنوان الفيلا دي منين
شاكر
بيقول من حور
فريدة
حور ما تعملش كدة
شاكر
اومال بس هيعرف العنوان منين
فريدة
اكيد من المحمودي صاحبك
شاكر
انتي بتقولي اية
فريدة
لية ما يكنش المحمودي طمع في التطبيق اللي انت شغال عليه وبعت هارون دة ياذي حور وبعدها يساومك يا اما تسيب له التطبيق بكل الارباح اللي جاية من وراء يا اما اذية حور
شاكر رفض الفكرة وقال
المحمودي دة عشرة عمر ازاي يعمل كدة
فريدة
اومال هارون دة يعني قابلنا في المطار صدفه وعرف مكان الفيلا صدفة
شاكر بدا الشك يضرب خلايا قلبه وقت ما سمع صوت الرعد جري ناحية باب الفيلا وفاتحها وبص للسماء لقي الامطار بدات تنزل زي السيول قفل الباب ودخل الفيلا ومسك موبيله وهو متعصب واتصل بالمحمودي ورد المحمودي وقال
اية يا شاكر وصلت الفيلا
شاكر
مش انا وحدي اللي وصلت انا واللي انت بعته
المحمودي
اللي انا بعته انا ما بعتش حد
شاكر
هارون
المحمودي
هارون مين
شاكر
هارون البني ادم اللي تعبيرات وشه تخوف
المحمودي
شاكر انا مش سامع انت بتقول اية واضح ان الشبكة عندك فيها مشاكل وانا دلوقتي مع مراتي لان حالتها صعبه
وقفل المحمودي وشاكر فضل يقول
الو الو الو
فريدة
اية قفل السكة
شاكر
بيقول الشبكة وحشة
فريدة
معقوله امريكا فيها جملة الشبكة وحشة
شاكر
انا عارف بقي
فريدة
طيب ما تيجي نرجع يا شاكر انا مش مرتاحة
شاكر
اهدي يا فريدة بالله عليكي وخلينا ننرتاح من السفر ونفكر هنعمل اية ،،،،
وبعد دقات الساعة 12 بعد نص الليل يصحي شاكر علي صوت ضحكة حور بص ل فريدة لقاها صاحية قال لها
هي مش حور نايمة
فريدة وهي بتفوق
كلنا نايمين المفروض
لكنهم يسمعوا صوت ضحكة تانية ل حور فقالت فريدة
حور بتضحك مع مين وصوت الضحكة عالي كدة
شاكر قام من سريرة وهو بيقول
ايمن صحي معقوله
وراح ل اوضة ايمن لقي ايمن نايم وسمع صوت حور جاي من الدور الارضي للفيلا اتصدم وراح بص من الدور الثاني شاف حور قاعدة مع هارون علي الركنه اتصدم ونزل بمنتهي السرعة ووقف قصاد منهم وبص ل هارون وحور وقال ل حور
دخل ازاي دة
حور
قالي افتحي الباب فتحت له
شاكر
وانتي فين عقلك ازاي تعملي اللي يقول لك عليه
هارون مسك فنجان القهوة اللي قدام منه وشرب رشفة وقال
مش شايف انك متعصب اوي
شاكر بعصبية
انت تخرس خالص وتقوم تخرج من هنا بدل ما اطلب لك البوليس
هارون
جرب تتصل
ندهه شاكر علي فريدة وقال
فريدة هاتي تيلفوني من فضلك
انضمت فريدة ليهم ومعها موبيل شاكر واديت الموبيل ل شاكر وقالت بعصبية
اطلب البوليس خليهم يجو يقبضو عليه
ومسكت فريدة ايد حور وقالت وهي بتحاول تقومها
وانتي قومي حسابي معاكي بعدين
هارون بص ل حور وقال
ما تقوميش
وفعلا مهما حاولت فريدة انها تقوم حور كانت حور بتقاومها وما قدرتش عليها ولما اشتدت الصراع عضت حور ايد فريدة اتصدمت فريدة وبصت ل ايدها المعضوضة وقالت ل شاكر
اية اللي بيحصل دة حور عمرها ما كانت كدة
هارون وهو بياخد رشفة تانية من القهوة
بنتكم ملكي تحت تاثير سحر اسود قديم بيستخدمة ابناء الشياطين وانا منهم وجاي لكم علشان توهبوا بنتكم ليا وبكامل ارادتكم تكون قربان ل احياء الشيطان الاكبر سجين
بص شاكر ل فريدة والصدمة كانت هتشلهم.
