دموع تحت اقدام عشق الحلقة الاخيرة

 دقات قلبي. من حروف اسمك

                 ★الحلقة السابعة★

من تاليفي، ، 
محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

وتاني بوم ‏ومن جوة شقه يوسف كان يوسف قاعد وقدام منه وجبة الفطار. وجنب منه دعاء وهي بتاكل ويوسف بيبص للاكل ومابيكلش فلحظت دعاء فقالت 

ما بتاكلش ليه

فبص لها يوسف وقال 

أصلي شبعان كمان شويه هاكل

ويقوم من علي الاكل ويقعد قدام التيلفزيون يفكر في موضوع جوازة من أسراء وازاي يقول حاجة زي دي لدعاء فتقوم دعاء وتلم الاكل. وتقعد قدامة وتقول

مالك

يوسف بتوتر 

ما فيش

دعاء

لا في قول مالك وبتفكر في ايه

يوسف

بصراحه بفكر في أسراء وعاطف اللي عايز يتجوزها

دعاء

ما الموضوع ده خلص امبارح وانت وقفت لهم وقولت لا في أيه تاني

يوسف

انا بصراحه يا دعاء بفكر في أني

ويسكت يوسف فتقول له دعاء

أنك أيه

يوسف

أني احمي أسراء من عاطف وأطمئن انه مايقربش منها أبدا وده بأني أتجوزها

دعاء مصدوما

عايز تتجوز أسراء. 

يوسف

بصراحه أه.

دعاء ضاحكا. وباستهزاء تقول

ماهي كانت مراتك وانت طلقتها عايز تتجوزها تاني ليه 

يوسف

طلقتها علشانك. انتي عارفة اني ما صدقت لقيتك

دعاء وهي بتبص ليوسف من فوق لتحت وقالت

ودلوقتي عايز تتجوزها لية

يوسف 

علشان أحميها مش أكتر وانفذ وصيه خالتي

دعاء

ممكن تحميها. بانك تجوزها حد كويس انت تعرفه وتثق في انما انت تتجوزها فده حب بقي

يوسف

أزاي تقولي كده أنا بحبك أنتي وبس واسراء زي اختي مش أكتر 

دعاء بحدة 

يوسف بلاش تكدب عليه عايز تتجوز أسراء أتجوزها بس وانا مش مراتك 

وتقوم دعاء وتقف وتستعد للانصراف من قدامة لكن يوسف يمسكها ويخليها تقعد تاني ويبص لها في عيونها ويقول

أنتي عارفة انتي اية بالنسبة لي. وانا عملت علشانك اية انتي مراتي وحبيبتي وعمري كله بس،،،،،

فتقاطعه دعاء بصرامة 

ما فيهاش بس يا أنا يا هي. واحب اسمع 

يوسف

أنتي طبعا. دعاء انتي الحب بالنسبه لي وعمري ما حبيت ولا هحب حد غيرك بس أسراء ووصيه خالتي عاملين زي الطوق اللي حوالين رقبتي ونفسي احمي أسراء من عاطف وبجوازي منها مش هيقدر عاطف او حد غير عاطف يقرب منها

دعاء بحزم 

يوسف لو اتكلمت في الموضوع ده تاني او حتي فكرت في بينك وبين نفسك ده هتكون نهايه جوازنا

يوسف وهو بيبص في عيونها 

وانا ماقدرش أعيش من غيرك 

ويبوسها في خدها ويغير الموضوع ويحط ايدة علي بطنها وهو بيقول

انتي بتحملي لجوة ولا اية عايز اشوف بطنك وهي بتكبر كدة ومحروس بيكبر جوة منها

دعاء

بتغير الموضوع.ماشي. عموما هخليني معاك للاخر وهاقول لك اني لسة في الشهر الرابع يادوبك بطني كبرت شوية مش اي حد ياخد باله انه حمل

وتقوم دعاء وتبص ليوسف تاني ويوسف بيبص لها بس البصة المرة دي فيها كلامك كتير اوي، ،،،،،،،

★النهاردة باذن الله الحلقة الاولي من. رغم فرق التوقيت علي صفحة وجروب حكايات منص ومي ★

