الهام واللي كان الحلقة الاخيرة

القصة المرة دي غريبة شوية لا قولو شوتين تلاته اصلي هخليكم تعيشوا جوة قصتين ل اثنين اسمهم شهد واحدة عاشت في زمن الملوك والسحر والعرافين والتانية بتعيش في زمنا واية الربط بين حكاية شهد بتاعت زمان وشهد بتاعت الزمن دة هتعرفوا لما تقروأ الحكاية وعلشان ما تتلخبطوش شهد بتاعت زمان هتكون اسمها شهد عمار وشهد بتاعت الزمن دة هي شهد عبد الله يلا بينا نعرف الحكاية من الاول ل غاية النهاية  

شهد 

                 ★الحلقة الاولي★

من تاليفي 

محمد منصور. منص

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

من وسط البحر الاعظم في زمان الملك عظيم كان في صياد غلبان اسمه عمار وكان عمار بقاله 7 ايام ينزل البحر الاعظم با المركب علشان يصطاد ويرمي شبكته وتطلع الشبكة فاضية ما فيهاش اي سمكة من اذان الفجر ل اذان المغرب وهو علي الحال دة اسبوع بحاله ما روحش بيته ب سمكة وتقابلة بنته الكبيرة وعد اللي عندها 20 سنه وتلاقي الشبكة فاضية ف تقول 

برضو راجع من غير سمك 

عمار وهو بيرمي الشبكة جنب منه بياس شديد 

لسة البحر غضبان عليه 

هنا تخرج من اوضتها بنته التانية عهد اللي عندها 19 سنه وتقول 

افتكر بقي اننا هناكل سم،،،،،

وسكتت لما بصت للشبكة الفاضية المرمية جنب ابوها وقالت 

لغاية امتي هتفضل تخرج من اذان الفجر وترجع اذان المغرب والشبكة فاضية 

عمار 

ما عرفش ومش لاقي سبب ل كل اللي بيحصل لي دة بعد ما كنت بخرج ل ساعتين بالظبط وبعدها ارجع وشبكتي مليانه سمك  

هنا تخرج من اوضتها بنته الثالثة شهد اللي عندها 18 سنه وتبص له وتقول 

البحر زعلان علشان انا زعلانه منك 

بصو لها كلهم وسخروا منها بضحكاتهم اضيقت شهد وقالت 

ما فيش فايدة هتفضلو كدة تسخروا مني وهفضل اقول لكم ان اللي يزعلني يزعل منه البحر الاعظم 

وعد 

علشان انتي بنته مش كدة 

شهد 

عندك شك في كدة ولا انتي ناسية ان امي نزلت البحر وهي حامل فيا خرحت انا من البحر وهي ماتت 

عمار 

دي اعمار وكان مكتوب لك تعيشي ومكتوب ل امك تموت 

شهد 

بس دة ما كنش كلام العرافة الام اللي حكيت لها حكايتي وقالت لي،،،،،

وهنرجع ب الاحداث ل كام سنه فاتت وشهد قاعدة قصاد امراة عجوزة نحيفة عندها 200 سنه في ايدها جزع شجرة كانت بتستخدمه عجاز ليها وهي دي العرافة الام اللي كانت بتقول 

كلامهم كله غلط انتي جوة رحم امك وامك ماتت غرقانه ازاي انتي تطلعي عايشة 

شهد ما لقتش كلام تقوله لان كلام العرافة كان منطقي وهنا العرافة مسكت جزع الخشب بتاعها جامد وقالت 

البحر الاعظم كل 1000 سنه بيختار احلي بنات الكوكب علشان تكون بنته ويحقق لها كل احلامها وزعلك من زعله 

شهد 

يعني اية 

العرافة 

يعني اللي يزعلك البحر يغضب عليه ولو زعلك زاد غضب البحر ممكن يوصل لانه يبلع اللي زعلك ،،،،،،

ونرجع لبيت عمار اللي كان باصص ل شهد وبيقول ب سخرية 

يعني انا دلوقتي بسبب زعلك البحر ممكن يبلعني 

شهد 

وانت تفتكر يا بابا اني ممكن ازعل منك للدرجة ان البحر يبلعك بسببي 

وعد 

بحر اية اللي يبلع بابا بسببك انتي فاكرك نفسك شئ مهم انتي ولا حاجة

شهد بصت لها وما ردتش عليها وقالت ل ابوها 

يا والدي سيبني اروح البحر الاعظم وانا بعدها هخلي السمك يرجع من تاني يزين شبكتك 

عمار بحدة 

بعد امكم ما راحت مني والبحر بلعها

 ما حدش فيكم هيروح عند البحر ودة اخر كلام عندي 

شهد 

البحر عايز يشوفني 

عمار وهو رايح ناحية اوضة 

قولت ما فيش مرواح هناك  

ودخل عمار اوضة ورزع الباب وراء منه بص وعد ل شهد وقالت 

انتي ديما كدة ما بيجيش من وراكي

 الا وجع القلب 

شهد 

انتي لية مش قادرة تفهمي ان البحر عاوز يشوفني وبعدها السمك من تاني هيرجع يملي شبك والدنا 

عهد 

ما تخلوها تروح يمكن تطلع بتتكلم صح ونرجع من تاني ناكل سمك بدل ما احنا البيت الوحيد اللي في البلد بياكل خبز ناشف وانتي عارفة ان اللي ما عندوش سمك في بلادنا ما حدش بيدي له سمك 

شهد 

علشان احنا في زمن السمك هو العمله وعلشان نرجع من تاني اسياد في البلد لازم يكون بيتنا مليان بالسمك وانتم مش عايزين تصدقوني انا البحر لو شافني السمك هيرجع تاني يدخل بيتنا 

وعد 

انا ما بصدقش التخاريف دي ومش هصدق حتي لو هموت من الجوع 

وسابتها وعد ودخلت اوضتها وبصت شهد ل عهد وقالت 

انتي الوحيدة اللي مصدقاني ولازم تساعديني اروح للبحر 

عهد 

انا مش مصدقاكي لكني عايزا اكل سمك زي زمان 

شهد 

خلاص ساعديني اخرج اروح للبحر 

عهد 

لا اخاف من والدي 

شهد 

هروح وارجع في نفس الليلة اوعدك بس ساعديني اوصل للبحر الاعظم اللي انا ما اعرفش طريق لي 

عهد 

ماليش دعوي 

وسابتها عهد ودخلت اوضتها وسابو شهد قاعدة ل وحده بتفكر ازاي توصل للبحر الاعظم واخر ما تعبت من التفكير دخلت اوضتها ونامت،،،،،،

بالليل ومن علي احدي الشواطئ في زمن السحر والملوك والعارفين كانت تقف امراة حامل في شهرها الاخير و في الاربعينات من عمرها علي الشاطي وبتبص للبحر وكانها مسحورة وبدات تتقدم ناحية البحر خطوة وراء خطوة والبحر بيغطي جسمها شيئا ف شيئا لغاية ما ابتلعها البحر تمام واختفت وبعد كام دقيقة يطفو فوق وش المية طفلة رضيعة. لسة مولودة حالا والحبل السوري ما اتقطعش منها وكانت بتعيط بحرقة وبدات موجه تسلم الطفلة ل موجه تانية ل غاية ما وصلت للشاطي وانكتب علي الرملة جنب منها.

شهد.

وهنا تفتح شهد عبد الله عيونها علشان تبص في موبيلها وتلاقي جنب منها اختها هاله بتبص لها بقلق شديد وبتقول 

نفس الحلم 

شهد 

نفس الحلم واللي هيجنني انه زمن غير زمنا وحتي شكل البحر في الزمن دة غريب اوي ولية انا بحلم بالبحر مع اني بكره من بعد موت امي في 

هاله 

بعد كل السنين دي ولسة مش قادرة تنسي 

شهد 

انسي ازاي اللي حصل في امي 

ومديت شهد ايدها في درج الكمودينو علشان تطلع صورة ل اهلها عماتها وخالتها وست معدية من وراهم كان بتبص ل ابوها وبتضحك وهو بيبص لها وبيضحك وباصص وراء منه وقالت هاله 

انت عارفة لو بابا عرف انك معاكي الصورة دي هيعمل فيكي اية 

شهد 

ومين بس اللي هيقوله دة انا وخدها من ابن عمي سعد اللي صورها وما عرفش بابا انه صورة بالشكل دة 

هاله 

ارجع واقول لك لية برضو شايفة ان الست دي هي السبب في موت امك 

شهد 

لانها كانت واقفة جنب منها في البحر ووقت ما امي اتسحبت ل تحت هي ما كانتش موجودة وبعدها ظهرت في نفس المكان اللي البحر بلع في امي وكانت بتضحك 

هاله 

دة كله مش دليل علي انها هي اللي عملت كدة في مامتك 

شهد 

هي لانها لو ماكنتش هي ف اكيد هي شافت امي وهي بتغرق لانها كانت جنب منها لية ما طلعتهاش 

هاله 

يمكن خافت انها لما تحاول تطلعها تغرق 

شهد 

الخوف احساس هي لسة ما جربتهوش بس اوصل لها 

هاله 

ما خلاص بقي يا شهد دة حكاية عديت علبها سنين كتير 

شهد 

ما هي مش امك علشان يكون موتها مقتوله عادي بالنسبة لك 

هاله 

هي صحيح مامتك كانت مرات بابا لكنها كانت طيبة وكانت بتعتبرني زي بنتها وكمان ما حدش يقدر يأكد انها ماتت مقتوله 

شهد بنظرة مخيفة 

انا متاكدة واللي شافته عينية اكبر دليل علي كلامي ووقفت بابا علي الشاطئ ما حاولش حتي ينزل يلحق امي ليها حساب كبير لكن مش دلوقتي 

هاله فضلت باص لها وفي عيونها بيتولد الخوف فقالت لها شهد 

مالك بص لي لية كدة 

هاله 

اصلي بخاف منك ساعات مع انك طيبة 

شهد 

متحافيش انا هفضل طيبة الا مع اثنين بايا والست دي 

وحطت صباعها علي وش الست وهنا يتفتح باب الاوضة ويدخل راجل في الستينات من عمره لكنه لسة مهتم 

بجسمه ودة خلاه يبان اصغر من سنه ودة يبقي عبد الله ابوه شهد اللي بصت له شهد وقالت ب حدة 

نفسي مرة تعرف ان دي اوضة بنات يعني المفروض تخبط قبل ما تدخل 

ضحك بسخرية وقال 

ولا كبرتي يا ام شخة وبقيتي تعرفي المفروض  

شهد 

ايوة كبرت انا عندي 18 سنه يعني اللي زيي دلوقتي تفتح بيت 

عبد الله 

انتي تعرفي تفتحي ازازة مية علشان تفتحي بيت ولا علشان انتي شغاله وبتصرفي علي نفسك فاكرة انك بقي ليكي لزمة 

هاله مسكت ايد اختها اللي كانت لسة هترد وقالت ل عبد الله 

بابا انت كنت عايز اية 

عبد الله 

عايز كوباية شاي من ايدك انتي 

وبص ل شهد وقال 

حاكم دي انا اخاف اشرب من ايدها كوباية المية ل تكون مسمومة 

شهد اكتفت ببصة وقامت من فوق سريرها وقالت ل هاله 

انا هقوم البس علشان ورايا شغل 

عبد الله 

مسح الاطباق بقي شغل 

شهد 

انا ألم زباله من الشارع ولا انك تصرف عليه جنيه 

عبد الله بعصبية 

دة انتي صحيح بنت كلب ملعونه يلعن ابو البطن اللي شالتك 

شهد بعصبية 

حاسب علي كلامك ولو عايز تغلط اغلط فيا انا لكن في اللي ماتت قصاد عينك اوعي تفكر تجيب سيرتها والا قسما برب العزه انسي ان ابويا واخليك تدفع ثمن القديم والجديد 

عيد الله بمنتهي الحدة 

انتي بتهدديني يا بنت الكلب 

هاله 

يا بابا كفاية بقي واخرج استني في الصاله وانا هاجيب لك كل اللي انت عايزه 

عبد الله بص ل شهد بصة اخيرة كلها غضب لكنه تمالك اعصابه وخرج من الاوضة في نفس الوقت كانت شهد بتلبس هدومها وقت ما بصت لها هاله وقالت 

اية اللي انتي بتقولي دة انتي نسيتي ان دة باباكي 

شهد 

ما هو اللي حاشيني عن اني ادخله قبره انه ابويا ،،،،،،

وبعدها ب شوية كانت شهد بتنزل من ميكروباص قصاد الفور سيزون اكبر فنادق القاهرة وقبل ما تدخل الفندق تروح ناحية ست كبيرة في السن لابسة اسود في اسود تطلع لها فلوس من شنطتها وتحطها في ايد الست دي تبص لها الست بصعوبه وتقول

ربنا يريح بالك ويرزقك اللي انتي عايزا 

شهد وهي مبتسمه 

احلي دعوي من احلي ست طيبة انا بحب اصطبح ب وشها 

العجوزة قالت 

جه الوقت تروحي للبحر 

استغربت شهد وقالت 

بحر اية 

العجوزة 

البحر اللي عنده كانت نهاية امك حطي الصورة اللي انتي مخبيها في البحر واستني حدف البحر 

شهد باستغراب 

انتي بتقولي اية كلامك غريب وازاي عرفتي بالصورة اللي معايا 

لكن العجوزة بدات تترفع عن الارض وخرج من بوقها مية زرقاء وعيونها من جوة اتملت مية لدرجة ان المية غطت النني بتاع العين صرخت شهد من صعوبه المنظر لما لقت المية بدات تخرج من جسم الست دي بشكل غريب وكانها بتغرق في اعماق البحر،،  

من جوة اوضة شهد عمار تقعد شهد قصاد عهد اختها وكانت بتقول 

والله زي ما بقول لك كدة مبني كبير اكبر من قصر الملك وقصاد منه كانت واقفة اشياء غريبة تشبه البيوت ليها ابواب وسقف لكنها علي عجلات 

عهد

باين اوي ان قله اكل السمك عملت لك حاله من حالات الجنان 

شهد 

انا مش مجنونه والمراة اللي شوفتها بتغرق رغم انها كانت بعيدة عن البحر تشبه امي نور من وصف والدي ليها لكنها عجوز 

عهد 

شهد انا مش فاضية ل كلامك واحلامك المبالغ فيها سيبني بقي اكمل اللي ورايا والا اختنا وعد هتخرب عليه الدنيا 

شهد 

اختنا وعد اللي بتكلف كل واحده فينا بشغل وهي ما تعملش حاجة وكانها ملكة واحنا رعايا عندها 

عهد 

هي الكبيرة ولازم نسمع كلامها 

شهد 

وهي علشان الكبيرة ما تعملش معانا اي حاجة 

هنا تظهر وعد وتقف قصاد منها وتقول 

ذكرتي اسمي اكتر من مرة ودة مش كويس ليكي 

شهد 

انا عايزه اعرف مين اداكي الحق تديني اوامر وبس وانتي ما تعمليش معانا اي حاجة 

وعد 

معروف ان الاخت الكبيرة بعد موت الام بتكون هي الام 

شهد 

امنا لو لسة عايشة كانت هتوزع علينا الاعمال وهتعمل معانا اللي تقدر عليه 

وعد 

كانت وقتها هتبقي مدلعاكم لكن انا ما بعرفش ادلع 

شهد 

واحنا مش طالبين دلع احنا بنطلب العدل وزي ما احنا بنشتغل في البيت انتي كمان المفروض تشتغلي معانا 

قربت وعد من شهد ومسكتها من شعرها بمنتهي الغضب وقالت 

انتي لما تيجي تتكلمي اتكلمي عن نفسك وبس لكن عهد ما اشتكتش من الشغل 

وبصت ل عهد بطرف عينها وقالت 

مش كدة يا عهد 

عهد بخوف 

ايوة كدة انتي اختنا الكبيرة ولازم نسمع كلامك 

شهد مسكت ايد وعد ورمتها بعيد عن شعرها وقالت 

عهد حرة في نفسها بس انا لا ولما بابا يجي هيكون ليا كلام تاني معه

وعد ضربه شهد بالقلم وقالت 

طيب ما تنسيش تقولي له علي القلم دة ،،،،،،،،

ويرجع عمار بالشبكة فاضية زي كل يوم ويرمي الشبكة علي الارض وهو مخنوق وقت ما دخلت عليه شهد وهي بتعيط وخدها احمر وقالت 

شايف بنتك وعد عملت فيا اية 

عمار من غير ما يبص لها قال بحدة 

ابعدي عني دلوقتي انا مش طايق نفسي 

شهد 

حتي لو عرفت انها ضربتني 

عمار 

ما تضربك ولا تكسر رقبتك اختك الكبيرة واكيد انتي عملتي اللي يخليها تضربك 

شهد 

دة يا ابويا اللي ربنا قدرك عليه 

وعيطت شهد وراحت اوضتها وفضلت تعيط وفي نفس الوقت كانت وعد في اوضتها واقفة قصاد ماريتها بترسم حواجبها وقت ما لقت دمعة مالحة جدا بتنزل في حلقها استغربت وفضلت تبلع ريقها بصعوبه وبعد ما طعم الملح راح من بوقها رجعت تاني ترسم حواجبها وهنا تلاقي نقطة تانية مالحة اكتر من اللي قبلها استغربت جدا ورمت قلم الكحل من ايدها وبدات النقط تزيد وكلها بتنزل في الحلق صرخت وبدات تدف المية المالحة اللي في بوقها لكن المية كانت بتزيد بشكل مخيف مية بتنزل من اعلي بوقها من جوة ل حلقها وبدات تتخنق وعد ووقعت علي الارض وبدات تزحف علي بطنها بصعوبه واعراض الغرق بدات تبان عليها والمية المالحة بتخرج من بوقها بشكل غريب ،،،،،،

ونروح ل شهد عبد الله اللي كانت واقفة علي حوض غسيل الاطباق وبتغسل الاطباق المتسخة وقت ما شاف حامد زميلها في المطبخ دمعه نازله من عيونها فقال لها 

مالك يا شهد 

شهد بصت له وقالت 

مالي 

حامد 

انتي بتعيطي 

شهد راحت تبص في مرايا كانت موجودة في حمام جنب المطبخ لقت نفسها فعلا بتعيط وبحرقة استغربت ومسحت دموعها وقالت لنفسها 

انا بعيط لية 

لكن دموع عيونها ما كنتش بتقف غسلت وشها بالمية وقالت 

انا عندي حساسية في عينية ولا اية 

وفضلت تمسح في دموعها ل غاية ما دخلت عليها زميلتها التانية في المطبخ مديحة بصت لها وقالت 

مستر محمود برة وسال عليكي 

وشافت مديحة الدموع اللي نازله من شهد فقالت 

انتي لسة بتفكري في الست العجوزة واللي حصل لها 

شهد وهي عماله تغسل في وشها 

لا خالص وبعدين ما انا طلعت بتخيل وهي ما حصلاش اي حاجة 

مديحة 

اومال عماله تعيطي لية 

شهد 

ما عرفش اية اللي حصل تقريبا حاجة دخلت في عيني 

مديحة 

طيب يلا علشان مستر محمود في المطبخ وعمال يزعق وخارب الدنيا،،،،

ورجعوا الاثنين للمطبخ واول ما مستر محمود المدير المباشر ل شهد شافها داخلة المطبخ قال 

كنتي فين يا شهد 

شهد 

في الحمام يا مستر 

محمود 

افتكر انك لسة مخلصة ساعة الراحة بتاعتك من خمس دقايق اية اللي ممكن يكون حصل في خمس دقايق يخليكي تروحي الحمام 

حامد 

وهي بتغسل اطباق الاصطف كان في حد سايب شطة في الطبق الشطة دخلت عينيها يا مستر محمود ودة باين من الحمار اللي في عينيها 

حامد قال كدة علشان يلحق زميلته واستغل الكذبة دي في ان عيون شهد كانت حمراء ودة خلي مستر محمود يعديها ل شهد وقال 

طيب ابقي خلي بالك 

وخرج من المطبخ راح مكتبه وحامد قال ل شهد 

وبعدين في عينكي دي اللي عماله تجيب في دموع 

شهد وهي بتمسح دموعها 

ما عرفش انا مالي ،،،،،،

وبعدها ب كام ساعة كانت شهد بتاخد فلوس من دولابها وقت ما هاله وقفت وراء منها وشافتها بلبس الخروج وقالت 

