ولاد السلايف
★الحلقة الرابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويحط ايهاب ايدة علي كتف نور ويقول
30000 الف ج.
فيبص نور لايهاب. فيقول ايهاب
لسة عايز تمشي.
فسكت نور وهو مش عارف يقول اية. فيمسكة ايهاب من ذراعه. ويسحبه بحنية شديدة وهو بيروح بي ناحية المكتب وهو يقول
انا مش عدوك. وانت لو عايز تزعل ازعل من ابوك اللي خان امك واستغل انها بايتة عند امها وجاب واحدة شمال تنام في سريرها
نور بعصبية
مستحيل بابا يعمل كدة انت كذاب
فيضحك ابهاب ثم يقوب
الله يسامحك. بس انا هاسمعك بودانك ومن مامتك
ويتصل ايهاب بالهام ويسيب الاسبيكر مفتوح فترد الهام
ايوة يا ايهاب
ايهاب
الهام حبيبتي. في حد هنا عايز يعرف انتي اطلقتي لية من سامي
الهام باستغراب
مين دة. واية اللي يخصة علشان يعرف انا اطلقت لية من سامي
ايهاب
ردي بس علية. وهاخليكي تكلمي
الهام
طيب ما انت عارف والعيلة كلها عارفه انا لية اطلقت منه
ايهاب
هو مش مصدقني وعايز يعرف منك انتي
الهام
علشان ليله ما كنت بايتة عند ماما جاب واحدة زباله ودخلها الشقة وكان، ،،
نور مقاطعه لها
بس اسكتي. اسكتي بابا ما يعملش كدة
الهام
ابهاب مين دة اللي بيتكلم
ايهاب
دة نور ابنك. تخيلي انه كان من ضمن مهندسين الكمبيوتر اللي قدموا ورقهم لينا وال اتش ار. قرر تعينة
الهام فرحا
بجد. يعني بقي معانا في شركتنا
ابهاب
ايوة يا ستي. وعملت له مرتب يليق بي
الهام
نورت شركتك يا نور يا حبيبي. انا دقايق وهاكون عندكم
وتنهي الهام المكالمة ويبص ايهاب لنور اللي كان حزين ومصدوم في ابوه ويقول ايهاب
انا ممكن اكون كذاب لكن تفتكر انا مامتك برضو هاتكون كذابة ولو هي كذابة ممكن تسال اي حد في العيلة
نور
بابا. خاين
ايهاب وهو بيقرب من ودن نور
ساعات الشيطان بيضحك علينا ويخليني نقع في الخطيئة وساعتها ياما نرجع ونتوب او ندخل النار. وسامي غلط وماتبش فربنا يستر علية من النار. المهم انت تكون بخير ولا اية
فيبص نور لايهاب فيمد ايهاب ايدة لنور وهو بيقول
اقول مبروك تعينك في شركتنا
نور
بس بشرط بلاش بابا يعرف دلوقتي علشان هو تعبان
ايهاب
ومين بس اللي هايقوله.
نور
لو كدة يبقي اتفقنا
ويسلم نور علي ايهاب. وينادي ايهاب علي مايسة السكرتيرة فتدخل مايسة فيقول لها ايهاب
خدي نور لمكتب الاتش ار. عايز اوراق تعينة تخلص النهاردة وتوري مكتبة، ،،،،،،،،،
وبالليل ومن جوة شقة محمود يقف محمود قدام كوثر وهو يضربها ويقول لها بعصبية
انتي اية مخلوقة من اية. تجيبي ضره للبت الغلبانه في اول يوم جواز ليها
كوثر وهي تبعد ايد محمود عنها
هو انت بتضربني لية. اخوك هو اللي قالي عايز اتجوز داليا
محمود باستهزاء
والله. كدة من نفسه
كوثر
حتي اطلع اسلئة ولا انت فالح بس تتشطر عليه
محمود
عارفة انا لو اطول اقتلك واخلص منك هاعملها علشان اريح الناس من شرك لكن يوم ما اخش السجن ما اخشش في واحدة زيك. ظالمه وجاحدة
كوثر
كان اية اللي حصل لدة كله. ما الشرع محلل له اربعه هو يعني كان طلقها ماهي لسة مراته
محمود
مش هاتفضل مراته عم سامي جاي في السكة ومعه مودة وناوي يخلي سمير يطلقها وبصراحة حقة
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
كوثر
يبقي غلطان. هو في اب يخرب علي بنته
محمود
هو انتي فكراه زي ابوكي اللي اول ما سمير راح يكلمة علي داليا قاله يلا نكتب الكتاب. ما صدق انه يخلص منها ومن مصاريف عيالها. والله حرام عليكي موده.
