دموع تحت اقدام عشق الحلقة الاخيرة

 القلم               

               ★الحلقة الثامنة★

من تاليفي، ، 

محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

دوسوا علي الرابط دة واعملو متابعة لصفحة حكايات منص ومي وهناك هتلاقو كل القصص الجديدة

                         ‏

ومن امام البيت التي تسكن في ورد وابنها حسان ومعهم ساهر تجلس ورد مع حسان وتحكي له كل مادار بينها وبين اختها وعد من احداث وصرعات وتحكي كمان حكايتها مع غراب وانه يمتلك القلم وأن القلم اخبرها انه ملك مملكه الجان المعروفه بمملكه النار واكملت قائله

عشان كدة لازم تبعد عن اللي اسمها راهشان دي واياك تقرب منها مهما كان. والا الموت هايكون مصيرك

فينظر لها حسان ويقول

كل دي أحداث دارت وانا طفل رضيع

ورد

ولسه الله اعلم ايه اللي مستخبئ ليك تاني يا أبن ورد

حسان

والقلم دة فين

ورد

فكر في هايظهر لك 

فيفكر حسان في القلم فيظهر القلم ويعجب بي حسان جدا. ويمد له يدة فيتجه القلم ناحيته ويمسك حسان القلم بيدة وينظر للقلم نظرة حب الامتلاك وانقسم قلبه لنصين نص يعشق القلم بكل ما في من سحر ونص يعشق راهشان

فتنظر ورد لنظرة حسان للقلم وتخاف من هذة النظرة وتقول

حسان. القلم ده تستخدمه في الخير دي وصيه عم غراب اللي ورثك القلم

فينظر لها حسان وعيونه اصبحت بلون الدهب زي لون القلم ويقول لها

أنتي مين

فتنصدم ورد وتقول

حسان أنا أمك ورد

حسان وجسمه كله يتحول للون الذهب يقول

انا ماعرفش حد في الدنيا دي غير القلم وحبيبتي راهشان 

ورد وهي تحاول ابعاد القلم عن أيدة ولكن القلم يتحول الي وحش مخيف وينظر لها. ويقول القلم

أبنك وهب لي روحه وهو الان تحت سيطرتي 

ويخرج القلم نار من بوقه تحرق يد ورد فتصرخ ورد فيسمع ساهر صراخها فيتجه ناحيتها مسرعا ويري النار تحرق أيدها وهي تصرخ وامامها حسان يتحول لون جسمه الي اللون الذهبي لون القلم والقلم يخترق جلد يد حسان ويستقر في يد حسان اليمين وساهر يحاول أطفاء يد ورد وهو يقول

امي ورد. حسان هو عمل فيكي كدة ليه

ورد وهي تنهض وتمسك يدها المحروقه

القلم تمكن من حسان. بس ازاي ده يحصل وهو المفروض يكون في خدمته 

وتسمع حسان يقول

جاي لك يا راهشان

وينطلق حسان وورد تنهض خلف منه وتحاول منعه ولكن حسان يدفعها بكل قوة فتسقط علي الارض وينزل حسان الي تحت الارض مثل الدودد وسط نظرات أستغراب من ساهر وتنهض ورد بصعوبه وتتجه الي المكان اللي نزل منه حسان وتصرخ وهي تنبش الارض بيد واحدة بكل حرقه ووجع قلب

حسان. ابني ارجع لي أنا من غيرك اموت حسان. طريق راهشان اخرته موتك

فيتجه ناحيتها ساهر ويقول

امي ورد 

فتدفعه ورد بعيد عنها وهي تقول 

ان مش امك أنا ام حسان وبس

وتنبش في الارض مرة اخري وهي تصرخ وتبكي وتقول

حسان رد عليه. أزاي تخلي القلم يخدك مني 

ثم تنظر لساهر وتقول

ليه الارض ما بلعتكش انت. وسابت ابني حسان

ويصدم ساهر مما يسمع ويسالها

أنتي مش امي. طيب مين أمي

فلاترد ورد وتبكي علي حسان بكل حرقه وهي تصرخ ،،،،،،،،

ومن داخل بيت جعفر تجلس وعد مع جعفر وتقول بحدة

مستحيل أسيبك تقدم بنتي عروسه للملك كاهل

جعفر

بنتك احلي عذراء في المملكه وهي الوحيدة اللي هاتقدر تخلي الملك كاهل يحبها بجنون وساعتها يتحرر الساحر أيفان وأمتلك القلم 

