الهام واللي كان الحلقة الاخيرة

 كتابة واقتباس 

محمد منصور. **منص**

وقبل ما ابدأ نوحد الله ونصلي علي خير خلق الله سيدنا محمد.

اللهم صل وسلم وبارك علي محمد صلاة تحل بيها العقد وتفك بيها الكرب

وهنا يرن موبيل رفعت فيخرج رفعت الموبيل بتاعه ويلاقي رقم كاميليا فيرد مسرعا 

ايوة يا كاميليا

كاميليا وهي تستغيذ

يارا يا رفعت يارا

رفعت بقلق

مالها

ولكن كاميليا تسكت ورفعت يقول

الو الو الو

زهرة بقلق

في اية يا رفعت.

رفعت وهو بيقف مسرعا

ماعرفش. انا لازم امشي حالا ،،،،،،

ومن داخل شقة رفعت كانت كاميليا واقعة علي الارض وهي مصابة والدم نازل من دماغها ورفعت بينادي عليها في الشقة. اللي كان مكتوب علي كل حوائطها. بالدم. وبخط يارا 

( جه دوره. ومن بعدة امي وامك اللي سابتنا. نموت )

وفضل يدور رفعت في الشقة كلها لغاية ما وصل للاوضة اللي كاميليا وقعه فيها علي الارض ومصابة فيروح لها بسرعة ولسة هايقرب منها لقي الخيال الاسود قدام وصوت خبيث بغضب مخيف بيقول

ابعد عن طريقي والا

وفي هذة اللحظة يشوف رفعت كاميليا وهذا الخيال ياكل دماغها فيصرخ رفعت قائلا

الا كاميليا. خدني انا لكن هي لا

فيبص له الخيال الاسود قبل ما يدخل في جسم يارا اللي كانت نايمة علي السرير وجنب منها الشاش اللي كان ربطها بي دماغها وقالت يارا بصوت خبيث 

ابعد عن طريقي

وتروح يارا بسرعة شديدة ناحية شباك الاوضة وتنط من الشباك وينكسر شباك الاوضة وترجع الاوضة لصورتها الطبيعية وهنا يحس رفعت بايد كاميليا بتتحط علي كتف رفعت وهي لسة داخلة الشقة اللي رجعت لصورتها الطبيعية واصبح مافيش اي دم علي الحوائط الا ازاز الشباك اللي كان مكسور فتقول كاميليا

رفعت انت واقف لية كدة

فياخدها رفعت في حضنة ويقول

انتي بخير

كاميليا

الحمد لله في اية وفين يارا

وتبص لازاز الشباك المكسور

واية اللي كسر الازاز دة كدة

لكن رفعت ما يردش وراح ناحية الشباك. وبص علي الشارع يمكن يشوف يارا لكن يارا ما كنش ليها اي اثر فاستغرب رفعت لان شقتة كانت في الخامس ازاي يارا تنط المسافة دي كلها وتفضل سليمة. فتقف كاميليا وراء منه وتقول

رفعت فين يارا

فيبص رفعت لكاميليا ويقول

يارا نطت من الشباك دة

في هذة اللحظة تدخل يارا الي الاوضة وهي بتنشف وشها بفوطة كدليل علي انها كانت خارجة من الحمام وتقول

واقفين لية كدة

فيبصو لها الاثنين باستغراب شديد ويقول رفعت

ازاي 

يارا وهي بتقف قدام المرايا وبتسرح شعرها

اية هو اللي ازاي

فلايرد رفعت ويبص لكاميليا ويقول

انتي اتصلتي بية من شوية

كاميليا

لا. الموبيل علي الشاحن من ساعة ما انا دخلت الشقة

رفعت باستغراب

انا كدة بيتلعب بيا انا كمان 

ويحس بوجع في دماغه فيحط ايدة علي دماغه من وراء علشان يلاقي بقعة دم خفيفة وحس بأسنان حادة بتقطع في لحم دماغه فاتفزع وراح بسرعة ناحية المرايا الموجودة في الاوضة لكنه ما شفش اي حاجة والوجع راح لكن فضلت بقعة الدم موجودة فمسك الشاش ولفة حوالين دماغه بسرعه وقال