كوثر
بقول لك اية فضها سيرة بقي. خليني اجهز وانزل حاكم الكوافير خلص داليا وعايزا اروح اجيبها مع سمير
محمود بعصبية شديدة
يمين بالله العظيم. لو خرجتي ولا روحتي في حتة لتبقي طالق.
كوثر
هاطلقني يا محمود
محمود
اة هاطلقك. واجيب ضره تخدمني انا وعيالي. جتك القرف ولية سو
وفي اللحظة دي تقف ليلي امه علي باب الشقة وتقول
مودة وابوها سامي تحت البيت ومش عارفة اقابلهم باني وش
محمود
انا نازل لهم
ويسيبها محمود ويخرج من الشقة، ،،،،،،،،
ومن قدام باب البيت يقف سامي بصعوبة ومعه بنته مودة اللي كانت بتعيط فيقول لها سامي
مودة دموعك دي ما تنزلش الا علي حاجة ليها ثمن. بطلي عياط
مودة بصعوبة
مش قادرة يا بابا. الناس تقول اية لما اطلق تاني يوم جوازي
سامي
الناس تقول اللي تقوله. لكن هو مش جايبك من الشارع علشان يعمل فيكي كدة. ورب الكعبة لاعرفه شغله واعلمة الادب
في اللحظة دي يقف محمود قدام منه ومعه ليلي ويقول
يعني ينفع يا عم سامي تفضل واقف علي الباب كدة
سامي بحدة
انا ماليش حد في البيت دة علشان ادخله . فين سمير اخوك
محمود
بقي كدة يا عم سامي وانا مش زي ابنك وليا حق عليك
سامي
انت علي راسي بس البهدله اللي شافتها بنتي من اخوك مخلياني من طايق البيت. انت ماتعرفش مودة دي بالنسبه لي اية
محمود
طيب بالله عليك لتدخل
سامي
لا اله الا الله. حلفتني لية بس
ليلي
خلاص بقي محمود حلف. ادخل يا ابوة سليم،،،،،،
ومن جوة الحمام بتاع شقة محمود كانت كوثر بتتكلم في الموبيل بتاعها مع يسرا وتقول لها
ايوة زي ما بقول لك كدة وهما دلوقتي تحت في شقة حماتي
يسرا
طبعا انتي عارفة لو اتفقو هاتعملي اية
كوثر
لا لا. شكلها كدة مافيهاش اتفاق سامي ناوي علي الطلاق
يسرا
لو حصل الطلاق. تشنعي عليها وتقولي وسط نسوان المنطقة انه طلقها علشان ما طلعتش بنت بنوت
كوثر
بس كدة في اتفاق تاني وفلوس تانية
يسرا
ايهاب موصيني اديكي اللي انتي عايزا. ابقي عدي عليه في الشركة وفي اي وقت وليكي 10000 ج.
