الصراع
الحلقة الخامسة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ولبست ماهيا جهاز ال VR ل عائشة وعائشة بتصرخ وبتهز دماغها يمين وشمال لكن الجهاز اشتغل والطلاسم بدات تخترق جلد عائشة وشافت صافر في صورة شاب وسيم بيقرب منها
و لكن صافر ذاكرته بدات تنشط وافتكر عائشة وقت ما كان احمد بيعالجها ايام ما كان اسمها ساندرا وقال وهو بيبعد عنها
ساندرا
هنا سمع صوت ماهيا بتقول
اللي بتعمله دة هيكلفك حياتك وحياة احمد ومراته
وانت عارف انا ممكن اعمل فيكم اية
لكن صافر ما ردتش عليها واختفي من العالم الافتراضي عالم ال VR وظهر في الاوضة ووقف قدام ماهيا وقال
دول لا سيببهم يرجعوا مكان ما جم
ماهيا
بعد ما احمد عرف انا اية هو اللي مش هيسابني ولازم تعرف انك خادم عندي ولو ما نفذتش المطلوب منك انت عارف انا ممكن اعمل فيك اية
وبعدها قالت باستغراب شديد
وبعدين انت ازاي افتكرتهم دة انا مسيطرة علي مركز الذاكرة عندك
صافر
انتي ناسية اني ابن الملك طاروش واقدر استخدم المفتاح الملكي للهروب من اي سحر مسيطر عليه
ماهيا
انت كدة بتعلن عداوتك ليا
صافر
انا مش عايز اكون ضدك ولا هنفع اكون معاكي وعلشان كدة بطلب منك انك تبعدي عنهم
ماهيا
انت عارف لما خادم في عالمنا يعصي مالكة بيحصل في اية
صافر
عارف بس انتي كمان عارفة اني طالما استخدمت المفتاح الملكي مش هتقدري تعملي فيا اي حاجة
ماهيا
دة لمدة تلت شهور قمرية لكن بعدها بترجع زي ما كنت مجرد خادم وانا الملكة بتاعته ووقتها هحرقك بنار الجحيم
صافر
نهايتك هتكون علي ايدي قبل نهاية التلت شهور
ماهيا
قبلك حاولو كتير لكن الموت كان هو نهاية اخر صراعهم معايا
هنا يفتح احمد باب الاوضة ويقول
دة قبل ما اكون انا واخويا مع بعض
اتصدمت ماهيا وقالت
انت دخلت هنا ازاي
صافر راح ناحية احمد ودخل جوة جسمة وقال صافر
انا اللي وصلته ليكي
ماهيا
ازاي وهو مسجون بين عالمين وكل ما يغمض عيونه يعيش عالم غير العالم
احمد
ما كنتش هفضل كدة كتير وكنت هقدر اهرب واديني هربت والبركة في اخويا من الجن صافر
ضحكت ماهيا اوي وقالت
اخوك من الجن اللي استحل لحم مراتك وخلاها تحمل منه
اتصدم احمد مع صوت صافر
ما حصلش
واستغلت ماهيا حاله الصدمة اللي كان فيها احمد واختفت واخر حاجة بتقولها
هنتقابل تاني يا انسي واعرف ان الصراع ابتدي
وخرج صافر من جسم احمد ووقف قدام منه وقال
اوعي تصدق اني ممكن اكون عملت اي حاجة أذي بيها مراتك
احمد
عارف انها شيطانه وعايزا توقع بيني وبينك
وراح احمد ل عائشة وقلعها جهاز ال VR ورجع ل عائشة وعيها وبصت ل احمد وهي فرحانه انها شايفة وقالت
احمد انت كنت فين
احمد فكها وخدها في حضنه وقال
انا جنبك اهو متخافيش ،،،،،،،،،
ومن جوة شقة احمد يقعد صافر في الصاله مستني خروج احمد من اوضة النوم اللي دخل فيها عائشة ترتاح وقال صافر لما شاف احمد بيقرب عليه
نامت
احمد وهو بيقعد جنب صافر
اة
واتنهد وقال
