الهام واللي كان الحلقة الاخيرة

 علاقة محرمة 

                   ★الحلقة التاسعة★

                والاخيرة من الموسم الاول 

من تاليفي

محمد منصور. **منص**

وقبل ما ابدأ نوحد الله ونصلي علي خير خلق الله سيدنا محمد.

اللهم صل وسلم وبارك علي محمد صلاة

تحل بيها العقد وتفك بيها الكرب

المشهد الاول

                ★اوضة سعيد★

في نفس الوقت اللي ذبحت ماهيا في صلاح بنرجع بالزمن ل تاريخ قديم تاريخ عدي عليه 30. سنة. وسعيد بيشوف مراته رقبتها بتجيب دم. لانها اندبحت من جوة جسمها. بايد ابنها مراد اللي كان في بطنها وقتها. واتصدم سعيد وحاول ايقاف الدم باي شكل لكن هنا تظهر ماهيا وتقف قدام منه وفي ايدها ذهب الحصن وتقول

عرفت ان معركتك معايا كان لازم تنتهي بخسارتك.

سعيد وهو بيحاول يوقف الدم ل مراته قال

انتي قدرتي ازاي تعملي كدة. وانا كنت بمتلك الذهب 

ماهيا

هقولك بس في الاول اخلص من اللي حرمتني منك 

وبصت ل سعيد وقدرت تبعدة عن مراته وبقوتها رفعته ل فوق وبعدها راحت ناحية مرات سعيد. وسعيد كان بيقول وهو بيحاول الخلاص من سحر ماهيا

اوعي تقربي من مراتي 

لكنها وبمنتهي الغضب مسكت شعرها وشدته وفي نفس الوقت ضربة رقبتها بايدها وقدرت تفصل دماغها عن جسمها ورمت الدماغ تحت رجليها. وداست عليها فجرتها صرخ سعيد لما شاف اللي المشهد دة وفضل يحاول يتخلص من سحر ماهيا لكنه ما قدرش وهي بصت له وقالت

ما تحاولش. مش هتقدر انت من غير الذهب ضعيف

سعيد 

وصلك ازاي الذهب دة

ماهيا بصت له وقالت

راد الجن اللي كان في خدمتك. قدرت اطمعه في حياة اهل الانس واخلي يطمع في انه يكون انسان. وبعد 30 سنة. وعن طريق لعنة البوبات السفلية. واتمام اركان مثلث النهاية بان الاب والابن يحضروا ملكة من ملوك الجن. بقي مجرد روح واي روح علشان تعيش محتاجة ل جسم تعيش في وعارف انا خليته يعيش جوة جسم مين ابنك مراد وسمي نفسه صلاح. علشان يقدر ينسي خيانتة ليك اصلة بيحبك. ومن هنا بدات خطة وصولي للذهب وانا جاي لك من المستقبل علشان اعرفك نهايتك كمان 30 سنة. هتكون علي ايد مين. ومين هيوصلني للذهب  

وضحكت اوي اوي اوي. وسعيد قال

انتي كذابة انا مراتي مش حامل علشان يبقي ليا ابن ويكون عايش. وكمان انا مراتي ماتت وعلي ايدك 

ماهيا بمنتهي الشر

مين قال ان مراتك ماتت. اللي غرقانه في دمها قدام منك دي مش مراتك دي مجرد وهم. انا عيشتك في. لان مخك ملكي ودي اول شئ قدمة ليا راد. والمخ اللي تمتلكة ماهيا. يشوف ويسمع ويعيش جوة دنيا من تاليفها. مراتك اللي انت فضلتها علية واتجوزتها انا حبساها تحت الارض. لان لازم تولد مراد. سبب هلاكك واول ما هتولد هترجع تعيش معها تاني عادي وهتنسي كل اللي هقوله ليك دلوقتي. لان ذاكرتك ملكي اخليك تفتكر اللي انا عايزا وتنسي اللي انا برضو عايزا 

سعيد ما كنش مستوعب اللي بيتقال فقالت ماهيا

شايفاك مش فاهم بس وماله افهمك. طول ما كان الذهب معاك انت كنت اقوي مني ومش هقدر عليك. علشان كدة كان لازم افكر واخطط واعرف ازاي اوصل للذهب ولو بعد 30 س. المهم اني اوصل. بعد الليلة اللي كنت فيها عند والدك ابو القاسم وتهديدك ليا قررت ابعد لان المواجهة معاك ما كنتش في مصلحتي وعن طريق القرين بتاعك قدرت اوسس ل الجن. راد. الخادم بتاعك واطمعة في حياة الانس وهو كان ضعيف جدا قصاد بنات الانس زي ما انا ضعفت قدام منك. وفعلا ضعف وكانت بداية الصفقة معه اني امتلك مخك. وحصل ومن بعدها انت عشت مع مراتك اللي كانت وهم وعشت مع ابنك مراد ودة اللي ماكنش وهم كان حقيقية. ومراد طلع زيك فاشل ولا لي لزمة بيجري وراء البنات وبس قولت فرصتي وجت لي. سلط علية شياطين الانس وخليته يحب يهزر ويلعب زي ابوة ما عمل