كوثر
تسلمي يا ست يسرا، ،،،،
وبعدها بساعه وبعد كلام كتير بين سامي ومحمود كان سامي مصمم علي الطلاق في هذة اللحظة يسمعوا صوت زغاريط لان سمير جه ومعه داليا وطلع سمير علي السلم وداليا في ايدة وسط الزغاريط ووجع قلب مودة اللي بتبص علي اللي بيحصل وهي مش مصدقة ان دة بيحصل لها فيروح سامي ناحية سمير ويقول له يغضب
الماذون اللي كتب كتابك دلوقتي. يجي علشان يطلق بنتي منك
سمير ببرود
بعدين بعدين
ولسة سمير هايعدي سامي مسكه سامي من ذراعه وضغط علي ايد سمير جامد وبص سامي في عيون سمير وقال
بنتي مش هاتبات الليلة دي علي ذمتك والا قسم برب الكعبة ابيتك في المستشفي
سمير بعصبية
انت راجل كبير ومش عايز اقل منك. وبدل ما تعمل راجل علية انا روح اتشطر علي اللي شقط مراتك منك
ويبعد سمير ايد سامي عنه ويزقه بعيد فيقف محمود قدام سمير ويضربه بالقلم ويقول محمود بعصبية شديدة
هي حصلت يا واطي تمد ايدك عليه. وعهد الله لو ماعملت اللي قالك علية عم سامي لا انا اللي مبيتك في المستشفي
سمير وهو حاطط ايدة علي خدة
بتضربني يا محمود
محمود
واكسر دماغك. طالما قليل الادب.
فيبص سمير لمحمود ويسكت. وماتعديش الليلة الا وهو فعلا مطلق مودة وترجع مودة لبيت ابوها ويستقبلوها اخوتها الثلاثه وهما بيضحكوا ويهزروا معها علشان يخرجوها من حالتها النفسية لكن قلب مودة فضل حزين، ،،،،،،،
وبعدها بفترة بدات سيرة مودة تبقي علي كل لسان في المنطقة وانتشرت الاشاعات بان سبب طلاقها هو ان مودة ما كانتش بنت بنوت واستمر الحال كدة تلت شهور لغاية ماجت ليلة وساعة ما كانت كوثر قاعدة في شقتها اتفتح الباب عليها ودخل محمود وهو معه مودة فبصت لهم كوثر باستغراب شديد وقالت
اية اللي جاب دي هنا
محمود
مراتي. ولو سمعت حسك هاطلقك
فتبص كوثر لمودة بغضب شديد، ،،،،،،،
ونرجع بالاحداث لشهرين فاتو. واحنا دلوقتي بعد طلاق مودة بشهر والاشاعه اللي طلعتها كوثر بان سمير طلقها بسبب انها ما طلعتش بنت بنوت لقيت انتشار وسط كل اللي يعرفو مودة لغاية ما الكلام وصل لمودة وكانت في اوضتها وبتعيط بحرقة فدخل عليها سامي وقعد قدام منها وهي مسحت دموعها ويص لها وقال
واخرة العياط دة اية
مودة بصوت حزين
عايزني اعمل اية يا بابا لما يوصل لي ان سمير طلقني علشان لقاني مش بنت بنوت
سامي وهو بيطبط عليها بحنية
وانتي فعلا مش بنت بنوت
مودة بحرقة
بتقول اية بس يا بابا انا بنتك ازاي تصدق كلام زي دة
سامي
انا مش مصدق لكن انتي اللي مصدقة وعلشان كدة قافلة علي نفسك وعماله تعيطي
فتبص له مودة وهو بيمسح دموعها ويبوسها في راسها ويقول
انا هاخرج واسيبك بس لازم تعرفي اني نفسي في لقمة القاضي اما اشوف بقي هاتتعمل النهاردة ولا. لا
ويقوم سامي ويروح ناحية باب الاوضة ومودة بتقول له
هاعمل لك يا بابا اللي انت عايزه
ويخرج سامي من الاوضة. وفي اللحظة دي يرن موبيل مودة وكانت خلود هي اللي بتتصل بيها فترد مودة وتقول
ايوة يا خلود
لكن مودة ما تسمعش صوت خلود وتسمع صوت امها الهام وهي تقول
مودة. حبيبتي انا ماما وعرفت انك اطلقتي وزعلت اوي
مودة بصوت حزين
بعد شهر من طلاقي لسة فاكرة تتصلي بيا. يا. مش كنتي تستني شوية
الهام
مودة انا،،،،،،
مودة تقاطعه بحرقة
انتي اية. انتي مش فاضية لبنتك. جوزك اهم مني طبعا ما هو اللي تسيب عيالها علشانه لازم يكون اغلي من عيالها نفسهم.
