دموع تحت اقدام عشق الحلقة الاخيرة

 كيان و الشيطان 2 
دم برئ

                           ★الحلقة الحادية عشر★

من تاليفي، ، 

محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★راح سيف وهو مش عايز لكن سحر قالت

قولت افتح الباب

وفتح سيف الباب. وبعد عن الباب استغربت كيان للباب اللي اتفتح وماكنش وراء حد فقالت

عم عفان

وزقت كيان الباب علشان تخرج رصاصة وتيجي في ذراع سحر. اتوجعت سحر والدم نزل منها زي الشلال وبصت 

ل سلامه لقيته فك نفسه ويبص لها وبيقول

ما بتعرفيش تكتفي صح. ياغجرية

صرخت كيان صرخة مكتومة وبدات تبص للي بيحصل وهي خايفة ولسة ما دخلتش البيت. وقف سلامه بجبروت وحط الطبنجة في وسط راس سحر وقال

اشوفك في جنهم يا بنت الاوساخ

ومسك قلبه. وقبل ما تطلع الرصاصه كان سيف بيجري ناحية سلامه وبيضربه بالسيخ علي دماغه من وراء وهو بيقول

مش هسيبك تقتلها زي ما قتلت امي

وقع سلامه علي الارض ولف جسمه وبص بصعوبه لسيف وماكنش قادر يتكلم وبدأ جسم كله يتنفض وسلامه بيبرق وبيبص ناحية سيف. وقطع النفس رمي سيف السيخ اللي غرقان بدم ابوة وبص سيف لجدة اللي ماكنش قادر يتكلم وبص ل سحر وقال وهو بيعيط 

انا قتلت ابويا اقتلت ابويا

ونزل سيف ناحية جثة سلامه وبدأ يهز في جسمه اوي وهو بيقول 

قوم يا با. والنبي تقوم. انا ما بحبكش صحيح بس مش عايزك تموت علي ايدية.

لكن سلامه قد مات. والمرة دي غير اي مرة صرخ سيف وقال وهو بيحضن ابوة

قوم يا با. قوم

وقفت سحر وراء منه وحاولت تقومه وهي بتقول له

سيف قوم ما تعملش في نفسك كدة

بص لها سيف وقال

انا اقتل يا امي. طيب ازاي ويقوم ما اقتل اقتل ابويا. 

وقلب سيف وشة وقال

 انتي السبب

 

استغربت سحر وقالت

انا يا سيف

سيف

اة انتي. قولت لك امشي اكتر من مرة. خدي كريم وامشي لو كنتي مشيتي ماكناش وصلنا للمشهد دة.

سحر بصوت حزين

يعني دة غلطتي في الاخر اني اعتبرتك زي ابني وخوفت اسيبك لوحدك تقف في وش ابوك

سيف

اهو مات وانا السبب

الكلام فضل داير شوية وهنا شافت سحر عربيات ربع نقل جاية ناحية البيت وعلبها رجاله بسلاح والناس دي هي عيلة فرج. حست كيان بالشر دخلت بسرعه للبيت ووققت قدام سحر وسيف اللي كانوا لسة بيتعابوا بعض وقالت

مافيش وقت للي انتم بتقولو دة. في عربيات ربع نقل جاية علي هنا وعليها رجاله بسلاح

سحر

انت مالك ومالنا. وبتخذرينا لية. انت مش المفروض جاية تسلمينا

كيان باستغراب

انا. دة انا جاية علشان الحقك انتي وكريم. ولازم نمشي من هنا بسرعه ونوديكي لاقرب مستشفي علي الدم اللي بينزل من ذراعك دة. وكمان نهرب من الرجاله اللي جاية دي واكيد جائيين في شر 

هنا اتكلم جد سيف الحج عفان وقال

اكيد دول اخوات وولاد فرج انا سمعت قبل ما يجي لي سلامه انهم بيدورا علي سلامه وناوين باخدوا التار منه هو بعد ماعرفوا ان سلامه ملهوش عيال من صلبه زي ما قال وطعن في شرف بنتي. الندل

وهنا وقف حسين اخو فرج قدام مدخل البيت ومع كام راجل من العيلة وفي ايديهم السلاح فقال 

سامحنا يا حج عرفان اننا جايين بيتك بالسلاح بس عرفنا ان جوز بنتك عندك وجاينا ناخد منه تار اخويا فرج

بص الحج عرفان لجته سلامه وقال

سلاحك اللي مرفوع في بيتي لية كلام تاني. واللي جائيين علشانه مات مقتول

بص حسين لجثه سلامه اللي غرقان في دماغه وراح ناحيته يتاكد انه ميت ومش ملعوب فقال حسين 

دة فعلا مقتول 

في نفس الوقت يدخل الظابط شعبان ومعه قوة من المديرية وبص ل حسين وجثة سلامه وراح شعبان ناحية جثة سلامه واتاكد انه مات فقال له حسين

خرجتني من المديرية يا باشا علشان تراقبني وتعرف انا ناوي اعمل اية

شعبان

ويارتني قدرت الحق سلامه منك

حسين

مش اللي عملتها يا باشا. انا جيت لقيته كدة.

