ضد المجهول
الحلقة السادسة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ورفعو غطاء العين وقالت ماريا وهي بتبص لهم
احنا دلوقتي داخلين علي اصعب مكان في النهر وهو منطقة الشلالات ولازم حد مننا يرفع الغطاء ويشوف لنا الطريق علشان نقدر نعدي لاني مش هقدر اكمل في الطريق وانا عينية مغمضة.
الولد قال
انا مستعد اعمل كدة
صرخت في ماريا وقالت
انت لا. وانا اللي هختار مين يرفع الغطاء
وبصت ل بنت اولمبيا والشيطان وسوس لها وقال
هي اللي تنفع تموت مش ابنك
ماريا فضلت تفكر وتبص للبنت وبعدها قالت قبل ما اقول لكم هي قالت اية تعالو بس اعرفكم بعد ما هربت مع جاك اية اللي حصل ونرجع تاني نغوص في ذكريات ماريا وهي في العربية مع جاك اللي راح بيها لفيلا تانية كانت ملك اخوة اللي مات ودخل العربية الجراح وبص ل ماريا وقال
خليكي انتي هنا لغاية ما امن الفيلا واتاكد ان ما فيهاش حد
ماريا كانت تعبانه فوافقت علي طول
ونزل جاك. من العربية والغطاء علي عيونه وفضلت ماريا في العربية مع الطفلين وقفص العصافير اللي نسيت اقول لكم انها جابته قبل ما تخرج من الفيلا. واستمرت علي الحال دة لمدة 1/2 ساعة لغاية مارجع لها جاك وقال
تقدري تنزلي
ونزلت ،،،،،،،
وفي نفس اليوم بالليل وبعد ما الاطفال نامو قال جاك ل ماريا
حاسة انك كويسة دلوقتي
ماريا
بعد ما خد العلاج حسيت اني بقيت احسن
جاك بص للاطفال. وقال
ناوية تسميهم اية
ماريا بصت لهم وقالت بصوت حزين
الاسماء بتطلق علي اي حد لي مستقبل وعنده فرصة للحياة والنجاة لكننا هنموت قريب وهما اولنا. لاننا ممكن في يوم نهرب ونسيبهم وراء مننا. زي ما عمل فودين ومراته اسرا مع بنتهم. وعلشان كدة افتكر ان الاسامي ليهم ملهاش اي لزمة
جاك
ماريا انتي لية متشائمة كدة
ماريا
بص حواليك وانت تعرف انها ملهاش نهاية الا الموت. والموت السريع
ورجعت تبص للطفلين تاني وقالت
علشان كدة الاحسن ليهم يكونو من غير اسامي. مجرد ولد وبنت،،،،،
وعاشو في الفيلا دي خمس سنين كل سنة كانت ماريا بدرب الولد والبنت علي انهم يعملو كل شئ والغطاء فوق عيونهم وازاي يتحركو ناحية مصدر الصوت وانضم لهم جاك وهي بدربهم في جراج الفيلا اللي كان كبير وقال
مش كفاية بقي كدة جه ميعاد الاكل
بصت له ماريا وقالت
كفاية كدة النهاردة هما كمان تعبوا
وبعد ما كلو وجه ميعاد النوم كان جاك قاعد مع الولد والبنت علي السرير وبيحكي لهم حكاية بنت كانت محبوسة في قصر كبير واللي كانت حبسها مرات ابوها ولما بقي عندها 10 سنين وجت لها الفرصة تهرب. هربت وراحت ل بلد بعيدة بلد عرفت فيها اطفال في سنها وبدات تلعب وكبرت في البلد دي وحبت و اتجوزت خلص جاك الحكاية وقالت البنت
وكان ليها اسم ولا زينا كدة بلا اسم
جاك
كان ليها اسم طبعا واسمها كان الاميرة جومينا
البنت
ولية هي ليها اسم واحنا لا
هنا تقف قصاد منهم ماريا وقالت بعصبية للبنت
انتي ما فيش فايدة فيكي هتفضلي ديما تسالي علي اسم لية ما تعملي زي اخوكي عايش وساكت وهو ملهوش اسم
البنت
من حقي يكون ليا اسم ومن حقي العب واشوف اي شئ تاني غير الظلمة
ماريا
انا شايفة انك تنامي احسن من الرغي دة
البنت
مش عايزا انام وعايزا بابا جاك يحكي لي حكاية تانية عن بنت في سني ليها اسم وتقدر تلعب وقت ما تحب
ماريا قربت منها وشخطت فيها اوي وقالت
وانا قولت هتنامي ومش عايزا اسمع صوتك تاني مفهوم
عيطت البنت وراحت حاطة دماغها علي المخدة وجاك بص ل ماريا وقام وقف جنب منها وقال
هتسيبيها تنام وهي بتعيط
ماريا
جاك انا تعبانه دلوقتي ومن فضلك خلينا نروح اوضتنا ونسيبهم ينامو
وخرجت ماريا ووراء منها يخرج جاك
والولد خد البنت في حضنه بعد ما طبطب عليها وقال
ما تزعليش منها دي برضو مامتك
البنت
مامتك انت بس انا مامتي ماتت وسابتني ليها تعذب فيها وتشخط وتزعق وعمرها ما حبت كلامي
الولد