ويروح يوسف الشغل وتنزل دعاء وتروح عند ابوها 

عبد الله واول ما يشوفها عبد الله يقول لها

خير باين علي وشك الهم لية

دعاء 

ما فيش يا بابا

فيخدها عبد الله في حضنه وهي تعيط فيقول

عمل اية يوسف يخليكي تعيطي كدة

دعاء بصوت حزين

عايز يتجوز اسراء 

فيضحك عبد الله فتبص له دعاء باستغراب شديد وتقول بنرفزة

انت بتضحك يا بابا 

عبد الله

بضحك علشان المفروض انتي تبقي اكتر واحدة عارفة ان يوسف نفسية مش متظبط وخصوصا بعد ما شاف خالته بتموت قدام منه. وبين ايده وهو حاسس بالذنب وشايف انه هو السبب في موتها. مع ان يوسف كان اتجوزك في يوم دة او ما حصلش جواز كانت برضو هتموت لان دي الساعه بتاعتها

دعاء

عارفة والله هو قد اية كان بيحبها بس مش لدرجة انه يتجوز اسراء احنا كنا خلاص نسينا الحوار دة. لولا اللي اسمه عاطف دة ربنا ينتقم منه مش عايز يسيب البت اليتيمة في حالها 

عبد الله وهو بيطبط علي بنته اوي وبيقول

وهو دة بقي اللي خلاكي جاي لي الصبح كدة ومعيطة

دعاء 

يعني عادي يا بابا ان يوسف يفكر انه يتجوز عليه

عبد الله

يا بنتي. انتي اكتر واحدة عارفة يوسف بيحبك قد اية وعمل علشانك اية. لكن يوسف خالته شيلته حمل هو مش قادر يخلص منه وهتفضل اسراء طوق في رقبه يوسف ولازم تساعدي مش تبقي ضده. ومهما حصل من يوسف اوعي تفتكري انه بيخونك. دة هو بس بيحاول يرضي اللي ماتت بين ايده

دعاء 

يعني اية يا بابا مهما حصل من يوسف. هو ممكن يوسف يتجوز اسراء 

عبد الله

الله اعلم.

دعاء 

طيب يعملها علشان يبقي جاب اخر حكايتي معه. ،،،،،،،،،

وفي نفس اليوم العصر يرن موبيل يوسف وكان المتصل المشرف اللي تبع منير. واسمه حسن 

الو

 ‏فيرد المشرف اللي تبع منير واسمة حسن ويقول 

 ‏

الاسطي يوسف النجار معايا

يوسف

أيوه مين

حسن

انا مشرف أسمه حسن معايا موقع في الساحل الشمالي وكنت عايزك تشتغل معايا

يوسف

وانت تعرفني منين

حسن

عن طريق اسطي نجار كان معاك في شرم 

وبدا حسن المشرف يوصف ليوسف الشغل واليوميه وكل التفاصيل واقتنع بوسف بالكلام لان الفلوس اللي هياخذها في الساحل ضعف المبلغ اللي بياخذه في القاهره. وفعلا يعدي اسبوع بالظبط ويسافر يوسف للساحل الشمالي، ،،،،،،

واول ما سافر يوسف راح عاطف ل أسراء البيت ولكن أسراء ما كنتش في البيت فاتصل بيها اكتر من مرة وهي تكنسل وما تردش لكنه فضل وراء منها لغاية ما رديت وقالت 

عاطف ياريت ماتتصلش بيا تاني

عاطف

ليه بس انتي خلاص نسيتي حبنا 

أسراء

ماكنش حب يا عاطف ده كان مجرد أعجاب واحنا يا عاطف ما ننفعش نكون لبعض

عاطف

أسراء انا بحبك لية عايزا تحرميني منك

أسراء

وانا بحب واحد تاني وياريت تمسح رقمي من عندك علشان انا مش هارد عليك تاني 

وتنهي المكالمة فيبص عاطف ل الموبيل وهو غضبان ويرمي علي الارض بعنف ويقول 

بعد كل اللي انا عملته. تروح لغيري. و ده مين بقي يا ست أسراء اللي عايز ياخدك مني ،،،،

وفي نفس الوقت ومن الساحل الشمالي وفي احدي اوض فندق 5 نجوم يفرد يوسف ظهرة علي سرير واسراء كانت في حضنة وبتقول له

اديني عملت لعاطف بلوك علشان ما يعرفش يوصل لي تاني. بس المهم انت ما تزعلش

يوسف وهو بيبوس ايدها

انا عمري ما ازعل منك يا قمر. المهم مبسوطة يا اسراء

اسراء وهي بتدخل في حضنة كمان وكمان

الا مبسوطة مع اني عمري ما تخيلت ان اتجوز واحد متجوز علية بس انت وعدني دعاء تولد وتطمئن عليها وتكون ليا لوحدي