بص شعبان لكل الموجودين وبعدها بص للحج عفان وقال

حج عفان الكلام اللي بيقوله حسين دة يا صح 

عفان

ايوة صح.  

شعبان

طيب انت اللي قتلته لاني عرفت من اهل البلد انه اتهجم عليك في بيتك وفي اللي سمعه وهو بيخوض في سيرة بنتك

عفان

كنت هعملها بس في اللي عملها قبل مني

شعبان

مين يا حج عفان 

سكت وماردش ولسة هايتكلم سيف مسكت سحر ايدة وقالت 

انا اللي قتلته

اتصدم سيف وقال

لا. انت،،،،،،،،،،،

سحر برقت ل سيف وقالت بحزم شديد

ما تنطقش ولا كلمه.

وبصت سحر للظابط وذراعها بيجيب في دم وقالت بصعوبه 

حاولت كتير اقتله لغاية ما قدرت 

شعبان 

والدم اللي نازل من ذراعك دة،،،،،،،

وقبل ما يكمل شعبان كلامه قالت سحر

بسببه هو.

بصت لها كيان وقالت بصوت واطي 

انتي كدة بتودي نفسك ل حبل المشنقة

بصت لها سحر وبدات تدوغ بسبب الدم الكتير اللي نزل منها وقالت بصعوبه

انا ميته من زمان من اول ليلة نمت فيها. برة ارضي وفي بلد غريبة

ووقعت سحر من طولها وشعبان طلب الاسعاف وخدتها كيان في حضنها وقالت

قولت لك لازم تروحي للمستشفي. انتي نزل منك دم كتير 

سحر

باين عليكي بنت حلال 

وبصت سحر ل سيف اللي كان جنب منها وبيعيط عليها وكريم زية. وقالت

سيف لو حصل لي حاجة خلي بالك من كريم

سيف

ماحدش هيكمل مع كريم غيرك 

وغمضت سحر عيونها ودخلت في غيبوبة، ،،،،،،،،،

في نفس الوقت كانت عفاف بتتكلم في الموبيل كالعادة مع خالد وبتقول له بعصبية 

يعني اية لسة عايشة وازاي سحر تسيبها بعد ماعرفنها انها عايزا الشر ليها ولابن بنتها

خالد

انا عايزك بس تهدئة. انت مش واخد بالك انك بقيت ما ركز مع كيان اكتر ما انت مركز في الموقع واللي المتابعين بتوعو بداو يهاجمونا بسبب ان طالبتهم ما اتنفذتش

عفاف بغضب شديد

انا مابقتش عايزا حاجة اكتر من اني اشوف كيان ميته

خالد

للدرجة دي

عفاف

كنت عايزني اعمل لما اعرف انها لسة بتحب حسن. 

استغرب خالد اوي وقال لنفسه

هو في اية مال العراف ومال حب كيان ل حسن دة كدة بقي الحكاية فيها أنه وباين ان العراف دة واحدة

قالت عفاف بحدة

انت يا خالد عماله اتكلم معاك وانت مش معايا خالص

خالد

سمعك. ومعاك. طيب تحب نعمل اية تاني

عفاف 

لسة موبيل كيان متهكر

خالد

لسة. 

عفاف 

كدة بقي هقولك تعمل اية، ،،،،،

ومن جوة شقة اسلام يقعد اسلام وهو حزين وعمال بفكر في كل اللي حصل وازاي بعد كل الحب اللي حبه ل كيان تطلع بتحب واحد تاني وفي عز تفكير اسلام وشيطانه المسيطر عليه. يسمع صوت خبط علي باب الشقة يبص للباب وهو مخنوق وما يردش يستمر الخبط لغاية ما يسمع صوت طارق والد كيان بيقول

يا اسلام انا عارف انك جوة افتح ما يصحش كدة. انت لا بترد علي موبيلك ولا كيان بترد في اية فهمني يا ابني. افتح انا زي ابوك 

وسمع صوت بكاء طارق وهو بيقول

وكيان بنتي قلبي قلقان عليها اوي

اتاثر اسلام وقام فتح لقي طارق ومن وراء منه حسن بص ل طارق وقال

عمي لو عايز تدخل تدخل انت بس

وبص ل حسن بصة كلها كره فقال حسن

انا لو مكانك لازم اضايق. بس ما ينفعش اطرد ضيف واقف قدام باب شقتي.

اسلام بعصبية

هو انت ليك عين تتكلم

حسن

طيب احترم فرق السن. واتكلم باسلوب احسن من كدة وانا لولا اني مقدر اللي انت في كنت عرفت ازاي ارد عليك.

