موسي و الفرعون
★الحلقة العاشرة★
الاخيرة
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفضل يحرق في رقبة والنار بدات تجري في عروق الدم بشكل يرعب وهنا يسمع اسمرتن تاغ صوت. يخلي يصرخ ويترعب ويبص وراء بصعوبة علشان يلاقي مومياة يونس بتقف وبتصرخ باعلي صوتها وفي الوقت دة يلاقي موسي
نفسه بيصرخ والنار بتحرق جسمة كله ومابقاش فاضل منة الا الرماد.وفي الوقت دة يلاقي موسي نفسه علي سرير في عيادة خاصة للامراض النفسية وبيتعرض لجلسات كهرباء تحت اشراف الدكتور زاهر قريب مراته داليا بص له موسي وجسمه كله بيتنفض ومش مستوعب اللي بيحصل وخلصت الجلسة ودخلت داليا وهي حزينة علي موسي جوزها وبتمسك بايدة وبتعيط وهو بيبص لها وبيقول
انا ميت انت ازاي ماسكة ايدي. هو انتي كمان موتي
داليا
بعد الشر عليك من الموت يا حبيبي. انت بخير
موسي وهو بيتكلم باسلوب المنكسر
بخير ازاي بس والفرعون اسمرتن تاغ حرقني. وشيمونا كانت قدامي
داليا
ما فيش حد من الناس دي هنا انا بس اللي معاك.
وهنا يقف زاهر قدام منه ويقول له
اجمد يا بطل قربنا نخلص العلاج وكل الناس اللي انت فاكر. انك بتشوفهم هيروحو ومش هيرجعوا تاني
موسي بنظرة برئية كلها طيبة
هو انت كمان شايفني طيب ازاي. انا ميت
داليا وهي بتعيط
ما تقلش كدة انت بخير والله بخير
وتترمي في حضنه ،،،،،،،،،
وبعدها بشوية تقف داليا وهي بتعيط قدام الاوضة المحجوز فيها موسي وبتبص له وهو نايم ويقف وراء منها الدكتور زاهر ويقول لها
هتفضلي واقفة كدة
داليا
صعبان عليا موسي
زاهر
انتي هتخليني اندم اني اتصلت بيكي وكلمتك وعرفتك اني لقيت موسي
داليا
يعني تبقي عارف انا قلقانة علي قد اية. واتصلت بيك علشان تلاقي لانه من ساعه ما سافر الفيوم من يومين ما ارجعش وانت تلاقي مرمي علي الاسفلت في طريق الفيوم وتخبي عليه
زاهر
انتي عارفة والاغرب من اني لقيته مرمي علي طريق الفيوم. ان هو قال لك ليلتها انه رايح يقايل كمال الفرعون زي ما انتي قولت لي
داليا
ايوة فعلا دة حصل وفاكرة ساعتها انا قولت له بلاش
زاهر
انت تقولي بلاش او ما تقوليش. هو عمره ما كان هيقابل كمال الفرعون
داليا باستغراب
لية بتقول كدة
زاهر
لان كمال الفرعون وبنته الوحيدة مريم ماتو في حادثة عربية من شهر. وموسي نزل البلد وحضر دفنتهم
داليا باستغراب شديد
اومال موسي كان نازل الفيوم ليلتها يقابل مين
زاهر
موسي مريض نفسي بمرض وهم كوتار.
داليا.
من انت قولت لي كدة في الموبيل وما فهمتش تقصد اية واية هو المرض دة.