يوسف وهو بيبوسها في خدها

طبعا

ويفكر في دعاء وفي اللي عمله من وراها وكان قلبه حزبن ،،،،،،،،

ونرجع بالاحداث أسبوع قبل سفر يوسف الي الساحل الشمالي بيومين و يوسف مع أسراء في أحدي السينمات وكانوا في حاله حب وغرام واسراء تبص له وتقول

انا مش مصدقة اني انا رجعت لك تاني وبقيت معاك ومش عارفة سامحتك ازاي بعد كل اللي انت عملتة

يوسف

اسراء بلاش نتكلم في اللي فات انا عارف اني ظلمتك بس لما جه عاطف وطلب ايدك بقيت عامل زي المجنون وعايز اكله بسناني وحسيت وقتها قد اية انا بحبك

ويقترب منها ولكنها تبتعد وهي تقول بكل دلع 

بس لم نفسك بلاش كده

يوسف

الفيلم اللي شغال ده خلي الرومانسي اللي جواي يطلع ويقول وينادي أسراء

اسراء ضاحكا 

رومانسي ايه بس أنت مدخلني فيلم ابراهيم الابيض وتقولي رومانسي. دة انا خايفة اتعور وانا بتفرج 

فيضحك يوسف وتضحك اسراء من قلبها فيبص يوسف في عيونها ويقول

 تتجوزيني

 ‏

أسراء وقلبها هيطير من الفرحة تقول

أنت بتقول أيه

يوسف

تتجوزيني والمره دي مش علشان خاطر حد ولا جوازه جبر خاطر انا عايز اتجوزك علشان بحبك

فتنزل دموع الفرح من أسراء وتقول

بجد يا يوسف ولا بتضحك علية 

يوسف

لا بجد انا بحبك يا اسراء

اسراء

يوسف قلبي مش هايستحمل وجع تاني. لو ما بتحبينش وعايز تتجوزني علشان وصية خالتك. بلاش بالله عليك

يوسف وهو بيبوس ايدها

المرة اللي فاتت اتجوزتك علشان ارضي خالتي انما المرة دي علشانك يا اسراء 

أسراء

طيب ودعاء

يوسف

أسراء وانا معاكي. بلاش نتكلم في اي حاجه تاني غير يوسف وأسراء

ويبوس ايدها كمان مرة وتعشقة اسراء اكتر من اول مرة، ،،،،،،،،،،

ومن جوة شقه فرج يقعد يوسف مع صفاء وفرج وكان بيقول لهم 

أنا هتجوز أسراء بس ياريت دعاء ما تعرفش لغايه ما شوف انا هاقول لها أزاي وخصوصا انها حامل وخبر زي ده ممكن يأثر عليها 

فرج باستغراب

تاني مش كان خلاص الباب ده أتقفل. سيب البت تعيش حياتها بعيد عنك 

صفاء لفرج 

ماتخلي يتجوزها. خلي اختي مني ترتاح في نومتها ده يوم الهناء يوم ما يوسف يتجوز أسراء

فرج 

ومراته دعاء اللي حامل مش من حقها تعرف باللي ابنك عايز يعمله 

صفاء بمنتهي القسوه

جت كسر حقها بقول لك أيه يا فرج انت عايز تعمل سعر للبتاعه دي. اصلا من الاول دعاء دي هي اللي خطفت يوسف من مراته أسراء ولا نسيت وجوازها من يوسف كانت جوازه الشوم والندامه وهي السبب في موت اختي

فرج 

حرام عليكي هي دعاء عملت ده كله. البنت بصراحه من ساعه ما اتجوزت ابنك وهي معه علي الحلوه والمره وعمرها ما أشتكت مع ان ظروف ابنك مش حلوه خالص يبقي دة جزاتها 

ثم يبص الي يوسف اللي كان ساكت تماما ولا يرد وبيبص في الارض ويقول له

أيه يا يوسف ساكت ليه مش دي مراتك دعاء اللي وقفت قدام الدنيا كلها علشان خاطرها خلاص مابقتش تحبها

يوسف يبص له ولا يرد ويرجع يبص في الارض تاني فيقول له فرج بعصبية 

رد عليه انا بكلمك ايه بطلت تحب دعاء

يوسف 

انا بحبهم هما الاتنين

فرج بعصبيه

لا والله مره واحده كده انت ايه يا اخي تحب دي شويه تروح تجوزها وبعد كده تحب التانيه وعايز تجوزها هو عادي كده الحب ده لعبه بالنسبه لك ولا انت فاكر ان كسر القلوب ده بالساهل 

يوسف

كسر قلوب ايه ياحج انا مش فاهم حاجه

فرج بانفعال شديد

لا فاهم وبتستعبط كسرت قلب اسراء يوم ما شفتك في حضن واحده تانيه ليله دخلتها وكسرت قلبها تاني يوم ما طلقتها واتجوزت دعاء ودلوقتي عايز تكسر قلب دعاء وتتجوز أسراء عليها حرام عليك بنات الناس. 

