عيلة الراوي 2
الرؤية
الحلقة الاولي
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
المشهد اللي في اول الحلقة دة وقت ما علي شاف عيلته مشنوقة وعفاف ظهرت له دة كان مجرد حلم بيصحي منه علي يلاقي اذان الفجر بيأذن يتشاهد ويتوضاء ويصلي الفجر ويرجع ينام تاني لكن المرة دي قرر انه ما ينامش وفتح اللاب توب بتاعة وتواصل عن طريق الماسنجر مع شيخ يعرفة اسمه عبد الحق وبعد ما سلم علي الشيخ والشيخ رد عليه السلام حكي له علي الحلم اللي بيشوفه كل فترة في اخر سنة بالظبط وبعد ما خلص كتب الشيخ
** وانت كنت ديما بعد الحلم دة تصحي علي اذان الفجر **
علي كتب
** اوقات علي الاذان بالظبط واوقات قبل الاذان بكام دقيقة**
الشيخ
**دة كدة ما يبقاش حلم **
علي
**اومال اية دة **
الشيخ
**دي تبقي رؤية **
علي استغرب
**رؤية **
الشيخ
**ايوة لازم تخلي بالك من اللي بتظهر لك في الرؤية وبتشنق عيلتك **
علي
**بس دي اخر حاجة اعرفها عنها انها في السجن **
الشيخ
**الشر ملهوش نهاية وهي طول ماهي عايشة اكيد مش عايزالك الخير ومش هتسيبك في حالك وواضح انها قريبه منك وبتجهز ل امر خطير الغرض منه اذيتك انت وعيلتك علشان كدة الرؤية بتشوفها كتير **
علي ركز اوي في الكلام وبدا القلق يخبط علي ابواب قلبه ،،،،،،،،
و تاني يوم الصبح كانت عفاف بتدخل قسم صغير وسط الارياف ووسط المكاتب القديمة المتهالكة يقعد ظابط في الاربعينات من عمره مش طويل اوي لكن طوله مناسب لوزنه واقرع ولون بشرته قمحي نظرات عيونه حادة في شبه من عفاف واسمه ياسر منصور وكان قصاد منه شطرنج من كريستال وكان بيلعب مع نفسه وقت ما سمع صوت عفاف بتقول
لسة غاوي تلاعب نفسك
بص لها من فوق ل تحت ورغم انه مستغرب اية اللي جابها عنده لكنه بلامبالاة قال وهو بيكمل لعب
اية اللي جابك
عفاف
جايا اشوف اخويا واطمئن عليه
ابتسم ابتسامة صفراء ووشة في قطع الشطرنج وكان بيحرك احدي القطع وقال
كويس انك لسة عارفة اننا اخوات من ام واحدة فيكي الخير
عفاف
شوفت بقي انا اصيلة ازاي مش زيك عرفت كل اللي حصل لي وعديت بي في الكام سنة اللي فاتو وما فكرتش تساعدني
بدا الغضب يترسم علي ملامح وشه وبص لها بعيون كلها نار وقال
اساعد اللي خلتني من اكفاء ظابط مباحث ومتلقب بالثعلب ل مجرد ولا حاجة مرمي هنا وسط وساخة البهايم وكل دة لية علشان طلبت منك حقي في ورث،،،،،،،،
قطعته عفاف وحطت قصاد منه شيك ب 7 مليون ج وقالت
دة حقك وزيادة
بص ياسر للشيك وقال
ودة لية بقي
عفاف
اسمع بقيت عرضي للاخر
ياسر
هو لسة في كلام تاني يتقال
عفاف
هترجع مفتش مباحث قسم الهرم والثعلب هيرجع لمكانه وسط الدخلية
ياسر بص لها باستغراب شديد
ودة كله في مقابل اية
عفاف طلعت صورة علي الراوي من شنطتها وحطتها علي المكتب وقالت
تجيب حقي منه وتعرف لي فين جثة ابني وتلف حبل المشنقة حوالين رقبته
بص ياسر للصورة وابتسم بشماته وقال
دة اللي علم عليكي وخلاكي من وزيرة ل ولا حاجة زيي ما انتي عملتي معايا بالظبط
عفاف كتمت غيظها وقالت
هو
ياسر
بس سؤال محيرني ازاي انتي برة الوزارة وهتعرفي ترجعيني ل قسم الهرم واشمعني قسم الهرم
عفاف
انا ما بقتش وزيرة دة صحيح لكني لسة عفاف حاتم والاسم دة لوحدة كفاية اوي يخلي اللي جوة الوزارة يخدموني انما بقي لية هرجعك قسم الهرم ف دة علشان تكون قريب ديما من شركة الانتاج الخاصة
ب علي الراوي ودلوقتي جاهز للي انا طلبته منك والاهم من انك تكون جاهز اتمني تكون قدها واوعي تستهتر ب علي لانه اذكي من اي حد ممكن تكون قابلته في حياتك
في الوقت دة ياسر حرك الوزير وحطة قصاد الملك في لعبة الشطرنج وقال
مات الملك
ورجع بص ل عفاف وقال
عارفة انا لية بلاعب نفسي شطرنج
عفاف
ما عرفش
ياسر
علشان انا ماقابلتش الاذكي مني
وابتسم ياسر ابتسامة كلها شر ورجع بص ل صورة علي الراوي ،،،،،،،،،،،
وفي نفس الوقت كان علي الراوي بيقعد علي السفرة وقت ما مسك موبيل بنته شيماء وقفلة وقال
جه وقت الاكل يبقي نسيب الموبيل
شيماء
ما انا كنت بتسلي لغاية ما تيجي
علي
طيب واديني جيت
وبدا علي ياكل وبعد ما خلص اكل عملت له فاتن القهوة بتاعته وقالت
عرفت ان عفاف خرجت من المستشفي
بص لها علي وهو بيشرب القهوة وقال
ومالك بتقولي الكلام دة وانتي قلقانة كدة
فاتن
علي انت قلقان اكتر مني ولا انت فاكرني ما بحسش بيك لما بتصحي من النوم مفزوع بسبب الحلم اللي مش عايز يسييك والشيخ قال لك انها رؤية
علي باستغراب
انتي بتتجسسي عليه
فاتن
من امتي وانا بتجسس عليك دة انا مراتك من سنين والخصلة دي مش فيا بس انت ناسي انا حساب الفيس بتاعك انت دخلته علي الموبيل عندي وقت ما موبيلك شاشتة
اتكسرت
علي
اة وانتي بقي قريتي الرسايل وخدي راحتك
فاتن
بلاش اطمئن عليك
علي
اطمئني انا كويس
فاتن
يارب ديما
وطبطب علي علي ايدها ،،،،،،،،،
بعدها با سبوع نور يدخل علي عفاف اوضتها وكان متعصب وبيقول
انتي اللي رجعتي ياسر منصور ل قسم الهرم
عفاف
ايوة انا
نور
مش ياسر دة اللي كان في يوم بينك وبينه مصانع الحداد وكنتي بتكهري كرة العمي
عفاف
ولسة بكره
نور
ازاي بتكرهي وانتي بنفسك رجعتي للنور تاني وفين قسم الهرم
عفاف
كنت فاكرة انك هتعرف من نفسك انا لية رجعته قسم الهرم
نور
وهاعرف منين
عفاف
من انت لو لسة فاكر عماد كنت عرفت لية انا رجعت ياسر قسم الهرم
نور باستغراب
واية علاقة عماد برجوع ياسر للقسم
عفاف
لان شركة علي الراوي قصاد القسم بالظبط
نور بحدة
انتي لسة ما نستيش علي الراوي
عفاف
انسي اللي قتل ابني ولسة ما خدتش جزاءة
نور
لسة بدوري علي ابنك واللي حصل له بعد 4 سنين
عفاف
ولو بعد 100 سنه طول ما الروح في جسمي ف انا مش هرتاح الا لما اعرف هو عمل اية في ابني
نور
ويفرج علينا الناس تاني وهو بيطلع براءة منها
عفاف
هو قدر يهرب اول مرة علشان انا ما احترمتش ذكائة لكن المرة دي انا جايبة لة اللي هيقدر عليه
نور باستهزاء
ودة اللي هو ياسر منصور
عفاف
هو ولولا اللي انا عملته في كان زمانه قرب يبقي وزير دخلية
نور
بضيعي وقتك علي الفاضي
عفاف
انا حرة في وقتي وخلاص فضيت ل علي وعيلته واللي جاي عليهم سواد ولو انت مش هتساعدني احسن لك ما تحاولش توقفني لاني وقتها هنسي انك جوزي وهيكون مصيرك نفس مصيرهم
نور
باين اوي ان الجنان رجع تاني
عفاف
انت لسة ما شفتوش جنان
نور
باين عليكي هتدخلي السجن تاني علي ايد علي
عفاف
ما انا اتعلمت بقي علي هكسره واجيب اجله بالقانون مش بالغشومية اللي عملتها اول مرة
نور بص لها وقال
عفاف حاتم هتعمل كدة
عفاف
اتفرج واتعلم ،،،.،،،،،
ومن جوة قسم الهرم يدخل ياسر مكتبه ويقعد عليه ويبص للمكتب بانبهار لان القسم بعد ما اتجدد بقي شكل تاني خالص وبص من شباك مكتبه علي شركة علي للانتاج السينمائي وفضل باصص للشركة ودماغة شغاله بمنتهي السرعة والشر وقت ما سمع باب مكتبه بيتفتح بص وراء منه وشاف نور بيدخل المكتب ابتسم وقال
جوز اختي
نور
مابلاش الكلمة دي اصلا بتطلع منك ثقلية علي قلبي
ياسر وهو رايح يقعد علي مكتبه
اومال تحب اقول لك اية سيادة اللواء سابقا نور
نور كتم غيظة وقال
ما اللي وصلني للحال دة اختك ودماغها وقرارتها اللي كلها غلط في غلط
ياسر
هما الستات كدة دماغهم لما بتشتغل بيخربوا الدنيا
نور
طيب كويس انك عارف انها خربت ومش حابب انها تخرب زيادة عن كدة
ياسر
وانت تعرف عن ياسر انه يسعي في خراب
نور
انت الخراب نفسه والشر عندك ملهوش حساب والدخلية كلها كانت مرتاحة منك وانت بعيد في الارياف
ضحك ياسر وقال
طيب ما كفاية راحة بقي ونقول اهلا وسهلا ب ياسر منصور وتفرح لي وتبارك
نور
انا مابحبكش وانت عارف وطبيعي طالما مش بحبك يبقي ازاي ابارك وافرح
ياسر
ولما قلبك كدة مليان سواد مني جاي لي مكتبي
نور
جاي اقول لك انك لو مسيت علي ب أي سوء اختك هتلبس الكلبشات تاني والمرة دي مش هتقلعها ابدا
ياسر
انت خايف عليها ولا خايف علي سمعتك وشكلك قصاد زمايلك في الدخلية
نور
خايف علي الاثنين كفاية اوي اللي وصلت له بعد ما كنت في يوم من الايام مرشح اكون وزير دخلية
ياسر
لا خلي حكاية وزير الدخلية دي عليه انا لاني انا اللي ناوي اكون كدة والبداية من هنا لما هرجع حق ابنك اللي انت ما عرفتش ترجعه من علي الراوي
نور باستهزاء
كان غيرك اشطر
ياسر
ما فيش اشطر من ياسر منصور والايام اللي جاية هتثبت لك ،،،،،،،،،،،،
وبعدها ب كام يوم ومن جوة احدي السينمات يقعد علي وسط نجوم فيلمة الجديد وكان في غاية السعادة ل نجاح فيلمة واعجاب الناس بي وفي وسط فرحتة يلاقي عفاف وسط الحضور اتصدم ل جزء من الثانية وبعدها صرخ اوي وبص ل بطنة لقي مطواة مغروزة في بطنة وحد ملثم بيزقة وبيطلع يجري والنور اطفي في السينما والدم بدا ينزل وبسرعة وحصل في السينما هرج ومرج و علي وقع علي الارض قبل ما يرجع النور و يظهر ياسر وسط الحضور وهو متنكر في شكل شاب بلحية طويلة واسود الوجه وشال علي