شاكر فاق من الصدمة وراح يهجم علي هارون وهو بيقول
انت تقوم تخرج من هنا قبل ما اخد روحك بايدية
ومسكه شاكر من لايقة قميصة وقومه من فوق الركنه لكن هارون بص ل حور وقال
مش من مصلحة بنتك اني اخرج بالطريقة دي لاني هاخدها معايا وانا خارج بالطريقة السهلة او الطريقة الصعبة اختار
شاكر بمنتهي الغضب
انت مالكش دعوي ببنتي فاهم ولا لا
وفتح شاكر باب الفيلا ولسة هيرمي هارون برة الفيلا قال هارون
حور اخوكي محتاج يتمرجح وفي مرجحية فوق سطح الفيلا تقدري تستخدميها ولو خرجت من هنا خلي عرفي اخوكي معني السقوط المرعب
قامت حور بمنتهي السرعة من فوق الركنة وطلعت جري ناحية اوضة ايمن وجريت وراء منها فريدة وهي بتقول
حور اخوكي لا
بص شاكر للمنظر وساب هارون وطلع وراء فريدة بمنتهي السرعة وهو بينادي علي حور وبمنتهي البرود رجع
قفل هارون باب الفيلا ورجع تاني يقعد علي الركنة وخد فنجان القهوة وشرب كمان رشفة وبص للدور التاني من الفيلا ،،،،،،،
في نفس الوقت كانت حور ماسكة ايد اخوها وعايزا تخرج بي وبالعافية من الاوضة وابوها بيمنعها لكنه ما كنش قادر عليها وعماله تخربش في وتخربش في امها وفريدة بتحاول تسيطر عليها وهي بتصرخ وفريدة بتقول
اهدي بلاش اللي بتعملي دة
لكن حور زقت امها وبعد كدة زقت ابوها ومسكت ايمن من ايدة اللي كان خايف منها وطلعت بي ل سطح البيت وحطته علي كرسي المرجحية وبدات تحرك الكرسي بمنتهي القوة والسرعة رغم الامطار والبرق والرعد وايمن بيصرخ من الرعب والخوف وماسك في جنزير المرجحية بمنتهي القوة و شاكر ووصل ووراء منه فريدة وبص للارتفاع اللي وصلت له حور بسبب زقها للمرجحية بمنتهي القوة وصرخات ايمن المرعوب خلعت قلب شاكر اللي قال
حور كفاية بقي اخوكي هيموت من الخوف
لكن حور مكملة في اللي هي بتعمله وفريدة بصت ل شاكر وهي مرعوبه عليهم هما الاثنين وقالت
اعمل حاجة يا شاكر
شاكر
لازم هارون هو اللي يقولها توقف المرجحية
ونزل شاكر بمنتهي السرعة ل تحت وراح ل هارون ووقف قصاد منه وقال
من فضلك كفاية ابني هيموت من الخوف
رفع هارون جذمته ل فوق وشاور عليها بصباعة وقال
بوس
شاكر صعبت عليه نفسه لكنه قال
وتخلي حور توقف المرجحية
هارون
هخليها توقفها
بص شاكر ل جذمة هارون وبكل الظلم والقهر اللي في الدنيا نزل ببوقه ل غاية الجذمة وباسها مسك هارون شعر شاكر وقال
دة عقاب بسيط علشان ايدك اتمدت عليه
شاكر بص له بكسره نفس
خلي حور توقف اللي بتعمله
هارون ابتسم وساب شعر شاكر
حور كفاية
فعلا وقفت المرجحية وهارون قال ل شاكر
اوهبني بنتك بارادتك واختار الطريق السهل ل راحة عيلتك احسن من تختار الطريق الصعب اللي في اخره هتهوب لي بنتك برضو
في الوقت دة تنزل فريدة وايمن في حضنها وحور وراء منها وتبص ل شاكر اللي قاعد علي الارض قصاد هارون وقالت فريدة
شاكر اتصرف انا ابني كان هيموت
