نوح
الحلقة الثالثة عشر
والاخيرة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وفي الوقت دة توصل عربية جيب سقف عالي عربية يعرفها نوح كويس كان بيشوفها ديما في البلد وعارف صاحبها بس المفروض ان صاحبها مات فضل مركز مع العربية وسمع السنان بيقول
سيدي واللي سخرني ل حمايتك جه
نوح
تقصد اللي سخرك ل اذيتي
السنان ضحك وقال
برضو حسبتك غلط في غلط
وقربت العربية منهم وبقيت قصاد منه بالظبط ووقفت ونزل منها اخر حد كان ممكن يشوفو نوح. نزل من العربية. نسيم اتصدم نوح ونسيم ابتسم وقال
اية رايك في الجمال دة مش بذمتك اني استاهل اكون كبير البلد دي وكل البلاد اللي حاولين منينا
نوح باستغراب شديد
ازاي دة اني شوفت جثتك بعيني
نسيم
دة واحد تاني نفس جسمي وطولي وبشوية مكياج بقي يشبهني
نوح
طيب لو دخلت علينا احنا كيف هتخش علي الحكومة
نسيم
التقرير هيتكتب في انها مش جثتي لكن الجن السنان هيخلي التقرير يتغير
نوح
طيب لية
نسيم
لية اية
نوح
لية عملت اكدة لية سلط علية جن
نسيم
حبيت عن طريقك انظف البلد من كل الاوساخ اللي فيها. واولهم نعمان خوي
نوح
ما كنت خلصت عليه بعيد عني
نسيم لف حوالين نوح وقال
يرضيك اهل البلد يقولو ان نسيم قتل اخوه الصغير علشان الفلوس مش حلوة وعملت نفسي مبهور بكل شئ بيعمله وقعد انفخ في نعمان واني من ناحية تانية بفكر اخلص منيه ازاي مالقتش احسن منك اخلص بي علي نعمان حضرت السنان وخليته يوسوس لك علشان تنتقم وحصل وانت سلمت له نفسك
نوح
انت شيطان
نسيم بجنون
ما هو ما ينفعش اكون اني الكبير ونعمان خوي الصغير اللي يكون سيد البلد واهو بالمرة المامور يغور ومرتك سامية تغور اصلي ما كنتش بحب في المامور سلبيته ولا بحب في مرتك جهلها
نوح
و مرتك وابنك اللي راحو بسبب جنانك ما صعبوش عليك
نسيم
دول راحو بالغلط ما كنتش حابب انهم يموتو اعمل اية نعمان كان خسيس
نوح
وانت اللي ،،،،،،
قاطعة نسيم وقال
بلاش تغلط يا نوح. وخليك زين كيف ما احنا نعرفك ديما
نوح
بعد اللي عملته بمساعدة الشيطان اللي كان عليه تفتكر اني لساتي زين
نسيم
وهو انت بس كنت عملت اية. دة الشيطان هو اللي عمل كل حاجة انت لساتك برئ. وكل اللي اذاهم الشيطان كانو عايزين ليك الشر انت المفروض تشكرني اني ريحتك منيهم
نوح
انت مجنون ولعبتك هتتكشف هو انت ماسالتش نفسك هتعيش ازاي في البلد بعد ما كل اللي فيها عرفو انك موت علي يدي
نسيم
ما هي دي الحقيقية نسيم فعلا مات لكن اللي هيعيش هو ولد سامية وفرج اللي مات في النيل علي ايد ابوك
نوح
وهتعملها كيف دي. واهل البلد كلتهم عارفين انه مات
نسيم
بالفلوس تقدر تألف فيلم وتعرضة لخلق الله وتخليهم يصدقو ما انا برضيك هدفع لهم. مع كام عملية تجميل اغير فيهم شكلي ومن بعد ما كنت نسيم هعيش اللي فاضل من عمري باسم هشام فرج. بذمتك مش حلو اسم هشام
ومسك نسيم ايد نوح وقال
ودلوقتي جهز حالك لعملية اخراج الشيطان من جواك و بعديها هتعيش في امان
نوح
وتفتكر انك تقدر تخرج الشيطان من جويا.
