الزومبي اللي حبتني
★الحلقه الثالثة والرابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي هذة اللحظة تعلن دقات الساعه عن 12:ص. مع ان الساعه كانت 4 عصرا. ولكن هذا لم يمنع ما حصل. وهو ان حازم بيصرخ ويصرخ ويخرج من صورته الادميه ويتحول الي زومبي شكله مخيف ومريب فينظر الفولي لما يحدث وهو خائف جدا ويقول لحازم
حازم ايه اللي حصل لك ده
ولكن حازم لايرد عليه ويهجم علي الفولي ويحاول ان يغرز انيابه في رقبته ولكن الفولي يبعدة بعيد عنه ويجري خارجا من الحجرة ويغلق باب الحجرة خلف منه ويجري الفولي خائفا ويدخل الي حجرته وفجاة. يجد الفولي نفسه وقد اصبح الحاكم سين يجلس علي عرشه وامامه تقف ماري مسلسله بالحديد والفضه وقد تحولت الي زومبي فينظر لها الفولي ويقول
كنت فاكرة انك هاتقدري تهربي مني
فتنظر له ماري وهي تصرخ بشدة وتحاول الافلات من الحديد ولكنها لاتستطيع فيقول الفولي لرجاله
خدوها علي الزنزانه
وياخذها رجال الحاكم وهي تصرخ بشدة ويخرجوا بها من امام الحاكم فينظر الفولي الي جونسون ويقول
بعد يومين من النهاردة جهز المقبرة وجهز المراسم لدفن ماري
جونسون
حاضر. بس ليه سيدي الحاكم هايستني يومين
الفولي
عشان قبل ما ادفنها هابقي عايز اشبع منها،،،،،
وتمر الليله وعند شروق الشمس يقف الفولي امام ماري في الزنزانه وينظر لها نظرة رغبه وقد خرجت ماري من صورة الزومبي ورجعت الي صورتها الطبيعيه ويقترب الفولي من من ماري التي كانت تنظر له وهي متسلسله بالقيود وتقول
انت بتقرب مني عايز ايه
الفولي وهو يقترب اكثر واكثر
عايزك يا احلي ما رأت عيني
ماري وهي تحاول الخلاص من قيودها
احسن لك ما تقربش مني.
الفولي وهو يمسك ذراعها يقول
هاقرب واقرب واقرب
ماري
وعامل فيها الحاكم العادل اللي بتخاف علي الناس. ياريت اهل البلد يجيوا يشوفوك علي حقيقتك
ولكن الفولي يقطع لها ملابسها وهي تصرخ و تحاول الافلات وهو لايرحمها ويهجم عليها بلا اي رحمه وفي هذة اللحظة يرجع الفولي الي حجرته ويكون نائم فوق المخدة ومقطع كيس المخدة وينتفض جسدة ويرجع لشخصيته الطبيعيه وينظر للمخدة ثم يقف علي السرير ويرمي المخدة علي الارض ويقول بعصبيه
ولا يا سين افتح دخلي معاك افتح يا ابن الكلب. دي احلي حته في القصه المنيله دي
ويخرج من الحجرة ويدخل مرة اخري لعله يرجع لشخصيه سين وهو يقول
هو سين مش عايز يلبسني ليه. افتح يالا.
ثم يخرج من حجرته ويتجه الي حجرة حازم فيجده جالس علي الارض ولايزال في صورة الزومبي وامام منه جثه رجل وياكل فيها فينظر الفولي للمنظر ويصدم فينظر له حازم ويقول
ما تيجي تاكل يا بابا
الفولي بقرف
أكل أيه. يخرب بيتك
حازم
تعالي بس بسم الله. تحب الورك ولا الصدر
الفولي
ورك ايه وصدر ايه انت بتاكل فراخ.
حازم وهو يقطع حته من ورك الراجل ويمد يدة الي والدة ويقول
خد بس دوق دي. عسل كدة وملبسه
الفولي وهو يشعر بغثيان
طيب هاجيب ملح وارجع لك.
