المتهم X
★الحلقة التاسعة★
والاخيرة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
★حكيم
انا مش حكيم انا اخوة التؤم. المجرم المحكوم عليه بالاعدام فهمي القطر
وبدأ الشر يفوح في المكان مع هجوم حكيم علي حمزة وبسرعه البرق لف الحبل حوالين رقبة حمزة من قدام وبدأ يخنق حمزة. لكن حمزة قدر يفك الخنقة بعد ما حط صباعة في عين حكيم وقع حكيم علي الارض وهو ماسك عينه ولف حمزة ذراعة حوالين رقبته. وبدأ يخنق حكيم وهو بيقول
ومن امتي يا حكيم وانت ليك اخ تؤام
حكيم بصعوبه
هيفرق معاك تعرف قصة حياتي
حمزة
انت فاكر انك هتقدر تخدعني. انت حكيم وانا مستحيل اتوه عنك
حكيم ابتسم وقال
انت توهت يا حضرة الظابط والجيم كان بتاعي. طول ما انت كنت بدور علي
المتهم X. وانا قدامك
حمزة
انا بقي حابب اسمع منك الحكاية كاملة لكن في القسم. امشي قدامي
وزق حمزة. حكيم ناحية باب الشقة وحكيم وهو بيخرج من الشقة شاط الشطرنج برجلة وقعه كل علي الارض بص حمزة للشطرنج اللي علي الارض فقال حكيم
طالما مش هكسب يبقي مش هخسر وهبوظ الجيم كله. لان في لعبة لو كنت خد بالك منها كنت كسبت
حمزة
انت كنت بتلاعبي انا ولا بتلاعب نفسك
حكيم
انت
حمزة
طيب عدي قدامي
وخرج ب حكيم من الشقة، ،،،،،،،،،
وبعدها بيوم حكيم كان جوة زنزانة وقاعد وساند ظهرة علي حيطة وقت ما فتح حمزة باب الزنزانة ووقف قدام منه بص له حكيم فقال حمزة
قولي بقي طلع لك اخ امتي وكمان واخد اعدام واحنا تحريتنا جابت القديم والجديد في حياتك. انت مالكش اخوات
حكيم بص له وفضل ساكت حمزة قرب منه وقال
حكيم لية عملت كدة دة انا استاذ رياضة مافيش زية اثنين
حكيم
قولت لك انا فهمي القطر
حمزة بعصبية شديدة
ما بلاش بقي النغمة دي وعرفني بتقصد اية من اللي بتعمله دة وعايز توصل ل اية
حكيم
انت بني ادم غريب كنت هتموت وتعرف مين قتل وحيد. اعترفت لك اني انا اللي قتلته واللي خلتني اقتله فريدة مراته
حمزة
قتلته علشان بتحبها وبسبب الحب دة سمعت كلامها
حكيم
بالظبط
حمزة
طيب لية طالما بتحبها جاي دلوقتي تعترف عليها
حكيم بجنون
علشان خانتني معاك.
حمزة
حكيم مش انت اللي تقتل
حكيم
انا مش حكيم.