وضحكت اوي اوي. وكملت وقالت

وخليته يحضرني. اصل طلاسم الملوك. ما بتحضرش الا الملوك. وخليتك تعرف ويحصل بينك وبينه خناقة كبيرة. لغاية ما جت الليلة اللي كنت فاكرة اني هوصل فيها للذهب. وفعلا انت جيت لغاية عندي وبالذهب علشان تستخدمة وتحمي ابنك من لعنة الطلاسم اللي خليته ملكي. وطلعت الذهب لكن الذهب اتبدل بذهب صيني وكل دة علشان الملعون راد قرر. يدخل جوة جسم ابنك بعد ما تمت اركان مثلث النهاية للعلاقة المحرمة اب وابنه حضروا ملكة من ملوك الجن والحكم في الجريمة دي. انت عارفة هو الموت. للابن والاب وفعلا راد قتل مراد وامتلك الجسم وانت موت لكن الدم اللي خرج منك دخل جسم ابنك. واختلط دمك ب دم ابنك ودة خلي الجني راد يضعف والذهب اللي كان معه اصبح مادة سايحة. اختلطت بالدم. وراد بقي انسان ضعيف ذاكرة مافيش. و راد اللي عاش مسجون جوة جسم المقتول. وابوة. كان بيهرب من دة بانة سمي نفسه صلاح وعمل لنفسه دنيا هو معشهاش وخلي مراد صاحبة الوحيد وابن عمه كمان. كل دة كذب علشان يقدر يعيش جوة جسم المقتول اللي قتلة بايدة. دة كمان بدا يشوفك في صورة شيخ. علشان يهرب مني. بمساعدتك وهو ما يعرفش انك انت سبب العذاب اللي هو في. غضبت لان كل اللي انت عملته راح في غمضة عين لاني ما قدرتش اوصل للذهب. بدات استغل ضعف راد. وذاكرتة اللي بتروح وتيجي. وظهرت له في الاول علي اني جنية عاشقة غرضها انها تجننه يمكن لما يبدا رحلة الجنان واطلب منه الذهب يعرفني هو فين لكنة فعلا ما كنش فاكر هو فين ولا كان يعرف انه بيجري في عروقة ذهب الحصن اللي بيعمل المعجزات. خليتك تظهر له في صورة شبه صورته بالظبط وتوصل له رسايل غامضة يمكن يفتكر الذهب فين لكن برضو فشلت ماكنش قدامي غير اني اعرفه حقيقتة انه جني وكان خادم في مملكتي. يمكن يساعدني علشان يرجع اقوي من الاول لكنه فضل ضعيف. دمك ودم ابنك خلو ولا حاجة مجرد انسان مشوش تتحكم في الاوهام. خليته يتجوز سعاد وفهمتة ان الذهب اتاخد من دولابه يمكن اوصل وبرضو ما وصلتش. 

سعيد باستغراب

طالما كل محاولاتك انتهت بالفشل ازاي قدرتي توصلي للذهب

ماهيا

عن طريق سواقك. حامد ما كنتش اعرف انه كان ممكن يكون لي لزمة ورغم انه كان موجود اخر ليلة ليك في الدنيا يوم ما راد قتلك. لكني قررت اعمي بس. واي كلمة كان هيقولها ب موته. وتعدي الايام ويوصل بالصدفة مراد ل حامد ويحكي له حامد كل اللي يعرفه عنك وعن ذهب الحصن. اللي بيبان في ظلمة العميان. وبمجرد ما راد غمض عيونه وبحكم اني متحكمة في مخة قدرت اشوف الذهب السايح بيجري في عروقة. ماتتصورش فرحتي بالنهاية دي. نهاية رحلة استمرت 30 س. هتعيشهم وانت ملكي وذريتك ملكي. وهتموت في الليلة دي وهتندفن جوة جسم ابنك. وبعدها هذبح الجسم اللي جوة منه واخلص منه بقطع رقبة الجسم 

وضحكت بمنتهي الشر وضحكت وضحكت.