وعد

جعفر. راهشان بنتي مش هاتتجوز الملك كاهل

فيغضب جعفر بشدة ويمسك وعد من شعرها ويقول

انتي فاكرة اني بطلب رايك انا بامرك. راهشان شافها الوزير قاسم وصورتها راحت للملك كاهل. وكاهل. أمر بأن راهشان تكون في مملكه بلاد فارس. بعد أسبوع من الان 

فتدخل راهشان عليهم وكانت فتاة رائعه الجمال سحر عيونها لا يقاوم وشعرها أسود سواد الليل وتنظر الي جعفر وتقول له

ابعد أيدك عن أمي

فينظر لها جعفر ويقول

انتي ما تتكلميش خالص وتجهزي عشان هاتكوني العذراء اللي هاقدمها للملك كاهل

راهشان

بس انا مش عذراء

فيصدم جعفر ويترك شعر وعد وينظر لها بغضب ويقول

تقصدي أيه بانك مش عذراء

راهشان

أنا متزوجه من ملك ملوك الجان الملك ليل

ثم يمشي علي الارض دخان أسود كثيف ويدخل في جسم راهشان. وترتفع راهشان عن الارض بطريقه مخيفه وتلف راسها لفه كامله ويظهر وجه ليل مكان وجه راهشان ويقول لجعفر 

بلغ أيفان تحياتي 

ويضحك ليل ويقول

انت كنت فاكر أني هاخليك تحرر أيفان من سجنه. وتوصل للقلم قبل مني. أنت يا غلبان فاكر انك تقدر علي ملك ملوك الجان اللي أفضل منك يا أنسان 

جعفر بلغه التهديد

هاخرجك من جسمها وهاحرقك

ليل

مايقدر علي ليل الا أنسان بلاذنوب. وانت يا جعفر من ابناء الشيطان وكل اعمالك ذنوب 

ويضحك ليل ويضحك ويضحك. ثم يخرج الدخان من جسم راهشان وتسقط راهشان علي الارض مغمي عليها فتتجه وعد ناحيتها وهي تصرخ من الخوف عليها وتقول وعد

راهشان. ردي عليه

ثم تنظر وعد الي جعفر وتقول

الحقني يا جعفر. بنتي مابتردش

فينظر لها جعفر ولا يرد عليها فتصرخ في قائلا 

اعمل حاجه بنتي بتموت

جعفر

ماهي بنتك لازم تموت عشان اقدم عذراء غيرها للملك كاهل

فتقف وعد وتقول

انت اياك تقرب منها

فيتجه جعفر ناحيتها وهو يقول

ابعدي عني ياوعد. بنتك لو مامتتش هاتفضل هي احلي عذراء في الكون. وكاهل مش هايتجوز غيرها طالما شافها لكن لما تموت هادور علي عذراء غيرها واقدمها للملك كاهل

ويخرج جعفر خنجر من ملابسه ويستعد لذبح راهشان ولكن وعد تخطف الخنجر من يدة. وتضرب جعفر في عنقه بالخنجر وبمنتهي الغضب فيسقط جعفر علي الارض وهو يتالم والدم يخرج من رقبته بغزاره، ،،،،،،  

ومن داخل قصر الملك كاهل يجلس الملك كاهل علي عرشه ويقف امامه الوزير قاسم ويقول

مولاي الملك تم التحضير لزفافك علي اجمل عذراء في الكون وهي راهشان بنت وعد

كاهل فرحا

تمام. والكاهن الاعظم كهنان وصل ولا لسه في الطريق

قاسم

الكاهن كهنان علي وصول يا مولاي

ويدخل احدي العبيد وينحني امام الملك ويقول

الكاهن كهنان بيطلب الاذن بالدخول يا مولاي

كاهل

خلي يدخل في الحال أنا في انتظارة من زمان

ويخرج العبد ويدخل رجل عجوز عندة 200 عام نحيف وقصير ولكنه خطير ويقف امام الملك كاهل ويقول

مولاي

كاهل

ازيك يا كهنان.  