انتي لية ما غيرتيش لغاية دلوقتي 

شهد كانت بتحط الفلوس في شنطتها وقت ما قالت 

اصلي مسافرة 

هاله باستغراب 

مسافرة فين ودلوقتي 

شهد 

رايحة مكان ما ماتت امي 

هاله 

نعم انتي بتقولي اية 

شهد 

البحر هناك هيدلني علي مكان اللي بدور عليها 

هاله 

انتي مجنونه بحر اية اللي هيدلك 

شهد 

دي رساله جت لي عن طريق ست عجوزة كنت بعطف عليها كل يوم 

هاله 

شهد بطلي تخريف واعقلي اللي انتي بتفكري في دة اخرته الجنان 

شهد 

انا مجنونه ولغاية ما اسافر وارجع غطي عليه وعرفي بابا لو سال عليه اني سافرت الفندق اللي في شرم علشان في عجز في الاصطف هناك 

هاله 

انا مستحيل اخليكي تسافري للمجهول 

شهد 

انا مش رايحة للمجهول انا هروح مكان ما غرقت امي

هاله 

يا شهد بالله عليكي ارحمي نفسك وبطلي تفكير في الانتقام 

شهد 

انا عايشة علشان اللحظة دي

 وما فيش حد هيوقفني عن اللي انا ناوية اعمله 

وفتحت درج الكمودينو بتاعها ومسكت الصورة وحطتها في شنطتها وخرجت من الاوضة ،،،،،،،،،

وبعدها بكام ساعة ومع دقات الساعة 6 ص تقف شهد علي الشاطي اللي في ماتت عليها امها وافتكرت امها وهي طالعه من البحر جثة وبصت شهد للبحر وقالت 

انا جايه ل غاية عندك وعايزاك تدلني علي اللي قتلت امي دة لو كلام العجوزة صح 

وطلعت الصورة من شنطتها وحطتها في البحر وبدات امواج البحر تعلي وتعلي وكانها غضبانه استغربت شهد من اللي بيحصل ورجعت لوراء خطوتين تلاته وهنا تسمع صوت جاي من وراها بيقول 

خدي حدف البحر 

بصت وراء منها مالقتش حد رجعت بصت للبحر لقت بطاقة شخصية حدفتها موجه تحت رجليها مدت ايدها و مسكت البطاقة وبصت لها وشافت صورة الست اللي بدور عليها برقت من المفاجاة وقالت 

دي هي 

وبدات تقراء بيانات البطاقة 

سعاد جابر مرزوق 

16 شارع شبرا مصر ساحل روض الفرج 

برقت اوي اوي وقالت 

اهلا بيكي في عالم الخوف عالم شهد 

لكن في الوقت دة تلاقي ايد بتتحط علي كتفها من فوق وصوت بيقول

بتعملي اية يا قمر هنا ولوحدك 

بصت شهد ل صاحب الصوت لقت واحد شكله سوابق ودة باين من السلسة الجنزير اللي في رقبته ومن الانسيال اللي حوالين ايدة ووشة اللي متقطع بالمطواة فخافت شهد وقررت تمشي لكنه مسكها من ايدها اوي وبدا الخوف يدق ابواب قلب شهد ،،،،،،،،،،،

شهد 

           ★الحلقة الثالثة★

           ‏

من تاليفي 

محمد منصور. منص

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم 

لكن البحر كان لي راي تاني وخرجت موجه من البحر علي شكل كرباج اتلفت حوالين رجل الشخص دة وسحبته لقلب البحر وبدا الشخص يصرخ ويطلب الرحمة والبحر بيبلع في اتصدمت شهد وبصت للي بيحصل باستغراب شديد وافتكرت امها وهي بتغرق فصرخت باعلي صوتها وقالت 

لا كفاية 

هنا تتصدم اكتر لما البحر يحدف الشخص دة برة علي الشاطئ وكانها ادت امر للبحر والبحر نفذ الامر.. بص لها الشخص دة بخوف شديد وقام يجري من قدامها وهو بيقول 

انتي اية انس ولا جن 

وكمل جري ومن شدة الخوف كان بيقوم ويقع و شهد رجعت بصت للبحر تاني وما بقتش عارفة ولا فاهمة اية اللي بيحصل ،،،،،،،،

ونروح ل شهد عمار اللي كانت واخده اختها وعد في حضنها وبتقول لها 

خلاص متخافيش هتبقي كويسة والبحر مش هيقرب منك تاني 

وعد بصت لها وقالت 

انا كنت بموت لولا انتي قولتي كفاية 

شهد باستغراب 

انا ما قولتش كفاية  

وعد 

لا قولتي انا سمعت صوتك وانتي بتقولي لا كفاية وبعدها المية المالحة اللي كانت بتنزل في حلقي اتوقفت 

شهد 

انا ما قولتش كدة انا كنت في اوضي وقت ما عهد ندهت عليه وقالت لي علي اللي بيحصل لك 

هنا عهد ادخلت وقالت 

مش مهم انتي قولتي ولا لا المهم انك يا وعد بقيتي كويسة 

وعد بصت ل شهد وقالت 

انتي لازم تروحي للبحر الاعظم انا دلوقتي صدقت نبوة العرافة واتاكد ان غضبك من غضب البحر واللي حصل لي اكبر دليل علي كدة 

شهد 

يعني هتساعديني اروح للبحر الاعظم 

وعد 

هساعدك 

عهد 

ووالدنا لو عرف 

وعد 

ما حدش فينا هيقول له 

شهد 

صح وهي ليلة وقبل اذان الفجر هكون في البيت 

وعد 

ابونا بينام بعد العشاء هو هينام من هنا واحنا نتحرك من هنا 

شهد 

اتفقنا ،،،،،،،،

ويجي الليل وفعلا وعد تخرج مع شهد من شباك اوضتهم وعهد كانت بتراقب باب اوضة ابوهم اللي لو كان اتفتح كانت هتقولهم لكن ابوهم كان رايح في النوم وشهد جريت هي و وعد لغاية ما بعدوا عن البيت بكام متر وقالت شهد 

انا مش مصدقة اني اخيرا هروح اشوف البحر الاعظم اشوف البحر اللي نزلت في امنا نور  

وعد 

هتشوفي وياريت تعرفي انك سامحتيني 

شهد 

انا مسمحاكي من قبل ما اشوف البحر انما قولي هو البحر الاعظم يبعد عن بيتنا قد اية 

وعد 

حوالي ساعة مشي 

شهد 

يااااا ساعة بحالها 

وعد 

لو عايزا تقصري المسافة تعالي نجريها 

شهد 

يلا نجريها دة انا بقالي 

وسكتت شهد وقالت بصوت حزين 

تبقالي 8 سنين ما خرجتش من البيت 

وعد 

ابونا بيخاف علينا وعايزنا ديما في البيت لغاية ما نتجوز 

شهد 

ودي تبقي عيشة 

وعد 

موت امي خلاه يخاف من الدنيا 

شهد

الموت جاي جاي ولو فضلنا في اوضتنا بقول لك اية كفاية كلام ويلا نجري وباسرع ما فينا 

وجريت شهد ووراء منها جريت وعد وكانو الاختين في منتهي الفرحة والسعادة لغاية ما وصلو للبحر وهنا وقفت شهد قصاد البحر وكانت في منتهي الفرحة وقالت 

بقي هو دة البحر الاعظم 

وعد 

هو دة جيته مرة واحدة وانا في سن ال10 سنوات ومن وراء والدنا 

شهد وهي بتقرب من البحر 

انا عمري ما اتخيلت انه يكون بالجمال دة 

وعد 

وانا عمري ما كنت اتخيل انك بالغباء دة 

واتحول البحر من اللون الازرق للون البني وكانه وحل وزقتها وعد في البحر بمنتهي الشر والغباء اللي في الدنيا وقالت وعد 

انتي في البحر الاسود بحر العميان والنسيان المكان اللي امك منه لكنها سابته وراحت للبحر الاعظم و خانت اهلها وشعبها 

صرخت شهد والمية بتدخل في عيونها وشافت في قاع البحر الاسود جثة اختها وعد اللي كانت مذبوحة صرخت وطلعت من المية وهي بتقول 

وعد ميته اومال مين اللي معايا دي 

ولسة هتبص تشوف مين معها مية البحر ساحبتها من تاني ل تحت وفضلت شهد تعارك المية وتطلع وتنزل لان في شئ خفي كان بيسحبها ل تحت مه صوت بتسمعه ل اول مرة بيقول 

اختك وعد انا ذبحتها بايدية دول ليلة امباراح واللي جبتك ل غاية هنا مجرد مخلوقة من مخلوقاتي 

شهد طلعت من تحت المية بصعوبه وقالت 

انتي مين ولية بتعملي كدة 

لكن هنا المية اتمكنت من شهد ودخلت في بوقها وعيونها وحولت النني الاسود اللي في عيونها للون الابيض وهنا تحس بايد مسكت راسها من فوق وغرزت دماغها اكتر واكتر في البحر الاسود واللي كانت بتعمل فيها كدة امراة في الاربعين من عمرها شعرها من الثعابين الصغيرة السوداء اللي بتعيش في البحر وكانت الثعابين دي بتتحرك وعيونها من اللؤلؤة وليها ذيل يشبة ذيل تنين الكومودو او السحلية الكبيرة وكانت بتقول 

انسي كل اللي حصل دلوقتي انسي بقوة شر البحر الاسود انسي وعيشي اللي جاي من عمرك عمياء واستعدي للعذاب علي ايدي انا الساحرة خال اخت امك نور ودة حساب ولازم تدفعوا كلكم يا بنات الام نور وابقي خلينا نشوف البحر الاعظم هينقذك ازاي من قوة السحر بتاعي 

صرخت شهد صرخة مكتومة وحاولت تفلت من ايد الساحرة خال وتخرج من تحت المية لكنها ما قدرتش وبدات ذكريات اللي حصل لها اخر ساعة تتحرق وتخرج من دماغها علي شكل بخار والساحرة خال قالت بمنتهي الشر 

اظهري يا نور والحقي بناتك مني الحقي بناتك من ايدي ايد اختك اللي حولتيها ل وحش بهروبك من البحر الاسود 

وصرخت الساحرة خال بمنتهي الشر وسابت راس شهد وخرجت شهد من المية وقالت 

هو في اية واية اللي حصل ولية انا مش شايفة 

لكن الساحرة خال راحت ناحية بقعة في البحر ورفعت المية ل فوق بايدها لكنها مية بطين وبدات تلف في المية دي لغاية ما اتشكلت في صورة وعد وقالت 

خديها وامشي من هنا وارجعي بيها للبيت 

وفعلا الشئ اللي بقي في شكل وعد دة مسكت ايد شهد وقالت بصوت وعد 

تعالي يا شهد يا اختي انا معاكي وجنبك 

شهد 

وعد انا مابقتش اشوف 

وعد 

البحر الاعظم خد عيونك 

شهد 

ولية عمل كدة لية وازاي هعيش اللي باقي من عمري عمايا ،،،،،،،،،

في نفس الوقت كانت شهد عبد الله واقفة قصاد باب شقة سعاد اللي دورت عليها سنين وفتحت سعاد باب الشقة وبصت ل شهد وقالت 

نعم انتي مين 

لكن شهد عبد الله ما كنتش شايفة صرخت وقالت 

انا مش شايفة مش شايفة هو انتو طفيتو النور لية 

وبدات شهد تلوش بايدها وسعاد استغربت وقالت  

مالك فيكي اية والنور مش مطفي 

شهد 

اومال انا لية مش شايفة عينية حصل فيها اية 

سعاد 

طيب انتي كنتي جاية ل مين هنا في العمارة وانا اوصلك لي 

شهد 

كنت جاية اخد روحك لكن نظري جاي يخوني دلوقتي 

وخبطت شهد ايدها في الباب من كتر الغل سعاد استغربت اوي ورجعت ل وراء خطوتين وقالت 

اية الكلام الغريب اللي انتي بتقولي دة 

وهنا ندهت سعاد وقالت 

يا عبد الله تعالي شوف البلاوي اللي بتتحدف علينا دي 

هنا يظهر عبد الله وقال 

في اية يا سعاد 

عرفت شهد الصوت وقالت 

انت كمان عندها 

عرف عبد الله صوت بنته بص ناحيتها وقال 

شهد انتي عرفتي العنوان دة ازاي 

سعاد 

عبد الله هي دي شهد بنتك 

شهد 

ايوة بنته اللي انتي قتلتي امها علشان تاخدي جوزها منها 

سعاد ارتبكت وقال عبد الله 

اية التخريف دة لمي نفسك وامشي غوري من هنا دي ست محترمة ومال عينكي انتي مش شايفا ولا اية 

شهد بعصبية 

سيبك من عيني واللي حصل فيها واعرف اني ما بخرفش واللي معاك دي هتموت زي امي ما ماتت 

هتموت غرقانه 

وبدات تلوش بايدها عايزا تمسك رقبتها وفعلا ايدها تمسك شعرها سعاد صرخت فشال عبد الله ايد بنته بعيد عن سعاد وهو بيقول 

ابعدي ايدك عن مراتي 

اتصدمت شهد والصدمة خلتها تتخرس

وهنا عبد الله زق بنته برة الشقة وقال 

ويلا امشي غوري من هنا 

وقعت شهد علي الارض في نفس لحظة وصول أدهم شاب طويل القامة رياضي ساعد شهد علي انها تقف وهو بيبص ل عبد الله وسعاد وقال لهم 

اية اللي بيحصل هنا 

سعاد 

دي واحدة مجنونه جاي ترمي بلاها عليه وتتهمني في موت امها 

ادهم بص ل شهد اللي عيونها كانت بيضاء تماما وقال 

طيب ازاي بالحاله اللي هي فيها دي 

سعاد 

اية هتكذب امك وتصدق واحدة مجنونه 

شهد كانت ماسكة في تربزين السلم وقالت 

هو اللي بيتكلم دة ابنك 

سعاد 

ايوة ويلا بقي،،،،،،

لكن شهد قاطعتها وقالت 

افتحي له قبره علشان اهري قلبك عليه ماهو اللي حصل ل عينية مش هيمنعني من اللي انا ناوية اعمله فيكي ودي البداية 

ولفت شهد ايدها حوالين رقبه ادهم وخدته ناحية تربزين السلم وزقت بقوة ووقعت هي وهو في الفراغ اللي بيكون بين الادوار واللي خد الوقعه كلها أدهم اللي نزل علي ظهرة وشهد فوق منه صرخت سعاد ونزلت علي السلالم جري لكن شهد جمعت اللي باقي من قوتها وخرجت من البيت بمنتهي السرعة وهي مش شايفة وبدات تخبط وهي بتجري وتقوم وتقع والعربيات اللي في الشارع تضرب فرامل متفادين الاصطدام بيها وسعاد بتصرخ وابنها في حضنها بينزف من دماغة وقاطع النفس وبتقول وهي بتبص ناحية شهد 

امسكوها دي قتلت ابني 

وفعلا اللي كان بيقرب منها ويحاول يمسكها يلاقه جسمه مجرد مية ما حدش كان قادر يمسكها استغربوا وهي بتبل اللي بيقرب منها بمية مالحة جدا تحرق الايد وهنا تظهر المراة العجوز اللي كانت بتقعد قصاد الفندق وكانت جوة توك توك ووقفت بالتوك توك قصادها وقالت 

اركبي 

شهد 

انتي العجوزة الل،،،،،،

مسكت العجوزة ايدها ودخلتها التوك توك وقالت 

مش وقته اركبي خلينا نمشي من هنا وبسرعة 

وفعلا ركبت شهد واتحرك التوك توك بمنتهي السرعة خارج من المنطقة ،،،،

ونروح ل شهد عمار اللي كانت في اوضتها واختها عهد بتعمل لها جمدات مية دافية علي عينيها وبتقول وهي زعلانه علي اختها 

ازاي دة حصل ولية البحر الاعظم يعمل فيكي كدة 

شهد بصوت حزين 

ما عرفش انا زعلته في اية علشان يحرمني من نظري 

عهد 

وبابا لو شافاك في الحاله دي هنقوله اية اللي عمل فيكي كدة 

هنا تظهر وعد المزيفة في الاوضة وتقول 

هنقول حمي الربيع سببت لها في الحاله دي ومعروف ان عميان حمي الربيع بيعيشوا بيها ل سنه وبعدها بترجع زي الاول 

عهد 

وبابا هيصدق الكلام دة 

وعد 

لازم يصدق ودة بقي خلو عليه انا 

ويأذن اذان الفجر و يسمعوا صوت والدهم عمار في الخارج بيصلي وبيستعد للخروج من البيت للصيد وفعلا يخرج ويروح للبحر الاعظم ويركب مركبته وينزل البحر ويقول 

بسم الله   

ورمي الشبكة وقال 

يارب 

وبعدها بكام دقيقة يحس بحركة غريبة في الشبكة سحب الشبكة لقي سمك كتير واصناف كتيرة ووسط الشبك دة لقي لؤلؤتين شكلهم غريب وجميل فيهم لمعه تخطف النظر مسكهم في ايده وقال 

دة البحر النهاردة راضي عليه جدا بس لو الاقي لؤلؤة تالته وقتها ادي ل كل بنت لؤلؤة يتزينوا بيها يوم جوازهم  

حط السمك اللي طلع في الشبكة في قلب المركب وبقت الشبكة فاضية وقال ل نفسه 

لما ارمي الشبك تاني يمكن يطلع لي لؤلؤة تالته 

ورمي الشبك كمان مرة لكن الشبكة طلعت فاضية المرة دي ففهم ان اللي في المركب دة رزق النهاردة وبس وما فيش حاجة هتطلع تاتي النهاردة فرح باللي بعده لي ربنا وروح وخبئ اللؤلؤتين في هدومة لغاية ما يلاقي لؤلؤة تالته علشان يديهم ل بناته الثلاثة مرة واحدة ولما رجع بالشبكة مليانه سمك فرحت عهد اوي وقالت 

اخيرا رجعت ب سمك 

عمار بص لها وقال 

البحر النهاردة كان راضي عليه وقرر يراضيني والحمد لله علي عطايا

عهد 

كدة مش هناكل النهاردة عيش ناشف 

عمار 

احمدي ربنا 

وبص حوالين منه وقال 

اومال فين اخواتك وعد وشهد خليهم يجوا يفرحو معانا 

عهد 

اختي وعد قاعدة جنب اختي شهد 

عمار قلق وقال 

لية في اية ،،،،،،،

ومن جوة اوضة شهد كان عمار واخد بنته في حضنه وبيقول لها 

معلش يا بنتي هي حمي الربيع كدة بتاخد وقتها وتروح وهتكوني زي الاول واحسن 

شهد 

الحمد لله يا والدي انا راضية وفرحانه بان السمك من تاني رجع يزين شبكتك 

عمار 

الحمد لله ومن غير ما تروحي للبحر الاعظم والكلام الغريب اللي كنتي بتقولي

استغلت وعد كلام عمار مع شهد وخرجت من الاوضة وراحت ناحية شباك اوضتها ووقفت في الشباك وقالت 

انا هنا يا مولاتي 

ظهرت الساحرة خال بصت لها وقالت 

ازاي شبكته تتملي بالسمك 

وعد 

ما عرفش البحر الاعظم المفروض يكون غضبان بعد اللي عملتي في شهد لكنه راضي عن عمار وبناته 

الساحرة خال 

طيب النهاردة بالليل تخرجي ب عهد علشان اخلص منها زي ما خلصت من وعد ويفضل لنا شهد 

وعد 

عهد ما بتخرجش من البيت لانها بتخاف من غضب والدها جدا 

خال 

اتصرفي وخرجيها باي شكل لاني مش هقدر اقتلها وهي في البيت هنا لازم تخرج وتروح عند البحر الاسود لازم التلت بنات يشربوا من كاس الموت

وعد 

طيب ما شهد كانت عندك ما قتلتهاش لية 

خال 

موت شهد مش من مصلحتنا دلوقتي

وعد

لية 

خال 

علشان اللي حصل ل شهد هيخلي نور تظهر من تاني 

وعد 

نور اختك بلعها البحر من سنين 

خال 

بلعها البحر لكنها لسة عايشة 

وعد 

معقوله 

خال 

اللي بيموت مننا صورته بتختفي من عند الملك بتاعنا دة قانون البحر الاسود ولغاية دلوقتي صورة نور موجودة عند الملك وموت وعد وعهد مش هيخلو نور تتحرك بكل قوتها وتظهر لكن الاذي اللي هتشوفو شهد هو اللي هيخليها تظهر من تاني 