اللي بيحصل دة حصل قبل كدة معقوله تكون يارا هي اللي اتعمل عليها بحث الموت

وخرج من الاوضة بسرعة رغم ان كاميليا ويارا بينادو عليه لكنه ما يردتش ويبصو لبعض باستغراب شديد، ،،،،

ومن داخل احدي المستشفيات الخاصة الكبيرة يقف رفعت اسماعيل مع دكتور زميل لي وهو دكتور مخ واعصاب يدعي يسري فيقول له رفعت

انا كل اللي اعرفه انه اسمه حلمي. ولي اتنين اصدقاء لي دكاترة برضو وهما دينا بركات. ومينا رمسيس

يسري

دول اللي عمله بحث عن الورم الخبيث اللي حير العالم كله وصوروا العملية بالفيديو 

رفعت

هما. تعرف اسمه حلمي اية

يسري

دة بحث عدي علية 30 س. هافتكر اية بس

رفعت

افتكر يا يسري دة انت كنت معروف في الدفعه بالذاكرة الحديدية

يسري وهو بيعصر ذاكرتة

تقريبا حلمي الخياط.  

رفعت

متاكد

يسري

ان شاء الله هو

رفعت

عايز عنوانه ضروري

يسري

هو مش معايا بس اللي يعرفة دكتور عبد الحميد الشرقاوي 

رفعت

وانت معاك رقم عبد الحميد دة

يسري

معايا بس مش تريحني وتقولي عايز اية من حلمي ممكن اقدر اساعدك بطريقة تانية 

رفعت

انا عرفت من موظف في ارشيف كيلة طب القاهرة. ان عملية استئصال الورم الخبيث من دماغ البنت يارا دة اتصورت علي شريط فيديو والشريط دة مش موجود في فيلا دكتورة دينا ولا عند دكتور مينا . فاكيد هو عند حلمي وانا محتاج اشوف الشريط دة ضروري 

يسري

ولو مش معه 

رفعت

لا. مافيهاش لو. دة هو الامل الوحيد انه يكون عنده 

يسري

بس ثواني بس انت قولت العملية عملوها لبنت 

رفعت

ايوة بنت كان عندها 6 سنين

يسري

ازاي يا رفعت اللي اعرفه انهم عملو العملية. لولد

فيصدم رفعت ويقول

ولد. انت متاكد

يسري

الا متاكد دة احنا في دفعة مخ واعصاب قعدنا فترة طويلة تتكلم عن العملية دي لكنهم كانو بيخافو بس يفتكروا اللي حصل لهم وانهم نجو بحياتهم 

رفعت 

اومال انا شوفت صورة يارا اخت مراتي مع التلت دكاترة دول في عيادة مينا

يسري

ممكن بقي يارا دي كانت بتتعالج عندهم من مرض تاني

رفعت

اللي مع حل اللغز دة هو. دكتور حلمي. ياريت تعرف لي طريقة بسرعه. قبل ما يحصل اللي راحو قبل منه

يسري وهو يخرج الموبيل بتاعه ويتصل برقم دكتور زميل يدعي عبد الحميد يقول لرفعت

باذن الله عبد الحميد دة هايعرف يوصلنا لحلمي هو نفس دفعته 

ويرد عبد الحميد فيقول يسري

ازيك يا دكتور

عبد الحميد

اهلا يسري عامل اية

يسري

بخير والله والحمد لله. ومش هاطول عليك وهاخش في الموضوع علي طول. زي ما انت بتحب. 