كهنان

عايش بخير طول ما مولاي بخير.  

 

كاهل ضاحكا 

انت يا عجوز مش ناوي تموت

كهنان ضاحكا

ولما اموت من يبارك زواج مولاي من العذراء الاجمل في الكون. راهشان بنت وعد. اخت ورد الجاريه المحببه للملك غيور

كاهل

خلاص أنسي. ورد ماتت من سنين طوال وعلي أيد الملك غيور

كهنان بخبث الشياطين 

ورد ماتت. أزاي انا كنت في مملكه غيور وشوفت ورد وابنها حسان اللي كبر وبلغ وبقي شاب 

كاهل بغضب وهو ينهض واقفا 

انت بتقول أيه يا كهنان. باين عليك كبرت وخرفت

كهنان

مولاي. كهنان عمرة ما خرف انا متاكد من اللي شافته عينيه

فينظر كاهل لقاسم

يا قاسم. انت مش كنت معايا وغيور بيقطع راس ورد

قاسم

حصل يا مولاي. والاميرة جولنار كانت واقفه كمان وشاهدة علي كل اللي حصل

كاهل

سمعت يا كهنان يبقي ازاي أنت شوفت ورد. ده انا معلق راسها علي بوابه القصر من سنيين 

كهنان

طيب أنا هاثبت لك يا مولاي أني مش كداب

ويبدا كهنان في ممارسه عبادة غريبه وينظر كاهل وقاسم امامهم فيجدوا ورد تقف مع ساهر من امام بيتها وهي تتحدث مع ساهر فينظر كاهل لورد ويقول غاضبا

قاسم. غيور خدعني وسحرني بسحر اسود خبيث وهرب ورد حضر الجيش بالكامل واستعد لحرق مملكه غيور بكل من فيها واولهم ورد وابنها، ،،،،،،،،،،،

                           ‏

ومن أمام بيت ورد تجلس ورد تحت شجرة وهي لاتزال تبكي علي ما وصل له أبنها حسان وأثناء ماهي تبكي وحزينه تتمد يد علي كتفها من الخلف فتنظر ورد لليد وهي تقول 

حسان انت رجعت

فتجد غراب يقف خلفها علي قدمين وينظر لها ويقول

كدة تخلي القلم ياخد منك حسان

 ورد 

 ‏أنت عرفت يا عم غراب باللي حصل لحسان

ثم تنظر الي قدمه وتقول بدهشه 

عم غراب رجليك رجعت لك تاني ازاي

غراب

ربي عوضني. المهم تلحقي حسان قبل مايروح مملكه النار ويقف وسط ارض النار ويحكم اهل الجان واهل الانس بالحديد والنار.

ورد

ابني هايبقي ملك

غراب

ملك ظالم لاهايرحم طفل ولا هايرحم شيخ عجوز وهاينقتل في عهدة ابرياء كتير وهايكون وزيرة كهنان القصير. الشرير 

ورد

مين كهنان ده

غراب

ده الكاهن الاعظم لدنيا الانسان. وأبن من ابناء الشيطان 

ورد

طيب وازاي انقذ ابني من القلم. ومن كهنان 

غراب

الدم دمك واللي يجري في عروقه يجري في عروقك والاتصال اللي كان بينكم زمان يرجع بالدم ياورد. وخلي بالك هتحاربي أعز ناس علي قلبك وفي حربك لازم سيفك يكون انسان بلا ذنوب عشان تقدري علي اللي منك 

ورد

مش فاهمه حاجه من كلامك يا عم غراب

غراب

ماقدرش اقول الا اللي قولته. الحقي أبنك يا ورد قبل مايقتل اول طفل واخر شيخ في قريه الفقر والجوع قريه. سام. 

وفي هذة اللحظه تستيقظ ورد من نومها علي سيف يضع علي رقبتها فتنظر لمن يحمل السيف فتجدة غيور فتفزع وتجلس علي السرير وهي خائفه وتقول

غيور في ايه.

