دموع تحت اقدام عشق الحلقة الاخيرة

 بفعل فاعل

                        ★الحلقة العاشرة★

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

وبعد موت عز بتلت ايام يقعد نور مع يحيي في مكتبه وكان حمزة واقف وراء يحيي وكان يحيي بيقول

اظن بقي. انت دلوقتي بقيت احسن ونقدر نتكلم وافهم منك اية اللي حصل 

نور 

اللي حصل انا حكيته بدل المرة اتنين

يحيي

نور. اللي انت حكيته دة ما يدخلش عقل. ومهمتك الاساسية كانت القبض علي سعد مش تصفيته

نور

احنا كنا بندافع عن نفسينا وخصوصا ان سعد جه بحملة لغاية البيت اللي كنا مستخبين في. ما كناش قاصدين نقتله

يحيي

ولية مرعي قتل عز. مع ان مرعي الراجل بتاعنا

نور بص ل حمزة وقال

السؤال دة اجابته مش عندي. لكن بحسبة بسيطة مرعي المرشد بتاع المكتب كان علي راس الحملة ورغم كدة انتو في المكتب ما عرفتوش.

يحيي

وضح تقصد اية بكلامك دة

نور

اقصد ان اما مرعي بلغ حد في المكتب واللي بلغه ما بلغكش. او مرعي كان عايزنا نموت وفي الحالتين هو خد عز علي خوانه وانا خد حق عز منه

حمزة

البحث الجنائي كتب في تقريرة. ان الطلقة طلعت من مسدس مرعي من مسافة قريبة وفي القلب يعني مش علي خوانا

نور

هي الخوانا اللي انت تعرفها. انه ياخد طلقة في ظهرة بس. ما في خوانا تانية اني اكون بكلمك عادي اهو

وبسرعه البرق طلع نور مسدسة وصوبه ناحية صدر حمزة. حمزة ارتبك ويحيي بص ل نور بترقب ونور بيقول

وطلعت طلقة. مش دي برضو خوانا

وحط نور مسدسة علي المكتب وحمزة بلع ريقة لانه خاف من اللي ممكن يعمله حمزة ويحيي بص ل حمزة ونور قال ل يحيي

قبل كدة انت قولت ان اللي يموت في خدمتكم لي تعويض 1/2 مليون ج. وعيلة عز محتاجة الفلوس دي 

حمزة

ملف التعويضات يخصني انا. وانا بس اللي في المكتب اقول اللي حصل دة يستاهل تعويض ولا تقصير واهمال من الظابط المكلف بالعملية وساعدها ما يحقش لعيلة الظابط المتوفي صرف المكافاة. ويبقي كفاية عليهم 1000 ج. معاش شهري

نور بص ل يحيي وقال

دة ما كنش كلامك معانا يا يحيي باشا. وواضح اوي انها بتطبخ علشان موت عز يبقي اهمال مش فعل فاعل

يحيي

اللي بتقوله دة غلط

نور بحدة 

لا. صح وانا عارف وانت عارف ان حمزة وراء كل اللي حصلنا وكنا بسببه بدل ما كنا هنموت مرة كنا هنموت مرتين. وفي الاخر عايز يكمل لعبته معانا بوساخة وتخلص قضية قتل عز علي ايد مرعي. اللي هو مشغله. اهمال. والله انا في المكتب دة بشوف العجب القاضي هو المجرم. يبقي الحكم هيكون اية.  

حمزة

مش انا اللي ادخل الكرة والحب في شغلي وصاحبك لو لي حق هياخدة. بس لما اتاكد ان مرعي هو اللي قتله

نور 

عايز اية اكتر من رصاصة مسدس مرعي ال 9 ملي واللي طلعت من قلب عز

حمزة

ما يمكن مش مرعي اللي ضربه بالنار. وواحد تاني مسك مسدس مرعي وضربه علشان مثلا خد خطيبته منه زمان

نور كان هيتعصب لكنه مسك نفسه وقال

مع اني ما بعرفش ارد علي تلقيح النسوان لكن المرة دي هرد. لو انا اللي عملتها كنت هعملها بمسدسي ومش هلبسها ل مرعي. علشان وقتها هكون علي حق

وبص نور ل يحيي وقال

اللي انت وعدنا بي اول ما اشتغلنا معاك اتمني انك تنفذه. واتمني كمان اي حد من مكتب التحريات بتاعك غير حمزة يتابع ملف موت عز. ويعرف لية مرعي قتله.