شاكر قام وخد ايمن في حضنه وبدا يمسح المية اللي علي هدومة و وشة
وبص ل هارون اللي كان بيقول
انا لو مكانك اخسر بنت واكسب ولد ولا اني اخسر الاثنين
شاكر
تاخد كام وتسيب عيلتي في حالها
ابتسم هارون وقال
وتعمل اية الفلوس ل ملك زيي انا اقدر احي واموت اقدر اشفي وامرض اقدر افقر واغني انا وجودي في الدنيا اسمي من كدة انا اللي بعمل الفلوس مش هي اللي بتعملني انا خادم الشيطان المخلوق الاسمي
انا هارون
شاكر
انت كافر مجنون وما حدش يقدر يعمل كل اللي انت بتقوله دة الا رب العالمين سبحانه وتعالي انت ولا حاجة
ضحك هارون اوي وقال
كل واحد منكم بروح اخد منه بنته بيقول نفس الكلام وفي الاخر بيسبها علشان هو يعيش انتو البني ادميين كدة مخلوقين من الكبر
شاكر
احنا اومال الشيطان اللي قال **أنا خير منه خلقتني من نار وخلقته من طين** دة اية مش كبر
هارون
دي حقيقية واثبت لك اننا احسن منكم بنتك اللي ملكي
وبص هارون ل حور وقال
اية اكتر شئ بتكرهي يا حور
حور
الشاي
هارون ابتسم
في كيس كبير في المطبخ هاتي وفضي في بوقك
دخلت حور للمطبخ ودخلت فريدة وراء منها علشان تمنعها وهي بتقول
لا يا حور ما تعمليش كدة
لكن حور خرجت من المطبخ بعد ما زقت امها بعيد عنها ومعها كيس الشاي وفتحت الكيس وبدات تفضي الشاي في بوقها وتكح وكان باين انها بتتعذب لكنها مكملة اللي بداته وعماله تفضي الشاي في بوقها و شاكر باصص ل بنته وقلبه بيتوجع ورجع بص ل هارون وقال
عايز اثبات تاني اني انا هنا الاقوي
شاكر اتوجع علي حال بنته وقال
خليها ترمي كيس الشاي دة انت كدة بتاذيها
هارون ل حور
ارمي كيس الشاي
رمت حور كيس الشاي وبدات ترجع كل الشاي اللي دخل معدتها وفريدة جابت مية وبدات تغسل لها وشها
و شاكر قال ل هارون
اشمعني بنتي
هارون
صدفة مجرد صدفة بدور علي البنت العذراء رقم 100 علشان تكمل مراسم القربان وشوفتكم في المطار وبنتك كلت الشكولاته اللي عليها طلاسم السحر الاسود وبقت بالنسبة لي عروسة احركها زي ما انا عايز تحب تشوف
بص هارون ل حور
حور اقعدي
قعدت حور هارون قال
اقفي
وقفت هارون قال
اقعدي
قعدت هارون قال
اقفي و عيطي
بدات حور تعيط هارون
عيطي اقوي من كدة
عيطت حور اوي هارون قال
بحرقة
عيطت اكتر واكتر وبحرقة هارون
اضحكي
بدات تضحك ودموعها علي خدها هارون
اضحكي اكتر واكتر
وفعلا بدات تضحك وتضحك ما استحملش شاكر الحال اللي فيها بنته فهجم تاني علي هارون وبدا يخنقة وقال
رجع بنتي زي ما كانت
هارون بص ل حور وقال
حور اكسري دماغ ايمن
جريت حور ناحية ايمن حاولت فريدة تمنعها ما قدرتش وحور مسكت راس ايمن وخبطتها في سن التربيزين اللي بيطلع للدور التاني وقع ايمن علي الارض سايح في دمه في نفس الوقت يسمعوا صوت سرينه الشرطة جاية ناحيتهم بص هارون ناحيتهم وقال
مين بلغ الشرطة
ما حدش فيهم رد فقال هارون