علي ذراعه وجري بي بسرعة قاصدا عربيته وركبه العربية وبدا يسوق وهو بيقول
مش عايزك تقلق هتكون كويس انا جنبك
وابتسم ياسر وداس بنزين باقصي سرعة وبدات الايام الصعبة،،،،،،،،،،،،
من جوة اوضة عفاف تقعد عفاف قصاد المرايا بتاعتها وقت ما دخل عليها نور وهو متعصب وقال
اية اللي انتي هببتي دة
عفاف
اهدئة وبلاش صوتك يعلي احنا مش في شارع
نور
لا بجد مع ان اللي بتعملي دة ما بيعملهوش الا بتوع الشوارع
عغاف
عملت اية
نور
مش عارفة عملتي اية افتحي النت وشوفي علي الراوي اللي اضرب بالمطواة في بطنة في قلب سينما
عفاف بلامبالاة
طيب وانا مالي
نور
انتي نزلتي من كام ساعة ولسة راجعة من كام دقيقة وبعدها اعرف الخبر دة وفي الاخر تقولي انا مالي
عفاف وقفت وهي بتقول
ايوة وانا مالي نزلت ورجعت عادي جدا
ولا طالما علي اتاذي وانا برة يبقي انا اللي عملتها
نور
ومين غيرك بس يعمل كدة
عفاف نامت علي السرير وهي بتقول
لو مش هتنام اخرج واطفي النور
وحطت اللحاف علي وشها وكانها اشارة بنهاية الكلام ونور بص لها بضيق شديد وخرج من ورزع الباب وراء منه ،،،،،،،،
عيلة الراوي 2
الرؤية
الحلقة الثانية
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بعدها ب ساعتين ومن جوة مستشفي علي فارد ظهرة علي سرير ومتعلق له محاليل وقصاد منه مراته وبناته الاثنين وورائهم يقف ياسر اللي لسة متنكر وعلي كان بيقول وهو بيبص له
ولولا ياسر اللي اتبرع لي بدمه انا كان زماني ميت
ياسر
ما تقولش كدة انا ما عملتش الا الواجب
وبص ياسر اوي في عيون فرح اللي احرجت وبصت بعيد عنه وهنا ياسر قال
انا هسيبك بقي مع اهلك وهستني برة لو عوزت حاجة
وخرج ياسر واخر حاجة عملها انه رجع بص تاني في عيون فرح بصة اخترقت حصون فرح ووصلت للقلب وفرح فضلت باصة ناحية الباب اللي خرج منه ياسر وقت ما فاتن كانت بتقول
ازاي دة حصل وانت وسط الناس دي كلها وكان فين الامن بتاع السينما
علي
الامن بس هيعمل اية انا بعد ما اضربت بالمطواة الدنيا طلمت ودة ادي فرصة للي عمل كدة انه يهرب بمنتهي السهولة
فاتن
وهو اي حد بيدخل العرض الخاص
علي
لا طبعا دة بيبقي دعوات وما حدش بيدخل اللي بالدعوة بتاعته
فاتن
يعني اللي عمل كدة سهل الحكومة تقبض عليه
علي
بالعكس اللي عمل فيا كدة كان ملثم وخطواته كلها محسوبة وعارف هو هيعمل اية بالظبط
فرح
طبعا عفاف هي اللي وراء اللي حصل لك دة
علي
هي دة حتي كمان من جبارتوها كانت في العرض الخاص قبل ما يحصل اللي حصل
فاتن اتفزعت وقالت
وساكت يا علي وما بلغتش البوليس عنها
علي
هي مش بالغباء دة علشان توريني نفسها ويتقبض عليها بسبب اللي حصل لي هي خلتني اشوفها علشان توصل لي رسالة بان اللي هيحصل لك دلوقتي انا السبب في ومش هتعرف تعمل معايا حاجة
فرح
لية يعني دة وجودها في العرض الخاص دليل عليها ودليل يوديها في داهية
علي
فرح يا بنتي عفاف شخصية عامة ومعروفة وسهل توصل ل دعوة من دعوات العرض الخاص ل فيلمي يعني دة مش دليل ادانة
فاتن
يعني نسكت ونسيبها تفلت باللي هي عملته
علي ببصة الذئب
مش هتفلت لكنها هتغلط ووقتها انا هكون موجود ،،،،.،،،،،،
كان في الوقت دة ياسر جوة اوضة الدكتور فاروق اللي خيط الجرح ل علي وكان بيقول
متاكد ان جهاز التعقب اللي غرزته بين طبقات لحم علي مش هيجي عليه يوم ويحس بي
فاروق
ياسر هو انا دكتور مدني مش عارف بيعمل اية دة انا شغال مع المخابرات من 20 س وانت عارف انا في المستشفي دي لية
ياسر
علشان مهمة السفير اياة
فاروق
طيب اخرس بقي وما تخلنيش اندم اني حكيت لك
ياسر
دة انت اخويا يا فاروق واول ما عرفت انك هنا بنيت خططتي عليك
فاروق
خطة مجنونه من واحد مجنون زيك تفتح بطنه بمطواة علشان تزرع له جهاز تعقب
ياسر
كان هيتزرع ازاي الا بالطريقة دي وبعدين هو انا غشيم ما انا عارف انا هفتح جرح قد اية وعمق كام سنتيمتر وبسبب الجرح دة هينزف دم اية ويبقي قدامة قد اية قبل ما يموت دة انا ياسر منصور
فاروق
عارفك وعارف جنانك
ياسر طلع شيك وحطة في جيب فاروق وقال
طيب خد دة
فاروق
كام
ياسر
اللي انت طلبته وزيادة
فاروق
ماشئ الكلام ،،،،،،،،،،
وخلص ياسر مع فاروق ورجع للاوضة المحجوز فيها علي ولقي فرح واقفة بتتكلم في الموبيل مع حد شافته بصت له وخلصت مكالمتها وقفلت راح لها ياسر ووقف قصاد منها وقال
استاذ علي عامل اية دلوقتي
فرح
الحمد لله بقي احسن
ياسر
الحمد لله انتي ما تعرفيش انا كنت قلقان عليه قد اية
فرح
باين علي حضرتك انك شهم ولولاك كان بابا
وسكتت فرح لكن ياسر قال
نحمد ربنا اني كنت موجود بحكم شغلي
ومد ايدة وسلم علي فرح وقال
ما عرفتكيش بنفسي ياسر منصور صحفي في موقع في الفن
مدت فرح ايدها وسلم عليها وقال
اهلا بحضرتك وانا فرح بنت علي الراوي الكبيرة وطالبة في رابعة اعلام
ياسر
الله يعني هنبقي زمايل
فرح بابتسامة خفيفة
بس انا مش هبقي صحافية انا باذن الله ناوية ابقي مذيعة
ياسر
ربنا يوفقك ،،،،،،،،
وبدات الايام تدور وعفاف راحت ل ياسر المكتب وكانت مضايقة وقالت
عدي شهر ولسة احنا زي ما احنا في اية انت شكلك نسيت انا رجعتك لية هنا
ياسر
مش ناسي بس انتي اللي ناسية احنا بنتعامل مع مين واللي انتي ما عرفتيش تعملي في اربع سنين عايزاني اعمله انا في شهر
عفاف
اخلص يا ياسر وقولي احنا قدمنا قد اية
ياسر
مش اقل من اربع خمس شهور
عفاف بعصبية
لية دة كله
ياسر
انا بخطط له علي نار هادية،،،،.،،،
في نفس الوقت كانت فاتن قاعدة جنب علي وبتنادي وبتقول
ثريا هاتي القهوة
علي
دخلت دماغك ثريا دي
فاتن
عيلة غلبانة وواخدة بحسي وربنا يبارك لها صاحبتي مديحة هي اللي رشحتها ليا
علي
مع انك ما كنتيش بتحبي حد غريب يدخل بيتنا ويساعدك
فاتن
دة كان زمان انما انا دلوقتي كبرت وما بقتش قادرة زي الاول اشتغل في البيت
هنا ثريا جت وحط صنية القهوة قصاد علي وفاتن وقالت
حاجة تانية يا ست فاتن
فاتن ب ابتسامة
لا ارتاحي انتي بقي شوية انتي تعبتي النهاردة
ثريا
تعبك راحة يا ست فاتن
ومشيت ثريا وفاتن قالت ل علي
بذمتك مش بنت حلال
علي
انتي عرفاني انا ما بحكمش علي الناس بسرعة بس هي مريحاكي خلاص خليها
فاتن
اة مريحاني ،،،،،،.،
وبالليل ومن الاوضة اللي في جنينة فيلا علي الاوضة اللي بتنام فيها ثريا يصحي علي وعيلته علي صوت صريخ جريوا بسرعة ناحية الاوضة علشان يلاقي رجل اسمه منير باين عليه انه سوابق بيضرب ثريا وقف قصاد منه علي وقال بعصبية
انت بتعمل اية
منير زق علي وقال
اية واحد بيربي مراته مالك انت
ثريا
قطع ايدك دة مالكش دعوي ب سي علي
منير
هو دة علي اللي قتل ابن الوزيرة مش كدة
علي ل ثريا
ثريا مين دة
منير
انا جوزها وعارف كل حاجة عنك وعارف كمان انا دافن ابن الوزيرة فين وقت ما خرجت بالليل من فيلتك انا كنت قريب من الفيلا ورقبتك
فاتن بارتباك
انت تخرس خالص وتخرج من هنا
علي بثبات انفعالي رغم قلقه وقال
فاتن سيبي يقول كل اللي عنده
وبص علي ل منير وقال
وتعرف اية تاني
ثريا
ولا كلمة تاني تتقال
ورمت ثريا فلوس في وش منير وقال
خد اللي انت جاي علشانه وغور من هنا
وطي منير وخد الفلوس اللي بقت علي الارض وحطهم في جيبة وقال ل علي
هنتقابل تاني
ثريا زقت منير وقالت
غور اطلع برة
وفضلت تعيط بحرقة وهي بتبص ل فاتن وبتقول
مالكش دعوي بي دة البرشام لحس له دماغة ومش عارف هو بيقول اية
علي بص في عيون ثريا وقال
يقول اللي يقوله انتي بقي فتحتي له لية ودخلتي الفيلا طالما هو واطي كدة
ثريا وهي بتعيط
ما قدرش ما افتحش والا مش هيخليني اشوف عيالي ابدا
علي
ما تتكررش تاني ولو في مشكلة بينك وبينه تتحل بعيد عن فيلتنا
وسابهم علي ومشي وثريا قالت ل فاتن وهي بتبوس ايدها
احب علي ايدك بلاش سي علي يزعل مني ويمشيني من هنا بسبب اللي قاله منير دة
فاتن
ما تخافيش انا هتكلم معه وهتخلص علي خير ،،،،،،،،
ويخرج منير دة من الفيلا ويروح ناحية عربية كان فيها ياسر بص له وقال
عملت كل اللي حضرتك طلبته
ياسر
ومراتك الظابطة ثريا عملت اية
منير
اديتها علقت موت
وضحك منير فقال ياسر
ايدها تقيلة
منير
ما انا في حمايتك يا باشا
ياسر
هخلصهالك
منير
بس تفتكر يا باشا ان اللي قولته جوة دة هيخلي يروح ينقل الجثة من مكانها
ياسر
لو قلق لازم يعمل كدة
وبص ياسر علي جهاز قصاد منه بيعرض حركة علي عن طريق جهاز التعقب اللي زرعه جوة منه وقال ياسر
هو دلوقتي بيتحرك كتير جوة فيلته يعني بيفكر المفروض يعمل اية
وفجاة شاف ياسر علي بيخرج من الفيلا وركب عربيته واتحرك فرح ياسر وقال
مش قولت لك اهو اتحرك
وياسر اتحرك وراء منه وعلي وصل للمدافن ونزل من عربيته وراح ناحية جبانه ووقف قدام منها لكنه فجاة اختفي اتصدم ياسر وفضل يدور عليه في كل مكان وقلب المدافن عليه ومنير كان معه وقال باستغراب
راح فين دة
ياسر
ارجع بسرعة العربية هات لي جهاز التعقب
