ضد المجهول
الحلقة الرابعة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وفعلا البنت بدات تتبع الصوت لكنها خدت طريق تاني غير طريق ماريا لغاية ما وصلت عند المعسكر بس من ناحية تانية وبدات تسمع اصوات مخيفة وحشرات كتير بتلف حوالين منها وفجاة البنت وقعت علي الارض وبقت علي وشها وبتتسحب للمجهول وفضلت البنت تتسحب علي وشها لغاية ما لقت نفسها عند المركب وماريا بتقول لها بعصبية
اية اللي خلاكي تنزلي من المركب
البنت
انتي كنتي في خطر وكان لازم اساعدك
ماريا بعصبية اكتر
انا فعلا كنت في خطر لكني قدرت اهرب من باب خلفي ومهما كان فيا اية اوعي تسيبي المركب تاني ولو موت كملو رحلتكم لغاية نهاية النهر انقذوا نفسكم ما تستلموش للموت مفهوم
ماردتش البنت صرخت فيها ماريا من شدة خوفها عليهم
قولي مفهوم
البنت
مفهوم
ركبتها المركب وقالت للولد
الكلام اللي قولته ليها اعتبره ليك انت كمان وما كنش ينفع تسيبها تنزل من المركب حتي لو كنت منعتها بالعافية
الولد
قولت لها ورفضت تسمع كلامي
لكن ماريا كانت بتزق المركب في النهر وركيت ومسكت المجدافين وبدات تجدف وتكمل رحلتها،،،،،
ونرجع تاني لذكريات ماريا واحنا دلوقتي جوة الفيلا و 11 شخص قاعدين مع بعض ومايكل بيقول
الاكل اخرة النهاردة هنعمل اية
جاك
لازم نوصل للسوبر ماركت نجيب اكل
دنيال
هنخرج ازاي وسط الاحداث المجنونه اللي بتحصل برة والمجهول اللي بيخلينا نقتل نفسنا
جاك فكر للحظات وبعدها قال
العربية بتاعتي في الجراج والجراج تحت الارض هندهن ازاز العربية اسود وبكدة نقدر نخرج بيها ومش هيكون في خوف علينا
دنيال
في حاله انك دهنت الازاز اسود اللي برة مش هيشوفك وانت كمان مش هتشوف البرة تقدر تقولي هتسوق ازاي
جاك
مش انا اللي هسوق
دنيال استغرب وقال
اومال مين ،،،،،،،
بيتغير المشهد وكلهم كانو واقفين قصاد العربية وجاك بيقول
السواق الالي هيوصلنا للسوبر ماركت عن طريق
الجي بي اس
وليم
انت عبقري جاك
جاك
بس انا هحتاج معايا في الرحلة دي اربعة علشان نقدر نلم اكبر كمية اكل نقدر نتحصل عليها
مايكل
شوف اريعه بعيد عني
جاك
انت اول واحد في الاربعة لانك شغال في السوبر ماركت وتعرف كل شبر في
مايكل
جاك انا مش هخرج من هنا
جاك
مايكل من فضلك الوضع ما يتحملش اي خوف كلنا مرعوبين والوضع صعب لازم نحط ايدينا في ايد بعض علشان نعدي الازمة دي
مايكل بص له وسكت وهنا قال جاك
كدة بقينا 2 فاضل تلانه
ولا واحد من الموجودين اتجراء يقول انه هيخرج وفضلو يبصوا ل بعض ماريا شافت الوضع كدة قالت
انا جاية معاك
استغرب جاك وقال
انتي حامل مستحيل تخرجي
ماريا
دة قرار نهائي
دنيال شاف كدة مسك بندقيته وقال
وانا كمان جاي معاك
وبص ل ماريا وكانه بيتحدها بصت له ماريا بلامبالاة وقال وليم
وانا كمان جاي معاك
وانضم لهم الزوج اللي ضحي ببنته وسايها برة ودخل هو الفيلا وكان اسمة فودين وقال
انا كمان جاي معاكم
بصت له مراته وقالت
فودين هتسييني لوحدي
فودين
ما تقلقيش انتي وسط اصحابنا
الزوجة
اخاف تضيع مني زي بنتنا
فودين بندم شديد
كنت اتمني اكون معها وقت موتها
وبكي بشدة لكن الزوجة حضنته وهو مسح دموعه وقال
افتكر ان ما فيش وقت ولازم نتحرك
جاك
دة كمان رايي
وفعلا دخل اوضة في الجراج جاب منها دوكو اسود وكذا فرشه ووزع الفرش علي مايكل وفودين ودنيال وكان هو معه واحدة وبداو يدهنو ازاز العربية وبعد ما خلصو ركبوا العربية وقال جاك ل ماريا
انا من رايي انك تفضلي هنا
ماريا
من الافضل ليا اني اكون معاكم لاني مش من محبي الانتظار
وركبوا كلهم وبقت ماريا جنب جاك في اول كرسي والباقي وراء وكل واحد علي جبينه غطاء للعين وفتح جاك باب الجراج بالريموت وباقي اللي كانو موجودين رجعو الفيلا تاني وشغل السواق الالي في عربيته بعد ما حط عنوان السوبر ماركت واتحركت العربية وكانت حرفيا بتعدي فوق جثث وصوت العضم اللي كان بيتكسر تحت كاوتشات العربية كان يرعب لكن جاك بص ل ماريا اللي ماكنتش قادرة تستوعب اللي بيحصل وقال لها
لو عايزا ترجعي انا ممكن ارجعك
دنيال بحدة