وقام نور وقبل ما يخرج من المكتب بص ل حمزة وقال

برافو اوي انك عرفت تجيب معلومة زي اللي فاتت دي

حمزة باستغراب

معلومة اية

نور

ان عز اتجوز خطيبتي. ودة بالنسبة لك المدخل اللي بي هتخلص مني انا وعز. وانا لو مكانك اعمل كدة

حمزة

وضح كلامك يا نور وبلاش تلعب بينا

نور

هوضح. ل نتخيل اني انا حمزة وبكره جدا نور وعز. علشان ادوني علي قفايا. وخصوصا عز. وعرفت ان عز اتجوز خطيبة نور بعد ما وقع ما بينهم ويجي يوم الحملة اللي طلع بيها سعد ل تصفيتنا. ومرعي يبعد لي رساله ويعرفني باللي هيحصل وقول له اقتل عز علشان يلبسها نور. ونخلص من الاثنين. ويبان قدام المكتب والسينتور ان نور. خلص علي عز. وما فرقش معاك التعليمات وان السينتور كان عايز سعد حي. الشخص اللي يحل مشاكلة الشخصية علي حساب الشغل ما ينفعش يكون في المكان دة

يحيي بص ل حمزة اللي ارتبك جدا وقال 

انت. كذاب انا ما كنتش اعرف ان سعد رايح يقتلكم

نور

بتوع التكنولوجيا. هيعرفو يجبوا الرسايل اللي اتمسحت من علي موبيلك وموبيل مرعي. سلام

وخرج نور من المكتب وبعدها السينتور يتصل ويرد يحيي ويتكلم معه وبعد ما يخلص يبص يحيي ل حمزة ويقول

السينتور امر. بان ملف موت عز يحقق في صادق. وموبيلك وموبيل مرعي يتقدم لمكتب الفحص الفني ل استرجاع اي رساله اتمسحت 

حمزة

دة انتو. صدقتو بقي. عرف يوقعكم فيا. 

يحيي

نفذ يا حمزة من غير كتر كلام، 

حمزة

هنفذ بس مش هسكت الا لما اكشف لكم الحقيقية. واثبت واثبت للسينتور ان نور هو اللي قتل عز علشان خاطر يرجع ل مريم.

يحيي

لتاني مرة مالكش دعوي بملف موت عز. دي اوامر السينتور

حمزة

بلغ السينتور اني محتاج 48 ساعه بس. وانا هجيب دليل قوي اثبت بي برائتي وفي نفس الوقت ادانه عز ونور

رن موبيل يحيي فتح الاسبيكر وسمعوا صوت السينتور بيقول

ليك اللي طلبته. لكن لو طلعت بتلعب بينا. هيبقي ابسط عذاب ليك هو الموت ،،،،،،،،،

وبعدها بشوية ومن جوة شقة مفروشة ووقت ما كانت مريم قاعدة لوحديها في الصاله ولابسة فستان اسود وعماله تعيط قعد قصاد منها نور واداها منديل وقال

هوني علي نفسك شوية

بصت له مريم وقالت

مش لما تقولي عز مات ازاي

نور

قولت لك اتغدر بي 

مريم

بتكذب عليه. وباين اوي. لان كل كلام عز معايا وحركاته كانت بتقول انه عارف انه هيموت. انا مش غبية

نور

ما حدش قال كدة

مريم بعصبية

كلامك معايا معني كدة. قولي يا نور وريحني اية اللي حصل ل عز

نور

اهدي ولازم تصدقيني اللي انا حكيته دة هو اللي حصل

مريم

لا. انت قتلته

نور

انا. يا مريم اقتل عز. دة اخويا

مريم

تعملها علشان خاطر تنتقم منه

نور

مش هكذب ولا هنكر انا كنت هقتله بعد ما عرفت انه هو اللي حرمني منك لكن ما قدرتش اعملها

مريم بصت له وهي شاكة وهو قال

بلاش يا مريم البصة دي. لاني لو استحملتها من الناس كلها مش هقدر استحملها منك 

 

لكن مريم قامت وقف ولسة هتمشي مسك نور ايدها بصت ل ايدة ونور قال

مريم انتي عارفني كويس يمكن اكون غشيم لكن مش غدار ولا خاين. وبلاش تكرري اللي فات تاني وتبعدي عني من غير ما تديني فرصة ادافع فيها عن نفسي

