علاقة محرمة 2.
الصراع
الحلقة السادسة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
احمد بيفوق في مستشفي ويقعد علي السرير وهو مفزوع رغم كمية الاجهزة المتوصلة بي والدنيا ظلمة في عيونه ويسمع صوت سلوي بتقول
احمد اهدئة
وبعد سلوي قالت عائشة
احمد انت بخير والحمد لله علي كل حال
احمد
انا فين وانتم مين
الاثنين في صوت واحد
احنا مين
بعدها سلوي قالت
انا امك سلوي ومعايا مراتك عائشة مالك يا احمد انت فقد الذاكرة ولا اية
في الوقت دة يسمع احمد صوت دكتور بيقول
عامل اية دلوقتي يا شيخ
احمد
انت مين
الدكتور
انا الدكتور اللي استلمت حالتك من الطوارئ
احمد
هو انا عندي اية
الدكتور
في ناس لقيتك مرمي في الشارع بالقرب من فيلا من فيلل التجمع وعلي وشك بقع دم جابوك علي هنا بالكشف عليك انت كل حاجة فيك سليمة ماعدا عينك اللي باين انها اتقصرت بشئ مش معروف بالنسبة لينا في عالم الطب ودة اصابك بالعمي
هنا احمد اتكرر في ودانه صوت ماهيا وهي بتقوله
انا ماهيا اللي خلتك تقتل طفل برئ مش ابن مفيدة ودمة علية طلاسم العهد القديم وهتعيش يا احمد اعمي
احمد
انا عارف اية اللي عمل فيا كدة
سلوي
مين يا ابني اللي عمل فيك كدة
وحاول يقوم من فوق السرير لكن الدكتور منعه وقال
ما تحولش تتحرك دلوقتي والا
وهنا يسمع صوت ماهيا جاي من قدام منه وهي بتقول
اركع لي وانا ارجع لك بصرك
احمد زق الدكتور لانة افتكر ان اللي قدام منه ماهيا وقال بعصبية
اركع ل بنت الشيطان احمد فايز ما يركعش الا للي خلقة
طبعا كل الواقفين مستغربين اللي بيقولو والدكتور قال
طيب اهدئة
احمد رجع قعد علي السرير وحط ايدة اليمين علي قلبه وقال
الا بذكر الله تطمئن القلوب
وبدا يقرا قران ويقرا وفي الاخر قال
اللهم لا اعتراض عارف ان كل دة ابتلاة منك يارب وانا راضي
عائشة خدته في حضنها وهي بتقول
كدة برضو يا احمد تقلقني عليك بعد فرحتنا بالحمل
احمد وجه وشه ناحية صوت عائشة وهو بيقول
حمل اية
عائشة
حمل اية احمد مالك
احمد بحدة
بلاش اسئلة وردي حمل اية
لسة عائشة هترد افتكر احمد كلام ماهيا لي وهي بتقول
ومراتك هتولد ابن شيطان وهيشيل اسمك
احمد بعد ما افتكر الجملة دي قال
اللي في بطنك دة لازم ينزل
خبطت سلوي بايدها الاثنين علي صدرها وهي بتقول
يا لهوي انت يا احمد اللي بتقول كدة يا شيخ الجامع
عائشة
انا مش قادرة اصدق انك انت اللي بتقول كدة دة حلم حياتي ان يكون لي عيل منك
احمد بعصبية
دة مش ابني
اتصدمت سلوي وعائشة قالت
هي حصلت كمان تتهمني بخيانتك
الدكتور
يا جماعة ارجوكم اهدو مش كدة والمسائل العائلية دي
احمد
ولا ابنك دة ابن شيطان
الكلمة نزلت علي الكل وما حدش بقي فاهم حاجة الا احمد اللي كمل وقال
اللي في بطنك دة نتيجة طلاسم وتعويذة شيطانية مش طفل طبيعي زي ما انتي فاكرة
عائشة
انت لية بتقول كدة لية عايزني اكره اكتر شئ دعيت ربنا يحققها واتمنيتها
احمد
يا عائشة افهميني يسرا اللي كنا عندنا ما اسمهاش يسرا دي ملكة ملوك الجن ماهيا وهي قدرت تخليكي تحملي بسحر اسود
عائشة
يسرا مين اللي انت بتقول عليها دي احنا ما روحناش ل حد بالاسم دة ابدا
سلوي
احمد باين اوي ان التعب مخليك مش عارف انت بتقول اية فبلاش تتكلم دلوقتي في اي حاجة علشان اللي انت بتقوله دة عيب وما يصحش