حور اقتلي،،،،،،
هنا قالت فريدة
انا اللي بلغت لما دخلت المطبخ روحت ل موبيلي اللي في الارز وطلبت رقم الشرطة علشان يحمونا منك
راح هارون ناحية احدي الشبابيك وبص ناحية بوابة الفيلا وشاف عربية الشرطة وهي بتركن قصاد الباب ف بص ل هارون ل فريدة
امسحي الدم بتاع ايمن بسرعة
وبص هارون ل شاكر
وانت اطلع ب ايمن للدور التاني وتنزل لي بسرعه واحسن لكم بلاش تلفتو الانظار والا بموت بنتكم وابنكم
وبص هارون ل حور
وانتي يا حور ادخلي المطبخ وانتي جوة هقول لك تعملي اية
دخلت حور المطبخ وشغل هارون التيلفزيون علي اعلي صوت والشرطة خبطت علي باب الفيلا راح فتح هارون ودخل اتنين ظباط وقال احدي الظابط بالانجليزي
استلمنا رساله استغاثة من المنزل دة
هارون
من هنا مستحيل احنا قاعدين بنتفرج مع بعض علي الشاشة
الظابط
اعتقد ان في شئ غلط لان الاستغاثة مسجلة ب رقم الفيلا دي ودة رقم الموبيل اللي تمت من عليه الاستغاثة
واتصل الظابط بالرقم ورن موبيل فريدة اللي في المطبخ بصت الظابط للمطبخ وقال
الرقم بيرن بالداخل هنا
فريدة
عملها تاني ابننا الصغير ايمن لازم يتم عقابه
الظابط شك وقال
ممكن اشوف الموبيل
فريدة
حاضر
وبصت فريدة ل شاكر وراحت ناحية المطبخ ونظرات الظابط تتابعها ودخلت المطبخ علشان تعيط لما تشوف بنتها فاتحة الانبوبه والخرطوم متشال منها وهي واقفة فوق منها وفي ايدها ولاعه جاهزة للاشتعال بصت بحسرة شديدة ل بنتها اللي كانت مستنيه كلمة واحدة من هارون ووقتها هتولع في نفسها وراحت ناحية الرز اللي في الموبيل بتاعها وفضلت تبص ل بنتها وهي خايفة علشانها وهنا تسمع الظابط بيقول
المدام اتاخرت جوة في المطبخ انا لازم ادخل اشوف في اية في المطبخ
وراح الظابط ناحية المطبخ و شاكر بيحاول يقنعه ما يدخلش لكن الظابط كان بينه وبين دخول المطبخ خطوة واحدة وهنا. تخرج فريدة وفي ايدها الموبيل وقالت فريدة
اسفة اتاخرت علشان ابني كان مخبي الموبيل
بص الظابط ليها ول ارتباكها المبالغ في وبص للموبيل وقال وهو بيبص ناحية المطبخ لكنه ما كنش شايف حور اللي موجودة في جنب المطبخ وفي منطقة مظلمة
وهو فين ابنك جوة في المطبخ
فريدة
ابني نايم فوق في اوضة
الظابط ابتعد عن المطبخ وقال
ممكن اشوفه
فريدة ارتبكت لكن شاكر قال
افتكر ان صحيان طفل من النوم في وقت متاخر زي دة مش هيكون امر مستحب
في نفس الوقت كان ايمن بدا يفوق والدم نازل من دماغة مغرق هدومة وقام من فوق السرير وبدا يتحرك بصعوبه قاصد باب الاوضة ونرجع ل شاكر اللي الظابط كان بيقوله
خلاص بلاش تصحي
واستعد الظابط للانصراف لكنه وقف مرة واحدة وبص ل شاكر وقال
اعتقد ان في ريحة غاز
هارون
مدام فريدة هتدخل تاني تتاكد من الريحة دي
في نفس الوقت يظهر ايمن ويقف فوق الظابط بالظبط وما كنش قادر يتكلم والظابط قال
اتمني ليكم سهرة سعيدة
