الهام واللي كان الحلقة الاخيرة

نوح 

                    الحلقة العاشرة 

من تاليفي 

محمد منصور **منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

نعمان برق وقال

اني تحت فيلتي كنز

وركب نعمان عربيته وانطلق بيها لكنه شاف نسيم اخوة واقف قدام منه وجنب منه شريفة مراته وابنه عادل. داس فرامل من شدة المفاجاة ومع الفرامل ما قدرش يتحكم في عربيته والعربية اتقلبت بي و لكنه يفتح عيونه يلاقي نفسه نايم علي سريرة وواحد من غفر الفيلا بيخبط علي باب الاوضة. مع صوته بيقول

يا سي نعمان.  

نعمان كان قلبه بيدق بسرعه مش مستوعب اللي حصل وقام من فوق السرير وراح ناحية باب الاوضة وفتحه وبص للغفير وهو ساكت فقال الغفير

جناب المامور عايزك

نعمان

هو اني جيت هنا ازاي

الغفير

مش فاهم يعني اية

نعمان بعصبية وهو بيمسك في هدوم الغفير

هو اني بتكلم انجليزي اني كنت برة ازاي فجاة بقيت اهنا

الغفير

كنت برة فين بس انت ما خرجتش النهاردة خالص يا سي نعمان

نعمان مسك رقبة الغفير وبدا يخنق في وهو بيقول

جري اية يا ولاد الكلاب عايزين تجننوني كلتكم اتفقتوا مع نوح علي جناني لكن لا. اني مش هتجنن

الغفير وهو بيتخنق

ورب الكعبة اني ما اتفقت مع حد ازاي تشك في كدة يا سي نعمان دي انا خدامك من سنين

نعمان ساب الغفير وحط ايدية الاثنين علي دماغة وفضل يبص حوالين منه وقال

هو اية اللي بيحصل لي 

وهنا يسمع صوت المامور بينادي عليه وبيقول

نعمان لو سامعني انزلي اني عايزك

نعمان بص ل مصدر الصوت وقال للغفير

هو المامور اهنا

الغفير

ما هو انا طلعت علشان ابلغك اكدة

روحت انت ماسك في رقبتي

نعمان

طيب انزل واني جاي وراك، ،،،،،،،

وبعدها بشوية يقعد المامور قدام نعمان وكان بيقول

والوزير دة عرف باللي عندك تحت الفيلا وعايز يشتري منك الفيلا قولت اية 

نعمان

انت كلمتني النهاردة في الموبيل وقولت لي اني عايزك مش اكدة

المامور

لا. ما حصلش ودة كلام برضو يتقال في الموبيل

نعمان مسك موبيلة وفتحه وبص في سجل المكالمات وهو بيقول

لا حوصل واني هوريك مكالمتك ليا

المامور

واني بقول لك ما حصلش

وفضل نعمان يدور في سجل المكالمات ولكنة ملقاش المكالمة استغرب اوي وحط الموبيل جنب منه والمامور شاف الياس اترسم علي وش نعمان فقال

صدقتني. ودلوقتي احب اسمع رايك في بيع الفيلا

نعمان

فيلة اجدادي مش للبيع يا جناب المامور 

المامور

حتي لو هيدفع لك 10 مليون ج

نعمان

ملهوش لزوم نبدأ مزاد لشي مش معروض للبيع 

المامور

بص يا نعمان انت قدامك طريقين ملهمش تالت. وهو انك تبيع الفيلا وتشتري دماغك من وش ملهوش اخر. او تسينا نحفر ونطلع اللي تحت الفيلا وانا هخلي الوزير يديك 20 مليون ج.

نعمان وقف وقال

بلغ اللي بعتك اي ن كان هو مين ان اللي هيقرب من فيلتي هدفنة تحت منيها

وقف المامور وقال

انت المرة دي مش بتعادي نوح قليل الحيلة الطيب المرة دي انت بتعادي الحكومة. والوزير مكلفني ياما اقنعك بالذوق يا اما ناخد اللي تحت الارض بالعافية ما هو اني مش هتفرج عليك وانت سبب اني مابقاش مامور البلد دي ويجي لها مامور غيري علي حياة عيني فكر ورد عليه معاك يوم ب ليلة وبعديها ما تزعلش

وخرج المامور من الفيلا ونعمان بيقول

طلع لك صوت وبقيت تعرف تهدد نعمان لكن نعمان ما بيتهددش سامعني يا جناب المامور 

وبعدها سكت شوية وبدا يفكر في كل اللي بيحصل له وقال

كلتكم ضدي يا ولاد الكلاب

وهنا يسمع صوت نسيم اخوة اللي

رجع من مصر وبص له نعمان ومبقاش عارف يصدق هو دة نسيم ولا برضو المرة دي مجرد وهم لكن نسيم قرب ووقف قصاد منه وقال

