الهام واللي كان الحلقة الاخيرة

 علاقة محرمة 2.

      الصراع 

                        الحلقة الثالثة 

من تأليفي 

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

بص احمد ل عائشة وقام وراح ناحية باب الاوضة واول ما مسك مقبض الباب سمع صوت عائشة جاي من جوة الاوضة وهي بتقول 

برضو يا كريم وقعت طرفة الدولاب 

بص ل عائشة اللي كان باين انها مش سامعة اللي بيتقال فخاف يقلقها ومسك مقبض الباب وفتح الباب علشان يشوف عائشة وقصاد منها عيل صغير عنده سنتين تقريبا بيبص له وبيقول 

بابا مش هعمل كدة تاني 

برق احمد وقال ل نفسه 

عيل وبيتكلم طيب ازاي 

 وهنا حس بايد عائشة بتتحط علي كتفة فبص لها بخضة وهي قالت 

احمد فتحت الباب ووقفت قدام منه لية 

بص لها احمد ودقات قلبه كانت سريعة وحط ايدة اليمين علي قلبه وقال 

الا بذكر الله تطمئن القلوب لا اله الا الله محمد رسول الله  

وبدا يهدي ودخل الاوضة وبدا يبص لها بتركيز شديد وبص لكل ركن في الاوضة وكل خطوة كان بيمشيها كان بيقول 

اقسمت عليكم بالقسم الاعظم قسم سليمان ملك ملوك الانس والجان يا عمار المكان اخبروني باللي حصل الان  

وجاب ازازة مية وفتحها وبدا يقرأ 

فَوَرَبِّكَ لَنَحْشُرَنَّهُمْ وَالشَّيَاطِينَ ثُمَّ لَنُحْضِرَنَّهُمْ حَوْلَ جَهَنَّمَ جِثِيًّا

وكرر هذة الاية القرانية اكتر من مرة وبدا يحط المية علي ايده ويرميها في اركان الاوضة وعائشة مش فاهمة هو بيعمل اية فقالت 

هو انت بتعمل اية 

لكن احمد ما ردش عليها واستمر في اللي هو بيعمله لغاية ما وصل عند ركن معين وهنا شاف دخان اسود بيخرج وكانه شئ بيتحرق فقال بمنتهي الحزم 

انت مين وبتعمل اية هنا 

لكن الشئ الخفي دة قال 

ما قدرش اقول لكن كل اللي اقدر اقوله بلاش   

احمد 

بلاش اية 

الشئ الخفي 

بلاش وما قدرش افسر اكتر من كدة  

والشئ دة قدر يتحرر من قسم احمد والاية اللي سلسلة بيها وزق احمد والدخان راح ناحية الشباك اللي كان في الاوضة وكسر ازاز الشباك اللي كان مقفول ونط برة الشباك احمد بص للي بيحصل باستغراب شديد وراح جري ناحية الشباك وبص علي الشارع وملقاش اي حد وسمع صوت عائشة جاي من وراء  

احمد هو في اية 

احمد بص لها وفضل ساكت مش عارف يقول لها اية ،،،،،،،،،،

في نفس الوقت كانت مفيدة اللي استسلمت ورضيت تولد الطفل بدل عذاب دام تلت ايام بدات تحس باعراض الولادة ركبت عربيتها وقررت تروح ل اقرب مستشفي علشان تولد وفعلا توصل للمستشفي وتبدأ الولادة وينزل الدكتور من بطنها طفل ميت كل انشطتة الحيوية بتقول كدة ل نبض شغال ولا جسمة في اي حرارة طفل جسمه ازرق ومثلج لفت الدكتور الطفل في ملايا بيضاء وقال ل مفيدة 

انا اسف الطفل نازل ميت 

بصت مفيدة بطرف عينها للملايا اللي ملفوف فيها الطفل اللي ما بيتحركش وبدا تقول ل نفسها 

معقوله بعد كل دة ينزل طفل ميت 

وهنا بدات مفيدة تحس بوجع شديد في جسمها كله وتترعش بشدة وبدات رغاوي بيضاء تخرج من بوقها الدكتور بدا بكشف عليها لقاها داخلة في سكرات الموت النبض بيضعف والقرنية بدات تختفي تقريبا بدا ينادي علي طقم الممرضين اللي معه جم بسرعة فقال لهم 

الحالة دي تتنقل للرعاية بسرعة 

وفعلا بداو يجهزوها علشان ينقلوها للرعاية لكن قبل ما يتحركو بيها يسمع الدكتور صوت الطفل بيعيط وبيتحرك تحت الملايا بص للطفل وهو مصدوم ومفيدة قالت بحب شديد 

ابني لسة عايش 

بص لمفيدة اللي رجعت زي ما كانت وكانها ما كنتش لسة بتموت اللي بيحصل خلي الدكتور كان هايتجنن طفل ميت يرجع يعيش وامه كانت بتموت وفجاة بقت كويسة وقف ل كام ثانية مصدوم والممرضة راحت جري وطلعت الطفل من الملايا وبدات تطمئن عليه والدكتور لسة مش مصدق لكنه رجع يشوف شغله واطمئن علي الطفل وعلي مفيدة اللي خدته في حضنها وكانها نسيت دة مين وحملت في ازاي والحقيقية انها فعلت نسيت ماهيا قدرت تتحكم في مخها والمخ افرز للقلب مادة مسئوله عن الحب والحب اتولد في قلبها حب ابنها اللي مش من دمها ولا من جنسها ابنها اللي سمته باهر ،،،،،،،،،،،