ووقعت فوق كتف الظابط نقطة دم لكنه ما خدش باله وخرج من الفيلا هو والظابط التاني وجري شاكر وفريدة ناحية ايمن المصاب وبدا شاكر يوقف نزيف ايمن بقماشة قطعها من هدومة وهارون بص من شباك الفيلا علي الظابط وهو بيركب العربية وبيتحرك بيها وقال
حور اقفلي الانبوبة وتعالي كسري كل الموبيلات اللي هنا ماعدا موبيلي
وخرجت حور ونفذت اللي طلبه وبص هارون ل فريدة وشاكر وقال
اول غلطة عندي هي اخر غلطة واللي انت عملته دة لازم يكون عقابه شديد
هارون
حور اضربي والدك بالقلم
طلعت حور ل غاية فوق وبص لها شاكر بتركيز شديد في عيونها وهي من غير اي تردد ضربته بمنتهي القوة بالقلم علي وشة اتوجع شاكر مش من قوة القلم لا من ان بنته نقطة ضعفة هي اللي ضربته وفضل شاكر باصص لها مش مصدق اللي هي عملته وضحكات هارون الخبيثة كانت بترج ارجاء البيت كله وبص شاكر ل هارون وعيونه خانته ونزلت دموع الكسرة والقهر فريدة شافت المنظر قامت ومسكت ذراع بنتها وقالت
فوقي بقي وكفاية اوي ل غاية كدة امنعي من انه يسطر عليكي كدة
لكن هارون بص ل حور وقال
تعالي هنا
سابتهم حور وراحت قعدت قصاد هارون وقال لها هارون
انتي كنتي عارفة ان الموبيل في الرز صح وما قولتليش يعني تستاهلي العقاب اضربي نفسك بالقلم
وضربت نفسها فقال هارون
اقوي
ضربت نفسها اقوي وهارون قال
اقوي واقوي
وفضلت تضرب نفسها ل غاية ما بوقها جاب دم راحت فريدة ناحية هارون وقالت
كفاية ابوس رجلك
هارون بص ل شاكر وقال
زي ما جوزك عمل ما بحبش التكرار
شاكر كان بيتقطع من جوة وحاسس انه عاجز واصعب احساس بيعدي بي الاب احساس العجز قصاد عيلته وسمع هارون بيقول
كفاية يا حور
وطلع موبيلة وحطة علي تربيزة قصاد منه وشغل موسيقي وقال
ارقصي وخلي والدك يشوف امكانياتك
وبدات حور ترقص راح شاكر يمنعها لكنها زقته واستمرت في الرقص وهارون قال
بدلع اكتر
اتعصب شاكر وراح دخل المطبخ وجاب سكينة ولسة هيهجم علي هارون قال هارون
موتي من موت بنتك
وبص ل حور وقال
حور هتموتي لما انا اموت
وبصت حور ل شاكر وبقت زي الكلب المسعور اللي جاهز يموت علشان صاحبة يعيش وفضلت ترقص و شاكر ما استحملش المشهد ورمي السكينة علي الارض وطلع يطمئن علي ابنه اللي دخلو الاوضة وفريدة طلعت وراء منه وسابو بنتهم مع هارون وقالت فريدة ل شاكر
واخرتها اية يا شاكر
شاكر بص لها وملقاش اي حاجة يقولها لكنه شاف مسجل الصوت بتاع ابنه بص ل مسجل الصوت وبدا يفكر وبسرعه ،،،،،،،،
وبعدها ب ساعة فريدة تبص ل شاكر وتقول
الموسيقي ما اتوقفتش من ساعة وبنتك كل ما ابص عليها الاقيها لسة بترقص
بص لها شاكر وقال
انزلي اضربي
استغربت فريدة وقالت
اضربه
شاكر
وامنعي من الكلام
فريدة
بتفكر في اية يا شاكر
شاكر مسك مسجل الصوت بتاع ايمن وقال
هحط نهاية للشر دة وانتي كنتي لاعبة كونغ فو يعني مش هيقدر ياذيكي لكنك انتي هتقدري تاذي.......