كاني ما وحشتكش

راح نعمان ناحيته وخدة بالحضن وهو بيقول

كيف بس تقول اكدة. اتوحشتك يا خوي

ونعمان في حضن نسيم قال نسيم

فين مرتي وابني يا خوي

نعمان بلع ريقة بصعوبة وقال 

ما عرفش هما. بس اني شاكك ان نوح خطفهم. بس اني مش هسكت

نسيم خرج من حضن نعمان وقال

انت فاكرني مصدق صوح ان نوح ممكن ياذي فروجة علشان يقوم يخطف مرتي وابني

ومسك نسيم في رقبة نعمان وقال بمنتهي الغضب 

فين مرتي وابني يا نعمان

نعمان

ما عرفش يا خوي. وكتاب الله، ،،،،

كتم نسيم بوق نعمان وقال

ما تحلفش كذب 

وطلع نسيم طبنجة من جيبة وحطها في راس نعمان وقال بتهديد واضح وصريح

لاخر مرة هسالك فين مرتي وابني

نعمان بمكر

هقول لك يا خوي هقول لك بس نزل السلاح لبعدين يطول

ونزل نسيم السلاح وبسرعة البرق نعمان مسك السلاح من ايد اخوة وقدر ياخد منه السلاح لسة هيهجم عليه نسيم طلعت طلقة جت في قلب نسيم وقع جثة بص نعمان ل اخوة اللي واقع قدامة علي الارض بيطلع في الروح وقال

ل نسيم

ماكنتش عايزها توصل ل اكدة معاكم. بس الشر بيجيب شر واللي حوصل دة كان لازم يكون قفلة الطريق اللي مشيت في بمباركة منك يا خوي يا كبير.

هنا يسمع صوت نوح الصغير جاي من وراء وهو بيقول

لو فاكر ان دي قفلة الطريق. تبقي غلطان لاني اقدر اخلي طريقك يكمل من تاني زي ما انت عايز

بص نعمان ل نوح الصغير وقال

انت اية شيطان بتظهر كيف وتختفي كيف ما تحب 

نوح الصغير ضحك وقال

عمرك شوفت شيطان يظهر ل شيطان زية.  

نعمان

عايز مني اية يا ولد نوح

نوح الصغير

عايز اساعدك علشان الايام اللي جاية هتكون كلتها سوداء علي دماغك 

نعمان

واني ما عيزش مساعدة من حد وكيف ما قتلت خوي هقتلك 

وصوب الطبنجة ناحية نوح الصغير وحاول يدوس علي الزناد لكنة ما اقدرش كان زي المشلول وبص نوح الصغير ل الطبنجة اللي في ايد نعمان خلاها تلف وتتصوب ناحيته ونعمان بيحاول يتحكم في ايدة لكنة مش قادر ويبص ناحية نوح الصغير ويقول له

فك السحر اللي عملته فيا دة

يختفي وش نوح الصغير و يبقي نوح. اتصدم نعمان وهو شايف دة بيحصل قدام عينه وقال

نوح ابوس يدك ارحمني انت كيف بقيت اكدة

نوح قرب من نعمان ووقف قصاد منه بالظبط

تحب اخلي صباعك يدوس علي الزناد وتبقي رمة كيف اخوك

وبص نوح بطرف عينه ل جثة نسيم فقال نعمان

اني هعيش خدامك يا نوح بس فك عني السحر اللي انت عاملة دة

نوح

سحر اية بس. انت نايم يا نعمان

وفجاة يفتح نعمان عيونه يلاقي نفسه علي السرير والغفير بيخبط علي الباب وبيقول

الحق يا سي نعمان. نوح قتل اخوك نسيم

نعمان مش مستوعب اللي بيحصل لكنة قام من فوق السرير ولبس عبايته، ،،،،،،،،

من قدام قصر نوح كان نوح ماسك كلب اسود كبير كلب من الكلاب اللي كانت في المزرعة المهجورة وكلب نهش لحم نسيم وقت ما وصل نعمان بعربيته وبص له نوح وقال

اخوك كان جاي يتهجم علي بنتي وهي نايمة واني كنت لازم ادافع عن نفسي. اتعلمتها منيك

نعمان لسة مش مستوعب اللي بيحصل وباصص لجثة اخوة اللي الكلب حرفيا قطعها ولكنه يحس بانفاس سخنة جاية من وراء شاف نسيم واقف ، ،،،،،،،،،،،

خلصت حلقة النهاردة اشوفكم باذن الله يوم السبت والحلقة الجديدة سلامو عليكم