ونرجع ل احمد اللي دماغة شغاله بطريقة مخيفة ازاي يقدر جن يدخل بيته وازاي كمان شاف اللي شافه عيل عنده سنتين بيتكلم واية المقصود بكلمة بلاش كل دي اسئلة بدور في دماغ احمد اللي كان جوة الجامع لدرجة انه ما سمعش اقامة صلاة الفجر وراح له المؤذن وقال 

عم الدنيا انا اقمت الصلاة 

بص له احمد وقام وقف وقال 

انا تعبان خلي الشيخ عاطف يصلي بينا 

وفعلا قام الشيخ عاطف وصلي بالناس واحمد حاسس ان في حد وراء منه في الجامع وعمال يقول 

انا ما عرفكش لكني حاسس اني اعرفك وحابب ليك النصيحة بلاش 

احمد كان هيبص وراء منه لكنه عارف انه كدة بيقطع الصلاة فاستعاذ بالله من الشيطان الرجيم وكمل صلاة وخلصت الصلاة وبص وراء منه ما شفش حد غريب كلهم اهل منطقته ما بقاش عارف اية اللي بيحصل لكنه قام وخرج من الجامع وهو كل شوية يبص حوالين منه ،،،،،،،،

من جوة اوضة نوم عائشة كانت بتقول ل احمد بضيق شديد 

لية مش هنروح 

احمد 

علشان قلبي مش مرتاح 

عائشة

قلبك مش مرتاح ولا عايز تتجوز واحدة غيري 

احمد مسك ايدها وقال 

ازاي بس يعني تقولي كدة انتي عارفة انا بحبك قد اية 

عائشة

وعلشان بتحبني مش عايز عيال مني 

احمد 

انا ما قولتش كدة وبعدين انتي لية متاكدة اوي كدة ان سفرنا ل يسرا دي هيكون وراء خير مش ممكن يكون مستنينا هناك شر 

عائشة 

وهو في شر اكتر من اللي انا في بصلي واصوم واقوم الليل معاك وبدعي وبتمني طفل وفي الاخر ما فيش اطفال لية 

احمد بحدة 

ربنا ما يتقولش لية ما اعطي الا ل خير وما منع 

الا خير رب الخير لا ياتي الا بالخير واياكي اسمعك تاني بتتكلمي بالطريقة دي علي اي امر اختارة الله لينا فاهمة 

ولسة هيسبها ويقوم مسكت ايدة بص لها لقاها بتعيط وبتقول 

انا اسفة 

احمد بلين 

مش انا اللي استاهل انك تتاسفي ليا استغفري ربنا وارضي باللي كتبه 

بصت ل فوق وقالت 

استغفر الله العظيم سامحني يارب 

ورجعت بصت ل احمد وقالت 

انا بني ادمه ضعيفة وايماني مش قوي زي ايمانك وعندي احساس ان ربنا بينتقم مني علشان كنت ملحدة   

احمد قعد وقال 

تاني رب الكون ما بيحسبناش باعمالنا بيحسبنا برحمته وانتي توبتي وبقيتي مسلمة موحدة بالله تفتكري انك بعد ما ترجعي له يقسي عليكي دة الرحمن الرحيم بس انتي وغيرك ما اللي بيتحرموا من الخلفة بتبقو فاكرين ان الرزق كله في العيال ودة غلط الرزق مش اطفال وبس الرزق ستر وصحة ورضا بالمكتوب فهمناني رضا بالمكتوب 

عائشة 

انا راضية بس محتاجة اروح واجرب العلاج عند يسرا علشان خاطري   

احمد 

بس انا مش مرتاح ومن وقت الدعوي دي ما جت وفي حاجة غريبة بتحصل 

عائشة 

ريحني يا احمد وخلينا نروح  

احمد 

طيب خليني الليلة دي اصلي صلاة استخارة وبعدها نتكلم 

عائشة 

احمد دة اول واخر طلب اطلبة منك خلينا نجرب واحنا هناك لو شوفت اي حاجة مش مريحة هنمشي ومش هقول لك مشينا لية بس نروح علشان خاطري 

احمد بص لها وسكت ،،،،،،

في نفس الوقت ومن علي الشاطئ تقعد ماهيا وقدام منها الظل وكانت بتقول 

اتباعي عرفوني ان في حد راح وحذر احمد من انه يجي ليا بمراته ما تعرفش مين عمل كدة 

الظل 

وانا اعرف منين انا ما اعرفش مين احمد دة 

ماهيا قربت من الظل وقالت 

انا عارفة انك ما تعرفهوش ودة علشان انا متحكمة في مركز الذاكرة بتاعك زي بالظبط ما مفيدة دلوقتي بتحب ابنها منك لكنك روحت وحاولت تحذره ودة غير مسموح لك 

ولفت ايدها حوالين الظل وبدات تخنق في وتقول بمنتهي العصبية والشر 

غير مسموح لك انا رجعتك من الموت بعد ما اتحكم عليك بي يوم ما قررت تفدي احمد بروحك احمد اللي كان اخوك من الانس يعني انت ملكي انا وبس فاهم يا صافر 

وصرخت في بمنتهي الشر والظل الاسود بدا يقع علي الارض زي الرماد علشان يظهر صافر الجني اخو احمد وقالت ماهيا 

احمد هيجي ومراته هتكون حامل منك واي تحذير تاني منك لي هتكون نهايتك ونهايته 

وسابت صافر وقع علي الارض ضعيف ذليل مكسور وباصص لها وبيقول 

امرك يا ماهيا ،،،،،،،،،،،

اللي عجبته الحلقة يكتب تعليق ويدوس اعجبني علشان القصة توصل ل غيرك خلاويص النهاردة ولو في العمر بقيا هكمل لكم الحكاية ديا سلام عليكم