حمزة اتنهد وقال بزهق
يعني انت مصمم تكمل في لعبتك وبسبب كلامك دة هتلف حبل المشنقة حوالين رقبتك
حكيم
قبل كدة اتلف وما موتش
حمزة
المرة دي غير اي مرة. وهتخسر مني
حكيم
ارجع واقول لك انا الجيم باظ قبل ما يكمل وانا لو خسران طالع كسبان
حمزة
خلينا نشوف اخرتها اية اللعبة دي، ،،،،،
بعدها بكام ساعة بوكس يقف قدام مطعم فريدة وينزل من البوكس حمزة وكانت فريدة بتبص لي وهو بيقرب منها ووقف قدام منها وفضل ساكت، ،،،،،،،،
بعدها بشوية حمزة وزيدان قاعدين قدام فريدة اللي كانت بتقول
دة كذاب انا ماطالبتش منه يقتل وحيد
حمزة
اومال هو لية قال كدة
فريدة
ماعرفش. ممكن تساله
حمزة
سالته وقال انه قتلته علشان انتي اللي طلبتي كدة
فريدة
وانا بقول لك ماحصلش ولو معه اللي يثبت الكلام دة يقدمة
حمزة بص ل زيدان وقال
خلي العسكري يجيب حكيم من التخشيبة علشان لازم نواجهم ببعض
وندهه زيدان للعسكري وبلغه بانه يروح يجيب حكيم وفعلا العسكري جاب حكيم ووقف حكيم قدام فريدة ولسة هيتكلم حمزة صرخ حكيم في فريدة وقال
خاينة بعد كل اللي عملته علشانك
وهجم عليها وخنقها لكن حمزة وزيدان ادخله وخلو يبعد عنها. وضربه زيدان في رجله خلو يركع وكان في نفس الوقت حمزة بيلف ايدية حوالين ظهرة وبيلبسة الكلبشات وقال حمزة
حركة تاني يا حكيم وهنسي العيش والملح اللي كان بينا وهعملك اوسخ معاملة
بص حكيم ل فريدة اللي كانت بتعيط وصعبان عليه حكيم لكنه غمز لها وابتسم
وصرخ تاني. وقال
هقتلك.
حمزة بعصبية
حكيم
حكيم
رجعني التخشيبة انا ما عنديش كلام اقوله
حمزة
بس لازم تتم المواجهة ما بينكم
حكيم
ملهاش لزوم المواجهة. هي صح وصادقة في كل كلمة قالتها.
زيدان
انت مش تعرف الاول هي قالت اية
حكيم
قالت الحقيقية. هي ما طلبتش مني اقتل وحيد انا اللي قتلته علشان احميها منه
فريدة لسة باصة ل حكيم وموجوعه من جوة. وافتكرت كلامه معها. ،،،،،،،
وهنرجع بالاحداث ل يومين بالظبط وحكيم بيقول في التيلفون ل فريدة
دة امر. في اي وقت تعرفي اني بلغت عنك وقولت اني قتلت وحيد علشان انتي اللي طلبتي مني كدة. اوعي تعملي اي حاجة غير انك تنكري. وكمان انا هنكرة اني حكيم وهسمي نفسي اي اسم تاني
فريدة
لية
حكيم
علشان لما تتعرف حكاية جريمة القتل واني انا القاتل الطلبة بتوعي ما يتصدموش فيا خلينا لما اموت متعلق في مشنقة الحكومة اموت باسم تاني غير اسم استاذ حكيم
فريدة
ولية هيوصل بينا الحال ل كدة وازاي انا اسمح لك تروح ل حبل المشنقة بسببي
حكيم
انتي انقذتي حياتي مرة ولازم انا كمان انثذ حياتك.
فريدة
تموت علشان انا اعيش. وبعدين انا انقذت حياتك امتي
حكيم بحب شديد
يوم ما طلبتي مني اشوف. لك كهربائي. انا وقتها كانت رقبتي حوالين حبل المشنقة يعني كنت ميت.
