موسي و الفرعون
★الحلقة السادسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★موسي
اسمعيني كويس انا دلوقتي مش حمل كلام كتير ورغي ستات ما يقدمش ولا ياخر. وشفرة الدم هتتعمل برضاكي او غصب عنك
داليا
يبقي حكمت علي ابنك بالحرمان من الجسد
وبدأ يونس يصرخ وجسمة بيتحول الي رماد وموسي بيبص ومش عارف يعمل اية لكنه راح ناحية داليا ولف ايدة حوالين رقبتها وقال
اوقفي اللي بيحصل دة
داليا
رجع البردية
موسي وهو بيبص لابنه يونس واللي بيحصل له
وانتي اية علاقتك بالبردية
داليا
بلاش اسئلة كتير ونفذ المطلوب منك
موسي
هرجع البردية. بس اوقفي اللي بيحصل دة
وهنا يسمع موسي الصوت بيقول
اللي جسمة بيتلاشي قدام منك دة مش ابنك سيبو يموت
فيصرخ موسي وهو بيحط ايدة علي ودانه
بس. اسكت مش عايز اسمع صوتك
ويرجع يبص ل داليا
وانتي اوقفي اللي بيحصل دة. وانا هعمل لكم اللي انتو عايزينة
فتبص داليا ل يونس اللي جسمة بدأ يرجع لطبيعته وموسي قال
انا هرجع الفيوم وزي ما دخلت المقبرة وخد البردية هرجعها تاني واللي يحصل يحصل
الصوت
هتبقي ارتكبت اكتر شئ غبي في حياتك
لكن موسي ما يردش ويخرج من الشقة والصوت عمال يقول
غبي. غبي. هتحكم برجوع الجسد اوعي ترجع البردية
لكن موسي كان مصمم ومكمل في طريقة، ،،،،،،،
ومن الفيوم. وبالتحديد قدام البيت اللي في المقبرة يقف موسي ويبص ل كمال ومريم ويقول لهم
ودة اخر كلام عندي انا هنزل المقبرة وهرجع البردية
مريم
تبقي غبي. ترجع كنز اغلي من الذهب
موسي
تقصدي اية
مريم
انا نقلت كل الرموز من علي جسمك وقت ماكنت بتفرج عليها
موسي
وقدرتي تعملي كدة ازاي
فتخلع مريم عدسات لاصقة كانت لابسها في عيونها وتقول
العدسات اللي انت شايفها دي اغلي وادق كاميرا في العالم جيبتها معايا من امريكا بتصور وبتحلل رموز وشفرات الفراعنه لانها متصله بالنت. واقدر بيها اقراء وافهم اللغات القديمة. وقدرت افك شفرة البردية وبيها هقدر استخدم سحر الكائن اسمرتن تاغ في تسخير الجن. وهعمل اللي ما حدش يقدر يعمله. مباني ماحدش يتخيل شكلها هحنط اللي حابب يحتفظ بجسمه لمئات السنين. هقدر اغير قوانين التاريخ وهبني الهرم الرابع. دة الهرم اللي اسمرتن تاغ كان هيبني لفرعون قبل ما يظهر سيدنا موسي ويؤمن بي اسمرتن تاغ ويتبع رسالته
موسي
كل اللي انت عرفتي دة. ولا شئ جنب ان البردية دي لعنه. خلبنا نخلص منها قبل ما يحصلك اللي حصل لي. انا خلاص قربت اتجنن
كمال
موسي انت اصلا مجنون. من اول يوم فتحت في باب الجدل بالسؤال بتاعك ياتري مين بني الاهرمات. بشر ولا الجن اللي الفراعنه كانو بيسخروهم
موسي
احب اقول ان اجابة السؤال دة. كانت هتكلفني عقلي وانا راس مالي كله عقلي وزي ما فتحت باب الجدل. هقفلة
ويروح موسي ناحية المقبرة ويقف قدام بابها وتجري وراء منه مريم وتمنعه من فتح باب المقبرة وهي بتقول
انا امنعك انك تضيع البردية بالساذجة دي
موسي
انتي عايزا اية. من البردية مش خلاص فكتي شفرة الرموز اللي فيها. سيبيني بقي ارجع لدنيتي وعقلي قبل ما الجنون يتمكن مني
مريم
عايزاك تبقي معانا في النجاح اللي انت السبب في
موسي
مش عايز اية حاجة انا ارجع من الرحلة دي الاقي مراتي وابني زي ما سيبتهم ما عنديش استعداد اخسر حد منهم
بسبب اكتشاف سر تسخير الجن
كمال
انت كدة تبقي حكمت علي نفسك انك ما بقتش معانا
مريم
ومش بس كدة لو حاولت تقف في طريقنا في اي وقت مش هنرحمك وما ترجعش وقت نجاحنا وتقول دة اكتشافي انا
موسي
مش عايز اي شئ غير اني ارجع لحياتي واعيش بعيد عن الجنان دة.