عبد الحميد ضاحكا

الله ينور عليك انا ما بحبش المقدمات عايز اية 

يسري 

كنت عايز منك عنوان دكتور حلمي الخياط اخصائي المخ والاعصاب 

عبد الحميد

دكتور حلمي لسة راجع من السفر حالا وراح فيلتة يرتاح ومش هايقابل حد وخصوصا بعد ماعرف ان اصدقاء عمره دينا ومينا اتقتله 

فيبص يسري لرفعت ويقول له علي الله قاله عبد الحميد. فياخد رفعت الموبيل من يسري ويقول 

دكتور عبد الحميد. الموضوع اخطر ما انت متخيل ومفيش وقت لاي كلام لان حياة الدكتور حلمي في خطر ممكن تعرفني عنوانه

عبد الحميد

انت مين

رفعت

صدقني الوقت اللي هاتعرف في اسمي ممكن يكون هو الوقت اللي احنا محتاجينة علشان ننقذ صاحبك من ايد خبيث ،،،،،،،،،،،

وبعدها بنص ساعة ومن داخل فيلا دكتور حلمي وبالتحديد جوة الحمام واثناء ما كان حلمي في البانيو يسمع صوت برة قدام الحمام والاضاء بترعش وحد بيحاول يفتح الباب فيبص للباب بخوف شديد ويقول

مين اللي بره

ولكن لا ياتي رد فيقوم من البانيو ويلبس البورنس الخاص بي ويروح ناحية باب الحمام ويحط ودانه علي الباب علشان يسمع اي شئ ويقول

مين.

وهنا ينطفئ نور الحمام فيترعب حلمي ويرجع النور علي صرخة حلمي اللي في سن مدبب من الذهب اخترق الباب ودخل في ودانه اللي كان حططها علي الباب. وخطاف اخترق الباب واخترق بوق حلمي. وصوت خبيث يقول

الشريط

حلمي وهو يتوجع ويحاول ايقاف الدم النازل من ودانه وبوقة ويقول بصعوبة

انت مين

خبيث

خبيث اللي حكمت علية انت واصدقائك بالموت لكني رجعت. الشريط

حلمي بصعوبة اكتر واكتر

انت طيب ازاي احنا خلصنا عليك بايدينا

في هذة اللحظة تظهر يارا في الحمام وتقول

ساري رفعت ومعه دكتور تاني وراء منك خلي بالك

فيحط ساري السن المدبب للاخر في ودن دكتور حلمي لدرجة ان السن عدي للودن التانية ومن قدام الحمام كان ساري بيتفادي هجوم رفعت بسرعة رهيبة ولسة هايضربة عبد الحميد من ظهرة لقي بيجري ناحيتة وكانه شايفة وخلص علية وظهر في ظهر هذا الجسد وش كائن مخيف له اسنان حادة واكل دماغ عبد الحميد ولسة رفعت هايهجم علية من الخلف بص له ساري ولسة هايخلص علية سمع صوت صرخة يارا فحط ايدة علي ودانه وزق رفعت بعيد عنه زقة وقعت رفعت علي الارض وهرب من الشقة باقصي سرعة فقام رفعت بسرعة لاتتناسب مع سنة وخرج جري وراء ساري وفضل يجري ويجري لكنه شاف ساري وهو عربية بتخبطة لكنه قام بسرعه وجري بس وهو تعبان فقرب منه رفعت ولسة هايمسكة لقي يارا قدامه وفي ايديها سن مدبب من الذهب وبتحط السن دة في قلب رفعت وهنا يقف رفعت وهو يتالم وبيبص للسن المدبب و ولكن السن اختفي من جسمة وهو رجع لطبيعيتة ويارا تقف قصاد منه وهي تعبانة جدا وتقول

قدرت احميك منه. المرة دي. احميني انت منه المرة الجاية

وتقع يارا علي الارض وهي متعبة فيبص رفعت حوالين منه علشان يلاقي ناس كتير كانت متابعة الموقف وبيبصو علية وواحد منهم يقول

انا شايفها بعيني وهي عايزا تخلص عليك

رفعت

مش محتاج اسمع اي كلام من حد ساعدوني بس نشيلها ونروح بيها لاقرب مستشفي بسرعة، ،،،،،،

