حب امتلاك
★الحلقة العاشرة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ثم يفتح باب الشقة ويدخل عم خليل وينظر لجميلة ويقول
ماينفعش ما كنش شاهد علي عقد جوازك
فتنظر له جميلة بغل شديد فيقول
لا وكمان جايب لك حبيتك معايا. عشان حلفت لازم ترقص لك في فرحك
وتدخل سمر من وراء عم خليل وتاخذة بالحضن وجميلة تخرج عيونها من مطرحها مش مصدقة اللي شايفه وتنهض و تتجة ناحية عم خليل وهي تقول بعصبية
انا كنت شاكة من الاول انك تعرف خلود.
ثم تنظر الي سمر وتقول
لكن الغريب واللي هايجنني. اية اللي لم سمر عليك بعد كل اللي انت عملتة فيها
سمر وهي بتضحك
عمل اية.
فينعقد حاجبي جميلة من الدهشة وتقول
عمل اية. فرق بينك وبين يوسف
فتضحك سمر ويقول عم خليل
هو انت ماتعرفيش. اني انا وسمر اتفقنا نحمي يوسف من شرك ومن خيانتك لي. لا. وكمان أظهر انا في الصورة علي اني مجنون بحب يوسف وبحبه حب امتلاك عشان ابعدك انتي وجلال عن سكة سمر والشر اللي كنتي ناوية علية من ناحية سمر
جميلة
وطبعا هاتقولو ليوسف علي كل حاجة
عم خليل
اخاف يوسف يعرف خيانتك لي يعمل فيكي او في نفسه حاجة عشان كدة انا خد حق يوسف منك بعد ما سمر حكيت لي علي كل حاجة.
جميلة وهي تضحك ضحكة مجنونة
يا ولاد ال،،،،،،،
عم خليل مقاطعة لها
اوعي تغلطي. ازعل منك. وهاخليكي تزعلي اكتر واكتر
فتنظر جميلة لخلود وتقول
وطبعا خلود كمان معاكم في اللعبة دي
خلود وهي تنضم لصف عم خليل. وعم خليل يقول
أكيد. ماهي كمان بتاخد حقها من جوزها الخاين
جلال بعصبية وهو يقف
انتي يا خلود تلعبي علية اللعبة دي ومع دول
خلود وهي مقهورا
الخيانة نار حرقت قلبي وكان لازم احرق قلبك واحرمك من بنتك اللي هي اغلي حاجة عندك.
وتبكي خلود بشدة وتقول
انا عيشت تحت رجليك زي الخدامة وشيلت بنتك علي راسي من فوق وحطيتها في قلبي وكنت ديما ليها الام اللي اتحرمت منها وكنت ليك الزوجة المخلصة اللي بتعشق التراب اللي بتمشي علية لكن الخيانة كاس مر. ولازم ادوقك منه
جلال بعصبية
أية هاتخونيني زي ما خونتك
خلود وهي تنظر لجميلة
يا عالم مين فينا هاتخونك الاول
فينظر جلال لجميلة وتكمل خلود قائلا.
وساعتها هاتقتل. لان ثمن الخيانة الدم
فتخاف جميلة وتتجة ناحية الباب وهي تقول
انا مستحيل اكمل في اللعبة الوسخة دي
فتمسكها خلود من يدها وتقول
رايحة فين.
جميلة
رايحة ليوسف اعرفة ان الراجل اللي عامل فيها ابوة هو اللي خاطف ابنة. وبمساعدة حبيبت القلب سمر
خلود
قبل ما توصلي ليوسف هتلاقي ابنك مذبوح وراسه متعلقه علي باب القصر
عم خليل
لا. يا خلود كله الا الدم
خلود بحدة
انا ساعدتكم لغاية ماخلتوها تتطلق من يوسف لكن بقيت حقي انا لسة ماخدتوش منهم
عم خليل بعصبية
انا ماتقفتش معاكي علي ان حد من العيال يموت. العيال ترجع خلاص اللعبة خلصت
خلود بعصبية اكثر
ماخلصتش. وكلمة تاني من اي حد منكم هاقتل عماد ومن بعده شروق
وتنظر خلود لجميلة نظرة حازمة
تحبي تجربي وتتحرمي من ابنك ولا تخشي وتحطي ايدك علي بوقك وتخرسي وتم الجوازة
جلال
مش هارحمك يا خلود لو بنتي حصل لها حاجة
خلود
اتكلم علي قدك.
وتصرخ خلود في جميلة وتقول
خشي.