ويغلق الفولي باب الحجرة خلف منه وهو مش مصدق ما يراة ويقول لنفسه
اكيد انا لسه جوة القصه.
فيفتح الباب مرة اخري فيجد حازم يضع راسه في معدة الرجل ويقول
فين المنبار بتاعك
الفولي
هي حصلت كمان للمنبار. ده هايخلص علي الراجل خالص. يارب يخلي حاجه لاهله عشان يدفنوها
وفي هذة اللحظه يسمع رن جرس باب الفيلا فيتجه الفولي ناحيه باب الفيلا ويفتح الباب فيجد جميل صاحب دار النشر وهو في حاله يرثي لها. ويقول
استاذ فولي. فين حازم
الفولي
خير يا جميل مالك
جميل
مصيبه مصيبه
الفولي
خير. قلقتني
جميل
القصه أطبعت لوحديها وحد نزلها للشارع
الفولي
انت بتقول ايه
جميل
بقول لك اللي حصل ما حدش بيقرأ القصه دي الا ويحلم بابطالها
الفولي
انت كمان اتلبست
جميل
اة. انا كل ما دخل اوضتي الاقي نفسي واحد اسمه جونسون
الفولي وهو يضحك
انت جونسون. ده انت مهزق خالص
جميل
انت بتضحك يا استاذ فولي ده انا مراتي قرأت القصه وبقيت واحدة اسمها ماري
الفولي فرحا
انت مراتك ماري. طيب تعالي نروح لها بسرعة
جميل باستغراب
اشمعني
الفولي
المفروض اني بغتصبها دلوقتي. بس الواطي سين خرجني برة القصه. عشان يكمل معها لوحدة
جميل
انا دلوقتي فهمت ليه لما صحيت لقيت هدومها مقطعه وشعرها منكوش وبتصرخ
الفولي
وسيبتها لوحديها. اديني العنوان انا لازم اروح الحقها
جميل
وماروحش انا ليه.
الفولي
ما ينفعش تروح انت بلاش تخلي القصه تبوظ مش انت عايز حازم. حازم. فوق في اوضته اطلع له. وانا هاروح الحق الاغتصاب من اوله
جميل
خلاص ماشي ربنا يقدرك علي فعل الخير
الفولي
حبيبي انت. عنوانك بقي
فيقول له جميل العنوان بمنتهي الغباء ويتجه ناحيه حجرة حازم فينظر له الفولي ويقول
خلي بالك من وركك
جميل
اشمعني
الفولي
هاتطلع وتعرف، ،،،،،،،
وبعدها بساعتين ومن داخل فيلا الفولي يجلس حازم ودماغه مفتوحه وبتجيب دم وقد رجع لصورته الانسيه ومعه جميل ووركه مقطوع منه حته وبيجيب دم ويجلس امامهم الفولي وكان مصاب في راسه وذراعه وشكله واخد علقه محترمه والثلاثه ينظروا لبعض ويقول الفولي لجميل وهو يتالم
اه يا ضلوعي. انت اتجوزت انثي العجل دي علي كام مرة
جميل وهو يتوجع
اة يا وركي. ماكنتش كدة قبل الجواز كانت رفيعه
الفولي صارخا
كداب. وابن كلب كمان. اللي شوفتها النهاردة يستحيل تكون في يوم من الايام رفيعة. دي ولية عشان تنام لازم تنام علي سرير متصب خرسانه
حازم
للدرجه دي يا بابا
الفولي
واكتر من كدة. ده انا كنت رايح اغتصبها
ويبكي الفولي ويقول
هي اللي اغتصبتني.
