نوح
الحلقة الحادية عشر
من تاليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من قدام قصر نوح كان نوح ماسك كلب اسود كبير كلب من الكلاب اللي كانت في المزرعة المهجورة وكلب نهش لحم نسيم وقت ما وصل نعمان بعربيته وبص له نوح وقال
اخوك كان جاي يتهجم علي بنتي وهي نايمة واني كنت لازم ادافع عن نفسي. اتعلمتها منيك
نعمان لسة مش مستوعب اللي بيحصل وباصص لجثة اخوة اللي الكلب حرفيا قطعها ولكنه يحس بانفاس سخنة جاية من وراء بص وراء منه شاف نسيم واقف اتصعق ومن شدة الفزع وقع علي الارض بعد ما اتكعبل في جثة نسيم ضحك نوح وقال
مالك يا نعمان. رجليك مش قادرة تشيلك ولا اية
نعمان قام من علي الارض وبدا ينفض هدومة من التراب وقال
ل نوح
اوعي تفتكر انك قدرت عليه يا نوح
ابتسم نوح وقال
دة جزاتي اني خلصتك من جريمة قتل كنت هتاخد فيها اعدام
وقام وراح نوح ناحية نعمان وقال
ولا انت ناسي . انك انت اللي قتلت نسيم
وحط نوح ايدة علي كتف نعمان وقال
ويبقي اكدة مظبوطة اني اتسيط في البلد وابقي قدام الناس خد تار ولادي من خوك. وما خدش في دقيقة حبس لاني كنت بدافع عن بنتي وشرفها وانت تطلع براءة منيها والكل يبقي كسبان. ودلوقتي خد الرمة دي من اهنه وغور
وبص نوح ل جثة نسيم وكمل وقال
و اوعاك تفتح خشمك والا سر موت خوك هيكون علي كل لسان في البلد
نعمان كان علي اخره والغضب عامي لكن المره دي نوح لعبها صح وشال نعمان جثة نسيم وراح بيها للعربية وحطه جوة العربية وسمع نوح بيقول
ونصيحة لو عايز ما تشوفش جثة نسيم وتظهر لك تاني ادفنه في الجبل جنب ولادي وبوي
نعمان بص له والشر كان بيطق من عيونه لكنه كتم الغيظ والشر في قلبه وركب عربيته والغفر اللي كانو معه واحد منهم قال
هنمشي كيف ونسيب حق سي نسيم
بص نعمان للغفير دة وقال
اركب عربيتك ويلا من اهنا والحساب مع نوح بعدين
وفعلا مشي نعمان واللي كانو معه وبعديها تظهر وردة وسامية ووقفوا وراء نوح وقالت سامية
الله عليك يا سيد الرجاله
بص لها نوح وهو قرفان وقالت وردة
اكدة الهيبة ترجع دوار ادريس
نوح
يارب اكون عجبتكم
سامية
اوي يا سيد الرجالة
نوح
وعلشان ابقي سيد الرجالة صوح احب اقول. انت طالق يا سامية والقصر دة ما شوفش في طيفك تاني
وردة
اية يا بوي اللي انت بتقوله دة
نوح
مش عجبك الكلام اعتبري ليكي انتي كمان والقصر دة متحرم عليكي انتي كمان. وزي ما انتو الاثنين في يوم اترمتو في حضن نعمان. اني دلوقتي برميكم في حضن الشارع
وسحب الكلب من السلسة ودخل القصر ومسك البوابة بيده وقال وهو بيبص ل وردة
هتدخلي ولا هتفضلي في الشارع مع امك
وردة
ادخل كيف و اسيب امي في الشارع
نوح
يبقي خلاص خليكي معاها في الشارع
ولسة هيقفل نوح البوابة حطت سامية ايدها ومنعت البوابة من انها تتقفل وكانت بتقول
اهون عليك يا نوح دة اني مرتك وعشرة عمر
نوح
المراة اللي تحط يدها في يد عدو جوزها ما تنفعش تكون مرتي ولا نسيتي اتفاقك مع نعمان عليه
سامية اتصدمت وقالت
انت عرفت كيف
نوح
مالكيش صالح. وخلصت يا سامية حكايتنا
ولسة هيقفل البوابة تاني لكن المرة دي وردة هي اللي منعت البوابة وقالت
بوي اني هفضل معاك اني ما ليش عيش اللي في دوار جدي
بصت سامية ل وردة واتصدمت فيها ودخلت وردة القصر وقال نوح
عرفت تربي يا سامية.
