وجع الذل
★الحلقة الرابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
بصيت لخالد اللي اتوتر من اللي قاله العيل دة والدكتور صالح قال
أنا كنت شاكك فيكم انتم اكيد اللي سرقتوني.
وندهه علي امن المستشفي. وامن المستشفي جه ومسكوني انا وخالد. فتبص لهم ريري وتقول لهم
سيبوهم
اصالح وهو بيبص لبنتة باستغراب شديد ويقول
انتي بتقولي أيه يسيبوهم أزاي دول حرامية
ريري وهي تميل علي ودان الدكتور صالح
يا بابا ده بودي أبني كل مايشوف واحد شنبه كبير يفتكره الحرامي اللي سرق البلايستيشن بتاعه من الاوضه بتاعته أنا اللي قولت له كده علشان يذاكر
وسابونا أمن المستشفي وريري بصت لينا وقالت
أنا أسفه علي اللي عمله أبني
حسن
حصل خير عندي اللي في سنه
خالد يميل علي حسن ويقول بصوت خافت
أنا عايز اغير البنطلون دة. علشان اتبل
حسن بصوت خافت لخالد
انكتم هاتفضحنا
ويبص حسن للدكتور صالح ويقول
ممكن اعرف يعني اية احنا اللي سرقناك.
ريري
انا اسفة يا استاذ. بس اعذر بابا اعصابة تعبانه
حسن لريري
انا هاسمحه بس علشان وشك السمح دة وكمان علشان اختي اللي لسة عامل لها عملية لكن غير كدة
ويبص حسن لصالح وهو يمسك خده ويقول
كنت زعلت منك اوي يا صالح
صالح بعصبية
صالح يا،،،،
ريري مقاطعه له
بابا مالك. الاستاذ بيهزر معاك
صالح بعصبية
وانا مش عايز حد يهزر معايا
حسن
انا اسف يا دكتور صالح،،،،،،
وعدي اسبوعين وحاله سميرة اتحسنت الي حدا ما. وبدا الثقب يلم وما تعروفش ان كنت فرحان قد اية وقعد تحت رجل سميرة وقولت لها
حمد لله علي السلامه يا قمر
سميرة
الله يسلمك يا حسن. انت مش عارف انا فرحانه ازاي اني سيبت المستشفي ورجعت البيت
حسن
ولسة كمان لما تخلصي علاجك هاتفرحي اكتر واكتر وترمي الوجع دة وراء ظهرك
وقومت واخد سميرة في حضني وهي بتقولي
مش عايز تقولي برضو جبت فلوس العملية منين
حسن
بعدين بعدين
وقولت وسميرة في حضني
كده أنا فوقت من عمليه أختي اللي كانت معطلاني عنكم وجه الدور عليكم علشان تدفعوا التمن يا ولاد ابليس.
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
واتصلت بمهندس كمبيوتر معرفة خالد وطلبت منه يهكر موبيل حازم واميرة واديته ارقامهم وفعلا اتهركت موبيلتهم وبدا المهندس دة يراقب موبيلتهم ويسجل كل مكالمتهم ويعرضها عليه لغاية ما وقعت تحت ايدينا مكالمه غريت كل حاجة. وهي مكالمه حازم مع دكتور اسمه سميح وسميح دة هو الدكتور اللي بيعالج اميرة وكان حازم بيقول بعصبية
عايز أيه تاني يا دكتور سميح
سميح
عايزك تيجي لي العيادة
حازم
أجيلك ليه أحنا أتكلمنا في موضوع العمليه دي لما كنت عندك أخر مره وخلصنا الحوار أنا مش هاعمل عمليات لأميره انت فاهم ولو اميرة عرفت بان ليها عملية هاقتلك. مفهوم طبعا
سميح
انت مش عايزها تخف ليه
حازم
علشان افضل انا الواصي عليها واتحكم فيها اميرة لو مشيت هايجي لها عربس واتنين وتلاته لكن طول ما هي كدة ماحدش هايبصلها
سميح
طيب انا كدة. محتاج فلوس علشان اسكت
حازم
هابعت لك شيك تاني ب 100 الف ج. وما تحلمش برقم تاني
وخلصت المكالمه ضحكت وقولت لنفسي
ازاي اخ يعمل في اخته كدة. بس الحرام اللي دخل معدتهم خلاهم حيونات مش بني ادميين
وتعدي نص ساعه بالظبط حسن وكانت قاعد علي القهوة مع خالد وبحكي له علي مكالمه دكتور سميح مع حازم وخالد قالي
ماتطلب لنا شاي علشان نعرف نفكر
حسن
شاي أيه بس والله عيب عليك شنبك .....