زاهر
تعالي نروح مكتبي ناخد فنجنين قهوة واحكي بالتفصيل،،،
ومن جوة مكتب زاهر يقعد زاهر مع داليا وقدام منهم القهوة وبياخد زاهر رشفة من فنجانه ويقول
مرض وهم كوتار بيكون من تلت مراحل. المرحلة الاولي اسمها النشوء والمريض في المرحلة دي بيصاب باكتئاب ذهني ووساوس مرضية لا وجود لها من الاساس. ودة نفس اللي حصل مع موسي لما اتوهم بوجود مقبرة فرعونية لحد اسمه اسمرتن تاغ. وان الفراعنه سخروا الجن في بناء الاهرمات والتحنيط ونحت التماثيل وكل دة كلام مافيش معه اي دليل مادي. والمرحلة التانية اسمها التفتح وهنا بقي المريض بيبدأ يصاب بنوع من انواع الانفصام ويكلم ناس ميتة ومش موجودة اصلا. دة كمان ساعات بيفتكر نفسه هو كمان ميت. ونوصل للمرحلة التالتة اللي فيها موسي دلوقتي. وهي مزمن وهنا بقي يبدأ المخ يخرج عن سيطرة المريض ويصاب باوهام شديدة واكتئاب مزمن
داليا
بالراحة علية يا زاهر انا مش زيك. يعني افهم من كدة ان موسي بقي مجنون وجنانه خطر ولا اية بالظبط
زاهر
الأشخاص المصابون بمرض وهم كوتار مع مرور الوقت الوهم إللي هما عايشين في يخليهم عندهم استحالة الإحساس بالواقع وديما شايفين الحاضر مستقبل والماضي حاضر ويتكلموا مع ناس ماتت كانو علي اتصال معاهم وهما عايشين. الوهم بيزيد في حالة زي حالة موسي يتكلم مع ناس مش موجودة ويسمع اصوات مش حقيقة ويتنقل بين الزمن زي ماهو عايز العقل اصبح عدو اول ووحيد لجوزك
داليا
عقلة عدوه. طيب ازاي
زاهر
موسي مريض نفسي من فترة والمرض عنده كان مرض
ال انا. انا اعلم اهل الارض انا عقلي ما فيش اي عقل زية انا انا انا. كل دة ما ستحملوهش العقل وبدأ يحارب موسي واتحول عقلة لشخص اسمه اسمرتن تاغ من تاليفة وبدأ يحاربه وكانه عدو لي.
داليا
يعني عقل موسي كان عايز يخلص علي موسي نفسه
زاهر
شوفتي بقي. ال انا وصلت موسي لحاله انفصام كانت هتخلص عليه. دة لدرجة انه تخيل انه سمع مريم وهي مع ابوها كمال بيتكلمو عنه وهو في طريقه للفيوم
داليا
والمرض دة لي علاج يا زاهر
زاهر
جلسات الكهرباء مع مضادات الاكتئاب والذهان. لازم عقل موسي يقف شوية علشان يقدر موسي يسيطر علي العقل اللي بدأ يحاربه
داليا
يعني بالبلدي. غرور موسي والكبر بتاعه خلي ربنا يسلط عليه عقلة
زاهر
العقل نعمه وزينه ربنا اللي زين بيها عباده علشان يتدبرة خلقه ويعبدوا بي. لو استخدم العقل في مكان مش مكانه لازم يحصل الخلل دة.
داليا
سبحانك يارب درسك لموسي كان درس ممكن يكلفة انه يخسر عقله
زاهر
بس يارب موسي لما ربنا يتم شفاء علي خير. يكون اتعلم الدرس كويس ،،،،،،،
وتمر الايام ويبدأ موسي يستجيب للعلاج وكان قاعد في جنينة قدام عيادة زاهر وجت له داليا ويونس في زيارة قام لهم موسي وخدهم في حضنه وقال
وحشتنوني اوي
داليا وهي فرحانه برجوع جوزها ليها
انت اللي وحشتنا اوي.
يونس وهو في حضن ابوه
حمد لله علي سلامتك يا بابا
موسي وهو بيبوس يونس
قلب بابا من جوة
وبص موسي ل داليا وقال
خلي زاهر بقي يخرجني من هنا.
داليا
ما تستعجلش خليك لغاية ما تبقي كويس
موسي
انا بقيت كويس. والله
داليا
قول الحمد لله
موسي
الحمد لله علي كل نعمه واهم نعمه. العقل. اللي هي اغلي من الذهب،،،،،،،،،،،،
النهاية
خلصت حكايتنا اللي يارب تكون عجبتكم. مستني رايكم.
ومعلش لو القصة كانت معقدة شوية في احداثها. بس هي قصص الغموض كدة. تحب الغموض. سلام
بص بقا ياسيدي. هي مش حلوه لا هي جامده وانت مؤلف محصلتش اقسم بالله. انت بجد الفنااااان
ردحذفتحفه بجد هي اه كانت بتخلينا نلف حوالين نفسنا بس ماننكرش انك مؤلف عبقري👍👍👍👍
ردحذفجميله جدا ومختلفه ورائعه
ردحذفكانت حلقات غمض وىمثيره فىنفسى الوقت كامن لزم نعرف انى العقل اكبر نعمه من عن ربنا
ردحذفطبعا كانت مثيره ورائعه
ردحذفتحفه تحفه 👌👌👌🌹🌹🌹🌹
ردحذف