انا لغاية دلوقتي مش قادر اصدق اني شايفك مع اني اخر مرة شوفتك فيها كنت بتتحرق
صافر
كنت المفروض اموت واتسحبت للعالم المظلم بتاعي عالم ما تحت الارض لكن في اللي طلب من مجلس ملوك الجن اني اعيش وهي ماهيا
احمد
ولية طلبت انك تعيش
صافر
في الاول ما كنتش اعرف لكني مع الوقت عرفت اللي بتخطط لي وهو انها تخلي في كل بيت طفل من الجن يحمل قدرات الجن وصفات البشر وبكدة ما حدش يقدر عليه ولا يقدر علي المملكة اللي هي بتخطط ليها مملكة الجن والانس وهي ملكة علي عرش كبير للمملكة دي وتقدر بيهم تحارب اي حد يقف في طريقها وللعلم اليوم في حياة الطفل دة بسنة من عمركم اللي انتو تعرفو يعني الطفل اللي يعيش علي الارض 20 يوم يصبح شاب عنده
20 سنة اطفال مخلوط دمهم با شرس واصعب طلاسم سفلية عرفها الجن طلاسم كانت بيستخدمها الحن والبن اول خلق الله واللي كانو عايشين علي الارض قبل الانس والجن
احمد
الحن والبن اللي الشيطان من نسلهم
صافر
بالظبط طلاسم العهد الاسود
احمد
والطلاسم دي تتحل ازاي
صافر
ملهاش حل الا ذبح كل اللي بيجري في دمة الطلاسم الخبيثة دي
احمد
ذبح
صافر
دي كانت نهاية الحن والبن علي الارض لما الجن ذبحهم في اخر معركة دارت ما بينهم لكن ماهيا قدرت تدرس وتتعلم وتوصل ل طلاسم العهد الاسود طلاسم ل سحر اسود مخيف استخدمة الحن والبن
احمد
كام طفل اتولدو بسبب العلاقة بينك وبين امه
صافر
الف طفل
احمد اتصدم من الرقم وقال
الف طفل
صافر
ويمكن اكتر لكن اخطرهم واكثرهم شر ابن مفيدة
احمد
مفيدة مين
صافر
اقدر اوصلك ليها ومن هناك المفروض تكون بدايتنا
احمد
بداية اية
صافر
بداية النهاية ل اطفال الشيطان
احمد فكر للحظات وبعدها قال
بالقتل
صافر
عندك حل تاني
احمد
وصلني للطفل دة وهناك نشوف اقدر اعمل اية،،،،،،
كانت في نفس الوقت مفيدة في مدرسة خاصة وواقفة جنب طفل عنده 12 سنة وهو ابنها قاسم دة الاسم اللي اخترته لي وبصت ل قاسم اللي كان بيشاور علي عيل بيلعب في الحوش وقال
هو دة علي اللي ضربني
مفيدة بصوت مخيف
طيب روح كمل لعب انت وانا اوعدك انه مش هيضربك تاني
وراح قاسم يكمل لعب ومفيدة فضلت تبص للواد بشر مخيف وبعدها مشيت وراحت ناحية الحمام وبصت للحمام اللي كان في اربع ابواب وراء كل باب قاعدة حمام وحوض وش ودش واختارت الباب الثاني وعورت نفسها وبدات تحط صباعها في الدم اللي بينزل منها وكتبت علي الباب بالدم
**الهلاك للي هيدخل من الباب دة كمان دقيقية من دلوقتي **
والدم بدا يتحول ل حشرات زاحفة وبدا يمشي علي الباب لغاية ما نزل علي الارض وزحفت الحشرات دي لغاية ما دخلت واستقرت جوة قاعدة الحمام وتخرج مفيدة من الحمام وسط استغراب عامل النظافة المسئول عن الحمام اللي مشفهاش وهي داخلة وقال
انتي بتعملي اية يا مدام جوة الحمام
بصت له وقالت
كنت بدور علي ابني
العامل
وانتي والدة مين
مفيدة
ملهوش لزوم تعرف
