دموع تحت اقدام عشق الحلقة الاخيرة

 موسي و الفرعون
   ★الحلقة التاسعة★
                      
من تاليفي، ، 
محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★لكن القط عمال ينو نو وموسي مستغرب وقام وقف لانه حس ان القط عايز يودي مكان وفعلا بمجرد ما وقف موسي بدأ القط يتحرك وهو بيبص علي موسي وموسي بدأ يمشي وراء القط لغاية ما وصلو لحيطة بص موسي لقي القط بيعدي وسط الحيطة ويختفي وقف موسي قدام الحيطة دي بيحاول يفهم لية القط دة جابة هنا وكان مكتوب علي الحيطة. بالرموز الفرعونية لكن موسي لا قادر يفهم ولا مستوعب اية اللي مكتوب وفضل يبص للحيطة ويمشي ايدة علي الحيطة وفي المكان اللي دخل جوة منه القط لقي درج يشبة درج المشرحة بيتفتح وبيشوف جوة الدرج مومياء لجثة متحنطة وملفوفة بشاش ابيض خرج المومياء دي وبدأ يفك الشاش عن وشها علشان يشوف جثة ابنة يونس وهو عنده 10 س.
فاستغرب جدا وقال

اومال اللي انا شوفته من شوية دة مين 

ولقي الحيطة بتقع وبتظهر من وراء منها شقة موسي وباب الشقة بيتفتح وموسي بيدخل الشقة وداليا ويونس مسندينه وتقع عيون موسي علي نتيجة بتاربخ 2022/11/20 وهنا سمع داليا بتقول 

نورت بيتك

يونس

الف حمد علي سلامتك يا بابا

موسي بصعوبة

الله يسلمكم. بس هو اية اللي حصل 

داليا

وانت راجع من الفيوم عربية نص نقل دخلت في عربيتك

ولولا ستر ربنا كان زمانك حصلت سواق النص نقل

موسي

شاذلي

داليا

ما عرفش اسمه اية. بس التحريات اثبتت انه هو اللي غلطان وكانه كان قاصد انه يدخل فيك 

موسي

والعربية فين

داليا

هو بقي في عرببة هي حتة صفيحة وصيت ونش يجبها علي هنا

موسي

انا بقالي قد اية في المستشفي

داليا

حوالي 9 ايام.

ويفتكر موسي البردية فيبص علي ذراعه ويشوف البردية رجعت تاني علي جسمة لكن ما حدش شايفها غيرة لحظت داليا فقالت

بتبص علي اية. جسمة من جوة ما فيهوش جروح هي بس دماغك اللي حصلت لها سكتة دماغية ورحعت تاني تشتغل

استغرب موسي وقال

سكتة دماغية. يعني المفروض اكون موت

داليا 

كل الدكاترة قالو كدة. بس حكمت ورحمت ربنا كانت فوق كل شي. ورجعت الدماغ تشتغل تاني واهو انت قدام مننا ومعانا. المهم بقي كتر الرغي دة غلط عليك انت لازم تاخد العلاج دلوقتي وترتاح. 

وبالليل وبعد ما نامو سمع موسي صوت اسمرتن تاغ بيقول

جة وقت العبد يوهب للفرعون اللي اغلي من الذهب 

موسي يرد

والعبد جاهز

وقام موسي من علي السرير. وغمض عيونه ومشي وراح ناحية اوضة يونس اللي كان نايم وقرب من يونس وحس بي يونس فقال

بابا. انت ماشي وانت مغمض

لكن يونس كان شايف كويس جدا وحط ايدة علي مناخير وبوق يونس اللي حاول يهرب من ايد موسي لكنه ما اقدرش وفضل يقاوم ويقاوم علي قد قوته لغاية ما طلعت روحة للي خلقها وهنا تدخل داليا وتشوف المنظر فتصرخ لكن موسي رمي عليه تراب اسود خلاها تقع مغمي عليها، ،

وبعديها بشوية كانت داليا جوة اوضة مربوطة في كرسي وعلي تربيزة تشريح ينام يونس وهو ميت وداليا بتصرخ وبتقول

حرام عليك اللي انت عايز تعمله دة. ادفن يونس وبلاش افكار الشيطان تسيطر عليك. مش كفاية انك قتلته 

موسي

لازم اتاكد من السر اللي وصلت له وهبدأ بالتحنيط. وابننا هو البداية 

داليا

انت رجعت من الفيوم مجنون رسمي قتلت ابنك علشان تقدمه للجن. تقدمه للكاهن اسمرتن تاغ. خرجني من هنا انا لازم افضحك قدام الدنيا كلها يا مجنون

موسي 

مجنون علشان عايز اخليكي مرات اشهر عالم اثار في العالم

داليا

بانك توهب ابنك للجن.

