ضد المجهول
الحلقة السابعة
والاخيرة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وفعلو نزلو غطاء العين وكملت ماريا رحلتها ودخلت في منطقة الشلالات واتقلبت المركب علي وشها والثلاثة بقو في النهر والشلال كان بيغرقهم وانقطع الحبل واصبحت ماريا في اتجاة والولد في اتجاة والبنت في اتجاة والخطر بدا يزيد لكن ماريا قدرت تمسك في صخرة وبدات تنادي باعلي صوتها علي الولد والبنت وهنا تسمع صوت جرس بيرن بدات تركز وتتحرك ناحية مصدر الصوت لغاية ما وصلت للولد اللي كان ماسك في جزع شجرة اللي اول مالمست ايدة قال
ماما
خدته في حضنها وقالت
انت كويس
الولد
اتخبط في دماغي بس انا كويس
خدته تاني في حضنها وقالت
فين البنت
الولد
ما عرفش
ندهت باعلي صوتها وقالت
يا بنت لو سماعني عرفيني مكانك بالجرس
وهنا تسمع صوت جرس جاي من ناحية الشاطي مسكت ابنها وبدات تروح ناحية صوت الجرس لكنها سمعت جرس تاني جاي من وسط النهر وقفت وهي ماسكة ايد ابنها وقالت والرعب اتملك منها
بنت لو سماعني ردي عليه
لكنها تسمع صوت الجرس مرة من عند الشاطئ ومرة من جوة النهر وهنا اتاكدت انها بيتلعب بيها من الكيان المجهول فقررت تشيل ابنها وتتحرك عكس اتجاة صوت الجرس وقال ابنها
ماما احنا ماشين عكس اتجاة الصوت مش هننقذ البنت
ماريا وهي بتجري بابنها وسط النهر
دي مش البنت
وتفضل تجري وهي مش شايفة قصاد منها لكنها بتجري لغاية ما وقعت وقامت تاني وكملت جري لغاية ما سمعت صوت عصافير كتير بدات تحس انها قربت من المخباة. وفي عز فرحها بانها قربت من المخباة سمعت صوت جرس جاي من الشاطئ. بدات تركز واتكرر الجرس واتكرر راحت ناحية الصوت وهي بتقول
بنت
ردت البنت وقالت
انا هنا
قربت ماريا من الصوت وفي اللحظة دي تهب رياح شديدة ودخان اسود يبعد الثلاثة عن بعض و العصافير بدات تهيج في السماء والرياح وقعت ماريا في منحدر والولد راح في حتة والبنت راحت في حتة وماريا فقدت الوعي بعد ما راسها خبطت في شجرة بسبب وقوعها واختفي الكيان المجهول
و العصافير رجعت زي ما كانت والولد اللي كان واقع علي الارض قام وقف والبنت قامت وقفت و كل دة حصل والغطاء لسة علي عيونهم ودورو علي الجرس ملهوش الاجراس بتاعتهم وسمعت البنت صوت حنون بيقول
لو عايزا تلعبي معانا ارفعي الغطاء عن عيونك. وتعالي العبي معانا
البنت
انتو مين
الصوت
احنا اللي بنحبك. ارفعي الغطاء وشوفينا
وبدات تسمع اصوات لاطفال كتير بتلعب. وكان في نفس الوقت الولد بيسمع نفس الكلام لكنه رفض يسمع اللي بيتقال وقال باعلي صوته
ماما
لكنه ما سمعش رد. فقال تاني
ماما انا خايف
وبرضو ما سمعش رد وصرخ وقال باعلي صوته ولتالت مرة
ماما
هنا ماريا تفوق وتقوم تقعد وتحسس جنب منها وافتكرت اللي حصل لها وقالت
ولد
وبدات تطلع من المنحدر اللي نزلت في لغاية ما وصلت لفوق وقالت
ولد
سمع صوتها وراح لها واترمي في حضنها وقالت
فين البنت
كانت البنت في الوقت دة ماسكة غطاء العين والصوت بيقول
احنا بنحبك اكتر ما ماريا وهي هتحبك لية وانتي مش بنتها. ارفعي الغطاء عن عيونك وكوني معانا
والبنت بدات ترفع الغطاء لكنها سمعت صوت ماريا العالي وهي بتقول
بنت انا امك ومهما كنت قاسية عليكي انا اللي ربيتك واهتميت بيكي. لو سماعني ردي عليه انا قلقانة عليكي وخايفة عليكي
البنت بدات تبعد ايدها عن الغطاء وهي بتقول
ماما
و بدات تجري ناحية صوت ماريا وصلت لها و اترمت في حضنها. حضنتها ماريا اوي وقالت
كنت خايفة عليكي.