طارق ل حسن

مش وقته يا حسن بالله عليك.

حسن

لا وقته. لما يحطني طرف في مشكلة بينه وبين مراته يبقي وقته. لما يكلمني ويحسسني اني راجل نجس وخاين يبقي وقته. انا عمري ما اتمنيت كيان ولا حبتها وهي بنوت بنوت او لما بقيت مراته. وهو عارف كدة من اخر مرة اتجمعنا فيها كلنا وازاي بسبب كلمة لا. اللي قولتها ل كيان عيشنا في الجحيم كام شهر ودلوقتي يطردني

وبص حسن ل اسلام وقال

اسمع يا ابني انا مش هنا علشان اثبت برائتي من خيانتي ليك. انا هنا علشان اقول لك ان العراف بيلعب بينا كلنا وبيضربنا في بعض من تاني وكمان قدر يخليك تسيب كيان في المشوار اللي كنتم في مع بعض. وحكاية بقي المؤشر في لعبة جهاز كشف الكذب دي حكاية بلدي اوي وباتنين جنية اعملك واحدة زيها واخلي المؤشر ينزل مكان ما انا عايز. انما انت عايز تعرف مراتك بتخونك ولا. لا. خدها في حضنك بصدق وشوف مؤشر قلبك هيقول الست دي خاينه ولا. بتحبك بجد. ويا اخي لو حتي بتخونك ازاي تسيب مراتك اللي انت بتحبها في مشوار لسة ما يتعرفش لية نهاية.  

بص له اسلام وحس قد اية حسن دة بيتكلم صح وهنا سمع حسن بيقول ل طارق

انا هنزل استناك تحت في العربية

ولسة هينزل حسن قال له اسلام

عمي حسن.  

بص له حسن فقال اسلام

انا اسف.

حسن

ما فيش حاجة. انا هنزل استني تحت وياريت تقدر تطمئن اب علي بنته اللي مايعرفش هي فين

اسلام

انت مش هتنزل واتفضل ادخل خلينا نكمل كلامنا جوة

بص حسن ل طارق ورجع بص ل اسلام ودخلو الشقة، ،،،،،

وبعدها بشوية ومن جوة شقة اسلام وبعد ما الكلام راح وجه بين الثلاثة قال حسن

انت لازم ترجع سوهاج بسرعه وترجع ب كيان علي هنا قبل ما العراف ياذيها

اسلام

انا هاتصل بيها

طارق

ما بيجمعش ويكتب لي ديما مكالمة محوله

برق اسلام وقال

كل مرة بيكتب لك مكالمة محولة

طارق

كل مرة.

اسلام

كدة موبيل كيان متهكر 

طارق

يعني اية بقي

اسلام

دة شغل كمببوتر وحسابات كدة معقدة. بس انا هاتصرف

وهرجع لها سوهاج حالا،،،،،،،،،،

وفي نفس الوقت كانت كيان قاعدة في المستشفي جنب الاوضة المحجوزة فيها سحر اللي كانو بيجزوها علشان تدخل اوضة العمليات. وجنب كيان يقعد سيف علي يمينها وكريم علي شمالها. وهنا تفتكر كيان فطلع الموبيل وتبص في صورها مع اسلام وتفضل تقلب في الصور وهي بتقول في سرها وعيونها ترغغ بالدموع 

والله زعلانه منك. واعي تفتكر انا هعدي لك اللي حصل دة بالساهل. لازم اخليك تقعد ايام كتير علشان تصالحني وبرضو مش هصالحك. دة انا بحبك تسيبني كدة وتمشي اية يعني ما وحشتكش. طيب خلاص ارجع وما تزعلش ولو علي حسن كل صوري معه همسحها بس انت ارجع 

وتفضل تقلب في الصور واي صورة ليها هي وحسن في اي مناسبة تمسحها لغاية ما سمعت كريم بيقول

ابلة مديحة

استغربت كيان وبصت ل كريم وقالت

ابلة مديحة مين

شاور كريم علي صورة ل كيان مع حسن وعفاف وقال

دي. هي عندك بتعمل اية

برقت كيان وبصت ل كريم اوي وقالت

انت تعرف الست دي

كريم

اة. كانت بتيجي عند سحر كتير واخر مرة قبل ما نيجي هنا ب سبعه يوم 

كيان

كريم يا حبيبي. دي واحدة ميته. تلاقيك انت شوفت واحدة شبها 

كريم

والله العظيم هي.  

وهنا بصت كيان للاوضة المحجوزة فيها سحر وقالت باستغراب شديد

يعني اية. وازاي. ولو هي خالتي عفاف. يبقي اية اللي بينها وبين سحر. ،،.،،،،،،

ولغاية هنا الديك اذن. سلام 

الحلقة الثانية عشر