ضد المجهول
الحلقة الثانية
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وبعدها قال جاك للست اللي علي الباب
انا هفتح الباب وانتي تدخلي مغمضة عينك واوعي تفتحيها الا لما احنا ناذن ليكي
الست
حاضر
وفعلا مسك جاك مقبض الباب وبدا يفتحة واحدة واحدة وبحذر شديد و تدخل اولمبيا امراة باين عليها انها طيبة جدا ومرسوم علي وشها ملامح الفزع الشديد وكانت بتترعش اما من الخوف والجنون اللي شافته برة في الشارع او من البرد الشديد في الوقت دة من السنة وبصت لها ماريا وكل الموجودين بحذر شديد وهي قالت
انا جوزي انتحر قدام مني وخرجت من الفيلا اجري زي كل اللي كانو بيجروا ما عرفش انا رايحة فين ولا عارفة اروح مين لاني مش من امريكا وماليش عيلة هنا انا في الاصل رومانيا وخوفت اكون لوحدي فارجوكم تقبلوني وسيطكم
بصو العشرة ل بعض وقال جاك بالنيابة عن كل الموجودين وبحكم انه صاحب الفيلا
طبعا انتي معانا
دنيال بص ل ماريا وقال باستهزاء
افتكر بقي ان دلوقتي اقدر اخد بندقيتي ودة احسن ليكي بدل ما تتعوري وانتي ما تعرفيش سلاح زي دة بيستخدم ازاي
ماريا ما عجبهاش طريقة دنيال في الكلام وبدات تفضي البندقية من الطلقات اللي فيها واديت البندقية ل دنيال وهي فاضية وبتقول
انا كنت بطلة رماية سابقة للولايات المتحدة
خد منها البندقية وهنا سمعت اولمبيا بتقول وهي بتبص علي بطنها
انا الدكتور حدد لي اول اكتوبر ميعاد لولادي
وانتي امتي
بصت لها ماريا وقالت
نفس الميعاد او قبل لك بيوم
اولمبيا
اتمني اولد في ظروف احسن من دي
ماريا هزت لها دماغها مع صوت وليم المثقف بيقول
احنا اصبحنا 11 شخص في الفيلا لازم نحسب كمية الاكل والشرب اللي عندنا ونحسب المفروض الاكل دة يقضينا قد اية
ونحاول علي قد ما نقدر نخلي يقضينا اطول فترة ممكنة
جاك بص ل صديقة مايكل اللي شغال في السوبر ماركت وقال
تعالي مايكل نجيب كل الاكل الموجود هنا
وفعلا راحو الاثنين ورجعوا بعد كام دقيقة ومعهم كل المعلبات الموجودة في الفيلا وحطوهم قصاد الكل وبص وليم ل كمية القتل اللي كانت محدودة ودة بحكم ان جاك عايش لوحدة فقال وليم
الاكل دة مش هيقضينا الا يوم واحد
جاك
يعني لازم نخرج ونجيب اكل
العجوزة بيلا
هنخرج ازاي وسط الجنون اللي برة دة وهنجيب اكل منين
مايكل طلع مفاتيح السوبر ماركت اللي هو شغال في وقال
من السوبر ماركت ما انا اللي كنت بمشي اخر واحد وانا اللي قفلت السوبر ماركت اخر مرة
وما فتكرش ان صاحب السوبر ماركت لسة عايش والا كان اتصل بيا يشوفني انا فين
جاك
كدة احنا عرفنا هنجيب الاكل منين ناقص بقي هنجيبة ازاي
كيم فكر للحظات وبعدها قال ل جاك
جاك في انت ناسي انك عندك كاميرات مراقبة حوالين الفيلا كلها والكاميرات دي مراقبة المسافة كاملة من الفيلا ل غاية السوبر ماركت
مايكل
فعلا والسوبر ماركت علي بعد تلت شوارع من هنا
دنيال
برضو ما قدرتش افهم تقصدو اية
كيم
نطلع الدور التاني ونتاكد ان الكاميرات لسة شغاله وبعدين هفهمك
وفعلا اتحرك كيم ناحية الدور الثاني والكل اتحركو بعد منه ودخل كيم اوضة المراقبة وبدا يشيك علي الكاميرات لقي كاميرا واحدة بس اللي شغاله والباقي فصل ودة اكيد بسبب اللي بيحصل برة ماريا بصت للشاشة الكبيرة اللي المفروض تعرض كل اللي الكاميرات بتصورة وقالت
كاميرا واحدة بس اللي شغاله والباقي مكتوب عليهم لا توجد اشارة
كيم بص لها وقال
من حظنا ان في كاميرا لسة شغاله وتكون الكاميرا دي هي الكاميرا اللي بتعرض الشارع بالكامل
دنيال
ولو كل الكاميرات شغاله اية مكسبنا في كل دة
كيم بص ل دنيال وقال
انا هقعد انا اتابع الكاميرات ولو الطريق فاضي ويسمح بخروج اللي يجيب لنا طعام هديكم الاشارة بالخروج ومن غير الاشارة دي ماحدش هيخرج
