الهام واللي كان الحلقة الاخيرة

 

ضد المجهول

                       الحلقة الخامسة

كتابة واقتباس

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

وبمجرد ما مسك جاك مقبض باب الثلاجة وفتحة تظهر ايد شخص ضخم بيحاول يفتح الباب بقوة اللي مع جاك شافو المنظر خافو وحاول جاك ومايكل ودنيال انهم يقفوا الباب تاني لكن قوتهم كلها متجمعه كانت بتنهار قصاد قوة جورج اللي كان من اتباع الكيان المجهول والوضع بقي خطر وقوة جاك واللي معه بتنهار وفودين واقف علي جنب بيبص لجورج اللي كان خلاص بيخرج من الثلاجة ووراء منه دم كتير وهنا قرر فودين انه يرمي نفسه علي جورج ويدخل بي الثلاجة وفعلا عمل كدة وجري بكل سرعته ناحية جورج وزقة دخل بي للثلاجة واتقفل الباب تاني علي فودين وجورج وهما في الثلاجة وقال جاك

فودين لية عملت كدة

صوت فودين

في يوم هربت وسبت بنتي وراء مني للموت افتكر اني لو مت النهاردة علشان انتم تعيشوا اكون كفرت عن ذنيي وبنتي تصدق اني مش جبان بلغو سلام،،،،،،،

لكنه ما كملش الجملة وصرخ صرخة مخيقة صرخة النهاية لان بعدها اتفصلت راسة عن جسمة والدم جري علي الارض وخرج من تحت باب الثلاجة لغاية وغرق ارضية السوبر ماركت بصو للدم وقال جاك ليهم

الوضع هنا مش امن لازم نخرج من هنا وبسرعةوبصت ماريا للعصافير اللي رجعت هادية بعد نهاية الشر وعرفت ان العصافير بتحس بي الشر فقررت تاخد العصافير معها بص لها دنيال وهي بتشيل القفص وخارجة بي وقال

رايحة فين بالعصافير دي

ماريا

العصافير دي بتحس ب الاتياع واكيد بتحس بالشر اللي حوالين مننا الكاين المجهول اللي سبب كل اللي احنا في دة وعلشان كدة هاخدهم معايا 

دنيال

واضح ان الحمل قصر علي دماغك

بصت له ماريا وماردتش ويدات تروح لرف الاكل بتاع العصافير وتاخد كل اللي تقدر عليه وزي ما دخلو خرجو من السوبر ماركت لكنهم ناقصين واحد. ناقصهم فودين، ،،،،،،

ومن جوة الفيلا كانت زوجة فودين واسمها اسرا بتبص وسط وشوش الراجعين للفيلا ومالقتش جوزها فجريت ناحية جاك وقالت

فين فودين

جاك بصوت حزين

ضحي بنفسه علشان احنا نعيش وانا السبب في موته 

انهارت اسرا من شدة الخبر ووقعت علي الارض وقالت

لا. لا. لا.

خدتها ماريا في حضنها وقامت بيها والعجوز بيلا راحت لها وبدات تواسيها وكمان اولمبيا وجاك بص للباقي ومابقاش قادر يقف قصاد منهم، ،،،،،

وعدي اسبوع علي الحال ودنيال كان قاعد في ركن واحدة علي كنبة لدرجة انه نام وهو قاعد وصحي مفزوع لما افتكر مشهد سلمي وهي بتدخل العربية المولعه وبالصدفة كانت ماريا بالقرب منه وشافته بيبكي وبيقول

سلمي وحشتيني اوي

وبدات يشرب الخمر من تاني قعدت ماريا قصاد منه فبص لها بحدة وقال

عايزا اية

ماريا طلعت منديل من هدومها ومديته ناحيته. وقالت

اسفة علي اللي حصل ل سلمي بنتك بسببي

خد منها دنيال المنديل ومسح دموعة وقال

سلمي كانت مراتي 

احرجت ماريا وقالت

انا اسفة

دنيال

بلاش تتاسفي لان دة حال كل اللي كان بيشوفني معاها. ما حدش كان مصدق انها مراتي بسبب فرق السن اللي بيني وبينها لكنها مراتي وحبيبتي وكل حاجة حلوة في حياتي ورغم كل دة كنت قاسي عليها جدا رغم حبي ليها وانا متاكد انها انتحرت علشان تخلص مني 

ماريا

لية بتقول كدة انا شوفت الكيان المجهول وهو بيقصر عليها وبيتحكم فيها 

دنيال

سلمي حاولت كتير تخلص مني واكيد هي دلوقتي ارتاحت وفي مكان احسن من المكان اللي انا موجود في. بس هو البني ادم مننا كدة ما يعرفش قيمة اللي معه غير لما يروح منه

وفي الوقت دة يسمعوا صوت غريب بيتكلم مع اولمبيا راح دنيال ومعه ماريا ناحية مصدر الصوت لقو اولمبيا واقفة جنب واحد لابس بدلة وشكلة غني جدا مسك دنيال البندقية بتاعته وقال بعصبية

