الهام واللي كان الحلقة الاخيرة

نوح 

            الحلقة الثانية عشر 

من تأليفي 

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

عنبر

دة جن اتسخر لحماية نوح

نعمان

ومين اللي سخرة

عنبر

لساتي ما عرفتش بس قريب هعرف. ودلوقتي استمتع بصراخ نوح اللي جسمة بيتحرق دلوقتي،،

وفعلا في نفس الوقت كان نوح واقف في اوضة وبدا يحس بحرارة شديدة في جسمة والنار بدات تحرق كل خلايا جسمة نار بتجري في العروق بدل الدم وصراخ نوح بدا يزيد وهنا تحس عنبر بالنار بتحرق الرحم من جوة ف شالت جلد الخروف من فوق المية بسرعة وقالت

كيف حوصل دة

نعمان ما فهمش اية اللي حصل فقال

في اية

عنبر خافت تقول الحقيقية وقالت كذبا 

أكده اللي علية أتحرق

نعمان ضحك وقال 

وريني يا نوح هتعمل اية من غير الجن اللي كان ب يساعدك.

وخرج نعمان من الشقة وعنبر راحت ل مرايا أوضتها ورفعت هدومها وبصت علي بطنها وشافت اثار الحرق اللي بانت وقالت

اكدة اللي بيساعد نوح فعلا ولدي

واستغربت اوي وقالت

كيف دة. حوصل 

هنا يظهر نوح الصغير وراء منها وهو محروق في اماكن كتير من وشة. واجزاء من جسمة اللي باين منه كان محروق وقال

انتي ازاي ام

اتفزعت وبصت وراء منها وقالت

اني مش امك

ابتسم نوح الصغير وقال

اومال ازاي لما اتحرقت انا اتحرقتي انتي

وبص ناحية بطنها راحت عنبر ناحيته وقالت

انت شيطان ملعون والربط اللي عاملة بيني وبينك انا هقدر افكة وهحرقك

ابتسم نوح الصغير وقال

فكري تعمليها تاني وانا المرة دي اللي هوريكي نار جهنم في الدنيا 

وبص لها بس. لقت نفسها بتمسك شعرها و بتقطعه ب ايديها و بدات تاكله. واتخنقت عنبر والشعر واقف في زورها وهي بتحط شعر تاني في بوقها ووقعت علي الارض مخنوقة وقف نوح الصغير عن دماغها وقال 

اخر تحذير ليكي يا عنبر وبعد كدة ما تلوميش الا نفسك. وما تستعجليش علي نهايتك انا بس اخلص من نعمان وبعديها افوق لك

عنبر بصعوبه

انت شيطان ولازم اعرف مين سلطك علي نوح علشان تدمره 

لكنه شال عينه عنها ورجعت زي ما كانت ورجعت كل الشعر اللي دخل زورها وفضلت علي الارض مش قادرة تستوعب اللي حصل ومش مصدقة انها لسة عايشة، ،،،

ومن جوة مكتب المامور يقعد نوح قصاد المامور وكان المامور بيقول

اني مش هسمح باستمرار اللي انت ونعمان بتعملو في البلد دة هي مش غابة اصلا. احنا في دوله قا،،،،،،،،

قبل ما يكمل الجملة سكت لما شاف نوح بيحط قدام منه كلبشات استغرب المامور وقال

تقصد اية بالكلبشات دي

نوح

عايز احل لك المشكلة. يا ما تقبض عليا وترتاح مني او تقبض علي نعمان ونرتاح منه ويبقي مبروك عليك الكنز اللي تحت الفيلا بتاعته

المامور بص للكلبشات وفهم قصد نوح لكنة قال

نعملها كيف دي. والوزير عرف بالكنز اللي تحت الارض ومش هيرتاح الا لما ياخده

نوح

وزير مين يا جناب المامور

المامور

الوزير اللي كلمني اخر مرة وانت عندي

نوح ضحك اوي وقال

دي كانت اشتغاله مني. ما عيزش قلبك خفيف اكدة.