غيور بنبرة شر جديده عليه

فين حسان

ورد باستغراب

غيور

فيضربها غيور بالقلم وبعنف شديد ويقول لها

اسمي الملك غيور يا جاريه.  

فتمسك ورد خدها وهي في حاله ذهول مما يحدث ويدخل ساهر الي الحجرة ليدافع عن ورد ولكن غيور ينظر له ويضربه بالسيف في بطنه فيسقط ساهر علي الارض وهو يتألم والدم ينزف منه بشدة. فتنهض ورد وتجري ناحيه ساهر وهي خائفه عليه ولكن غيور يمسكها ويضع السيف علي رقبتها ويقول

فين حسان

فتنظر ورد للسيف اللي علي رقبتها واللي جرح رقبتها وبدا دمها ينزف ثم تنظر الي غيور وتقول له

غيور أنا ورد حبيبتك ليه عايز تقتلتني

غيور

انا ماعرفش غير القلم اللي مع حسان والقلم دة ملكي أنا. فين حسان

ويغرز السيف اكثر في رقبتها فتفهم ورد أن غيور مابقاش غيور اللي تعرفه. وبدأ الموت يقترب من ورد علي يد غيور وفي هذة اللحظة تدخل وعد الي البيت وهي تحمل بنتها راهشان المغمي عليها. وتنظر لغيور وما يفعله فتمسك بحجر كبير وتضرب غيور علي راسه بعنف فيسقط غيور فاقد الوعي فتنظر ورد لوعد وتقول باستغراب

وعد. انتي بتعملي أيه هنا

وعد

انا قتلت جعفر. وجايه ليكي عشان تسمحيني يمكن ربنا يرحمني ويرحم بنتي من اللي مستخبي لها 

وتبكي وعد وهي تنظر لبنتها راهشان الفاقدة للوعي فتنظر لها ورد مش مصدقه ان أختها تبكي ثم تنظر ورد الي ساهر الذي يتوجع والدم لا يزال ينزل من بطنه فتحمله ورد فينظر لها ساهر ويقول

هاموت يا أمي

فتنظر له ورد وتبكي هي الاخري وتضع يدها علي يدة وتقول

ان شاء الله هاتعيش. بس ساعدني نهرب من البيت ده عشان مبقاش امان.

وعد

وهنروح فين بس

ورد

هانروح لكهف الغريب اللي كان بيعيش في غراب، ،،،،،،،

ومن تحت الارض ومن داخل قصر الملك ليل ملك ملوك الجان واثناء ما كان ليل يجلس علي عرشه ومعه وزيرة حام يدخل عليهم حسان وهو لايزال باللون الذهبي لون القلم ويقف حسان أمام ليل فينظر له ليل ويقول

انت مين وازاي تدخل عليه القصر كدة ومن غير أستئذان

فينظر له حسان ويضحك ثم يقول

أستئذن عشان ادخل قصري 

فيغضب ليل بشدة وينهض واقفا وينظر لحسان ويقول

أنت مين وازاي تقول الكلام ده

فيرفع حسان يدة اليمين وتظهر صورة القلم ويتكلم القلم المرسوم في يد حسان ويقول

أنا ملك مملكه النار

ويصعد حسان ناحيه عرش ليل فينظر له ليل ويحاول منعه ولكن حسان يمسك ليل من رقبته ويرمي بعيد عن العرش ويجلس حسان علي العرش ويقول

من الان أنت الخادم الخاص بي وأن فكرت في عصيان اوامري هاحرقك يا ليل. انت ووزيرك حام

ليل وهو يقف معتدلا وينظر لحام فحام ينظر لحسان ويقول

أنا خادمك المطيع يا ملك مملكه النار

ليل بغضب

حام انت بتقول ايه. أزاي تكون في خدمت انسي حقير

حسان غاضبا

أنا حقير. انتقامي منك هايكون عسير 

وينظر حسان الي ليل فيخرج ليل لسانه غصب عنه ويمد حسان يدة ويمسك لسان ليل ويكتب بالقلم علي لسانه.