وينهض الفولي واقفا ويضرب جميل ويقول
متجوز المرحومه ماري منيب يا كلب المعيز
ويجلس الفولي علي الارض وهو يتوجع ويقول
تعالي شوف اللي حصل لي يا رجب. ما بقيتش انفع لراجل ولا ست. مرات الفيل خلصت عليه يا رجب
حازم
خلاص بقي يا بابا. وخلينا نشوف هانعمل ايه في المصيبه دي ونتخلص ازاي من القصه دي والناس اللي جواها
جميل
هو ده اللي لازم نفكر في ونشوف له حل. والا كل اللي يقرأ القصه هاتحصل له مصيبه
حازم
طيب والعمل
جميل
لازم تكتب نهايه للقصه دي بموت ماري
حازم بشدة
لا.
جميل
لا. يعني ايه.
حازم
انا بحب ماري ومستحيل اخليها تموت
جميل
انت مجنون. بتحب حد مش موجود
حازم
ماري موجودة ومسيرها تكون ليا
جميل
اعقل يا حازم. ماري دي لعنه وهاتصيب الناس واولهم انت. ولا نسيت انك قتلت وكلت لحم بني ادم زيك
حازم وهو يبحث عن مبرر
انا ماكنتش في وعي. واللي حصل ده كان غصب عني
جميل
اللي حصل ده بوعيك او مش بوعيك خطر ولازم نخلص منه وتكتب نهايه لقصه ماري وهو موتها
حازم
مش هاكتب. النهايه دي. انا هادور علي علاج لماري واخليها تخف
جميل
اتغيرت اوي يا حازم. وبقي سهل تاذي وتكون السبب في عذاب انسان عشان خاطر وهم من خيالك
حازم بغضب
ماري مش وهم ومسيرك تشوفها
ويخرج حازم ورقه مكتوب في مشهد عثور ميشيل علي أبن ماري وهو جورج ويعطي الورقه للفولي ويقول له
امسك الورقه دي وحافظ عليها كويس واقرها
فينظر الفولي للورقه ويقرا ما فيها ويقول باستغراب
ايه ده
حازم
ده جورج ابن ماري و ابني
فينظر الفولي للورقه مرة اخري ويقول
ابن ماري ورقه. ليه كدة هي ماري دي كراسه. وانت غلط معها وازاي حصل الحمل قعد تفر في الورق
حازم بحزم
بابا انا مابهزرش انت قريت المشهد كويس وهاتكون جوة المشهد ده في اقرب وقت طالما القصه بتلبس اللي بيقرها وهتلاقي جورج وهاتخرج بي للدنيا بتاعتنا وتربي وانا هادخل القصه وادور علي علاج للفيرس وهاخرج من القصه ومعايا ماري وهي سليمه وانا كمان سليم
فيضحك الفولي ويقول
حمرا
حازم
هي ايه دي
الفولي
الكرفته بتاعتك حمرا. شوف بقالك كام سنه ابني واول مرة اعرف انك بتبرشم
فيضحك حازم ويقول
ليك حق ما تصدقنيش بس ده اللي هايحصل
فينظر الفولي الي جميل فيلاقي نايم فيضربه بالقلم ويقول
اصحي بارك لحازم. جاب لي حفيد سطر وسطر
فيفزع جميل ويقول
في ايه بس
الفولي
مالقيش معاك حبر
جميل
حبر ليه
الفولي وهو يشيل الورقه علي كتفه زي ماتكون عيل صغير يقول
عايز ارضع الواد
حازم
يا بابا كفايه هزار
الفولي بعصبيه
ولا. بطل هبل وشوف مستقبلك واقفل باب القصه ده خالص وانسي ماري دي واعقل. واكتب النهاية اللي تخلصنا من الشر دة كله
وفي هذة اللحظة تقف امام منهم ماري وتقول
ماحدش يشوف ماري ومايحبهاش
فينظر لها الفولي وحازم وجميل ويصرخوا الثلاثه. ومن خلف منها يقف سين وجنودة فينظر له الفولي ويقول
أهلا اهلا شهر الصوم. والله
بعودة يا رمضان. نفس التهيأت دي بتجي لي قبل الفطار بنص ساعه
ويصرخ الفولي، ،،،،،،،،،
لو عجبتكم الحلقة ياريت تعرفوني رايكم بلايك او كومنت.