وفعلا دة حصل ورجع منير بجهاز التعقب وبدا ياسر يشوف علي الجهاز حركة علي لغاية ما وصل للمكان اللي في علي وشاف في المكان اللي رصدته الجهاز حد واقع علي الارض ومتكتف قرب من اللي واقع علي الارض دة والظلمة مش مبينه ملامح وشة طلع كشاف وشاف. عفاف اتصدم وقال
عفاف ،،،،،،،،
عيلة الراوي 2
الرؤية
الحلقة الثالثة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ياسر بعد ما فك عفاف لقي جهاز التعقب فوق جسمها بص للجهاز وقال
كان عارف اني وراء
وبص ل عفاف وقال
انما انتي اية جابك هنا
عفاف
مش انت بعت لي رساله من رقم غريب مكتوب فيها انا وصلت ل جثة عماد
ياسر وهو بيرمي جهاز التعقب علي الارض
انا ما بعتش حاجة دة هو اللي طلع بيلعب بينا وعرف اننا مع بعض
عفاف
وازاي عرف ،،،،،،،،،،
ونرجع بالاحدث ل كام يوم وعلي عند دكتور باطنة وقاعد قصاد منه وبيبص ل قرحة في اول طبقات لحم البطن مكان الطعنه اللي خدها فقال الدكتور
واضح كدة يا علي ان مكان الجرح ملوث ودة اما بسبب ان في عملية الخياطة تمت ليك بعدة ملوثة مش متعقمة كويس ودة احتمال ضعيف جدا او ان جسمك حساس ورافض الخياطة ودة سبب القرحة
علي
طيب ونتاكد ازاي ونعرف اية سبب القرحة دي
الدكتور
هعملك سونار اشوف اية سبب القرحة دي
وبدا الدكتور يعمل سونار وشاف جهاز التعقب اللي كان صغير جدا بيت طبقة اللحم الثانية والثالثة فقال ل علي
في شئ صغير جدا موجود بين طبقات اللحم
علي
ودة اية
الدكتور
دة اكيد حاجة اتنست وقت ما الدكتور كان بيخيط لك الجرح ودة اللي مسبب لك القرحة
علي
ودي علشان تطلعها لازم تفتح لي مكان الجرح تاني
الدكتور
لازم ،،،،،،،
وبعدها بشوية كان علي واقف قصاد خبير في الاجهزة الالكترونية وعلي بيدي له جهاز التعقب وبيقول
دة كان جوة جسمي عايزك تعرف لي اية دة
بدا الخبير يفحص الجهاز وقال
دة جهاز تعقب من اللي بيساخدمو في الدخلية والمخابرات
علي اتصدم لكنه رجع تاني وسيطر علي نفسه وقال
تمام اوي ،،،،،،،،،
ومن جوة شركة علي يقف مدير اعماله وصاحبه الوحيد خيري قصاد علي اللي كان بيقوله
المهندس خلص ولا لسة
خيري
خلص مع اني مش عارف اية لزمة الكاميرات الجديدة دي ما اللي كانت عندنا كاشفة لينا الشارع كله
علي
احنا محتاج كاميرات تكشف لي الشارع والقسم بالذات وبجودة عاليه واقدر من خلال الابلكيشن الخاص بيها لو انا في بيتي اراقب كل اللي بيحصل هنا
خيري
ولية دة كله
علي
خيري انت بقيت حشري اوي
خيري
نفسي افهم انت بتفكر في اية ودماغك دي جوة منها اية
علي
ولا اي حاجة غير اني اعيش في سلام انا وعيلتي لكني مش عارف بسبب غلطة في حق ناس ما ينفعش نغلط في حقها لكن هما يغلطو عادي سيبك
وطلع علي موبيلة وفتح الابلكيشن وبدا يشوف اللي بتسجلة الكاميرات وبتعرضة عندة علي الموبيل ،،،،،،،
وفي يوم علي دخل شركتة وكان طلب من خيري يجيب له مونتاج اخر فيلم وقال لنفسه عقبال ما خيري يجي يفتح الابلكيشن ويشوف الكاميرات سجلت اية وفعلا فتح الابليكشن وشاف عفاف وهي داخلة القسم برق وركز جدا في الفيديو وقال ل نفسه
اية اللي جابها هنا دي دة انا كنت حاطط الكاميرات علشان حاجة تانية اصطادك انتي اكيد زيارتها للقسم مش صدفة وانا المقصود
هنا يدخل عليه خيري وفي ايدة علبه جوة منها فيلم خام وكان بيقول
المونتاج اهو
لكن علي فضل يكلم نفسه وهو بيقول
بس لو اعرف دخلتي ل مين جوة
وبدا يجري الفيديو وخيري عمال يكلمة وعلي ما بيردتش لغاية ما سجلت الكاميرات عفاف وهي خارجة من القسم ومعها ياسر وقف الكاميرا وقال ل نفسه
ودة مين
ولف الموبيل ناحية خيري وقال
مين دة
خيري
اخيرا رديت عليه دة ان،،،،،،،،
علي ما كنش عنده استعداد يسمع اي رغي كان كل اللي عايز يعرفة مين دة وكرر سؤاله ل خيري وقال
انت تعرف كل اللي في القسم قولي مين دة
خيري
دة ياسر منصور لسة منقول جديد من حوالي كام اسبوع
علي
وتعرف اية تاني عنه
خيري
اعرف انه شراني وما حدش بيحبه في القسم لانه تنك وشايف نفسه انما مش دي عفاف حاتم اية اللي جابها هنا وتعرف ياسر دة منين
علي
دي اسئلة اجابتها هتكلفنا كتير انما مش خسارة فيهم ،،،،،،،
وفعلا عرف علي باللي بين ياسر وعفاف ودة عن طريق امين شرطة قديم في القسم وبدا علي يخطط ويدبر لغاية ما جه منير واتخانق مع ثريا قدام منه ومنير قال انه يعرف المكان اللي دفن في عماد ودة كذب لكن علي فهم اللي بيخطط لي ياسر وطلع من دولابه شريحة قديمة وحطها في موبيله وكتب رساله ل عفاف
** انا ياسر منصور وحبيت اعرفك ان عرفت المكان اللي مدفون في ابنك وعايزك تحصليني علي هنا واوعي تحاولي تتصلي بيا لان موبيلي في حد هكره ومش بعيد يكون علي الراوي علشان كدة انا ببعت لك الرسالة دي من رقم غريب الساعة 3 بالظبط تكوني في مقابر البساتين من ناحية الطريق الاسفلت هتلاقيني هناك مستنيكي **
وفعلا راحت عفاف وقدر علي بحكم معرفته بالمقابر كويس لانها مقابر عيلته ووقت ما كان ياسر ومنير وراء منه يدخل من حارة صغيرة ويهرب منهم ويوصل ل عفاف ويكممها ويكتفها ويرميها علي الارض ويحط جهاز التعقب فوق جسمها ويهرب ويفسي عجل عربياتهم بسكين صغير كان وسط هدومة ورجع ل فيلته ،،،،
ونرجع تاني ل عفاف اللي وصلت فيلتها في تاكسي وهدومها كلها تراب الترب وكان معاها ياسر ونزلت من التاكسي وهي متعصبة اوي وبتقول
الهبل اللي حصل دة انا هدفعك ثمنة غالي
ياسر
اتكلمي باسلوب احسن من كدة انا مش شغال عندك
عفاف بعصبية
لا شغال وانت موجود في قسم الهرم علشان تنفذ اللي انا عايزا ولو مش هتعرف قول وخليني اشوف غيرك طالما انت مش قادر
ياسر
باين عليكي مش عارفة انتي بتقولي اية وانا مش هرد عليكي دلوقتي
وقال ياسر كدة وبص للسواق وقال
اطلع يا اسطي
واتحرك السواق وعفاف راحت ناحية باب فيلتها علشان تلاقي باب الفيلا بيتفتح ونور بيظهر لها ويبص للتراب اللي علي هدومها ووشها ولسة هيتكلم قالت عفاف بحدة
خلي اي تعليق منك ل بعدين انا مش ضايقة نفسي
ودخلت الفيلا ونور وراء منها وهو بيقول
ممكن اعرف انتي كنتي فين
عفاف وهي مكملة في طريقة ل اوضة النوم
كنت مطرح ما كنت ما لكش دعوي بيا
مسك ذراعها وخلاها تقف ولفت وشها ناحيته وهو قال بعصبية
كنتي فين وراجعة بالمنظر دة انطقي
بصت له في عيونه وقالت بجبروت
مش شايف انك بدل ما تعمل راجل عليه روح اتشطر علي اللي قتل ابنك وانت مش قادر تجيب حقة
نور
تاني
عفاف بحرقة
تاني وتالت ورابع ومليون اصل اللي مات دة مش كلب كنت بربي دة ابني
ونزلت دموع الحرمان اللي حرقت خدود عفاف ونور ساب ذراعها وقال
عفاف حاتم بتعرف تعيط
عفاف
عفاف حاتم ام واتحرمت من ابنها ومهما اقول لك انا حاسة باية انت مش هتحس لانك ما حبتش عماد لانه ديما كان سبب مشاكل ليك
نور
انتي مجنونه في اب مش هيحب ابنه
عفاف
ولما انت بتحبه لية سايب علي الراوي متمتع بحياته ما تعمل حاجة
نور بحدة
اعمل اية اروح البيت وافرغ في رصاص مسدسي علشان ترتاحي احنا في دولة قانون وبالقانون علي ما قتلش ابنك دة حتي بالقانون ما فيش دليل واحد علي ان ابنك مات فاهمة ولا خلاص مخك مات بطلتي تفهمي
عفاف
الكلام معاك بقي مضيعة للوقت وانا ورايا كتير اوي اعمله وتصفية حساب علي الراوي اللي تقل
وطلعت عفاف ناحية اوضتها ونور بيقول
يبقي هو اللي عمل فيكم كدة
ما ردتش عفاف وطلعت ونار الغل والكره بتاكل كل ذرة في جسمها ،،،،،،،،،
من جوة مكتب ياسر كان ياسر قاعد علي مكتبه وعمال يفكر ازاي علي قدر يعرف بالعلاقة اللي بينه وبين عفاف وقام وقف في شباك مكتبه وبص ل شركة علي وهنا تقع عيونه علي الكاميرات الموجودة قصاد شركة علي وابتسم وقال
بقي هي كدة طيب وماله يا عم علي مات ياسر منصور الظابط علشان يعيش ياسر منصور الصحفي وبرافو عليك كسبت اول جوله لكن الجولة اللي جاية بتاعتي وفرح هي الحصان الكسبان اللي هلعبك بي ولو راجل سد،،،،،،
وطلع النهار وياسر راح ل فرح كلية الاعلام وبدا يرمي شباكة حوالين قلب فرح ومع مرور الايام حبت فرح ياسر وبقت تكلمة كل يوم بدل الساعة ساعتين ،،،،،،
وفي احدي الايام كانت ثريا جوة المطبخ وبتكلم ياسر وياسر بيقول
النهاردة تعملي وتقولي اللي هقول لك عليه بالظبط ،،،،،،،
وفي يوم من الايام وبالليل كان علي سهران برة في الشغل وفاتن قاعدة مع ثريا وفرح بتكلم ياسر في الموبيل زي كل يوم وشيماء نامت وفاتن كانت بتقول ل ثريا
واية اللي يخليكي تستحملي واحد زي منير دة
ثريا
النصيب ما انا كنت صغيرة وقت ما اتجوزته وخلفت منه ولد وبنت وعلشانهم انا مستحملة الذل والقهر
فاتن
انتي بتحبي
ثريا
في واحدة تحب سبب حزنها بس انا ام وبعمل علشان عيالي كل اللي اقدر عليه زيك مش انتي برضو عندك استعداد تضحي علشان بناتك دة كفاية اوي الاشاعات اللي حوالين عيلتكم ودة اللي مخلي العرسان ما يقربوش ناحية بنتكم مع انها جمال وادب واخلاق وبرضو عماد علي مات كان شاب مؤدب والناس كلها بتحلف باخلاقة
فاتن بعصبية
دة كان شاب مدلع ومستهتر ويستاهل كل اللي حصل في
ثريا شغلت مسجل صغير كان وسط هدومها وقالت
وهو اية اللي حصل في
فاتن بغل
اتق....