ما هي بتزعق فيا انا كمان لكننا عارفين انها بتحبنا
البنت
انا ما حدش بيحبني هنا غير جاك وانت
انما هي لا
وفضلت البنت تعيط، ،،،،،،،
ومن جوة اوضة جاك وماريا كانت ماريا بتقول
لحد امتي هتفضل تحببهم في الدنيا وفي الحياة. وتخليهم يحلمو بالمستقبل
وهما مالهمش مستقبل
جاك
من خمس سنين قولتي اننا كلنا هنموت وعدي خمس سنين واحنا لسة عايشين اهو
ماريا بعصبية
عايشين في الظلمة متحرم علينا النور عايشين جوة قبر مستنين طلوع الروح
وانهارت ماريا من كتر العياط وقف جاك وخدها في حضنه وفضل يطبطب
وهنا يسمعوا في اللاسلكي صوت حد بيقول
في حد محتاج مساعدة. احنا نمتلك مكان اخر النهر معد للنجاة من الكيان المجهول
بصو الاثنين ل بعض وقالت ماريا
اكيد دة فخ من التابعين اوعي ترد
مسك جاك اللاسلكي وقال
ولية ما يكنش مننا
ماريا
التابعين للكيان المجهول بيخلصو علي اي حد مننا ازاي لسة في حد من البشر علي الكوكب
جاك
هرد واشوف هما منهم ولا مننا
ورد جاك وقال
انتم فين بالظبط
الصوت قال
انت مين و معاك حد ولا لوحدك
جاك
اسمي جاك و معايا مراتي واولادي الاثنين. احب اعرف بقي انت اللي مين
الصوت
انا شاكي. وامتلك مخبأة للنجاة من الكيان المجهول في اخر النهر لو حابب تنضم. لينا انت واللي معاك
جاك
اتاكد ازاي انك مش من التابعين
الصوت
الجزيرة اللي فيها المخباة مليانة
ب العصافير و العصافير ما تقدرتش تعيش في مكان بتحس بي بشر الكيان المجهول وعندنا اكل وشرب وارض واسعة تستوعب الف بني ادم
قفل جاك اللاسلكي وقال
كلامه حقيقي
ماريا
ما قدرش احكم يمكن دي خدعة من الكيان المجهول الغرض منها خروجنا والتخلص مننا
جاك
وممكن مش خدعة لازم نؤمن
ب حظوظنا في النجاة وانا شايف اننا لازم نخوض الرحلة دي
ماريا
انت عارف دة معني اية اننا نركب مركب وعلي عيونا الغطاء و نفضل في النهر مسيرة 40 يوم
جاك
ما قدمناش اي حل تاني
ماريا
والشلالات اللي في نص النهر
جاك
لما نوصل لها نبقي نشوف نقدر نعديها ازاي
ماريا
و هتجيب مركب منين
جاك
اعرف كوخ قريب من النهر عند مرسي اليخوت الشرقي وهناك مركب كنت بستخدمه في الصيد. بكرة الصبح هنتحرك ناحية الكوخ وبعدها تبدأ رحلتنا ،،،،،،،
وفي طريقهم للكوخ يطلع عليهم خمسة من التابعين قال واحد منهم
ما ترفع غطاء العين وشوف اللي عمرك ما شوفته شوف النعيم كله
جاك قال ل ماريا
خدي الاطفال وروحي للكوخ انتي عارفة العنوان
ماريا
مش هسيبك تواجهم لوحدك
جاك بحدة
قولت لك خديهم واهربي
وطلع جاك مسدس من جنبه وشال الغطاء من فوق عيونه وبدا يطلق الرصاص علي التابعين وهو بيشخط في ماريا اللي رافضة تمشي
اهربي
ولقيت ماريا نفسها بتجري وخايفة علي العيال وجاك بيقتل واحد وراء التاني لغاية ما ظهر الدخان الاسود واتحولت عيون جاك وبص ناحية ماريا لاخر مرة قبل ما الكيان المجهول يسيطر عليه وحط جاك المسدس في دقنه من تحت وطلعت الرصاصة وانتحر جاك ،،،،،
ونرجع للمركب وماريا بتقول للولد والبنت وهما لسة تحت البطانية
ما حدش فينا هيرفع غطاء العين.
البنت
انا حسيت انك كنتي هتختاريني انا
ماريا
وهختارك لية انسو اللي فات ودلوقتي هنخرج من تحت البطانية وتنزلو الغطاء علي عيونكم وخلونا ديما قريبين من بعض وافتكروا انا دربتكم علي اية طول السنين اللي فاتت واتاكدو ان الاجراس في هدومكم وانتو عارفين هتستخدموها ازاي علشان نقدر نوصل لبعض ودة في حالة ان الحبل اللي هيربطنا احنا الثلاثة يتقطع لاي سبب فاهمين
وفعلو نزلو غطاء العين وكملت ماريا رحلتها ودخلت في منطقة الشلالات واتقلبت المركب علي وشها والثلاثة بقو في النهر والشلال كان بيغرقهم وانقطع الحبل واصبحت ماريا في اتجاة والولد في اتجاة والبنت في اتجاة والخطر بدا يزيد ..........
خلصت حلقة النهاردة اللي يارب تكون عجبتكم واستنوني بكرة باذن الله والحلقة الاخيرة. سلام.
إرسال تعليق