الهام وهي بتعيط
ما حدش عندي اغلي منكم انا فعلا الدنيا خدتني منكم لكن ،،،،،،،
وهنا تسكت الهام لان مودة قفلت في وشها الخط ،،،،،
وتبص الهام لاختها ميرفت اللي كانت قاعدة جنب منها وتقول
قفلت الخط في وشي
ميرفت
رني تاني. ممكن تكون الشبكة
فتتصل الهام كمان مرة ولكنها تلاقي الموبيل مقفول فتحط الموبيل جنب منها بتاثر شديد وتقول
ليها حق تقفل في وشي ازاي استني منها انها تسامحني بعد كل اللي عملته
وتعيط الهام بحرقة وتقول
بس هي ما تعرفش انا حسيت باية اول ماخدها في حضني لاني فعلا كنت محتاجة الحضن دة اوي. وانا في حضنها حسيت قد اية انا كنت واطية ناحيتها وناحية ولادي التلاته
وتفضل الهام تعيط وتاخدها ميرفت في حضنها وتروح خلود ناحية الهام وتحاول انها تهديها وهي تقول
انا اصغر منك بكتير. بس ولادك محتاجين لحضنك اللي حرمتيهم منه كل السنين دي. وساعتها بس هاينسوا كل اللي فات. انتي برضو امهم
الهام
تفتكري سهله كد
خلود
باذن الله سهله بس هاتيجي واحدة واحدة، ،،،
ومن جوة بيت ليلي ام سمير يقعد محمود مع امه ليلي وليلي تقول له بضيق
النسوان مش مبطالين كلام في سيرة مودة وكان الكلام صح وهو افتراء علي البت الغلبانه
محمود
والله حرام اللي بيحصل دة ما يرضيش ربنا. اشحال لو ما كنتش البت مطلقة قدام الخلق كلهم بسبب ان سمير اتجوز عليها
ليلي
انا عارفة اصلا نسوان الشارع جابو الكلام دة منين
وفي هذة اللحظة يسمعوا صوت داليا مرات سمير الجديدة وهي بتتخانق مع كوثر وبتقول بصوت عالي
كوثر. ابنك لو مد ايدة علي بنتي تاني هاقطعها له.
كوثر
صوتك ميعلاش يا داليا بدل ما زي ما دخلتك البيت دة اخرجك منه
داليا
لو انتي قدها فكري بس تقربي مني وانا هاخلي سمير يرميكي برة انت وجوزك دة انتو قاعدين في ملك. جوزي
كوثر
ايوة ايوة ماهو كدة ازرعه يقلعني
وفي اللحظة دي تقف ليلي ومحمود قدام منهم وتقول ليلي بعصبية
وربي وما اعبد لو ما سكتو انتو الاتنين واتلميتو لكون معرفاكم شغلكم. مش كل يوم والتاني تسمعوا بينا الشارع
داليا بكهن
ماهي اللي ابتدت يا ماما وابنها ضرب بنتي
ليلي
انت تسكتي خالص لان مهما حصل يا بنت الاصول ما ينفعش تقولي هاخلي سمير يرميكي برة انت وجوزك. البيت دة بتاع محمود زي ما هو بتاع سمير
داليا
حقك علية يا ماما واللي ما كنتش عارفة بقول اية. دة محمود جذمتة علي راسي.