و هنا يسمعوا صوت عمار بيقول 

وعد 

تختفي خال في لمح البصر وو عد تبص ل عمار وتقول 

انتي واقفة عندك لية كدة 

وعد 

زعلانه علي اختي شهد 

عمار 

باذن الله بكرة انا مش هروح البحر وهوديها للحكيم يكشف عليها 

وعد 

يكون احسن برضو 

عمار 

لغاية ما اكشف عليها بكرة مش عايزك تزعلي اختك مفهوم

وعد 

حاضر يا والدي 

وساب عمار وعد وخرج من الاوضة وهنا تظهر خال من تاني وتقول 

عمار مخبئ لؤلؤتين في هدومه 

وعد 

شوفتيهم ازاي 

خال 

انا اقدر اشوف المستخبئ 

وعد 

ومخبيهم لية 

خال 

مش دة المهم المهم هو جابهم منين  

وعد 

واحنا بس هنعرفها ازاي دي 

خال بحدة 

انتي تتصرفي وتعرفي جابهم منين انتي فاهمة ولا لا 

وعد 

حاضر 

خال 

وتعملي كل اللي تقدري عليه و عهد تخرج النهاردة من البيت ،،،،،،،،،،،

ومن علي الشاطئ اللي ماتت عليه ام شهد عبد الله تقف شهد وقصاد منها العجوزة اللي انقذتها وشهد قالت لها 

انتي عرفتي ازاي مكاني 

العجوزة 

انا اعرف اوصل لك في اي مكان تكوني في 

شهد 

وازاي بتقدري تعملي كدة 

العجوزة 

زي ما انتي قدرتي تتحكمي في البحر وتخلي يخضع لك ويسمع كلامك

شهد 

حصل امتي دة 

العجوزة 

وقت ما اتهجم عليكي الشاب يوم ما كنتي هنا ل وحدك 

شهد 

ايوة دة حصل فعلا بس ما عرفش حصل ازاي ولية 

العجوزة قربت منها وقالت 

حصل ازاي لان الصوت طلع من قلبك والبحر قصاد صوت القلب بيكون ضعيف رغم جبروته ووقتها هينفذ لك كل اللي تطلبي 

شهد 

انا اقدر اتحكم في البحر دة كلام مجانين 

العجوزة ابتسمت وقالت 

مش تستني لما اجاوب لك علي بقيت سؤالك وهو لية البحر يعمل كدة 

شهد باهتمام وفضول شديد 

لية 

العجوزة 

علشان انتي بنته 

شهد استغربت اوي وقالت 

بنته انتي حصل لك حاجة في دماغك 

العجوزة 

اومال هتقولي اية لما تعرفي ان ليكي اخت تؤام لكنها مش شبهك انتي شكل وهي شكل انتي طبع وهي طبع تاني عايشة في زمن بعيد بينه وبين زمنك 1000 سنه واسمها شهد برضو

شهد باستهزاء 

مش وسعت منك دي باين عليكي الفلوس اللي كنتي بتلميها من قعدتك قصاد الفندق كنتي بتشربي بيها مخدرات 

العجوزة 

مش مصدقة هي حكاية غريبة لكن الاغرب اني انا امك نور 

واتغير صوت العجوزة ل صوت ماما شهد نور وقالت 

لسة بتاكلي البسلة من غير جزر والبامية بتغرقيها ليمون 

اتصدمت شهد وهربت دموعها وقالت 

امي

وهنا مسكت العجوز مية البحر وحطتها علي وشها رجعت امراة في الاربعينات من عمرها جميلة جدا نزلت البحر وكل خطوة كانت بتخطيها كانت بتنور البحر تحت منها والضوء دة خلي شهد ترجع تشوف واتصدمت لما شافت امها قصاد منها في وسط البحر ف قالت 

امي انا شيفاكي 

نور 

انتي فعلا شيفاني بقوة السحر اللي انا وزعته في البحر لكنك لسة عمياء لان اختك عميت وانا عارفة مين وراء اللي حصل لها دة 

قربت شهد من نور وقالت 

هو انتي عايشة ولا ميته 

نور 

انا عايشة وعندي قوة سحرية امتلكتها لما وهبت نفسي للبحر الاعظم 

شهد 

اية البحر الاعظم دة 

نور 

فاكره الحلم اللي بتحلمي بي كتير 

شهد 

انا ما بحلمش ب غيره ست في الاربعينات حامل في شهرها الاخير بتدخل البحر هي تموت واللي كانت في بطنها تخرج علي الشاطئ عايشة 

نور 

دي اختك شهد اللي في الزمن البعيد وانتي اتولدي بنفس الطريقة في الزمن دة 

شهد حست ان رجعت تتعمي من تاني ونظرها بيتسحب فقالت 

انا بتعمي تاني 

نور 

لان التعويذة اللي اترمت علي اختك اقوي بكتير من السحر بتاعي دة سحر البحر الاسود سحر اجدادي وكل شعبي 

شهد رجعت تتعمي تاني وقالت 

انا مش قادرة افهم منك اي حاجة 

نور 

علشان تفهمي الحكاية لازم تعرفيها من الاول  

شهد 

طيب احكي يمكن افهم 

نور 

انا مخلوقة من مخلوقات البحر مخلوقة من المية اتعرفنا في القصص بتاعتكم باسم حوريات البحر لكن احنا اسمنا الحقيقي جنيات البحر كان متحرم علينا اننا نعيش برة البحر وكمان متحرم علينا جواز من برة عشيرتنا لكني عمري ما حبيت البحر الاسود اللي كان رمز الشر في زمن الملك عظيم ومتحرم علي اهل المملكة الاقتراب منه مهما حصل ورغم ان احلي سمك موجود في البحر عندنا الا ان الاعمال السفلية وخدام السحراء والعرافين الاشرار خلو الملك عظيم يحرم علي اهل مملكتة الصيد عندنا وفضلت عايشة كارهه البحر الاسود وشعبنا اللي راضي وساكت علي كل اللي بيحصل دة وجبت اخري لما شوفت في ليلة ،،،،،،،،،

ونرجع بالزمن ل بعيد اوي في ليلة كانت نور في قلب البحر بتلعب وبتتحرك يمين وشمال وقت ما شافت اختها خال خرجت من المية وراحت للشاطئ ناحية عرافة عجوزة شكلها خبيث ملعون ووقفت خال قصاد العرافة دي وباين انهم كانو بيتكلمو نور قالت ل نفسها 

مين دي وتعرف خال اختي منين 

لكن العرافة دي طلعت طفل من هدومها واديته ل خال وخال مسكت الطفل وبصت له وغطست في المية نور قالت لنفسها 

لازم اعرف اختي خال رايحة فين بالطفل دة 

وغطست نور في البحر وبدات تعوم وراء اختها خال وكانت بترقابها من بعيد لغاية ما وصلت خال والطفل في ايدها ل مكان مهجور في البحر دخلت جوة المكان دة ورفعت غطاء صندوق خشب قديم وحدفت الطفل ومشيت خال و نور قالت ل نفسها 

لازم اعرف اية اللي جوة الصندوق دة 

وراحت ناحية الصندوق ورفعت الغطاء علشان تلاقي 100 طفل ميتين وحوالين رقبتهم اعمال سفلية بيستخدمها العرافين الاشرار اتصدمت وحست ان اختها شيطانه لكنها خرجت من الصدمة دي علي باب الصندوق وهو بيتقفل بمنتهي القوة وصوت اختها خال بتقول 

ما صدقتش نفسي لما لقيتك بترقبيني 

نور 

انا ما كنتش عايزا ارقبك لكن الفضول خدني لغاية هنا لما شوفتك بالصدفة بتاخدي طفل من العرافة العجوزة من امتي و جثث الاطفال بيستخدموها العرافين في الاعمال السفلية والسحر الاسود 

خال 

افتكر ان دة سؤال لا من حقي ولا من حقك اننا نساله طالما في مصلحة هتعود علينا من وراء دفن الاطفال هنا لان الملك عظيم بينبش القبور وبيقدر يعرف مكان جثث الاطفال اللي معمول عليهم سحر اسود علشان كدة العرافين بداؤ يدفنوا جثث الاطفال هنا 

نور 

بمساعدتك انتي اية شيطانه ما بيصعبش عليكي جثث الاطفال دي يتعمل عليهم طلاسم خبيثة ملعونه الغرض منها الشر 

خال بعصبية

نور احسن لك تبعدي عن هنا وتعملي نفسك ما شوفتيش شئ والا هنسي انك اختي الصغيرة و 

وسكتت خال فقالت نور 

و اية هتقتليني 

خال 

مش عايزها توصل للدرجة دي انا كل اللي عايزا تمشي وخلاص 

نور 

انا همشي يا خال بس مش هسكت 

خال ايدها اتحولت ل ايدين الاخطبوط ولفتهم حوالين وسط نور وبدا تعصر ضلوعها وهي باصة في عيون نور وبتقول بتهديد 

هتعملي اية يعني 

نور وهي بتتالم 

سيبني 

خال 

هسييك بس لو فكرتي تحكي ل حد اللي شوفتي هنا او تعملي فيها بطله انا بجد هنسي انك اختي وهتشوفي وش عمرك ما شوفتي 

وسابتها خال ومشيت نور من قصادها ،،،،،،،

ونرجع للشاطئ ونور قاعدة قصاد شهد عبد الله و شهد بتقول لها 

معقوله تعرفي مصيبة زي دي وتسكتي 

نور 

ما كنتش اقدر اعمل اي حاجة لانها اختي لكني حاولت كتير اقنعها تبعد عن الطريق دة وما قدرتش وهي خافت مني ل اقول علي اللي شوفته ونسيت اقول لك ان دة في عرف البحر عندنا خيانه واللي يتمسك بيعمل كدة بيعيش بقيت حياته مسخ 

الشعر من ثعابين البحر الصغيرة والعيون من اللؤلؤة ويظهر ذيل دليل علي انها اصبحت منبوذة 

شهد 

ولما هي عارفة دة كله لية عملت كدة 

نور 

اصل العرافة الملعونه اللي كانت خال شغاله ل حسابها وعدتها انها في يوم من الايام هتخليها ملكة البحر الاسود ودة خلي اختي خال تطمع وتكون في خدمة العرافة وبتنفذ لها كل اللي بتطلبه منها 

شهد 

ولما خافت منك عملت معاكي اية 

نور 

مشيت وسط الشعب بتاعنا وقالت لهم اني انا اللي علي علاقة بواحد من البشر وبدات الاشاعة تنتشر بين الشعب بتاعنا بمنتهي السرعة وعرف الملك بقصتي وتم القبض عليه ،،،،،،،،

ونرجع تاني للبحر ونور قصاد الملك والوزير وكانت بتقول 

انا ما عملتش حاجة وكل اللي بيتقال دة كذب 

الملك 

اومال اية الحقيقية

الوزير 

ان اختك هي اللي بتتعامل مع البشر وبتدفن اطفالهم اللي عليهم طلاسم وسحر اسود تحت المية 

اتصدمت نور وقالت 

انت كنت عارف يا جناب الوزير 

الوزير قرب منها وقال 

اعرف وانا كمان اللي بستخدمها في الاعمال دي 

بصت نور للملك وقالت 

وانت كمان يا مولاي موافق علي اللي بيحصل دة 

الملك 

طالما الملك عظيم محرم علي البشر الاقتراب من البحر بتاعنا يبقي اقل رد اقدمه للموقف دة ان اخلي البحر بتاعي مقربه ل اطفال شعبه واساعد كمان اللي يعمل كدة 

نور 

وذنبهم اية الاطفال اللي العرافين بيستخدموا جثثهم في اعمالهم الخبيثة 

الملك 

ذنبهم انهم اطفال شعب الملك عظيم 

وبص الملك للوزير وقال 

حضر ارض القضاء لمحاكمة نور وجعلها من المنبوذين وتحوليها من جميلة الجميلات ل اقبح خلق البحر الاسود  

نور 

ولية يتحكم عليه بالحكم دة 

الملك 

خونتي قوانين المملكة واتعملتي من البشر 

نور 

ازاي تكون الملك وتحكم حكم ظالم زي دة 

الملك 

الظلم اساس العدل 

نور 

دة كذب 

الوزير 

بتكذبي الملك يا مخلوقة نكرة 

وندهه الوزير علي الحراس وسحبوا نور علي السجن ،،،،،،،،،،

وجه يوم المحاكمة و نور في وسط ارض القضاء والملك باصص ل منفذ الاحكام وقال له  

ابدا بتحويل نور من شكلها الحقيقي لشكل المنبوذة 

وبدا منفذ الاحكام فلمس الارض اللي تحت نور والارض اهتزت واهتزت ل غاية ما اتحولت نور لشكل المنبوذين ،،،،،،،،

نرجع للشاطئ وشهد بتقول ل نور 

ازاي انتي منبوذة وانا شوفتك من شوية في صورة انسية جميلة 

نور 

دة اللي عايزاكي تعرفي لما تكوني مكان اختك شهد  

شهد استغربت وقالت 

وهو انا هكون مكانها لية 

نور 

علشان انتي اقوي منها والبحر الاعظم هيكون تحت سيطرتك وهتقدري تقفي في وش خال 

شهد 

اسمعي يا ست انتي انا كل التخريف دة مش،،،،،،،،

لكن قبل ما تكمل الجملة نور ضربت البحر بايدها الموج هاج واتحول لسلاسل سحبت شهد من جسمها ودخلتها ل قلب البحر والبحر بلعها وبعدها ب شوية البحر يرمي علي الشاطئ شهد عمار اللي خدتها نور في حضنها وقالت 

بنتي 

شهد استغربت وقالت 

مين بيتكلم 

نور 

انا امك اللي عملت المستحيل علشان تهربك من زمن بتعيش في خال 

شهد 

انا ما عرفكيش 

نور وهي بتاخدها في حضنها 

تعالي في حضني وانتي تعرفي انا مين 

زقتها شهد بعيد عنها وقالت 

قولت ابعدي عني 

نور 

بعد كل اللي عملته علشانك دة انا قلبت الدنيا كلها لغاية ما لقيت شهد عبد الله وكذبت عليها وقولت لها اني امها وان ليها اخت تؤام علشان انقذك ما انا ما كنتش اقدر اعمل كدة الا مع شهد عبد الله اللي البحر اختارها تكون بنته زي ما اختارك من الف سنه 

شهد 

يعني في بنت غلبانه بتتاذئ بسببي 

نور 

شهد مش غلبانه دي شيطانه وبدور علي اللي قتلت امها علشان تقتلها وانا وصلتها ليها لكن خال قدرت تاخد نظرها وفي ربط غريب بينك وبينها لكن قريب نظرك هيرجع وهقدر افك الربط اللي بينك وبينها 

تعالي في حضن امك 

وخدتها نور في حضنها وشهد ما كنتش فاهمة اية اللي حصل ،،،،،

لكن ما كنتش شهد عمار بس اللي مش فاهمة دي كمان شهد عبد الله اللي البحر رماها في زمن غير زمنها وكمان وهي عمياء وبدا شكلها يكون نفس شكل شهد عمار. وصرخت شهد وقالت وايدها قصاد منها 

انا فين  

وفضلت شهد تلف حوالين نفسها وهي بتقول 

حد يرد عليه انا فين 

لكن ما حدش رد وصوت امواج البحر هي كل اللي كانت سمعاه شهد فلفت وشها ناحية البحر وقالت بغضب شديد 

كفاية صوت الموج عالي مش ضايقة اسمع الصوت دة 

اتوقفت الامواج عن الحركة بشكل غريب والبحر اصبح ساكن تماما استغربت شهد اوي وقالت 

هو انا فعلا بنت البحر وهو بيسمع كلامي 

وقررت تدي للبحر امر تاني فقالت 

هيج سمعني صوت امواجك 

وبدا البحر يهيج فقالت شهد بجنون 

اكتر 

وهاج البحر اكتر وقالت شهد بجنون اكتر واكتر 

هيج علي قد الغضب اللي جوة مني  

وارتفع موج البحر ل حوالي تلاته متر وكان جاهز لابتلاع البلد بحالها وهنا تتشكل موجه في هيئه وشكل مخلوق من المية عملاق بدا يتحرك بخطوات بطيئة ناحية شهد ووقف قصاد منها وقال بصوت مخيف وغليظ 

البحر جاهز لابتلاع المدينه لو انتي امرتي 

شهد اتفزعت لكنها تماسكت وقالت 

انت مين 

الصوت قال 

انا خادم نسل البحر الاعظم وانتي ملكة البحر الاعظم بنته شهد 

شهد 

ولما انا ملكة البحر الاعظم زي ما انت بتقول ازاي البحر يسيبني عمياء 

الخادم 

البحر ما يقدرش يشفي المرضي ولا يحيي الموتي واللي انت في دة بسبب تعويذة ملعونه من الساحرة خال اللي سلبت منك النظر في البحر الاسود بحر الشر والاعمال السفلية 

شهد 

اومال انت تقدر تعملي اية 

الخادم 

اقدر اكون جيشك قصاد اي عدو 

شهد بعصبية 

انا مش عايزا جيش انا عايزا ارجع اشوف تاني 

الخادم 

البحر بعت لك لؤلؤتين ينفعوا يكونو عيونك بعد ما تفكي طلاسم الساحرة خال 

شهد 

ودول مع مين وازاي افك طلاسم الساحرة خال 

الخادم 

والدك عمار مع اللؤلؤتين و،،،،،

قاطعته شهد وقالت 

والدي عمار انا بنت عبد الله 

الخادم 

انتي شهد بنت الصياد عمار في بلاد الملك عظيم 

شهد كانت هتجنن وهي بتقول 

اية الكلام الفارغ دة انا شهد عبد الله وع،،،،،،،،،

وهنا افتكرت شهد جملة نور الاخيرة ليها لما قالت 

دة اللي عايزاكي تعرفي لما تكوني مكان اختك شهد

شهد استغربت وقالت 

وهو انا هكون مكانها لية 

نور 

علشان انتي اقوي منها والبحر الاعظم هيكون تحت سيطرتك وهتقدري تقفي في وش خال 

وصرخت شهد اكتر واكتر وقالت 

يعني اية انا في زمن شهد عمار وما بقتش في زمني انا رجعت 1000 سنه علشان اية 

وهنا تحس بابرة بتدخل في رقبتها من وراء اتوجعت وحطت ايدها مكان شكه الابرة لكنها لقت دماغها بتتقل وبدات تفقد الوعي ووقعت علي الارض مغمي عليها والبحر رجع ل طبيعته من تاني ،،،،،،،،،،،،،،

ومن جوة بيت عمار وبعد اذان الفجر يخبط عمار علي باب اوضة بنته شهد لكن ما حدش كان بيرد خبط تاني وتالت قلق عليها وفتح الباب لقي الاوضة فاضية اتصدم وخرج من الاوضة بمنتهي السرعة وراح ل اوضة وعد وخبط علي الباب وفتحت وعد باب الاوضة وقالت 

بابا في اية 

عمار 

شهد اختك عندك 

وعد باستغراب 

واية بس اللي هيجيب اختي شهد هنا 

سابها عمار وراح جري ل اوضة عهد وخبط وفتحت عهد وسالها وبرضو قالت نفس الرد اتصدم وقال 

يعني اية شهد اختكم مش موجودة في البيت خرجت راحت فين دة انا كنت جاي اخدها واروح بيها للحكيم 

عهد 

غريبة دة احنا كنا سايبنها في اوضتها

عمار بحدة 

انتو عارفين جزاة البنت اللي تخالف اوامري 

وعد بخبث الشياطين 

اقل شئ انها تعيش مطرودة من رحمتك عليها 

عمار 

مش كفاية دة انا هخليها تتعذب وكانها في سكرات الموت 

عهد 

يا والدي نعرف بس هي فين وكفاية اللي حصل لها 

عمار 

اكيد راحت البحر الاعظم علشان يشفيها وكسرت كلامي 

وعد 

ما تستحقش اب عظيم زيك ولازم الجزاء يكون من جنس العمل وتكون شهد عبره ل اي بنت تكسر كلام والدها 

عمار دمه غلي وخرج بمنتهي السرعه من البيت وهنا عهد قالت ل وعد 

ما كنش لي لزوم الكلمتين اللي انتي قولتيهم دول كدة ابونا ممكن يقتل شهد 

وعد 

انا بس قولت كدة قصاد بابا علشان يعرف اني معه ضدها لكن دي اختي ولازم اكون معها علشان كدة احنا هنخرج ونروح لها عند البحر الاعظم ونخبيها منه 

عهد 

انتي فاكره اننا هنعرف نوصل قبل والدنا للبحر الاعظم 

وعد 

هنوصل لاني اعرف طريق مختصر هو ما يعرفهوش 

عهد 

انا مش هخرج من غير اذن والدي 

وعد 

واختك شهد هتسبيها كدة 

عهد باستغراب 

اختي 

وعد 

اقصد اختنا 

عهد 

والدي باذن الله يوصل لها وهو اللي هيتصرف معاها واكيد يعني هيعاقبها شوية لكن مش هيأذيها يعني 