وسكتت فاتن قبل ما تكمل كلمة اتقتل بصت لها ثريا وقالت
ما قولتيش اية اللي حصل في احب اعرف الحقيقية منك
فاتن
ثريا كفاية رغي بقي وقومي اعملي فنجان قهوة
ثريا اضيقت لكنها ما كنتش ينفع تبين وقامت وهي بتقول
حاضر
ودخلت ثريا المطبخ وفاتن فضلت تلوم نفسها وتقول
اية اللي انا كنت هعملة دة غبية يا فاتن،،،،،
ومن جوة المطبخ كانت ثريا بتعمل القهوة وقت ما طلعت موبيلها واتصلت علي ياسر اللي كان لسة بيكلم فرح فبص ياسر للموبيل ولقي رقم ثريا فقال ل فرح
طيب فرح انا لازم اقفل دلوقتي علشان مديري في الشغل بيتصل بيا
فرح
بيتصل دلوقتي
ياسر
هو راجل مجنون هشوفه عايز اية
فرح
مش عايزاك تقفل معايا
ياسر
هقفل معه وهرجع اكلمك تاني
وقفلت فرح ورد ياسر علي ثريا وقال
بتتصلي لية
ثريا
اتقتل
ياسر
اعترفت
ثريا
كانت هتقولها لكنها لحقت نفسها في اخر لحظة
ياسر بحدة
يعني اية ما طلعتيش باعتراف صريح منها
ثريا
كانت هتعترف بس،،،،،،
ياسر قاطعها وقال
ما فيش بس انا واخد امر من النيابة بالتسجيل والتحريات لمدة 48 ساعة بس ولازم تخليها تنهار وتعترف باي كلمة علشان بعدها افتح التحقيق في القضية من تاني
ثريا
ما انا مش عايزا ابان اني مهتمة اوي بحكاية عماد واللي حصل والا فاتن هتشك فيا ولو الشك اتسرب ل قلبها مستحيل هتسبني في البيت عندها دي تعليمات حضرتك
ياسر
طيب خلاص انا هتصرف ،،،،،،،،،،
ومع اذان الفجر يرن موبيل فرح فتمد فرح ايدها وتلاقي رقم غريب بيتصل بيها استغربت وردت وسمعت صوت خروشا وصفارة طويلة وضحكة مرعبة وصوت خشن بيقول
جاي لك رسالة من تحت الارض والقبر اللي في الجنينة بتاعتكم يشهد عليكم
اترعبت فرح والموبيل وقع من ايدها في نفس الوقت شافت نور جاي من جنينة الفيلا قامت وهي مرعوبه وراحت ناحية شباك اوضتها وبصت من وراء شباكها وشافت عماد واقف تحت الشجرة اللي ادفن عندها والكشاف في وشة مخلي المنظر مرعب صرخت فرح وجريت ناحية باب الاوضة وحاولت تفتح الباب لكن الباب ما كانش عايز يتفتح خبطت علي الباب وهي بتصرخ وعماله تنادي علي ابوها لكن الغريب ان علي ماردتش ندهت علي امها وبرضو ما حدش رد بدات تترعب اكتر لكن في الوقت دة باب الاوضة اتفتح وشافت خيال حد بيجري في الطرقا جريت علي باب اوضة نوم ابوها وامها وفضلت تخبط لكن الغريب ان ما حدش منهم فتح او حتي ردو عليها وهنا ظهر يظهر عماد في اول الطرقا صرخت فرح وبدا الخوف يضرب كل خلايا جسمها ووقعت علي الارض ودخلت في نوبه الصرع ،،،،،،،،،،،
وفي نفس الوقت ثريا كانت واقفة عند باب الفيلا الداخلي وقصاد منها عماد اللي مسح المكياج عن وشة وبقي ياسر وقال
تطلعي حالا وترجعي فرح اوضتها عايزا تصحي تلاقي نفسها نايمة في سريرها
ثريا
ولية كدة سيدك
ياسر
علشان بكرة لما عيلتها يفوقو من المخدر اللي انتي حططتي في الشاي وهي تحكي لهم ما حدش يصدقها ويقنعوها انها كانت بتحلم
ثريا
وهنستفاد اية من كدة
ياسر
هتلجاء لي علشان اساعدها ودة بقي اللي انا عايزة لازم اعصابها تتدمر وتعترف باللي حصل علشان ينهار علي ويعترف هو كمان ،،،،،،،،،
وتاني يوم الصبح تصحي فاتن كالعادة وتدخل اوضة بنتها شيماء وتصحيها وتروح اوضة فرح وتصحيها لكن فرح كانت لسة ما نسيتش اللي شافته فاتفزعت وبصت حوالين منها برعب شديد فقالت لها فاتن وهي بتاخدها في حضنها
فرح مالك
فرح وهي لسة بتبص حوالين منها
عماد
فاتن اتخضت علي بنتها وقالت
واية اللي فكرك بالزفت دة
فرح
شوفته امبارح عند الشجرة مكان ما بابا دفنه
فاتن اتفزعت من كلام بنتها
فرح انتي بتقولي اية
فرح
بقول اللي سمعتي يا ماما
فاتن
حبيبتي دة مجرد كابوس
فرح
لا مش كابوس
هنا فاتن تسمع صوت علي وهو بينادي علي عليها فترد وتقول
تعالي يا علي انا هنا في اوضة فرح
انضم لهم علي وهو بيقول
صباح الكسل لسة ،،،،،
لكنه شاف ملامح الفزع علي وش بنته فقال
في اية ،،،،،،،،،
وبعد ما حكيت فرح اللي حصل جري علي بسرعة ناحية الاوضة اللي فيها الشاشة اللي بتعرض كل اللي بتسجلة الكاميرات وبدا يعيد كل اللي اتسجل لكنه ملقاش اي شئ غريب والكاميرات ما سجلتش اي حد غريب دخل او خرج للفيلا ورجع ل فرح وقال
باين عليكي كنتي بتحلمي
فرح بعصبية
انا ما كنتش بحلم والله العظيم دة حصل
علي
طيب اهدي انتي متعصبة لية
فرح
علشان طريقتكم معايا طريقة مش حباها بتاخدوني علي قد عقلي
علي
طبب نتاكد ازاي بان اللي شوفتي حصل وانتي بتقولي في رقم رن عليكي وشوفنا سجل المكالمات عندك وملقناش اي حد اتصل بيكي
فرح
ما عرفش ازاي دة حصل بس انا مش مجنونه والله دة حصل
علي
خلاص يا فرح حصل ممكن بقي تهدي علشان نوبه الصرع
فرح
اهدي ازاي وعماد عايش وبيطلع لي وشكلة ناوي ياخد حقة مني بعد اللي انا عملته في
علي بعصبية
يعني دة كلام تقولي وانا كام مرة احذرك ان حكاية عماد دي تنسيها علشان مصلحتك
فرح
انساها ازاي وهي سبب ان ما فيش حد قرر يرتبط بيا بعد اللي حصل انساها ازاي وانا بسمع اللي بيتقال في ظهري عنك وعني واخرتها اشوف عماد بعد ما قتلته بايدي
في الوقت دة كانت ثريا واقفة علي الباب وبتسجل كل اللي بيتقال ،،،،،،،
وبعدت ثريا التسجيل ل ياسر اللي سمعه وضحك اوي وسقف ل نفسه وقال
والله ووقعت يا علي وبالتسجيل دة يتفتح التحقيق تاني والمرة دي التسجيل بامر من النيابة
لكن في عز فرحته رن موبيلة واللي كانت بتتصل فرح ف رد وقال
حبيبة قلبي فرح
فرح كانت بتعيط وبتقول
بابا شايفني مجنونه با ياسر
ياسر باستهبال
اية بس اللي حصل
حكيت له وياسر استغرب واستغرب وكانه اول مرة يسمع اللي حصل دة فقال
فرح انا مصدقك وهاجي النهاردة بالليل علشان اتكلم مع باباكي واخلي هو كمان يصدقك
فرح
وانت لما تيجي هتتكلم مع بابا بصفتك اية
ياسر
خطيبك وعايز اتجوزك
فرحت فرح وقالت
بجد يا ياسر
ياسر
جد الجد ،،،،،،،،
ومن جوة فيلا عفاف يقعد باسر قدام منها بعد ما سمعها التسجيل اللي في اعتراف صريح ل فرح فقالت عفاف
هي اللي قتلته
ياسر
هي
عفاف
ومستني اية ما تقبض عليها
ياسر
اعترافها من غير جثة مش دليل قوي لكنة دليل هيقلب حياة علي الراوي
عفاف
انت ناوي علي اية
ياسر
هحط علي تحت سناني واندغ لحمة
ب عضمة،،،،،.
ويجي الليل ووقت ما كان علي قاعد مع بناته يرن موبيلة برقم غريب فيرد قائلا
الو
فيرد ياسر
ما تبص من الشباك كدة
علي
انت مين
ياسر
ياسر منصور
علي
مفتش المباحث ولا الصحفي
ضحك ياسر وقال
دة انت لسة زعلان مني بقي اكمني فتحت بطنك وحطيت لك جهاز تعقب
علي وصل عند الشباك وبص ل ياسر اللي كان واقف عند الشجرة اللي اندفن تحت منها عماد وقال بثبات انفعالي رهيب
في الحرب ما ينفعش ازعل من عدوي لما يجرحني جرح بسيط لان الجرح دة خلاني اخد بالي والرؤية عندي تزيد واشوف ل بعيد
بدا ياسر يتحرك ناحية باب الفيلا وهو بيقول في الموبيل
وشوفت اية في الرؤية بتاعتك
علي
شوفتك جاي لي وانت فاكر انك كسبان لكنك ما تعرفش انك غلبان
ياسر اتعصب وقال
تقصد اية
هنا تمسك فرح الموبيل من ابوها وتقول
عيلة الراوي بتعرف تصطاد ما حدش يعرف يصطادها يا ياسر باشا ولو كان علي التسجيل اللي معاك ف دة مبقاش موجود لاني لما كنت معاك اخر مرة عملت لك ضبط مصنع وبعدها رجعت الموبيل معاك زي الاول علشان ما تعرفش باللي انا عملته وتفضل فاكر انك قبل مننا لكنك ما تعرفش انك وراء مننا ديما وبخطوة
نزل ياسر الموبيل من علي ودنه وفتح الملفات الصوتيه ولقي كل اللي علي الموبيل اتمسح اتصدم ورمي الموبيل في الارض وبص بغل شديد ل علي وبنته اللي كانت واقفة في ظهرة بتتحامي في وبتقوي بي.