نسيم
واية اللي يمنعني انا اللي حضرته وانا اللي اقدر اصرفة انت ما تعرفش انا دفعت كام علشان احضر السنان
نوح
بس السنان مش هيخرج
نسيم اتصدم وقال
بتقول اية يا نوح. السنان لي معايا قربان عظيم هيخلي ملك الملوك
نوح
ويعمل اية بالقربان دة وهو مجرد شيطان مش متمتع بالدنيا والفتن اللي فيها. لو انت هتدي للسنان زيبق احمر انا هدي جسم بني ادم يعيش في مدي الحياة
نسيم برق وقال
نوح اللي انت بتقوله دة خطر الشياطين ما ينفعش نلعب معاهم لعبة امتلاك الجسد وكمان انت لو اديته جسمك هتموت
نوح ابتسم وقال
مش جسمي انا. اللي هيكون ملكة دة جسمك.
وقال نوح للسنان
حلال عليك جسم نسيم.
وبعد ما كان نسيم هو اللي ماسك ايد نوح. بقي نوح هو اللي ماسك ايد نسيم وسمع نوح صوت السنان في ودانه وهو بيقول
وانا قبلت هديتك قول ورايا القسم دة
وبدا السنان يقول ونوح يعيد اللي بيقوله
ونسيم اترعب لما سمع اصوات مخيفة حوالين منه وحاول يفلت ايدة من ايد نوح وقال وهو مرعوب
نوح دة جزاتي اني جاي علشان انجيك منه
نوح
بعد ما امتلكني الشيطان واذيت كل اللي اذوني تفتكر اني هعرف ارجع واعيش نوح الطيب تاني. خلاص اني رجلي جت في الوحل وما عدش ينفع ارجع
وسمع نسيم صوت صفارة عالية جدا. وايدين بتطلع من تحت الارض وبتسحب روح نسيم ونسيم بيصرخ ومع صرخته يشوف شريفة مراتة واقفة قدام منه وهدومها كلها دم وماسكة في ايدها ابنه عادل وكان شكلها مخيف وبتضحك وهي مبرقة ل نسيم اللي روحه بتطلع من جسمة وبتنزل ل تحت الارض وفي نفس الوقت كل السنان بيتنقل من جسم نوح ل جسم نسيم اللي اصبح
بلا روح والرملة بدور حوالين منهم وكانها اعصار منظر مخيف ومرعب وانتهي في الاخر بان السنان امتلك جسم نسيم ونوح رجع له جسمة زي ما كان وقال السنان
اشكرك علي العرض بتاعك اللي ماكنش ينفع يترفض
نوح
اهلا بيك في عالم الانس. واللي انت ما تعرفهوش ان الموت في عالم الانس بيجي غفلة
ووطي نوح مسك حجر كبير وهجم علي السنان ما كنش السنان متوفع طبعا الهجوم دة وقع علي ظهرة ونوح بقي فوق منه وبدأ يضربة بالحجر اكتر من مرة لغاية ما كسر جمجمة السنان. ومعروف في عالم الجن ان الجن لما يمتلك جسم بيحس بكل اللي يحسة الجسم دة ولو الجسم ضعيف بيكون ضعيف ولو اضرب ضرب يودئ للموت. هيموت وما يقدرش الجن الخروج او الهروب في الحالة دي ودة اللي حصل اتكسرت دماغ السنان ومات ونوح رمي الحجر وبص ل ايدة اللي بقت كلها دم وبعد نفسه عن السنان وفضل يعيط بحرقة مش مصدق انه قدر يقتل كان حاسس باحساس غريب احساس او مرة يحسة. حاسس انه حيوان لكن ما كنش قدام نوح الا كدة. وقام نوح وفضل ماشئ في الصحراء راجع البلد وكانت هدومة برضو كلها دم وكل اللي يشوفو يرحبو بي واللي يقول
اتفضل يا كبير البلد.
واللي يقول
السبع ابن السبع.