ونزلت فريدة للدور الارضي وشافت بنتها وهي تعبانه اوي من كتر الرقص وقالت
كفاية بقي بقالها ساعة بترقص وبنتي لس،،،،،،،
وهنا شافت فريدة بنطلون بنتها مبلول والمية بتنزل منها اتصدمت وقلبها وجعها وقالت
انت اية شيطان وصل بيك الجبروت انك تسيب بنتي قصاد منك ل غاية ما تعملها علي نفسها انت لازم تموت
وهجمت فريدة علي هارون وضربته بايدها في حنجرته ضربه موت ومسكته من رقبته وزقته ووقعت فوق منه وبص شاكر للخناقة دي ونزل من بالكونة اوضة ايمن عن طريق عمود ديكور كان في بلاطات بارزة لكن الامطار خلت توازنه يختل ووقع علي الارض عند حمام السباحة وبص من ازاز الفيلا وشاف الصراع اللي بين فريدة و هارون وفتح باب الفيلا بالمفتاح اللي معه وبعد دخوله للفيلا ب دقيقة يسمع صرخة مراته وتحفة حديد في ايد حور وعليها دم وفريدة بتبص لها والدم بدا ينزل من دماغها علي وشها زي الفيضان وبصت فريدة ل شاكر ووقعت علي الارض غرقانه في دمها، وفتح شاكر باب الفيلا بالمفتاح اللي معه وبعد دخوله للفيلا ب دقيقة يسمع صرخة مراته وتحفة حديد في ايد حور وعليها دم وفريدة بتبص لها والدم بدا ينزل من دماغها علي وشها زي الفيضان وبصت فريدة ل شاكر ووقعت علي الارض غرقانه في دمها جري شاكر ناحية فريدة ولسة حور هتضربه بدا ما امرها شاكر بكدة قام بسرعة ومسك ايدها وزقها لغاية السلم وطلع حبل من جيبة وربط ايدين حور في تربزين السلم ورجع وهو متعصب وبدا يخنق هارون بمنتهي القوة والغضب وفريدة بدات تقوم وتقف علي رجليها لكنها كانت دايخة وهارون ببتخنق والدم مالي وشة بعد صراعه مع فريدة لكنه قال وبصعوبه
حور افضلي اضحكي واصرخي بجنون ل غاية ما قلبك يقف
وبدات حور تضحك وتصرخ في نفس الوقت وبصوت عالي جدا صوت ما قدرش شاكر يسمعه وبص ل بنته اللي عروق رقبتها بدات تنفر من شدة الصراخ وساب شاكر رقبه هارون وقال
خليها تبطل ضحك
اتعدل هارون وبعد ما تف دم من بوقه بص ل حور وقال
كفاية
اتوقفت حور عن الضحك وشاكر كان علي الارض لسة عاجز مش قادر يعمل اي حاجة وقال هارون باستفزاز
اقتلني لية سبت رقبتي
واتحول صوت هارون من السخرية للجد المرعب
انت لية مش عايز تستلم وتعرف اني انا الاقوي
وقام وقف هارون اللي كان باين عليه التعب بعد صراعه مع فريدة وبص ل حور وقال
تعرفي ان والدك عايزني احررك وترجعي زي ما كنتي ودة ب كلمة مني يحصل ارجعي زي ما كنتي واتحرري من سحري
لكنه اتحول وظهر الشيطان في ملامحة وهو بيبص ل شاكر وبيقول