مين اذن لك تدخلي حد غريب

وصوب البندقية ناحية الغريب دة وقال

انزل علي ركبك وارفع ايدك لفوق

وفعلا عمل الغريب كدة وقال

انا رجل الاعمال جيسون من كندا وكنت هنا في رحلة عمل وحصل اللي حصل وطلبت المساعدة من كل الفيلل اللي عديت عليها وانتم بس اللي فتحتوا انا خايف ومرعوب من اللي بيحصل برة 

اولمبيا

انا بصيت في عينيه ومالقتش اي اثر علي انه منهم 

جاك بعصبية 

اولمبيا اظن ان مش من حقك تدخلي اي حد بدون الرجوع لينا كلنا

اسرا 

وانت لية ما عملتش كدة لما قررت تفتح باب الثلاجة لواحد طلب مساعدتك من غير ما تتاكد هو منهم ولا مننا. وكان سبب التصرف الغير محسوب دة موت جوزي علشان انت تعيش 

احرج جاك وقال

اللي حصل هنا ما يتشبهش باللي حصل هناك

اسرا 

كل العصبية اللي انت فيها دي علشان قرار اولمبيا بانقاذ جيسون ماكنش قرارك انت وهو دة اللي خلاك تتعصب

جيسون

انا ممكن اخرج من هنا وبلاش اكون سبب مشكلة ما بينكم

بصو لبعض وقال جاك

ازاي نخرجك خليك.

وسابهم ومشي وحست ماريا قد اية كلام اسرا وجع جاك. فبصت ناحية العصافير وشافت انهم مستقرين فأ طمئنت شوية ان ما فيش خطر من جيسون وراحت وراء جاك اللي كان قاعد في البالكونة حزين قعدت جنب منه وقالت وهي بتبص له

ما تزعلش من اسرا هي مش قادرة تعدي صدمة موت جوزها

بص لها جاك وقال

انا فعلا غلط اني فتحت باب الثلاجة لكن كلام مايكل عن ان جورج دة زميلة في السوبر ماركت خلاني اطمئن انه فعلا مننا ومحتاج مساعدة

ماريا

حاول تعدي اللي حصل وتنسي واتاكد ان زوجة فودين مسيرها تتقبل اللي حصل لجوزها وهتكون اقوي

وهنا تحس ماريا بوجع شديد اسفل الرحم حاولت تمسك نفسها لكنها ما قدرتش وبصت ل جاك وقالت

انا حاسة بوجع الولادة

جاك بص لها لكنهم وفي نفس الوقت يسمعو صوت صرخة تانية جاية من جنب منهم وكان صوت صرخة اولمبيا وقالت ماريا

دي اولمبيا.

وهنا تدخل البالكونة عليهم العجوز بيلا وتقول

اولمبيا بتولد

بصو الاثنين ل بعض باستغراب شديد وقال جاك

معقوله الصدفة دي

ماريا صرخت والمية اللي في الرحم بدات تنزل لكنها كانت مية سوداء ومع المية كائنات صغيرة شكلها مرعب كائنات بتعيش في المستنقعات بصت للي بيحصل وقالت

اللي بيحصل دة غريب، ،،،،

في نفس الوقت من اوضة من اوض الفيلا تقف اسرا مع جيسون الغريب اللي لسة داخل الفيلا وكانت بتقول

الدم اللي خدة مني قدر يخليك تدخل الفيلا وتبان انك مننا. اتمني انك تخلصني منهم كلهم

جيسون

انتي مجنونه. وجنانك مخلص ليكي من نهاية هتليق بيهم. وهي الموت

اسرا بجنون 

لازم كلهم يدفعوا ثمن موت فودين جوزي. لازم

جيسون

كوني من الاثنين اللي بيولدو علشان الاطفال وهما في الرحم هيحمهوم من المصير الاخير علشان كدة هما هيولدو وبعدها اولادهم هيكونو لينا هيكونو اصغر اتباع للمخلص

هنا اتفتح باب الاوضة ودخل دنيال والبندقية قصاد منه واخد وضع استعداد لقتلهم وقال ل اسرا 

انتي ازاي تعملي فينا كدة ازاي تدخلي

واحد منهم

لكن جيسون في لمح البصر كان وراء دنيال وضربه بايدة ضربه قوية خلت دنيال يطير في الهواء ويتخبط في الحيطة ويقع علي الارض مغمي عليه

راح جيسون ناحيته وبص ل اسرا وقال

روحي انتي ليهم 

اسرا وهي بتبص علي دنيال

ودنيال

جيسون

في غيبوبة ما فيش خوف منه وعقبال ما يرجع له وعيه هيكون المخلص اقتحم عقله وهيخلي يخلص علي نفسه