ويفتح موسي باب المقبرة. وفي لحظة ومن جوة مستشفي خاص يرقد موسي علي جهاز التنفس الصناعي
ويفتح عيونه بمنتهي البطئ وكان باين عليه التعب الشديد وبدأ يبص حوالين منه علشان يشوف هو فين وشاف الاجهزة المتصلة بجسمة جهاز رسم القلب وغيره من الاجهزة اللي بتعرض الانشطة الحيوية لجسمة فيبدأ بتعدل في قعدته لكنة حس بوجع شديد في دماغة اللي كانت مربوطة بشاش وبعد ما يستوعب كل شئ دخلت علية الممرضة وفرحت جدا انه فاق فراحت ناحيته
الف حمدا الله علي سلامتك. دي المستشفي كلها كانت قلقانه علي حضرتك
موسي بصعوبه
هو اية اللي حصل
الممرضة
حادثة علي طريق الفيوم عربية حضرتك دخلت في عربية نص نقل
اتصدم موسي وقال
هو احنا في سنة كام
الممرضة
هو حضرتك مش فاكر احنا في سنة كام
موسي
معلش ردي علية
الممرضة
احنا في سنة 2022
يتصدم موسي اكتر واكتر ويقول
انا بقالي قد اية هنا
الممرضة
حضرتك بقالك اسبوع في غيبوبة.
وهنا افتكر كلام اسمرتن تاغ وقال
موت عن موت يفرق
فاتعدل وقال
سواق النص نقل اللي عربيتي دخلت في عربيته
الممرضة
ماقدرانش نلحقة. مات
موسي
اسمة شاذلي
الممرضة باستغراب
فعلا. بس حضرتك عرفت اسمه ازاي
موسي وهو بيحاول يقف لكنه مش قادر والممرضة بتمنعه وهي بتقول
ممنوع الحركة لان الحادثة قصرت علي دماغك بشكل كبير
موسي
طيب انا عايز اشوف مراتي وابني
الممرضة
طبعا دول هيفرحوا جدا انك فوقت
وتخرج الممرضة علشان تنادي داليا ويونس وما تعديش كام ثانية الا وداليا ويونس وهو في سن ال 10 س. يدخلو لموسي وتترمي داليا في حضن موسي ويونس يعمل زيها وتقول داليا وهي بتعيط
الف حمدا لله علي سلامتك. انت ما تعرفش انا كان هيحصلي اية من غيرك
فيبص لها موسي ويقول
انت اللي ما تعرفيش انا شوفت اية وانا في الغيبوبة
يونس
الف سلامه عليك يا بابا
موسي
الله يسلمك يا قلب بابا
في الوقت دة تدخل الممرضة وتبص ل موسي وتقول
ما لقتهمش برة
موسي باستغراب
هما مين
الممرضة
مرات حضرتك وابنك
موسي وهو بيبص ل داليا ويونس
ما هما قدامك اهو
فتبتسم داليا ابتسامه غريبة وتبص ل يونس اللي كان بيقول
الجن اللي زيك ما يشوفش الا جن زينا. اللي يدور علينا نلاقي.
داليا
انت الموعود اللي حررت الكاهن اسمرتن تاغ ملك الجن السفلي
وفي الوقت دة يظهر اسمرتن تاغ في صورته الحقيقة ويقول
اهلا بيك في عالم الجن. دكتور موسي
فيتصدم موسي ،،،،،،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
رائعة راىعة رائعة
ردحذفروعه
ردحذفكتير ممتازه ومشوقه تحياتي لك
ردحذفهو كل ما موسى يخرج من ورطه يدخل بغيرها بسبب البرديه
ردحذفوبعدين هانروح فين تاني
ردحذف