موسي و الفرعون
★الحلقة الثامنة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★قالت
مراتك. ملكة ملوك الجن اللي عيشت معها سنين وسنين وانت ما تعرفش انها متجوزاك علشان تنتقم من موت جوزها علي ايدك.
موسي
جوزها مين
قالت
جدك
اتصدم موسي.
ورجعنا تاني لموسي في المستشفي واسمرتن تاغ موسي كان بيبص له وبيقول
الذكريات دي مش بتاعتي. انا ما قتلتش جدي انت كذاب وازاي اعرف قبل ما اتجوز ان مراتي هتكون من الجن واعيش معها السنين دي كلها.
اسمرتن تاغ
الكتاب اللي كشف لك السر بيمحي أي ذاكرة حصلت قبل دخولك الاوضة بيوم وبعد خروجك من الاوضة بثانية. يعني اخر يوم ليك في سن 19 سنة. انت عمرك ما هتفكتروا ولا هتفتكر حصل في اية. والا تقدر تقولي عرفت ازاي ان في مقبرة ليا
بدأ موسي يسترجع ذكرياته وقال
من بحث نادر لقيته علي النت بالصدفة لدكتور انجليزي في علم التاريخ اسمه هاري كرستين
اسمرتن تاغ
هاري كرستين. ولو قولت لك ان مافيش دكتور تاريخ بالاسم دة وانا مراتك داليا. او خليني اكون صربح معاك هي اسمها شيمونا. ملكة ملوك الجن اليهودي. هي اللي زرعت البحث دة قدام منك علشان تبدأ تدور علي مقبرتي تقول اية
موسي
اقول انك كداب وبتلعب بدماغي. عايزني اتجنن انا مش مجنون فاهم. وفاكر كل اللي حصلي من وانا عندي 7 سنين. وجدي مات وانا كنت في القاهرة ساعتها بحضر لعيد ميلادي. ومافيش اوضة فيها كتاب وعمرة ما قعد معايا وحكي عن الفراعنه انا بس اللي في العيلة اخترت المجال دة. واقولها لك تاني باعلي صوت عندي انت مش هتعرف تجنني.
اسمرتن تاغ
انت فعلا مجنون ودماغك بقيت ملكي وانت وهبتهالي يوم ما رجعت البردية للمقبرة وبقيت ليا مجرد تابع وعبد زيك زي اي عالم اختار طريق الجن في الوصول للشهرة انت فاكر انك هتسخرني علشان تنجح انت. غبي انا اللي سخرتك زي ما سخرت قبلك علشان افضل عايش اتغذي علي عقول اللي زيك المتكبرين المغرورين اللي فاكرين ان عقولهم تساوي عقول كل البشر. وانت من النهاردة ما بقتش انسي انت من الجن وعلشان اكون صريح معاك انت من العبيد
موسي
ازاي اكون مخلوق من طين وتقول عليه جن
اسمرتن تاغ
شيمونا خليتك عبد ليا. وعرفت ازاي تنتقم من موت جدك حبيبها علي ايدك. وانا اشتريتك منها وانت وهبت لي عقلك. لية مش عايز تبقي معايا دة انا هخليك اشهر عالم تاريخ عرفته البشرية. دي شكرا اللي المفروض تقولها ليا
موسي
اقول لك شكرا لانك خلتني منكم. هعيش انسان محروم من عقله اللي ربنا كرمة بي علشان ابقي مجرد تابع وعبد لمخلوق من نار
اسمرتن تاغ
انت اللي دورت عليه وانا اهو قدام منك.
موسي
انا ما بقتش عايز حاجة غير اني ارجع زي الاول وابعد عنك وانت كمان ابعد عني
اسمرتن تاغ
بيقولو عندكم بالمصري. اللي يحضر العفريت يصرفة. وانت لو تعرف تصرفني اصرفني بس انا محتاج ابني حضارة جديدة في العالم دة. عالم جاهز لاي فاسد يحكمة تخيل بقي ان الفرعون يرجع يحكم. مش تبقي برضو بداية لنهاية تليق باغبي مخلوق خلقة ربنا
موسي باستغراب
فرعون اية اللي يرجع يحكم
اسمرتن تاغ
أنا فرعون الجن اسمرتن تاغ. مهندس ودكتور كل العصور والحضارات. اللي انت شايفها بعيونك
موسي
انت ناوي علي اية بالظبط
اسمرتن تاغ
وريتك اللي انا ناوي عليه وهو انك تختفي 20 س. وابقي انا يونس ابنك وترجع لشيمونا مراتك حبيبتك وانت فاكر انها داليا. وتشوفني وانا بكبر وببني الهرم الرابع. وبتكرم من العالم كله بس بقي المرة دي عايزك تفرح لي يا بابا.