احمد
افهموني
سلوي بحدة
قولت هنتكلم بعدين واحنا مقفول علينا باب بيتنا لان كلام زي دة ما ينفعش يتقال هنا ،،،،،،،،
ومع سواد الليل كانت ماهيا بتمشي علي احدي الشواطئ ورايحة ناحية امواج البحر وفضلت تمشي وسط المية وبتشق طريقها ورغم انها وصلت للغميق الا انها فضلت تمشي وكانها لسة في اول البحر لغاية ما وصلت ل بقعة معينه ووجهت ايدها ناحية المية اللي ارتفعت ل فوق وظهرت بوابة حديد لونها احمر لون جهنم اتفتحت البوابة ودخلت ماهيا واتقفلت البوابة وراء منها ورجع البحر زي ما كان،،،،،،
سجن من سلاسل لونها احمر مربوط بيها صافر ومتعلق ل فوق وكان باين عليه اثار التعذيب ماهيا بتفتح باب السجن دة وبتدخل وبتقف قدام صافر وتبص له وتقول
واخرتها اية بس هتفضل مستحمل العذاب دة لغاية امتي
بص لها صافر بصعوبه وقال
لغاية ما تسيبي احمد وعيلته في حالهم
ماهيا
ما احنا اتكلمنا كتير في الامر دة وقولت لك حتي لو انا سبته هو عمره ما هيسبني بعد ما عرف انا مين وناوية علي اية
صافر
تقدري تتحكمي في مركز الذاكرة بتاعه وتخلي ينسي انه شافك اصلا
ماهيا
ما ينفعش لانه حوالين منه هاله الايمان اللي تمنعني من اني اقدر اسيطر عليه دة انت اهو بعد ما كنت مسيطرة عليك بمجرد بس ما شوفته الهاله اللي حوالين منه خليت ذاكرتك ترجع لك وتفتكره وتمنع نفسك عن مراته
صافر
انت لية مش قادرة تفهمي احمد دة ما كنش ليا اخ وبس دة كان كيان انا عايش جوة منه ومهما تعملي مش هتقدري تمحي اثر كل السنين اللي عيشتها وانا جوة منه
ماهيا
انت ملعون
وبصت للسلاسل المتقيد بيها صافر وبدات السلاسل تتحول لكائن اسطوي من الجحيم كان بياكل في لحم صافر وصافر بيصرخ مش قادر يستحمل الالم وهي بتقول
بعد كل اللي عملته علشانك دة انت كنت ميت وانا اللي خليتك تعيش يكون دة جزاتي
وبصت للسلاسل بغضب اكتر والسلاسل لسة في شكل وهيئة ذلك الكائن ولسة بتاكل لحم ذراعين صافر لغاية ما اتحولو ل عظام رفعت عيونها عن السلاسل رجعت زي الاول صافر بص لها وهي قالت
رغم انك انت عارف اني متحكمة في دماغك وخليتك تشوف كائنات بتاكل ذراعك وخليتك تتوجع وكان المشهد حقيقي لكني عارفة ومتاكدة ان ذراعك اللي انت شايفة سليم دلوقتي بيوجعك جدا ودة كمان انا قادرة اتحكم في عارف لية لانك مجرد خادم عندي انا امتلكت فيك كل ذرة من احساسك
صافر فعلا كان بيتوجع وكان الكائنات دي لسة بتاكل في ذراعة وهي بتقول
ما افتكرش انك تقدر تستحمل كتير العذاب دة خلينا نشوف هتختار الرحمة ل نفسك ولا استمرار العذاب
وسابته وخرجت من السجن وصافر بيصرخ وبيقول
احمد مش هيسيبك ونهايتك هتكون علي ايدة انتي ما تعرفيش هو يقدر يعمل فيكي اية دة اخويا وانا اعرفه اكتر منك
وصرخ وباب السجن بيتقفل وماهيا بتبعد وضحكاتها لا تتوقف وصافر بيقول
مش هيسيبك سمعاني يا ماهيا سمعاني ،،،،،،،،
وبعدها بيوم احمد يخرح من المستشفي وكانت سلوي وعائشة بيسندو ووقفت سلوي تاكسي واول ما تفتح باب التاكسي احمد يرجع يشوف استغرب لما لقي سواق التاكسي واحد شبه بالظبط وبيبص له وبيقول
الخلاص في البداية
واتقفل باب التاكسي ورحع احمد اعمي تاني اتصدم وقال
السواق قال اية وازاي شبهي كدة
ردت سلوي عليه وقالت