فيقاطعه خالد قائلا
يخرب بيت شنبي هو اللي عندهم شنب عيب يطلبوا شاي
حسن
خلاص بطل ندب هاطلب لك شاي
حسن للقهوجي
اتنين شاي يا بلحة
حسن لخالد
الشاي جاي اهو ممكن بقي تركز معايا وتعالي نفكر سوي ممكن نستغل المكالمة دي ازاي
خالد
لازم نعرف في الاول اية هي العملية اللي محتاجة اميرة ونسبة نجاحها كام
عجبني كلام خالد اوي وقولت
صح. انت بتتكلم صح. احنا لازم نخش العياده بتاعت سميح
خالد
بس كدة نخشها. تعرف مكان العيادة
حسن
انا اعرف العمارة اللي فيها العيادة لاني ياما روحت مع حازم واميرة. لكن في اني دور ماعرفش
خالد
سهل نعرف العيادة في اني دور.
حسن
طيب يالا بينا
خالد
طيب والشاي
حسن
بصراحه يا خالد القهوه دي مافيهاش شاي،،،،،،،،
وروحنا للعمارة اللي فيها العيادة وحاولنا ندخل لكن فرد الامن كان ارخم من الرخامة وحاولنا نشتري معرفناش
ومشينا وفضلنا نبص علي العمارة وخالد قالي
وبعدين يا صاحبي اتعقدت كدة ولا اية
حسن
كل عقدة وليها حلال. بس يطلع النهار والدنيا هاتبقي بخير
خالد
مش فهمك
حسن
طالما ماعرفناش نخش نجيب اللي احنا عايزنه. نخلي اللي احنا عايزنه يطلع لنا
خالد
برضو مش فهمك
طلعت ورقة وكتبت رقم تيلفون عيادة دكتور سميح اللي كان مكتوب علي اليفطة بتاعته المتعلقة علي وجهه العمارة وقولت لخالد
هافهمك. بس في الاول اتصلي بمهندس الكمبيوتر معرفتك
طلع خالد الموبيل بتاعه واتصل بالمهندس واول ما رد المهندس خد الموبيل من ايد خالد وقولت
هندسة معلش بقي بنتصل بيك في ميعاد رخم. بس عايز اعرف منك لو خط ارضي عليه نت تعرف تجيب لي قرار الجهاز اللي متوصل بي
المهندس
اعرف طبعا بس هحتاج اوصل الخط الارضي دة علي اللاب عندي مرة واحدة بس
حسن
سهله. هاكلمك بكرة تاني
وخلصت المكالمة واديت الموبيل لخالد وقالي خالد
هافضل حمار كدة مش فاهم حاجة
حسن
بص عيادة زي دي اكيد جوه منها نت ودكتور زي سميح هايخلي شغله كله علي شبكة النت مش ملفات وكدة في لية ما نهكرش الشبكة بتاعته وناخد اللي احنا عايزينه
خالد
يخرب بيت دماغك. انت ازاي سو كدة
حسن
انا عمري ما كنت سو لكن جوة كل بني ادم مننا شيطان لو احتجته في الشر هايغلب
خالد
هو احنا اللي بنعمله دة شر
حسن
ماعرفش ومش عايز اعرف بس اللي اتعمل فيا خلاني اطلع الشيطان اللي جوايا. بس يارب هما يستحمله ويكمله معايا للاخر
وروحنا وطلع النهار وروحت السنترال اللي تبعه المنطقة اللي فيها عيادة دكتور سميح وهناك قبلت موظف التيلفونات وقولت له وانا بحط 500 ج. في جيبه
عايز سلك خط ارضي يتحط عندي في اللاب بتاعي كام دقيقة
بص لي الموظف وقلق وقالي
بس لو حد شافنا فيها
من قبل ما يكمل طلعت كمان 500 وحطتهم في جيبه وقولت له
فيها كمان 500.
