دموع تحت اقدام عشق الحلقة الاخيرة

 الوش الثاني 

                 ★الحلقة الثامنة★

من تاليفي، ، 
محمد منصور. ★منص★

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

وفي الوقت دة تقف واحدة ملامحها مش باينه عند باب الاوضة وتضحك فيبص لها زاهر وقبل ما يتحرك ناحيتها يتقفل باب الاوضة عليه. فيروح زاهر ناحية الباب ويفضل يخبط علي الباب ويقول

افتحي يا بنت الكلاب مش زاهر الفيشاوي اللي يتعمل في كدة

لكن ماحدش كان بيرد واول ما الليل يدخل حاولي الساعه 7. يتفتح باب الاوضة ويدخل المجنون. وهو مقنع ويبص لزاهر وهو بيضحك بجنون وقال بصوته المخيف 

كل اللي رسمته حصل ووصلتني بنفسك لحنين

زاهر مصدوما

انت مين

فيهجم المجنون علي زاهر ويقول له

انا اللي جاي اخد حق الغلبانه دي واللي انت بتعذبها بحبسك ليها من سنين والسبب انها قالت لك لا

ويمسك المجنون ايد زاهر ويلويها وهو يقول

هو الحب بالعافية يا بجح

زاهر وهو بيحاول الخلاص منه يقول

ابعد عني احسن لك انت ماتعرفش انا ممكن اعمل فيك اية

فيمسك المجنون احدي صوابع زاهر الفيشاوي ويكسرها بمنتهي القسوة فيصرخ زاهر فيخرج المجنون شريط لاصق ويحطه علي بوق زاهر و يمنعه من الصراخ وهو يقول

بس بس. صوتك وحش وانت بتصرخ. 

فيبص له زاهر بخوف شديد وهو يتوجع وايدة بتترعش من كسر صباعه وبيتوجع ولكن وجع مكتوم.

فيبص له المجنون بصة مخيفة ويرمي زاهر علي احدي الكراسي الموجودة في الاوضة ويخرج كلبش ويكلبش ايدة. في الكرسي ويخرج كلبش تاني ويكلبش رجله ويمسك صباع تاني ويكسرة بمنتهي الغل فيتوجع زاهر اكتر واكتر فتقول حنين بطيبة قلبها

كفاية بقي حرام عليك

فيبص المجنون لحنين ويقول

بعد كل اللي عمله فيكي ولسة بيصعب عليكي

حنين

ليا رب يجيب لي حقي منه. بس انا مش قادرة استحمل وجع بني ادم قدام مني 

المجنون

لسة زي ما انتي قلبك ابيض والحب جوة منه يروي قلوب كتير

حنين

هو انت تعرفني

المجنون

انا اعرفك اكتر من نفسك

فتبص حنين لعيون المجنون وتقول

انا كمان حاسة اني اعرفك عيونك مش غريبة علية 

فيضحك المجنون ويبص لزاهر اللي لسة بيتوجع. ويقول له

عايزك تمسك نفسك كدة وتبقي راجل علشان الوجع لسة مجاش

ويمسكه من شعره ويخلي يبص ناحية حنين وهو يقول له

عارف مين دي. اللي انت كنت هاتموت وتتجوزها 

فيبص زاهر لحنين ثم يبص للمجنون وهو يقول

دي بنتك مش بنت حامد

فينصدم زاهر ويهز راسه بالنفي وحنين هتتجنن والمجنون يقول بصوته المخيف

ايوة بنتك. اية مش فاكر مرات حامد اللي انت دخلت عليها وهي نايمة وجوزها كان مسافر وخدرتها وخد منها اللي مش حقك

ويمسك المجنون صباع زاهر المكسور ويصرخ زاهر صرخات مكتومة. وعذاب اليم بيسمع. في كل جسم زاهر والمجنون يقول