وعد 

انتي ما بتحبيش شهد 

عهد 

بحبها لكن انتي بقيتي غريبة اوي ومصممة تخرجيني وخلاص من البيت ومن امباراح وانتي عماله توسوسي ليا بالخروج 

وعد 

اوسوس لك انتي فاكراني شيطانة 

عهد 

وعد ممكن تسيبني ادخل اوضي كفاية اوي اللي حصل ل اختنا شهد بسبب خروجها معاكي 

وعد 

اة دة انتي خايفة تخرجي معايا بقي 

مش خايفة من رد فعل والدنا 

عهد 

اة خايفة منك اكتر م انا خايفة من والدنا  

وسابتها عهد ودخلت اوضتها وهنا وعد المزيفة تروح للاوضة بتاعتها وتظهر لها الساحرة خال واول ما تشوفها وعد تقول 

مش راضية تخرج معايا خالص 

خال 

سمعت كل اللي اتقال  

وعد 

طيب والعمل دلوقتي 

خال 

سيبك من عهد دلوقتي وخلينا نشوف شهد خرجت ازاي وانا مراقبة البيت 

وعد 

يعني اية 

خال 

يعني انا ما شوفتهاش وهي بتخرج 

وعد 

ازاي دة 

خال 

دة سحر نور بمساعدة البحر الاعظم 

وعد 

يعني نور قدرت توصل لها 

خال 

قدرت وخدتها مني لكني مش هسكت وهوصل ل شهد ونور ،،،،،،،،،،،،

في نفس الوقت ومن الزمن بتاعنا كانت شهد نايمة في شقة بسيطة كانت عايشة فيها نور وصحيت شهد مفزوعه شهد عمار اللي بقت نسخة طبق الاصل من شهد عبد الله حتي لبسها وجريت عليها نور لما لقاتها بتقوم من نومها وهي مفزوعه وقالت بقلق شديد 

شهد مالك 

شهد وجهت وشها ناحية صوت نور وقالت 

أدهم تعبان اوي 

استغربت نور جدا وقالت 

أدهم مين 

شهد 

أبن سعاد اللي انا كنت عايزا اقتلها ولما عرفت ان ادهم ابنها اتعلقت في رقبته وزيقته بكل قوتي ناحية السلم ووقعنا سوي وبسبب الوقعة دي هو في المستشفي وتعبان اوي 

نور برقت وقالت 

مش انتي اللي عملتي كدة وازاي اصلا عرفتي بكل التفاصيل دي 

شهد

ومش هعرفها ازاي وانا اللي عملتها 

نور 

قولت مش انتي 

شهد 

لا انا لاني مش مجنونه ولا بخرف والبني ادم اللي اتاذي بسببي دة لازم اشوفه واخلي يسامحني وافضل جنب منه ل غاية ما يخف 

نور 

هو اية اللي بيحصل انتقالك لعالم وزمن شهد عبد الله خلاكي شبها مع مرور الدقايق وحتي هدومها بقت ملكك وقولت عادي دة ممكن يحصل علشان انتي جاية من زمن ل زمن تاني والبحر خد مكانك شهد عبد الله لكن ذكريات شهد عبد الله تكون ذكرياتك ازاي دة يحصل ازاي 

شهد 

انتي كل اللي بتقولي دة ملهوش لزوم عندي ولازم دلوقتي اشوف أدهم 

نور 

انا ما عرفش لي طريق 

شهد 

انا عارفة عنوان البيت 

نور 

انتي مجنونه عايزا تروحي برجلك للي قتلت امك وانتي كنتي هتقتلي ابنها دي لو شافتك مش بعيد تقتلك 

شهد 

عارفة ومتقبلة اي رد فعل ليها بس اكفر عن ذنبي 

نور 

مش ذنبك وافهميني بقي اللي انتي عايزا تعملي دة في خطر علي حياتك

شهد 

وقت ما تحسي بالخطر الحقيني زي ما عملتي اخر مرة 

نور 

شهد بلا،،،،،،،

شهد مقاطعه لها وباصرار 

هتيجي معايا ولا اروح ل وحدي 

لكن فجاة تحس شهد بوجع شديد في شعرها وكأن في حد بيشدة بمنتهي العنف ودم ببنزل من رقبتها صرخت نور وقالت 

شهد مالك 

شهد بصعوبه 

في حد ببذبحني 

صرخت نور وفهمت ان كدة شهد عبد الله بتذبح وما بقتش عارفة تنقذ بنتها ازاي

ونروح ل زمن الملك عظيم وشهد عبد الله قصاد الشاطئ وفي واحد من الصيادين ماسك شعرها وحاطط السكينة علي رقبتها وبدات رقبتها تجيب دم وكان بيقول 

هذبحك لو ما قولتيش انت مين وكنتي بتعملي اية عند المركب بتاعتي ولية خليتي الموج يغرقها والبحر يبلعها 

شهد 

انا شهد وما لقيش اي دعوي بالبحر اللي بلع مركبك 

الصياد مشي بالسكينة اكتر علي رقبتها والدم بدا يزيد وقال بتهديد 

انا شايفك بعنية وانتي باشارة منك رفعتي الموج ل فوق وخليتي البحر يبلع مركبي وعلشان كدة خدرتك بابرة مخدر من الابر الكتير اللي انا امتلكها لكن ازاي انتي عملتي كدة اكيد انتي ساحرة من ساحرات البحر الاسود 

هنا يظهر عمار وبص للصياد دة وقال 

عبد الغني ماسك بنتي لية كدة وحاطط السكينة علي رقبتها 

عبد الغني بص ل عمار وقال 

هي دي بنتك 

عمار 

ايوة بنتي 

عبد الغني زق شهد بمنتهي العنف وقعها تحت رجل عمار وقال 

بنتك باشارة منها رفعت موج البحر وغرقت مركبي اللي حيلتي  

عمار بص ل شهد وقال 

الكلام اللي بيقوله دة حصل 

شهد 

انت مين 

عمار 

انا مين اية مش عارفة صوتي 

شهد 

انا ما اعرفش اي حد هنا واحسن لكم كلكم تبعدو عني 

عبد الغني 

ازاي يا عمار دي بنتك وبتتكلم معاك بالطريقة دي 

شهد قالت في سرها 

عمار والد شهد اللي عنده اللؤلؤتين لازم اعمل اني بنته لغاية ما اوصل للؤلؤتين 

عمار 

ساكتة لية انطقي 

شهد 

انت كنت بتكلمني يا والدي 

عمار بحدة 

اة بكلمك وبقول لك ولما هو كذاب تقدرتي تقولي انت اية اللي جابك عند البحر الاعظم وانا قايل لك ما تجيش هنا 

شهد قامت وقفت وهي بتقول 

يا والدي 

لكن ما كملتش الجملة لان عمار ضربها بالقلم وقال بغضب شديد

 حسابنا مش هنا  

وزقها قصاد منه ولسة هيمشي مسكه عبد الغني من ايده وقال 

والمركب بتاعتي اللي غرقت بسبب بنتك 

عمار 

مركبي تحت امرك وقت ما تحب تصطاد هتكون ملكك 

عبد الغني 

دة مش حل للمشكلة 

عمار 

اومال عايز اية 

عبد الغني 

تبيع لي مركبك 

عمار 

وانا وبناتي الثلاثه نعيش منين 

عبد الغني 

بنتك ساحرة من ساحرات البحر الاسود تقدر تجيب لك السمك لغاية عندك 

عمار 

بلاش تكرر الجملة دي لان اي حد من اهل المملكة لو سمعك بتقول كدة هيبلغ الملك عظيم ووقتها الموت هيكون نهاية بنتي 

عبد الغني 

ثمن سكوتي مركبك تكون ملكي ودة اخر كلام عندي 

عمار 

مركبي ملكك وابعد عني وعن بنتي واياك تكرر جملة ان بنتي ساحرة 

عبد الغني ابتسم بمنتهي الشر وقال 

مش هكررها فين مركبك 

عمار 

عند الدفة الشرقية 

بص عبد الغني ل شهد ومشي ناحية المركب وعمار زق بنته قصاد منه وقال 

قدامي علي البيت ،،،،،،،،،،

ونرجع ل نور في الزمن بتاعنا واللي كانت بتمسح ل شهد الدم اللي رقبتها وبتقول 

حاسة انك كويسة دلوقتي 

شهد 

حسيت ببعض الالم لكني دلوقتي احسن 

نور 

طيب اسمعيني كويس اول شئ لازم نعمله اننا نفك الربط اللي بينك وبين شهد عبد الله علشان اللي هي تحس بي من الالم ما تحسيش بي انتي وتفضلي في امان 

شهد 

ودة يحصل ازاي 

نور 

بانك تتحصني 

شهد 

واتحصن ازاي 

نور 

ب نار الجن ما كنتش احب احصنك بنار الجن لكن لازم احميكي 

شهد باستغراب كررت 

نار الجن 

نور 

اهالينا في الزمن البعيد استخدموا نار الجن في انه يكون حصن ضد اي ربط او سحر لان نار الجن بمجرد ما تلمس جسمك بيتلف حوالين منك مادة زجاجية شفافة بتتسمي الحصن

شهد 

يعني لازم نار الجن دي علشان يتفك الربط 

نور 

ما فيش قدام مننا غير الطريق دة ولازم نمشي 

شهد 

والنار دي انا هتحرق بيها 

نور 

نار الجن المقصود بيها الجواز من الجن 

شهد اتصدمت 

اتجوز من الجن انتي عارفة انتي كدة بتحكمي عليه باية 

نور 

ما تخافيش انا هجوزك عبد من العبيد لمدة تلت ليالي وبعدها هيخرج من جسمك وهتعيشي زي ما انتي عايزا 

شهد 

الجن العدو الاول لينا واللي احنا بنهرب منه في كل زمان ادخله جوة جسمي بموافقتي دة بنات زمني اللي كان بيدخل جوة منهم نفر من الجن كنا بنفتح لها قبرها لان الموت بيكون اقرب لها من الحياة 

نور 

مش هخلي حاجة تاذيكي صدقيني بس انا مش هستحمل بعد ما بقيتي بين احضاني تموتي بسبب شهد عبد الله واللي هيحصل لها في زمنك 

شهد وقفت وهي متعصبة وقالت 

انتي من وقت ما بقيتي امي ورجعتي ظهرتي في حياتي وانت سبب عذابي  

نور مصدومه 

انا يا شهد 

شهد 

اة انتي تقدري تقولي انا بقيت عمياء لية ما هو بسبب خال اختك والعداوء اللي بينك وبينها انا لقيت عايشة في زمن غير زمني وبعيد عن اخواتي ووالدي مش دة بسبب السحر اللي انتي عملتي بمساعدة البحر مش بس كدة 

وبدات تعيط شهد وهي بتكمل وبتقول 

وذكريات شهد عبد الله اللي كلها ذنوب ومطلوب مني اكفر عنها 

نور 

لو بتتكلمي عن ادهم ابن سعاد ما تروحيش 

شهد 

مش بمزاجي في شئ جوة مني بيحركني ناحية مساعدة مظلوم اتظلم بسببي 

نور 

قولت لك مش انتي 

شهد 

مش انا دي هي اللي انا عايشة مكانها في زمنها وهي عايشة مكاني في زمني هي هتدفع ثمن اللي انتي عملتي في اختك وانا هدفع ثمن اللي هي عملته في ادهم 

نور 

اسمعي كلامي مش لازم تروحي ومع الوقت هتنسي 

شهد 

واسمع كلامك لية انتي مين اصلا 

نور 

انا امك 

شهد 

واصدق ازاي انك امي وفي اثنين غيري اخواتي المفروض انهم برضو بناتك وعد و عهد ولا دول عادي لما خال تأذيهم 

نور ارتبكت وقالت 

خال عايزاكي انتي وبس علشان تحرق قلبي 

شهد 

ولية ما تكنيش انتي اللي بتنتقمي من خال وانا اكون بنتها مثلا 

نور اتصدمت وقالت 

انتي بتقولي اية 

شهد 

بقول اللي انتي قولتي ل شهد عبد الله انك انتي يوم المحكمة اتحولتي مسخ لكن الحقيقية ان خال هي اللي مسخ وشبه الوحوش 

نور 

انتي مجنونه انا امك اللي عملت المستحيل علشان تحميكي من شر خال اللي كانت السبب في انك تكوني عمياء

شهد 

برضو اشمعني انا ولية ما عملتيش كدة مع وعد و عهد مش هما برضو اخواتي ولا علشان انا بنت البحر وانقاذي في مصلحة ليكي 

نور

انتي اية بقيتي ازاي بالجبروت دة 

شهد 

زعلانه ان بقيت نسخة طبق الاصل من شهد عبد الله 

نور 

ما هي في زمنك ولسة زي ما هي اشمعني انتي بقيتي هي وكمان ذكرياتها بقت ذكرياتك ازاي قدرت تتحكم فيكي كدة 

شهد 

حليها انتي بمعرفتك يا ساحرة البحر الاسود 

وراحت شهد ناحية باب الاوضة راحت وراها نور وقالت 

رايحة فين 

شهد 

رايحة ل ادهم 

نور بحدة 

انتي مش هتخرجي من هنا 

شهد 

هتمنعيني بالقوة 

نور 

لا لانك دلوقتي اقوي 

شهد ما ردتش وزقه نور بعيد عنها ونور قالت 

سعاد لو شافتك هتقتلك 

شهد 

خلاص تعالي معايا واحميني وكوني عينية 

نور 

والربط اللي بينك وبين شهد عبد الله 

شهد بحدة 

مش هتجوز من الجن انتي فاهمة،،،،

ومن جوة مستشفي خاص تقف شهد وجنب منها نور قصاد باب المستشفي وقالت نور 

هي دي المستشفي المحجوز فيها ادهم لسة مصممة تدخلي 

شهد 

احنا ما وصلناش ل غاية هنا علشان نرجع دخليني 

ومسكت نور بايد شهد ودخلتها المستشفي ووصلو لغاية الاوضة المحجوز فيها ادهم وقالت نور 

احنا واقفين قصاد الاوضة 

شهد 

خبطي 

خبطت نور وفتحت سعاد الباب واول ما سعاد شافت شهد قالت بمنتهي الغضب 

انتي 

وهجمت علي شهد وهنا ذكريات شهد عبد الله بدات هي اللي تتحكم في مخ شهد وشهد فتحت كف ايدها ووجهته ناحية الاوضة المحجوز فيها ادهم وقالت شهد

بصي وراكي وشوفي ابنك وهو بيغرق 

بصت سعاد شافت مية كتير خارجة من كف ايد شهد والمية بتملي الاوضة المحجوز فيها ادهم بمنتهي السرعه اتصدمت نور وقالت ل شهد 

انتي جايبنا ل غاية هنا علشان تقتلي 

شهد وهي بتحاول تقفل كف ايدها وتمنع المية اللي خارجة منها 

مش انا اللي بعمل كدة 

بدات الاوضة تتملي مية وسعاد بتحاول تدخل مش عارفة وكأن في باب من ازاز والمية غطت وش أدهم اللي ماكنش قادر يتحرك واللي في المستشفي مش مصدقين وفي اللي بيصرخ وفي اللي طلع موبيلاته 

 و بداو يصورو اللي بيحصل وشهد لسة بتحاول تسيطر علي نفسها وعماله تبص للاوضة وكل شئ فيها المية بتبلعه وأدهم باصص لها في عيونها بيطلب الرحمة وهي بتبص له وبتقول بعيونها 

انا جاية اساعدك لكنها مسيطرة عليه 

 ‏

لكن ادهم لسة باصص لها وبدات المية تدخل الرئة والموت في اللحظات دي ما بيبقاش في اللي اقرب منه وهنا

وهنا شهد تقدر تتحكم في ايدها وتقفلها بعد صراع شديد مع مخها اللي رافض مساعدة ادهم وفعلا بمجرد ما شهد قفلت ايدها المية بدات تخرج من اوضة ادهم زي الشلال الهايج وغرقت طرقات المستشفي وامن المستشفي يتجمع علشان يقبضو علي شهد لكن نور تمنعهم وايدها اليمين تتحول ل ذراع يشبه ذراع الاخطبوط وتضرب بي اللي يقرب من شهد او منها وكانت بتقول 

شهد قومي بسرعه 

قامت شهد وادهم كان باصص لها وهو بيكح وبيخرج من بوقه كل المية اللي دخلت الرئة وكانت جنب منه سعاد بتطمئن عليه ونور راحت ل شهد وحضنتها وبصت نور ل ارضية المستشفي اللي اتحولت ل بركة مية بها دوامه نطت فيها نور ومعها شهد والدوامه خدتهم واختفتو وبعدها اختفت البركه ورجعت ارضية المستشفي زي ما كانت وادهم ببتابع كل اللي بيحصل باستغراب شديد رغم ان الدكاترة بداو يهتموا بحالته لكنه ما كانش مركز معاهم كان بس باصص ناحية الارضية اللي اتحولت ل بركه ميه وبلعت شهد ونور وهنا يظهر عبد الله ويبص للمية اللي كانت مغرقة ارضية المستشفي وقال ل سعاد باستغراب 

هو اية اللي حصل في المستشفي

وبعدها قال باستهزاء 

ومين البنت الخارقة اللي بطلع مية من كف ايدها 

بصت له سعاد وقالت بمنتهي الجدية 

بنتك 

استغرب عبد الله وقال 

بنتي مين 

سعاد 

شهد 

عبد الله وهو مصدوم 

دة تخريف اية دة هو في كدة 

سعاد وهي بتبص للمية اللي مغرقة ارضية المستشفي 

بص لكمية المية اللي في الارضية وانت تعرف اني ما بخرفش 

رغم ان عبد الله شاف المية وهو داخل لكنه رجع بص تاني للارض وكان بيتمني انه يكون شاف غلط علشان عقلة مستحيل يقبل اللي بيتقال دة وهنا سمع صوت ل فيديو شغال فيديو صورة واحد من اللي كانو موجودين في المستشفي راح جري ناحية الشخص دة وخطف الموبيل وبص في وشاف الفيديو كان هيتجنن دي بنته فعلا ازاي قدرت تعمل كدة وهنا سمع صوت سعاد جاي من وراء وكانت بتقول بمنتهي الغل 

بنتك مخاوية جن بيساعدها 

بص لها عبد الله وقال وهو مصدوم 

انتي بتقولي اية 

سعاد 

اللي انت سمعته وفي المرتين كانت عايزا تقتل ابني وانا هحرمك منها وزي ما كانت نهاية امها علي ايدي نهاية بنتك هتكون علي ايدي 

عبد الله 

م بقلاش نبش في القديم 

سعاد بصت بجنون وغل في عيون عبد الله 

بنتك هي اللي جاية تنبش في القديم وانا مش هقف اتفرج عليها وهي بتحرمني من ابني دورها في دماغك ولو ليك كلمة علي بنتك خليها تبعد عني وعن ابني 

وسابته سعاد وراحت دخلت الاوضة المحجوز فيها ادهم اللي كان بدا ياخد نفسه بشكل طبيعي لكنه ما كانش قادر يتكلم وخدته في حضنها ،،،،،،،

ومن علي احدئ شواطي النيل تقف نور قصاد شهد وكانت بتقول بعصبية 

قولت لك بلاش نروح لكن انتي ما سمعتيش كلامي وادي اخرة العند 

شهد 

ازاي انا فقد السيطرة علي جسمي وازاي انا شوفت ادهم وهو باصص لي وقت ما كان بيغرق

نور 

ما عرفش لكن كدة الحكاية معقدة واللي انتي في دة لازم تخلصي منه 

لازم شهد عبد الله ما تقدرش تقصر عليكي ولا تتحكم فيكي 

شهد 

هي ازاي بالقوة دي تكون في زمن وانا في زمن تاني وتقدر تتحكم فيا بذكرياتها 

نور 

اسئلة كتير وكلها ملهاش اجابة عندي افهمي بقي اللي بيحصل دة ما حصلش قبل كدة ولازم الربط بينك وبينها يتقطع لانها اقوي مما كنت اتوقع 

شهد 

طيب انا لية حاسة اني محتاجة ل ادهم دة وعايزا اكون قريبة منه وفي خدمته 

نور 

كفاية اسئلة وساعديني نخلص من اللي انتي في 

شهد 

بجوازي من الجن 

نور 

ماقدمناش اي حل تاني 

شهد سكتت وماردتش والسكوت هنا علامه الرضا ،،،،،،،

ومن جوة شقة عبد الله كان عبد الله واقف قصاد بنته هاله وبيقول وهو ماسك ذراعها بمنتهي الغضب 

