الحلقة الثامنة
من تاليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وبعدها بساعة تقف عربية نعمان وسط الجبل وينزل نعمان ويجيب جروف من شنطة العربية ويحفر حفرة كبيرة ويرمي فيها جثة شريفة وابنها عادل ويردم فوق منهم بالتراب ويقف فوق قبرهم بمنتهي الجحود لكنه يشوف نسيم اخوة واقف ويخرج من وراء نسيم نوح في صورة الشاب وطبعا ما عرفهوش نعمان والشاب كان بيضحك ضحكة مخيفة وبيقول
اعرفك بنفسي اني ابن نوح واسمي نوح الصغير اهلا بيك في مملكتي
طلع نوح الصغير طبنجة من هدومة وضرب نعمان بالنار ووقع نعمان علي الارض وشاف الدم بينزل من صدرة ،،،،،،،،
لكن في نفس الوقت يصحي نعمان من نومة ويلاقي نفسه علي سريرة يخلع النص اللي فوق من هدومة ويبص علي صدرة مكان الكام طلقة اللي خدهم من نوح لكنه لقي صدرة سليم استغرب اوي وقام من فوق السرير وهو عمال يقول لنفسه
يعني اية كنت بحلم لكن كيف دة كان حلم واني بنفسي كنت في الجبل وبدفن شريفة وعادل ولا اكون ما خرجتش وشريفة وعادل لساتهم عايشين
وخرج من اوضة وفضل ينادي علي شريفة وعادل وما كنش حد بيرد وراح ناحية اوضة عادل وفتح الاوضة وملقاش حد. خرج من الاوضة وقفل الباب وراء منه وقال
يعني ما كنش حلم. اومال كيف اضرب بالنار واني لساتي حي
وخرج من اوضة عادل وهنا يرن موبيل نعمان اللي كان في الاوضة. راح له نعمان جري ولقي نسيم بيتصل اتصدم وفضل يبص حوالين نفسه بارتباك شديد وقال
نسيم دة كان مع ابن نوح انما لو هو كان مع ابن نوح لية خلاني عايش لحد دلوقتي لية يسكت علي بعد ما شافني بدفن مرته وابنه
وانتهت الرنة ونعمان عمال يفكر ورن الموبيل تاني وبرضو كان نسيم فتح نعمان الخط وهو حاطط الموبيل علي ودانه وساكت وسمع صوت نسيم بيقول
الو نعمان رد عليه يا خوي
رد نعمان وقال
اومال انت فين يا نسيم
نسيم
ما انت عارف اني فين. انا في مصر وبتصل بشريفة ما بتردتش عليه ما تعرفش هي فين
نعمان ما بقاش فاهم حاجة لكنه شاكك في كل اللي بيتقال ومع لحظات الشك سكوت قاطعها صوت نسيم اللي قال
نعمان يا خوي في حاجة حصلت ولا اية. ساكت لية مخبي عني اية
نعمان
نسيم تعرف تكلمني فيديو وتوريني انت فين دلوقتي في مصر
نسيم بعصبية
في اية يا نعمان انت لية بتتكلم معايا اكدة كاني بضحك عليك
نعمان
من غير. ما تتعصب اعمل اللي بقول لك عليه
نسيم
مش هعمل شئ الا لما افهم في اية وقصدك اية باللي انت بتقوله دة
نعمان
عايز اشوف مصر يا نسيم اية اللي يزعلك في دة
نسيم
ما اني قولت لك تيجي معايا
نعمان
ما ينفعش احنا الاثنين نسيب البلد دلوقتي وافتح الكاميرا بقي وفرجني علي مصر وجمال مصر
نسيم
طمئني علي مرتي وابني الاول
نعمان بحدة
افتح الكاميرا يا نسيم واخلص
نسيم
اني مش فاهم انت مالك النهاردة
لكن هقفل وافتح الكاميرا حاضر لما اشوف اخرتها اية معاك
وفعلا اتصل نسيم فيديو وكان نازل في فندق الهيلتون. وكان قاعد في اوضة علي النيل اتصدم نعمان لما شاف النيل في ظهر نسيم ووقع الموبيل من ايدة وبدا يبص يمين وشمال مش مصدق اللي بيحصل وعمال يبص حوالين منه وهو مرعوب وسمع صوت نسيم اللي لسة في المكالمة وهو بيقول
نعمان روحت فين
لكن نعمان ماردتش وجاب الموبيل من علي الارض وقفل المكالمة ولبس عبايتة وخرج من الفيلا، ،،،،،،،
ومن جوة عربية نعمان كان نعمان سايق العربية وحالته مش طبيعية وحاطط علي تابلو العربية موبيلة وفاتح الاسبيكر وبيتكلم مع عنبر بعصبية وبيقول
عملتي فيا اية يا بنت الكلاب سخرتي عليه اللي تحت الارض يأذوني اني من امبارح بالليل واني مش مظبوط وعادل افتكر اللي حوصل وقال ل امة كل حاجة
عنبر بصوت واطي
مش هعرف اكلمك دلوقتي نوح اهنا
نعمان
ملعون ابوكي علي ملعون ابوة نوح. قولي عملتي فيا اية
عنبر
اني ما عملتش فيك حاجة
نعمان بصوت يرعب الجبال
عنبر تنزلي حالا وتيجي لي الشقة اللي في اول البلد
عنبر
انزل كيف بس ونوح اهنا
نعمان
قولت تنزلي ولو ما جتيش كمان نص ساعة. هقتلك. سامعاني
وانهي المكالمة. ،،،،،
في نفس الوقت كانت عنبر بتخرج من المطبخ اللي كانت جوة منه بترد علي نعمان وعلي ودانها الموبيل وبتقول وكانها بتكلم حد وعلت صوتها علشان يسمعها نوح
حاضر يا حبيبتي جاية جاية ما تقلقيش باذن الله هتبقي كويسة
بص لها نوح وقال
اية في اية
عنبر
دي تهاني بنت اختي تعبانة اوي ولازم اروح اشوفها.