ويروح ياسر ناحية باب الفيلا وهو زي المجنون ويخبط علي الباب بمنتهي العنف وفتح له علي الباب وبدون اي مقدمات مسك ياسر في رقبة علي ابتسم علي وياسر بيقول
انت تلعب بيا انا دة انا اقتلك فيها
وفعلا طلع ياسر مسدسة وحطة في نص دماغ علي ابتسم علي و قال بثبات انفعالي يرعب
اخر مرة اختك كانت فيها هنا عملت نمرة شبة دي بالظبط لكني طلعتها مسرح وخليت اللي ما يشتري يتفرج اصلي راجل بتاع افلام واعرف اعمل كدة اوي فنزل مسدسك لانك مش بعيد تكون علي نفس المسرح وبعد ما تخرج من عندي ما تبقاش مفتش مباحث
بدا يتوتر ياسر وبص حوالين منه في سقف الفيلا علشان يشوف لو في كاميرات او اي حاجة تكون سجلت اللي حصل وفهم علي ياسر بيبص ل فوق لية وقال
هو انا لوحاطتت كاميرات هخليك تشوفها في حد بيصطاد يوري الشبكة للفريسة
رجع ياسر سلاحة في جرابة وقال
معاك حق عرفت تكسبني وفي تاني جوله بيني وبينك
وبص ياسر ل فرح اللي ظهرت هي وامها واختها وقال
ازيك يا فرح افتكر شكلي كدة احسن من غير الماسك الغامق اللي كنت بتنكر في
ماردتش فرح لكنه بص ل علي وقال
ما تجيي بقي نلعب علي المكشوف وقولي عرفت ازاي اني انا سجلت لك
وبص ل فرح وقال
وانتي ازاي عرفتي اني ياسر منصور مفتش المباحث مش الصحفي
علي
لكل حصان كبوة وانت غلط لما قدمت نفسك ل بنتي علي انك صحفي شغال في موقع في الفن وبنتي بطبيعتها بتحكي لي علي كل حاجة بتحصل في يومها اصلي بالنسبة لها مش اب وبس ودة اللي انت ما عملتش حسابة وافتكرت انك هتعرف تلعب بيها لكن هي اللي كانت بتلعب بيك
اتصدم ياسر لكن علي قال
لسة بدري اوي علي الريكشن دة اصل انا شكيت فيك من وقت ما عرفت نفسك
ل بنتي وجت وقتها فرح وحكيت لي
وقالت ،،،،،،
ونرجع ل كام يوم وراء وكان علي لسة راجع من المستشفي وقاعد مع عيلته وبنته بتقول له
اسمه ياسر منصور من موقع في الفن
استغرب علي وقال
موقع في الفن طيب ازاي دخل دة كل الصحفيين اللي تبع الموقع دة ممنوعين من دخول اي عرض خاص ل افلامي بسبب هجوم صاحب الموقع عليه باستمرار وكمان ياسر دة وقت ما اضربت بالمطواة دخل القاعة من برة يعني ما كنش موجود وقت عرض الفيلم
فرح
ودة يا بابا معني اية
فكر علي للحظات وقال
ملهوش اي معني دلوقتي لكن بلاش نستعجل ونسيب الايام تجاوب
فاتن
علي انت شاكك في اية ما انا عارفاك لما بتبقي شاكك في حاجة
علي
انا ما عرفش اي حاجة دلوقتي غير ان في رؤية تخليني اخد بالي اوي من كل اللي جاي،،،،،،،
ونرجع ل علي اللي كان بيقول ل ياسر
واختفيت انت من حياة بنتي لغاية تاني يوم ما كنا في المقابر وعلمت عليك وقتها رجعت تظهر في حياة بنتي بطريقة مريبة مش اللي هي طريقة خلت فرح تشك فيك وجت لي وحكيت لي وانت حتي ما كلفتش خاطرك انك تغير اسمك زي ما غيرت شغلك لكنك معذور لان مستحيل كان يخطر علي بالك اني بنتي تحكي لي عن راجل اصغر من ابوها بكام سنة بيلعب عليها لعبة الحب والجواز وفاكر انها هتضعف علشان هي نفسها تتجوز لكن حكايتها مع عماد مخليا الكل يبعد
ياسر بص ل فرح اللي كانت بتقول
دة هو كمان ما يعرفش اني كنت كتير يكلمة قصاد منك
علي
ما اللي عايش في برج عالي بيبقي شايف الناس كلها صغيرة لكن احنا كبار مش صغيرين انتو بس يا بشاوات اللي محتاجين تشوفنا صح
ياسر كتم غيظة وقال
انا بعمل شغلي وبجيب حق مظلوم مات علي ايدك بنتك
علي
والمظلوم دة علشان منكم يبقي لي الحق يصور بنات الناس عريانين ولا يبقي لي الحق يمد ايدة علي جسم مراتي عيب والله راجل شرقي يقول كدة
ياسر
ما فيش دليل واحد علي اللي انت بتقوله وعماد مظلوم وبنتك قتلته
علي
هستخدم نفس جملتك لو سمحت لي وهقول مافيش دليل واحد علي ان بنتي عملت كدة
ياسر
بنتك اعترفت
علي
فين التسجيل
ياسر
استغلت اننا كنا مع بعض النهاردة الصبح ومسحته لكن اكيد هو موجود علي موبيل ثريا
علي استغرب وقال
ثريا مين
ياسر
ثريا مين الخدامة اللي عندكو
علي بص ل فرح
هو احنا عندنا خدامة بالاسم دة
ياسر ابتسم وقال
لا يا علي دي فيها اعتقال ثريا من فريق المباحث بتاعي ولو اذيتها اتاكد ان الدخلية كلها هتتقلب عليك
علي
وازاي هي من المباحث وتكون هنا وهي اصلا موقوفة عن الخدمة في قضية رشوة دة هي حتي شهادتها قصاد المحكمة ما يتاخدش بيها
برق ياسر وقال
انت عرفت ازاي
علي
الرؤية مع شوية فلوس اترمت ل امين شرطة حبيبي يعرف القديم والجديد في المباحث وكمان بالعقل كدة صاحبة فاتن مراتي بدون اي مقدمات بدات تلح علي مراتي ف انها محتاجة خدامة تساعدها ومراتي وفقت ودخلت علينا ثريا هانم وكان باين انها ماشتغلتش في بيوت قبل كدة اصل بيبان علي الست اللي شايلة الهم وشايفة الشقي لكن ثريا ست بيت زيها زيي مراتي ومدخلتش عليه انها خدامة لكني اتعلمت من الدنيا ان كل حاجة بتحصل ليها سبب وطالما دي دخلت البيت عندي يبقي في سبب من دخولها والسبب دة يخصك اصل شغل المباحث قديم وهو هو وسبتها لغاية ما جه جوزها او اللي عامل جوزها وفضل يضرب فيها قدام مننا ضرب كله تمثيل في تمثيل ما فيهوش غل شكيت واتاكد ان ثريا وجوزها معاك لما كنا في المقابر وهو معاك وانتم بتجروا ورايا
كل دة بيتقال وياسر بيغلي من جوة لكنة ساكت وكل اللي عليه بيسمع ل علي بتركيز شديد وعلي بيقول
وهنا بقي كان قدام مني حل من اتنين اما اني اطرد ثريا ودة هيخليك تشك اني عرفت وتبدا تدور علي خطة تانية توقعني بيها او اما اسيبها واشوف اخرة اللي انت بتفكر في اية
وابتسم علي وهو بيقول
وكل اللي انت بتخطط لي بان قدام مني لما ثريا قعدت مع مراتي في الميعاد اللي هي المفروض بتكون نايمة في لانها ديما كانت بتقول انها بتحب تنام بدري وبدات تحوم ودور حوالين حكاية عماد ومراتي حكيت لي اللي حصل وعرفت انك بدور علي اعتراف او كلمة تفتح بيها التحقيق تاني في القضية قولت وماله نوصلك للي انت عايزة وسبتك تخطط وترسم لليلة اياها اللي كنت فيها عايز ترعب بنتي ومع انك قدرت تهكر كاميرات المراقبة الا انك نسيت اني منتج سينمائي والمونتاج والقص واللصق اللي في الفيديو انا اقدر اكشفة واعرف ان كان مظبوط ولا في خلل
لسة هيتكلم ياسر قال علي
قبل ما تتكلم وتظلم اللي لعب في الفيديو هو قص الوقت اللي انت كنت في جوة الفيلا لكنه نسي ان كاميرات المراقبة الديجتال بتعرض الوقت بالتفصيل يعني
الساعة جنب منها عداد الدقايق جنب منها الثواني والفيديو اتقطع حوالي 20 دقيقة ورجع وكان عداد الثواني عند القطع 50 ثانية ولما رجع كان عداد الثواني 40 ثانية هو احنا بنطلع بالزمن ل قدام ولا
ل وراء
سقف ياسر ب حرقة شديدة وقال
انت لاعيب جامد اوي وبجد اشهد لك انك عبقري
علي
انا انسان بسيط جدا كل اللي عايزة منكم تبعدوا عني وعن عيلتي
ياسر
هبحصل لما المذنب ياخد جزاءة
علي
والمذنب دة اللي هو احنا
ياسر
احنا قدام جريمة قتل ولازم اللي قتل يتعدم دة القصاص
علي
عيلتي كانو في حاله دفاع شرعي عن النفس
ياسر
سلم نفسك وقول الحقيقية وعرفنا فين جثة عماد واوعدك اني اجيب لك حقك
ضحك علي اوي وقال
تعرف اني اول مرة اقابل مفتش مباحث دمه خفيف
واتقلب وش علي مرة واحدة وقام وقف وقال
تقدر تستاذن يا حضرة المفتش الزيارة انتهت
قام وقف ياسر وقال
تمام فين ثريا
علي
خدت مليون جنية ثمن سكوتها واختفت هي وجوزها
ياسر بص له بغيظ شديد وبص ل فرح وقال
لسة ما خلصتش
علي
عارف ومستني اللي جاي واتمني ان ربنا يكون معايا زي كل مرة بينصرني فيها عليكم
ياسر
ربنا مش هيرضي بانك تقتل القتيل وتفلت
علي
انا مش شيخ لكني اسمعك جزء من حديث نبوي من مات دون عرضه فهو شهيد يعني بالبلدي اللي يموت وهو بيدافع عن شرفه فهو شهيد واللي حصل كان دفاع عن الشرف سمعت الكلمة دي قبل كدة
ياسر
لا سمعت احالة اوراق القاتل الي فضيلة المفتي ودي اوعدك كلنا هنسمعها قريب وبنتك جوة القفص في قلب المحكمة
وخرج ياسر من الفيلا وهنا ظهرت فاتن وهي مرعوبه من تهديد ياسر لكن علي خدها في حضنه وخد بناته الاثنين وقال
ما تخافوش هتخلص علي خير باذن الله
وبص للباب اللي خرج منه ياسر وهو خايف من اللي جاي ،،،،،،،،،
بعدها بكام يوم ومن علي احدي الكافيهات في منطقة المقطم يقعد راجل شكله سوابق وكان بيشرب شيشة واسمه جابر الحنش وشاف في احدي البرامج عفاف بتقول للمذيعة
ايوة انا طلعت التصريح دة وعندي استعداد اقوله تاني اللي هيقدر يقدم دليل ادانة ضد علي الراوي اللي بنته قتلت ابني هيكون لي مكافاة مليون جنية
جابر طمع وبص للقهوجي وقال
ولا اية حكاية الولية دي ومين علي الراوي دة
القهوجي
انت مش متابع ولا اية دة حوارهم حوار وعدي عليه سنين وكان انتهي ما عرفش اية اللي فتح الكلام تاني
جابر
ما تفهمني طيب الكلام علي اية انت عارف اني كنت مسجون 4 سنين
حكي القهوجي حكاية علي وعفاف زي ما جت في البرامج وعلي النت ركز جابر قوي وبعد ما خلص القهوجي قال جابر
هو علي دة شكلة اية
القهوجي جاب صورته من علي النت بص جابر للصورة وقال
دة هو
القهوجي
هو مين
كان في الوقت دة جابر بيفتكر علي وهو خارج من مكان ما تحت الانشاء وفي ايدة كوريك بيستخدم في الحفر وفي ايدة كيس اسود جوة منه جثة ابتسم بمنتهي الشر وقال
مبروك عليه المليون ج ،،،،،،،،،،،،
وبعدها بكام ساعة ومن جوة قسم الهرم يقعد جابر قصاد ياسر منصور
وقصاد جابر تقعد عفاف وهي حطة رجل علي رجل وياسر قال ل جابر
اهي مدام عفاف جت. زي ما انت طلبت قول بقي اللي عندك
جابر بص لها وقال
في الاول المليون ج اللي انتي قولتي عليهم في التيلفزيون هاخدهم امتي
عفاف
لما اعرف انت تعرف اية
جابر
انا اعرف المكان اللي علي الراوي دفن في ابنك