بص الموظف للفلوس اللي في جيبة وقال
ما تحط كمان الف علشان عايز اجيب عده اوبو. كسر الزيرو
ضحكت وقولت له
وربنا ماخسارة فيك يا عم الدنيا كلها
وخد الموظف اللي هو عايزه ودخلنا السيوتش وخدنا اللي احنا عايزينه وهكرنا اللاب بتاع سميح ولقينا عنده فيديوهات ياما وكلها فضايح لكن اللي يهمني الفيديو دة
واميرة قاعده في المكتب عنده وبتقول له
انا مش مهم عندي اية اللي يحصله المهم اني اخف وارجع امشي تاني علي رجلي
سميح
العملية دي لو اتعملت بنسبه 90 % حازم هايتعمي
اميرة
هايتعمي سنه اتنين تلاته. وهايرجع يشوف تاني انا سئلت دكاترة في انجلترا واكدولي الكلام دة
سميح
يعني انتي عايزنا نعملها من غير ما يعرف
اميرة
دكتور سميح هاديك مليون. ج. بس ارجع تاني امشي علي رجلي
طمع سميح وقال
مليون حته واحدة انتي كريمة اوي
اميرة
في داهية الفلوس كلها بس ارجع تاني امشي.
سميح
طيب منحاول نشوف حد سنة قريب من سنك يتبرع بالفص دة ونزرعه ليكي في المخ
اميرة
دور انما لو ملقناش حازم موجود
استغربت من اللي سمعته اوي الاثنين ازاي كدة وكنت زعلان انهم ما رحمونيش دول ما رحموش بعض وهما دم ولحم هايحرموني انا الغريب عنهم. صحيح ولاد ابليس وروحت لسميح وهددته بكل اللي عرفته وغصب عنه بقي معايا.وبعدها بيوم كانت اميرة رايحة مشوار بالعربية لوحديها اديت لخالد فلاشة عليها تسجيل لمكالمة حازم مع سميح وقولت له
عارف الاشارة اللي في عابدين
خالد
تسبقني علي هناك ووسط الزحمة واول ما اقف بالعربية تبعد الفلاشة دي مع اي عيل او عيلة من اللي بيبعو المناديل وتخليهم يرمو الفلاشة علي رجل اميرة ويقولها الدكتور سميح بيقول لك شوفي الفلاشة دي
وفعلا وقفت في الاشارة وجه عيل من وراء العربية ورمي الفلاشة علي رجل اميرة وقال لها
دكتور سميح بيقول لك شوفي الفيديو اللي هنا وأتصلي بي ضروري
مسكت اميره الفلاشه. وهي مستغربه وبصت للعيل اللي كان اختفي من قدامها وانا بصيت عليها في مرايا العربية وشوفتها بتفتح اللاب بتاعها وبتحط الفلاشة في وسمعت كل المكالمه اللي دارت بين حازم والدكتور سميح وضحكت استغربت اوي ازاي الضحك يبقي رد فعلها وخرجت الموييل بتاعها واتصلت بسميح ورد عليها وقال
طالما اتصلتي بيا يبقي وصلت لك الفلاشة
اميرة وهي لسة بتضحك
وصلت وفرحت اوي اني انا سمعت الكلام دة
سميح
فرحتي
اميرة
طبعا. كدة ضميري ارتاح من ناحية حازم ومن ناحية اللي كنت عايزا اعمله في. واسمعني كويس حازم طالما عايز لي الشر يبقي انا مش هاعوز لي الخير انت تحضر نفسك علشان تعملي العملية خلال الاسبوع دة
وفضلت تتكلم مع سميح وانا مستحقرها وشايفه اوطي مخلوق خلقة ربنا. بس ما تفرقش عن اخوها اللي كان في نفس الوقت بيتفرج علي فيديو لاخته وهي عند دكتور سميح في العيادة
وخلص حازم الفيديو من هنا واتصل بسميح وقاله بعصبية
في حد شغال في العيادة عندك باعك وبعت لي فيديو وانت بتبعني لاختي
سميح
انا اعمل كدة، ،،،،
حازم بصوت مخيف
اسمعني كويس انت لو فاكر ان اميرة ممكن تحوشك مني تبقي عبيط وغلطان انت واخد مني لغاية دلوقتي مليون ج
علشان ما تعرفش بالعملية وبرضو عرفتها.
