موسي و الفرعون
★الحلقة السابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فتبتسم داليا ابتسامه غريبة وتبص ل يونس اللي كان بيقول
الجن اللي زيك ما يشوفش الا جن زينا. اللي يدور علينا نلاقي.
داليا
انت الموعود اللي حررت الكاهن اسمرتن تاغ ملك الجن السفلي
وفي الوقت دة يظهر اسمرتن تاغ في صورته الحقيقة ويقول
اهلا بيك في عالم الجن. دكتور موسي
فيتصدم موسي. ويقول
دة وهم وكذب انا بني ادم وعمري ما كنت من الجن
اسمرتن تاغ
ازاي بس. نسيت لما جدك اداك حكي لك علي سر الاوضة الاخيرة في بيت الفيوم. وقال لك،،،،،،،
ونرجع بالاحداث لكام سنة وبالتحديد في ليلة قمرها كان مغيم وكانة مطموس وتحت القمر بالظبط كان قاعد موسي مع جدة ابوة والدته واسمه نبيل وكان وقتها موسي لسة عيل ابن 10 سنين. ونبيل بيفرجوا ويحكي لة عن الفراعنه وعن كل انجازتهم وازاي حققوها بتسخيرهم للجن فقال موسي
يا جدي انا اول مرة اسمع الكلام دة. عرفته ازاي
قرب نبيل من موسي وقال
انا متجوز من الجن
اتصدم موسي ورجع لوراء من الخوف وقال نبيل
مالك خوفت لية كدة. دة انا بقول انك شبهي في كل حاجة يطلع قلبك خفيف كدة.
موسي
ازاي بس تتجوز منهم
نبيل
وفيها اية دة انا متجوز ملكة كمان. وعرفتني اسرار ما حدش يعرفها وجمعت كل اللي عرفته منها في كتاب حطو في الاوضة دي
وشاور نبيل ناحية شباك اوضة مقفول وباين علية انة ما بيتفتحش ابدأ بص موسي ناحية الشباك ونبيل كان بيقول
الكتاب دة في اللي اغلي من الذهب
موسي
طيب وستي عارفة انك متجوز واحدة من الجن
نبيل
لا طبعا. دي كانت تروح فيها
موسي
طيب يا جدي انا عايز اشوف الكتاب دة
نبيل
دلوقتي مش هينفع لازم اموت انا وتكمل انت 20 سنة. وتقضي اول ليلة بعد ال 20. جوة الاوضة علشان يظهر لك الكتاب
موسي
هستني كل دة
نبيل
اخاف عليك انت لسة صغير
موسي
متخافش انا والله كبرت. وبقيت احب الاثار اوي وحكايات الفراعنه منك ومش هقدر استني وانا عارف ان في كتاب مليان اسرار وبيحكي عنهم
نبيل
لا هتستني وبعد ما موت ابقي افتح الاوضة وقضي اول ليلة فيها بعد ما تم ال 20. اوعي قبل كدة.
وعديت السنين وكبر موسي وبقي عنده 19 سنة. و11 شهر و30 يوم. وفاضل بالظبط يوم ويتم ال 20. وفي اليوم دة الصبح موسي راح لجدة وقال
انت عارف انا هتم كان سنة النهاردة
نبيل
هتم ال 20. الساعه 12 بالليل
موسي
يعني ينفع اخش الاوضة النهاردة واشوف الكتاب
نبيل
ازاي وانا لسة عايش
موسي
وهيفرق اية
نبيل
دة شرطي من مراتي الجنية. اني اللي اعرفة مايعرفهوش تاني طول ما انا عايش. لانه سر عظيم. هيخلي صاحبة اعلم اهل الارض. والسر ما يبقاش سر لو خرج منك
موسي بعصبية
بس انا مش هقدر استني تاني دة انا ماصدقت اني هتم
ال 20.
نبيل
استني يا موسي لغاية ما اموت
موسي بشر
ولية استني. انا لو قدرت اخليك تنسي اللي تعرفه مش تبقي برضو زي الميت
نبيل باستغراب
عايز تحرمني من ذاكرتي
موسي
هيحصل لك اية يعني. مش مهم تبقي عايش
نبيل
عايش من غير ماضي عايش مش عارف انا مين ودي تبقي عيشة
موسي
مش هستحمل اشوف غيري اعلم اهل الارض. والسر اللي في الكتاب لازم اعرفه
وقرب موسي من نبيل اللي قام وقف وقال
موسي انا جدك ازاي تقدر تاذيني
موسي وهو بيقرب من جدة
انا عايز مصلحتك كل اللي تعرفه مش هيفيدك لانك مش دارس زيي لكن انا اقدر استخدم السر اللي في الكتاب وابقي اشهر عالم تاريخ في الدنيا كلها
وهجم موسي علي جدة وكتم بوقة بايدة وحاول جدة انة يفلت من هجوم موسي عليه لكن موسي غرز ابرة من الابر الصينية في عصب من اعصاب المخ خليت نبيل يقع فاقد الوعي. ،،،،،،
وبعدها بشوية ومن جوة اوضة من اوض البيت اللي كان فاضي بعد موت مرات نبيل وهي جدة موسي قعد موسي قدام جدة اللي حلق له شعرة كلة بالموس وربط جدة من ايدة ورجلة وفاق نبيل لقي نفسه مربوط من اطرافة الاربعة وبوقة متكمم فضل يصرخ ويبص ل موسي وموسي كان بيحضر مشرط وابر صينية وبيقول لجدة
اسمعني كويس اللي انا هعمله دة قعد كتير ادرب عليه علشان لو لقيت منك رفض كان لازم اتصرف انا مش عايزك تموت كل اللي بطلبة منك انك ما تتحركش وانا بعمل لك العملية دي. الابر الصينية هتخدر العصب اللي انا هقطعه ودة المسئول عن مركز الذاكرة في مخ الانسان. اي غلطة هتموت يا جدي وانا بحبك وعايزك تفضل عايش
فضل نبيل يبص ل موسي بتوسل ويحاول انه يمنعه من اللي عايز يعمله لكن موسي بدأ وزرع الابرة في العصب اللي كان معلم مكانه عن طريق كتب التشريح وبدأ يقطع في العصب. ويصرخ نبيل وينزف دم بشكل رهيب ومخيف
وارتبك موسي وقال
في اية. واية الدم دة كلة.