واللي يقول
اني كل يوم اصلي وادعي ربنا ان ابني يكون كيفك
كان نوح بيبص لهم ومكمل مشئ ومستغرب ان ما فيش حد منهم ساله عن الدم اللي علي ايدة وعلي هدومة وكانه بقي عادي انه يعيش في الدم وعرف ان المامور عربية خبطتة قدام المركز خبر موت المامور كان مستني نوح من بعد مكالمتة للوزير ورجع القصر ووقف وسط القصر وسمع وردة بتقول وهي فرحانة
اكدة انت بوي اكدة انت ولد ادريس ما تعرفش اني فرحانة كيف انك خلصت علي المامور. علشان يعرف ان اللي يجي في صف حد ضدك لازم يكون الموت نهايته. وهو يا ما جه في صف نعمان
بص لها نوح وفضل ساكت وهي نزلت ووقفت قدام منه وقالت وهي بتبص علي الدم اللي علي هدومة
دة دمة صوح
نوح
لية السنان ما خلصنيش منك انتي كمان
وردة باستغراب
سنان مين
نوح
ما تاخديش في بالك. تعالي في حضني يا وردة.
واترمت وردة في حضن نوح. وقال
تعرفي يا وردة انك حلال فيكي الموت
وردة اتفزعت وحاولت تخرج من حضن نوح وهي بتقول
بوي اني بنتك يا بوي
نوح
بنتي اللي ما تتمناش ان جوزها يكون كيفي. بنتي اللي رمت نفسها في حضن نعمان. بنتي صوح بنتي اللي ما يشرفهاش اني اكون بوها
وبدأ يخنق وردة وهو زي المجنون
ووردة بتحاول تخلص منه. لكنها ما قدرتش لغاية ما وقعت ميته. وفضل نوح واقف ورد فعله كان غريب جدا. نوح كان واقف يضحك ويقول
اني اكدة انفع اكون بوكي. صوح يا بنتي. صوح
وفضل يعيط. وقعد جنب منها وخدها في حضنه تاني وفضل يبص لها وهو عمال يعيط وبعدها قام وراح ناحية المطبخ وبص لمواسير الغاز اللي في المطبخ وبص ناحية مطرقة كبيرة ومسك المطرقة وكسر كل مواسير الغاز وبدا الغاز يتسرب في القصر كله وبص لكل ركن في القصر وقال
اللي جة من حرام النار اولي بي.
واني غلط اني رضيت اعيش في قصر بوي اللي اتبني. بالخوف والرعب وفلوس الغلابة. اللي سرقهم. حلال فيك النار يا نوح. يالي اللي اتبعت خطوات الشيطان
وسمع صوت خبط علي باب القصر راح يفتح وشاف عنبر قصاد منه وبتقول له
نوح هقدر احرق اللي عليك بس انت ساعدني
بص لها نوح وسكت ولف ايدة حوالين بوقها ودخلها للقصر وراح بيها للمطبخ وفتح درج من ادراج المطبخ وعنبر بتحاول تفلت منه وطلع ولاعة وبص للدنيا البصة الاخيرة وولع الولاعة وحصل الانفجار واتحول القصر لكوم من التراب، ،،
وبعدها بكام شهر اتنفذ حكم الاعدام في نعمان. وخلصت حكاية نوح وعارف ان النهاية ممكن ما تعجبش ناس كتير لكن من الاول ما كنش ينفع نوح يعيش هو ولادة في الحرام وعلشان كدة حابب اعرف رايكم نوح ظالم ولا مظلوم.
وبكدة وبعد ما كل اللي في القصة ماتو 😂😂 تبقي خلصت قصتنا لكن ما خلصتش قصصنا. ولو في العمر بقية قريب هنتقابل في قصة جديدة. بعنوان
صدقو لسة ما عرفش للقصة اسم 😂😂😂😂 المهم هنتقابل قريب باذن الله وخلاص
سلالمو عليكم
نهايه واقعيه جدا وجميله جدا لان نوخ شخصيته نقيه انسان مش حابب الغش والحرام وفعلا هو كدا لازم تكون النهايه تخياتي ياكاتبنا الكبير
ردحذف