دنيال
انت بتتكلم وكانك هتقراب شئ ممكن يتشاف بالعين المجردة الكيان المجهول اللي سبب الخراب دة كله ما حدش يعرف شكله الا اللي شافو قبل ما يموتو
جاك
انا رايي من راي دنيال انت بتعرض نفسك لمحاظرة رهيبة لانه ممكن يسيطر عليك من خلال الشاشة لو عرف مكانك
كيم
وممكن ما عندوش قدرة علي كدة انا هراقبة من خلال شاشة وكمان لو هو شئ خفي هيظهر قصاد مني علي شكل مجسات حرارية وهقدر اعرف ان في شئ غريب في الجو
وليم
لو مصمم علي الخطوة المجنونة دي يبقي انا من رايي اننا نكتفك في الكرسي علشان لو حصل وقدر يسيطر عليك ما تقدرش تاذي نفسك
جاك
انا حاسس ان الفكرة كلها مجنونه وبلاش المخاطرة بحياة كيم
كيم
لازم نتصرف ونجيب اكل والا هنموت هنا ودة قرار نهائي انا مسئول عنه وفكرة وليم ننفذها كتفوني كويس ولو حصل والكيان المجهول دة قدر يسيطر عليه من خلال الشاشة كوني اني متكتف دة هيحميني
ماريا
انت مش مضر تعمل كدة
كيم
ضعينا وقت كتير في الكلام ودة قرار نهائي
وقعد علي الكرسي قصاد الشاشة وقال ل جاك
اربطني يا جاك
جاك بص لكل الموجودين وهو مش حابب الفكرة لكن كيم قال
جاك من فضلك
اتحرك جاك ناحية درج من الادراج وطلع حبل وربط كيم اوي في الكرسي وكيم بص للشاشة وقال لهم
دلوقتي تقدرو تنزلو تحت وتسيبوني لوحدي ولما يكون الطريق متاح للخروج هديكم اشارة
وفعلا كلهم سابو ونزلو للدور الاول،،،،،،
وتعدي الساعات طويلة ومافيش اي جديد يذكر وجة الليل وكان لازم الكل ينام علشان يرتاحو ويقدروا يكملو ناحية مصيرهم المكتوب عليهم وبدا جاك يوزع الموجودين علي الغرف اللي في الفيلا ونامت ماريا مع اولمبيا في اوضة واحدة بسريرين واولمبيا ماكنش جاي لهم نوم وكانت عايزا تتكلم مع ماريا لكن ماريا من شدة التعب اعتذرت لها ونامت علشان تحلم باختها صوفيا اللي وقفت قدام منها وكانت فرحانه ماريا انها شيفاها وصوفيا خدتها بالحضن وقالت
ماريا اهربي من الفيلا دي وبسرعة
ماريا بصت ل صوفيا وقالت
اهرب بس اروح فين الوضع برة في الشارع مرعب
صوفيا
وفي الفيلا برضو هيكون مرعب لانه معاكم وشايفكم وسامعكم
ماريا
هو مين دة
صوفيا
المخلص اللي هيخلي الدنيا تنظف من كل الشر اللي فيها
ماريا
صوفيا دة مابيخلص الا علي الجنس البشري
صوفيا
وهو الشر اية غير الجنس البشري
وحطت صوفيا ايدها الاثنين علي دماغ ماريا
وقالت وهي بتبص في عيونها
انا اختك اللي بتحبك تفتكري هتمني ليكي الا الخير اهربي ق،،،،،،،،
وهنا تصحي ماريا علي صرخة اولمبيا اللي كانت قاعدة علي الارض وبترجع بايدها لوراء وباين عليها الرعب الشديد وبتقول
ادريان انت ميت ازاي اشوفك
ماريا ماكنتش شايفة غير اولمييا في الاوضة ف راحت ناحيتها وبدات تهز فيها وهي بتقول
اولمبيا اصحي انتي بتحلمي ما فيش حد
بصت لها اولمبيا وقالت وهي مفزوعه
ادريان جوزي اللي مات كان لسة قدام مني
وبيطلب مني الهروب من الفيلا
ماريا
انا كمان شوفت اختي صوفيا وهي برضو ميته وحذرتني من اليقاء هنا
وفي اللحظة دي يسمعوا الاثنين صوت صرخة ترعب يخرجوا من الاوضة جري ويلاقو كل الموجودين طالعين ناحية الاوضة اللي فيها كيم لان الصرخة كانت جاية من فوق وفتحوا باب الاوضة لقو كيم ماسك مطرقة وبيكسر بيها دماغة والدم مغرق الارض بصو كلهم ل بعض والرعب اتملك منهم وقالت ماريا وهي بتبعد نظرها عن كيم
واللي بيعمله
كدة كلام صوفيا كان صح لان كيم كان مربوط مين فكه اكيد في حد من الاتباع وسطينا
ورجعوا تاني ال 11 بني ادم يبصوا ل بعض والشك بقي الضيف ال 12،،،،،،،،،،
تفتكورا مين من الموجودين في الفيلا من اتباع الكيان المجهول
خلاويص النهاردة ولو في العمر بقية هكملكم الحكاية ديا.،،، سلام
إرسال تعليق