السواق ما اتكلمش خالص وهو مش شبهك
واستغربت سلوي وقالت
وازاي انت شوفت ان كان شبهك ولا لا
احمد بحدة
ما عرفش انا شوفت ازاي بس انا متاكد من اللي بقوله
عائشة
طيب اهدئة وبلاش تتعصب العصبية غلط عليك
ما ردش احمد وفضل يتكرر في ودانه جملة
الخلاص في البداية
وبدا يسال نفسه
بداية اية محتاج تفسير ،،،،،،
وبالليل ووقت ما كان الكل نايم يقوم احمد من فوق السرير ويقول في سرة
انا لازم اخلص من الطفل الملعون اللي في بطنك يا عائشة دة علشان ما سمحش ب ماهيا بانها تنتصر عليه بس اخلص منه ازاي
وبدا احمد يفكر ل كام ثانية وبعدها قال
ما فيش غيرة يقدر يساعدني دكتور سامح صاحب الصيدلية اللي جنب مننا انا لازم انزل له
وبدا يتحسس خطواته لغاية باب الاوضة وبمجرد ما فتح الباب شاف حد شبهه بالظبط وكان بيقول
بداية ماهيا هي نهايتها بس دور
احمد
انت مين وازاي بقدر اشوفك
الشبية
انا انت احنا الاثنين واحد وبين فتحه الباب وقفله تقدر تشوف بس ديما خلي الباب مفتوح وبلاش تسيية اكتر من دقيقة والا ماهيا هتعرف توصل لنا
احمد
انا مش فاهم حاجة انت مين
الشبية
ما قدرش اقول والا ،،،،،
ويسكت الشبية والباب يتقفل وصوت جاي من وراء احمد بيقول ،،،،،،،،،،،،
خلصت حلقة النهاردة اللي يارب تكون عجبتكم سلام
علاقة محرمة 2.
الصراع
الحلقة السابعة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
★احمد
انا مش فاهم حاجة انت مين
الشبية
ما قدرش اقول والا ،،،،،
ويسكت الشبية والباب يتقفل وصوت جاي من وراء احمد بيقول
152022
وجه احمد وشة ناحية الصوت اللي كان اول مرة يسمعوا وقال
مين
الصوت قال تاني
بداية ماهيا 152022 واوعي اللي في بطنها يتولد
احمد
انت مين وتقصد اية بكلامك دة ان ماهيا حامل
لكنه يسمع صوت امه بتقول
احمد انت واقف لية هنا دلوقتي
احمد
امي في حد معانا هنا
سلوي بصت حوالين منها وقالت
حد مين يا ابني احنا لوحدينا
احمد فتح باب الاوضة تاني ورجع يشوف الشقة وشاف امه وبص في كل ركن من اركان الشقة يمكن يشوف مين اللي اتكلم لكن الشقة والاوضة كانت فاضية فخرج احمد من الاوضة واتقفل الباب ورجع اعمي وراح ناحية باب الشقة وسلوي بتقول
رايح فين بس
احمد
مشوار يا امي ولازم يتعمل
سلوي بقلق
هتنزل ازاي بس وانت في الحاله دي
احمد
انا عارف السكة كويس ما تخافيش عليه
واتقفل الباب واحمد خرج من الشقة ،،،،،،،،،
من جوة الصيدلية يقف احمد قصاد صاحبها دكتور سامح وكان سامح بيقول
استغفر الله العظيم انت عايز تيجي لغاية عندي وتطلب مني طلب زي دة
احمد
دكتور سامح انت تعرفني من كام سنة واكيد تعرف اللي يخليك ما تشكش فيا انا مش هعمل كدة وهقتل طفل الا لو كان قتله في الخير ليا ول امه
سامح
تقتل ابنك وتقولي خير ازاي بس
احمد
زي ما سيدنا الخضر في رحلته مع سيدنا موسي قتل طفل لو كبر كان هيكون سبب شقاء وعذاب ابوة وامه
سامح
لا انت سيدنا الخضر ولا انت سيدنا موسي علشان ينزل عليك وحي من ربنا يامرك بقتل طفل وهو لسة في بطن امه
احمد
انا اعرف اللي انت ما تعرفهوش
سامح
شيخ احمد ما تخلنيش انسي العشرة والعيش والملح اللي كلنا سوي واخرج دلوقتي اروح القسم ابلغ عنك استعيذ بالله من الشيطان الرجيم وروح
احمد
يعني بترفض تساعدني
سامح