عفاف انتبهت للكلام وبصت ل ياسر اللي قال
ولا. الكلام دة بجد ولا البرشام اللي انت بتاخده لحس لك مخك
جابر
تفتكر اني هاجي لغاية هنا واقول اي كلام وليك انت يا ياسر باشا دة انت معروف في الدخلية كلها بالثعلب
ياسر
طيب انهي وحياة اهلك وقول اندفن فين
جابر رجع بص ل عفاف وقال
المليون ج الاول
عفاف وقفت وبصت له وقالت
ساعة والفلوس هتكون في ايدك بس قول اللي عندك
جابر
بعد ما اخد الفلوس
وفعلا تعدي الساعة والفلوس تكون في ايد جابر وجابر بص ل ياسر وعفاف وقال
جثة عماد مدفونه هنا تحت القسم
اتصدم ياسر وعفاف حالها ما اختلفش
ياسر قام وقف وقرب اوي من جابر وبص في عيونه بشدة وقال
انت شارب حاجة صح
جابر بلع ريقة بالعافية وقال
والله ابدا يا باشا وعارف ان اللي بقوله دة ما يتصدقش لكني من اربع سنين وقبل ما اتسجن كنت علي طريق المريوطية هرم بسلم بضاعة والبوليس هجم علينا عرفت اهرب وكان الكلام دة قبل الفجر بساعة وانا بجري في الشوارع شوفت حاجة غريبة عربية ملاكي فخمة بينزل منها علي الراوي وبيروح ناحية شنطة العربية وبيفتحها وببخرج كيس اسود وبدا يسحب الكيس علي الارض ووقتها كان القسم دة بيتجدد لكن الكيس اتقطع وخرج من الكيس ايد بني ادم عليه تراب ودم ناشف بص حوالين منه قبل ما يرجع الايد جوة الكيس ودخل القسم اول اوضة علي اليمين اللي احنا قاعدين فيها دي وبدا يحفر وحط الجثة وردم وكنت واقف مش مصدق اللي انا شايفة لكني قولت وانا مالي وكملت هرب من البوليس لكنهم عرفوا يمسكوني وخد 4 سنين سجن خلصتهم ولسة خارج بقالي كام شهر وعلي الحديدة لغاية ما شوفت عفاف هانم بتحكي عن مليون ج للي يقولها اي معلومة تساعدها في حوار ابنها جيت اقول اللي عندي
ياسر
انت عارف لو الكلام دة طلع تخريف انا هعمل فيك اية
جابر
هتشيع يا باشا هو انا عبيط هاجي اقول اي كلام معاكم انتم دة انتو الحكومة
وقام جابر وهو بيقول
عايز مني حاجة يا باشا
زقة ياسر قعدة تاني وقال
انت مش هتتحرك من هنا الا لما نحفر ونطلع بالجثة مش ممكن تكون كذاب
وخدت عفاف شنطة الفلوس من ايدة فقال جابر
هي دي اخلاق الهوانم اللي زيك
عفاف
الفلوس دي بتاعتك انا ما برجعش في كلامي بس مش هينفع اسيبها معاك وانت داخل الحجز
جابر
هرجع السجن تاني
عفاف
هي ليلة وبعدها هتخرج بوعدك
وبصت ل ياسر اللي ندهه علي العسكري ودخل العسكري وامره ياسر بانه ياخده علي التخشيبة وبعد ما خرج العسكري ب جابر قالت عفاف
اتصل حالا وهات رجاله يحفروا والمصاريف كلها عليه
ياسر
مش بسرعة كدة لاني عايز الحفر يتم من غير ما علي يشك في حاجة علشان ما يقدرش يهرب منها المرة دي
عفاف
عايز تقول اية يا ياسر
ياسر
الليل ستار
وراح ياسر ناحية موبيله واتصل برقم واستني لحظات قبل ما يترد عليه وقال ياسر
باشا كنت محتاج اقطع الكهرباء عن الشارع كله من 11 ل 1 م
وسكت للحظات وقال
عارف يا باشا انها صعبه لكنها تخلص اعطال بقي كبل اتحرق تخفيف احمال مش هتغلب يا باشا
وسكت للحظات وبعدها قال
حتي كهرباء القسم انا عايزها تبقي كحل يا باشا
وانهي المكالمة وقالت عفاف
لية دة كله
ياسر
علشان كاميرات علي المترشقة فوق سور شركته
بصت عفاف من شباك المكتب وشافت الكاميرات وقالت
دة مراقب القسم
ورجعت بصت ل ياسر وقالت
اتعامل بقي بطريقتك يا ياسر بس اوعي يفلت
ياسر
نلاقي جثة عماد واللي جاي بعد كدة امره سهل
عفاف
افتكر بقي جثة عماد مع شهادة جابر يبقي مبروك الاعدام علي بنت علي
ياسر
جابر سوابق والمحكمة مش هتاخد بشهادته انما اعتراف علي هو اللي لازم نخرجه منه
عفاف
خلي الاعتراف علية انا بس نوصل للجثة
وقامت عفاف ووقفت في شباك المكتب وبصت للشركة وقالت وكانها شايفة علي
نوصل للجثة وهدور لك يا علي علي نهاية تليق بيك
ياسر
اذكي بني ادم شوفته في حياتي دفن الجثة في اخر مكان كنا ممكن ندور عليه فيها
عفاف
نهايته قربت وقبل ما هنقول اسمه هنقول كان لانه هيكون تحت التراب
ياسر
هتقتلي
عفاف
بالقانون هقتله بالقانون ،،،،،،،،،،،
وتيجي الساعة 11 بالظبط وينقطع النور عن القسم والشارع كله وتقف عربيه ربع نقل قصاد القسم علي ضوء كشافها ينزل من العربية 10 رجاله معاهم عدة الحفر ويدخل بيهم للقسم مخبر ويقابلهم ب ياسر واللي كانت جنب منه عفاف ويقول المخبر ل ياسر
الرجاله اللي حضرتك طلبتهم
ياسر بص للرجاله وقال
انا واخد اذن من القيادات العليا بان عملية الحفر والردم تبدا وتخلص في 6 ساعات بالظبط يعني قبل ما الفجر ياذن هنكون خلصنا
كومندا الرجالة دول قال
عارفين يا باشا وبأذن الله قبل الفجر هنكون خلصنا
عفاف
طيب مستنين اية ابداو
وندهه المخبر ل خمس عساكر جم ومعاهم خمس كشافات وبدا الحفر ،،،
وبعد تكسير ل سراميك الارضية و حفر لارضية المكتب كلها حفر دام ل تلت ساعات متواصة يظهر هيكل عظمي شافه ياسر وقال
وقفوا
عفاف نزلت دموع عيونها وهي بتبص للهيكل العظمي وافتكرت ابنها وكل ايامه معاها صرخت ونزلت وسط الحفر ومشت ايدها علي الهيكل العظمي وصرخت من الوجع نزل وراها ياسر وقال
عفاف اية اللي انتي بتعملي دة
عفاف ودموعها بتجري علي خدها تقطع لحم وشها
عماد ابني بقي عبارة عن هيكل عظمي
وصرخ اكتر من كتر الوجع والقهر ولون عيونها اختفوا وراء دموعها وحضنت الهيكل العظمي وقال ياسر وهو بيخرج بيها من الحفرة
انا علشان كدة ما كنتش عايزك تحضري اللحظة دي
عفاف بغل شديد
علي الراوي وعليته يكونو عندك هنا النهاردة ،،،،،،،
ويطلع النهار وعلي يصحي من نومه علي بوسة اترسمت علي خدة من بنته فرح اللي بص لها وقال
دة اية الرضا دة
فرح
صاحية النهاردة وحاسة اني عايزة ابوسك واحضنك
دخلت فاتن علي الجملة الاخيرة دي ولقت علي بيحضن فرح وهو بيقول
ولية ما نحضنش
فاتن وهي بتترمي في حضن علي قالت وهي بتضحك
وانا ماليش نفس ولا هي ضرتي بس اللي حلال عليها حضنك
علي
ازاي بس دة انتي الاساس
فاتن خرجت من حضن علي وهي بتقول
طيب قوم يلا علشان الفطار هيبرد
وقالت ل فرح
وانتي يا فرح جهزي الشاي لينا
وخرجت فاتت ووراء منها فرح واتعدل علي وبص في الموبيل بتاعه علشان يشوف الساعة كام وشاف الوقت وفتح الابلكيشن الخاص بكاميرات المراقبة الموجودة في شركته وشاف زحمة قصاد القسم وناس داخلة وناس خارجة وعربية خاصة من عربيات البحث الجنائي اتصدم واتعدل في قعدته واتصل ب خيري سكرتيرة في المكتب وقال
خيري انت روحت الشركة ولا لسة
خيري
انا في الشركة من ساعتين
علي
طيب قولي اية الزحمة اللي قدام القسم دة ولية الدنيا مقلوبة كدة
خيري
ما عرفش انا جيت لقيت القسم مقلوب بالشكل دة
علي
طيب اقفل
وقفل خيري وبدا علي يرجع الفيديو اللي لقطته الكاميرات ولقي ان الكاميرات مسجلة من بعد الساعة 1 ودور علي اي فيديو في الوقت دة وملقاش اي تسجيل استغرب اوي وبدا الشك يدق ابواب قلبه لكنه يسمع سرينه الشرطة قام من علي سريرة وبص من شباك الاوضة علشان يشوف ياسر منصور مبتسم بشماته ورايح ناحية باب الفيلا الدخلي بدا مخ علي يشتغل بمنتهي السرعة وجهز نفسه للي حاجة ممكن تحصل وفتح باب الاوضة بمنتهي الثبات الانفعالي ونزل وشاف ياسر منصور بيخرج كلبش من جيب بدلته وبيلبسها ل فرح اتصدم وجري ناحيته وقال
انت بتعمل اية
ياسر
اية ما شوفتش في الرؤية اليوم دة يوم ما نحفر تحت القسم ونطلع جثة عماد
علي اتصدم وحاول انه بحافظ علي ثباته الانفعالي و بص للكلبشات اللي في ايد بنته وقال
فك من ايدها الكلبشات ولبسهم ليا انا
ياسر
مش عايزك تتحايل عليه كلكم رايحين القسم
علي
موافق اروح معاك بس سيب بنتي وانا ايدي اهه كلبشني انا
ومد علي ايدة ناحية ياسر اللي بص له وما ردتش وبدا ياسر يسحب فرح من ايدها وفرح بتبص ل ابوها وبتعيط وفاتن بتصرخ وشيماء بتحاول تمنع ياسر واللي معه من انهم ياخدوا فرح والعيلة كلها ركبت البوكس وعلي بص لهم وقال
ما تقلقوش هتخلص علي خير ومهما حصل اوعي حد منكم ينطق بكلمة فاهمين ،،،،،،،،
وبعدها بكام ساعة علي جوة مكتب تحقيقات في مديرية القاهرة الاوضة فبها ازاز بيطل علي اوضة تانية ياسر كان قاعد قصاد منه وبيقول
برضو مش عايز تعترف
علي بص له وفضل ساكت ياسر خبط علي مكتبه بايديه الاثنين وقال
مش كفاية بقي هروب وتوتر خلينا حبايب احنا خلاص وصلنا للجثة والتقرير المبدئي للبحث الجنائي اثبت ان الجثة اتقتلت بعد ضربه قويه باله حادة كانت السبب في تهشم الجمجمة
علي
انا ما عرفش انت بتتكلم عن اية
ياسر
وجابر اللي شافك وانت بتدفن الجثة تحت القسم وسط ما كان بيتجدد
علي
سهل اوي حد تبعكم يشهد باللي انتو عايزينه
ياسر
ما هو انا مش هاخد بشهادة جابر دة وانت هتعترف وتقول كل اللي حصل
علي
بتحلم يا باشا
ياسر قام وقف ولف حوالين علي وقال
ما بحلمش والرؤية بتاعتي خلتني اشوفك كمان دقيقة بالظبط وانت بتحكي كل اللي حصل وبالتفصيل وهسجلك صوت وصورة علشان ما تعرفش تخرج منها
علي فضل باصص ل ياسر وما ردتش فقال ياسر في ميكرفون كان قصاد منه علي مكتب التحقيقات
دخل عيلة الراوي
ارتبك علي لما شاف في الازاز اللي بين الاوضين عيلته بيدخلة الاوضة التانية ووراء منهم عفاف ومعها مخبر باين عليه الشر وعفاف قعدت قصاد عيلة الراوي وبصت ل علي من وراء الازاز وكان باين الشر في عيونها رغم ان اللي في الاوضة الاولي لا يقدر يسمع او يشوف اللي في الاوضة التانية الا عن طريق الميكروفون الموجود علي مكتب التحقيقات فقال علي
اللي بيحصل دة مش قانوني عفاف مع مراتي وبناتي لية
ياسر
لكل واحد مننا قانونه اللي بيحب يطبقة علي اللي بيكرهم واللي هعملة دلوقتي في مراتك وبناتك يبقي قانوني
وقال ياسر في الميكروفون
عفاف تحبي نبدا بمين
