الزومبي اللي حبتني
★الحلقة الخامسة والسادسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويخرج حازم من السنترال وهو بيعدي الشارع تخبطه سيارة مسرعا فينهض الفولي ويجري ناحيه حازم فيجد حازم واقف امام السيارة لم يحدث له شي والسيارة تحطمت تماما فينظر الفولي لهذا المشهد ويقول
ايه ده. حازم طلع الرجل السبانخ
فينظر حازم لاهالي المنطقه الذين ينظرون لي حازم باستغراب شديد ويقول حازم
انا ليه حاسس اني مصدع
الفولي
مصدع بس. عربيه جيب. دخلت فيك بسرعه وخلصت معاك بصداع
فينظر حازم للعربيه فيجدها تحطمت تماما وسائق العربيه ينزل منها وهو مصاب وحازم ينظر لما يحدث مش مستوعب اللي بيحصل، ،،،،،
ومن داخل احدي مستشفيات امبابه ينام حازم علي سرير الكشف والدكتور يقف امامه و الفولي بجانبه ويمسك الدكتور في يدة التحاليل والاشعه الخاصه بحازم وينظر فيهم وهو يقول بدهشه
مش معقول
الفولي بقلق
خير يا دكتور
الدكتور
حفيدك ده مش طبيعي
الفولي
مش طبيعي يعني ايه. داخله مواد حافظه
حازم
مواد حافظه ايه بس. هو انا كيس شيبسي
الدكتور
والله التحاليل والاشعه اللي قدامي بتقول ان حازم ده بني ادم ميت
فينظر الفولي الي حازم وحازم ينظر الي الفولي ويقول
ايه يا جدي الكلام ده انت جايبني عند دكتور محشش
الدكتور بعصبيه
مسمحلكش تغلط انا بقول اللي باين قدامي في الاوراق الخاصه بيك
فينهض حازم من علي سرير الكشف وهو يقول
بس بقي بلا تسمح بلا نيله
ويمسك جدة من يدة ويقول
يالا يا فولي من هنا.
ويخرج الفولي وحازم من عند الدكتور،،،،،،،،
ومن داخل شقه الفولي يجلس الفولي امام حازم وحازم ينظر له والفولي ينظر له لدقائق فيقول حازم
طيب وبعدين مش ناوي تتكلم
الفولي
لا هاتكلم طبعا. اومال هافضل ساكت كدة ده حتي غلط علي القولون
ويسكت الفولي مرة اخري وينظر لحازم فيتنهد حازم بضيق فيقول الفولي
اتكلم اقول ايه بس
حازم
قول ان الدكتور اللي كنا عندة ده حمار
الفولي
بص. هو باين كدة ان التاريخ بيعيد نفسه وشكلي هاعيش جوة فيلم كرتون جديد
حازم باستغراب
فيلم كرتون. انا مش فاهم حاجه
الفولي
هافهمك من عشرين سنه. أيام ماكنت انت لسه ورقه
حازم بدهشه
ورقه. انا كنت ورقه
الفولي
ماتستعجلش انت كنت ورقه واسمك جورج وامك زومبي واسمها ماري وابوك اسمه حازم وجدك راجل بارد اسمه لاشيع
حازم
بس خلاص . انت بتشرب حشيش يا جدي
الفولي
عمري ماشربت والله. بس اللي شوفته مع حازم ابني عدي الحشيش وكل المخدرات
حازم
يا جدي ازاي بس انا اسمي جورج وابويا حازم وامي ماري وجدي لاشيع انا كدة انتاج مشترك من كل الاديان يعني كوكتيل
الفولي
ليك حق ماتصدقنيش. لكن هي دي الحقيقه وعشان تصدقني هاحكي لك اللي حصل
وبدأ الفولي يحكي قصه حازم ابنه مع القصه الملعونه وماري والحاكم سين حتي انتهي من القصه فيجد حازم احول وعينيه اليمين قعدت فوق عينيه الشمال والفولي بص له وقاله
حازم مال عينيك
حازم
اعدلي يا خاله
فيضربه الفولي بالقلم فترجع عين حازم كما كانت ويضحك حازم وبشدة ويقول للفولي
انت سكران يا جدي. صح. انا ابن واحدة زومبي يعني ماما زومبي
الفولي
يا ابني ده اللي حصل ولازم تصدقني
وفي هذة اللحظة يسمع الاثنين صوت خبط علي باب الشقه فينهض الفولي لكي يفتح الباب فيجد امامه امراة جميله جدا في اواخر الثلاثينات من عمرها وهي الدكتورة سولاف فينظر لها الفولي من فوق لتحت ويقول
كنتي فين يا لحمه اما كان عندي سنان
سولاف
أنا سولاف محمد السيد
الفولي وكانه يعرفها
ساولاف محمد السيد.