لكن ربك اراد ان اللي عملته في مرات حامد يتعمل في مراتك. وجابر اخوك التؤام سرق عرضك واللي انت عملته في مرات حامد عمله هو في مراتك لكنه ندم وماستحملش واتجنن ومن ساعتها وهو بياخد جزاتة وانت سيبتة يعفن في مستشفي المجانين ومافكرتش حتي تعالجة في عيادة برة. وحنان عرفت باللي انت عملته في ابوها اصل انا قولت لسميرة تحكي لها. لكن بنتك حنان ما قدرتش تستحمل اللي عرفته وحصل لها فقدان جزئي في الذاكرة. بعد ما انهارت نفسية ونسيت اللي اتقال دي حتي نسيت حنين كل اللي كرهته في حياتها مخها اتخلص منه وما بقتش فكراه. ما تعرفش ازاي الحكاية دي جت في مصلحتي ومن هنا بدات انا 

فيكاد يصاب زاهر بالجنون من اللي بيسمعه. والمجنون بيكمل وبيقول

بعد ماعرفت ان حنان بنتك وحنين بنت حامد وان جيت للحق حنين تبقي اخر بناتك يا زاهر الفيشاوي

فيصرخ زاهر باعلي صوت عنده ويحاول الخلاص من قيودة لكن المجنون حط ايدة علي رقبته وقال له

اهدئة انا لسة ما خلصتش كلامي ولا انت مش عايز تعرف انا مين

فيبص زاهر بصة كلها نار وغضب وبركان غل وكرهاية والمجنون لايبالي ويكمل قائلا

من شهر بالظبط جت لي سميرة كاتمة اسرارك واللي كانت بتجهز لك النسوان اللي نفسك فيها وبتخش بيتهم وتعرف لك اجوازتكم فين. وتخدرهم ليك الست اللي دورها ما يقلش عن دور الشيطان اللي بيزن جهنم علي انها الجنه وسمعت من سميرة كل حاجة وعرفت كل ماضيك الوسخ ومرات حامد اللي كانت عارفة انها شايله في بطنها عيلة مش من جوزها لكنها خافت تتكلم علشان الفضيحة وطبعا سميرة اقنعتها بكدة. وشوف يا اخي زي ما اقنعت مرات حامد بكدة اقنعت مراتك بكدة وقالت لها اوعي تقولي علشان الفضيحة ست عاشت بميت وش ووش وكل دة علشان تطلع بقرشين من هنا وقرشين من هنا ومات اللي مات وفضلت سميرة عايشة وعارفة السر وعارفة انك انت اللي خاطف حنين وطمعت. طمعت اوي وجت وقالت لي علشان تطلع من ورايا بمليون جنية وتطلع من الدوار بقي ويبقي كفاية عليها كدة لكن انا اشتريت منها كل اللي عندها وبلاش. لا بالعكس عرفتها اني هاخليك تتجوزها وتطلع من وراك بكل الفلوس اللي عندك. وتبقي كسبت اكتر من المليون جنية وعلشان كدة عرفتني انك نازل مصر وخليت واحد تابعي يراقبك لغاية ما توصلني لحنين اللي انت حرمتني منها. حتي نيرة خليتها تقفل عليك الباب لغاية ما اجي لك 

فيصاب زاهر بالصدمة الشديدة ويقول المجنون بصيغة الاستهزاء وهو يلف ويدور حوالين زاهر 

تفتكر بقي انا مين. حامد. ابوة حنين ممكن. ما انت حرمتني من بنتي سنين كتير. ولا جابر ابوة حنان لية لا. ولا حد تبع حنان وجاي انتقم منك بعد ما عرفت اللي عملته في ابوها جابر. ورميك لي في مستشفي المجانين وماحاولتش تعالجة في عيادة خاصة  

ويفضل المجنون يلف ببطي شديد بطئ مخيف ومرعب وزاهر يبص له وهو خائف ويقترب المجنون من وش زاهر ويبص في عيونه بشدة ويقول