يعني اية ما تعرفيش هي فين وعند مين ولا تعرفي انها مسخرة جن ل اذية سعاد 

هاله 

والله العظيم ما اعرف اي حاجة عن كل اللي انت بتقوله دة 

عبد الله 

يعني اية دة انتي اختها وسركم مع بعض عرفيني هي فين خليني الم الحكاية بدل ما تتاذي 

هاله 

اقسم برب العزة ما اعرف هي فين دي اختي وهخاف عليها اكتر منك 

عبد الله 

ماشي يا هاله هعمل نفسي مصدقك لكني هوصل لها وهوقفها عن اللي ناوية تعمله ولو بالعافية وخلي بي الجن اللي مسخره دة ينفعها 

وخرج عبد الله من الشقة وراحت هاله جري علي اوضتها وطلعت موبيلها وطلبت رقم واستنت كام ثانية ل غاية ما رد صاحب الرقم وقالت 

انت كويس 

وسكتت شوية وبعدها قالت 

ما عرفش هي ازاي قدرت تعمل كدة بس انت لازم تخلي بالك 

وسكتت شوية وبعدها قالت 

انا ممكن اموت بعد منك ولو شهد فكرت تاذيك تاني انا ممكن اقتلها بس انت تعيش 

وعيطت وحطت الموبيل جنب منها علشان يظهر علي شاشة الموبيل اسم اللي كانت بتكلمة وهو أدهم ،،،،،،،،،،

ونروح ل شهد عبد الله اللي كانت في حضن عهد اللي بتحميها من ضرب عمار ليها وكانت عهد بتقول 

كفاية بقي يا والدي 

وبصت عهد ل وعد وقالت 

ما تقولي حاجة 

وعد ببرود 

كفاية كدة يا والدي 

عمار وهو متعصب 

هو اية اللي كفاية دة انا لولا اللي هي في وحاله العمي اللي صابتها انا كنت ذبحتها وقطعت من لحمها ورميت ل كلاب المملكة 

وعد 

طيب خلاص علشان خاطري 

عمار 

وانا مين عمل خاطر ليا ومركبي اللي حيلتي خدها مني ظلم الصياد عبد الغني علشان ما يفضحش امر اختك الساحرة 

عهد 

هي مين دي اللي ساحرة شهد  

عمار 

عبد الغني شافها بعيونه وهي بتتحكم في البحر 

عهد بصت ل شهد وقالت 

الكلام دة حقيقي 

شهد 

كذب وانا برئية  

عمار 

طيب روحتي للبحر الاعظم لية وانا مانعكم من الخروج 

شهد وقفت بمنتهي الجبروت 

البحر بعت لي رساله انه وهبك لؤلؤتين علشان ارجع اشوف

اتصدم عمار وقال 

عرفتي ازاي ب امر اللؤلؤتين دول انتي فعلا ساحرة 

شهد 

 انا بنت البحر يعني طبيعي ان البحر يبعت لي هدايا 

عمار 

كفاية تخريف بقي 

شهد 

اديني اللؤلؤتين وانا اثبت لك انه مش تخريف 

عمار حط ايدة في هدومة وطلع اللؤلؤتين واداهم ل شهد وقال 

وريني بقي ازاي دول هيرجعوا ليك نظرك 

مسكت شهد اللؤلؤتين وحطتهم قصاد عيونها وعهد ووعد وعمار كانو باصين ليها بتركيز واهتمام شديد ،،،،،،،،

ونرجع ل نور اللي عملت مثلث من دم وفي وسط المثلث تقعد شهد ونور بتقول طلاسم وتعويذات خاصة بتحضير الجن وجرحت ايد شهد وبالدم اللي بينزل منها رسمت علي وشها حروف وارقام بالمقلوب ونور حست بالدم اللي فوق جسمها وهو بيمشي وكانه دودد لونه احمر والدودد دة بدا ينغرز في اللحم صرخت شهد وقالت 

اية اللي بيحصل يا نور جسمي كله بيتنفض 

نور 

مراسم الجواز من الجن بتم 

شهد 

انا جسمي اصبح درجة حرارته درجة حرارة الجحيم 

نور 

عارفة ودي اصعب مراحل الجواز 

وصرخت شهد صرخة يسمعها اهل الموت وارتفع جسمها ل فوق بطريقة مرعبه وعضم جسمها كان تقريبا بيتكسر او دة اللي هي حست بي هنا اتصدمت نور وقالت 

شهد انتي مسخر عليكي جن عاشق وبسبب الجن اللي عليكي الجوازة مش هتتم 

لفت شهد دماغها بمنتهي الشر وقالت بصوت خبيث 

الجسد دة ملكي انا 

نور 

انت مين 

شهد بنفس الصوت الخبيث 

العاشق ابن النار 

نور 

مين سخرك ل اذية بنتي 

هنا صرخت شهد وجسمها كله اترعش وبظوافرها اللي غرزتها في لحم جسمها كتبت اسم اللي سخر الجن وكان اسم

عبد الله اتصدمت نور وهنا رجع النظر ل شهد اللي قالت بصوتها الطبيعي 

عبد الله ابو شهد 

نور بصت ل شهد لقت عيونها رجعت زي الاول والبياض اللي كان حوالين منها راح واتصدمت من اللي شافته،،،،

شهد 

           ★الحلقة التاسعة★

           ‏

من تاليفي 

محمد منصور. منص

وقبل ما نبدأ الحلقة نوحد الله ونصلي علي خير خلق الله سيدنا محمد و علي بركة الله نبدأ 

بسم الله توكلت علي الله. وهو رب العرش العظيم

وبعد ما فاقت نور من الصدمة قالت 

رجعت عيونك زي الاول ازاي دة حصل 

شهد 

هي فيها ازاي اكيد شهد عبد الله قدرت ترجع نظرها وبالربط اللي بيني وبينها هي رجعت تشوف وانا بقيت اشوف 

نور 

رهنت عليها وكنت عارفه انه رهان كسبان 

شهد بصت ل ذراعها ولاسم عبد الله اللي مكتوب علي الذراع وقالت 

الرهان الجديد دلوقتي لية عبد الله سخر جن ل اذية بنته 

نور 

دة مش رهان دة سؤال صعب اجابته 

ازاي اب يعمل كدة في بنته ولية

شهد 

لازم نعرف ولازم اخرج الجن اللي جوة مني اللي اكيد هو السبب في اني عايزا ديما اكون في خدمه ادهم ومساعدته 

نور 

ناوية علي اية 

شهد 

اروح ل عبد الله واتكلم معه ،،،،،،،،

ونروح ل عمار اللي كان باصص ل بنته مش مصدق اللي شافه ازاي شهد بمجرد ما قربت اللؤلؤتين من عيونها نورهم زاد ولمعتهم ما كانش ليهم مثيل واتحولو ل مية لونها ابيض تشبه اللبن لكنها مش لبن والمية دي دخلت في عيون شهد وبدات شهد تترفع ل فوق وبعدها خرج من عيونها مادة سوداء وهي الطلاسم اللي رمتها عليها خال وبعدها رجع النني الاسود يظهر ورجعت تشوف زي الاول وقالت عهد لوالدها 

صدقت انها بنت البحر 

بص عمار ل عهد وقال 

اللي حصل دة غريب وغير مقبول دة شئ السحراء ما يقدروش يعملو 

شهد 

علشان تصدق اني مش ساحرة و

وبدات شهد تشوف البيت اللي هي في وماكنتش مصدقة اللي عيونها شايفا وجت عيونها في عيون وعد وشافتها علي حقيقتها اتصدمت لكنها ما بينتش وقربت من وعد المزيفة ووقفت قصاد منها بالظبط وقالت 

شايفاكي مش فرحانه اني رجعت اشوف من تاني 

وعد 

ازاي بس تقولي كدة دة انتي اختي الصغيرة 

وجت وعد تاخد شهد في حضنها شهد سابتها ومشيت وراحت ل عمار وقالت 

مركبك هترجع لك 

عمار 

انتي مش هتخرجي تاني من هنا مفهوم ولا لا 

شهد 

لو تقدر تمنعني امنعني 

جه عمار يمد ايدة عليها بصت شهد ل ايدة اللي اتلف حوالين منها سلاسل من مية حطت ايدها علي سلاسل المية دي اتحولت ل ثلج صرخ عمار وهو باصص ل ايدة المجمدة وقالت شهد 

اقدر دلوقتي بلمسة بسيطة اكسر ايدك بس انا مش هعمل كدة ولو انا استحملت اول مرة اهانتك ليا ف انا عملت كدة علشان اوصل للؤلؤتين وانا وصلت وعندي استعداد اقتلك 

عهد 

شهد ازاي تعملي كدة في والدنا 

شهد بصت لها وقالت 

دة مش والدي وانا مش اختك 

وبصت شهد ل وعد وقالت 

ودي كمان مش اختك احسن لكم تخرجوها برة البيت لان وراء منها شر كبير 

اتصدمت وعد ودخلت اوضتها وقفلت الباب وراء منها وظهرت خال فقالت وعد 

ازاي هي بالقوة دي وازاي عرفت اني مش وعد 

خال 

سر قوتها في اللؤلؤتين اللي بقو مكان عيونها لازم،،،،،

وقبل ما تكمل الجملة كانت شهد واقفة قصاد خال بالظبط وبتبص لها وقالت شهد 

طبعا انتي عايزا تعرفي ازاي انا قدرت افك طلاسم البحر الاسود اللي انتي رمتيها عليه وبسببها بقيت عمياء

خال 

معقوله هتعرفيني سر قوتك يا بنت اختي 

شهد 

لا بس هعرفك اني مش شهد عمار انا شهد عبد الله نور اختك بعتاني من زمن تاني علشان اخلص منك وبمجرد ما لبست اللؤلؤتين رجعت اشوف علشان ببساطة مش انا اللي انتي رميتي عليها الطلاسم مش هنعرف نتكلم هنا لان عمار داخل دلوقتي هستناكي عند البحر الاسود بالليل 

وفعلا دخل عمار وكان في ايدة سكينة بعد ما شهد رجعت ايدة زي ما كانت بصت له شهد وابتسمت وهو بيقرب منها وبيقول 

هخلص منك يا ملعونه وهقتلك بايدي 

وعهد وراء منه بتحاول تمنعه لكنه كان اقوي واسرع من عهد وفعلا راح بالسكينة ناحية قلب شهد اللي ابتسمت واتحولت لمية بدات تجري علي الارض برق عمار مش مصدق اللي شايفة وعهد قالت 

دي مستحيل تكون اختي شهد 

عمار 

بنتي مش ساحرة ملعونه دي فعلا مش بنتي 

وخرج عمار من الاوضة بمنتهي السرعة وهو زي المجنون ووراء منه عهد بتقول 

رايح فين بس يا والدي 

عمار 

هبلغ السلطان عظيم بان المملكة بتاعتنا فيها ساحرة وهو والعرافين اللي معه يقدر يخلص منها ،،،،،،،،

من تاليفي 

محمد منصور. منص 

ومن قصاد البحر الاسود تقف خال قصاد شهد اللي حكيت كل الحكاية اللي دارت بينها وبين نور وبعد ما خلصت شهد قالت خال 

وانتي بقي بتحكي لي الحكاية دي كلها لية 

شهد 

علشان تساعديني ارجع ل زمني 

خال 

وانا هستفاد اية لما ارجعك لزمنك 

شهد 

هسلمك نور وبنتها تعملي فيهم اللي انتي عايزا بس هي ازاي قالت لي انها اتحولت مسخ وانتي اللي اتحولتي ل مسخ 

خال 

اية حكيت لك كل الحكاية دي وما قالتش ليكي ازاي يوم المحكمة هي هربت من ارض القضاء 

شهد 

ما قالتش وطلبت مني اعرف الجزء دة بطريقتي 

خال 

لا هي قاصدة اني انا اللي احكي لك علشان تقلب عليه الاحزان ومن بعد ما كنت جميلة الجميلات ابقي مجرد مسخ والسبب هي  

شهد 

عرفيني اية اللي حصل وخليني اساعدك لان نور زي ما هي عدوتك هي كمان عدوتي 

خال 

هحكي لك ،،،،،،،،،

قبل المحكمة بيوم نور في السجن قاعدة في ركن من اركان السجن وقت ما اتفتح باب السجن ودخلت عليها خال وبصت ل نور وقالت 

طلبتي تشوفيني ممكن اعرف لية 

نور بصت لها وقالت 

عايزاكي ل اخر مرة تفكري في اللي انتي عايزا تعملي في وترفعي عني الظلم 

خال 

الوقت فات وكلها يوم وتم محاكمتك قصاد كل اهل البحر الاسود 

نور 

بس انا عرفت انك علي علاقة ب الملك عظيم ودة في عرف البحر عقابه القتل 

خال بعصبية 

انتي كذابة انا ماليش اي علاقة

 ب أنسي وازاي انا اكون علي علاقة ب الملك عظيم وهو بيكرهنا 

نور قامت وقفت وراحت ناحيتها وقالت 

يبقي كذبة مني بس انا هخليها حقيقية 

ولفت نور حوالين خال وحطت ايدها علي وشها وطلعت لؤلؤة من دخان وحطت اللؤلؤة في وسط دماغ خال وقالت 

بقوة سحر البحر الاعظم وخدام البحر الاعظم وبقوة قلب الملك عظيم ابن البحر الاعظم وملك ملوك البحر الاعظم ارمي عليكي طلاسم البحر الاعظم واجعلك نسخة طبق الاصل مني 

وفعلا بدا وش خال ياخد شكل نور ولسة خال هتصرخ كتمت نور بوقها وبدات نور تاخد شكل خال وخال تاخد شكل نور وزقة نور خال وقعتها في اخر السجن وقالت نور بصوت خال 

جسمك وصورتك وصوتك حلال عليه لاني قدرت اعرف الملك عظيم بالمكان اللي مدفون في الاطفال 

حاولت خال تتكلم لكنها ما قدرتش وقالت نور 

مش هتقدري تتكلمي الا بعد سنين وعارفة انك عايزا تعرفي انا ازاي قدرت اوصل المعلومة دي للملك عظيم هقول لك 

وقربت نور من خال وقالت في ودانها 

لاني علي علاقة بصياد من البشر اسمه عمار واقدر اتواصل معه عن طريق الاحلام وهتجوزه وهوب للبحر الاعظم اخر بنت من بناتي والملك عظيم بعد تنفيذ حكم القضاء فيكي هيهجم علي مملكة البحر الاسود وهيخلص منكم كلكم ويخلص الناس من شركم 

حاولت خال تمسك رقبه نور لكن جسمها رفض الحركة ضد نور وضحكت نور وخرجت من السجن وسابت خال ل مصيرها المحتوم ،،،،

ونرجع ل خال اللي كانت شهد بتقول لها 

يعني نور اللي كانت معايا عايشة في جسمك وصورتك وبصوتك 

خال بغضب شديد 

سرقت عمري كله وهربت وسابت شعبها واهلها يذبحهم الملك عظيم بعد ما اتحولت انا ل مسخ دميم ترفض اي عين انها تشوفه 

شهد 

ولما هو الملك عظيم قام بالمجزرة دي ضد شعبك انتي قدرتي تهربي ازاي 

خال 

بعد ما تم تحويلة ل مسخ خرجت من ارض القضاء قاصدة المكان اللي كنت بدفن في الاطفال لكني كنت عايزا اوصل ل بنتي رازا وانا في الطريق ليها شوفت هجوم جيش الملك عظيم وشوفت بنتي بتخرج من المسكن اللي كنا في حاولت انقذها لكنها خافت مني ومن شكلي وطبعا هي ما تعرفش اني امها خال وزقتني وحاولت تهرب لكن السهم اخترق قلبها حاولت اصرخ ما قدرتش حاولت الحقها ما كنش في وقت وقررت اهرب وروحت باسرع ما فيا للمكان اللي كنت بدفن في جثث الاطفال واستخبيت تحت جثث الاطفال وفضلت اسمع اصوات شعبي وهما بيموتو ودمهم حول البحر الاسود للون الاحمر وانتهت المجزرة وخرجت بعد مدة من الزمن ما عرفش قد اية وشوفت شعبي وهما جثث ما حدش طلع عايش من المجزرة دي الا انا وبنت صغيرة سمتها نارين وعشت انا و نارين في اعماق اعماق البحر الاسود بناكل لحوم جثث الموتي من شعبنا لاننا لو كنا طلعنا لسطح البحر كان ممكن اي حد يشوفنا ويقتلنا وعديت السنين ومع الزمن رجعت اتكلم لكن بصوتها صوت الملعونه نور مكتوب عليه كل ما اتكلم اسمع صوت اللي كانت السبب في كل العذاب اللي حصل لي وجه وقت الانتقام عديت سنين طويلة واكيد الملك عظيم نسي البحر الاسود واللي كانو عايشين في وخرجت للارض وقررت انتقم عرفت مكان بيت عمار لكني حزنت لما عرفت ان نور ماتت في البحر لكني شوفت قصاد مني تلت بنات من لحمها ودمها كان لازم اقتلهم حاولت ادخل البيت ما قدرتش لكني قدرت اخرج وعد اللي طمعتها في اني هجوزها من ابن الملك بس لو شافها وخرجت وعد بمساعدة نارين وذبحتها عند البحر الاسود ورجعت نارين وعاشت في شكل وعد علشان تقدر تخرج لي شهد وعهد

شهد 

طيب وانتي ازاي عرفتي ان نور لسة عايشة 

خال 

في قصر الملك صور ل كل اهالي مملكة البحر الاسود اللي كان بيموت صورته بتختفي من القصر وصوره نور لسة موجودة 

شهد 

يبقي كدة احنا سكتنا واحدة ساعديني ارجع زمني وانا هساعدك تنتقمي من نور

خال 

علشان اساعدك سلمي لي عهد علشان اقتلها واتاكد انك معايا مش ضدي 

شهد 

وذنبها اية عهد تموت اللي ظلمتك نور مش عهد 

خال بمنتهي الشر 

واللي ماتت بسبب ظلم نور ليا بنتي رازا كان ذنبها اية 

شهد 

بس عهد دي غيرهم كلهم دي طيبة جدا 

خال 

روح عهد قصاد رجوعك ل زمنك وخليكي متاكد اني انا الوحيدة اللي اعرف اوصلك ل بوابة الزمن اللي منها دخلتي ل هنا 

شهد كانت محتارة وما ردتش ،،،،،،

ونروح ل عبد الله اللي كان جوة اوضة وقت ما دخلت علية شهد ومعها نور بص لهم باستغراب شديد وقال 

كنتي فين طول الفترة اللي فاتت 

قربت منه شهد وهي باصة في عيونه وقالت 

الجن اللي انت مسخره ما عرفكش حكايتي 

ابتسم عبد الله وقام وقف وهو باصص في عيون شهد وقال 

عرفت وعادي انتي موجودة وهتكملي اللي شهد بنتي كانت المفروض تكمله 

نور 

ودة اللي هو اية تعيش خدامه تحت رجل ادهم 

عبد الله 

وانتي مين بقي انتي اللي بتخليها تطلع مية من جسمها وتعمل بيها شغل الحاوي 

نور 

انا نور واحسن لك ما تعرفش اكتر من كدة 

بص لها عبد الله بتحدي وقال 

مخلوقة من مية وتعرفي بقي اية اللي يخلي المية تموت 

ومسك عبد الله رقبتها وقال 

ان النار تحولها ل بخار والاوضة دي فيها عشيرة كاملة من الجن مسخرين لخدمتي 

وبدات نور تصرخ والنار بتحرق فيها وبتتحول ل بخار ولسة هتقرب منه شهد بص لها وقال 

بلاش تدخلي في حرب انتي مش قدها وشوية المية اللي انتي غرقتي بيهم الدنيا ما يهزوش شعرة فيا خلاص انا اتكشفت قصاد منكم خلونا نلعب علي المكشوف 

شهد بصت ل نور اللي بتتبخر وبتصرخ وقالت 

سايبها وقول اللي عندك 

سابها عبد الله وقعت نور علي الارض بتتوجع راحت لها شهد تطمئن عليها قال عبد الله بصوت الشيطان 

عايزا تعرفي انا لية مسخر عليكي جن عاشق 

شهد 

عايزا اعرف 

عبد الله 

علشان هتتجوزي ادهم وفلوسه تبقي حلال عليه طالما وصلتي لي يبقي لية لا مع اني كنت بجهز هاله للجوازة دي وعملتها سحر يخليها تحب ادهم لكن شهد وصلت في وقت غلط وبغبائها كانت هتقتله وبعد اللي حصل ادهم هيعيش عاجز تستاهلة شهد مش هاله 

شهد بصت له وقالت 

انت مجنون ازاي تعمل كدة في بناتك 

عبد الله 

لو انتي مش هتعملي كدة ارجع بنتي للزمن دة وانتي ترجعي مكانك وزمنك 

نور بصعوبه 

انت ما نقدرش تعمل كدة الا عن طريق بوابة الزمن اللي في قلب البحر الاعظم 

ضحك عبد الله بمنتهي الشر وقال 

الجن اقوي المخلوقات دول جابو ل سيدنا سليمان مملكة بحالها قصاد منه ومن غير بوابه تفتكري مش هيقدرو برجعوا لي شهد 

نور فضلت بص له وساكتة هو ابتسم وقال 

اتفرجي علي قوة الجن وبرضو من الاحسن ان اللي عرفت حقيقتي تروح من هنا واكمل اللي بدته مع شهد بنتي هي علي الاقل ما تعرفش اني مخاوي جن 

ورفع ايدة ل فوق وقال تعويذة مخيفة 

يا ملوك الجن الاعظم يا عشيرتي يا خدام الهيكل المعظم انا منكم وانتم مني امركم بالقسم الاعظم قسم سليمان واباطرة الجان احضروا لي شهد من زمن بعيد الدم يربطني بيها الدم يقربني منها الدم مني ومنها 

الدم الدم الدم 

وطلع عبد الله مشرط صغير من جيبة وعور نفسه ومع اول نقطة دم نزلت علي ارضية الاوضة بدات الاوضة تهتز بمنتهي الغضب والقوة والعنف وكانه زلزال وعبد الله في وسط الاوضة ثابت ونور بتحاول تهرب هي وبنتها لكنها ما كنتش قادرة تعمل حاجة وبدا جسم شهد يتلاشي في الهواء ونور بتحاول لكن ما فيش فايدة وظهرت شهد تانية من العدم واللي ظهرت دي هي شهد عبد الله. 