فتدخل جميلة مغلوبة علي امرها وتجلس امام الماذون وتتم الجوازة وتصبح جميلة زوجة جلال فيضحك عم خليل ويقول
مبروك يا عروسة
فتنظر له جميلة ولا ترد ،،،،،،،،،،
ومن داخل قصر يوسف تجلس زهرة ومعها عمران مع يوسف ويسمعوا جمعيا جرس باب القصر يرن فينهض يوسف مسرعا ويفتح الباب فيجد عماد ابنة فيحضنة يوسف بشدة وقلبة يدق من الفرح وتذهب ناحيتهم زهرة ومن خلفها عمران الكل يستقبل عماد بالاحضان والقبلات والاشتياق الشديد وينظر يوسف لعماد ويقول له
عماد انت كويس
عماد
اة.
يوسف
حد عمل فيك حاجة
عماد
لا. دة انا كنت بلعب مع بنت اسمها شروق ومعانا ابلة خلود دي طيبة اوي وكانت بتجيب لي لعب وشوكولاتة وحاجات حلوة كتير
يوسف باستغراب
خلود انا سمعت الاسم دة قبل كدة
عمران
دة اسم الست اللي كانت خطفاهم
يوسف لعمران
وهو انت كنت تعرف مين خاطف عماد وساكت يا عمي
عمران
ماكنش ينفع اقول لك والا عماد كان هايبقي في خطر
زهرة لعمران
عمران اتصل بجميلة بسرعة وخليها ماتتجوزش جوز خلود
يوسف باستغراب اكتر
هي جميلة هاتتجوز جوز خلود طيب لية
زهرة لعمران
ماتتصرف يا عمران وامنع الجوازة دي
عمران
عايزاني اتصرف اعمل اية يعني. بنتك هي السبب في كل اللي بيحصل دة بسبب اللي كان بينها وبين، ،،،،،،
فتنظر له زهرة وتلحقة في الكلام وتقول
عمران. مش وقته الكلام دة
يوسف ينظرا لهما هما الاثنين ويلاحظ الارتباك اللي حصل ويقول
في اية يا عمي كمل كلامك سكت لية
عمران وهو ينظر لزهرة مش عارف يقول اية وعايز يقول الحقيقة لكن مش قادر فتقول زهرة
يوسف يا ابني. خلود دي بتغير من مراتك جدا ونفسها تحرمها منك عشان كدة خطفت عماد وخليتها تتجوز جوزها
يوسف باستغراب
ولية تعمل كدة
زهرة
مانعرفش اية اللي في دماغ خلود من وراء الجوازة دي
فيخرج يوسف الموبيل بتاعة ويتصل بجميلة وهو يقول
انا هامنع الجوازة دي، ،،،،،،،،،
ومن داخل شقة التجمع يرن موبيل جميلة وكان المتصل يوسف فترد جميلة مسرعا وهي تقول
يوسف
يوسف فرحا
جميلة. اوعي تتجوزي جوز خلود دة. خلاص عماد رجع رجع
فتفرح جميلة بشدة وتقول
بجد يا يوسف
يوسف
اة والله. وهو في حضني اهو. انتي فين
فتاخذ خلود الموبيل من جميلة لانها كانت تسمع صوت يوسف الخارج من الموبيل وتقول
هي في بيت جوزها
يوسف مصدوما
مين اللي بتتكلم. وبتقولي اية انتي
خلود
بقول لك خلاص. مراتك اتجوزت. وياريت ماتتصلش علي الرقم دة تاني عشان جوزها بيغير عليها
وتنهي خلود المكالمة وتنظر خلود لجلال فيقول جلال
هو في اية
خلود
انا اديت الاذن للناس اللي تبعي بانهم يرجعوا عماد لي ابوة طالما هي اتجوزت خلاص. ونفذت اللي اطلب منها
جلال
طيب انا. فين بنتي شروق
خلود ضاحكا
انت بنتك مش هاترجع لك الا لما تنفذ اللي طلبتة منك
جلال
اية هو الطلب دة
خلود
تقتل مراتك التانية عشان هاتخونك
وتنظر لجميلة وجميلة تقول وهي تقف. خائفا
وانا اية اللي هيغصبني علي اني اعيش مع جلال طالما ابني رجع
خلود
بنتة اللي لسة ما رجعتش
جميلة
وانا ماحدش هايقدر يمنعني من اني اخرج من هنا
وتتجة جميلة ناحية الباب مرة اخري مسرعا ولكن جلال يمسكها من شعرها وهو يقول
رايحة فين
فتتوجع جميلة وهي تقول
سيب شعري
جلال
مافيش خروج من هنا لغاية ما بنتي ترجع. وماتنسيش انتي بقيتي مراتي خلاص
جميلة وهي تتالم وتحاول افلات شعرها من يد جلال
لا هاخرج من هنا ومش هاقعد معاك ولا دقيقة