كل الحوار دة يدور ومحمود بيبص وساكت لانه قرفان منهم هما الاثنين وقال لنفسه
البطن اللي شالت داليا وكوثر باين عيلها تخصص نسوان سو. ،،،،،
ومن جوة كافتريا يقعد سليم مع خلود وخلود بتقول له
ايوة متغير بقالك فترة ومش عارفة اية السبب هو انت زعلان مني ولا حاجة. صارحني في اية
سليم
بصراحة يا خلود. انا حاسس اني اتسرعت في الخطوبة بتاعتنا
انصدمت خلود وبصيت لسليم وقالت
بقالنا سنة ونص مخطوبين وجاي دلوقتي تحس انك اتسرعت
سليم
اسييك واحنا علي البر كدة احسن ما نسيب بعض واحنا بينا عيال
فبدات دموع خلود في النزول وهي تقول
وبحبك يا خلود. وانا اعمل اية حاجة علشانك يا خلود ونفسي خلفتي منك تبقي كلها بنات علشان كلهم اسميهم خلود. كل دة كان اية كلام واحد متسرع
فيبص سليم في الارض من الكسوف فتقول خلود
انطق ساكت لية.
وتقف خلود وهي بتقول
ولا اقول لك اسكت احسن وماتتكلمش
وتقلع خلود الدبلة وتحطها قدام منه علي التربيزة وتقف وتسيبة وتمشي وسليم يبص عليها لكن في اللحظة دي تقعد قدام منه يسرا وتقول له
كدة بقي ينفع تيجي تخطبني وتبقي جوزي
سليم
بس انا جرحت خلود اوي
يسرا
عايزها قوم اجري وراها. بس انا مش هاكون ساعتها موجودة.
سليم
لا. عايزك انتي.
يسرا
يبقي انسي وخلود مسيرها كمان تنسي.
وتمسك يسرا ايد سليم وسليم يبص في عيونها وهو يقول
صح انتي صح. هاقابل بباكي امتي
يسرا
مش دلوقتي. لما تلاقي شقة الاول تليقك بيا.
وتضحك يسرا باغراء شديد وسليم مسحور بيها
وبعدها بكام ساعه يجي سمير من الشغل ويلاقي داليا في احلي صورة وحطه برفان فيبص لها باعجاب شديد ويقول
أية الحلاوة دي
ولسة هايقرب منها بعدت عنه وقالت وهي بتعيط
تفيد باية حلاوتي وانا عايشة عيشة تقصر العمر
سمير وهو بيبوس ايدها
لية بس كدة
داليا
محمود وكوثر بهدلوني النهاردة وفرجوا علية الشارع
سمير
لية بس كدة
داليا
علشان ابنهم ضرب بنتي ولما بس اتكلمت بالراحة وقولت لكوثر لية ابنك ضرب بنتي. طلع فيا محمود وهات يا شتيمة واهانه.
سمير
وكوثر اختك سكتت
داليا
سكتت دي ما بطالتش ردح ليا. ولما بس قولت لمحمود الله يسامحك ولما يجي سمير انا هاقول له.
وسكتت داليا فقال لها سمير
قال اية ردي
داليا
بلاش والنبي بدل ما تنزل له وتبقي عركة كبيرة
سمير بعصبية
قال أية انطقي
داليا
قال. سمير لو فكر يتكلم القلم اللي خده مني قبل كدة يوم زفتكم ها ياخدوا. تاني
سمع سمير الجملة دي وخرج من الشقة زي المجنون ،،،،،
ومن قدام شقة محمود يقف سمير وهو بيخبط بعصبية شديدة فيفتح محمود فيقول له سمير بعصبية
سمعت ان انت عايز تضربني. فقولت انزل اشوف مين فينا هايضرب التاني
محمود باستغراب
انا اضربك لية. ومين اللي قال لك كدة
سمير وهو بيزق محمود في صدرة
مالكش دعوي بمين قالي كدة انا قدامك اهو وريني هاتضربني ازاي
فيمسك محمود لايقة قميص سمير بعصبية شديدة وهو يقول
اية انت رافع برشامة من ايها وهاتهب علية.