اساعدك في اية روح يا شيخ الله يهديك
احمد خرج من الصيدلية وهو علي وشة علامات الياس،،،،،،،،،
ومن جوة اوضة نوم يقعد احمد وقصاد منه عائشة وحكي لها كل اللي حصل وبعد ما خلص الحكاية ختم كلامة ب جملة
علشان كدة لازم اللي في بطنك يموت
عائشة حطت ايدها علي بطنها وقالت وغريزة الام كانت متحكمة فيها
اخلص من ابني علشان الوهم اللي مسيطر عليك دة اخلص من اكتر حاجة كان نفسي فيها ازاي بس
احمد
بعد كل اللي عرفتي وشايفة اني انا موهوم طيب تحبي اثبت لك اني مش اعمي وبمجرد ما افتح الباب اقدر اشوف زي زيك
عائشة فضلت ساكتة وهي مستغربه كلام احمد لكن احمد فهم سبب سكوتها وقام وفتح باب اوضة النوم علشان يشوفها ويقول
لسة بتبقي زي القمر وانتي لابسة الجلابية الموف دي
برقت عائشة وبصت ل احمد باستغراب شديد وقالت
انتي بتشوف
احمد
صدقتي اني اقدر اشوف طول ما الباب مفتوح
عائشة
واشمعني
احمد
في حد بيساعدني بس ما عرفش مين هو
عائشة
طيب تعالي ارتاح
احمد
انا لازم اقفل الباب قبل ما الدقيقة تخلص
وفعلا قفل احمد الباب وهو بيقول
ودلوقتي بعد ما خلاص عرفتي الحقيقة لسة مصممة تولدي اللي في بطنك دة
عائشة ضحكت وقالت
اللي في بطني خلاص اتولد
احمد اتصدم وقال
انتي بتقولي اية
عائشة
اللي انت سمعته ولا تحب اعيد الكلام تاني
وندهت عائشة وقالت
كريم تعالي كلم بابا
دخل شاب في العشرينات من عمره قرب منه وقال
نعم يا بابا
اتفزع احمد و فتح عيونه علشان يلاقي نفسه علي السرير نايم وعائشة جنب منه بتقول
احمد انت كويس
وبعدها صوت ماهيا بتقول
احمد انت كويس
اتصدم احمد وقال
اخرجي من دماغي
قربت عائشة علشان تحضنه زقها بعيد عنه وقال
قولت اخرجي من دماغي والا عذابي ليكي هيكون شديد
ماهيا
ازاي بس وانت ناوي تخلص مني الصراع اللي بيني بينك اخرته موت واحد مننا
احمد
وتفتكري اني انا اللي هاموت
ماهيا
الاقوي هو اللي هيفضل عايش وانا اقوي منك
احمد
متاكدة
ماهيا
انا اقدر اطلع لك في احلامك وانت ما تقدرش تعمل اي حاجة او تمنع اللي انا ناوية اعمله
احمد
انتي صحيح متحكمة في عقلي انما قلبي دة مش ملكي علشان تقدر تتحكمي في وعلشان كدة انا مش هطلع لك في احلامك انا هطلع لك في الحقيقية
وفي لحظة اتبدل المشهد وماهيا لقت نفسها مربوطة في كرسي بايات قرانية مكتوبه علي شريطة خضراء واخر الشريطة رقم 152022 وكانت في الاوضة اللي فيها جهاز الفار وقاعدة علي الكرسي اللي كانت بتقعد عليهم ضحاياها واحمد واقف قدام منها وبيضحك وبيقرب وماهيا بتقول
انت ازاي شايفني
احمد وهو لسة بيقرب
مين دة اللي بيشوف انا لسة اعمي بس الباب مفتوح واقدر اشوف طول ما الباب مفتوح
ماهيا اتصدمت وقالت
باب اية
احمد
الباب اللي بينا وبينكم باب الحاجز اللي ربنا خلاكم وراء منه علشان ما نشوفكوش
ماهيا
وازاي الباب دة اتفتح لك
احمد
دة بقي انتي مالكيش في ودلوقتي اجهزي علشان اللي في بطنك ينزل
وراح احمد ناحية جهاز الفار وحط الجهاز علي راس ماهيا اللي صرخت لكن الطلاسم خرجت من جلد الكرسي وبدات تخترق جسمها وبدات طقوس الجواز وشافت ماهيا صافر حر طليق وفي نفس صورة الشاب الوسيم وبيقرب منها وبيتم بينه وبينها العلاقة المحرمة وماهيا بتصرخ وبتحاول الهروب ،،،،،،،""
علاقة محرمة 2.