عفاف قالت في الميكروفون
خلي علي يمتع عينه ببنته فرح واحنا بنعري لحمها
وبصت للمخبر وقالت
عايزاك تيهنها من غير ما تسيب اي اثر في جسمها
وبدا المخبر الهجوم علي فرح وفاتن حاولت تمنعه لكنها ما قدرتش وشيماء بتضرب في علي قد قوتها وفرح بتبص ل جسمها اللي بيتعري وبتصرخ وعلي بيصرخ وهو باصص علي بنته ونزل ل رجل ياسر وقال
ابوس رجلك خلي يبعد عن بنتي بنتي مريضة صرع واي حاله من حالة الخوف ممكن يكون السبب في اصابتها بنوبه الصرع
مسك ياسر شعر علي وقال
اعترف
بص علي ل بنته تاني اللي جت لها نوبه الصرع فقال
هعترف بس اطلب دكتور ل بنتي
ياسر قال في الميكرفون
كفاية واطلب الدكتور بسرعة،،،،،،،
ومن قدام كاميرا خاصة بالدخلية بدا علي يقول وبصعوبه
انا اللي قتلت عماد نور لانه جة عندي الفيلا واتعدي علي مراتي وبنتي
وقف ياسر التسجيل وقال
انا وفقت انك تعترف علي نفسك واسيب بنتك ومراتك في حالهم لكن مش هوافق ان تطلع عماد زباله
علي
انت طلبت اقول اللي حصل بالظبط وانا بنفذ اللي انا طلبته مني
ياسر
مش اوي كدة
علي
اومال انت عايزني اقول انا قتلت عماد لية
ياسر فكر للحظات وقال
علشان كنت فاكر انه جاي البيت يعتدي علي مراتي وبنتي وانا كنت غلطان عماد نور انظف من كدة ب كتير
ابتسم علي ابتسامة كلها مر وضعف وقال
حاضر
ياسر
هنسجل من الاول تاني
وفعلا بدا التسجيل وعلي اعترف وقال اللي ياسر قاله وبدا يحكي الجريمة بالتفصيل وازاي نقل الجثة من الفيلا للقسم
وبعد ما خلص لبسه ياسر الكلبشات وخرج بي من اوضة التحريات وهو بيجرة من ايدة وعدي علي علي عيلته وبص لهم وهما بصو له وكانو عمالين يعيطوا لكن علي قال
هتخلص علي خير باذن الله ،،،،،،،،
ومن جوة اوضة ياسر تقعد عفاف ونور قصاد ياسر اللي كان بيقول بغرور شديد
خلصت وباعتراف رسمي من علي ومش هيقدر يخرج منها المرة دي ولا هيقول مثلا انه اعترف علشان كنا بنعذبه
عفاف
بس انا ناري مش هتبرد الا لما اخد تاري من بنته اللي مش عارفة انت ازاي وافقت ان علي يعترف علي نفسه كذب وبنته هي اللي قتلت بنتي
ياسر
علي ما كنش هيقبل تحت اي ضغط بان بنته تتسجن وانا وافقت انه يعترف علي نفسه ولما يتحكم عليه بالاعدام حقك هيجي من بنته ومراته كمان
نور
ياسر اياك تعمل اي شئ غير قانوني
ياسر
ما تقلقش هتخلص قانوني
وابتسم ياسر بخبث وبعدها قال
ودلوقتي الطب الشرعي طالب مني عينه دم من كل واحد منكم علشان نطابقها مع الجثة بالحمض النووي
عفاف
عارفة وجاهزة انا ونور المهم انا هقدر اخد عضم ابني امتي علشان ادفنه
ياسر
تخلص التحقيقات وهتستلمي عماد
طلعت عفاف شيك من جيبها وحطته قصاد ياسر وقالت
الشيك دة حلال عليك
وبص ياسر للشيك واتخض من الرقم الكبير مع صوت عفاف بيقول
وفوق منه ترقية تعوضك عن السنين اللي راحت منك وانت في الارياف بسببي،،،،،،،،
وبعدها ب يومين ومن جوة اوضة الطب الشرعي وبالتحديد من مكتب الدكتور مازن يقعد ياسر ويقول بعصبية
انت بتقول اية
مازن
دي يا فندم نتيجة الحمض النووي وبعد مطابقتها ل عينه الدم اللي خدناها من عفاف ونور اوكد ل حضرتك ان الجثة اللي تم العثور عليها تحت القسم مش جثة عماد دي جثة تانية مدفونه من سنة تقريبا مش اكتر من كدة
برق ياسر وكان هيموت من الصدمة.
لكن ياسر طلع سلاحة وحطه في وسط راس مازن وقال بمنتهي العصبية
دفع لك كام علشان تزور تقرير الطب الشرعي
مازن برعب شديد وهو بيبص ل مسدس
هو مين دة يا فندم وازاي تتهمني بالتزورير دي اهانه انا ما سمحش بيها
ياسر حط صباعة علي الزناد وقال بمنتهي الحدة
دكتور مازن بلاش تلف ودور وقولي لية عملت كدة او اقول لك حلال عليك الفلوس اللي خدها منه لكن بلاش تنكر ان دي جثة عماد
مازن
انا ما خدش فلوس من حد ومش انا اللي ازيف تقرير طبي وتقدر حضرتك تشوف دكتور غيري يشرح الجثة وهيقول نفس اللي انا قولته دي مش جثة عماد
رجع ياسر مسدسة في جرابه لما حس بنبرة الصدق اللي خارجه من كلام مازن وقال
انا مصدقك وهاخد بنصيحتك بس اياك تقريرك يطلع للنور مهما حصل الا لما اشرح الجثة عند دكتور تاني
وراح عند الباب ووقف ولف وراح باصص للدكتور وقال
بس صدقني لو عرفت انك زورت التقرير
ل مصلحة علي الراوي انا هسجنك بعد ما اخليك ما تساوش جنية في سوق الدكاترة،،،،
ومن جوة القسم كان ياسر ماشي في الطرقات وهو زي المجنون وقاصد التخشيبة اللي فيها علي ووصل للتخشيبة وادي الامر للعسكري بانه يفتح التخشيبة وحصل ودخل التخشيبة وبص وسط الوشوش الموجودة واللي الظلمة مغيمة عليهم لغاية ما شاف علي الراوي قاعد في ركن وساند ظهرة علي الحيطة راح له وقال
اية اللي مقعدك علي الارض كدة
بص له علي
ما فيش مكان فوق ف قولت الارض اولي بيا من احنا منها واليها نعود
مسك ياسر مجرم من هدومة كان قاعد فوق دكة موجودة في التخشيبة وقومه بالعافية وزقه بعيد وقال للعسكري
عايز التخشيبة دي تفضي حالا
وفعلا العسكري نفذ الامر وفضيت التخشيبة وقعد ياسر علي الدكة وقال ل علي
طبعا مستني اقول لك تعالي اطلع اقعد جنبي
بص له علي وقال
لا ياباشا انتو ما تحبوش اللي زينا يكونو معاكم في نفس المستوي ديما انتم قاعدين فوق واحنا تحت بس مش كل اللي تحت يستاهلو يكونو تحت ولا كل اللي فوق يستاهلو يكونو فوق ويا لو اللي تحت يصدق انه يقدر يكون مكان اللي فوق وقتها،،،،،،،،،
قاطعة ياسر وقال
هتبوظ
علي ابتسم وقال
ما هي بايظة
ياسر مسكة من لايقة قميصة وقال
بتقول اي كلام وعامل فيها ثورجي علشان عارف ان نهايتك قربت
ضحك علي اوي وقال بمكر
وانت متعصب كدة علشان نهايتي قربت دة انت كدة تبقي بتحبني وصعبان عليك اموت
ياسر
لا انا متعصب علشان شايفك قدامي لسة فيك الروح
علي
قريب في المحكمة هتسمع القاضي بيحكم عليه بالاعدام
ياسر
علي بتحضر لي اية
علي
ولا اي حاجة انا الفترة دي في سلام نفسي بجهز نفسي للموت او اما المعجزة اللي بيها هخرج من هنا قصاد عينك وعين اللي مشغلاك
ياسر
بس الزمن دة ما بقاش في معجزات
ضحك علي وقال
ما هي المعجزة اللي جاية مش معجزة الهية دي معجزة من صنع البشر
ياسر بعصبية وهو بيضغط علي رقبه علي قال
علي ازاي قدرت توصل للطب الشرعي وتخلي يقول في تقريرة ان الجثة اللي لقيناها تحت القسم مش جثة عماد
علي وهو بيبص ل ايد ياسر اللي خنقاه
هي مش جثة عماد غريبة دي
ياسر
طيب اسمعني كويس هي حتة لو مش جثة عماد تقرير الطب الشرعي هخلي يكتب انها جثة عماد وهتاخد اعدام وبعدها هقتل عيلتك
علي
وانا هسيبك ما افتكرش
ضغط ياسر اكتر علي رقبه علي وقال
هقتلك وارتاح منك
بص له علي وقال
طيب بسرعة قبل المحامي بتاعي ما يدخل علينا التخشيية دلوقتي ومعه مامور القسم ويتعمل لك محضر تعدي علي سجين جوة الزنزانة
ياسر ضغط اكتر وهو بيقول
انت بتهددني يا ابن الكلب
مسك علي ايد ياسر وغرز ظوافر ياسر في رقبته واستغرب ياسر وقال
انت بتعمل اية
علي
بسيب اثر من لحم جسمي علي ظوافرك علشان في تقرير طبي هيحصل وهحتاجة
وهنا يدخل للتخشيبة العسكري ومعه المامور ومحامي علي وراح المامور ناحية ياسر وسحبه بعيد عن علي وقال بحدة
انت مجنون ازاي تعتدي علي سجين عندي
ياسر
يافندم دة،،،،،،،،
المامور قاطعة وبحدة
انت تسكت خالص وحسابي معاك هيكون عسير
المحامي
انا بطالب بعمل محضر اثبات ادين في حاله التعدي علي موكلي احنا مش في غابه
المامور
حقك وما قدرش اعارضك في
ياسر
كسر حقة هو وموكله انت كدة يا فندم بتركبهم علينا
المامور باستغراب
علينا
ياسر
اة يا فندم انا منكم يعني اي ادانه ليا تعتبر ادانه للدخلية كلها
المامور
انت مين اللي فهمك كدة انت مجرد فرد في الدخلية شيطانك هيي لك انك بتمثل الدخلية كلها الدخلية زي ما فيها اللي شبهك فيها اللي برضو ما يقبلوش باي تجاوز في حق اي مواطن والمحضر انا هعمله وبنفسي واياك تتعرض ل اي سجين عندي في القسم انت فاهم ،،،،.،،،،،،،
وانتشرت الاخبار علي المواقع زي النار اللي بتاكل اي شئ يقابلها وعفاف ونور كانو عند ياسر وقالت عفاف
المحاكمة اتحددت ولا لسة
ياسر
اتحددت يوم الاربعاء الجاي
نور
والمحضر اللي اتعمل لك اتقفل ولا لسة
ياسر
هيتقفل وقريب اوي ما تقلقش عليه
نور
انا مش قلقان عليك انا قلقان ان بسبب المحضر دة علي يخرج براءة
عفاف
هيخرج ازاي وتقرير الطب الشرعي اثبت ان الجثة بتاعت عماد وعلي اعترف بكل دة صوت وصورة
نور
علي الراوي مش هيقع بسهوله كدة ودخلت المحامي ومعه المامور دة كمين من علي ل ياسر اللي وقع في بمنتهي السهوله زي ما عملها قبل كدة فيكي
وبص ل عفاف ف بصت ل ياسر اللي قال
لا دة معترف ومعلهوش اي اثر ل تعذيب يعني ما يقدرش اي حد يشكك في الاعتراف دة ،،،،،،،،
ووصلنا ل يوم المحكمة اللي كان جوة منها صحافيين واعلاميبن كتير و علي جوة القفص والقاضي بيقول للمحامي
علي اي اساس انت بتقول ان اعتراف علي كان تحت التهديد وما فيش اي اثر ل تعذيب
المحامي
لان بمنتهي البساطة اللي حصل ل عيلة الراوي كان سيناريو مكتوب من سنتين جوة احداث قصة للكتاب الكبير ادريس عبد الحق والقصة اتنفذت بكل تفاصيلها علي عيلة الراوي للايقاع بي والدليل تقرير الطب الشرعي الاصلي والاول اللي في دليل براءة موكلي وان الجثة مش جثة عماد وبمنتهي البساطة ازاي مواطن عادي يدخل قسم تحت الانشاء ويدفن جثة مش صعبة حضرتك
القاضي
واية دليلك علي ان القصة اللي انت بتقول عنها اتنفذت علي الموكل بتاعك
بص المحامي ل ياسر وقال
في نسخة موجودة في مكتب المفتش ياسر منصور ونسخة تانية موجودة في بيته
اتصدم كل اللي في المحكمة وابتسم علي جوة القفص وبص ل ياسر وعفاف ونور وعفاف بصت ل ياسر بغضب شديد.