سولاف
انت تعرفني
الفولي
اة طبعا مين مايعرفش الساولاف اللي جنب الودن. ده انا حتي كمان عندي ساولاف زي بتاعت محمد السيد واطول من اللي عندة
فتضحك سولاف ضحكه ترن فيقول الفولي
العب يا بلطي
سولاف
يا حاج انت فهمت غلط انا اسمي سولاف محمد السيد مش ساولاف محمد السيد
الفولي
أه. سامحيني يا بنتي اصل البنات اللي اعرفهم يا اما اسمهم احمد او معتمد انما اول مرة اعرف ان في سولاف بنت
سولاف
حصل خير. ممكن ادخل ولا هانفضل نتكلم واحنا واقفين علي الباب
فيوسع لها الفولي المجال لكي تدخل وهو يقول
اتفضلي
وهي داخله يشم الفولي ريحه البرفان الخاص بها ويقول
يخرب بيت حلاوة ريحه امك
فتنظر له سولاف ولم تسمع ماقاله فتقول
بتقول حاجه يا حج
الفولي
بدعي ليك يا بنتي يعمر بيت امك
سولاف وهي تدخل الشقه
شكرا يا حاج
وتدخل الي الشقه وينظر لها حازم وينظر للفولي ويقول
مين دي
فتجلس سولاف علي الكنبه فيجري الفولي ويجلس بجانبها ويجري حازم ويجلس بجانبها من الناحيه الاخري فتنظر لهم سولاف مش مستوعبه اللي بيحصل وهما قاعدين جانبيها ولاصقين فيها فتقول بغضب
هو في ايه. ممكن توسعه
حازم
ياريت ينفع ده اخر كرسي فاضي في الميكروباص
فتنظر سولاف للفولي فيقول الفولي
خلاص كدة اربعه وراء يا اسطي اطلع
فتتعجب سولاف مما يحدث وتنهض وتجلس علي كرسي لوحدها فيجري حازم والفولي ويجلسوا قدامها تحت رجليها وينظروا لها باعجاب شديد وهي تنظر لهم بدهشه فيقول لها الفولي
معلش احنا سلو القبيله بتاعتنا كدة اننا نلصق في الضيف اللي عندنا وخصوصا لو ساولاف زيك. ما تيجي نتجوز
حازم
جواز ايه بس. بلاش تحرج نفسك انت اصلا اسمك نزل في كشف التسعه اللي جاي
الفولي
بتاع ايه كشف تسعه ده
حازم
وفيات
الفولي
بتدعي عليه يا كلب المعيز. ماشي يا حازم
ثم يميل الفولي علي حازم ويقول بصوت خافت
ولا يا حازم. هاجيب لك خصله من شعرها وتجري تعمل لها عمل تخليها تطلب ايدي للجواز
حازم بصوت خافت
تاني ياجدي بلاش تحرج نفسك. انت ماتنفعش في الجواز الموزة دي عايزا شاب زيي
فيمسك الفولي حازم من لايقه القميص ويقول
ولا. اياك تقرب منها والا هانفخك
حازم وهو ينظر ليد جدة يقول
هاتضرب ابوك يا حنفي
الفولي
انت اتفرجت علي حنفي الاوبهه صح
حازم
اة. فيلم جامد جدا. شوفت لما خيري ورشاد وعدوي جريو منه ودخلو، ،،،،،،،،
فتقاطعه سولاف بعصبيه شديدة
هو في ايه. ممكن تبطلو رغي وتركزوا معايا شويه
فينظر الفولي الي حازم وينهض الاثنين خائفين من سولاف ويجلسو علي الكنبه وينظروا لها بصمت فتقول سولاف
انا سولاف دكتور في علم ماوراء الطبيعيه وكنت بعمل بحث من سنه عن اغرب ظواهر ما وراء الطبيعيه و اللي حصلت اخر عشرين سنه وعرفت ان ابنك حازم كتب قصه عن ماري أكله لحوم البشر وهو كان فاكر ان ماري دي شخصيه من خياله لكن الحقيقه غير كدة خالص
الفولي باهتمام
مش فاهم
سولاف
الاساطير اليونانيه القديمه اكدتت بان ماري انسانه حقيقه وهي فعلا من اكلي لحوم البشر وظهرت في العهد اليوناني القديم وماري بتختار اللي يكتب قصتها وبتخلي يحبها عشان تعوض كل اللي شافته علي ايد حبيبها ميشيل اللي كان السبب في انها تبقي زومبي بعد مازرع الفيرس في جسمها عشان يجرب عليها علاج للفيرس بعني كانت بالنسبه لي زي فار التجارب مع انها كانت بتحبه جدا لكنه غدر بيها. لكنها قتلته في الاخر وقتلت نفسها وعاشت روحها بين العصور والسنين تدور علي ميشيل يحبها زي ماحبيته واختارت ابنك حازم عشان يكتب قصتها. لانه شبه ميشيل وخليته يحبها لغايه ما هايكتمل القمر في عام الحصاد وتقتل حازم أبنك هي والحاكم سين.
