الهام واللي كان الحلقة الاخيرة

 انكسار امراة

                الحلقة السابعة عشر 

من تأليفي 

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

وبصت ضحي للباب اللي اتقفل وبعدها بصت ل ايهاب وبدا التوتر والشك يتسربوا ل قلبها وخصوصا انها افتكرت ان العشاء اذنت من ساعة. وهنا نور الشقة كله انطفئ. واتفزعت ضحي لما ايهاب لمسها و لسة هتصرخ. نورت الشقة وظهر جوة منها العمال اللي المطعم وكان معهم تورته كبيرة عليها صورة ضحي. وقدام منهم امراة زي القمر في اوائل الاربعينات وكانت علي كرسي بعجل. ضحي كان بتبص للمشهد كله باستغراب شديد وبصت ل ايهاب اللي قال

كل سنة وانتي طيبة

والمراة اللي علي كرسي بعجل لفت عجلات الكرسي لغاية ما راحت ناحية ضحي وبقت قدام منها وقالت ضاحكا 

انا سندس اخت ايهاب الصغيرة. مع اني اكبر منه بسنة. و انا اللي جايبة التورته دي علي حسابي وانا اللي قولت له يضحك عليكي ويجيبك لغاية هنا علشان كان نفسي اشوفك من كتر ما هو صدعني بالكلام عنك

رجعت ضحي تبص تاني ل ايهاب وقالت مبتسما

صدعتها بكلام حلو ولا وحش

ايهاب

لما تقعدي مع الجزيرة اخبار هتنقلك كل اللي اتقال

ورجع بص ل سندس. وقال

مش كدة. يا قطاع الاخبار 

وضحك كل الموجودين وقالت سندس بمرح شديد

يلا ناكل التورته قبل ما تبرد

ورجعوا يضحكوا تاني وراحو كلهم ناحية التورته والفرحة ما كنتش سايعة ضحي من شدة وجمال حلاوة المفاجاة. وبعد ما كلو وشربو الحاجة الساقعة مشيوا العمال في المطعم وفضلت ضحي مع سندس و ايهاب اللي عيونه ما كنتش بتنزل عن ضحي. وضحي بتكلم سندس وبتقول

الناس مشيوا عرفيني بقي ايهاب كان بيقول عليه اية

سندس

كدة وهو قاعد

وبصت سندس ل ايهاب وقالت

خش الدولاب عندك تحت رف الغيرات الداخلية. وبالتحديد عند اللباس اللي واخد قطع بالعرض هتلاقي فلوس انت مخبيها مني. خد منهم 20 ج. وروح هات لنا لب ابيض من مرسي مطروح واتاخر عادي

ضحكت ضحي من قلبها وقالت

اية دة

ايهاب ضاحكا 

كانت معكم سندس ابو الخير من قلب الدولاب

سندس

انا ما بهزرش اتعشي واتمشي. علشان عايزا اتكلم مع ضحي كلام بنات

ايهاب

وهو انتي شايفة نفسك لسة بنت

سندس

انا بنت البنات كلهم. ولا انت فاكرني عجزت. يلا يا بية

وغمزت له بعيونها الاثنين. وقف ايهاب وقال

انا هتمشي بس هي ربع ساعة واياكي تخرفي وبلاش. تجيبي سيرة هدومي

سندس

طيب هتكلم عنهم ب الخير

ايهاب

لا تجيبي سيرتهم ب خير او الشر. 

وقام وسابهم وخرج من الشقة وسندس بصت ل ضحي وسندس كانت بتقول 

يا بختها اللي هتتجوز ايهاب قمر كدة في نفسه و عسول وكفاية اني انا اخته

ضحي

انا اعرف ايهاب من سنة وشوية. وبجد دي احلي حاجة في. انك اخته

سندس

والنبي قمر ما تجيبي بوسة مشبك

اتصدمت ضحي فضحكت سندس وقالت

لا. عايزاكي تتعودي عليه وما تزعليش مني اصل انا احب الهزار والضحك تقدري تقولي كدة اني قليلة الادب

وضحكت سندس تاني فضحكت ضحي وقالت

لا. خالص دة انتي زي القمر

سندس

والله ما حد قمر الا انتي. ولية حق ايهاب طول ما احنا قاعدين ما يتكلمش الا عنك

ضحي

وبيقول اية بقي

سندس

بيقول انه بيفرح لما بيشوفك فرحانه وانه بيحس معاكي باحساس جديد عليه عمره ما حسه قبل كدة وانه بجد شكله بيحبك

احرجت ضحي ووقفت وقالت

انا اتاخرت ومحتاجة امشي

مسكت ايدها وقالت

انا اخت ايهاب الوحيدة واقرب واحدة لي في الدنيا دي. ومن ساعة ما حصلت لي الحادثة اللي فيها بقيت عاجزة عن الحركة وهو ديما معايا وفي خدمتي

وبدات سندس دموعها تنزل وهي بتكمل وبتقول

ضحي بكل حاجة علشان يفضل معايا خاف يتجوز وقفل ابواب قلبه قصاد الحب علشاني خاف من اللي ممكن يتجوزها ياتري هتتحملني وتتحمل ان جوزها ديما ملكي انا. ولا هتقدر اني اخته الوحيدة وانه ما ينفعش يسيبني لوحدي وانا في الحاله دي.

