الزومبي اللي حبتني
★الحلقة السابعة★
والاخيرة
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتختفي ماري وينظر الفولي الي سولاف وسولاف تقول له
عماله اكلمك وانت مش بترد عليه ليه
فيقترب منها الفولي ويمد يدة لكي يلمس جسم سولاف وبالفعل تمر يد الفولي من خلال جسم سولاف فينظر الفولي لي سولاف وينهار من الخوف ويرجع للوراء خطوتين وسولاف تقول له
مالك يا حاج
الفولي
انا مش قادر اصدق انتي زي ماقالت شبح
سولاف باستغراب
شبح ايه بس. انا بني ادمه زي زيك. اوعي تصدق ماري
ينظر لها الفولي وهو محتار مابقاش عارف يصدق مين ويكدب مين كل حاجه في حياته بقيت كدب وينظر لحازم ويقول
يالا يا حازم نمشي من هنا
حازم
طيب والقصه وحازم ابنك اللي محبوس جوة منها
الفولي وهو يستعد للانصراف يقول
انا عايز امشي من هنا
فتمد سولاف يدها وتمسك يد الفولي لكي تمنعه من الانصراف فينظر لها الفولي فتقول
هاتسيب ابنك لماري تقتله
فينظر الفولي ليدها ويقول
لازم امشي
سولاف
ليه
الفولي باعصاب مشدودة
عشان حياة ابني قصاد حياتك
سولاف
يعني ايه مش فاهمه
الفولي
ماري عايزاني اقتلك عشان ترجع لي ابني وانا مش هاقدر اعمل كدة لو كان ايه التمن
سولاف
عايزاك تقتلني عشان خايفه مني وعارفه اني قربت منها وقربت اخلص عليها
الفولي
بصي يا بنت الناس انا ماليش دعوي بالمشاكل اللي بينك وبينها انا لو رجوع ابني تمنه حياتك انا مش عايز ابني ير ،،،،،،،،
ثم يسكت الفولي ويسترجع كلام ماري في اذنه وهي تقول
دي شبح ولازم تقتلها
فينظر له حازم ويقول
جدي انت سكت ليه في حاجه
الفولي
كلام ماري جه في وداني وغلطت لما قالت لي اقتل سولاف وبعد كدة قالت انها شبح يبقي ازاي اقتل سولاف وهي اصلا شبح يعني ميته
سولاف بانبهار
صح انت صح طالما انا شبح زي ماهي بتقول ليه عايزاك تقتلني
وتاخذ سولاف الفولي بالحضن فرحانه انه ماصدقش ماري وقتلها عشان أبنه يرجع له وبعد بلحظات تحاول سولاف الخروج من حضن الفولي ولكن الفولي يتبت في الحضن اوي وتحاول سولاف كمان مرة ابعاد الفولي عنها وهو يقول
خليكي شويه انا لسه هاقول حاجات تانيه تعجبك
ولكن سولاف تنجح في ابعادة عنها وهي تنظر له وتعدل ملابسها وتقول
انت راجل كبير عيب اللي انت بتعمله ده
الفولي
انتي فهمتي ايه. ده انا فرحت بس علي فرحتك
فيقف حازم امامها ويقول
ازاي انتي شبح وهي تقول أقتلها
ويفتح لها ذراعيه منتظر حضن منها فتنظر له وهو ينظر لها ويشاور علي حضنه ويقول
ايه.