المامور استغرب وقال

اشتغاله كيف دة كلمني يجي تلت مرات

نوح

موبيلك معاك طلعه وهات كل المكالمات المستلمة مش هتلاقي فيها اي مكالمة من الوزير 

فعلا المامور عمل كدة وفضل يدور في سجل المكالمات وملقاش اي مكالمة من الوزير حط الموبيل جنب منه وسمع نوح بيقول

اني من الاول قولت لك الكنز اللي تحت فيلا نعمان حلال عليك وهديتي ليك. بس قولت اخليك تتحرك اسرع لما تعرف بان الوزير عرف ب الكنز دة من ناحية ومن ناحية تانية نعمان ما يركز معاك ويعرف ان اي شئ هتعمله دة بتحريض. من الوزير 

المامور بص ل نوح وقال

انت يا نوح يطلع منك كل دة 

نوح 

اتعلمت منيكم 

المامور 

انت عايز اية بالظبط

نوح مسك الكلبشات تاني وقال

نعمان يلبس دول

المامور

وازاي دة يحصل

نوح بمنتهي الشر

هقول لك، ،،،،،،،،

ومع دقات منتصف الليل يصحي نعمان من نومه مفزوع علي دقات جامدة علي بوابة الفيلا الخارجية مع صوت سرينه البوليس لبس عبايتة بسرعة ونزل جري لغاية لتحت وكان الغفير بيفتح البوابة علشان نعمان يلاقي المامور بنفسه واقف قدام منه ومعه قوة من المركز قال نعمان

جري اية يا جناب المامور

المامور

هتعرف دلوقتي جري اية

وبص المامور للعساكر اللي معه وقال بصيغة الامر

احفروا عند شجرة الموز اللي هناك دي

وشاور المامور ناحية شجرة الموز واستغرب نعمان وقال بحدة

اللي بتعمله دة هتدفع ثمنة غالي اوي 

المامور بص ل نعمان وقال

ما تقولش كلام انت مش قدة

ورجع المامور يبص تاني للعساكر وهما بيحفروا ونعمان مستغرب وبيقول

بتحفر بس مستني تلاقي اية

المامور

هتعرف حالا

واستمر الحفر ل كام دقيقة لغاية ما ظهرت جثة شريفة وبعدها جثة عادل وبعدها جثة نسيم. بص المامور للتلت جثث وقال

عرفت بنحفر لية

كان نعمان مصدوم ومبرق مش مصدق اللي شايفة والمامور بيلبسو الكلبشات وبيقول

هتقول فيها اية دي. ما فيهاش بقي دفاع عن النفس زي قضية ولاد نوح

وسلم المامور نعمان للعساكر. وهو بيقول

خدو علي البوكس

كان نعمان لسة مبرق ومصدوم ومش قادر يصدق اللي حصل وكل اللي كان شايفة قدام منه انه ما حفرش الثلاثة هنا وهحفرهم في الجبل جم هنا ازاي لكن دة سؤال ما كنتش اجابته صعبة لانه وهو بيركب البوكس شاف نوح واقف وفي ايدة سلسلة في اخرها كلب اسود ضخم وبيبص له وعلي وشة ابتسامة مرعبه. وركب المامور البوكس ومشيو وهما قابضين علي نعمان وبعدها طلع نوح الموبيل بتاعه وطلب رقم الوزير. ورن موبيل الوزير وقت ما كان نايم صحي الوزير ومسك موبيلة وبص لي وكان مكتوب علي الشاشة

رقم خاص

رد وقال

الو 

نوح

رغم انك اتصلت بالمامور وطلبت منه يخلص مع نعمان و يحفر ويطلع لك الكنز اللي تحت ارض فيلا نعمان لكنه. ما سمعش كلامك ولبس قضية قتل ل نعمان علشان يخلي لي الجو و يحفر ويطلع الكنز و يخلي لي ل حاله 

الوزير

مين اللي بيتكلم

نوح

فاعل خير عايزك تتفرج علي الفيديو اللي هيجي لك حالا

وقفل نوح وما فيش كام ثانية الا الوزير شاف فيديو جاي له علي الواتس فتح الفيديو وشاف المامور وهو بيركب نعمان البوكس وبعدها فيديو تاني والمامور واقف فوق حفرة وعمال قصاد منه بيحفروا قفل الفيديو وقال بغضب شديد

بقي كدة. حكمت علي نفسك

ب الموت يا جناب المامور، ،،،،،،،،

ومن جوة دوار اهل سامية تقعد سامية قصاد اخوها منتصر اللي كان بيقول لها

برضيك مش عايزا تقولي لية نوح طلقك

سامية

ما قولت لك موت عياله الاثنين جننه وخلو كيف الاهطل.