قعدت ضحي تاني ومسحت دموع سندس ولسة سندس بتقول

لكن قلبه خانه واتفتح ليكي ول حبك. وانتي بصراحة تتحبي

ضحي

ايهاب ليا مجرد مدير مطعمي و،،،،،،

سندس قاطعتها وقالت

ما تخفيش ايهاب عمره ما هيصارحك بحبة علشان يفضل في خدمتي وما تجيش واحدة ترفض اللي بيعمله معايا

مع ان قلبه احنا الاثنين بقينا نمتلكة خلي يحبك ولو من بعيد ولو طلب يتجوزك وافقي بس بلاش تحرميني منه 

ضحي ما بقتش عارفة ترد تقول اية وخيم السكوت علي الشقة ورجع ايهاب وشاف حاله السكوت اللي هما فيها ولقي دموع سندس علي خدها جري عليها ومسح دموعها وقال بلهفة

اية اللي حصل

سندس

ماتخفش علبه انا بخير بس افتكرت الحادثة وكنت بحكيها ل ضحي

ضحي قامت وقفت وقالت

انا اتاخرت ولازم امشي

ايهاب

طيب اطمئن علي سندس واوصلك

ضحي 

ملهوش لزوم زي ما جيت لوحدي هرجع لوحدي. وشكرا اوي علي المفاجاة الحلوة دي

ومشيت ضحي واخر حاجة شافتها وهي عند ايهاب وهو واخد اخته في حضنه. وبيقول لها بصوت حنون

احنا مش قولنا مش هنفتكر اللي حصل دة تاني مهما حصل. 

سندس

قولنا

وبصت بطرف عيونها ل ضحي اللي عيونها دمعت من حلاوة المشهد رغم مرارته وقفلت الباب ومشيت، ،،،،،،

وترجع ضحي ل شقتها علشان تلاقي فاتن صاحية وقاعدة بتتفرج علي التيلفزبون بصت لها بس وبعدها طفت التيلفزيون وراحت اوضتها كانت عايزة تعرفها انها مستني تشوف هترجع امتي لكن ضحي راحت وراء منها ودخلت عليها الاوضة وقالت

حاسة انك عايزا تقولي كلام كتير قولي وما تحرميش نفسك من اي حاجة. ما خلاص مطلوب مني اقف قدام بنتي وهي تحاسبني

فاتن

ماما من فضلك اخرجي وسيبني انام

وغطت نفسها باللحاف لكن ضحي شالت اللحاف من فوق منها وقالت

لية ما نمتيش وانا برة. ولا مستني رجوعي وبعدها تقولي انك عايزا تنامي 

فاتن

مش عايزاني اطمئن عليكي وانتي اول مرة تخرجي بالليل لوحدك من غيرنا

ضحي

لو دة كل اللي همك مش هكررها تاني طالما زعلتي اوي كدة

فاتن

انا عايزا انام

ولسة هتغطي نفسها تاني منعتها ضحي وقالت

فاتن احنا ما بقاش لينا في الدنيا غير بعض لو في حد قال لك كلام يخليكي تقلبي عليه. عرفيني وانا قادرة اثبت لك ان كل اللي اتقال ليكي كذب ف كذب

فاتن

انا ما حدش قالي حاجة والله. بس انا اللي مستغربه كل اللي بيحصل بابا يختفي وبعدها بشوية يظهر ايهاب. وبعدها بشوية بابا مات وحتي ما اتعملش لي صوان او عزا. كل دة مايخلينش اقول ان في حاجة غلط.  

خدتها ضحي في حضنها وقالت

لا. كل دة يخليكي تقولي ان في حاجة غلط. لكن انا مامتك تفتكري اني انا اعمل اي حاجة غلط

فاتن بصت لها اوي وبعدها حضنتها اوي وقالت

لا. وانا بحبك اوي يا ماما ومش طايقة حد ياخد مكان بابا في البيت

ضحي قلبها انكسر وقالت

ما حدش هياخد مكان رؤوف ابدا. بس ارجعي ليا فاتن بنتي وحبيبتي واول فرحتي

والاثنين حضنو بعض اوي. ،،،،،،،،

وعدت السنين ضحي بتحب ايهاب حب مكتوم ممنوع من الخروج للنور وايهاب بيحب ضحي. حب مخنوق حب محروم من الحياة وكل واحد عنده اسبابة اللي تمنعه من انه يتمتع بحب التاني. ورغم كدة الاثنين كانو بيعيشوا احلي سنين عمرهم. لغاية ما اتجوزت فاتن من واحد كان زميلها في الكلية وبعديها اتجوزت ليلي. وبقت ضحي عايشة لوحدها في البيت و من هنا اتجراء ايهاب اللي سندس حلفت عليه انه لازم يتجوز ضحي وطلب ايهاب ايد ضحي. ووافقت ضحي لكنها ما كانتش تعرف ان بداية مشكلة كبيرها بينها وبين فاتن وابتدت احداث النهاية. للحكاية، ،،،،،،،،

حلو كدة النهاردة وبكرة باذن الله نكمل