نوح
الحلقة التاسعة
من تاليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
نوح الصغير
انا نوح الصغير ولد نوح
وبص ل عنبر وقال
وابنك اللي لسة في الرحم عنديكي. وانا جاي من المستقبل اخد حق نوح بوي
اتصدمت عنبر وبرقت وبصت لبطنها ونعمان قال
ودة تخريف اية بقي. ولا انت فاكرني عبيط علشان اصدق الحديد الماسخ دة
نوح الصغير
والله تصدق او تكذب دة شانك وانت حر في. ومن اهنا ورايح اوعاك تقرب من بوي فهمان ولا لا
طلع نعمان الطبنجة بتاعته ولسة هيضرب نوح الصغير بالنار. بص نوح ل عنبر وقال
هتسيبي يقتل ابنك. كيف انتي ام
وقال نوح الصغير الجملة دي وانطفي النور وبقت ظلمة كحل. وجري نوح دخل في جسم عنبر طلع نعمان موبيلة وشغل الكشاف وبدا يدور علي نوح الصغير ووسط الظلمة شاف وش
نوح ادريس اتصدم نعمان ومن. الفزع ضرب طلقتين ناحية نوح اللي مابقاش موجود وراح نعمان ناحية كوبس النور وولع النور وفضل يبص حوالين منه وقال
راحو فين ولاد الحرام دول
عنبر
تقصد مين بولاد الحرام. دة نوح الصغير بس اللي كان اهنا
نعمان وهو بيدور في كل اوض الشقة
ونوح جوزك كمان كان اهنا
عنبر بدات تبص حوالين منها وهي بتقول
وباب الشقة ما اتفتحتش . دة كانه عفريت من الجن
نعمان شك في عنبر ومسك ذراعتها الاثنين وقال
صوح ومين اهنا غيرك يعرف يحضر ويصرف العفاريت. يا بنت ابليس
وزقها بمنتهي القوة وقعت علي الارض اتوجعت وقالت
انت بتعمل فيا لية اكدة دة اني طول عمري معاك مش ضدك
نعمان بشر مخيف
اسمعي يا بنت الكلاب. انتي تشغلي عفاريتك وتعرفي اية حكاية نوح الصغير دة. وسيبي لي انا حكاية نوح جوزك،،،،،،،
ومن جوة مكتب المامور وقت من المامور كان قاعد بيراجع بعض الاوراق يسمع خبط علي باب المكتب فيبص للباب بطرف عينه ويقول
ادخل
يدخل عسكري ويقول
في شاب برة اسمة نوح الصغير طالب يشوف حضرتك
ساب المامور اللي كان بيعمله وبص للعسكري باهتمام شديد ممزوج بالاستغراب.
يطلع اية نوح الصغير دة. البلد دي كلها ما فيهاش الا نوح واحد
العسكري
دة اللي قاله
المامور
خلي يدخل لما نشوف عايز اية دة
وخرج العسكري وبعدها دخل نوح الصغير اللي بص له المامور باهتمام وتركيز شديد وقال
العسكري قال انك عايزني
نوح الصغير قعد قصاد المامور وقال
انت اللي عايزني مش اني
المامور
وانا هعوز منك اية
نوح الصغير
100 مليون ج. مصري تحت فيلا نعمان هديتي ليك
المامور اتصدم من الرقم وقال
بتقول اية
نوح الصغير
اللي انت سمعته. مقبرة ملك من ملوك زمان مدفونة تحت الفيلا. احفر وطلعها وحلال عليك واني عارف ان الحفر ونبش المقابر. انت واللي معاك شاطرين في
المامور خبط بايدة علي سطح المكتب وقال بعصبية
انت يا حيوان جاي لغاية مكتبي وبتتهمي ان ليا في،،،،،،
لكن قاطعه نوح الصغير وقال
رد علي التيلفون
المامور بص لموبيلة وقال
بس الموبيل ما بيرنش
نوح الصغير
هيرن دلوقتي
وفعلا رن الموبيل وظهر علي الشاشة. **رقم خاص** فضل باصص للشاشة كام ثانية فقال له نوح الصغير
رد انا مش غريب. هتسيب الوزير يفضل يرن كتير
مسك المامور موبيلة وقام وراح لركن من اركان المكتب وقال
ايوة يا فندم
صوت الوزير
رجالتي في البلد عندك. عرفوني ان في مقبرة تحت فيلا واحد اسمة نعمان فرج
بص المامور ل نوح الصغير وبعدها قال للوزير
بس نعمان دة دلوقتي كبير البلد وحضرتك ما عرفش الفيلا دي بالنسبة لة اية دي فيلا اجدادة. يعني صعب يبيع او حتي يسبنا نحفر تحت منيها يعني مش هينفع نقرب منيها
الوزير
افتكر انك اشتغلت معايا كتير ودة يخليك تعرف اني ما حبش اسمع كلمة مش هينفع او مش هنقدر. يا تخلصها انت. وتفضل مامور البلد ل اخلصها انا بمعرفتي وابعد للبلد مامور جديد ما عندوش في قاموسة كلمة ما ينفعش
وقفل الوزير والمامور بص للموبيل ورجع قعد. علي مكتبه وبص في وش نوح الصغير لقي نوح اتصدم وقال
انت دخلت هنا امتي وازاي وفين الشاب اللي كان أهنا
نوح
ما حدش كان اهنا غيري. واني اللي قولت لك علي المقبرة اللي تحت فيلا نعمان.