منتصر

غريبة مع اني لما سالته قالي غير اكدة

سامية خافت وقالت

قالك اية. 

منتصر

قالي انك كنتي علي علاقة ب نعمان وعايزا تموتي علشان تتجوزي نعمان

سامية

دة كذاب اني مش خاطية يا منتصر دة اني اختك وانت اكتر واحد عا،،،،،،،

وقبل ما تكمل جملتها كان منتصر طلع سكينة من عبايتة وغرزها في قلب سامية وقال

ما اني علشان عارفك زين اصدق انك تعمليها ونوح طلقك بالثلاثة وقالي ان عارك ما بقاش يخصة لانك مش مرته لكن يخصني اني لانك اختي

سامية كانت بتتوجع والدم بينزل منها زي الشلال وبتبص ل اخوها اللي طلع السكينة وغرزها تاني في نفس المكان، ،،،،،،،،،،،

وبالليل ومن قلب الصحراء نوح كان واقف مش عارف اية اللي جابة هنا فقال

احنا فين ولية جبتنا هنا 

سمع صوت نوح الصغير بيقول

انا خلصت اللي كنت متكلف بي وجبت لك حقك من كل اللي ظلموك. وجة الوقت اخرج منك وارجع للي سخرني. ل اذية اللي اذوك

نوح ماكنش فاهم وقال

سخرك. هو انت مش مرة قولت لي انك الغضب اللي جويا واديني الاذن بالخروج علشان تجيب حقي

نوح الصغير

انت طيب اوي يا نوح هو في غضب بيتشكل في صورة بني ادم انا شيطان من شياطين الجن معروف بين عشرتي باسم السنان 

وبكون في خدمة اللي حضرني من البشر طالما هيقدر علي ثمني واللي حضرني امرني باني اكون ليك حارس وانتقم لك من كل اللي كانو ضدك ومهمتي خلصت وسيدي جاي دلوقتي علشان يتم عملية الخروج من جسمك. ويقدم لي باقي القربان 

نوح

يعني اني كنت طول الفترة اللي فاتت دي بيضحك عليه وسلمت نفسي ل شيطان ملعون 

السنان 

لية تحسبها كدة لية تحسبها انك اضحك عليك. لية ما تحسبهاش ان حقك رجع والبلد كلها بتحلف باللي عملته والهيبة رجعت ل قصر ادريس ونسلة

نوح

هيبة متلخطة بالدم

السنان

انت كنت رد فعل مش فعل. ما تلومش نفسك لوم عليهم هما اللي خلوك تطلع الوحش اللي جواك

نوح

خلوني زيهم

السنان

في الزمن دة ل تبقي زيهم وتكون في العين وفوق الراس او تيقي غيرهم وتعيش تحت رجليهم. وانت اخترت الصح وبقيت زيهم علشان كدة بقيت فوق الراس 

وفي الوقت دة توصل عربية جيب سقف عالي عربية يعرفها نوح كويس كان بيشوفها ديما في البلد وعارف صاحبها بس المفروض ان صاحبها مات فضل مركز مع العربية وسمع السنان بيقول

سيدي واللي سخرني ل حمايتك جه 

نوح

تقصد اللي سخرك ل اذيتي

السنان ضحك وقال

برضو حسبتك غلط في غلط

وقربت العربية منهم وبقيت قصاد منه بالظبط ووقفت ونزل منها اخر حد كان ممكن يشوفو نوح. نزل من العربية. ،،،،،،،،،،،،

مين يا شطار اللي نزل من العربية. اللي هيعرف وتعليقة هيطلع صح لي مني هدية كبيرة جدا.  

كيس سكر. كيلو مقفول. مش المغشوش ابو

850 جرام. 😂😂

استنوني بكرة باذن الله والحلقة الاخيرة.