بصت شهد عبد الله حوالين نفسها وكانت مصدومة من اللي شايفه وقالت 

ازاي انا رجعت هنا 

نور 

ابوكي م،،،،،،،،،

وسكتت نور وما بقتش عارفة تقول اية لانها نسيت قدر عبد الله بمساعدة الجن ينسوا نور كل اللي حصل كانت مركزه معها شهد وقالت 

ابويا اية كملي 

عبد الله بخبث 

هتكمل تقول اية اني قدرت اتمكن منها بمساعدة شيخ الجامع وب ايات قرانية قدرت افك الرصد اللي كان عليكي وارجعك للزمن بتاعنا 

شهد باستغراب 

ازاي قدرت عليها بالقران دي مخلوقة من مخلوقات المية 

عبد الله 

دي الكذبة اللي كانت عايزاكي تصدقيها دي من الجن 

بصت شهد ل نور باستغراب شديد وقالت 

انتي ساكتة لية ما تتكلمي 

نور 

اتكلم اقول اية انا مش فاكره اي حاجة 

ابتسم عبد الله بخبث شديد وقال 

هو انتي لسة عايزا تسمع لها بعد اللي عملته فيكي رغم كل اللي بينا من خلافات لكنك بنتي وما يهنش عليه اشوفك بتتاذي واقف اتفرج دة دفعت فلوس كتير للشيخ علشان اقدر ارجعك لزمنك وتكوني وسط اهلك وناسك 

شهد باستغراب 

انت عملت علشاني كل دة 

عبد الله 

واعمل علشانك اكتر من كدة مش بنتي ولازم احميكي 

وبعدها بص عبد الله ل نور 

وانتي امشي غوري من هنا بدل وكتاب الله اسلم لك للحكومة 

قامت نور بمنتهي الاستسلام وخرجت من البيت وعبد الله بص 

ل شهد وشهد ما بقتش عارفة تقول اية لكنها كانت حاسة انها عايزا تشوف ادهم وتكون في خدمته ،،،،،،،

ومن زمن شهد عمار تفتح شهد عيونها تلاقي نفسها علي سريرها في اوضتها بصت حوالين منها باستغراب شديد وقامت وقفت وراحت ناحية الباب وفتحته وخرجت علشان تقابلها نارين خادمة خال اللي لسة في شكل وعد وقفت قدام شهد وقالت 

خال بتفكرك باتفاقها معاكي وعايزا تعرف ردك النهائي 

شهد باستغراب شديد 

خال واتفاق اية 

نارين 

عهد تخرج برة علشان تقتلها 

اتصدمت شهد وقالت 

انتو عايزين تقتلو عهد اختي 

نارين استغربت 

هو انتي مالك 

شهد بدات تتمالك اعصابها وقررت تعرف اية هو الاتفاق اللي كان بين شهد عبد الله وخال ف قالت 

ماليش انا بس تعبانه وحاسة اني مش بخير 

نارين 

دة علشان انتي في زمن غير زمنك ف الاحسن ليكي انك تحطي ايدك في ايد خال وتسمعي كلامها 

شهد 

اكيد بس عايزا افهم منك كان اصل الاتفاق بيني وبين خال 

نارين 

لا انتي كدة فيكي حاجة مش طبيعية 

شهد 

نور وهي بتجبني الزمن دة قالت لي اني اوقات كتير هنسي اي كلام دار بيني وبين اي شخص تاني ودة حصل ما هو برضو اني اكون في زمن غير زمني دي لخبطة ما يتحملهاش اي عقل 

نارين سكتت لحظات كانت بتستوعب اللي اتقال وبعدها حكيت تفاصيل الاتفاق بين شهد عبد الله وخال هنا شهد عمار استحقرت شهد عبد الله وقالت في سرها 

ملعونه علشان تنقذ نفذها قررت تخلص من انسانه برئية 

نارين لحظت سكوت شهد ف قالت 

هتفضلي ساكتة كتير كدة 

شهد 

بفكر ازاي اخرج عهد برة علشان تقتلها خال 

ناربن 

طيب اتمني انك توصلي ب سرعه

 ل قرار علشان خال مستعجلة الرد 

وسابتها نارين ومشيت وهنا تظهر عهد بصت ل نارين اللي كانت رايحة اوضتها ورجعت بص ل شهد باستغراب شديد وقالت 

انتي اية اللي رجع تاني هنا بعد اللي عملتي في والدي

شهد بتنزل عليها الصدمات صدمة وراء صدمة وقالت 

هو انا عملت اية في والدي 

عهد باستغراب 

عملتي اية انتي مش عارفة انتي عملتي اية كنتي عايزا تقطعي ايدة وقولتي انك مش بنته واني انا مش اختك و اللي انتي كنتي واقفة معها دي قولتي انها مش وعد وبعد كل دة جاية تقولي هو انا عملت اية 

شهد في سرها 

باين اوي ان شهد عبد الله خربت الدنيا في الوقت اللي كانت عايشة في مكاني 

عهد 

شهد احسن لك تمشي من هنا لان والدي في طريقة لقصر السلطان عظيم وقرر يبلغه بحقيقتك انك ساحرة 

شهد 

والدي هيعمل كدة 

عهد 

ما استحملش بعد اللي عملتي في دة انتي كنتي هتقطعي ايدة عايزا يعمل معاكي اية 

شهد 

كدة انا لازم اهرب  

عهد 

هتهربي تروحي فين 

شهد 

ما اعرفش بس انتي عارفة ان باللي عاملة والدك انا بقي مصيري الموت وانا مش هفضل مستنيا هنا نهايتي 

ومسكت ذراعت عهد الاثنين وبصت في عيونها اوي وقالت 

وانتي اوعي تخرجي من البيت ابدا لو حتي انا اللي طلبت منك كدة فاهمة 

عهد اتصدمت وقالت 

شهد هو في اية 

شهد 

ما فيش وقت اشرح بس ب اختصار اللي كانت هنا وكانت هتقطع ايد والدنا وقالت لك انها مش اختك واحدة غيري جاية من زمن غير الزمن لكن انا اختك شهد ولغاية ما الشر اللي احنا في دة يخلص اوعي تخرجي من البيت 

وراحت شهد ناحية اوضة وعد وقالت 

انتي رايحة فين 

لكن شهد دخلت الاوضة وجابت نارين من شعرها وقالت 

خارجه ل طريقي المجهول 

عهد 

وواخده وعد معاكي لية 

شهد نزلت دموعها وقالت 

وعد اتقتلت علي ايد خال ودي مش اختنا 

نارين 

اللي بتعملي دة هيكلفك عمرك كله وغضب خال هيمنعك من الرجوع ل زمنك 

بصت لها شهد في عيونها وقالت 

انا خلاص رجعت زمني انا شهد عمار 

وسحبتها شهد بمنتهي القوة من شعرها برة البيت وعهد بتبص للي بيحصل ومش مصدقة كل اللي اتقال وكان اقل رد فعل صرخة خرجت من القلب ،،،،،،،،،،،،،

ومن جوة المستشفي اللي محجوز فيها ادهم يقف عبد الله قصاد سعاد وكان بيقول 

اقسم لك بالله انها جاية ل غاية هنا مش قاصدة شر شهد انا قدرت عليها وهددتها اما انها تصلح كل اللي فات او اما هسجنها 

سعاد بصت بطرف عيونها ل شهد اللي كانت قاعده بعيد مستنيه حوار عبد الله وسعاد يخلص وانتهي الحوار وعبد الله ندهه ل شهد وقال 

تعالي 

راحت شهد والغل لسة جوة قلبها من ناحية سعاد لكن السحر والجن المتسلط عليها مخليها عايزا تقرب من ادهم وخلاص ورغم ان سعاد كانت بتقول كلام كتير وكتير زي تهديد وانا هسجنك وانا هعمل وهعمل لكن شهد ما كانتش شايفة الا ادهم وهو باصص لها وقال بصوت الوجع 

كفاية 

بصو كلهم ناحية ادهم اللي قال 

دخلوها 

ودخلت شهد للاوضة ووقفت قصاد ادهم والسحر اشتغل وسحر الجن اقوي ولا سحر العيون ،،،،،،،،،

ومن عند البحر الاسود تقف شهد وماسكة سكينة وكانت حطاها علي رقبه نارين وبتقول با علي صوتها 

اظهري يا خال وخلينا نصفي الحساب اللي بينا 

ظهرت خال وقالت 

انا قدامك اهو طلعي نارين برة الحساب اللي بينا 

شهد 

وازاي اعمل كدة وهي ساعدتك في موت اختي وعد 

خال 

حاسة اني بتكلم مع شهد عبد الله نفس طريقة الكلام ونفس الشر 

شهد 

ما هي متحكمة فيا لانها اقوي وانا مش هقاوم سحرها ولا تحكمها فيا علشان اعرف اخد حقي منكم 

وذبحت شهد نارين ورمتها علي الارض قصاد خال صرخت خال وشاورت للبحر اللي هاج واتحول ل سلاسل سحبت شهد ل جوة البحر وهجمت خال علي شهد وفضلت تخنق فيها لكنها اتصدمت من اللي شافته شهد وشها بدا يتغير واتحولت ل واحدة تانية واحدة خال تعرفها كويس لانها بنتها رازا. خرجت خال من البحر وقعدت علي الشاطي مش مصدقة اللي هي شيفاه ازاي بنتها رازا لكن رازا ما وقفتش كتير قصاد صدمة خال وهجمت عليها تاني لكن خال تفادت هجومها وقالت 

اتوقفي عن اللي انتي بتعملي  

خال 

ما فيش حاجة هتوقفني غير اني اخد حق اخدي منك 

ورجعت شهد تكرر الهجوم لكن خال تتفادي هجومها وشاورت للبحر طلعت منه موجه اتلفت حوالين جسم شهد ورفعت شهد ل فوق وقالت 

انا امك مش عدوتك انتي بنتي رازا 

شهد مستنكرة الكلام 

خدعه جديدة منك الغرض منهاالخ،،،،،

لكن خال خلت الموجه تلف وش شهد ناحية البحر وحطت خال ايدها في البحر اللي اتحول ل مريا كبيرة مضيئة وقالت خال 

بصي في البحر وشوفي انعكاس صورتك 

بصت شهد في البحر لقت نفسها في جسم وصورة واحدة تانية اتصدمت وما بقتش مصدقة رفعت ايدها يمين علشان تتاكد ان اللي شايفة في المرايا هو انعكاس ل صورتها وفعلا تشوف ايدها في المرايا بتتحرك اتصدمت شهد وقالت 

انتي عملتي فيا اية 

خال 

انا ما عملتش اي حاجة العراك اللي دار بينا في البحر حول شكلك من صورة شهد ل صورة رازا بنتي 

شهد بصت تاني في المرايا وقالت 

دة جنون 

اشارات خال للبحر اللي رجع زي الاول واشارت للموجه تسيب شهد واتفكت الموجه من حوالين جسم شهد ووقعت شهد علي الارض راحت ناحيتها خال وقالت 

لازم اتاكد انك بنتي 

شهد 

انا اللي عايزا افهم اية حصل ل شكلي 

خال 

اما دي خدعه من نور او اما انتي فعلا رازا وكان عليكي طلاسم سحرية طلاسم البحر الاسود اللي بيها نقدر نغير بيها شكل اي حد بس ازاي او مرة كنا فيها عند البحر الاسود وانا بحرمك من نور عينيكي فضلتي في نفس صورة شهد

شهد 

غريبة فعلا ولما انا بنتك لية نور غيرت صورتي ل صورة شهد 

خال 

سؤال اجابته في قصر ملك البحر الاسود 

شهد 

ازاي 

خال 

لو شوفت صورتك وسط صور الاحياء يبقي انتي فعلا رازا ونور قدرت تاخدك من البحر الاسود ل غرض هي بس اللي تعرفه 

شهد 

ولو صورتي مش موجودة 

خال 

يبقي انتي مجرد خدعه من نور ووقتها الموت هيكون مصيرك 

شهد 

بلاش نسبق الاحداث لان الموت هيكون مصيرك انتي يا ،،،،،،،،

وقبل ما تكمل الجملة خال وشهد يتحدف عليهم شبكة من حديد ويظهر عمار ومعه حراس وتلت عرافين من قصر الملك عظيم وكان بيقول كبير العرافين مدار 

ما كنتش مصدق الصياد عمار لما قال ان في ساحرة وقدرت اعرف بعلمي انك هنا عند البحر الاسود ومعاكي بنت البحر الاعظم 

وبص مدار ل عمار وقال 

قولت لي ان في ساحرة واحدة وفي الشبكة اتنين واعتقد ان صغيرة السن هي بنتك اللي انت بلغت هنا 

عمار بص ل رازا وقال 

دي مش بنتي اللي انا بلغت عنها 

رازا 

انا شهد يا والدي بس نزولي البحر الاسود غير شكلي وصورتي والساحرة خال بتقول اني بنتها رازا 

عمار ل خال 

انا ماليش في الاعيب الساحرات اللي زيكم قولو للعراف مكان بنتي خلينا نخلص منكم 

خال بصت ل رازا وقالت 

دي اللي كانت شهد وهي في الاصل بنتي رازا 

هنا يدخل العراف مدار وقال 

هنشوف في حد منكم تاني عايش في البحر الاسود ولا انتم بس 

وبص للحراس وقال 

خدومهم علي السجن الاعلي 

وبداو الحراس يسحبوا الشبكة ورازا بتبص ل عمار وبتقول بترجي 

انقذي منهم يا والدي انا بنتك شهد ازاي تسيبهم ياخدوني 

لكن عمار ما كنش بيرد وباصص بعيد عنها ورازا بتقول بحرقة 

رد عليه يا والدي انا بنتك شهد انقذني 

وفضلت تصرخ ،،،،،،،

وفي نفس الوقت كانت شهد عبد الله بتصرخ وحاسة انها محبوسة جوة الشبك ورغم انها في الاوضة الموجود فيها ادهم الا انها حاسة بكل اللي حاسة بي شهد عمار صرخت شهد عبد الله وقالت 

انا مش هخلص بقي من الربط اللي بيني وبينها اللي بدا يزيد عن الاول 

ادهم بص لها وقال بصعوبه 

انتي بتكلميني 

شهد

لا خالص ارتاح انت واسفة لو ضايقتك 

وحاولت تقاوم من فوق الركنه اللي كانت قاعدة عليها لكنها ما كنتش عارفة تقوم فضلت تحاول وتحاول وبرضو مش قادرة زي ما شهد عمار جوة شبكة هي كمان جوة شبكة وقالت شهد عبد الله 

يعني اية مش قادرة اتحرك هفضل كدة وهو اية اللي بيحصلها مخليها مش قادرة تتحرك 

ادهم 

انتي متاكدة انك كويسة 

شهد 

متاكدة 

وحاولت تتحرك ومش عارفة وفضلت تحاول وتحاول اكتر من مرة وبرضو مش قادرة وهنا ادهم ندهه علي سعاد وقال 

يا امي 

دخلت سعاد بسرعة وبصت ل ادهم وقالت بقلق شديد 

في اية 

ادهم بص ل شهد وقال 

شهد مش طبيعية 

بصت سعاد ل شهد اللي بتحاول تتحرك وقالت 

مالك في اية 

شهد بصت لها وماردتش وهنا تدخل نور للاوضة وتبص ل شهد وتقول 

الحقني بنتي يا شهد حراس الملك عظيم قبضوا عليها 

شهد 

انتي تاني هو انا مش هخلص منك ومن بنتك بقي 

نور 

انا مش هقدر افضل هنا كتير لان والدك لو شافني هيخليني انسي انا عايزاكي في اية انا قدرت اتحرر من سحره بصعوبه 

شهد باستغراب شديد 

سحر ابويا لي في السحر 

نور 

ابوكي مسخر جن ل اذيتك جن عاشق يخليكي تعيشي تحت رجل ادهم 

ادهم 

انتي بتخرفي يا ست انتي بتقولي اية 

نور 

ومش بعيد يكون مسخر جن عليك يخليك تحب شهد والدليل علي كدة رد فعلك السلبي ضد واحدة كانت عايزا تقتلك 

ادهم 

انا بعمل كدة لية   

سعاد اتصدمت وقالت 

الواطي ساحر ل ابني 

شهد 

وساحر لي انا كمان 

وهنا تظهر هاله اخت شهد عبد الله وتقف عند اول باب الاوضة وتبص ل شهد وتقول 

بتعملي اية هنا يا شهد جاية تقتلي حبيبي 

شهد 

هاله تخيلي ان بابا ساحر لي علشان اكون في خدمة ادهم 

هاله باستهزاء

والله وعلشان كدة لزقة في 

شهد 

انا ما كنتش اعرف اية اللي مخليني متعلقة ب ادهم لكني دلوقتي عرفت وفهمت 

نور 

مش وقته اللي بتقولو ل بعض دة ولازم تعرفي يا شهد ان هاله اختك متسخر عليها جن يخليها خدامه تحت رجل ادهم 

شهد 

يعني زي ما عمل فيا عمل فيها ازاي هو بالجحود دة 

هنا يظهر عبد الله وقال وهو بيبص ل نور 

انا بجد معجب بيكي انتي ساحرة من الساحرات اللي مستحيل نقابل منها اتنين قدرتي بقوتك تتخلصي من الجن اللي سخرته عليكي علشان تنسي 

نور 

ما زي ما المية تبخرها النار النار بتطفيها المية 

ضحك عبد الله وقال 

تصدقي صح بس ليها حل 

سعاد مسكت في رقبه عبد الله وقالت 

حل وسطك يا بعيد انت ازاي تعمل ل ابني سحر وتخلي يحب بنتك 

عبد الله مسك ايدها ونزلهم بعيد عنه و بمنتهي القوة وقال 

انا غلطان اني كنت عايز اكفي شر بنتي وشر نفسه ما هو تخيلي كدة لما الاثنين يتجوزو مش وقتها شهد هتنسي الهبل اللي اسمه الانتقام 

سعاد 

بالسحر يا انجس خلق الله 

عبد الله 

انا نجس يا طاهرة ياللي مالكيش في السكة دي ياللي قتلتي مراتي وعملتي عمل يخليني اعيش معاكي زي الدلدول بس انتي معذورة اصلك ما تعرفيش ان ابويا كان دجال وياما حضر عليه جن يعني وانتي رايحة تعملي لي عمل انا كنت راجع بعد ما عملت لك 

شهد 

طيب وساغتك دي وتعملها معها علشان هي تستاهل لكن احنا بناتك ازاي تعمل فينا كدة 

عبد الله 

ما انا قولت لك خسارة ادهم وفلوسه يروحوا ل حد غريب يعني انا بعمل ل مصلحتكم بس دلوقتي انتو الاثنين عليكم جن متسخر ل اذيتكم والجن اللي عليكي يا شهد يبقي عدو للجن اللي علي هاله واقوي ومش هيحب يشوف هاله بتخسر 

وبص عبد الله ل هاله وقال 

يا عذرا يا ملك الجن الازرق قدامك فرصة تخلص من عدوك الاول العاشق ابن النار خدير اللي جوة جسم شهد ومش هزعل منك لو الدم كان نهاية شهد 

هنا هاله تصرخ بمنتهي الغضب وعيونها تتحول للون الاحمر وتهجم علي شهد اللي ما كنتش قادرة تدافع عن نفسها وبدات هاله تخنق شهد وظوافرها اصبحت حوافر والحوافر بدات تخترق رقبه شهد واصبح الموت اقرب من اي وقت فات وصرخات العاشق ابن النار لا تتوقف وهنا.