الصراع
الحلقة الثامنة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وراح احمد ناحية جهاز الفار وحط الجهاز علي راس ماهيا اللي صرخت لكن الطلاسم خرجت من جلد الكرسي وبدات تخترق جسمها وبدات طقوس الجواز وشافت ماهيا صافر حر طليق وفي نفس صورة الشاب الوسيم وبيقرب منها وبيتم بينه وبينها العلاقة المحرمة وماهيا بتصرخ وبتحاول الهروب وفجاة تفتح ماهيا عيونها علشان تلاقي نفسها نايمة علي السرير في اوضتها بصت حوالين منها وهي مستغربه اللي بيحصل وقالت ل نفسها
اللي حصل دة وهم ولا حقيقية ولو وهم ازاي يقدر مخلوق من الطين انه يعمل فيا انا كدة انا اللي بتحكم في عقول البشر الضعاف يحصل فيا كدة اكيد احمد عمل كدة بمساعدة صافر
وسكتت للحظات وقالت
بس ازاي وصافر مسجون بسلاسل من جحيم
وبعدها صرخت بغضب شديد وقالت
مش ماهيا ملكة ملوك الجن اللي يحصل فيها كدة
وقامت من فوق السرير وهي متعصبة ،،،،،
ونروح للسجن اللي في صافر متقيد وماهيا بتفتح باب السجن وهي في منتهي الغضب وبصت ل صافر اللي من شدة العذاب بص لها بس وما كنش قادر يتكلم ودة بسبب الكائنات الوهمية اللي سلطتها ماهيا عليه لكن ماهيا ترفع عنه العذاب وتحرره من السلاسل بتاعته ويقع علي الارض ويبص لها بصعوبه شديدة وهي بتقول
رفعت عندك العذاب وحررتك من قيودك ودة في مقابل اني اعرف انت قدرت تساعد احمد ازاي مع انك مسجون هنا وفي سجني دة ما فيش حد من الجن يقدر يتمتع باي قدرة من قدراته
صافر
انا مش فاهم انتي بتتكلمي عن اية
مسكته من شعره وقالت
لا فاهم وبلاش تعمل فيها غبي لاني مش هرحمك
وقالت بغضب اكتر
قولي ازاي احمد قدر يخترق دماغي ويوصل لانه يكوني في احلامي
صافر بابتسامة شماته
قولت لك انتي ما تعرفيش احمد يقدر يعمل اية اهو وراكي شئ بسيط من اللي ممكن يعمله فيكي
ماهيا
لا بجد دة علي اساس اني هقعد اتفرج عليه وهو بيخلص عليه واسكت مش كدة
صافر
كلامك معايا دلوقتي اكبر دليل علي انك عاجزة مش قادرة تعملي حاجة
ماهيا
لا هعمل وهوريك نهاية احمد دة هتكون ازاي ،،،،،،،،،
ونرحع ل شقة احمد اللي كان قاعد علي سريرة بيسمع قران لكنة لقي القران اطفي فقال
جيتي اسرع ما كنت متوقع
هنا تظهر ماهيا في الاوضة وتقول
بينا كلام لسة ما خلص
احمد
ما فيش بيني وبينك اي كلام
ماهيا
حتي لو انا جاية لك في خير
احمد ضحك اوي وقال
ومن امتي بنات ابليس بيجي من وراهم خير
ماهيا
اسمع الاول عرضي وبعدها حدد ان كان خير ولا شر
احمد
يرجع لي نظري وبعدها نتكلم
ماهيا
دة كان اول عرض انا جالي لك بي
وبدات ماهيا تمارس طقوس خاصة بمعشر الجن وترفع الطلاسم عن عيون احمد ويرجع ل احمد نظرة بصت لها وقال
بداية في مصلحتك
ماهيا
ومصلحتك اصل انا شايفة انه ملهوش لزوم نعادي بع،،،،،،،
لكن احمد ما سبهاش تكمل الجملة وقال
فين اخويا صافر
ماهيا
كلامي معاك بعيد عن صافر
احمد