وقفل نوح البوابة وسامية فضلت تخبط علي البوابة وهي بتعيط وتقول
افتح يا نوح بالله عليك. وافتح واني هعيش خدامة تحت رجلك افتح يا نوح
لكن البوابة اتقفلت وسامية فضلت تخبط وترزع وتقول
يا وردة بالله عليكي كلمي بوكي.
وفضلت ترزع علي. الباب وهي بتقول
يا نوح. افتح. بالله عليك افتح
وفضلت تعيط سامية بحرقة ،،،،،،،
وبدا خبر موت نسيم علي ايد نوح ينتشر بين اهل البلد والكلام اتغير ونوح الجبان بقي شجيع الشجعان بقي الاسد اللي مافيش زية ووصل الخبر للمامور عن طريق المخبر وقال المامور للمخبر
انت متوكد من الكلام دة
المخبر
الجثة كانت قدام قصر نوح علي عينك يا تاجر.
المامور
نوح بقي نعمان وجهين ل عمله واحدة.
المخبر
طيب انت شايف اية
المامور
هجيب الاثنين هنا وهحط للوضع دة نهاية لان اكيد نعمان مش هيكست وهيرد اللي حوصل دة الطاق طاقين،،،،،،،،
في نفس الوقت من جوة شقة عنبر كانت عنبر واقفة قدام المرايا وبتشوف اختبار الحمل وفعلا طلعت حامل اتصدمت وقالت
معقولة يكون نوح الصغير دي ابني بس كيف دة يجي من المستقبل واشوفو بعيوني وهو كيف الشحط
وفي عز ما هي بتكلم نفسها تسمع باب الشقة بيخبط بصت ناحية الباب وقالت
اية اللي جاب نوح دلوقتي دة لساته نازل من عندي ما فيش تلت ساعات
وراحت وفتحت الباب ولقت نعمان قدام منها وهدومة كلها تراب مكان الحفر اتصدمت وقالت
نعمان اية اللي حوصل يخليك تاجي لغاية اهنا
وبصت للتراب اللي علي هدومة وقالت
واية اللي عمل في هدومك اكدة
نعمان
كنت بدفن نسيم
عنبر اتصدمت
نسيم هو مات
نعمان دخل وقفل الباب وقال
ما عيزش رط عفش وعايز اعرف دلوقتي حكاية الجن اللي بيساعد نوح
عنبر
ودي بس اعرفها ازاي ما قولت لك لازم شئ من اتره
قلع نعمان العباية وقال
نوح حط يدة علي كتفي من فوق
وشاور مكان ما حط نوح ايدة وقال
قطعيها وعملي عليها السحر بتاعك. و اعرفي اصل الحكاية
وفعلا عنبر دخلت وجابت مقص وقطعت الحتة اللي لمسها نوح وبعد كدة جابت طبق في مية وقرت عليها قران بالمقلوب وطلاسم خبيثة. ورمت حتة القماشة اللي قطعتها من عباية نعمان وبدا تبص للمية اللي بتتهز. بمنتهي القوة وتتهز وتتهز واتحولت ل حمم بركانية مخيفة بدات تخرج برة طبق المية وتحرق اي شئ تيجي عليه ونعمان الفزع اتمكن منه وعنبر دخلت اوضتها وجابت من تحت السرير جلد خروف مكتوب عليه برضو طلاسم بحروف من الدم وحطته فوق الحمم البركانية وبدات الحمم يطلع منها صوت صراخ قال نعمان
اية اللي بيحصل يا مراة
عنبر
بحرق الخدمة اللي علي نوح
وقالت في سرها
وكان بيقول انه ابني وجاي من المستقبل
قطع نعمان كلام عنبر مع نفسيها وقالت
ما تقولي يا مراة يعني اية خدمة
عنبر
دة جن اتسخر لحماية نوح
نعمان
ومين اللي سخرة
عنبر
لساتي ما عرفتش بس قريب هعرف. ودلوقتي استمتع بصراخ نوح اللي جسمة بيتحرق دلوقتي،،
وفعلا في نفس الوقت كان نوح واقف في اوضة وبدا يحس بحرارة شديدة في جسمة والنار بدات تحرق كل خلايا جسمة نار بتجري في العروق بدل الدم وصراخ نوح بدا يزيد وهنا،،،،،،
خلاويص النهاردة ولو في العمر بقية هكملكم الحكاية ديا.،،، سلام
إرسال تعليق