البنت
بجد ماما
حضنتها ماريا تاني وقالت
بجد
وسمعت ماريا صوت العصافير ومسكت الولد في ايد والبنت في ايد وقالت
خلونا نتتبع اصوات العصافير علشان نوصل للمخباة اللي بتمني يكون في النجاة
و بدات ماريا تتبع صوت العصافير لكن الرياح تهب تاني لكن ماريا المرة دي كانت اقوي منه وفضلت ماشية ناحية صوت العصافير لغاية ماوصلت عند بوابة كبيرة خبطت علي البوابة وقالت
ارجوكم انا معايا طفلين ومحتاجة للمساعدة
وفضلت تخبط علي البوابة لغاية ما فتح البوابة راجل عجوز اعمي اللي قال اول ما فتح البوابة
ادخلي بسرعة
ودخلت ماريا للمخباة اللي كان دار للمكفوفين وقال ذلك العجوز
انا شاكي صاحب الدار وانتم هنا هتكونو بامان وطالما وصلتهم لغاية هنا تبقو اما من العميان او من اللي حاطين غطاء علي عيونكم ولو علي عيونكم غطاء تقدروا تشيلو
وفعلا ماريا اطمئنت بعض الشئ وشالت الغطاء عن عيونها وبصت وشافت اطفال وعائلات فيهم الضرير وفيهم اللي بيشوف. شافت المخباة اللي عبارة عن حوش كبير وكله اشجار واراضي نجيلة. حست كانها في الجنه فقالت ل اطفالها
تقدروا ترفعوا الغطاء عن عيونكم
ورفعوا الغطاء عن عيونهم وفرحوا بالمنظر اطفال بيلعبوا في ساحة خاصة للعب وسقف الدار مليان عصافير طلعت ماريا العصفورين من هدومها وقررت تطيرهم مع باقي العصافير وحست ماريا بالامل وقالت للولد
انت من النهاردة لازم يكون ليك اسم علشان بقي ليك مستقبل.
الولد
انا هيكون ليا اسم
ماريا
هيكون ليك اسم. جاك دة هيكون اسمك
فرح الولد جدا وبعدها بصت للبنت وقالت
وانتي هتكوني اولمبيا
البنت
اسم امي
ماريا
افتكر دة افضل اسم ليكي. وكمان افتكر انك محتاجة تلعبي من اللي من سنك
بصت البنت ناحية المكان المخصص للعب الاطفال وجريت هي وجاك ناحية الملعب وماريا قعدت علي الارض مش مصدقة انها هتعيش ومن غير ما تحط غطاء العين.
النهاية
نهاية الفيلم كانت كدة وسابوها مفتوحة كل واحد بقي يقولي فهم اية من القصة واية المقصود بالكيان المجهول اللي النجاة منه بيكون باننا نبقي عميان اللي يعرف يحل الفزورة دي يقولي في التعليقات .........
اليهود حسبي الله ونعم الوكيل فيهم
ردحذفمابلاش، ههههههه بس حلوه النهايه تخياتي كايبتنا الكبير
ردحذف