سولاف
ايه. ايه
حازم
انا قولت زي ماهو قال. في الحضن
سولاف بعصبيه
حضن ايه وزفت ايه. احترم نفسك وخلينا نشوف هانعمل ايه
حازم يقول مثل العيال الصغيرة
اشمعني انا طيب
سولاف للفولي
ودلوقتي بقي بعد ما أتاكد اني بني ادمه زيك ممكن بقي نفكر ونشوف اوراق القصه نلاقيها فين
فيفكر الفولي لي لحظات ويقول
انا معايا ورقه من اوراق القصه كتبها حازم ليا واده هالي عشان ادخل بيها واجيب جورج
سولاف
معاك فين
فيخرج الفولي المحفظه الخاصه به ويفتحها وهو يقول
اخر حاجه من ريحه حازم معايا
ويخرج الورقه فتمسك سولاف الورقه منه وتنظر فيها وهي مكتوب فيها المشهد اللي بيدخل فيها الفولي الي القصه ويحضر جورج لزمنه فتقول سولاف
هي دي الورقه اللي هاخلص بيها علي ماري وانقذ ابنك من ايديها
وفجاة. يجدوا الثلاثه نفسهم بداخل القصه و في زمن ماري ويجلسون امام لاشيع والد ماري فينظر لهم لاشيع ويقول
ازيك يا عدسي
الفولي بعصبيه
اهلا هو انت يا بارد
لاشيع
بس سخن
فتقف سلاوف وتنظر للمكان الخيالي اللي هي في مش مصدقه اللي حصل وتقول للفولي
انا مش مصدقه احنا بجد جوة القصه بتاعت ابنك
الفولي ضاحكا
لا صدقي وبعدين لما تاخدي علي القصه والقصه تاخد عليكي هتلاقي نفسك كل يوم والتاني هنا
فيقف لاشيع وهو يضع ديل الجلبيه اللي لابسها في سنانه وينظر لي سولاف ويقول للفولي
اول مرة تخش عليه الصموعه بتاعتي ومعاك فاكهه
ويقترب لاشيع من سولاف فيذهب الفولي ناحيته وينظر لمنظرة وهو يضع ديل الجلبيه في سنانه زي الفلاحين ويقول له
رايح فين يا ابو سوليم
لاشيع وهو ينظر لي سولاف
نازل اسقي الارض
حازم وهو ينظر للفولي ويقول
مين ده
الفولي
ده جدك اليهودي لاشيع
حازم
ده يهودي . والله بالجلبيه دي افتكرته القرموطي
وفي هذة اللحظة ياتي حراس الحاكم سين ويقفون حوالين الفولي وحازم وسولاف فينظر لهم الفولي ويقول
اهلا. كملت، ،،،،،،
ومن داخل قصر الحاكم سين يقف الفولي وحازم وسولاف
وهم مقيدين بالسلاسل والحاكم سين يجلس امامهم علي عرشه ويقول لهم
حج طة عن عن
الفولي
وربنا ما هارد عليك
سولاف
هو بيقول ايه
الفولي
سيبي هو بينهج اول كام جمله وبعد كدة بيتكلم زينا
سين
حد يرد عليه حج طة عن عن
حازم
عن عن. بطل ودور تاني وهي هادور معاك
سين
أنتو مين وبتعملو ايه هنا
الفولي
احنا جائيين عشان حازم ابني اللي خطفته ماري
سين
ماحدش يقدر يقرب من ماري دي في حمايتي
الفولي باستغراب
ازاي في حمايتك ده انت كنت قالب الدنيا عليها وعايز تدفنها حيه
فيضحك سين ويقول
انت صدقت دي لعبه عملتها بالاتفاق بيني وبين ماري عشان تحموها مني وابنك حازم يصدقها ويرضي يجي زمنها عشان يعالجها من الفيرس ويعمل اللي ماعملهوش ميشيل وعند اكتمال القمر تقتل ماري حازم ويكون ضحيه جديدة ليها وتقدمه للقمر وتفضل روحها تطوف بين العصور وتعيش ماري بلا نهايه
سولاف
وليه سابت ابنها جورج يعيش في زمن مش زمنه
سين
عشان يحبه الفولي وتقدر عن طريقه تقتلك
سولاف بدهشه
تقتلني انا. طيب ليه
سين