وقربت من نوح وخدته في حضنها وقالت
اني ما بحبش انزل وانت اهنا لكن غصب عني
حضنها نوح وقال
لا ازاي روحي اطمئني عليها
وحط نوح ايدة علي بطن عنبر وبص لها وابتسم وعنبر سابتة ودخلت وبمجرد ما دخلت اوضة النوم وغيرت هدومها حست بوجع في بطنها جريت علي الحمام وبدات ترجع وحست بغممان نفس
خلصت ترجيع وبصت لنفسها في المريا وقالت لنفسها
معقوله اكون حامل. بس كيف دة حصل واني كل يوم باخد برشامة منع الحمل
لكنها قررت تاجل مجرد التفكير في الامر دة وخرجت من الحمام وكملت لبس. وخرجت من البيت ونوح الصغير ظهر وفضل يبص ناحية باب الشقة، ،،،،،،،
من جوة فيلا نعمان كان نسيم ييكلم واحد من الرجاله اسمه. عيسي في الموبيل وعيسي كان بيقول
ماحدش في الفيلا يا معلم نسيم
نسيم بقلق شديد
كيف دة.
عيسي
الفيلا فاضية وست شريفة وعادل ملهمش اي اثر.
نسيم
رحتي فين يا شريفة بس، ،،،،،،،
من جوة شقة يقف نعمان قصاد عنبر وكان بيخنقها وهو بيقول
اسمعي اني النهاردة يا قاتل يا مقتول لو ما قولتيش عملتي فيا اية لخلص عليكي واخفي اسمك من فوق وش الارض
عنبر وهي هتتخنق قالت
ما عملتش فيك حاجة وبكفياك بقي شك فيا
نعمان ضغط اكتر علي رقبة عنبر وقال
اومال كيف يا بنت الكلاب اشوف نسيم ليلة امبارح في الجبل وبعديها بكام ساعة يكون في مصر
عنبر بصعوبه
ماعرفش. بس لية ربط اللي حوصل بانه بسببي ولي دخل باللي تحت الارض لية ما يكنش نسيم كان فعلا في اسيوط يالليل وبعديها سافر مصر دي كلتها ساعتين بينا وبين مصر
ساب نعمان رقبتها وقال
يعني اية نسيم اتفق مع ولد نوح
عنبر باستغراب
ولد نوح مين. ما الاثنين ماتو
نعمان
لا. شوفت امبارح عيل وقال لي انه نوح الصغير
عنبر
ما فيش الكلام دة من امتي نوح كان عنده تلاته
نعمان
اومال مين اللي شوفته امبارح مع نسيم
عنبر
ما عرفش
نعمان
طيب ما تعرفي
عنبر
اعرف كيف وما فيش اي شئ من اترة
قالت عنبر كدة وحست بوجع تاني في بطنها وجريت علي الحمام ترجع تاني وخرجت ونعمان بص لها بلامبالاة وقال
مالك
عنبر
كاني حامل من نوح
ضحك نعمان وقال
وكيف دة حوصل وانتي المفروض واخدة بالك
عنبر
ما عرفش والمصيبة دلوقتي اني كل القدرات اللي وهبهالي اللي تحت الارض هتحرم منيها وكمان العيل اللي جاي هيكون ليهم دة عهد بيني وبينهم وقربان لازم ادفعه
نعمان
لا اتصرفي وشوف لها حل لاني اوقات كتير بعتمد عليكي وعلي القدرات اللي عندك
عنبر
اتوكد الاول اني حامل وبعدها نشوف لها حل. ودلوقتي اني لازم امشئ. علشان سايبة نوح لوحدة في البيت
في الوقت دة اتفتح باب اوضة النوم وخرج نوح الصغير وقال
بوي نزل بعد منيكي
اتصدموا الاثنين وبصوا ناحيته وقال نعمان
انت دخلت هنا ازاي
نوح الصغير
اني اعرف ادخل اي مكان وقت ما احب ووقت ما اختار
عنبر
انت مين
نعمان
دة اللي انا شوفته امبارح مع نسيم ولد نوح التالت. واسمه نوح
نوح الصغير
انا نوح الصغير ولد نوح
وبص ل عنبر وقال
وابنك اللي لسة في الرحم عنديكي. وانا جاي من المستقبل اخد حق نوح بوي
اتصدمت عنبر وبرقت وبصت لبطنها ،،،،،،،،،،،،
خلاويص النهاردة ولو في العمر بقية هكملكم الحكاية ديا.،،، سلام
ينفع كدا هههههه بجد روعه تحياتي اديبنا الكبير
ردحذف