 هاله تصرخ بمنتهي الغضب وعيونها تتحول للون الاحمر وتهجم علي شهد اللي ما كنتش قادرة تدافع عن نفسها وبدات هاله تخنق شهد وظوافرها اصبحت حوافر والحوافر بدات تخترق رقبه شهد واصبح الموت اقرب من اي وقت فات وصرخات العاشق ابن النار لا تتوقف وهنا تتحول شهد لمية تنزل علي ارضية الاوضة قصادهم اتصدموا كلهم والارض بتبلع المية دي وقال عبد الله بغضب شديد وهو باصص ناحية هاله 

ازاي تهرب منك كدة 

هاله بصوت الجن اللي عليها اللي اسمه عذرا

شهد اقوي مما انت تتخيل 

عبد الله 

انا ما فيش حد اقوي مني وخصوصا شهد دة انا اسخر اللي يكسر عضمها الملعونه بنت الملاعين اللي عمري ما حبتها 

ادهم 

انت اية شيطان ازاي قادر تعمل كدة في بنتك 

عبد الله بص ل ادهم وقال بحدة 

مش بنتي 

ادهم وكل الموجودين اتصدموا وعبد الله 

ايوة مش بنتي ولا بنت سامية مراتي القديمة اللي انتي قتلتيها 

وبص ل سعاد اللي قالت 

انت تخرس وتحط لسانك جوة بوقك وكفاية بقي فضايح 

ادهم 

ويسكت لية ما تخلي يتكلم ويقول كل اللي عنده 

هاله 

ايوة اتكلم وعرفني ازاي طول السنين دي مخليني عايشة مع شهد علي انها اختي وهي مش اختي اصلا 

عبد الله 

سامية مراتي ما كنتش بتخلف ودة كان عامل لها مشاكل نفسية كتير وفضلت تروح من الدكتور دة للدكتور دة نامت وصحيت لقتها بتقولي ان هنا عايزا تروح البحر دلوقتي علشان تاخد حدف البحر 

هاله 

يعني اية حدف البحر 

عبد الله 

يعني البحر هيخرج من بطنه هدية للي اختاره وعلشان اخلص من الزن خدها وروحت ل اقرب شاطي مننا ووقفنا علي الشاطئ ل كام دقيقة قبل ما نشوف ملايا بيضاء صغيرة البحر حدفها تحت رجلينا وصوت رضيع بيعيط جوة الملايا دي شالنا الملايا من فوق وشها علشان نلاقي شهد طفلة رضيعه بمجرد ما شالتها مراتي سامية انكتب علي الشاطئ اسم شهد فرحت بيها اوي وضمتها ل صدرها وقالت 

بنتي شهد 

وبعدها بصت لي وقالت 

شهد بنتنا يا عبد الله 

بصيت للبنت وانا مش حابب اللي بيحصل لكني ما كنش ينفع اقول لها لا انا عايش في خيرها وبفولسها ازعلها ازاي بس وربناها وكان كل شئ ماشئ بشكل طبيعي لغاية اليوم الشؤم اللي شافتك في يا سعاد بتغرقي امها وانا كنت واقف علي الشاطئ بتفرج علي نهاية سامية 

ادهم بعصبية 

انتو اية شياطين امشو كلكم من وشئ جتكم القرف 

بص عبد الله ل ادهم وقال 

مش هزعل منك علشان عارف انك تعبان لكن عايزك بقي تخف بقي وتقوم بالسلامة يا بطل علشان تتجوز بنتي هاله 

ادهم 

انت مريض مجنون انا مش طاي،،،،،،

لكن حاله ادهم ساءت جدا وما بقاش قادر يتكلم صرخت سعاد في عبد الله وقالت 

ابني بيموت اخرج هات دكتور بسرعه

خرج عبد الله يشوف دكتور وسعاد خدت ابنها في حضنها اللي بدا يفقد الوعي وهاله قعدت تحت رجله من شدة القلق عليه ،،،،،،،،

ومن زمن الملك عظيم كانت شهد عبد الله جوة البحر الاعظم وبتخرج من البحر للشاطئ وقعدت تاخد نفسها وبصت قصاد منها لنقطة معينه وقالت للجن خدير المتسخر ل اذيتها 

اخرج من جسمي ب سلام 

صوت خدير 

ما قدرش الا بامر من عبد الله والا خروجي معني اني اتحرق 

شهد 

ولما انت عبد متسخر بامر من عبد الله لية ساعدني في الهروب منهم ورجعتني زمن شهد عمار 

خدير 

انا كنت قبل ما بهرب بيكي كنت بهرب بروحي انا مش عايز اموت وانت قوية كدة بقوة البحر واقدرت استغل الربط اللي بينك وبين شهد عمار في الرجوع ل زمنها 

ودة افضل زمن نقدر نعيش في هربانين من شر والدك 

شهد 

لكن ازاي انا قادرة اتحرك وامشي مع اني ما كنتش قادرة اعمل كدة في زمني 

خدير 

الربط بينك وبينها ما بيتحققش 

الا لما تكون كل واحدة منكم في زمن غير زمن التانية لكنك ول اول مرة في زمنها وهي كمان في زمنها 

وهنا يسمعوا صوت الحراس جائيين من بعيد وبيجروا الشبكة الحديد اللي فيها خال و رازا بصت شهد للمنظر وقالت 

دي خال انما مين اللي معاها في الشبكة دي 

هنا تظهر نور وتقول 

دي شهد بنتي لكني سحرتها علشان تكون في شكل رازا بنت اختي خال اللي ماتت 

شهد بصت ل نور وقالت 

ولية عملتي كدة 

نور 

خوفت ل اي سبب بنتي نور ترجع الزمن دة وتشوفها خال ووقتها اقل شئ هتعمله فيها هو اللي القتل وعلشان كدة قررت اسحرها واخليها شبه رازا ودي الحاله الوحيدة اللي بيها خال مش هتقتل شهد والطلاسم بتاعتي تبدا تشتغل اول ما البحر الاسود يلمس جسم شهد 

سقفت لها شهد وقالت 

لا برافو 

ولسة هتمشي شهد مسكتها نور من ذراعها وقالت 

رايحة فين 

شهد بعصبية 

انتي تبعدي عني خالص انا ما بقتش طايقاكي ولا طايقة ابويا ولا طايقة نفسي عايزا اصحي من الكابوس دة وارجع تاني البت اللي واقفة علي الحوض في مطبخ 

نور 

ساعديني في انقاذ بنتي وانا اوعدك ان حياتك هترجع زي الاول 

شهد

ودة اللي جابك لغاية هنا 

نور 

ما اقدرش اعرف ان بنتي في شباك الملك عظيم وتحت رحمة العرافين بتوعه وما رجعش علشان انقذها انتي ما تعرفيش قوة العرافين في الزمن دة عامل ازاي 

شهد 

وعايزاني اساعدك مش كدة 

نور 

مهما كانت قوتي انتي اقوة والبحر الاعظم جاهز بكل قوة لحمايتك 

هنا يظهر قدام منهم الجني خدير وقال 

بلاش تضيعوا الوقت عبد الله قرر يخلص منك والجن في طريقة ليكي 

شهد 

دي احلوت اوي  

نور 

هقدر اخفيكي من عيون الجن وانا هنا وفي زمني يعني سحر اجدادي ملك ايدي بس ساعديني انقذ بنتي 

شهد سكتت للحظات وبعدها قالت 

نوصل ازاي ل قصر الملك عظيم قبل حراسة 

نور 

ولية نروح القصر ما احنا نقدر نحرر شهد وهما لسة في الطريق 

شهد

وتفضل بنتك الغلبانه هربانه في بلادها علشان الملك عظيم فاكر انها ساحرة  

نور اتصدمت وقالت 

بنتي الغلبانه 

شهد 

ما هو كل اللي بيحصل فيها بسبب انك امها علشان كدة الغرض من لازم يكون هروبها وبس لازم كمان اثبت انها برئية 

نور 

طالما دة غرضك اعرف طريق مختصر من البحر 

ونزلت نور البحر وخدير اختفي وشهد نزلت وراء منها وغطست نور في قاع البحر وبدات تعوم بمنتهي السرعة ووراء منها شهد اللي ماكنتش مصدقة اللي عيونها شايفة مملكة كاملة في اعماق البحر الاعظم وكلها مخلوقات من مية ونور قالت 

اول مرة تشوفي مملكتك 

شهد بانبهار شديد 

انا صاحبة دة كله 

نور 

انتي الملكة 

شهد

طيب وشهد بنتك 

نور 

ما عندهاش قوة القلب اللي عندك اومال انا لية روحت زمنك ودورت عليكي ل غاية ما وصلت لك 

شهد 

مين يصدق اني انا اللي كنت بغسل اطباق اكون بنت البحر وعندي مملكة كبيرة وجيش من مخلوقات المية كلها تحت امري 

نور 

قوة قلبك تخليكي تعملي اللي اكتر من كدة 

ويوصلو عند قصر الملك عظيم وشافو من تحت المية وتتوقف نور عن العوم وتقول 

وصلنا للقصر 

وياخدو الاثنين طريقهم في الصعود للشاطئ القريب من القصر واول ما شهد تلمس برجليها الارض وتبص للقصر بانبهار شديد القصر اللي كان مبني باحجار من الزمرد والمرجان والذهب تحس بصداع شديد وتبص ل نور وعيونه بتزغلل وتقول شهد 

نور انا في شئ غريب بيحصل لي 

صوت خدير 

الجن بدا يسحبوكي من الزمن دة ل زمنك علشان يبدا الانتقام منك علي ايد عبد الله 

وقعت شهد علي الارض وهي بتصرخ وعمال تقول 

دماغي مش قادرة 

نور خدتها في حضنتها وقالت 

حاولي تمنعيهم من انهم يسيطروا عليكي انتي اقوي منهم جيشك في البحر جاهز لحمايتك 

خدير 

مش هتقدر مش هتقدر بيسحبوها بكل قوتهم 

صرخت شهد اكتر واكتر وبدا جسمها يتلاشئ في نفس الوقت كان الحرس وصلو ب الشبكة اللي فيها خال وشهد عمار بص شهد للشبكة بصعوبه وقالت 

خدير تعرف تربطني ب شهد عمار 

خدير 

دلوقتي 

شهد بصعوبه 

حالا 

نور 

الربط دلوقتي معني موتك ونقل كل قوتك ل شهد عمار 

شهد بصعوبه شديدة 

اي كانت النتيجة خلو الربط يتم 

وبدا خدير يستخدم سحر الجن وبمنتهي الصعوبه والسرعه تم الربط ومعها تخرج روح شهد عبد الله وشهد عمار تصرخ وتصرخ وتبص للبحر علشان يهيج ويهيج وينصدم الحراس والعارفين من المنظر وصعوبته وشهد تكسر حديد الشبك بايدها وتخرج من الشبكة وهي في قمة الغضب وتقول 

امة الجن والانس اعدائي 

ورفعت ايدها ل فوق واترفع البحر ل فوق ارتفاع عدي ال خمسه متر وقالت شهد 

فيضان 

ونزلت ايدها مرة واحدة والمية بدات تبلع المملكة واقتربت احداث النهاية 

وبصت نور للمية اللي بتبلع اي شئ يقابلها فراحت جري ناحية شهد وبصت لها وقالت 

اية اللي انتي بتعملي دة 

شهد بصت لها بشرود شديد وقالت 

باخد حق اللي ماتت  

وبصت شهد عمار ناحية جثة شهد عبد الله فقالت نور 

ما حدش قتلها هي اللي اختارت تموت علشان تهرب من اللي كان ابوها هيعملو فيها 

وبصت نور للمية اللي بتبلع المملكة وقالت واهالي المملكة بيصرخو وقالت 

وقفي اللي انتي بتعملي دة بلاش تغلطي غلطتي اللي غلطها من سنين وبسبب غبائي اديت فرصة للملك عظيم بانه يبيد اهالي مملكتي كلهم بما فيهم الاطفال الصغار 

خال اللي خرجت من الشبكة قربت من نور وقالت 

وبنتي كانت منهم وشوفتها بعنيه وهي بتموت لكن دلوقتي اشوفها قدام مني من تاني وهي شابة ازاي يا نور 

وبصت خال ل شهد اللي لسة في صورة وشكل رازا فقالت نور 

دي شهد بنتي وبنت عمار 

ومسكت نور ايد شهد وحطتها علي وشها علشان تخرج من صورة رازا وترجع لصورتها الطبيعية صورة شهد عمار اتصدمت خال وقالت بمنتهي الغضب 

انتي يا ملعونه اللي خدعتيني 

وهجمت علي نور ولسة هتغرز ظوافرها في رقبتها زقتها نور بعيد عنها وقالت لها 

مش وقت تصفية حسابات وفي مملكة كاملة باهلها هيندفنو احياء تحت البحر 

وبصت نور تاني للبحر اللي الحيتان اللي في بدات تخرج منه للارض وتاكل اي حد يقابلهم و صرخت نور في شهد وقالت 

وقفي اللي انتي بتعملي دة حالا حرام ضحايا كتير هيروحو بسبب قوتك الغشيمة 

لكن شهد تصرخ وتقول 

امي الحقيني شهد عبد الله مسيطرة علية والشر اللي جوة منها بتنشرة في جسمي 

نور 

الجن الملعون اللي عليها نقل روحها ل جسم شهد بنتي 

خال ضحكت وقالت 

اخيرا شوفت بنتك بتتعذب وانتي بتتعذبي علي عذابها 

صرخت شهد ومسكت دماغها وبصت ل امها وقالت 

مش قادرة عذاب شديد حاسة بي 

نور 

اتخلصي منها وكوني اقوي 

خال 

بنتك ضعيفة زيك وما تقدرش تدافع عن نفسها اصلك ما شوفتهاش وانا ماسكة راسها وبغرزها في مية البحر الاسود 

بصت نور ل خال وهي حرفيا اعصابها بتنهار وقالت 

اخرسي مش عايزا اسمع صوتك انتي السبب في كل اللي حصل لنا دة انتي اللي خلتيني اتفق مع عمار يروح للملك عظيم ويعرفه بحكاية مقبرة الاطفال اللي كانت تحت المية 

خال 

وبسبب اللي عملتي دة اهلك وناسك اتبادو كلهم 

نور وهي منهارة من العياط 

ما كنتش اعرف انه كان هيعمل كدة 

ورجعت بصت نور للمملكة اللي بدات تغرق تماما وقالت 

ما كنتش احب اعمل كدة لكنك لازم تموتي 

واتحولت ايد نور ل خطاف ولسة هترمي الخطاف ناحية رقبه شهد لقت الديل اللي عند خال لف حوالين رقبتها وبدات خال تخنق نور بمنتهي الغل وتقول 

موتي يا نور علشان ناري تبرد وانسي اللي انتي عملتي فيا زمان 

وزادت خال من قوة الخنق ل نور اللي كانت بتبص ل شهد اللي بتحاول توقف اللي بيحصل لها ماكنتش قادرة لان روح شهد عبد الله مسيطرة عليها بمساعدة الجني خدير ونور بتمد ايدها ل شهد بتحاول تنقذها وشهد قربت منها وفضلت تقرب وتقرب وهي باصة في عيونها وحست نور ان بنتها جاية تنقذها من خال لكن شهد بصت ل حوت من الحيتان وبمجرد ما شاورت ناحية نور هجم الحوت علي نور وقسمها نصين وزي ما عمل في نور عمل في خال وبعدها ارتفع جسم شهد ل فوق وشافت البحر اللي بلع المملكة كلها وما بقاش فاضل منها اي شئ يذكر،،،،

ونرجع ل زمنا بتاع دلوقتي ووقت ما كان عبد الله في الحمام بياخد دش تفتح عليه شهد باب الحمام وتدخل وتقفل الباب وراء منها بص لها عبد الله وغطي نفسه بالفوطة اللي كانت معه وقال 

هي حصلت تدخلي عليه الحمام وانا في المنظر دة 

شهد 

عرفت انك عايزني لدرجة انك بعت ورايا كل الجن اللي انت مسخره

عبد الله 

اصلي حسيت اني لو سبتك عايشة ممكن يجي من وراكي وش كتير ف كان لازم تموتي 

قربت شهد منه وقالت 

تعرف اني انا كمان حسبتها زيك 

وبصت بطرف عيونها ل مية البانيو اللي بدات تهجم علي عبد الله وتدخل في العروق والشراين وتجري جوة جسمة مجري الدم وعبد الله بيتالم ويقول 

يا معشر الجن انا منك،،،،،،،

لكن شهد قطعته وقالت 

بلاش تتعب نفسك اصل انا قدمت هاله بنتك قربان للجن وهما قبلو وقرروا يتخلو عندك في مقابل دم بنتك 

ويسمع عبد الله في نفس الوقت صوت هاله بتصرخ ودم بيدخل من تحت عقب باب الحمام بصت شهد للدم وقالت

مش قولت لك 

ورجع الدم يخرج من جسم عبد الله والمية بتملي العروق والشرايين علشان يموت عبد الله شر موته ووقع من طوله قصاد قاعدة الحمام وكانت عيونه مفتوحه من شدة الفزع وشهد بتبص للمنظر وهي بتعيش اسعد لحظات حياتها وقت ما تغمض عيونها وتقع شهد علي الارض فاقدة الوعي وهنا ومن جوة مخ شهد تقف شهد عبد الله قصاد شهد عمار وتقول شهد عمار 

اخرجي من جسمي انا مش طايقة كمية الشر اللي بقت جوة مني وبسببك 

شهد عبد الله 

مش مكسوفة من نفسك وواحدة ميته زيي تتحكم فيكي 

شهد عمار 

انتي اقوي مني ودة اللي مخليكي قادرة تسيطري عليه 

شهد عبد الله 

طالما انا الاقوي يبقي جسمك ملكي سيبني اتحكم في زي ما انا عايزا 

شهد عمار 

مش هسيبك تتحكمي في جسمي فاهمة ولا لا  

شهد عبد الله 

لو تقدري تخرجيني منك خرجيني 

شهد عمار 

هقدر يا ملعونه 

وهجمت شهد عمار علي شهد عبد الله وشدتها من شعرها وراحت بيها ناحية احدي ابواب المخ باب الذكريات وفتحت الباب ولسة هترمي شهد برة مخها ضربتها شهد عبد الله بالرجل في قصبه رجلها اتوجعت شهد عمار وقامت شهد عبد الله وضربتها بالقلم وقلم تاني وتالت ورابع وقعت شهد عمار علي الارض بتتوجع مش قادرة وراحت شهد عبد الله وداست علي وشها برجليها وقالت 

استسلمي وسيبني اتحكم في جسمك انتي مش قدي 

مسكت شهد عمار رجل شهد عبد الله وعضتها بمنتهي القوة وزقتها بعيد عنها وقامت شهد عمار ومسحت الدم اللي نازل من بوقها وهجمت تاني علي شهد عبد الله ووقعت فوق منها وبدات تضربها بمنتهي القوة لكمة وراء لكمة وراء لكمة وشهد عبد الله تصرخ ومسكت شهد عمار من شعرها لكن شهد عمار بتضرب وبمنتهي الغل حطت شهد عمار صباعها في عيون شهد عبد الله صرخت شهد عبد الله لان عينيها اتفقعت وزقت شهد عمار بعيد عنها وقامت وقفت شهد عبد الله وهي بتصرخ وبتصرخ وعينيها بتجيب دم وهنا شهد عمار مسكتها من شعرها تاني وراحت بيها ناحية باب الذكريات اللي في مخها ورمتها برة المخ وقفلت الباب بمنتهي القوة علشان تفتح شهد عمار عيونها تلاقي نفسها جوة مستشفي ومتعلق لها محاليل وخراطيم بدخل لها اكسجين من مناخيرها وبوقها وتلاقي قصاد منها ادهم واقف باصص لها بمنتهي الحب وبيقول 