مش انتي اللي تقولي الكلام بيني وبينك يكون عن اية وعن مين دة لو انتي عايزا مصلحتك
ماهيا
بطل تتعامل معايا علي انك الاقوي
احمد
ما دي الحقيقية انا فعلا الاقوي لاني معايا الحق وانتي معاكي الباطل
ماهيا
مابلاش الشعارات الكذابة دي وعيش الواقع واعرف ان الدنيا دلوقتي قايمة علي الباطل وهو اللي بيحكم وانا قدامك اهو هحكم واسيطر بولاد الجن اللي بصفات البشر والجن
احمد
قصدك الكام طفل اللي اتولدو في الكام يوم اللي فاتو وبتقولو انهم الف طفل وهما 10 بس
ماهيا اتصدمت وقالت
انت ازاي عرفت عددهم
احمد
واعرف كمان نهايتهم تكون ازاي
ماهيا
انت كذاب
احمد
152022
ماهيا اتصدمت اكتر واكتر واحمد بيكمل وبيقول
دي البداية بتاعتك ودي رقم البوابة اللي خرجتي منها للدنيا ولا نسيتي الباب اللي اتفتح وبقيتي بسببه معانا في الدنيا
ماهيا وهي مرعوبه
مين اللي عرفك كل المعلومات دي
احمد
ابنك اللي في بطنك واللي مكتوب له يتولد كمان ايام
ماهيا بصت ل بطنها وقالت
انا ما ينفعش احمل لاني بلا رحم
ضحك احمد وقال
انتي فعلا من غير رحم لكن الجسد اللي انتي جوة منه برحم ودي ممكن تحمل وتولد عادي
ماهيا
وازاي يحصل حمل وما فيش حد لمسني
احمد ضحك اوي وقال
ازاي بس وكل ليلة انا كنت فيها معاكي بيحصل بيني وبينك علاقة
ماهيا برقت وقالت
انت بتقول اية
احمد
بقول انك سجينة في جسم مراتي عائشة مش يسرا ولو مش مصدقاني بصي للمريا
ماهيا بصت للمريا علشان تشوف قصاد منها جسم عائشة حركت ايدها واتاكدت انها هي اللي في المريا برقت اوي وقالت
ازاي قدرت تعمل كدة وتنقلني من جسد ل جسد تاني
احمد
دي حيلة قديمة اتعلمتها من اخويا صافر
وبص احمد ل باب الاوضة اللي اتفتح ودخل منه صافر وهو بيضحك وكان بيقول
مش قولت لك انتي ما تعرفيش احمد ممكن يعمل فيكي اية
ماهيا
انت هربت ازاي
احمد استغرب وقال
انتي بتكلمي مين
ماهيا وهي بتشاور علي صافر
صافر
بص احمد مكان ما شاورت ماهيا وقال
وهو فين صافر بس انا كدة هبتدي اقلق عليكي
ويختفي صافر ويدخل من الباب احمد تاني لكنه كان اعمي وقال
سمعت صوتك وانا برة واستغربت انت بترغي مع مين في الاوضة
ماهيا اتصدمت لما شافت احمد اللي كانت بتكلمة بدا يتبخر واختفي وقالت
انت بتلعب بعقلي
احمد قرب منها وهو بيتحسس خطواته وكان بيقول
وازاي واحد اعمي زيي يقدر يلعب بعقل ملكة ملوك الجن
ماهيا بغضب شديد
اللي انت بتعمله دة سحر سفلي خبيث
احمد
سحر بوابة الحن والبن
ماهيا
انت اتعديت كل الحدود ولازم تموت
وحاولت ماهيا الهجوم علي احمد لكنها لقيت حاجة منعها من الهجوم وصوتها جاي من ورها
تفتكري اني اسيبك تاذي حبيبي
بصت شافت عائشة في المريا واتحولت عائشة ل ماهيا تانية برقت ماهيا اكتر واكتر وما بقتش فاهمة ولا عارفة اية اللي بيحصل ،،،،،،،،،،
اللي عجبته الحلقة يكتب تعليق ويدوس اعجبني علشان القصة توصل ل غيرك خلاويص النهاردة ولو في العمر بقيا هكمل لكم الحكاية ديا سلام عليكم
علاقة محرمة 2.