الفولي مصدوما
هاتقتل حازم. هو حازم لسه عايش
سولاف
حازم طبعا عايش ومايعرفش ان نهايته هاتكون علي ايديها يوم اكتمال القمر. اللي كمان أسبوع
ثم تتنهد وتقول
لكن الغريب المرة دي ان ماري سلمت لحازم ابنها جورج مصاص الدماء
فينظر الفولي الي حازم وحازم ينظر له ويقول
انا مصاص دماء. وانتي عرفتي أزاي
سولاف
اهل المنطقه صورة العربيه الجيب اللي خبطتك وانك ازاي طلعت سليم منها وعرفت اوصل للي رافع الفيديو واعرف عنونكم وجت لكم بعد ما عديت علي الدكتور اللي شاف التحاليل والاشعه بتاعتك واكد لي انك بحكم الطب ميت
وجت لكم عشان نحط أيدينا في ايدين بعض ونوصل لحل لغز شبح ماري اللي لازم نخلص منه ونلحق حازم من ايديها ونخلص من لعنه ماري اللي لفت بين العصور والسنيين وكانت السبب في موت مليون شاب
الفولي بدهشه
مليون
سولاف
ده الرقم اللي قدرتك أوثقه لكن ما خفيا كان اعظم
الفولي
طيب واحنا دلوقتي في ايدينا ايه نعمله
سولاف
نوصل للقصه اللي كتبها حازم ونكمل كتابتها ونكتب النهايه من غير اي تعديل وهو بموت ماري
الفولي
وماري هاتسيبنا نعمل كدة
سولاف
لا. طبعا. بس لازم نخلص منها
حازم
طيب وانا
سولاف
انت لازم نعرف ليه ماري سيباك في عصرنا مع انك ابنها الوحيد اللي خلفته من حبيبها ميشيل
فيصدم الفولي كمان مرة ويقول
هو ده مش ابن حازم
سولاف
لا. جورج ابن ميشيل
فينزل الكلام علي الاثنين كالصاعقه، ،،،،،،،،
الزومبي اللي حبتني
★الحلقة السادسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وينزل كلام سولاف علي الفولي كالصاعقه وينظر لحازم ويقول
يعني ده مش حفيدي. طيب ليه حازم ضحك عليه وفهمني ان ده حازم حفيدي
سولاف
يمكن تكون ماري طلبت منه كدة عشان تحافظ علي ابنها
المهم دلوقتي لازم نروح للمكان اللي في القصه اللي كتبها حازم ابنك ونكمل القصه
الفولي
كدة لازم نروح حلوان في الفيلا بتاعتي بس يا عالم لسه موجودة ولا اتهدت
سولاف
نروح ونشوف مش هانخسر حاجه، ،،،،،،
ومن امام فيلا الفولي اللي في حلوان يقف الفولي ومعه سولاف وحازم وينظر الفولي للفيلا التي احترقت تماما
ويتذكر الايام اللي مضت فتنظر سولاف للفيلا وماحدث لها وتقول
هي دي فيلتك
فينظر الفولي لها ويحرك راسه بحركه معنها اة. فتكمل سولاف قائلا
وايه اللي عمل فيها كدة
الفولي وعيونه ترغرغ بالدموع.
عيد ميلاد. ولعنا الشمع وجاينا نطفئ مرضيش راحت الفيلا مولعه
ويضحك ضحكه حزينه وراءها وجع سنين فيقول حازم
وهنلاقي ورق القصه في الفيلا دي ازاي دي الفيلا اتفحمت
الفولي
ماعرفش بس اخر مرة شوفت فيها حازم وقصته كانت هنا
سولاف
مافيش قدمنا غير اننا ندور كويس يمكن نلاقي حاجه
الفولي باشتياق لحازم
تفتكري اني ممكن اشوف حازم تاني بعد كل السنيين دي
سولاف
باذن الله
الفولي وهو يبكي
مع انه سابني بس واحشني ابن الكلب
حازم وهو يحتضن الفولي
روق يا جدي. ولازم تعرف يا شمس أن المرشال برعي لوحدة وحنه والحريم في بيت الشيخ اوبح
فينظر له الفولي ويقول
ليه ماتحمتش بالجامع يا جاز يا ابني
حازم
بوقي كله شاي بلبن يا شيخ نعمان
الفولي
انت اتفرجت علي شمس الزناتي يالا
حازم
اة. بس فيلم جامد تحت. شوفت لما المرشال برعي خد بالشوكه في رقبته
الفولي
ولا لما جعيدي قلع الجذمه ولا،،،،،،،
سولاف بعصبيه شديد
بس بقي.