دة لو مش خسارة فيا اللايك او الكومنت انما لو خسارة فيا خلاص ما تعلقش وحتي بلاش اللايك
من تاليفي، ،،،
محمد منصور. **منص**
الزومبي اللي حبتني
★الحلقة الرابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي هذة اللحظة تقف امام منهم ماري وتقول
ماحدش يشوف ماري ومايحبهاش
فينظر لها الفولي وحازم وجميل ويصرخوا الثلاثه. ومن خلف منها يقف سين وجنودة فينظر له الفولي ويقول
أهلا اهلا شهر الصوم. والله بعودة يا رمضان. نفس التهيأت دي بتجي لي قبل الفطار بنص ساعه
ويصرخ الفولي. فينظر له سين ويقول بغضب
صه.
فيتوقف الفولي عن الصراخ وينظر لحازم ويقول
ايه. صه. دي
حازم
ماعرفش
ثم ينظر الفولي ويجد خلف سين ألف جندي. او اكتر وكلهم واقفين بداخل الفيلا فيميل الفولي علي حازم ويقول
هي الفيلا بتاعتنا واسعه قوي كدة
سين بعصبيه
صه.
الفولي بعصبيه
أسمع. انت هنا في بيتي يعني تحترم نفسك
فيرفع رجال سين السيوف ويضعوها علي رقبه الفولي فينظر الفولي لهم ويكش من شدة الخوف ويضرب جميل بالقلم وهو يقول
صه. بقي ماتزعلش استاذ سين.
وينظر الفولي لسين ويقول له.
ولا تزعل نفسك. انت شرفت بيتي انا الحاج واو من عيله الكاف
سين بعصبيه
صه. وقولي كه ان منه لت ف.
فيضحك الفولي وينظر لحازم اللي باصص لماري ومتنح ويقول الفولي لسين
معلش عشان باين الكيبورد عندك معلق قول كدة عايز ايه
سين
عايزك تقولي كه ان منه لت ف
الفولي
شوف انا هاقول لك الصراحه. وكل حاجه اعرفها. الموضوع يتلخص في كلمتين. يح اوبح تح كخ
سين
مك طح اغ مخ
الفولي
اح شخ قوم شطفه
سين بغضب شديد
فين ماري
الفولي وهو خائف ويشاور علي ماري
ماري قدامك اهه. يا ابن العمياء
سين
فين ماري ايتها المراة اللعينه
الفولي وهو ينظر لنفسه يقول
مراة. انت عبيط ولا نظرك ضعيف ماري قدامك أهه
سين
لو عرفت انك مخبيها هاقطع راسك
ويرجع سين ورجاله الي اوراق القصه مرة اخري والفولي ينظر لهم ويقول
ايه الفيلم الكرتون اللي احنا في ده. هو ده الشرير بتاع القصه. اهبل
وينظر لحازم فيجدة يضع صباع موز متقشر في بوق ماري ويقول لها بحب يفقع المرارة
خلي بالك عشان الموز ما يوجعش بوقك
ماري
خايف عليه يا ميشيل
حازم
اومال بس اخاف علي مين
ويمسك يد ماري وينظر لها في عيونها ويتنحح بطريقه مستفزة فيضربه الفولي علي قفاة فينظر له حازم فيقول الفولي باستهزاء
في ايه يالا. تحب تخش تريح جوة علي سرير امك. وبالمرة تخاوي الورقه اللي خلفتها منها.