وخرجت اسرا وراحت ناحية الاوضة اللي فيها بتم ولادة ماريا واولمبيا وجيسون استغل ان الكل مركز مع ولادة الاثنين بدا يفتح شبابيك الفيلا والنور بيدخل للفيلا ومع النور تفوح ريحة الشر وبقي نهاية الموجودين في الفيلا مصحوبه بولادة ماريا واولمبيا وفعلا خلفت ماريا ولد واولمبيا خلفت بنت وبالصدفة ينزل جاك علشان يجيب مية من الدور الاول يلاقي الشبابيك مفتوحة غمض عيونه بسرعة ووقتها سمع صوت جيسون بيقول

لحد امتي هتفضل هربان مننا 

جاك

انت منهم 

جيسون

انا من التابعين

وحاول جيسون بكل قوته يشيل ايد جاك من فوق عيونه علشان يخلي يبص للنور اللي داخل من برة لكن جاك كان اقوي من جيسون وضربه بمنتهي القوة بالكوع في معدته جيسون اتوجع ورجع لوراء من شدة الوجع وحاول جاك الوصول ل جيسون وهو مغمض عينه لكن جيسون يكسب لانه شايف جاك وجاك مش شايفة وضرب جيسون جاك بفاظة في دماغة من قدام ووقع جاك علي الارض فاقد الوعي وطلع جيسون للاطفال ووقف عند راس بنت اولمبيا وقال

قد اية بنتك جميلة

اولمبيا استغربت لان الطفلة كانت لابسة هدوم وقالت

انت عرفت ازاي انها بنت

بص جيسون في عيون الطفلة وقال

من عيونها

ماريا بدات تشك في الامر وهو كمل وقال

اتمني ليكي وليها حياة قصيرة

وراح فتح الشباك الموجود في الاوضة ودخل النور وجه في عيون اولمبيا وشافت المخلص وماريا دخلت تحت الملايا واولمبيا قامت من فوق السرير وداست علي راس بنتها وجريت ناحية الشباك ورمت نفسها في الشارع نزلت فوق العربية اتكسر عضمها وبعدها سمعت ماريا صوت جيسون بيقول للعجوز بيلا

جاهزة بيلا انك تقدمي روحك هدية للمخلص

بيلا مسكت سن تحفة وبدات تذبح نفسها بشكل مرعب وبعد موت بيلا راح جيسون ناحية ماريا ومسك طرف الملايا ورفع الملايا ومسك راس ماريا وقال

بصي للمخلص وقدمي لي روحك

حاولت ماريا انها تفلت من ايدة لكنها ما قدرتش وهنا تسمع رصاصة تخترق صدره وهي رصاصة جاية من بندقية دنيال بصت ماريا ل دنيال اللي قال

خدي ابنك واهربي

ماريا شافت دم نازل من دماغة قالت

انت كويس

دنيال

ما فيش وقت الفيلا هتتملي بالتابعين اهربي

وتقوم ماريا وهي تعبانه وعلي كتفها ابنها وهنا تسمع صوت عياط بنت اولمبيا فشالتها وهجم علي دنيال من الخلف خمسة من التابعين لكن دنيال قدر يفلت من هجومهم وبدا يخلص منهم واحد وراء التاني لغاية ما خرجت ماريا ومعها الطفلين ولقت في وشها اسرا وفي ايدها سكينة وكانت بتقول

هتموتي زي كل اللي في الفيلا

ولسة هتضرب ماريا وصل جاك وقدر يخلص من ماريا وكانت دماغه بتجيب دم وقال ل ماريا

غمضي عينك ويلا نهرب حالا

في الوقت دة يشوفو دنيال بيقتل نفسه بالبندقية اتوجعت ماريا لكن جاك خدها وهو مغمض وهي مغمضة وقدر يخرج بيها من الفيلا للجراج وركب العربية وهرب، ،،،،،،،،

هنرجع للمركب وماريا فاقت من ذكرياتها علي موج عالي بدا يخبط في المركب فحطت ماريا بطانية عليها وعلي ولادها وقالت

تقدروا ترفعو غطاء العين

ورفعو غطاء العين وقالت ماريا وهي بتبص لهم

احنا دلوقتي داخلين علي اصعب مكان في النهر وهو منطقة الشلالات ولازم حد مننا يرفع الغطاء ويشوف لنا الطريق علشان نقدر نعدي لاني مش هقدر اكمل في الطريق وانا عينية مغمضة.

الولد قال

انا مستعد اعمل كدة

صرخت في ماريا وقالت

انت لا. وانا اللي هختار مين يرفع الغطاء 

وبصت ل بنت اولمبيا والشيطان وسوس لها وقال

هي اللي تنفع تموت مش ابنك

ماريا فضلت تفكر وتبص للبنت وبعدها قالت، ،،،،،،،،

يوم السبت باذن الله هقول لكم هي اختارت مين. او قولو انتو في التعليقات هتختار مين واللي هتقول صح هتكسب ب خمسة ج رصيد صافي

سلام عليكم