اخيرا فوقتي من الغيبوبة حمد لله علي سلامتك يا مراتي يا حبيبتي اما اروح اندهه ماما دي هتفرح اوي انك فوقتي 

ما بقتش شهد فاهمة حاجة وادهم بيخرج من الاوضة وبيدخل ومعه سعاد وبتقف سعاد قصاد منها وبتقول 

كل دة يا شهد قلقتيني عليكي يا قلب مامتك من جوة 

شهد بلعت ريقها بمنتهي الصعوبه والصدمة كانت هتشلها

فاقت شهد من الغيبوبه علشان تلاقي ادهم قصاد منها و ما بقتش شهد فاهمة حاجة وادهم بيخرج من الاوضة وبيدخل ومعه سعاد وبتقف سعاد قصاد منها وبتقول 

كل دة يا شهد قلقتيني عليكي يا قلب مامتك من جوة 

شهد بلعت ريقها بمنتهي الصعوبه والصدمة كانت هتشلها وحاولت تتعدل في قعدتها لكن ادهم منعها وقال 

انتي بتعملي اية اي حركة فيها خطر عليكي 

شهد بصعوبه

هو مش انت كنت تعبان ونايم علي السرير مش قادر تتحرك وانا اللي كنت بروح لك المستشفي 

ادهم باستغراب 

انا دة انا الحمد والشكر لله صحتي زي البمب وعمري ما دخلت مستشفي الا بعد اللي حصل لك 

شهد 

وهو اية اللي حصل لي 

سعاد وهي بتمسك ايدها بمنتهي الحب والحنان 

انتي مش فاكرة السفينه اللي كنتي ركباها وغرقت بكل اللي فيها بالقرب من مثلث برمودا وانتي الوحيدة اللي رجعتي من كل اللي كانو علي السفينه وبقالك 6 شهور في غيبوبه 

**ملوحظة للي ما يعرفش مثلث برمودا فهي بقعة في المحيط الاطلسي بين بريطينا وامريكا واتعرف من زمان ان اي سفينه او طيارة بتعدي من خلاله بتختفي ل اسباب مجهوله وما حدش بيرجع من اللي بيكونو جوة السفن دي او الطائرات **

شهد 

انا مش من زمنكم وعمري ما ركبت سفينه انا شهد عمار بنت صياد غلبان في زمن الملك عظيم 

ادهم 

اية بس الكلام دة يا حبيبتي هو في كدة اصلا  

سعاد 

انتي شهد عبد الله 

شهد 

عبد الله ماتت انا قدرت اخلص عليها بعد ما كنت جوة مخي 

ادهم

انا كدة هاقلق عليكي 

سعاد

هات لها الدكتور يا ادهم 

خرج ادهم بسرعه من الاوضة علشان ينادي للدكتور وسعاد طبطبت اكتر علي ايد شهد وقالت 

عايزاكي بقي تهدي وتبطلي كلام لغاية ما الدكتور يجي

شهد وهي بتحاول تقوم تاني 

انا عايزا امشي من هنا 

سعاد وهي بتمنعها 

هتروحي فين بس وانتي في الحاله دي 

شهد 

هروح اي حتة بعيد عنكم 

وحاولت شهد تاني انها تقوم لكن سعاد فضلت تمنعها ل غاية ما دخل عليهم ادهم ومعه الدكتور وشاف حاله الهياج اللي فيها شهد رفع سماعه تيلفون جنب سرير شهد وقال 

تمريض هاتو حقنه مؤهده وتعالو بيها بسرعه ل اوضة شهد 

وفعلا دة حصل وادي الحقنه ل شهد وبدا مفعول الحقنه يشتغل وبدات شهد تنام وغمض عيونها تاني وادهم بص للدكتور وقال 

طمئني يا دكتور هي مالها ولية لما صحيت عملت كدة واية الكلام الغريب اللي هي بتقوله ده

الدكتور 

حاله مراتك مش سهله دي واحدة في غيبوبه من 6 شهور ومخها وقف اكتر من مرة ويرجع تاني للحياة بدون اي سبب طبي 

ادهم 

ما احنا قولنا لك يا دكتور رحلتها ل مثلث برمودا كانت كلها غموض حتي رجوعها من هناك ما كنش طبيعي 

الدكتور 

مكذبش عليك حاله مرات حضرتك حاله غريبه جدا لا دي اغرب حاله انا قبلتها في حياتي 

سعاد 

يعني اية يا دكتور ملهاش علاج 

الدكتور 

احنا نحمد ربنا انها فاقت ودي لوحدها بداية مبشرة بالخير 

سعاد بصت ل شهد تاني اللي نامت وقالت 

بس دي لما صحيت قالت كلام غريب 

الدكتور 

نتم علاجها علي خير وبعد كدة نشوف اية اصل الكلام الغريب اللي قالته ،،،،،،،،

وتعدي الايام وبدات شهد تقوم من فوق السرير وتتحرك في الاوضة بمساعدة ادهم وهي عماله تبص له باستغراب شديد وجت سعاد ومعها هدوم ل شهد وحطت الهدوم علي كنبه صغيرة موجودة في احدي اركان الاوضة وقالت 

اية يا شهد يا حبيبتي عاملة اية النهاردة 

بصت لها شهد وقالت 

احسن من الاول 

ادهم ل سعاد 

بس تصدقي انها لسة مستغربه كل اللي بيحصل وعماله تبص لي وكانها اول مرة تشوفني 

بصت سعاد ل شهد وقالت 

انتي لسة مش مصدقة انك شهد عبد الله ودة ادهم جوزك وانا سعاد حماتك وزي مامتك 

شهد 

انتو بتعملو علشاني كتير لكني مش منكم ولا اعرفكم 

ادهم 

حكمي قلبك يا شهد وانتي تعرفي انا مين وتفتكري كل اللي كان بينا 

شهد بعصبية 

انا ما فيش بيني وبينك اي حاجة انا شوفتك مرة واحدة وبعدها رجع،،،،،،،

ادهم مقاطعة لها 

دي مش قصتك دي القصة اللي انتي كنتي بتكتبيها 

شهد برقت وقالت 

قصة اية  

سعاد 

هو انتي كمان ناسية انك مؤلفة ومعروف عنك خيالك الواسع 

شهد من كتر الصدمات اللي عماله تنزل عليها كانت مبرقة بشكل مخيف وقالت 

انا مؤلفة 

ادهم

مؤلفة وليكي قصص كتير باسمك في منها اللي اتعمل افلام ومسلسلات 

شهد مسكت دماغها ورمت جسمها علي السرير وقالت 

كفاية بقي دماغي ما بقتش قادرة تستحمل كذبكم 

ادهم 

كذبنا طيب انا هثبت لك 

وراح ادهم ناحية باب الاوضة وقالت سعاد 

رايح فين 

بص لها ادهم وقال 

هجيب لها اللي يثبت كلامنا ،،،،،،

وبعدها ب ساعتين بالظبط كانت شهد قاعدة علي السرير وماسكة كتاب في ايدها مرسوم عليه صورة ل بنتين باين من هدومهم انهم في زمنين مختلفين ومكتوب بالخط العريض 

★شهد بنت البحر ★

وتحت الاسم مكتوب 

بقلم 

شهد عبد الله 

كانت ملامح وش شهد بتتغير علي حسب كل سطر بتقراء ودي قصة حياتها اللي شافتها وعرفتها وتقلب شهد في الصفحات وهي زي المجنونه وكل ما تقف عند صفحة تلاقي احداث تشبة احداث حياتها وقفلت شهد الكتاب ورمته جنب منها وبصت ل ادهم و سعاد وفضلت تعيط خدتها سعاد في حضنها وقالت شهد 

يعني كل اللي شوفته دة كان مجرد حلم وانا جوة غيبوبه 

سعاد 

حصل لك توحد مع ابطال قصتك الاخيرة 

شهد 

واية اللي وداني عند مثلث برمودا 

سعاد 

انتي مجنونه وكنتي عايزا قبل ما تكتبي قصتك الجديدة عن مثلث برمودا تروحي تشوفي بنفسك 

شهد 

ورجعت ازاي طالما كل اللي كانو معايا علي السفينه ماتو 

ادهم 

ربنا رايد انك تعيشي وتكملي معانا في الدنيا وتحكي للعالم كل اللي شوفتي في رحلتك ل مثلث برمودا 

شهد هزت دماغها وقالت 

انا مش فاكرة اي حاجة عن الرحلة دي 

ادهم 

مع العلاج والراحة هتفتكري انا متاكد انك هتقدري تعدي الفترة الصعبة دي ومخك هترجع له ذاكرتك 

شهد 

مخي  

واتنهدت وقالت 

فعلا انا محتاجة مخي يرجع زي ما كان 

سعاد 

هتبقي زي الاول واحس،،،،،،

لكن شهد قاطعتها وقالت 

لو انا فعلا شهد عبد الله فين والدي 

ادهم 

مات وانتي صغيرة 

شهد

واختي هاله فين 

سعاد بصت ل ادهم وبعدها بص ادهم ل شهد وقال 

انتي مالكيش اخوات 

شهد 

يعني هاله دي بطله من ابطال قصتي 

سعاد 

اكيد اومال انتي هتكوني جبتي الاسم منين 

مسكت شهد القصة تاني وبدات تقلب في الصفحات وتدور علي اسم هاله وقت ما ادهم مسك منها الكتاب وقال 

ما تسيبك بقي من الكلام دة وخليكي معايا انتي ما تعرفيش انتي وحشاني قد اية 

بصت له شهد وقالت 

لية خد مني الكتاب 

ادهم 

علشان انا عايزك ترجعي زي الاول واحسن ترجعي شهد مراتي وحبيبتي 

ومسك ايدها وباسها وهو باصص لها في عيونها وحاولت شهد تصدق كل اللي بيتقال لكن عقلها رافض ،،،،،،،،

وبعدها ب اسبوع وبعد ما خرجت شهد من المستشفي ومن جوة فيلا ادهم يقف ادهم قصاد باب الفيلا بيستعد للخروج وقت ما كانت شهد واقفة وراء منه وبتقول 

انت لية مش عايزاني اسافر لاي محافظة فيها بحر 

ادهم بص لها وقال 

علشان كفاية اوي كل اللي حصل لنا بسبب البحر انتي كنتي هتموتي 

شهد 

بس انا عايزا اخرج واروح البحر 

ادهم 

خلاص هاخد اجازة من الشغل وهاجي معاكي 

شهد 

ل وحدي 

ادهم 

لا وانا معاكي 

شهد اتنهدت بضيق وقالت 

ماشي ،،،،،،،،،،

ومن جوة العربية ووقت ما كان ادهم سايق ورايح ناحية الاسكندرية يحط ايدة في تبلو العربية ويطلع شريط برشام ويدي البرشام ل شهد ويقول 

ميعاد العلاج 

شهد بصت للبرشام وقالت 

انا بتعب من البرشام دة بيسيب اعصابي 

ادهم 

هو علاج المخ كدة بيبوظ الاعصاب بس لازم تاخدي علشان تبقي كويسة 

خدت منه البرشامة وحطتها في بوقها وشربت وراها مية وبصت له وقالت 

هو انت طول الوقت كدة كنت حنين عليه 

بص لها ادهم ومسك ايدها وباسها وقال 

ومبقاش حنين عليكي ازاي وانتي مراتي وكل اللي ليا 

شهد 

بس لو اقدر افتكر اللي حصل 

ادهم 

مع الوقت هتبقي كويسة وكل حاجة هترجع ل طبيعتها 

شهد 

ياريت يا ادهم ياريت حاكم انا عايشة بذكريات غير اللي انا بسمعها منكم حاسة اني سجينه جوة جسم مش جسمي وعالم مش بتاعي 

ادهم 

تاني يا شهد هترجعي تاني تقولي كلام ملهوش معني احنا اتفقنا علي اية 

شهد 

اني انسي واعيش واتمتع ب حبك 

باس ادهم ايدها تاني وهي حطت دماغها علي ذراعه وفضلت باصة للطريق وغمض عيونها وكل اللي كانت بتشوفه عمار ابوها الصياد اللي مات في الفيضان وعهد اختها واوضتها اللي عاشت فيها زمان و نور وخال كلها ذكريات عكس كلام ادهم وسعاد لكنها قررت تروح البحر علشان تتاكد من حاجة ،،،،،،،

ووصلو للبحر ونزلت شهد للشاطي وراحت ناحية البحر وادهم لسة هيروح وراها بصت له وقالت 

عايزا اكون ل وحدي من فضلك 

بص لها ادهم وقال 

لوحدك 

شهد 

علشان خاطري 

ادهم بابتسامة خفيفة 

حاضر بس ما تتاخريش عليه 

شهد 

مش هتاخر 

ورجع ادهم لعربيته وركبها وشهد بخطوات ثابته وحاسمة اخدت طريقها ناحية البحر ووقفت قصاد البحر وبصت له بتركيز شديد وقالت 

مستحيل اكون كل اللي شوفته وعديت بي مجرد حلم جوة غيبوبه انا كنت فيها ومستحيل اكون اي حد غير شهد عمار بنت الصياد مهما يقولو ويحكوا انا مش مصدقة

 الا نفسي انا واني بنتك 

وحطت ايدها في البحر وقالت 

انا شهد بنت البحر وهثبت لنفسي وليهم الكلام دة 

ورفعت شهد ايدها ل فوق واستنت الموج يترفع زي ما كان بيحصل في الاول لكن البحر فضل زي ما هو نزلت ايدها ورفعتها تاني وبرضو ولا اي حاجة حصلت بصت ل ايدها اللي كانت بتترعش بشكل غريب وبصت للبحر وقالت 

انا شهد بنتك لية بقيت زيهم لية بقيت ضدي 

وبدات تعيط ونزلت علي ركبها وهي بتعيط وحست ب ايد بتتحط علي كتفها من فوق بصت للي حط ايدة لقت ادهم بيقول 

كنت عارف انك جاية ل غاية البحر علشان تعملي كدة 

شهد 

طلعتو انتو صح وانا اللي غلط 

ادهم ساعدها انها تقوم وهو بيقول 

وهنكذب عليكي لية 

شهد 

خلينا نقفل الصفحة دي واعيش وابدا من جديد ،،،،،،،،

وتعدي السنين والسنين و شهد بقي عندها 30 سنه وعايشة مع ولادها احمد و عاطف تؤام عندهم 10 سنين وبعد موت ادهم و سعاد غرقانين تقعد شهد قصاد احمد اللي خرج من اوضة والده ادهم وفي ايدة الماظة بصت لها واحمد بيقول لها 

لقيت دي تحت سريري في باب سري بينزل ل تحت 

اتصدمت شهد وفضلت تقلب في الالماظة وبعدها قامت وقالت 

تعالي وريني لقاتها فين

وراحت شهد مع احمد ودخلت اوضة واحمد كان بيشاور تحت السرير وبيقول 

الكورة بتاعتي دخلت تحت السرير نزلت علشان اجيبها بحط ايدي علي الباركية لقيت باب بيتفتح وسلم بينزل ل تحت خوفت انزل لكني لقيت علي اول درجة السلم حتة الازاز دي 

راحت شهد ناحية السرير وزقته بعيد وبصت ل باب السرداب السري نورت كشاف موبيلها ونزلت السلم ولقت زرار خاص بالكهرباء داست عليه النور نور وشافت شهد اخر حاجة كانت ممكن تشوفها كميات كبيرة من الالماظ والمرجان واللؤلؤة وعملات ذهب قديمة مسكتها وقرت اسم الملك عظيم بصت لها بتركيز شديد والصدمة كانت بتزلزل كل ذرة فيها ولقت جواب محطوط علي مكتبه كبيرة راحت ناحية الجواب دة وفتحته وقرت اللي في 

★لو وصلتي للجواب دة يبقي انا ما بقتش من اهل الدنيا ووصلتي للكنز اللي كنت مخبئ عنك ووصلتي له بالصدفة ماهو ما حدش يقدر يوصل للمكان دة الا بالصدفة بس ان كنت قاصد ان الوصول للسرداب دة يكون صعب وسهل يمكن عملت كدة علشان عايزك تعرفي الحقيقية ويبقي جه الوقت تعرفي حقيقتي وحقيقية امي انتي ما كنتيش بتحلمي لكنك كنتي فعلا في غيبوبه انتي شهد عمار بنت الصياد عمار اللي جيتي من زمن بعيد لكن بعد موت عبد الله وهاله البوليس جه علي بلاغ من جاركم صلاح اللي شم ريحة الجثث وجاركم دة كان يعرف امي معرفة شخصية ويعرف ان عبد الله جوزها اتصل بيها وهي راحت وشافت اللي حصل وعرفت باللي حصل لك وان الحكومة لقيتك واقعة في حمام البيت جنب جثة عبد الله مغمي عليكي وامي بعد القوة اللي شافتها فيكي وقت ما طلعت مية من ايدك وكنتي هتغرقيني قررت انها تعالجك وتحافظ عليكي يمكن تستفيد من القوة بتاعتك وما تساليش هي لية عملت كدة لاني ما عرفش لكن امي كانت تحب ديما تستغل اي فرصة تقع تحت ايدها واي حد ممكن يجي من وراء مصلحة اتفقت مع دكتور شمال انه يعالجك في بيتنا وفعلا اتعالجتي وبدات عن طريق عالم روحاني وعن طريق التنويم المغناطيسي تخليكي تطلعي كل الخير اللي في بطن البحر وبمجرد ما تفوقي من التنويم المغناطيسي ومفعوله يروح تنسي كل اللي حصل وانتي تحت تاثير التنويم المغناطيسي فضلنا علي كدة كتير وقدرتي تطلعنا كنز الملك عظيم واشتريت الفيلا دي وخبيت كل اللي كان بيجي عن طريق البحر وحبيتك وطلبت منك الجواز لكنك ما ردتيش طلبت منك تاني وتالت لغاية ما امي قالت لي انت هتفضل تتحايل عليها ل غاية امتي انا هجوزهالك وهي تحت تاثير التنويم المغناطيسي وفعلا اتجوزنا وراح تاثير التنويم المغناطيسي وانتي صحيتي لقتيني جنب منك علي السرير الصدمة اتسببت لك في انفجار كذا شريان في المخ ودة سبب جلطات بسببها دخلتي في غيبوبة 6 شهور لكنك فوقتي في مرة ولمدة 10 دقايق وبداتي تحكي كل حكايتك وانا وامي كنا موجودين ودخلتي تاني في غيبوبة امي قالت لي لازم نخلق لها عالم جديد غير العالم اللي هي عارفة وبدات تفكر ازاي تعمل كدة لغاية ما اتفقت معايا وحفظتني انك وقت ما تفوقي تاني نعرفك انك كنتي في رحلة ل مثلث برمودا وكنتي هتغرقي وان شهد عمار دي بطلة في قصة من قصصك وطبعنا كتاب بالاسم دة علشان نوهمك وحتي يوم ما خدك وروحت بيكي البحر تعمد ان اديكي برشام المخ اللي بيبوظ الاعصاب ودة خلاكي قصاد البحر ايدك مهزوزة ماتقدريش تتحكمي في وانتي في الحاله دي كل اللي عيشتي كان وهم في وهم والغرض ان حياتك اللي احنا خلقنها ليكي تبان ان هي دي الحقيقة لكن الحقيقية انك شهد عمار واني انا حبيتك من كل قلبي بلاش ولادي يعرفو حقيقتي وخليهم يتشرفو بيا ديما بحق كل كلمة بحبك قولتها ليكي من قلبي اكتر حاجة هتزعلني بعد ما موت اني مش هشوفك تاني★

قطعت شهد الجواب ورمته علي الارض وفضلت تعيط وتعيط واحمد قرب منها وقال 

ماما في اية 

بصت له وفضلت ساكتة وخدته في حضنها ،،،،،،،،،

وتعدي السنين واحمد وطارق يتجوزو وشهد تشتري شالية صغير علي الشاطئ وكانت كل متعته انها تبص للبحر وترفع ايدها ل فوق والموج يترفع وتنزل ايدها الموج ينزل وقالت 

علشان كدة ادهم وامه ماتو غرقانين في البحر كنت بتنقم منهم بسبب اللي عملو فيا 

وبدات تضحك وتضحك وبعدها افتكرت ادهم وبدات تعيط 

وخلصت الحكاية اللي بتمني من كل قلبي انها تكون عجبتكم ومستني راي كل اللي شرفني بقراءة القصة سلام عليكم