سميح
صدقني اميرة عرفت من الدكتور المساعد ليا.
حازم
مش هايفرق كتير اهي عرفت وخلاص ومن النهاردة اللعب هايبقي علي المكشوف، ،،،،،
وفي نفس اليوم بالليل كنت واقف برة واميرة وحازم جوة الفيلا والاثنين ناوين لبعض علي الشر وكانو قاعدين بياكلو ساعه ما سمعت اميرة بتقول
كل وأشبع بس ياريتك تشبع
حازم
أنا شبعان المهم انتي تشبعي
أميره
هو صحيح. أنت بتحبني يا حازم
حازم
بحبك زي مأنتي بتحبيني
أميره وهي تضحك تقول
يبقي مابتحبنيش
حازم
من القلب للقلب
أميره
عارف مين اللي وصلنا لكده
حازم
مين
أميره
أبوك هو اللي حببنا في الفلوس أكتر ما نحب بعض
حازم
صح يبقي الفلوس الاول وبعد كده أنتي
أميره
وأنت كمان تيجي عندي بعد الفلوس
حازم
طيب ما تيجي نتكلم بصراحه أنا عارف أنك عرفتي أنك ممكن تخفي بس علي حساب عينيه يريضيكي أنا اعيش أعمي
أميره
بصراحه يرضيني زي مانت عايزني أكمل حياتي علي كرسي بعجل
حازم
أنا مش هاعيش أعمي علشان خاطرك
أميره
ولا أنا هافضل علي كرسي بعجل مادام في علاج لحالتي
حازم
شوفي علاج ليكي بعيد عني ومن النهارده أنتي في طريق وأنا في طريق
وهنا جه الوقت اللي ادخل في. وقولت
بلاش تسيب أختك وان كان علي العمليه أنا هاخلي الدكتور سميح يعملها لي أنا
أميره تقول باستغراب
أنت
حسن
أيوه أنا أنا سني من سنكم تقريبا وأنا لسه جاي من عند الدكتور سميح وقال لي أني ينفع أعمل العمليه
حازم يقول باستغراب
وعارف أنك هاتبقي أعمي بعديها
حسن
عارف وموافق
اميره
وليه هاتعمل كده
حسن
علشان لازم أعمل العمليه لاختي في خلال أسبوع من النهارده ومحتاج للفلوس ضروري
حازم
وهاتعمل العمليه مقابل أيه
حسن
10 مليون جنيه وجوازي من أميره وسميره تعيش معانا في القصر
حازم
لا بقي. أنت أكيد أتجننت أنا مش ممكن أوافق علي اللي أنت بتقوله ده
حسن
وأنا هابقي أعمي بعد العمليه يعني مش هعرف اشتغل تاني ولازم أطمن علي مستقبل سميره أختي
أميره من غير تردد
بس أنا موافقه
حازم
يبقي خلاص غوري أنتي وهو أدفعي ال 10 مليون من نصيبك لكن أنا مش هاطلع جنيه من نصيبي
أميره
هادفعهم بس أمشي واروح واجي زي بقيت البنات
بص لها حازم بحرقة وبص لي وسابنا وخرج وقبل ما يركب عربيته كان خالد مستني بالبنج واتخدر حازم،،،
خلصت حلقتنا اللي يارب تعجبكم
روعه
ردحذفروعه روعه روعه تسلم ايدك
ردحذفتم
ردحذفروعه
ردحذفجميلة جدا
ردحذفالله عليك فعلا ماحدش يتوقعك بس بجد حلوة قوي
ردحذفتم
ردحذفجميلة جدا
ردحذفجميلة جدا
ردحذفجميل جدا
ردحذفتم
ردحذفتم
ردحذفتم
ردحذف