استغرب موسي وقال
لما انت اسمرتن تاغ لية تستني 20 س. علشان تبني الهرم الرابع
اسمرتن تاغ
مش لازم ابنك الميت يكبر ويوهب لي عقلة.
موسي
سيب ابني في حاله وخد اللي انت عايزه مني انا
اسمرتن تاغ
شيمونا ناوية تكمل علي اللي فاضل منك وانا ماقدرش ازعلها طلبت منها جسم يونس بعد عقلة وهي واقفت.
موسي
هتعمل فيا اية تاني بعد اللي عملتو دة
اسمرتن تاغ
بلاش تعرف دلوقتي شوف قدام هيحصل لك اية
وراح اسمرتن تاغ ناحية دماغ موسي وبدأ يمحي كل ذاكرتة واللي شافة واللي سمعه ويتوجع موسي وذكرياته قدام منه بتتحرق والنار بتاكل فيها وانتهي اسمرتن تاغ واختفي من الاوضة بعد ما ساب لموسي اللي عايز يسيبة وبس.،،،،،،،،
وبعد 20 س. يرجع موسي لبيته وهو باين عليه السن ويترمي في حضن داليا ويونس ابنه اللي فضلو يعيطوا وداليا تساله
كنت فين الفترة دي كلها يا موسي
موسي وهو بيهز دماغه
ماعرفش
يونس
اهون عليك تبعد عني الوقت دة كله
موسي بحب شديد
كبرت يا يونس وبقيت عريس
ويترمي موسي في حضن ابنه وهنا يظهر اسمرتن تاغ في صورة راجل كبير في السن لكن موسي مايعرفهوش طبعا وبص له موسي وقال
مين دة يا داليا
داليا وهي وشها في الارض
دة جوزي استاذ باهر.
موسي بصوت حزين
انتي اتجوزتي. هو طلقتك علشان تتجوزي
داليا
لما غيبت والمصاريف زادت عليه انا وابني كان لازم اتجوز رفعت قضية والمحكمة حكمت لي بالطلاق بسبب غيابك لسنين
وبص باهر او اسمرتن تاغ ل داليا وقال بحدة
مين دة ردي عليه
داليا
دة موسي ابو يونس
باهر
دة اللي كان تايه
يونس
يا ريت تتكلم باسلوب احسن من كدة عن بابا
باهر
اسمع يا ابني انا كلامي مع مراتي مش معاك انت فاهم ولا افهمك بطرقتي
موسي. ل باهر
خلاص يا استاذ باهر الموضوع مش مستاهل انا مش جاي الخبط حياتكم. انا زي ما جيت همشي
باهر
تمشي وما شوفش وشك هنا تاني
موسي
طيب امشي اروح فين وانا ماعرفش الا الشقة دي ابات فيها
باهر
شوف انت كنت فين ال 20 س اللي فاتو
وبدأ باهر يزق في موسي برة باب الشقة وهو بيقول بحدة
يلا يا خويا من هنا ومش عايزين نشوف السحنة دي تاني
وخرج موسي برة الشقة واتقفل الباب وبدأ الوهم يتمكن من موسي وسمع صوت ضحك داليا مع باهر فبص حوالين منه ملقاش اي حد استغرب من الصوت القريب جدا منه لكنة قعد علي السلم مش عارف يروح فين وهنا ظهر له كائن غريب يشبة القط الفرعوني بص له موسي والقط الفرعوني عمال يبص له. وبدأ ينو نو اكتر من مرة موسي. وهو عمال يبص للقط
مش معايا اكل والله
لكن القط عمال ينو نو وموسي مستغرب وقام وقف لانه حس ان القط عايز يودي مكان وفعلا بمجرد ما وقف موسي بدأ القط يتحرك وهو بيبص علي موسي وموسي بدأ يمشي وراء القط لغاية ما وصلو لحيطة بص موسي لقي القط بيعدي وسط الحيطة ويختفي وقف موسي قدام الحيطة دي بيحاول يفهم لية القط دة جابة هنا وكان مكتوب علي الحيطة. بالرموز الفرعونية لكن موسي لا قادر يفهم ولا مستوعب اية اللي مكتوب وفضل يبص للحيطة ويمشي ايدة علي الحيطة وفي المكان اللي دخل جوة منه القط لقي درج يشبة درج المشرحة بيتفتح وبيشوف جوة الدرج مومياء لجثة متحنطة وملفوفة بشاش ابيض خرج المومياء دي وبدأ يفك الشاش عن وشها علشان يشوف، ،،،،،،،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
ياترى هيشوف أى جثته مثلا ماهو الوحد ممكن يتوقع أى شىء أو جثت أبنه يونس بجد روعه تحفة
ردحذفجميله
ردحذفدا موسى بسبب حب معرفته للحضاره ضيع نفسه هو كويس انك تعرف حضارتك بس مش لدرجة الجنون
ردحذفده جنون
ردحذف