الصراع
الحلقة التاسعة
الاخيرة من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وحاولت ماهيا الهجوم علي احمد لكنها لقيت حاجة منعها من الهجوم وصوتها جاي من ورها
تفتكري اني اسيبك تاذي حبيبي
بصت شافت عائشة في المريا واتحولت عائشة ل ماهيا تانية برقت ماهيا اكتر واكتر وما بقتش فاهمة ولا عارفة اية اللي بيحصل لكن احمد قعد قصاد منها علي السرير وقال
عايزا تعرفي اية اللي بيحصل صح
ماهيا بصت له وهي لسة غضبانة واحمد هنا فتح عيونه و قال
الحكاية بسيطة جدا انتي جوة جسد انسانه ودة خلاكي ضعيفة مش قوية زي ما كنتي فاكرة وقدر القرين بتاعي يحط لك في الاكل والمية بتاعتك عمل اسود مخلوط ب سحر قديم سحر الحن والبن سحر البوابة 152022 اللي انتي عديتي منها للعالم بتاعنا ودة عرفنا بعد ما سيطرنا علي القرينه بتاعتك لاننا اقوي والسحر دة خلاكي اثنين مش واحدة واحدة بتحبني ودي الانسية اللي انتي جوة جسمها والتانية عايزا تخلص مني ودي انتي لكن واضح ان الانسية اقوي منك ودة اللي خلاكي ما تقدريش تخلصي عليه
ماهيا باستغراب شديد
ودة كله حصل امتي وازاي
ابتسم احمد وقال
اول ما جت لي دعوة منك للعلاج انا ومراتي في القرية السياحية بتاعتك هو انتي فاكرة انك انتي اللي اخترتي اسم مراتي دة انا اللي خليتك تختاري اسم مراتي من كمية الرسايل اللي جت لك لما انتي قررتي تدخلي اللي زينا في لعبتك
وقام احمد وقف ولف حوالين منها وقال
وحاجة تانية احبك تعرفيها
وبص احمد ل باب الاوضة اللي اتفتحت ودخلت مفيدة بصت لها ماهيا وقالت وهي مصدومة
انتي
احمد
مفيدة تبقي بنت عمي واللي حصلها زعلني اوي منك ،،،،،،،
ونرجع بالاحداث ل كام يوم فاتو ومفيدة بتمسك الموبيل بتاعها بعدت ماولدت ابن الشيطان وكتبت بصعوبه علي الواتس
★احمد الحقني★
وداست ارسال وراحت الرساله ل احمد اللي فتح الرساله وقرها واستغرب اوي وقال
غريبة اية اللي فكر مفيدة بيا
سمعته عائشة وقالت
مفيدة مين يا احمد
بص لها احمد وقال
دي بنت عمي لكنها من وقت ما اتجوزت راجل غني واحنا ما نعرفش عنها اي حاجة ولا هي تعرف عننا حاجة لكنها باعته لي رساله غريبة
عائشة
رساله مكتوب فيها اية
احمد
احمد الحقني
عائشة
يبقي لازم تلحقها
احمد
انا ما عرفش ليها عنوان
عائشة
اسال في العيلة اكيد هتوصل لعنوانها بس طالما واحدة ست طلبت مساعدتك لازم تساعدها
احمد فكر للحظات وقرر فعلا يعمل اللي قالت عليه عائشة وبدا يدور ويسال لغاية ما قدر يوصل لعنوان فليتها وراح للفيلا وبمجرد ما خبط علي الباب سمع صوت عيل صغير بيعيط بطريقة مزعجة حس بشئ مريب وبدا يقرا قران واتفتح باب الفيلا وشاف مفيدة واقفة قدام منه وبتقول
نعم
احمد فضل يبص لها بتركيز شديد
مفيدة انتي كويسة
صرخت مفيدة وقالت
لا انا خايفة منه مش مني ومش من دمي وشوية بحبة وشوية بخاف منه الحقني
احمد
هو مين دة
مفيدة اتغيرت وقالت
انت مالك واية اللي جابك هنا امشي امشي
كل الحوار دة داير وصوت الطفل اللي بيعيط لسة زي ما هو بص احمد وراء مفيدة وقال