وسابته ومشيت والعامل باصص لها اوي ومستغرب لكنه دخل الحمام وبص جوة ملقاش حاجة غريبة خرج تاني وبعدها بكام ثانية دخل الطفل علي للحمام ورغم ان كل الحمامات فاضية لكنه اختار يفتح الحمام رقم 2 وزق الباب ودخل وقبل ما يقلع هدومه الحشرات تخرج من القاعدة وتروح ناحية كل فتحة في جسمة وتبدا الحشرات الزاحفة تمشي تحت الجلد وتخرج من عيونه بنزيف حاد ويصرخ علي ويقع علي الارض وهو بيضرب في نفسه والحشرات الغريبة بتقطع جسمة من جوة ومات علي والدم بينزل منه مخلوط بالحشرات اللي ماتت جوة منه ،،،،،،،،
وبالليل يقف احمد قصاد بوابة فيلا مفيدة ويخبط علي البوابة وتفتح له مفيدة وتبص له وهي بتقول
نعم
احمد
كنت عايز اقابل مدام مفيدة
مفيدة
العنوان غلط ما فيش حد هنا بالاسم دة
ولسة هتقفل البوابة منعها احمد وحط ايدة علي البوابة وقال
ازاي بس غلط دة انا متاكد اني في المكان الصح واني جاي علشان مصلحتك
وهنا يظهر قاسم من وراء امه ويقف قصاد احمد ويقول
متاكد انك في المكان الصح
بص احمد ل قاسم وقال ل مفيدة
دة ابنك
مفيدة
اة
احمد وهو باصص ل قاسم في عيونه
مش غريبه ابن 12 يوم يكون واقف علي رجله قدام مننا وكانه ابن 12 سنة
قاسم
في العالم بتاعنا السن بيتحسب بالدقايق والثواني غير العالم بتاعكم
احمد
طيب ما تخليني ادخل ونتعرف علي بعض اكتر واشوف العالم بتاعكم اللي غير العالم بتاعنا يمكن اسيب العالم بتاعي واعيش معاكم في العالم بتاعكم
قاسم
أمة الحن والبن ترفض اي غريب
احمد
انت منهم علشان تتكلم بلسانهم
قاسم
انا اميرهم وليا ملكة ولو سمحت لك بالدخول ل عالمي هيكون عليه ليها السمع والطاعة
احمد
الملكة بتاعتك نهايتها قريب هتكون علي ايدي
ضحك قاسم اوي وقال
بتحلم يا ابن ادم
احمد
اي واقع بدا بحلم
وطلع احمد من جيب جلبيته شريطة بيضاء مكتوب عليها بالقران ولفها حوالين رقبه قاسم اللي ضحك وقال
الله لا اله الا هو الحي القيوم لا تاخدة سنة ولا نوم له ما في السموات وما في الارض ،،،،،
وسكت قاسم وقال
تحب اكمل بقيت الاية ولا كفاية كدة
احمد سحب الشريطة البيضاء وقال
لا كفاية انا كدة اتاكد ان نهايتك بتكون بذبحك يا ملعون
وطلع احمد سكينة من جيبة التاني وذبح الطفل اللي صرخ ودمة جه علي عين احمد اللي اتعمي ورمي احمد السكينة وقال
عيني انا ما بقتش اشوف ما بقتش اشوف اللي بيحصل يا صافر
هنا صافر يخرج من جوة منه ويتحول ل ماهيا اللي قالت وهي بتضحك
صافر هو فين صافر طول الوقت وانا اللي معاك يا احمد انا ماهيا اللي خلتك تقتل طفل برئ مش ابن مفيدة ودمة علية طلاسم العهد القديم وهتعيش يا احمد اعمي ومراتك هتولد ابن شيطان يشيل اسمك
وضحكت ماهيا اوي اوي والشر بيفوح في المكان واحمد اتعمي واللي جاي في الصراع اصعب من اللي فات ،،،،،،،،،
اللي عجبته الحلقة يكتب تعليق ويدوس اعجبني علشان القصة توصل ل غيرك خلاويص النهاردة ولو في العمر بقيا هكمل لكم الحكاية ديا سلام عليكم
مثيره
ردحذفتحفففه
ردحذف