عشان الاسطورة بتقول ان نهايه ماري هاتكون علي ايدك والوحيد اللي يقدر يقتلك هو اللي من دمها وجورج كان لازم يقتلك في زمنك وزمن الفولي بس واضح انك قدرتي تهربي من جورج وجيتي لزمنها عشان هي اللي تخلص عليكي بايديها
وفي هذة اللحظه تظهر ماري خلف سولاف وتحاول ان تعرز انيابها في رقبتها ولكن حازم الصغير يتحرر من قيودة بقوته ويمسك فك ماري بكل قوة ويمنعها من غرز انيابها في رقبه سولاف فتنظر له ماري وهو ينظر لها ويغرز حازم الصغير أنيابه في رقبتها فتصرخ ماري وتحاول الافلات منه وهي تصرخ وتنظر له حتي يحترق جسمها تماما فينظر لها سين ويجري ناحيتها ويحاول انقاذها ولكن حازم يهجم علي سين ويغرز أنيابه في رقبتها بكل قوة ويموت سين ويبدأ حازم يتالم ولكنه يقف علي قدمه ويفك سلاسل الفولي و سولاف وهو بدأ يحترق فينظر له الفولي ويقول
حازم
حازم وهو يبكي
جدي. هاموت والغداء كان عليك انت
سولاف
انت ليه عملت كدة وعرفت ازاي انا ماري هاتموت كدة
حازم
كان فوق جدي صورة لام بتحضن أبنها وهو غارز أنيابه في رقبتها والاثنين بيتحرقوا فحسيت أني انا المقصود وان نهايه ماري هاتكون علي أيديه. نهايه الشر اللي جوة امي ونهايتي معها
وينظر للفولي الذي يبكي له ويقول
وانا مش هلاقي حد أحسن من جدي أفدي بروحي
ويحترق حازم وهو يصرخ وعيونه تدمع ولايزال ينظر للفولي وقبل ان يحترق وجه حازم ضحك للفولي وقال
اوعي تنساني
يبكي الفولي وهو ينظر لحازم اللي احترق وتحول الي رماد وفي هذة اللحظة يفتح احدي الابواب ويخرج حازم أبن الفولي من وراء هذا الباب وينظر لوالدة الفولي ويذهب ناحيته مسرعا ويرتمي في حضنه ويبكي ويقول
حقك عليه
الفولي وفرحته مكسورة علي فقدان حازم الصغير ورجوع حازم الكبير ويقول بفطور
حمد لله علي السلامه يا أبني،،،،،،،،،
ونرجع تاني لكام سنة وراء. ومن جوة فيلا حلوان في سنه 2005 يقعد الفولي جنب حازم وكان الفولي بيقفل قصة حازم وبيقول
نهايه جميله وحزينه ما كنت سيبت حازم الصغير يعيش
حازم
لا انا قاصد كدة عشان عايز اقول أن ممكن اللي مش من لحمك ودمك يكون احن عليك من اللي من لحمك ودمك
الفولي
يعني انت ممكن تعمل كدة فيا
حازم وهو يبوس يد الفولي
انا ماقدرش أعيش من غيرك ويوم ما احب واتجوز لازم تكون واحدة بنت ناس وتحبك وتكون في خدمتك قبل خدمتي
الفولي
حبيبي يا حازم. بس انت طلعتني بتاع نسوان في قصتك وانا عمري ما كنت كدة
حازم
عشان بس الناس تنبسط وتحبك زي ما انا بحبك. وبعدين في حد بتاع نسوان يخلف عيل واحد
الفولي بنرفزة
ماتلم نفسك يا عم. وبعدين العيب كان في امك هي اللي مبتخلفش
حازم ضاحكا
مبتخلفش. حبيبي يا فولي والله. ربنا يخليك ليا
الفولي
ربنا يخليك ليا يارب. وماتتلبس بجد زي ما انت كاتب في قصتك
حازم ضاحكا
متخافش يا فولي مش هايحصل لنا حاجه
ويضحك الاثنين وتطبع القصه وتباع من غير ما حد يتلبس ويتمتع الفولي بنجاح ابنه ويتمتع حازم بنجاحه وتوته توته خلصت الحدوته وكله طلع سليم وماحدش حصل له حاجه.،،،،،،،
النهايه
يارب تكون عجبتكم واكون قدرت اسعدكم. سلام واشوفكم وحكاية جديدة وهي بعنوان. أميرة وادي الذنوب. سلام
جميله اوي اوي تسلم يدك
ردحذف