عرفت انا مين ولا لسة 

فيصدم زاهر اكتر واكتر فيضحك المجنون بشدة ويقول

كدة انت عرفتني وعلشان عرفتني انت كسبت معايا جايزة البرنامج

ويحط المجنون ايدة. الشمال علي مناخير زاهر ويكتم نفسه ويلف الايد اليمين حوالين رقبه زاهر ويخنقة. وبمنتهي العنف وحنين تصرخ وتطلب منه الرحمه ولكن بلا فائدة. والمجنون يقول

سميرة ربنا قدرني و ارميها في الترعه وسبتك علي جهنم روح لها. روح للنار اللي انت حرقتني بيها 

 ويفضل زاهر يحاول الخلاص من ايدة الي ان فارق الحياة وتوقف عن الحركة تماما. فبص المجنون لحنين اللي كانت بتصرخ بشدة من الخوف ولكن المجنون يبص لها ويقول لها

متخافيش انا مش هاذيكي

ويمد ايدة ناحيتها ويفكها وهي عماله تبص علي جثة زاهر وهو يقول

لو صعب عليكي ولو لثانية تبقي غلطانه. ويالا علشان تخرجي من هنا. وترجعي لاهلك

ويطلع النهار و زين كان قاعد في دوار عمه وهو عمال يبص في الساعه وغضبان جدا الي ان تدخل الي الدوار حنان فيقوم بمنتهي العصبية ويقول لها

ممكن اعرف كنتي فين لدلوقتي

حنان

كنت في المقابر قاعدة من اخواتي وبقرالهم الفاتحة

زين

طول الليل في المقابر 

حنان بعصبية 

اة طول الليل. وفيها اية

زين بعصبية

فيها انك خرجتي من غير ما تقولي انتي رايحة فين وكمان موبيلك مقفول

حنان

اتصلت بيك علشان اعرفك لقيت موبيلك انت اللي مقفول

زين

انا موبيلي عمره ما بيتقفل

حنان

زين انا مش كذابة النهاردة الخميس بتاع اخواتي الاثنين وروحت لهم المقابر اظن مافيهاش حاجة يعني. 

زين

وفي حد بيروح المقابر بالليل

حنان

انا بعد ما قعد ما اخواتي شوية لقيت الوقت اتاخر روحت بايته عند خالتي زينب.  

زين بشك 

هو انتي بجد زعلانه عليهم

حنان باستغراب

مش فاهمه سؤالك

زين

يعني حتي بعد ماعرفتي انهم مش اخواتك برضو زعلانه عليهم

حنان

اة. ومين بقي اللي اختهم حنين حبيبتك 

زين

الله ما انتي فاكرة حنين اهو

حنان

انا فعلا كنت نسيها لكن الكلام الكتير عنها خلاني افتكرها

زي ما افتكرت خالتي سميرة وهي بتقولي ان زاهر مش ابويا. 

فيخرج زين جهاز التصنت اللي كان في موبيله ويحطه في ايد حنان ويقول لها

اية رايك في الهدية دي

فتبص حنان لجهاز التصنت باستغراب شديد وتقول

اية دة

زين بشك

مش عارفه اية دة.