لكن دة مش هيحصل عارف لية لاني ما دخلتش اي بيت قبل كدة وخد منه عذراء ورجعت زي ما كانت كلهم ملكي يا شاكر كلهم بالنسبة لي مجرد عرايس لعبة بيتحركوا بريموت ومن بعيد واقول لك سر
وقرب هارون من شاكر وقال
الليلة مش هتخلص الا وانت بتقولي خد بنتي وامشي من هنا هارون ما بيخسرش
وبص هارون ل فريدة اللي قاعدة وساندة علي حيطة وماسكة حتة قماشة وكاتمة الدم اللي بينزل منها وقال
وتعرفي يا مدام انتي قويه جدا وبتقاتلي بشكل مذهل انا بجد معجب بيكي ولو كنت في وقت تاني وغير مخلوق ل مهمة احياء الشيطان الاعظم سجين انا كنت اتجوزتك لكني هخرج من هنا ومعايا شئ من ريحتك
وبدا يفك حور وهو بيقول
حور بنتك
وبدا يشم ريحة حور ويقرب اوي من جسمها اتعصب شاكر ولسة هيتكلم فقال هارون بخبث
اوعي تفكر تتكلم انا لسة ما حسابتكش علي غلطتك انت ومراتك
شاكر
اعتقد انك انسان زكي ومهما كان المعتقد بتاعك مستحيل ترفض مبلغ 100 الف دولار
هارون ابتسم وقال
ودة في مقابل اية
شاكر
تسيب بنتي في حالها وترفع عنها السحر بتاعك
هارون
اشوف الفلوس الاول
شاكر
الشنطة فوق هطلع اجيبهالك
وطلع شاكر للدور التاني ودخل اوضة وخرج معه شنطة الفلوس علشان يلاقي ايمن واقف قصاد الباب وبيتوجع ومش قادر يقف وبيقول
بابا انا تعبان ومش قادر اتحمل اكتر من كدة
شاكر وهو بيحضنه
خلاص يا ايمن كل اللي احنا في دة هينتهي قريب اوي اوعدك
ونزل شاكر بالفلوس ل هارون وحط شنطة الفلوس قصاد منه وفتح هارون الشنطة وبص للفلوس وقال
مبلغ كبير ويعيش اي بني ادم زيي في متعه ما بعدها متعه
لكن هارون طلع ولاعته وقال
الفلوس يفرح بيها مخلوق من طين زيك لكن انا اله
ورمي الولاعة وهي مولعه علي الفلوس والنار بدات تاكل في الفلوس وسط صدمة واندهاش شاكر وقال هارون
دة اول عقاب ليك
وسمع صوت ايمن بيقول من الدور التاني
بابا انا تعبان اوي
ابتسم هارون وقال
علاج ابنك عندي الموت
ومسك سكينة واداها ل حور وقال
اكتبي الراحة ل اخوكي من العذاب اللي هو في
مسكت حور السكينة وطلعت جري وراء ايمن وقال شاكر ل ايمن
ادخل الاوضة بتاعتك واقفل الباب
وطلع جري وراء حور وفريدة طلعت وراء منهم وهي بتترنح وصل شاكر عن باب الاوضة وحور بترزع علي الباب عايزا تفتحه وايمن جوة الاوضة بيحاول بكل قوته المنهارة ووصل شاكر و شال بنته من وسطها علشان يبعدها عن الباب لكن حور ضربته بالسكينة في ذراعه سابها ومسك ذراعه المصاب واتوجع شاكر وهو باصص ناحية ذراعه المصاب وبص في عيون بنته وقال
انا مش قادر اساعدك الا لما انتي تساعديني تكوني اقوي من الشر دة انا شاكر ابوكي