صفاء

فرج خليك محضر خير ومتقساش علي الواد كده من حقه يعيش حياته زي ما هو عايز. والبت راضية وموافقة انها ترجع له 

فرج باستغراب

دلوقتي عادي لما يتجوز طالما أسراء هي العروسه ويعيش حياته زي ما هو عايز صح. ما دعاء دي مش بنت اختك فعادي لو كلها قطر أعملو اللي انتوا عايزينهو بس بعيد عني. علشان اللي بيحصل دة ما يرضيش ربنا

يوسف

يا حج. انا راجل والشرع محلل لي اربعة

فرج بعصبية 

يوسف انت لتاني مرة بتتجوز اسراء علشان خاطر خالتك اللي ماتت وانت فاكر بسببك. وعايز تحميها من عاطف وخلاص 

فيسكت يوسف فيكمل فرج

تاني هاتكسر قلبها تاني.  

يوسف

لا. المرة دي انا بحبها

فرج وهو بيقف ويقول بحدة شديدة

انت كذاب. انت المهم ان اسراء ما تتجوز ابن عمها وتبقي نفذت وصية خالتك. انا اتكلمت معاك كتير وزهقت منك غور في داهية واتجوز اسراء تاني بس بعيد عني. 

ويسيبهم فرج ويمشي فتبص صفاء ل يوسف وتقول له

أعمل اللي انت عايزه واتجوز أسراء وعيش حياتك زي ما أنت عايز

وفعلا يتزوج يوسف من أسراء سرا ويسافر الساحل الشمالي مع أسراء علشان يقضوا شهر العسل وكانت دعاء عارفة انه مسافر للشغل، ،،،،،،،

ونرجع تاني واحنا دلوقتي جوة شقه عاطف وكان عاطف قاعد في بالكونه شقتة ومعه صاحبه منير وكان منير بيبص له وهو بيقول 

يعني أيه باظت

عاطف

هاموت أعرف مين ده اللي سابتني عشانه ده انا كنت خلاص قربت منها أوي ومليت دماغها لولا اللي اسمه يوسف ده واللي عمله ساعه ما كنت عندهم 

منير

لية ما يكنش يوسف هو اللي خلاها تبعد عنك. وخصوصا ان المشرف اللي خليته يكلمه قالي انه فضل يعطل في وماراحش الشغل

اتصدم عاطف وقال

دي ايامه هتبقي سواد لو هو وراء قلبه البت عليه 

منير 

بقول لك أيه. سيبك من الواد وركز مع البت. انت ناسي انك عليك شيكات ب مليون ج. مستحقة الدفع كمان شهر للمعلم حمدان.  

عاطف

علينا شيكات. انت نسيت انك شريكي من الباطن يعني يوم ما هتخرب هتخرب علينا

منير بعصبية

لغاية هنا وماعرفكش انت اللي روحت لحمدان وخد منه البضاعه وانا قولت لك بلاش طالما لسة ما كدبتش علي البت وانت اللي قولت ان البت في جيبك. فاكر ولا افكرك 

عاطف بنرفزه

فاكر فاكر هي دي حاجه تتنسي طيب شور عليه البت ساقت عليه العوج اعدلها ازاي 

منير 

لو ماجاتش بالذوق وبقت مراتك تيجي بالعافيه

عاطف

أزاي يعني

منير 

تيجبها بفضيحه وبدل ما أنت اللي تدور عليها عشان تتجوزها هي اللي دور عليك عشان تبقي جوزها

عاطف

حلوه يا تربيه أبليس بس نعملها ازاي دي

منير

خلي الموضوع دة علي منير المهم دلوقتي نعرف هي فين

عاطف

أكيد عند خالتها صفاء طالما مش في شقتها

منير

أديني عنوان خالتها ده

عاطف

انت ناوي علي أيه

منير

ناوي أعمل فضيحه

ويضحك ويضحك عاطف معه، ،،،،،،،،،

وفي نفس اليوم كانت دعاء عن ابوها عبد الله لانها متوعده طول ما يوسف مسافر تبات عند عبد الله وكان عبد الله قاعد قدام بنته اللي كانت بتتكلم في الموبيل وبتقول 