ومن داخل احدي المستشفيات كانت يارا ترقد علي السرير وتبص لكاميليا اللي كانت قاعدة قدام منها وتمسك ايديها بحنان شديد ورفعت يقف وراء كاميليا ويبص ليارا وهي تقول له

انا بقيت كل ما بنام بصحي بمصيبة. واخرها انت يا رفعت انا كنت هاقتلك بايدي

رفعت

انا مقدر اللي انتي في وعارف انه غصب عنك وان في حد بيتحكم في جسمك واضعف لحظة في حياة اي بني ادم مننا هي وقت نومه وانتي بتنامي هو بيستغل جسمك ويرتكب بي الجرائم دي بغرض الانتقام من اللي قتلو

كاميليا

دة جن بقي 

رفعت

لا. دة خبيث الورم اللي كان في دماغ اختك يارا واللي بيقدر يتحكم في كل مراكز الاحساس عندها 

كاميليا باستغراب

ورم خبيث. اللي هو مرض السرطان

رفعت

بالظبط لكن دكتورة دينا والفريق المعالج اللي كانو معها وهما مينا وحلمي كتبو قصة الورم الخبيث دة في تقرير اترفع لكلية الطب وكان اغرب تقرير ممكن حد يسمع عنه وهو ان الورم كان رافض العلاج وكان عايز يسيطر علي جسم يارا وكانه حيوان مفترس. بيعيش علي اكل فصوص المخ اللي بتزيدو قوة علي قوة. وممكن يكون خبيث هو السبب في موت اطفال يارا التلاتة في بطنها لانهم ماتو كلهم بنفس الطريقة في الشهر التامن. طبعا الكلام مش منطقي زي بالظبط ما التقرير بتاع الدكتورة دينا لما اترفع لكلية الطب اتهمو الفريق المعالج ليارا بالجنون وماحدش اهتم واترمي في الدرج لكن فريق دكتورة دينا صورة عملية اسئثصال الورم الخبيث صوت وصورة علي شريط فيديو موجود في فيلا دكتور حلمي وساري او خبيث كان عايز يوصل للشريط قبل مني لان الشريط في حقيقتة. وكل اللي بيحصلنا دة بيحصل علشان بس بنساعد يارا وبنحاول نوصل لحقيقتة. لكنه قادر يخلص علينا بايد يارا 

كاميليا

ودة كلام يصدقة عقل. انا اصدق ان في جن مسيطر عليها اسهل من اللي انت بتقوله دة 

رفعت

والجن دة لما بينط من شباك بيكسره زي ما حصل يوم ما يارا كانت بايتة عندنا. الجن دة البواب بتاع دكتورة دينا يشوفو عادي وهو بيجري. شوفي بنفسك كل اللي بيحصل لاختك وقرني باللي انا قولته واحكمي بعقلك

كاميليا

رفعت. يارا جسمها بيفضل في مكانه ازاي بيستخدم جسمها بقي ويروح بي في اي مكان وبمنتهي السرعة وهي نايمة ويقتل بي كمان 

رفعت

دي نقطة لسه ملهاش تفسير لغاية دلوقتي عندي 

كاميليا

طيب لما هو خايف من مساعدتنا ليارا لية ما خلاش يارا تقتلنا طالما بيقدر يتحكم في جسمها 

رفعت

ماعرفش. كاميليا انا في تفاصيل كتير بتحصل لسة ما وصلتش لتفسيرها وممكن زي ماهو بيتحكم في يارا وهي نايمة تقدر يارا تتحكم في وهي في واعيها 

وهنا يحس رفعت بوجع في دماغه من الخلف فيحط ايده علي دماغه علشان يلاقي بقعة الدم عنده بتزيد. فيقول لنفسه