وقالت

عيش وانسي كل اللي سمعته واتمتع بحياتك لغاية ما توصل لنهايتك. اللي من تاليفي

ورجعت ضحكت واختفت ماهيا وظهرت مرات سعيد خارجة من اوضة وعلي ذراعها ابنها الرضيع مراد وبتبص ل سعيد وبتقول

سعيد مش هتيجي تلعب شوية مع مراد 

سعيد ولا كان شئ حصل راح شال مراد وفضل يلاعبة. وكان في منتهي السعادة، ،،،

المشهد الثاني

                  ★صحراء★ 

وبعد 30.سنة. وصلنا لليلة الموعودة و راد كان جوة جسم مراد ومراد بيقتل ابوة سعيد. وبعدها تظهر ماهيا وتقطع رقبة مراد. دة كان اخر مشهد في حياة سعيد ومراد. وبداية ل شر ماهيا ،،،،،،،،،،

المشهد الثالث

                  ★قرية سياحية★

بعدها ب سنتين. كانت بتتمشي في هذة القرية ست جميلة جدا وجذابة في اوائل الاربعينات من عمرها اسمها يسرا. وقابلت يسرا دي ست تانية اسمها مفيدة. بصت لها. وقالت وهي مفزوعه

الحقيني يا يسرا انا في مصيبة

يسرا بهدوء شديد

اهدي بس وعرفيني بالراحة اية اللي حصل

مفيدة

بعد جلستي مع طاهر الشاب اللي بتخلينا نقعد معه في العالم الافتراضي.

يسرا

دي الجلسة اللي انتي عملتيها هنا من شهرين 

مفيدة 

بالظبط

يسرا

طيب اية اللي حصل

مفيدة

بقيت حامل وانا ارملة من سنة واكتر

يسرا باستغراب

وطاهر يعني هو اللي خلاكي تحملي. دة عبارة عن شخص بتقعدي معه في عالم افتراضي. زي ما تكوني يعني بتكلمي حد علي الفيس. وانتم فاتحين كاميرا تفتكري ان دي علاقة يحصل بسببها حمل 

مفيدة وهي مفزوعه 

اومال انا حامل ازاي وانا مافيش راجل لمسني من بعد موت جوزي. ومافيش الا علاقتي ب طاهر دة 

يسرا بحدة 

انا عارفة بقي. ما تشوفي نفسك بعيد عني

وعن القرية بتاعتي

مفيدة

بس انا من ساعة الجلسة دي وانا حاسة اني مش طبيعية

يسرا مسكت ذراع مفيدة وقالت

اسمعي يا شاطرة انتي تروحي ترمي بلاكي في مكان غير هنا ونصيحة لو سيرة القرية بتاعتي جت علي لسانك. انا هقطعة

وزقتها يسرا بعيد عنها ورجعت تكمل مشي واتغيرت ملامح يسرا ل ماهيا. ورجعت تاني ملامح يسرا، ،،،،،،،،،،

المشهد الرابع

                ★شقة بسيطة★

باب الشقة بيخبط شاب مدينا ظهرة رايح يفتح الباب وفتح لقي مافيش حد علي الباب لكنه شاف ورقة وطي جاب الورقة وفتحها لقي مكتوب فيها

**سمعت ان مراتك عندها مشاكل في الخلفة. علاجها عندي. عندك استعداد تقبل دعوتي. يسرا. قرية اليسر. العين السخنة*

قفل الباب ودخل ورمي الورقة علي التربيزة وهنا تقف قدام منه مراته ساندرا وتقول

مين كان بيخبط يا عم الدنيا

بص لها احمد وقال

دعوي للعلاج. تحبي تروحي

وابتسم عم الدنيا،،،،،

وباذن الله اللي جاي في الموسم الثاني هيكون اصعب من الموسم الاول اربطو الاحزمة لان عم الدنيا رايح ل ماهيا. اللي مايعرفش مين هو عم الدنيا. يقرا الموسم الاول وعاشت في احضان الشيطان والموسم الثاني. عم الدنيا.

ويستننا الموسم الجديد

علاقة محرمة 2.  

     ★الصراع★

باذن الله قريبا 

يارب الموسم الاول يكون عجبكم. وما تزعلوش مني لما اتوهكم. بس هي قصص الغموض كدة احداث كتيرة عكس بعض وملخبطة وفي الاخر نوصل للحدث الرئيسي وتروح اللخبطة ويفضل لي احلي كومنت من احلي متابعين. مستني اعرف راي كل اللي شرفني بقراءة القصة