فيفزع حازم والفولي ويقول الفولي لحازم
صه يا ابن الجزم
حازم
صه.
الفولي
اة. بس تح فلق وجري
حازم وسولاف في نفس واحد
انت بتقول ايه
الفولي
مافيش مافيش افتكرت واحد صاحبي يالا ندخل
ويدفع الفولي باب الفيلا وينفتح الباب ويدخل الفولي وحازم وسولاف الي الفيلا ويغلق الباب خلف منهم بمنتهي القوة وتغلق شبابيك الفيلا كلها في وقت واحد وتصبح الفيلا شديده الظلام ويقول حازم خائفا
مين اللي بيعمل كدة
الفولي
اكيد امك
فتخرج سولاف موبيلها وتشغل الكشاف وتمشي امام الفولي وحازم وهم خلف منها وتقول
مش عايزاكم تخافوا ماري بدات تلاعبنا ومش هاتسيبنا نوصل للورق
الفولي بتحدي
وانا مش هاسيبها تقتل ابني. سماعني يا ماري ابني لا. لا لا.
وفجاة يجد ماري امامه فيصدم وهي تنظر له وهو ينظر لها ويقول وهو يشاور علي سولاف وحازم
العالم الوسخه دي جائيين عشان يخلصوا عليكي خلي بالك من نفسك
ماري
وانت جاي لية
الفولي
نسيت باب التلاجه مفتوح جاي اقفله وامشي
فتضحك ماري وتختفي من امام الفولي والفولي ينظر علي بنطلونه المبلول ويقول
ياريتني جبت غيار معايا
وفجاة سولاف تنظر له وتقول
انت بتكلم مين
فيفزع الفولي ويضربها بالقلم من شدة الخوف ويقول
ايه يا ساولاف بس خضتيني
سولاف وهي تمسك خدها تقول
معلش حصل خير. ودلوقتي لازم تقولنا ورق القصه فين
الفولي وهو يشاور علي حجرة حازم
الورق كان فوق في اوضه حازم
فيصعدوا الثلاثه الي الدور الثاني من الفيلا وتفتح سولاف حجرة حازم وتبحث عن اوراق القصه ولكنها لاتجد الا اثار الحريق فتنصدم من المنظر وتقول للفولي
انت متاكد ان القصه كانت هنا
الفولي
ايوة متاكد
حازم
يبقي اكيد اتحرقت
الفولي لسولاف
طيب وبعدين
سولاف
لازم ورق القصه عشان نقدر ننقذ حازم
الفولي
طيب انا فاكر احداث القصه وممكن اكتبها
سولاف
لازم نكمل القصه اللي بخط ايد حازم
الفولي واليأس بدا يدق ابواب قلبه
يعني ايه حازم هايموت
فتظهر له ماري وهو بس اللي يشوفها
عايز ابنك يعيش
الفولي
اة.
ماري
حازم يقتل سولاف
الفولي مصدوما مما يسمعه
انتي بتقولي ايه
ماري
سولاف اللي قدامك دي من مصاصي الدماء ومايقدرش يقتلها الا مصاص دماء خلي حازم يقتلها وأنا ارجع لك ابنك
فينظر الفولي الي سولاف وينظر الي حازم وهما الاثنين مش سماعين ولا شايفين الفولي وهو بيتكلم مع ماري وينظر الفولي الي ماري ويقول
مش هاقدر اقتلها دي بتساعدني اني ارجع ابني
ماري
ابنك مش هايرجع الا لما تقتلها وحازم يشرب من دمها
الفولي بعصبيه
ليه عايزا تقتليها
ماري
عشان أعيش في سلام مع حبيبي ميشيل وسولاف عايزا تموتني عشان تخطف حبيبي ميشيل
الفولي
انتي كدابه
ماري
انا مش كدابه. سولاف اللي قدامك دي هي اللي قتلت ميشيل وهي اللي عايزا تقتلني عشان ميشيل كان بيحبني انا. سولاف اللي قدامك شبح
الفولي مصدوما وينظر لسولاف وتكمل ماري
اقتلها وابنك يرجع لك
الفولي
انتي كدابه
ماري
شبح وممكن تتاكد بنفسك حاول تلمسها هتلاقي نفسك بتلمس شبح
وتختفي ماري وينظر الفولي الي سولاف وسولاف تقول له
عماله اكلمك وانت مش بترد عليه ليه
فيقترب منها الفولي ويمد يدة لكي يلمس جسم سولاف و،،،،،،،،،،،،،،
استنوني بكرة والحلقة الاخيرة
حلو يا شبح 👻😂
ردحذف