لكن حور عيونها وملامح وشها كانت باردة وكلها شر ميته بتتحرك بأمر من سيدها وبس وهنا تظهر فريدة وتقف قصاد منهم وتبص للدم اللي نازل من ذراعه وتقول
انت كويس
شاكر
انا مش مهم المهم ان حور ما توصلش ل ايمن
وبصو الاثنين في عيون حور اللي كلها شر وسمعوا صوت هارون بيقول
اية يا حور كل دة فوق يلا علشان نمشي
حور بدات تلوش بالسكينة وشاكر وفريدة بداو يرجعوا ل وراء وهما خائفين من بنتهم وعلي بنتهم ومن غير ما يحسوا دخلو جوة اوضة فيها كراكيب قفلت عليهم حور وحاول شاكر يفتح الباب من جوة لكنه ما عرفش وفضلت فريدة تقول
حور فوقي وابعدي عن اخوكي
ومع تخبيط شاكر وفريدة علي باب الاوضة اللي اتحبسو فيها تقدر حور من فتح باب الاوضة المستخبي فيها ايمن وتدخل حور للاوضة لكن ايمن زقها باللي فاضل من قوته وطلع يجري ناحية سطح الفيلا وحور وراء منه وبقي علي السطح وهي قصاد منه وفي ايدها السكينة وبتجهز ل طعن ايمن وشاكر بيستخدم قوته في فتح باب الاوضة وفعلا اتكسر الباب لانه كان ضعيف الي حد ما وخرج شاكر ووراء منه فريدة وسمعوا صرخه ايمن جاية من فوق طلعو جري ناحية السطح وشافو حور بتطلع علي سلم خشب ل سطح صغير فوق السطح الكبير طلع وراها شاكر وعند اخر درجة من درجات السلم الخشب حور وقفت قصاد منه وغرزت السكينة في كف ايدة اليمين من فوق ومن قوة الطعنه السكينة اخترقت اللحم عدت الناحية التانية من الكف صرخ شاكر وبص لها وهي بلا اي رحمة زقت السلم الخشب وقع ب شاكر ل تحت جريت فريدة ناحية شاكر تطمئن عليه في نفس وقت صرخة ايمن اللي بص ل امه من وراء سور السطح التاني وقال باعلي صوت
ماما الحقيني
لكن هنا حور مسكته من شعره وراحت بي ناحية السور اللي بيطل علي ارضية جنينة الفيلا ورمت ايمن من فوق السطح صرخت فريدة
وشاكر قام باللي فاضل من قوته ونزل ل تحت وخد ايمن في حضنه ايمن اللي كان قاطع النفس وصرخت فريدة وهنا يسمعو صوت الخبيث هارون اللي قال
اوهب لي بنتك خليني امشي من هنا
بص شاكر بكل قهر وظلم ل هارون اللي كان ماسك ايد حور وقال وهو بيبكي
خدها وامشي من هنا كفاية اللي حصل
بصت فريدة ل شاكر وقالت
هتسيبة ياخد حور بنتنا الوحيدة
بص لها ولسة دموعه بتكوي خده وقال
خلي يمشي وياخدها انا خلاص مش عايزها
ابتسم هارون وقال
مش هتشوفها تاني
شاكر
عارف
هارون
بنتك قربان
شاكر
قولت خدها وامشي
وفعلا هارون مسك ايد حور اوي وبص لها في عيونها وقال
باعك وانا اشريت يلا بينا يا حور
نزلت دموع عيونها وهي بتبص ل ابوها اللي مش قادر يبص في عيونها. ورجع حضن ابنه ايمن اللي كان قاطع النفس ،،،،،،،
إرسال تعليق