حنان وهي بتبص في عيون زين 

لا. ماعرفش 

زين

غريبة يعني مش انتي اللي حططتي في موبيلي

حنان

بجد انا مش مصدقاك مش لما اعرف اية دة ابقي اعرف ازاي احطه في موبيلك

زين

والمطواة اللي لقينها في هدوم ابوكي زاهر

حنان باستغراب شديد

مطواة اية. هو انت عايز تقول اية 

زين

عايز اقول انك انتي اللي قتلتي نعمه وولاء

فتضحك حنان باستهزاء شديد وتقول

والله. ودة بقي عملتها ازاي وانا حامل في شهري الثامن وماشية بالعافية

زين

مش لازم يكون انتي. اجرتي قتال قتله يخلصك منهم

حنان

ولية هاعمل كدة

زين

علشان تنتقمي من زاهر الفيشاوي بعد ما عرفتي انه مش ابوكي وان حنين هي اللي بنته

حنان

وانا لو عايزا انتقم من زاهر الفيشاوي هاقتل نعمه وولاء لية ما اقتله هو

زين

ما انتي عايزا تحرقي قلبه علي بناته وتحرميهم منهم زي ماحرمك من ابوكي الحقيقي

حنان بحزن شديد 

انا مراتك من كام سنه وكنت اقرب حد ليك تفتكر اني ممكن اقتل بالجبروت دة

فيسكت زين قليلا ثم يقول

اومال مين بس اللي بيعمل دة كله وخلانا كلنا نشك في بعض

وهنا يرن موبيل زين وكان اللي بيتصل بي علاء فيفتح زين الخط ويقول علاء 

حنين رجعت

فيصدم زين ويكاد يصاب بصدمه من شدة الفرحة ولكن علاء كمل كلامه قائلا

وعمك مات مقتول

زين مصدوما

انت بتقول اية

علاء

الخبر لسة جاي لي حالا. 

زين

انت فين

علاء

انا نازل القاهرة علشان اتابع بنفسي التحريات

زين

استني انا جاي معاك، ،،،،،،،،،

ومن جوة دوار حامد تقعد حنين في حضن حامد وهي عماله تعيط وتبص له وتبص لكل اخواتها وتفتكر الكلام اللي قاله المجنون وتعيط وحامد يطبطب عليها ويقول

بطلي عياط بقي قلبي بيتقطع عليكي

حنين

مش هاقدر ابطل عياط انا اللي عرفته يخلني اعيط بدل الدموع دم

حامد

اية بس هو اللي عرفتيي يخليكي كدة

حنين وهي منهارة من شدة العياط

ماقدرش احكي لك ماقدرش. انا عايزا اكون لوحدي 

وفي هذة اللحظة تقف قدام منها حنان وتقول

ماتعرفيش فرحتي قد اية لما عرفت من خالتي سميرة انك رجعتي دوارك تاني

فتبص حنين لحنان وهي مش عارفة تقول اية وحامد يقول

بتعملي اية في داري يا بنت زاهر

حنان

جاية اطمئن علي صاحبتي واختي الصغيرة

حامد

وانا مش عايز حد من عندكم يطمئن علي بنتي. وحساب ابوكي معايا تقيل اوي والدم بس هو اللي يصفي اللي بينا 

حنين

بس انا محتاجة اقعد مع حنان لوحدينا يا با

حامد لحنين

انتي بتقولي اية

حنين

علشان خاطري. انا طالعه اوضي وهاخد حنان معايا علشان في كلام ماحدش ينفع يسمعه غيرها 

حامد

كلام اية دة

فتصرخ حنين. وتلطم علي وشها وهي منهارة وتقول

علشان خاطري علشان خاطري سيبوني اقعد معها لوحدي

حامد وهو يمسك ايدها

خلاص خلاص اطلعي 

وتبص حنين لحنان وتاخدها وتطلع بيها اوضتها، ،،،،،،

وبعدها بدقيقة ومن جوة اوضة تبص حنان لحنين وحنين تبص لها وتقول حنان

كلام اية اللي عايزاني اعرفه

حنين

انا بنت زاهر الفيشاوي وانتي بنت جابر الفيشاوي

حنان

عرفت اني بنت حرام. وخالتي سميرة خدت شئ وشويات علشان تحكي لي

حنين

وناوية تعملي اية

 فتتحرك ايد حنان اليمين ناحية شنطتها وتخرج سكينة حادة جدا وهي تقول

ناوية اخلص بايدي علي اخر بنت من بنات الفيشاوي

ولسة هاتصرخ حنين كانت السكينة اتحركت والدم بدأ ينزل بشدة،،،،،،،،،،،،،،،،،

استنوني بكرة باذن الله والحلقة الاخيرة من الوش التاني 

يارب تكون الحلقة عجبتكم. مستني رايكم. 

من تاليفي، ،

محمد منصور. منص