ونرجع بالاحداث ل سنتين وراء وعلي كانت قاعد في اوضة بيكتب اللي حصل في شكل قصة ودخلت عليه فاتن وبصت للاوراق اللي حوالين منه والقلم اللي في ايدة فقالت
علي بتكتب اية
علي بص لها وقال
بكتب اللي حصل واللي هيحصل
فاتن استغربت وقالت
طيب بتكتب اللي حصل ودي اقدر افهمها انما اللي هيحصل دة بقي هتعرفة ازاي علشان تكتبه
علي ساب القلم وقال
مهما طال الوقت او قصر اللي حصل ليلة ما كان عماد هنا مسيرة هيتعرف علشان كدة لازم اكون سابق الحكومة بخطوة علشان تخلص علي خير
فاتن
هو في حاجة حصلت تخليك تقول كدة
علي
دلوقتي لا انما احتمال قدام يحصل
فاتن
واللي انت بتكتبه دة هينفعنا في اية
علي
دة قصة عماد معانا ومات ازاي واندفن فين وبعدها الجثة اتنقلت راحت فين والحكومة قدرت تلاقيها والدنيا اتقلبت علينا وبسبب القصة دي احنا هنخرج براءة
فاتن ما كنتش فاهمة ولا كلمة وقالت
انا مش فاهمة اي حاجة
علي
كل حاجة هتفهميها في وقتها خليني بقي اخلص القصة ،،،،،،،،
ومن جنينة فيلا الكاتب الكبير ادريس عبد الحق يقعد علي مع ادريس تحت يورجلية موجودة في الجنينة وكان ادريس بيقول
سامحني انا ما كنتش فاكرك في الاول لكني افتكرتك لما قعد معاك انت حولت قصتين ليا ل فلمين
علي
انا مبسوط ان حضرتك افتكرتني وعندي امل كبير تساعدني في اللي انا جاي لك علشانة
ادريس
اللي هو اية
علي
عندي قصة تنفع تكون فيلم لكني محتاج لمسة حضرتك في كتابة السيناريو والحوار ليها لكنها هتفضل قصة موجودة في كتاب مش هحولها ل فيلم الا بعد نهاية الاحداث الحقيقية اللي بتحصل ل ابطال القصة
ادريس
انت جايب لي قصة لسة احداثها بدور في الحقيقية
علي
هي انتهت عند حد معين لكنها ممكن يكون ليها بداية تانية في اي وقت
ادريس
مش بتقول ان كان نهاية ل احداث
علي
في نهايات كتير بيكون بعديها بدايات ل امور اصعب مما نتخيل علشان كدة محتاج حضرتك تكتب لي القصة وتحط عليها اسمك علشان اطمئن ناجحها
ادريس
ولية ما تحطش اسمك انت
علي
اسمي في مجال الكتابة مش هيكون بنفس قوة اسمك
وطلع علي شيك ب مليون ج واداة ل ادريس اللي بص للشيك وقال
اية دة
علي
دة مقدم وليك زيهم بعد نهاية الكتاب ودار النشر حسابها مدفوع مقدما وكل الفواتير هتكون باسمك بس اتمني ان الحوار اللي دار بينا ماحدش يعرف بي مهما حصل،،،،،،،
وفي يوم من الايام علي قال ل فرح
انتي رايحة تقابلي ياسر منصور النهاردة
فرح
اة هقابلة
علي مد ايدة في شنطة كانت علي ذراعه وطلع كتابين ل قصة ادريس منصور بصت فرح للكتابين وقريت الاسم الموجود علي الغلاف
الرؤية
وبصت تاني ل ابوها وقالت
اية دول
علي
دول طوق نجاة ممكن نحتاج لي في يوم من الايام المهم ياخدها ياسر وتعرفي بعد كدة هو حطهم فين ،،،،،،
وفعلا دة حصل وياسر خد الكتاب من فرح وعرفها انه ساب نسخة عنده في المكتب ونسخة في البيت وعلي كان مراهن نقسه ان اللي زي ياسر مستحيل يفتح ويقراء قصص،،،،،،
ونرجع للمحكمة والمحامي اللي بيدافع عن علي كان بيقول
ولو حضرتك يا سيادة القاضي طلعت اذن بتفيش شقة ومكتب المفتش ياسر هتلاقي النسختين من القصة
وقف ياسر وهو منفعل وقال
انا النسختين دول وصلو لي عن طريق بنت علي الراوي علي سبيل الهدية وقت ما كان في بيني وبينها علاقة
المحامي للقاضي
سجل الاهانة دي عند حضرتك يا سيادة الرئيس لانه بكلامه دة بيخوض في عرض بنت عذراء وانا اتحدي ياسر بية يجيب اي تسجيل صوت وصورة لي مع الانسة فرح
ياسر
مش هقدر اعمل كدة علشان كنت بقابلها وانا متنكر في شكل تاني
المحامي
سيادة الرئيس الكلام اللي بيقولو ياسر بية ما هو الا تضليل للعدالة ومضيعة للوقت اتمني من حضرتك اصدار امر بتفتيش شقة ومكتب ياسر بية واحضار النسختين هنا،،،،،
ومن جوة شقة ياسر تقف قوة من القسم وعلي راسهم ظابط والعساكر وصله للكتاب اللي كان مرمي علي الارض جنب الدولاب وقال ياسر للظابط
اهو الكتاب مرمي علي الارض دة دليل علي اني ماليش في القرايا والجو دة
مسك الظابط الكتاب وفتحة علشان يلاقي اهداء من ادريس عبد الحق المؤلف للمفتش ياسر منصور وممضي من كام شهر وبالتحديد بعد ما اتنقل ياسر لقسم الهرم وبدا الظابط يفر في اوراق الكتاب وشاف كام دايرة معمولين بالقلم الجاف حوالين مشاهد في القصة والجثة بيلاقوها تحت القسم وتعذيب نفسي وجسدي ل عيلة البطل في القصة واعتراف من غير تعذيب برق ياسر وعرف قد اية هو كان حمار وعلي الراوي بيلعب بي من زمان ،،،،،،
ومع جمع الادلة ومع تقديم المحامي ل تقرير الطب الشرعي الاول بان الجثة اللي تم العثور عليها مش جثة عماد بص القاضي ل ياسر منصور وقال
حكمت المحكمة حضوريا علي ياسر منصور ب السجن 3 سنوات مع الشغل بسبب تزوير تقرير الطب الشرعي والاعتداء علي سجين داخل الزنرانة
وتم القبض علي ياسر واتحط ياسر في القفص وقال القاضي
وحكمت المحكمة حضوريا علي علي الراوي بالبراءة مما انسب الية
فرحت فاتن وبناتها وغضبت عفاف بشدة ونور قال لها
خلصت زي ما هو عايز
بصت له فاتن بياس شديد وفضلت ساكتة ورجعت بصت ل علي وهو بيخرج من القفص ،،،،،،،،
ومن جوة عربيه نور يقعد علي مع نور وكان بيقول
انا طلبت اشوفك علشان اقول لحضرتك اني تعبت انا وعيلتي وعايز اعيش حياتي بهدوء زي زمان قبل ما ابنك يفكر ياذي بنتي
نور
فين ابني
علي
هقول لك هو فين بس توعدني ان الحكاية تخلص عند الحد دة واحنا كنا في حاله دفاع شرعي عن النفس ما هو مش معقول ان ابن حضرتك يدخل بيتي ويمد ايدي علي مراتي ونسكت
نور
بصي يا علي انا ما بقتش عايز من الدنيا غير اني ادفن ابني في مقابر عليتنا علي الاقل لما احب ازوره ابقي عارف هو فين وكمان انا بقيت علي يقين ان ربنا معاك وفي صفك وعايز ينصرك مش هكابر اكتر من كدة عرفني فين جثة ابني وانا اوعدك انها تخلص عند الحد دة
علي
جثة عماد تحت القسم
نور
ما خلصنا بقي من اللي تحت القسم
علي
تحت القسم مدفون جثتين عماد ابنك وجثة تانية ل شاب مات برضو بضربه في دماغة من سنة
استغرب نور فقال علي
كنت ديما حاسس اني هتكشف وانكم هتوصلو للجثة علشان كدة زي ما قدرت اول مرة ادخل القسم وحط جثة عماد بعد ما دفعت كتير للي كانو حارسين القسم وقتها قدرت ادخل تاني من سنة وحطيت جثة ل شاب في نفس سن ابنك ومات بنفس الطريقة علشان توصلو له واطلع براءة من اي تهمة انا ممكن اتمسك فيها
نور
انت قدرت تعمل دة كله ازاي
علي
الرؤية لما ربنا بيوهبها للمظلوم بتكون لي دليل للي جاي
نور
لعبة جديدة منك دي
علي
انا زهقت وكفاية بقي لغاية كدة ،،،،،،،،
وفعلا نور بيخرج جثة عماد وخصوصا ان اوضة ياسر ما كنتش رجعت زي الاول يعني كان سهل الحفر وطلع الجثة بمنتهي السرية وخدها وراح دفنها في مدافن عيلته
وعفاف عرفت بالاتفاق وسكتت ودة غصب عنها لان اي حاجة كانت هتحصل ل علي وعيلته هتكون هي السبب فيها ومعنها سجن ورجع علي يعيش مع عيلته زي زمان وتعدي الايام قولو الشهور وفرح تتخطب وتتجوز واحد ابن حلال بيحبها اوي وهي بتحبة وخلصت القصة وعلي الراوي طلع كسبان ،،،،،
يارب تكون عجبتكم
كنتم مع اقتباس من الفيلم الهندي الرهيب
Drishyam جزء اول وتاني
إرسال تعليق