فريدة
يااااااا. دة اول يوم جيت في السلوم
حكيم
وكان احلي يوم في عمري. اليوم اللي رجعني تاني احب الدنيا
فريدة
حكيم انا كنت عايزا اقول لك انك يعني تستاهل واحدة احسن مني انا ما استهلش حد عظيم زيك
حكيم
بترفضيني علشان حمزة
فريدة
حمزة نفسه لو عرف الماضي بتاعي مستحيل يبص في خلقتي انا عار علي اي حد يعرفني او عرفني
وبدات فريدة تعيط فقال حكيم علشان يغير الموضوع
مش عايزا تعرفي انا ازاي بكلمك في تيلفون مافيهوش حرارة
فريدة ابتسمت وقالت
اخيرا هتقولي
حكيم
الاتصال اللي بيتم بينا دة بيكون عبارة عن جهاز بينقل الموجات الصوتية زي الراديو باني اوصل الجهازين ب سلك من نوع متخصص في نقل الموجات الصوتية و كدة اقدر اسمعك وتسمعيني من خير حرارة لان الاتصال اللي ما بينا دة ما يعتبرش اتصال تيلفوني لا. دة اتصال عن طريق نقل الموجات الصوتية
ابتسمت فريدة وقالت
زي زمان كدة ما كنا بنربط كوزين ببعض ونتكلم ونسمع بعض
حكيم
هو الاختراع دة كدة. قديم جديد. وكمان عن طريق الجهاز دة اقدر اسمع كل اللي بتقولي وانتي جوة شقتك
فريدة اتصدمت وقالت
يعني انت كنت بتتصنت عليه
حكيم
كنت بحب اسمع صوتك وبس
فريدة
والجهاز دة حطيته امتي في شقتي
حكيم
انا اقدر ادخل شقتك وقت ما حب عن طريق الفتحة اللي الجبس واللي انا حاطت فيها التيلفون او جهاز الموجات الصوتية
فريدة
حكيم للدرجة دي بتحبني
حكيم
انا بحبك ب جنون
فريدة
وتفتكر اني قصاد الحب دة كله اسيبك تسلم نفسك وتموت مكاني
حكيم
ومين قال اني هموت مكانك
فريدة
مش انا اللي قتلت وحيد
حكيم
الجثة اللي لقاها البوليس مش جثة وحيد
اتصدمت فريدة وقالت
بتقول اية دول لقو كارنية الشرطة بتاعة جنب منه
حكيم
انا اللي حرقت الجثة بالكامل بعد ما كسرت عضم وشة بحجر كبير وحرقت جزء من الجاكت وسبت لهم الكارنية
فريدة
طيب لية عملت كدة
حكيم
علشان انتي قولتي ل حمزة انك ما شوفتيش وحيد ودي كانت غلطة لغبطت كل الاوراق بتاعتي لاني عارف حمزة كويس وعارف انه عنيد ومش هيقف الا لما يوصل ل وحيد خوفت تنهاري وتعترفي تحت ضغط وحصار حمزة ليكي علشان كدة كان لازم يكون في جثة تانية لان وحيد اتقتل يوم 9 في الشهر وانتي كنت في بيتك يعني نسبة براءتك هتكون صفر
فريدة
انا دلوقتي فهمت انت لية قولت لي اخد جميلة واروح مرسي مطروح يوم
11 في الشهر
حكيم
علشان اكون جهزت الجثة التانية اللي خد شعر من راسة وروحت حطيته في الاوضة اللي كان فيها وحيد علشان اثبت ان الجثة اللي هيلاقوها يوم 11. هي جثة وحيد
فريدة
يعني انت قتلت علشاني فعلا
حكيم
لا. الجثة التانية قتلتها علشاني انا. دة مدرس زميلة في المدرسة اسمه عرفه ادعي اني راجل مش مظبوط. واقسم بيمين الله كذب ولما مدرس يكون بالاخلاق دي تفتكري اللي بيتعلمو منه هيطلعوا عاملين ازاي. علشان كدة كان لازم يموت ومن سوء حظ عرفه انه في نفس طول وحيد لكن الجسم مش واحد علشان كدة كانت لازم النار تاكل الجسم كله. وخطط
و استنيته لما خرج من درس خصوصي الساعة 6. بعد المغرب وكان معايا المكواة وفي سكة هادية خبطة بالمكواة علي دماغة من وراء وبعدها خنقته. ولما طلعت روحة كسرت عضم وشة بحجر ورميت جنب منه جاكت وحيد وكارينة الشرطة. وبعد اعترافي ليكي بكل اللي حصل. انا عارف ان واحد مننا لازم يدفع الثمن. وانا قررت ادفع الثمن حياتي كلها فداكي. عيشي ل بنتك وربيها وكبريها واوعي تحكي لها عن الماضي بتاعك
كانت فريدة منهارة من العياط وبتقول
انا استاهل ان في حد يعمل علشاني كل دة
حكيم
عمري قليل عليكي يا احلي ما في عمري،،،،
ونرجع تاني لمكتب حمزة وحكيم كان بيقول
ايوة كنت بتصنت عليها واعرف مين مضايقها من كلامها مع بنتها واعرف مين بيفكر يقرب منها كنت بتجسس عليها من غير ما تعرف علشان احميها انا كانت شغلتي الصبح مدرس وبعد المدرسة حارس خاص ل فريدة. من غير ما تعرف
وسمعت كلام وحيد معها وتهديدة ليها بانه هيبيع جسم بنتها. علشان كدة قتلته وهقتلك انت كمان يا حمزة لو فكرت تقرب منها. فريدة دي ملكي انا سامع يا حمزة
وكررها بجنون مخيف
ملكي.