في هذة اللحظة تطلع امهم ليلي من تحت وهي بتصرخ وتقول لهم
اية اللي حصلكم هاتمسكوا في بعض تاني وانا عايشة. اومال لما اموت هاتعملو اية
سمير وهو ماسك في رقبة محمود
ما انا سكت لابنك مرة علشان اخويا الكبير وماينفعش اقل منه قدام الناس اللي كانت واقفة لكنه يكررها تاني لا بقي
انا بقي مش هاسكت
ليلي بعصبية
والله العظيم تلاتة لو ما سبتوش بعض لكون سايبة البيت
فيبعد محمود ايدة عن سمير ويقول
هاتروحي فين بس
ليلي
هاروح في ستين داهية.
سمير بعد ماساب محمود هو كمان قال
ياما يعني يرضيكي يقول لداليا. هاضرب جوزك تاني بالقلم زي اول مرة
ليلي
مراتك دي كدابة. ومحمود مايقولش كدة. اية اللي حصل لكم النسوان دخلت البيت والحزن جه معاهم دة ماحدش كان بيسمع لنا صوت.
وتبص ليلي لسمير وتقول
مش كل مامراتك تلبسلك الاحمر والمحزق وتلخبط وشها بالمكياج يبقي محمود اخوك وحش. اعقل كدة واركز ومتخلهاش تخرب البيت وتسخنك علي اخوك ما انا عرفها من زمان بوشين. دة حتي اختها كوثر ما خلصتش منها ولا من لسانها بس اقول اية. دة ذنب البت الغلبانة اللي انت ظلمتها ولسة ياما البيت دة هايشوف
وهنا تقف داليا وتقول ببجاح
وهو انا بس هاعمل لية كدة. واوقع بينهم
ليلي
علشان البيت يبقي ليكي لوحدك. لكن دة بعينك وبعين اللي اطخن منك. طول ما انا عايشة ما فيش واحدة من نسوان عيالي هاتحط ايدها علي البيت وتفرق بين عيالي
وتخرج كوثر وتقول
الله ينور عليكي يا حماتي. هو دة الكلام لازم توقفيها عند حدها. وربنا انا لو اعرف انها كدة ما كانتش سعيت لها في جواز
ليلي
خلصنا وكل راجل فيكم ياخد مراته ويخش شقته واياك في يوم النسوان توقع ما بينكم. انا خلفت رجاله مش حريم تمشيها حريم.
وتبص لسمير
وانت لو كنت سكت لك مرة علي اللي حصل في مودة مش هاسكت لك تاني. ولو مراتك قالت تاني لاخوك البيت مش بيتة علشان انت اللي دافع حقه. وربنا لرميك انت وهي في الشارع.،،،،،
وبعديها بشهر ونص وساعه ما كان محمود راجع من الشغل تقف ليلي علي باب شقتها اول ما سمعت صوته وقالت له
عايزاك
محمود
خير يا ست الحبايب
ليلي
ادخل بش مش هانتكلم علي الباب
ويدخل محمود ويروحو ناحية الكنبة وتقعد ليلي وقدام منها يقعد محمود وتبص ليلي لمحمود وتقول
عارف طبعا ان النسوان. بتشنع علي مودة ويقولو انها اطلقت علشان ما طلعتش بنت بنوت
محمود
دة بقالو فترة الكلام دة. وعارفين انه كذب وان مودة بت نظيفة اية الجديد
ليلي
الجديد بقي ان الكلام دة طلع من مراتك والست محاسن جارتنا هي اللي شافتها وسمعتها وهي بتحكي مع النسوان في السوق
اتصدم محمود وقال
اية. كوثر وراء الاشاعه الوسخة دي
ليلي
هي كوثر.