مش هاروح يا يوسف في حته

صوت يوسف

يعني ايه مش هاتروحي بقول لك امي عملت عمليه في عينيها ولازم تكوني معها وتخدميها لغايه ما تبقي كويسه

دعاء

يوسف امك ما بتحبنيش ده احنا من ساعه ماتجوزنا مافكزتش تيجي عندنا البيت وكل ما اتصل عشان اطمئن عليها في الموبيل ترد عليه ناشف والكلمه بكلمتها اروح لها ليه وهي ديما محسساني اني السبب في موت اختها

يوسف

كل الكلام ده انا عارفه وانا كمان عديت بي بس احنا لازم

نقرب منها ونكون جنبها مهما عملت. دعاء هي دلوقتي تعبانه وعايزا حد يخدمها

دعاء

خلاص يا يوسف هاروح علشان خاطرك بس انا هقعد هما يومين وبس مش اكتر 

يوسف

ماشي. يومين بس وابقي ارجعي عند ابوكي

دعاء 

وعلشان نبقي علي نور لو لقيتها بتعاملني ناشف انا همشي

يوسف

ساعتها يبقي حقك وماقدرش الوم عليكي، ،،،،،،

ومن قدام العمارة اللي ساكن فيها فرج يقف منير ومعه رمزي وكانو بيبصوا للعمارة بشر وتعدي من قدام منهم دعاء وتدخل العمارة وكان منير بيقول

الدنيا تهدئة كدة ونطلع الشقة نشوف فيها كام واحد 

رمزي

وهتدخل الشقة ازاي يا فالح

منير

الماسورة بتاعتهم ضربتها من المنور وشوية وهيطلبوا سباك وانا السباك وانت الصبي بتاعي

رمزي

انت شكلك هتودينا في داهية

منير

جمد قلبك. احنا هندخل ناخد اسراء ونخرج ولا من شاف ولا من دري، ،،،،،،،،،،

ومن جوة شقه فرج كانت صفاء راقدة علي الركنة وهي حاطة ضمادة علي عينيها اليمين وحوالين منها فرج وسيف فيسمعوا صوت خبط علي باب الشقة فيفتح سيف الباب ويلاقي دعاء فيقول لها بترحاب شديد

تعالي خشي

فتدخل دعاء الي الشقه ومعها شنطه صغيره فيها هدومها علشان لما تبات فتبص لها صفاء وتنفخ فيقول فرج 

تعالي يا دعاء تعالي يا حبيبتي أتفضلي بيتك ومطرحك

فتدخل دعاء وتروح ناحيه صفاء وتقول لها وهي تمد ايدها علشان تسلم عليها 

ازيك يا ماما الف سلامه عليكي

فتبص لها صفاء وتقول ببرود

انا اسمي ام يوسف مش ماما

وترفض انها تسلم علي دعاء فتسحب دعاء ايدها وتقول باحراج 

حقك عليه أزيك يا ام يوسف الف سلامه عليكي

صفاء 

الحمد لله ،،، ماكنش لي لزوم تيجي وتتعبي نفسك انا كويسه

وتقف صفاء وفرج بيبص لها مضايق من اللي بتعمله لكن صفاء سيبتهم ودخلت الاوضة ودعاء مخنوقة من اللي حصل فقال فرج 

أاقعدي يا دعاء يا بنتي دة بيتك 

دعاء تصعب عليها نفسها وتقول في سرها

الله يسامحك يا يوسف قولت لك بلاش اجي

وتبص دعاء لفرج وتقول 

لا انا هامشي بقي أنا الحمد لله أني أطمئنت علي ماما

وهي رايحة ناحيه الباب تسمع صوت صفاء بصوت عالي وكانت بتتكلم في الموبيل وبتقول

الو أيه يا يوسف يا حبيبي مش ناوي تخلص شهر العسل بتاعك بقي وحشتني قوي أنت واسراء ونفسي أشوفك

فيبص فرج ناحية باب الاوضة بغضب شديد وتبص دعاء ناحيه فرج وتقول وهي ترتجف من الصدمه 

بوسف مين اللي اتجوز اسراء 

فلايقدر فرج يرد ولا يقدر سيف يرد فتصرخ فيهم قائلا 

حد يرد عليه

فرج بحزن 

أه يا بنتي اتجوزوا

فتبص لهم دعاء والدموع اخفت لون عيونها ووقعت مغمي علبها، ،،،،،،،،  

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام 

الحلقة الثامنة