زيدان
دة لازم يتحول حالا علي الدكتور
حمزة
فعلا. حالته صعبه. حضر بوكس وانا بنفسي هنقله
زيدان
ولية بس
حمزة
احنا في يوم كلنا مع بعض عيش وملح، ،،،،
وفعلا اتحضر البوكس وفي نص الطريق كان حمزة بيبص ل حكيم اللي كان راكب جنب منه وبيقول
للدرجة دي بتحبها
حكيم بص له وقال
اكتر ما بحب نفسي
حمزة
انت ما قتلتش حد يا حكيم. هي اللي قتلته صح
حكيم
اتا مش حكيم وهي ما قتلتش حد
حمزة
لكنها اعترفت بكل حاجة ووقت ما كنت بتتحضر للنقل للمستشفي
حكيم ابتسم وقال
كذابة
حمزة
انت بتقول كدة بس انا قلبي حاسس انك انت اللي كذاب
حكيم
انا قولت اللي عندي وما عنديش كلام تاني يتقال
حمزة
مش مصدقني. صح
وطلع موبيلة واتصل ب فريدة وفتح الاسبيكر وسمع فريدة بتقول
حكيم انا اعترفت بكل حاجة ل حمزة انا مستحيل اخليك تموت مكاني
حكيم
انت ازاي تعملي كدة. انا ما عنديش حد يبكي عليه لكن انتي بنتك محتاجاكي
فريدة وهي بتعيط
بنتي ربيها انت. وطلعها زيك عظيمة. حكيم. وانا قدام نفسي وقدام الدنيا هقول اني قتلته علشان احمي بنتي من اللي كان عايز يعمله فيها. واخر حاجه عايزا اقولها حكيم انا بجد بحبك
وقفلت فريدة وفضل حكيم يقول
الو الو. فريدة
وبص ل حمزة وقال
اوعي تصدقها دي مش عارفة هي بتقول اية
حمزة
حكيم فريدة خلاص سلمت نفسها واعترفت بكل اللي حصل واحنا لازم نساعدها ونخلي اللي حصل كان دفاع شرعي عن النفس واي محامي يقدر يخليها كدة لانها حرام تاخد اعدام في كلب زي دة
حكيم
لكن الادلة كلها بتقول ان قتل عمد
حمزة
نسيت ان في جرح في دماغها الطب الشرعي ممكن يثبت انه بسبب ضرب وحيد ليها وتبقي دي الثغرة اللي ندخل منها. للبراءة،،،،،،،،
ولفت الايام والقضية خدتها دورها في المحاكم وجت لحظة النطق بالحكم. وبص القاضي ل فريدة وقال
براءة.
فرح حكيم جدا وفرح حمزة وجميلة جريت علي القفص وكان نفسها تترمي في حضن امها وبصت فريدة ل حكيم وابتسمت. وحكيم راح للقفص وقال
مبروك البراءة
فريدة
الله يبارك فيك. ،،،،،،،
وخرجت فريدة واتجوزت حكيم. وبدات حكاية من احلي حكايات الحب حكاية حكيم وفريدة.
خلصت القصة مستني رايكم. وكنتم مع. فيلم المتهم X. ارشحوا تتفرجو عليه وبشدة. من احلي الافلام اللي شوفتها السنة دي.
روعه
ردحذفبراءة ازاى وده قتل متهيالى صعب البراءة ممكن حكم مخفف
ردحذف