ويقوم محمود وهو في منتهي العصبية وبيقول
دة انا هاطلع عين اهلها بنت الكلب دي
فتمسك ليلي ايدة وتقول
ولما تضربها وتكسر دماغها يبقي كدة حق مودة كدة
فببص محمود لامه ويقول
قصدك اية مش فاهم
ليلي
كوثر لازم تتربي وتتعلم الادب بس مش بالضرب. لا بالجواز
محمود وهو مش فاهم حاجة قال
بالراحة علية كدة يا اما وفهميني عايزا تعملي اية
ليلي
تتجوز مودة
فيستغرب محمود بشدة فتكمل ليلي كلامها وتقول
وبكدة يبقي حق البت الغلبانة دي رجع ونخرس اي لسان يجيب سيرتها لانها لو كانت مش بنت بنوت انت عمرك ما تتجوزها وفي نفس الوقت نربي كوثر ونخليها تحس يعني اية ضرة تدخل عليها شقتها
محمود
ومودة توافق. وحتي لو مودة وافقت تفتكري عم سامي يوافق
ليلي
مالكش دعوي. انا هاخلص الكلام مع سامي، ،،،،،،
ومن جوة اوضة سليم تقف مودة قدام سليم وتقول له
لسة مش عايز ترجع عن اللي في دماغك
سليم
مودة احنا اتكلمنا كتير اوي وخلاص بقي كفاية رغي
مودة
يا سليم انت كسرت قلب خلود وهي من ساعتها وما بقتش زي الاول
سليم
هاتنسي هاتنسي مع الوقت مسيرها تنسي
مودة
خلود بتحبك ولو خسرتها مش هتلاقي واحدة زيها
سليم
لقيت خلاص ولقيت واحدة احلي منها. انتي لما تشوفيها هاتحسي ان خلود بشنب
مودة
احترم نفسك خلود زي القمر والف واحد يتمنها
سليم
انا بقي برة الف دول. وقريب اوي هاوريكي القمر اللي هاتبقي مراتي
ويسيبها سليم ويخرج من الاوضة، ،،،،،،
من داخل شركة ايهاب يقف ايهاب وراء نور اللي كان شغال ويقول له
برافو عليك يا نور الكل هنا بيحلف بشطارتك
نور
شكرا يا مستر ايهاب
ويبص ايهاب لمايسة السكرتيرة ويقول لها
ادي لنور 1/2 شهر مكافاة
ويمشي ايهاب فتبص مايسة لنور وتقول له
مستر ايهاب راضي عليك اوي
نور وهو بيقف ويبص في عيون مايسة بحب شديد
مش مهم هو يرضي المهم انتي ترضي علية
مايسة بدلع
والله لو هاتجيب لي شقة. تمليك حلوة كدة وعربية اخر موديل لية مارضاش عليك
نور
هاجيب لك بس نتجوز
مايسة
هانتجوز. بس لما احس فعلا انك بتحبني وجيبت لي اللي انا عايزا
وتسيبة مايسة وتمشي ونور بيبص لها بحب شديد ، ،،،،،
ومن جوة شقة سامي تقعد ليلي ومحمود مع سامي وكانت ليلي بتقول لسامي
قولت اية
سامي وهو بيبص لمحمود ويقول
ومراتك يا محمود
محمود
مالكش دعوي بمراتي يا عم سامي انا قادر اكسرها واكسر دماغها لو حكمت المهم انت توافق ونرجع كرامة مودة تاني ونقطع لسان كل اللي جابو سيرتها
سامي
انا بصراحة مش حابب الحكاية دي كلها
وفي هذة اللحظة تقف مودة قدام منهم وتقول
بس انا يا بابا محتاجة اقف تاني علي رجلية واحط صباعي في عين الطخين وقول باعلي صوتي انا مش معيوبة. وموافقة اتجوز محمود
فيبص لها سامي ويقول
وتدخلي علي ضرة
مودة
احسن ما النسوان عمالين يلقحو علية في الطالعة والنازلة
ليلي