مريم فضلت باصة له وساكتة والماضي بدأ يحضر وذكريات حبها ل نور بدات تهاجمها وبدأ الصراع بين حب زمان اللي كان احلي حب. وحبها ل عز حب الحاضر والمستقبل. وخلصت الخناقة دي لما شافت حسام بيبص لها وبيبص ل ايد نور اللي ماسكة ايدها سحبت مريم ايدها من ايد نور. وراحت ل حسام اللي قال

بابا لسة مجاش

مريم حضنته وفضلت تعيط. ودخلت بي الاوضة ونور مش قادر يسامح نفسه وبيلومها ازاي يوافق عز علي الفكرة المجنونه دي وحس للحظة انه فعلا. قتله ،،،،،،،،،

وبالليل ومن جوة الكبارية اللي شغاله في خلود ووقت ما كانت خلود بترقص يدخل للكبارية حمزة وفضل واقف يبص لها وهي شافته وبان عليه الخوف والرعب الشديد لانه كان خاطفها وشافت معه اسود ايام حياتها وخلصت الرقصة قوام قوام ودخلت اوضتها وغيرت هدومها وبمجرد ما خرجت من الاوضة شافت حمزة في وشها وكان بيقول

عايزك،،،،،،،،

ومن حتة هادية في اعلي المقطم يقف حمزة وقدام منه خلود وخلود بتقول وهي لسة خايفة

انا والله العظيم من ساعة ما سبتني اروح وانا ماشية جنب الحيط لا قول جوة الحيط وماليش دعوي بحاجة خالص

حمزة

عارف

خلود

اومال جاي لية يا باشا. هتخطفني تاني

حمزة

جاي لك تحكي كل اللي حصل في اخر كام بين عز ونور ومرات عز

خلود

ولا اي حاجة

حمزة بعصبية

اية هو اللي ولا اي حاجة. واحد زي نور بعد اللي عرفه عن عز وجوازة من مريم دة ما خلهوش يهدده بالقتل. قدامكم

خلود

ما حصلش قدامي انا. مع انهم كانو مش طايقين بعض لكن بصراحة حب نور ل عز. وانه صاحبة الوحيد خلي الدنيا تهدي اوام اوام.  

حمزة

ومريم

خلود

مالها مريم

حمزة

ملهاش اي دور في اللي حصل دة. مش برضو هي عرفت وساخة جوزها

خلود

عرفت يا باشا بس هتعمل اية يعني اصلها هي كمان بتحبه اوي.  

حمزة بعصبية

اية يا بت ماسورة الحب اللي ماشية في بيت اهاليكم دي

خلود

يا باشا طيب انا اعمل اية ما هو دة اللي حصل. لكن صحيح سمعت كلام النهاردة الصبح بين نور ومريم

حمزة باهتمام

سمعتي اية

خلود

مريم كانت بتقول ل نور ان كلام عز معاها قبل ما يموت معني انه كان عارف انه هيموت واتهمت نور بانه هو اللي قتل عز

ابتسم حمزة

الله ينور عليكي يا خلود. انتي بت جدعه اوي

خلود

الله يخليك يا باشا. بس والنبي ما تخطفني تاني. انا بت غلبانه وعايزا اعيش

حمزة

هتعيشي يا خلود متخافيش. بس انا عايزك لو عرفت جديد تعرفيني. يلا بقي اركبي العربية خليني اوصلك

وركبت خلود العربية وركب حمزة واتحركوا، ،،،،،،،،،،

وتاني بوم ومن جوة مكتب يحيي يقف حمزة مع نور قصاد يحيي اللي كان بيقول

الفحص الفني اثبت بعد الكشف علي موبيلات حمزة ومرعي. ان ما فيش رسائل بينهم تثبت معرفه مرعي باللي كان ناوي يعمله سعد

حمزة ل نور 

لكن الفحص الفني اثبت ان كان في مكالمة جت علي موبيل عز من رقم غريب وبعد التحريات عرفنا ان دة رقم موبيل مرات سعد. اخت راضي المرشد. بتاعكم واكيد كانت بتعرفكم بان سعد رايح يصفيكم. يعني انتو كنتو عارفين بمجئ سعد. يعني جهزتوا نفسيكم للي جاي. وفي الحاله دي موت سعد كانت بتخطيط منكم. وموت عز بسهوله كدة وراء اينا. دة حتي يا يحيي باشا مرات عز. راحت النهاردة الصبح القسم وبلغت عن نور واتهمتة في محضر رسمي بانه قتل جوزها 

نور اتصدم.، ،،،،،،،،،،،

تفتكروا اتكشفت الخطة ولا نور هيقدر يعدي من المطب دة. واية اللي خلي مريم تبلغ البوليس