دموع تحت اقدام عشق الحلقة الاخيرة

 موسي و الفرعون
                         ★الحلقة الخامسة★
من تاليفي، ، 
محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★للي حابب يتابع بحر الحرمان. كل يوم هتنزل حلقة باذن الله علي صفحة وجروب حكايات منص ومي.★ 

وهنا ينزل الجنزير علي لحم موسي وبرجع الجنزير بلحم موسي وعليه جزء من البردية. فانصدم موسي من المنظر وصرخ من الوجع وبص لجسمه اللي اتسلخ من ضربة الجنزير وسمع موسي الصوت بيقول

اهرب

وشاف الجنزير جاي ناحيته. وبمنتهي السرعه لكنة قدر يهرب من ضربه الجنزير وجري لبعيد وهنا ظهر يونس وبص للراجل اللي ماسك الجنزير وقال

اوعي يهرب منك.

وخرج الراجل وراء موسي وبمنتهي السرعه ويونس بيقول

انت الموعود واللي يدور علينا نلاقي ،،،،،،،

ومن جوة عربية موسي كان موسي بيدوس بنزين علي الاخر ووراء منه الراجل اللي في ايدة الجنزير وكان بيجري بمنتهي السرعه. سرعة تقريبا تعادل سرعة عرببة موسي وموسي شافة جنب منه وبيضربة بالجنزير اللي كسر ازاز العربية وقبل ما يخبط في موسي قدر موسي يفادي الضربة بسرعه رد فعل يحسد عليها وحس موسي قد اية هو بقي في خطر. ومبقاش عارف يعمل اية. فسمع صوت بيقول

دوس فرامل مرة واحدة ولف وارجع علي الطريق اللي حصلت في الحادثة

موسي

وتخبطني العربية النص نقل تاني

الصوت

اسمع اللي بقول لك عليه ونفذه لو كنت عايز تعيش

مبقاش قدام موسي غير انه ينفذ اللي اتقال. فداس فرامل مرة واحدة ولف ورجع والراجل دة. لف ورجع وراء موسي ودخل موسي في الطريق اللي حصلت له في الحادثة وفعلا راح لمكان الحادثة وهدي السرعه وخلي الراجل دة يقرب منه واول ما شاف النص نقل بتاعت شاذلي السواق سمع الصوت بيقول 

روح ناحية العربية

موسي بتردد

انت كدة عايزني اموت

الصوت

ما انت اصلا ميت

موسي 

انا عايش وك،،،،،،،،،

وفي الوقت دة يلمح موسي بطرف عينة الجنزير وهو بيحطم صاج العربية ورايح ناحيته فينزل بمنتهي السرعه ويعدي الجنزير من فوق راسه في اللحظة الاخيرة فسمع الصوت بيقول

مش هتقدر تفلت منه لازم تخلي النص نقل تدوسة والا هينزع البردية بلحم جسمك مع كل ضربة من الجنزير 

فداس موسي بنزين علي الاخر وراح ناحية النص نقل بمنتهي السرعه والراجل وراء منه بالظبط وقربت عربية موسي من الاصطدام بالنص نقل وفي اخر لحظة لف طارة السواقة لليمين ودخلت النص نقل في الراجل وانفجرت النص نقل والراجل تحت عجلاتها بيحترق فيبص موسي للمنظر ويقول وهو ببكلم الصوت 

انا ما بقتش فاهم. ازاي شاذلي لما قابلني اخر مرة قالي ان الفرعون هيبعت لي اموات علشان ارجع البردية ودلوقتي شاذلي يدخل بعربيته في الراجل اللي كان بيطاردني والاثنين يموتوا. انا اية اللي بيحصلي بالظبط

لكنه ميلاقيش اي رد فيصرخ باعلي صوت وبقول

رد عليه. انت مين ولية قولت اني ميت فعلا. انا عايش وما ممتش انت سامع رد عليه وكلمني زي ما بكلمك 

فيظهر يونس فجاة قدام موسي فيتفزع موسي ويقول 

انت

بونس

طلبت مني ارد عليك واكلمك. اديني ظهرت لك وقدام منك

موسي

انت مش ابني. صح

يونس

لا. انا اسمرتن تاغ اللي انت دورت عليه وعلي مقبرته. 

موسي وهو بيبلع ريقة بصعوبه

ازاي بعد الالاف السنين تكون عايش وبتكلمني

اسمرتن تاغ

اسمرتن تاغ ما بيموتش انا بتنقل من عقل ل عقل. وبتخطي الزمن وديما هتلاقيني في اي وقت بس لازم اللي يكتشف مقبرتي يوهب لي عقله. وانت قدمت لي عقلك وانا قبلته.

موسي

انا ما وهبتكش عقلي. انا عقلي ملكي ومستحيل اوهبه لاي مخلوق مهما كان

اسمرتن تاغ

كل اللي قبل منك قالو كدة. لكن بموتهم بمتلك العقل والروح ترجع للي خلقها.  