حازم
في ايه يا بابا
الفولي بعصبيه
هو ايه اللي في ايه الفيلا اتمليت ناس فجاة وسين طلع من القصه وهايقتلني وانت واقف هنا في ساعه محن
حازم
هو سين كان هنا
الفولي
اة. وعمال يسال علي ماري وهي قدامه
فتنظر ماري للفولي وتقول بدلع
سين ما يقدرش يشوفني طول ما انا في زمنكم ووسطكم
الفولي وهو متنح
انتي ليه كدة
ماري
ليه ايه
الفولي
حلوة بطريقه مستفزة
ماري
احنا كل بنات بلادي حلوين
فيضرب الفولي جميل اللي كان نايم ويقول له
شايف النسوان يا ابن الجربان. مش انت رايح تتجوز من الجمله جايب اربع ستات وملبسهم جلبيه واحدة
جميل
هي حلوة بصراحه
الفولي
حلوة بس. دي حلويات بالحلاوة
فتضحك ماري فيقول الفولي
العب يا بحر
حازم
طالما يا ماري وجودك وسطينا حمايه ليكي خليكي معانا وماترجعيش تاني لزمنك
ماري
ماقدرش اعيش برة زمني. عشان كدة انا كل اللي عايزا منك حمايتي وحمايه أبني اللي عايزا يعيش في زمنكم ويبعد عن بطش الحاكم سين وتلاقي علاجي من الفيرس اللي جالي.
حازم
انا بدور علي علاجك مش عارف اوصل.
ماري
لازم توصل. انا عايزا اعيش بسلام وبعيد عن الوجع. اوعدني يا ميشيل تفضل جنبي
حازم
اوعدك يا حبيبتي
وتدخل ماري الي القصه وهي تنظر الي حازم وحازم ينظر لها مش عايزاها تروح ولكن في هذة اللحظة يجد الفولي نفسه يطير ويدخل داخل القصه ومن داخل القصه الفولي يقف امام ابن ماري وهو جورج الطفل الصغير وكان اقرع بطريقه غريبه وبجانب جورج يجلس رجل عجوز وهو ليشع والد ماري وكان يقوم بطقوس دينيه غريبه فينظر له الفولي ويقول
انت مين
فينظر له ليشع ويقول
انت اللي مين ودخلت ليه عييه الصموعه بتاعتي اللي أنا بصلي فيها
الفولي
انا، ،،،،،
فيقاطعه ليشع ويقول
متاقلش انا عرفتك انت العدسي
الفولي بغضب
عدس ايه يا راجل انت اسمي الفولي
ليشع
فولي او عدسي الاتنين اكل البهايم
الفولي
اما انت راجل قليل الادب
ليشع
بس محترم. الخلاصه انت جاي تاخد جورج ابن ماري
الفولي وهو ينظر للطفل
هو ده جورج ابن ماري
ليشع
هو. يالا خدوا وغور من هنا
الفولي
انت ليه لسانك طويل
ليشع ببرود
بس قصير
الفولي
انت بارد اوي
ليشع
بس سخن
الفولي
انت اسمك ايه
ليشع
أنا ليشع جد جورج
الفولي بضيق
ليشع. أنت يهود،،،،،،،
وقبل ما يكمل الكلمه يرجع الفولي الي فيلته ومعه جورج ابن ماري ويجد اهل حلوان امام باب فيلته وهم في حاله هياج شديد فينظر الفولي من شباك الفيلا ويقول
في ايه الناس دي كلها متجمعه قدام بيتي ليه
جميل
جائيين عشان الراجل اللي قتله حازم
فينظر الفولي لحازم ويقول بعصبيه
شايف أخرتها. الناس دي لو طالتنا هاتموتنا
حازم
انا مش مهم عندي أي حاجه المهم اني اكون مع ماري
ماري
وانا عايزاك معايا في زمني عشان تشفيني
حازم
وانا موافق اكون معاكي
الفولي
هاتهرب وتسيبني. تسيب ابوك في مشكله انت السبب فيها وعشان مين دي.
وينظر الفولي لي ماري فتقول ماري
انا استاهل ان ميشيل يضع عمرة عشاني.