عين العقل يا مودة. يا بنتي
مودة وهي بتبص لمحمود
بس ما تزعلش مني يا محمود انا هاتجوزك بس علشان اخرس اي حد اتكلم عليه
محمود
وانا مش عايز الا كدة وارجع لك كرامتك وابقي علي الاقل بصلح غلطة سمير في حقك
مودة
سمير دة بالنسبة لي صفحة واتقفلت
محمود
الله يجازي اللي فرق ما بينكم
مودة في سرها
عرفاها وراجعه اعرفها قيمتها. ،،،،
ومن جوة شركة ايهاب تقف مايسة مع نور وكانو بيضحكوا هما الاثنين في تبص عليهم يسرا وتدخل مكتب ايهاب وتقول له
ممكن اعرف اية اللي بينك وبين البت الصفراء اللي اسمها مايسة دي
ايهاب
مايسة دي السكرتيرة بتاعتي وبس
يسرا
والله العظيم اومال شايفها يعني واقفة مع نور لية
ايهاب
انتي ناسية ان نور شغال في الشركة عندي وهي كمان شغاله زية يعني زمايل. ولو في علاقة بيني وبين مايسة هاخليها تلعب علي نور لية
يسرا
اية متعملهاش يعني ما انا مراتك ومخليني بلعب علي سليم
ايهاب
انتي في حاجة في دماغك احنا مجرد اصحاب وبس مش مراتي
يسرا
كل اللي بيحصل ما بينا دة ومش مراتك
ايهاب
يسرا ممكن تخلينا نركن الكلام العبيط دة علي جنب ونركز في اللي طلبتك علشانه
يسرا
جوازي منك دة كلام عبيط
ايهاب بحدة
واهبل كمان وكلمة تاني في الحوار دة دلوقتي هانسي كل اللي بينا وهاقلب علي الوش التاني.
يسرا
خلاص خلاص. قول عايز اية
ايهاب
عايز سامي يعرف ان نور بقي معايا
يسرا
واعملها ازاي دي
ايهاب
هاقول لك، ،،،،،،
ونرجع لشقة محمود بعد ما محمود اتجوز مودة ودخل عليها بمودة وكوثر كانت بتقول بعصبية
انت عايز دي تقعد معايا في الشقة
محمود
مش عجبك الباب يفوت جمل
كوثر
دي هي اللي تخرج من هنا دي بيتي انا مش بيتها
مودة لمحمود
حودة هافضل كدة كتير واقفة رجلي وجعتني
كوثر وهي بتهجم علي مودة
رجلك دي انا هاقطعهالك
ولسة كوثر هاتمسك مودة من شعرها ضربها محمود بالقلم وخلاها تبعد عن مودة وقال لها بعصبية شديدة
اسمعي بقي. مودة مراتي وليها في الشقة دي زي ما انتي ليكي وكلمة تاني هايبقي هي بس اللي ليها في الشقة وانتي مالكيش اي حاجة عارفة لية علشان هاتبقي طالق
كوثر
انت بتهددني وديني وما اعبد لانا سايبهالك خربانه عليك وعليها
محمود
وهاتروحي فين. لابوكي اللي ما صدق انكم اتجوزتو دة زمانه اجر اوضكم مفروش
وفعلا محمود كان صح ودة خلي كوثر تقف بعد ماكانت هاتخرج لان أبوها بخيل ومش هايصرف عليها ولا علي عيالها فتدخل اوضتها وهي مقهورة، ،،،،،
وتاني يوم الصبح ومن جوة شقة سامي يرن جرس التيلفون الارضي وتتكلم يسرا قائله
منزل المهندس نور سامي
سامي
ايوة مين انتي
يسرا
انا زميلتة في شركة مستر ايهاب معتز ابو الدهب وكنت عايزا علشان بتصل علي موبيله مقفول
سامي وهو مصدوم
نور شغال مع ايهاب، ،،،،،
خلصت حلقتنا اللي يارب تكون عجبتكم
رووووووعة
ردحذف