موسي وهو بيهز دماغه بشكل غريب ويقول

بوهبه للعلم. دلوقتي هتشوفي ازاي الفراعنه كانو بيحنطوا الملوك والامراء 

بدات تصرخ داليا وموسي بيخلع القميص بتاعه وبيبص ل يونس وهنا ظهرت البردية تاني علي جسم موسي زي ما كانت موجودة في الاول وغمض موسي عيونة وبدأ الكاهن اسمرتن تاغ يتحكم في جسم موسي وظهرت وبدأ موسي يمشي ايدة علي جسم يونس والخلايا اللي بتتحل وتسبب ان الانسان جسمه ياكلة الدود تتجمد هذة الخلايا بتعويذة 

قالها موسي بصوت اسمرتن تاغ وخرج من ايد موسي اليمين حشرة شكلها غريب لكنها مش من الحشرات اللي يعرفها البشر وبدات الحشرة تدخل في مناخير يونس وتاكل خلايا المخ بشكل مرعب لدرجة ان جسم يونس كان بينتفض بعد الموت وداليا بتصرخ وبتقول

اوقف اللي بتعمله دة. حرام عليك ابنك.

لكن ولا شي وقف وفضلت الحشرة تاكل في خلايا المخ وداليا تصرخ وتصرخ بتطلب المساعدة لكن كان باين جدا ان ما حدش سمعها وقالت

يارتك كنت مت في حادثة وارتحنا من شرك. اية اللي رجعك اية اللي رجعك. بقيت خبيث زي اللي فتحت مقبرتة

لكن موسي ما كنش متحكم في جسمة واسمرتن تاغ انتهي من تحنيط يونس ولفة في شاش وهنا شاف موسي شيمونا لكن اللي خاف منها اسمرتن تاغ اللي قال لشيمونا

جيتي متاخرا المرة دي يا شيمونا. موسي ويونس بقوا ملكي

شيمونا 

موسي لسة ما تجننش وانا هنا علشان اساعدة ولعبة الوهم اللي انت عيشتة فيها مش هتخليك تقدر عليه

فيضحك اسمرتن تاغ ويقول

كل دة علشان موسي يبقي حفيد. حبيبك يا ملعونة

شيمونا

العيلة دي كلها في حمايتي. ولو ما فيهمش اللي يقدر يوقفك انا هقدر

اسمرتن تاغ

انتي لسة مصدقة انك تقدري تعملي حاجة انتي مطرودة من عالم الجن بعد ما سيبتيني وروحتي وعشقتي انسي

شيمونا

للمرة الاخيرة ابعد عن حفيد جوزي والا، ،،،،،،

فيصرخ اسمرتن تاغ في ودان موسي. فيصرخ موسي ويتوجع ويقول. اسمرتن تاغ بتهديد 

والا اية. تحبي اخلص عليه واحنطة زي ما عملت في ابنه

شيمونا بتوسل

كفاية هيموت في ايدك

ويتوقف صراخ اسمرتن تاغ في ودان موسي ويقول 

علي مر العصور ما حدش قدر يقولي لا. الا انتي. حرمتيني من عينية وخلتيني اعمي 

شيمونا

كنت بحمي نبيل منك ومن شرك. 

اسمرتن تاغ 

تسيبي مخلوق من نار وتعشقي مخلوق من طين. اهو مات وسابك وحفيدة وابنه بقوا ملكي. موسي انا جننته وفي الوهم عيشته وعقله بقي ملكي وجسم ابنه كمان ملكي امتلكت عقل وجسم اثنين من نسل نبيل. يعني كل اللي هتقدري تعملي انك تتفرجي عليه وانا بخلص علي نسل الانسي اللي قلبك اختاره

شيمونا

وتفتكر اني هسيبك تنفذ اللي بتخطط لي

اسمرتن تاغ

موتي يساوي موت موسي. وانت وعدي الانسي قبل ما يموت انك هتحمي اللي من نسله 

شيمونا

ما تنساش ان موسي بيشوف بعيونك وهو قافل عيونه ولما بيفتح بيشوف بعيونه هو. وانت ما تقدرش تشوف اللي هو شافة وفي الوقت دة هتكون نهايتك يا اسمرتن تاغ

يضحك اسمرتن تاغ بشر ويقول

قريب اوي هخلي يصدق انك داليا وهيخلص عليكي بايده

ويضحك اسمرتن تاغ ويضحك ويضحك وتختفي شقة موسي وتظهر القطة الفرعوني قدام موسي وتتحول لشيمونا وتبص لموسي وتقول