فيسحبها جلال بمنتهي العنف من شعرها ويتجة بها الي حجرة النوم ويقول وهو يغلق عليها باب الحجرة
مش هاتخرجي من الاوضة دي خالص. لغاية ما رجع بنتي
فتصرخ جميلة من داخل الحجرة وهي تخبط علي الباب بمنتهي العنف وتقول
افتحو الباب دة. انا عايزا اخرج من هنا
وتظل تصرخ جميلة وجلال ينظر لعم خليل وسمر والماذون ويقول بحدة
خلاص المولد انفض مش عايز حد هنا خالص
ويخرج الجميع من الشقة وقبل خروج خلود من الشقة يقف جلال امامها ويغلق الباب بقدمة ويقول
انتي لا. لسة في كلام كتير ما بينا،،،،،،،،،
وبعد منتصف الليل ومن داخل شقة التجمع يفتح باب الحجرة المحبوسة فيها جميلة فتنظر جميلة للباب فلاتجد احد عند الباب فتنهض مسرعا وتتجة ناحية الباب فلا تجد احد فتتعجب بشدة وتندهش وتنظر ناحية باب الشقة فتجدة مفتوح هو الاخر ومافيش حد قدامها فبدون تفكير تتجة ناحية باب الشقة بمنتهي السرعة وتخرج من الشقة وتنزل جميلة الي الشارع وتجري في الشارع زي المجنونة مش مصدقة انها خرجت من الشقة وتشاور لتاكسي وتركب التاكسي وتتنهد بشدة وتبكي علي حالها وتقول لنفسها
أية اللي بيحصل لك دة يا جميلة انا اتهان كدة بس انا اللي استاهل. اني رخصت نفسي وخونت جوزي الراجل المحترم اللي عمرة ما كان وحش معايا.
وتسند راسها علي المقعد الخلفي للتاكسي وتقول لنفسها
بس مين اللي فتح لي الباب. ولية هربني. لكن مش مهم. المهم اني اشفي غليلي من خليل وسمر وماخليهمش يفتكروا انهم كسبوني.
وتضحك وتقول
ومخليش سمر هانم تتهنئ بيوسف
ويمر التاكسي علي صيدلية فتقول لسواق التاكسي.
اقف يا اسطي ثواني
فيقف سواق التاكسي وتنزل جميلة من التاكسي وتدخل الصيدلية. وتشتري سم فئران وتخرج من الصيدلية وهي عازمة علي انها تخلص علي خليل. ،،،،،،،،
وعند دقات الثانية صباحا ترجع جميلة الي قصر يوسف وتفتح الباب بحذر شديد وتدخل الي القصر ومنه الي المطبخ وتتجة ناحية الثلاجة وتقتح باب الثلاجة وتخرج العصير الخاص بعم خليل واللي هو متوعد انه يشربة بجانب الفطار الخاص بي وتضع السم في ازازة العصير وتخرج من المطبخ مسرعا وتصعد الي حجرتها وترتمي في حضن يوسف وهي تقول
يوسف واحشتني اوي
فيستيقظ يوسف من نومة وينظر لها ويقول
جميلة. انا مش مصدق عينية
جميلة وهي تحضنة بشدة
لا. صدق انا ماعرفتش قيمتك الا لما اتحرمت منك. انا بحبك قوي يا يوسف قوي ما تخليش حد ياخدني منك
ثم تحضن عماد اللي كان نايم بجانب يوسف وتقول
حبيبي عماد واحشت ماما قوي قوي
وتبكي جميلة بحرقة. وتقول ليوسف
ماتخليش. اي حد ياخدني منك.
يوسف وهو يحضنها
متخافيش ماحدش هياخدك مني خالص وهاطلقك من جوز خلود مهما كان الثمن ، ،،،،،،،،،
وتمر الليلة وجميلة تنام في حضن يوسف وتستيقظ علي صوت عماد اللي كان بيعيط فتبص جنبها علي السرير فمتلقيش عماد فتقوم وتفتح باب الاوضة وتخرج في التورة تبحث عن عماد وهنا تسمع صوت عم خليل وهو يقول
اشرب يا عماد العصير دة عشان تبقي قوي زي جدك وتبطل عياط
فتفزع جميلة وتجري مسرعا ناحية مصدر الصوت وتقف في الدور التاني من القصر وتبص ناحية السفرة فتجد عماد يشرب العصير الخاص بعم خليل، ،،،،،،،،،
اية اللي هايحصل وياتري عماد هايموت ويدفع تمن خيانة امة ولا. في كلام تاني. وصحيح مين اللي فتح الباب لجميلة وخلاها تهرب عايزين تعرفة. بكرة نتقابل باذن الله والحلقة الاخيرة
جميله
ردحذفايه الجمال والرووووووووعة دي تحفة
ردحذفجامدة اوي
ردحذفجميله جدااااا في انتظارك ياعبقري
ردحذف