هو انتي خايفة من اللي بيعيط دة
بصت مفيدة وراء منها وقالت
خايفة منه
احمد
متخافيش انا معاكي
واستعد احمد للدخول الي الفيلا لكن مفيدة منعته وقالت بعصبية
اوعي تدخل هتعرف انك هنا
احمد
هي مين
مفيدة
ما عرفش
احمد
انا حاسس اني عرفت ودخليني ماتخفيش مش هتقدر تشوفني لاني قريت اللي يخليهم عميان
مفيدة
تقدر تعمل كدة
احمد
القدرة من عند الله وانا عبد من عبادة اللي اصطفاني ووهبني قوة اللي بيها بساعد خلق الله وريني الطفل اللي عندك،،،،،،،،،
ونرجع تاني ل احمد اللي كان بيبص ل ماهيا وبيقول
وبمجرد ما بصيت للطفل الملعون عرفت انتي عملتي اية اصل قرينه بقي تحت ايدية وقدرت اسيطر عليه وكان لازم انصب لك الفخ وبالراحة وبالعقل عشيت في دور الضحية اللي ماهيا قدرت عليه لكن الحقيقية ان الطعم اللي اصطدك بي هو الوهم اللي انتي شاطرة في وزي ما انتي متوعدة تتحكمي في عقول البشر انا قدرت اتحكم في عقلك واخليكي تشوفيني وانا ضعيف مع ان اللي معه ربنا اقوي من كل خلق الله وانتي مخلوقة ومعاكي الشيطان ومهما تكيدي للبشر فانت ولا حاجة وقال تعالي بسم الله الرحمن الرحيم
**إن كيد الشيطان كان ضعيفا**
ماهيا
واللي مع ربنا يلجاة للسحر والاعمال السفلية الخبيثة خليت اية للدجالين يا بتاع ربنا
ضحك احمد وقال
هو انتي صدقتي اني سيطرت عليكي بالسحر تبقي ما تعرفيش احمد فايز انتي اتحرمتي من قدرتك و متسلسة علشان النهاردة اول ايام رمضان والساعة عديت 12 بعد نص الليل احضرلك سحور معانا
ماهيا
اومال كل اللي بشوفو دة اية
احمد
دة انتي لابسة جهاز الفار واللي بيتعرض لك قدام منك كله مجرد عالم افتراضي مش موجود في الحقيقية وانتي هتفضلي كدة جوة العالم الافتراضي لغاية ما تموتي اصل صافر مكتفك بسلاسل وسايبك علي كرسي في وسط الصحراء ومعروف ان جسم البشر يعيش تقريبا اسبوع من غير اكل لكن من غير مية تقريبا تلت ايام مع شهور الصيف اللي احنا فيها الا بقي لو الديابة اللي في الجبل نزلت وخلصت عليكي وصلنا ل اخر الصراع وانا اللي هعيش
ونوصل للمشهد الختامي كرسي في وسط الصحراء مربوطة في ماهيا وقصاد منها صافر واحمد وكانت ماهيا بتصرخ وبتحاول تحرر نفسها وتنزل جهاز الفار عن دماغها اللي بيعرض لها كل المشاهد اللي عرضها ليكم من تاني وعمال يعيد ويزيد وصافر قال
قولت لك ما تعرفيش احمد يقدر يعمل اية
وبص احمد ل صافر وابتسم وخدوا بالحضن وقال
حمد لله علي سلامتك يا اخويا من الجن
صافر
ما تعرفش انا حاسس باية بعد ما قدرت اتحرر من ماهيا وشرها
احمد
المهم نكمل المشوار اللي بدنا وتخلصنا من الاطفال اللي اتولدو بسببك
صافر
هتخلص حكايتهم مع موت ماهيا
احمد بص ل ماهيا اللي لسة بتصرخ وبتنادي علي احمد وبتطلب الرحمة وقال
اتمني النهاية تكون سريعة ،،،،،،
وماتت ماهيا بعد ما الديابة كلتها وعاش صافر مع احمد وبعد اللي حصل دة ب سنة تحمل عائشة وتولد طفل زي القمر وتخلص الحكاية بنهاية يستحقها احمد و مراته
اتمني الحكاية تكون عجبتكم ومستني راي كل اللي شرفني بقراءة القصة سلام
إرسال تعليق