هي دي الحقيقة اللي انت كنت عايز تعرفها ولازم تعرفها عدونا واحد. واسمه اسمرتن تاغ. اللي قدرت اسجنة لسنين طويلة جوة مومياء الفرعون امنحتب الاول لكن جدك حرره بعد ما وصل للسر اللي في كتاب حضارة الجن الاعظم قدرت احمي جدك منه واتعمي بسببي وسجنتة لتاني مرة لكن قدر يخليك تدور عليه وتوصل له وخلاك توهب له عقلك. الغرور والكبر خلصو عليك يا موسي وعلي ابنك يونس 

فتنزل دموع موسي ويبص علي أيدة ويقول

يعني انا اللي خلصت بايدية علي ابني

شيمونا

مافتكرش ان دة وقت الندم علي اللي فات. لازم تنقذ ما يمكن انقاذة وتوقف اسمرتن تاغ وتساعدني اسجنة لتالت مرة والا هتبقي الدنيا عبارة عن عبيد للفرعون 

موسي

انا ما قدرش اعمل اي حاجة وعقلي مش ملكي

شيمونا

حرر عقلك واوعي تخلي يوريك اللي هو عايزة بعيونة. انا معاك مش ضدك. مهما حاول يزرع جوة منك عكس الكلام دة اوعي تصدق. 

موسي

وفي ايدية اية اقدر اعمله

شيمونا

حرر عقلك منه

موسي 

ازاي ازاي

شيمونا

انا عملت اللي اقدر عليه لكن اول ما تحرر عقلك منه مش هتبقي عبد لي. وقتها هتلاقيني بساعدك

موسي

ولية ما ظهرتيش من الاول وحذرتيني منه.

شيمونا

ما كنتش اعرف قدر يوهمني ويخليني اشوفك وانت بخير ما كنتش اعرف انه اتمكن منك 

موسي

انت من الجن زية وماقدرتيش عليه. عايزاني انا اقدر عليه

شيمونا

انت اللي روحت لغاية عنده وخد البردية اللي كنت سجناه بيها ورجعت هاله بايدك وخليته هو المتحكم. لكن ارجع واقول حرر عقلك منه. تقدر عليه

موسي 

ازاي ازاي. واية اللي يخليكي دلوقتي مطمئنة انه مش سامعنا وعارف انتي قولتي اية

شيمونا

ما يقدرش لغاية دلوقتي يشوف بعيونك وهيفضل ديما مش شايف طول ما انت مفتح عينك. اي احداث حصلت وقت الحادثة واي احداث حصلت وكنت فاكر انها من المستقبل. دة وهم زرعه جوة اسمرتن تاغ علشان يجننك وكنت وقتها في غيبوبة وقدر يخليك تشوف وتسمع كل اللي هو عايزا 

موسي

انا مش فاكر اي حاجة

شيمونا

اسمرتن تاغ قدر يمحي الذاكرة بتاعتك. هو دة اسلوبة مع اي حد يوهب له عقله ويصدقة

موسي

طيب دليني علي اول الطريق

شيمونا

الحادثة. ومش هقدر اساعدك اكتر من كدة

موسي

قولتي اية

شيمونا باستغراب

الحادثة

موسي 

مش قادر اسمع

وهنا غمض موسي عبونه وبدأ يتحرك بسرعه ناحية شيمونا ولف ايدة حوالين رقبتها وقال اسمرتن تاغ بصوت مخيف

عبدي قالي انك هنا

شيمونا وهي بتحاول تفلت من ايد اسمرتن تاغ

موسي ما هيفضل عبدك كتير مسيرة هيتحرر منك. ويرجع له عقلة

فيضحك اسمرتن تاغ اوي اوي ويقول

تفتكري ان العبيد ممكن يتحرروا في الزمن دة.

ويضغط اكتر واكتر علي رقبة شيمونا ويقول بشر

احسن لك تبعدي عن العبد بتاعي. لو عايزا تعيشي

شيمونا بنظرة تحدي

انا بجري في دمك وما تقدرش تقتلني دة حب 3000سنة 

فيسيب اسمرتن تاغ رقبة شيمونا ويقول

معاكي حق. حب 3000 سنة.  

وفي الوقت دة خرج اسمرتن تاغ من ايدة نار سودة ومسك رقبة شيمونا بمنتهي الغل وقال

حب مات من يوم ما فضلتي عليه الانسي

وفضل يحرق في رقبة والنار بدات تجري في عروق الدم بشكل يرعب وهنا يسمع اسمرتن تاغ صوت. يخلي يصرخ ويترعب ويبص وراء بصعوبة علشان يلاقي مومياة يونس بتقف وبتصرخ باعلي صوتها وفي الوقت دة ي،،،،،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. 

استنوني بكرة باذن الله والحلقة الاخيرة من. موسي والفرعون.  

الحلقة العاشرة والاخيرة