هي كانت فاكرها رحلة من قبل ما نخرج والمفروض انها تبقي عارفة ان دة هيكون الوضع ولو كانت مش قادرة تكمل تنزل هنا
ماريا بصت له وقالت بنفس الحدة
لو انا ما كنتش خرجت انت ما كنتش هتخرج
دنيال
كنت هخرج انا مش جبان
ماريا
انا ما قولتش انك جبان
جاك حس ان الخناقة هتزيد فقال
ممكن نهدي احنا مش في وضع يسمح بالخنا،،،،،،،،
وهنا العربية اللي هما فيها بدات تجيب دم من السقف ومع الدم صوت صرخات ناس بتتعذب والعربية بقيت ب ريحة الموت والفزع زاد والسواق الالي توقف ومابقوش عارفين يعملو اية وبدات العربية تترفع عن الهواء وتلف لفوق بشكل مخيف وجاك قال
كلو يمسك كويس في الكرسي اللي هو قاعد عليه
وهنا ماريا قالت
اخرج من وضع السواق الالي ودوس بنزين علي الاخر
جاك
ازاي واحنا في الهواء
ماريا
ما يقدرش عليك وانت اللي بتتحكم في قرارك صدقني هو اضعف من انه يتحكم فينا
جاك لغي وضع السواق الالي وفعلا داس بنزين علي الاخر وهنا العربية تنزل للارض بهبدة تكسر الظهر لكنهم تحاملو والهبدة دي قصرت علي ماريا جدا لكن العربية بقت علي الارض واتحركت وبسرعة وكان جاك بيخبط في العربيات اللي في الطريق قصاد منه وبيفرم الجثث وبدا يبعد عن هذا الكيان المجهول وفي نفس الوقت ماشئ علي خط السير اللي رسمه لي الجي بي اس ووصل للسوبر ماركت وخبط في حيطة وهو دة اللي وقف العربية وبص جاك للي معه وقال
تقريبا احنا وصلنا كل واحد ينزل غطاء العين وخلونا ننزل
وفعلا نزلو وقال جاك ل مايكل
انت الوحيد اللي المفروض حافظ الطريق ل باب السوبر ماركت
مايكل
هحاول
وبدا مايكل يتحرك وهما وراء علي الصوت ووصلو للباب وفتح مايكل الباب ودخلو وقال مايكل
تقدروا ترفعوا الغطاء عن عيونكم لان السوبر ماركت ما فيهوش اي شباك
وفعلا رفعوا الغطاء والسوبر ماركت كان مليان اكل وفرحو باللي شافو وقال جاك
كله يلم اللي يقدر عليه وخلونا نخرج من هنا بسرعة
وفعلا بداو يملو اكياس اكل وشرب وعصائر وشافت ماريا قفص في عصفورين صغيرين وصعبوا عليها وقررت تاخدهم لكن بمجرد ما لمست القفص العصفورين هاجو وبداو يرفرفو بشكل مخيف سابت القفص وبصت حوالين منها واستغربت رد فعل العصفورين وهنا يسمعوا صوت خبط علي باب حديد وهو باب الثلاجة بصو كلهم ناحية الياب وراح جاك بحذر شديد فقال له دنيال
رايح فين
جاك
ممكن حد محتاج مساعدة
ووقف جاك وراء الباب وماريا عماله تبص للعصافير اللي لسة في حالة هياج وقال جاك
انت مين
الخبط فضل مستمر مع دقات قلبهم اللي مصحوبة بالخوف والترقب وصوت قال
انا جورج عامل النظافة في السوبر ماركت
يص جاك ل مايكل وقال
كان في حد شغال معاك اسمة جورج
مايكل
جورج الانطواني دة كان شغال معانا فعلا بس اية اللي دخله جوة الثلاجة
ماريا سايبة الحوار يدور وعماله تبص للحالة اللي فيها العصافير وبعدها سمعت جاك بيقول
طالما تعرفه يبقي نفتح له لانه اكيد محتاج مساعدة
وبداو يسمعوا صوت عياط بس صوت يخوف ما يطمئنش وقالت ماريا
انا مش مرتاحة اوعي تفتح باب الثلاجة
بصو ل ماريا اللي كملت وقالت
حركة العصافير جوة القفص بتقول ان في حاجة غريبة وملهاش اي تفسير الا الخوف
جاك
حركة العصافير دي ممكن تكون بسبب الجوع مثلا او الخوف مننا احنا وانا ماقدرش اشوف انسان محتاج مساعدة وانا اقدر اساعدة واقف ساكت
ماريا
طيب اتاكد انه مش من الاتباع
جاك هز دماغة بالموافقة علي كلام ماريا وبعدين قال
جورج انا هفتح الباب وانت تغمض عينك وتثيت لي انك انسان طبيعي
جورج
حاضر
وبمجرد ما مسك جاك مقبض باب الثلاجة وفتحة تظهر ايد شخص ضخم بيحاول يفتح الباب بقوة اللي مع جاك شافو المنظر خافو وحاول جاك ومايكل ودنيال انهم يقفوا الباب تاني لكن قوتهم كلها متجمعه كانت بتنهار قصاد قوة جورج اللي كان من اتباع الكيان المجهول والوضع بقي خطر وقوة جاك واللي معه بتنهار وفودين واقف علي جنب بيبص لجورج اللي كان خلاص بيخرج من الثلاجة ووراء منه دم كتير وهنا قرر فودين انه،،،،،،،،،
خلاويص النهاردة ولو في العمر بقيا هكمل لكم الحكاية ديا سلام عليكم
إرسال تعليق