المامور
نوح اني مش مجنون و لا كبرت وخرفت كان قاعد دلوقتي مكانك شاب واسمة نوح الصغير
نوح
اة. انت تقصد الجن اللي عليه
المامور
جن اية يا نوح انت موت عيالك جننك ولا اية
نوح
تعرف يا جناب المامور ان الجنان في زمنا دة هو عين العقل ويمكن لما ابقي مجنون الناس تخاف مني وتحترمني. ودلوقتي خلينا في اللي قاله الوزير ليك. وقولي ناوي علي اية
المامور
مالكش صالح انت يا نوح دة حوار اني قادر اخلصة ل حالي خد عفاريتك واطلع برة مكتبي
نوح
كيف دة وعفريتي هو اللي هيخلص لك الحوار دة.
المامور
قولت مالكش صالح
نوح
خلاص ماليش صالح بس ما ترجعش تدور عليه لان المرة الجاية اني هطلب كتير قصاد خدمتي ليك
وقام نوح وخرج من المكتب وساب المامور مش عارف يعمل اية، ،،،،،
ومن قدام قصر نوح كان نعمان جوة عربيته مستني رجوع نوح من برة وفعلا شاف نوح وهو راجع نزل من عربيته وندهه عليه بص له نوح وقال
اني عشت كتير وقليل لكني عمري ما شوفت في بجحتك
نعمان
ولية بس الغلط واني عنديك.
نوح
عايز اية يا نعمان
نعمان
عايز اعرف عملتها كيف دي
نوح
عملت اية
نعمان
انت عارف اني اقصد اية
نوح
وتفتكر اني لو عرفت قصدك هختار لك اللي بسببه ينكتب لك الراحة
نعمان
اسمعني زين يا نوح حوار انك تسخر جن علشان تجنني او يطلع لك ابن يخليني اخاف منيك انسي يا نوح اني نعمان اللي قلبه من الصخر
نوح
ولما انت اكدة جاي لية لغاية عندي وعايز تعرف اني عملت فيك اية
نعمان
اني جاي احذرك ابعد عني احسن ليك
نوح
اني بدافع عن نفسي وربنا يسترها عليك من اللي جاي
وبص نوح ناحية جيب نعمان اللي في الموبيل وقال
رد علي موبيلك. و اوعاك تسيب لهم فيلتك وتسيب الكنز ليهم دة ملكك وحلال عليك
استغرب نعمان وقال
كنز اي،،،،،،،،
لكن قبل ما يكمل الموبيل بتاعه رن سابه نوح ودخل قصره ونعمان طلع موبيله وكان المامور بيتصل بي رد وقال
ايوة يا جناب المامور
صوت المامور
عايزك في مكتبي دلوقتي حالا
نعمان
علشان اية
المامور
جاي لك مشتري زين ل فيلتك
نعمان
ومين قال لك اني عايز ابيع فيلتي
المامور
تعالي بس ونتكلم هستناك
وقفل المامور ونعمان اتردد في ودانه جملة نوح
رد علي موبيلك. و اوعاك تسيب لهم فيلتك وتسيب الكنز ليهم دة ملكك وحلال عليك
نعمان برق وقال
اني تحت فيلتي كنز
وركب نعمان عربيته وانطلق بيها لكنه شاف نسيم اخوة واقف قدام منه وجنب منه شريفة مراته وابنه عادل. داس فرامل من شدة المفاجاة ومع الفرامل ما قدرش يتحكم في عربيته والعربية اتقلبت بي و،،،،،،،،،،،،
خلاويص النهاردة ولو في العمر بقية هكملكم الحكاية ديا.،،، سلام
ليه الحلقه قصيره انهارده كدا
ردحذفتحياتي لك اديبنا الكبير
تم
ردحذف