انه كل ليله يقرأ أيات من القران بنفسه تحرقه. بلا رحمه ولكنه لا يموت ويظل هكذا كل ليليه وبالفعل يهجم الليل علي مملكه النار ويبدا ليل في قراءه القران ويحترق ليل ويتعذب ولكنه لا يموت ويخاف حام مما يراه وقرر ان يكون خادم حسان المطيع، ،،،،،

ومن داخل السجن المحبوسه في جولنار تجلس جولنار وتكلم نفسها بعد ما مر علي سجنها 15 عام ولكن السجن لم يؤثر علي جمالها وجاء لها السجان ومعه الطعام فنظرت له وقالت بحنان

خرجني من هنا وتكون اغني الناس

فينظر له الحارس ويقول

خروجك معني قطع راسي ده الملك غيور وعدنان مشددين عليكي انتي بالذات

جولنار وهي تقترب من الحارس

يا حارس اخرجني وتمتع بفلوسي انا بنت الملك كاهل ملك بلاد فارس هربني الي بلاد فارس وهتاخد وزنك دهب وياقوت ومرجان

فينظر لها الحارس ويقترب منها ويقول

انا موافق انا اهربك بس تتجوزيني. وتملكيني ارض في بلاد فارس 

جولنار بخبث

موافقه 

الحارس 

خلاص النهاردة مع أذان الفجر هاتكوني خارج هذا السجن

وينصرف الحارس وجولنار تقول لنفسها

بعد كل هذة السنين جاء حارس يقبل عرضي ويهربني.

ثم تنظر للحائط وتقول

جه الوقت اللي هانتقم في من ورد وغيور وعدنان ، ،،،،،

وعند الفجر يهرب الحارس جولنار من سجنها ويهرب معها وهو يقول

انا مش مصدق نفسي انك هاتكوني مراتي

جولنار

بس الاول نبعد عن القصر علي قد مانقدر

وتجري جولنار ومعها الحارس وتقف بالقرب من كهف الغريب وتنظر للحارس وهي تقول له.

لغايه هنا وجه وقت الفراق

الحارس

فراق أيه. انا بحبك

جولنار وهي تحل عقدة شعرها الطويل جدا وتقول

وانا مش بحبك

وتلف شعرها حول رقبه الحارس بمنتهي العنف ويحاول الحارس الافلات من شعرها ولكنه لا يستطيع وتظل تخنق في حتي الموت وتنظر له وتضحك وتقول

عايز تتجوز اميرة يا صعلوك

وتدرك جثه الحارس ملقاة علي الارض وتتجه الي كهف الغريب وتقول لنفسها

ادخل ارتاح لحد شروق الشمس وبعد كدة اسافر لبلادي

وتدخل الي الكهف فتجد ورد نائمه بجانب ساهر ووعد وراهشان نائمتان في الجانب الاخر من الكهف فتقف امام ورد وتنظر لها وتقول لنفسها

مين يصدق أن اشوفك صدفه عشان أنهي حياتك

ثم تقع عينيها علي ساهر وتقول

ولا الاحسن أني أسيبها عايشه وقدام عينيها أقتل أبنها حسان واحرمها منه زي ما الموت حرمني من أبني ساهر 

ثم تنظر لورد مرة اخري وتنظر الي ساهر علي انه حسان وتقول

من الاحسن اسيبها عيشها بعد ماحرمها من ابنها حسان

وتحمل حجر كبير وتتجه به ناحيه ساهر وهي لاتعلم انها ستقتل أبنها وتنادي علي ورد وتقول

ورد قومي وشوفي أبنك وهو بيموت قدام عينيكي

فتستيقظ ورد من نومها وتنظر الي جولنار وهي مفزوعه وتنظر للحجر اللي في يدها وتقول

هاتعملي ايه يا مجنونه

جولنار بكل شر الدنيا.

هاحرمك من حسان زي ما انا اتحرمت من ساهر

وترمي الحجر من يدها ناحيه راس ساهر، ،،،، ، ،

ولغاية هنا الديك اذن. ومش هقول. علقو والجو دة. اكتب تقيمك للحلقة من. واحد ل عشرة. حلوة الصيغة دي.