موسي

يعني تقصد اني ميت وانت امتلكت عقلي علشان انا ميت

اسمرتن تاغ

هو انت لسة عندك شك. اومال الحادثة اللي حصلت لك وانت راجع من الفيوم دي كانت اية

موسي

انا خرجت منها عايش

اسمرتن تاغ 

مين قال لك كدة. انت ميت وابنك يونس من بعدك وهب لي عقله. وانا خليته اشهر عالم اثار في العالم. ما انت شوفت نجاحة بنفسك

موسي

ولما انا ميت ازاي كنت من شوية مع كمال وبنته مريم وهما شايفني واتكملو معايا كمان

اسمرتن تاغ

ما قدرش افهمك اكتر من كدة. ودلوقتي لو البردية رجعت هترجع بلحم جسمك. وهتموت

موسي باستغراب شديد

مش انت قولت اني ميت

فيبتسم اسمرتن تاغ ويقول

موت عن موت يفرق

موسي وهو هايتجنن

الموت هو الموت. مافيش فرق

اسمرتن تاغ

في. بس انت ركز. واخرج سليم ولو شوفتني تاني اوعي تصدقني علشان ممكن اكون مش انا اللي انت شايفة دلوقتي. وديما هتلاقيني جنبك وقريب منك وقت الخطر بس اسمع كلامي واوعي تصدق غيري 

ويختفي اسمرتن تاغ وموسي يصرخ قائلا

روحت فين رد عليه. اظهر تاني وكلمني انت كدة صعبتها عليه اكتر ما هي صعبة. 

وهنا يظهر يونس ويبص ل موسي ويقول

انا جاي لك بنصيحة اخيرة من الفرعون رجع البردية تعيش في سلام

موسي 

انت اسمترن تاغ

يونس

اسمرتن تاغ الكاهن الاعمي الخبيث. ظهر لك في صورتي وقال لك اوعي ترجع البردية. علشان ما تموتش 

موسي بشك

فعلا هو قال لك. لكن انت عرفت ازاي

يونس

انا الفرعون جيتمات اللي كلفت بمطاردتة اسمرتن تاغ عبر الزمن وجاي لك حارس امين ومعايا هترجع لحياتك اللي حرمك منها اسمرتن تاغ

موسي

بس هو قالي، ،،،،،

فكمل الفرعون.

لو شوفتني تاني اوعي تصدقني علشان ممكن اكون مش انا اللي انت شايفة دلوقتي.

موسي وهو مصدوم

صح هو كان في صورة يونس ابني نفس الصورة اللي انت فيها دلوقتي وقال كدة

الفرعون

ومين قال ان دي صورة يونس ابنك. 

موسي بشك اكتر واكتر

مراتي اللي شوفتها بعد 20 سنة من دلوقتي كان معه يونس وقالت ان دة ابنك. 

الفرعون

ابنك يونس مات

اتصدم موسي وبدأ الشك يجري في عروقة زي الدم ومبقاش عارف يصدق مين ويكذب مين وقال بعصبية

انت كذاب. اومال اللي شوفته دة مين 

الفرعون

دة اسمرتن تاغ.  

موسي 

انت بتخدعني.

الفرعون 

تحب اخليك تشوف يونس وهو بيموت

فيفكر موسي للحظات ويقول

لا. مش هقدر اشوف ابني وهو بيموت

الفرعون

يبقي لازم تخلص من اسمرتن تاغ. اللي سرق حلمك وبنا الهرم الرابع وسرق عمر ابنك

موسي

انا اية اللي يخليني اصدقك واكذب عينية اللي شافك يونس 

الفرعون

برضو يونس. طيب لو هو يونس لية بعد شاذلي والجلهوم الراجل اللي كان معه الجنزير وعايز يقتلك. مش علشان ما تحققش اللي هو حققه قبل منه

فيسكت موسي ومع السكوت كان بيفكر وسمع الفرعون بيقول

ولو هو يونس ابنك وانت شوفته في المستقبل مش المفروض ان شفرة دمة تكون مطابقة مع شفرة الدم بتاعك

استغرب موسي وقال

اية شفرة الدم دة 

الفرعون

دة زي ال d n a في وقتكم. تفتكر بقي ان يونس لو ابنك فعلا هيرفض يعمل شفرة الدم

فيدور موسي ماتور العربية وهو مقرر يرجع القاهرة ويعرف الحقيقة ،،،،،،

ومن جوة شقة موسي يقف موسي قدام يونس و داليا ويقول

علشان كدة لازم اعمل شفرة الدم واتاكد انك ابني

يونس

لو دة هيخيلك تصدق اني ابنك فانا ماعنديش مانع

داليا بعصبية 

بس انا بقي مش موافقة 

بص لها موسي با ستغراب وهي كملت وقالت

علشان دة معني انك شاكك فيا

موسي

انا دلوقتي بشك حتي في نفسي. 

داليا

انت غايب بقالك 20 س. راجع لية دلوقتي علشان تتاكد يونس ابنك ولا لا

موسي

اسمعيني كويس انا دلوقتي مش حمل كلام كتير ورغي ستات ما يقدمش ولا ياخر. وشرفة الدم هتتعمل برضاكي او غصب عنك

داليا

يبقي حكمت علي ابنك بالحرمان من الجسد 

وبدأ يونس يصرخ وجسمة بيتحول الي رماد وموسي بيبص ومش عارف يعمل اية، ،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام 

الحلقة السادسة