وتميل علي حازم باغراء وتقول
مش كدة يا ميشيل
فينظر لها حازم كالمسحور ويقول
كدة وابوة كدة
الفولي مصدوم من رد ابنه يقول
للدرجه دي هي اغلي مني عندك
حازم
مافيش حد في حياتي يستاهل حبي الا ماري
الفولي وقد ماتت ضحكته
وانا
حازم
انت حبيبي بس ماري عمري
وينكسر باب الفيلا ويدخل اهالي حلوان الي الفيلا وهم منفعلين جدا وغاضبين فتنظر ماري لحازم. وتقول
جاهز تعيش معايا في زمن غير زمنك ومكان غير مكانك ووسط ناس غير ناسك
حازم
جاهز.
ويدخل حازم وماري في اوراق القصه والفولي قلبه بيتقطع وتنزل لاول مرة الدموع من عيونه وينظر لابن ماري والذي يعتقد انه ابن حازم وهو مايعرفش ان حازم كدب عليه عشان يخلي باله منه ويربي وقبل ما يهجم اهالي حلوان علي الفولي يجري الفولي ناحيه باب المطبخ ويخرج من باب المطبخ ومعه جميل ويركبو الاثنين سيارة جميل وينطلق جميل مسرعا واهالي البلد يحرقوا فيلا الفولي بمنتهي الغضب وتحترق القصه الملعونه وحازم بداخل اوراقها واحداثها ،،،،،
وعدت سنين كتير والصغير كبر والكبير بقي عجوز ووصل جورج لسن الشباب والغريب انه بقي شبه حازم بالظبط والفولي بعد ماكان صاحب املاك وغني اصبح رجل بسيط يعيش في امبابه وفتح سنترال صغير بقي ياكل منه ويشرب ويربي جورج. ويغير اسمه وينادي حازم وفضل عقله وقلبه متعلق بحازم وحشه ابنه الوحيد مع انه باعه لكنه ابنه وحازم كان بالنسبه للفولي مش ابن وبس لا كمان صاحب. لكنه حب حازم الصغير زي ماكان بيحب حازم الكبير. لكن حازم الصغير طلع مجنون تمثيل وغاوي سيما وكل مايتفرج علي فيلم يتجنن بي. وفي يوم والفولي قاعد في السنترال دخل عليه حازم وكان اقرع زلبطه وبص للفولي بغضب شديد وقال له
ان ابن مين يا علي يا اعرج
الفولي
علي يا اعرج. انت اتفرجت علي المولد
حازم
انطلق وقول مين الست اللي بتظهر لي وراء ازايز الحاجه الساقعه
الفولي بزهق
دي امينه رزق امك. يا ابن الهبله
حازم
يا جدي بقي طلعتني من الشخصيه
الفولي
ارحمني بقي من تمثليك اللي يفقع المرارة
حازم
بطه مش ليك يا مرزوق.
الفولي
طيب حاضر
حازم
ايه رايك. انفع اكون نجم الجيل
الفولي بزهق
انت تنفع تكون كيس جيل. ممكن بقي تطلع تعمل الغداء
حازم
هو انا اللي عليه الدور النهاردة
الفولي
اة انت.
فيبوس حازم راس جدة ويقول
عيني ليك يا فولي
الفولي
تسلم عينك
ويخرج حازم من السنترال وهو يعدي الشارع تخبطه سيارة مسرعا فينهض الفولي ويجري ناحيه حازم فيجد حازم، ،،،،،،،،،،
لو عجبتكم الحلقة ياريت تعرفوني رايكم بلايك او كومنت.
دة لو مش خسارة فيا اللايك او الكومنت انما لو خسارة فيا خلاص ما تعلقش وحتي بلاش اللايك
من تاليفي، ،،،
محمد منصور. **منص**
انت فصيل يا منص😂😂😂
ردحذف