وجري بسرعه وجاب حتة قماشة وكتم بيها الدم لجدة لكن الدم كان بينزل بشدة واتاكد موسي انه ارتكب جناية وقطع شريان رئيسي من شراين الدم اللي في المخ فحاول يمنع الدم من النزول لكن ماكنش في فايدة وبدأ نبيل يدخل في غيبوبة لغاية ما فارق الحياة اتصدم موسي والدم تحت جدة نبيل زي البركة وفضل يبص له وهو مش مصدق ازاي يعمل كدة ومبقاش عارف يعمل اية ويروح فين ويجي منين وقال لنفسه
ما كنتش عايزة يموت. دة كان اكتر واحد حنين عليه. بس كنت عايز اعرف سر الكتاب. انا مش قاتل. انا بحب جدي والله. وما كنتش عايزه يموت
ويبص لجدة ويبكي بحرقة وبعدين يقف ويروح يهز في جسم جدة يمكن يكون لسة في الروح. لكن مافيش فايدة
رجع وقال لنفسه
يارب الوقت يعدي بسرعه والاقي في الكتاب اللي استخدمه يرجع لي جدي. ايوة هو دة الحل الوحيد استني الساعه تدق 12. وادخل الاوضة
وعديت الدقايق ساعات ودقت الساعه 12. قام موسي وراح ناحية الاوضة الاخيرة في البيت وفتح الباب وبمجرد ما دخل الاوضة الباب اتقفل وراء منه بشكل مخيف حاول موسي يرجع لكن ما كنش في فايدة فضل يبص في الاوضة ويدور علي الكتاب ملقاش اي كتاب لكنة سمع صوت واحدة بتعيط الصوت شوية جاي من اليمين شوية جاي من الشمال شوية جاي من فوق منه شوية جاي من قدامه وموسي بيلف ويدور حوالين نفسه لغاية ماشاف عند سرير حديد واحدة جميلة جدا مربوطة في السرير بجنزير اسود شكلة غريب اول مرة يشوف زية راح موسي ناحيتها وقال
انتي مين
بصت له وقالت
انا الكتاب اللي مخبئ جدك
اتصدم موسي ورجع لوراء خطوتين وقال
انتي واحدة ست. ازاي تبقي انتي كتاب
قالت
قرب مني وانت تشوف السر اللي هيخليك اعلم اهل الارض
قرب موسي منها وشاف في عيونها سر الحضارة الفرعونية وازاي الاهرمات اتبنت وازاي قدروا يسخروا الجن لخدمتهم عن طريق اسمرتن تاغ. ملك ملوك الجن اللي كان في صورة كاهن اعمي بيسافر عبر كل الازمنة والعصور. اتحولت عيون الست دي لشاشة بيتعرض عليها كل اللي حصل في الماضي وازاي كان بيتم التحنيط لكن كل دة ما يقدرش يستفيد بي موسي الا لما يوصل
ل مقبرة اسمرتن تاغ. ودة كان باين في عيون الست دي فقال لها موسي
كل شئ واضح قدام مني وكاني كنت عايش معاهم لكن فين مقبرة اسمرتن تاغ اللي عنده البردية اللي تخليني انفذ كل اللي قدام عيني دة
قالت
اوهب عقلك لي. تظهر لك مقبرتة
موسي
انا عقلي ملكي ومستحيل اوهبة لاي مخلوق مهما كان
قالت
يبقي عمرك ما تلاقي. علشان تكون الموعود اوهب عقلك لي وهو هيخليك توصل له
موسي
واعيش من غير عقل
قالت
دة الطريق الوحيد عايز تمشي في امشي مش عايز زي ما دخلت هتخرج. بس حررني
موسي
نسيت صحيح اسالك لية جدي حبسك كدة
قالت
ومين اللي قال ان جدك هو اللي حابسني
موسي
اومال مين
قالت
مراتك. ملكة ملوك الجن اللي عيشت معها سنين وسنين وانت ما تعرفش انها متجوزاك علشان تنتقم من موت جوزها علي ايدك.
موسي
جوزها مين
قالت
جدك، ،،،،،،،،،،،،،،،
ومن النهاردة. كل اللي فات حمادة وكل اللي جاي حمادة تاني خالص
يارب تكون عجبتكم
تحفه. بجد جامده جدااا والله
ردحذفاكتر من رائع معقول كل حياته كانت مع الجن ومراته تطلع جنيه الله انا احترت بجد روووعه تحياتي
ردحذفايه دا انا تهت منك ازاي بقى حيكون متجوزها وجده لسا ميت حاليا
ردحذفخيالك تعدى كل الحدود بس مبدع
ايه دا ازاي بقى مراته تكون ملكة الجن وجده لسا ميت حالا
ردحذفخيالك تعدى الحدود بس مبدع زي عوايدك يا فنان
جميله اوووووووووي وتحفه جدا جدا جدا
ردحذفمتاهة متاهة متاهة
ردحذف