واضح ان خبيث بدأ ياكل في الفصوص الخاصة بمخي علشان يقدر يتحكم فيه 

ثم يبص مسرعا لكاميليا ويقول 

كاميليا. انا لازم امشي حالا

كاميليا وهي بتبص له

رايح فين بس

رفعت

مشوار ضروري. بس اوعي تخلي يارا تنام والا ممكن ما ارجعش ليكي تاني المرة دي 

ويبص رفعت ليارا ويقول

انا بساعدك بكل اللي اقدر علية ساعديني انتي كمان واوعي تخلي يخلص علية

يارا

ما تقلقش 

ويخرج رفعت من الاوضة ،،،،،،

ومن قدام فيلا دكتور حلمي الخياط اللي اتقتل فيها يجلس رفعت جوة عربيتة ويتابع رجال الشرطة اللي كانو في كل مكان في الفيلا بيحققوا في قضية قتل دكتور حلمي ودكتور عبد الحميد وتستمر التحقيقات الي بعد منتصف الليل تقريبا ورفعت لايزال واقف مستني انصراف الشرطة علشان يدخل الفيلا وبالفعل انصرف رجال الشرطة وسابو قدام الفيلا اتنين عساكر علشان ماحدش يدخل الفيلا نهائي فبص رفعت للعساكر وقال

معلش بقي سامحوني في اللي انا هاعمله،،،،،

وفي نفس الوقت كانت يارا بدأ النعاس يغلبها بسبب العلاج اللي خدتة ورغم انها حربت النوم كتير ولكنها نامت وكاميليا كانت في الحمام، ،،،،

وفي نفس الوقت ورفعت بيدور العربية علشان يروح ناحية العساكر حس بالخيال الاسود لف حوالين رجل رفعت اللي كانت علي البنزين وبدأ العربية تنطلق باقصي سرعة ورفعت جوة منها بيحاول الخلاص ورفع رجله ولكن بلافائدة واستمر رفعت يمشي في الطريق بمنتهي السرعة ويتفادي عربية وراء عربية وحاول اخراج الموبيل بتاعه من تبلاوة العربية لكنه عدي في مطب شديد طار موبيلة بعيد عنه وخرجت قدام منه حقنة بنج من الحقن اللي ديما في تبلاوة عربية رفعت بحكم شغلة فبص رفعت للحقنة وهو سايق باقصي سرعة وقال لنفسه

لو اللي في دماغي صح فهو ببتحكم في يارا وهي نايمة لانه قدر ياكل منها فصوص كتير من مخها وانا اقدر اتحكم في وانا نايم طالما هو لسة في البداية عندي و بقي في اتصال بيني وبينه وبدأ ياكل فصوص من دماغي

وضرب جزء. بسيط من حقنة البنج في ذراعة وطلع بالعربية علي الطريق السريع واخد اقصي اليمين وستر ربنا ان الطريق كان فاضي وبدأت عيونه تزغلل وبدأ يفقد السيطرة علي اطرافة وفقد الوعي. واثناء ما كان رفعت فاقد الوعي شاف خبيث في جسم يارا وهو ماسك رجلة في العربية ودايس بيها علي البنزين فبص له رفعت وراح ناحيتة بمنتهي السرعه وخنقة من الخلف بكل قوة فكان توقع رفعت مظبوط فخبيث كان في اضعف لحظاتة وماقدرش يقاوم رفعت زية زي اي مرض في اول مراحل تكوينة جوة جسم المريض وفضل رفعت يضغط علي رقبتة ويضغط الي ان اختفي خبيث تمام فحط رفعت رجله علي الفرامل ووقفت العربية ،،،

وفي نفس الوقت كانت كاميليا فوقت يارا بالمية علشان تقول يارا

رفعت في خطر رفعت في خطر. كان عايز يخلص علية 

فتمسك كاميليا الموبيل بتاعها وتتصل برفعت اكتر من مرة وهي قلقانة جدا ورفعت لا يرد، ،،،،،

وتعدي الليلة ومع شروق الشمس ورفعت جوة عربيتة علي الطريق السريع والعربية وقفة يفتح رفعت عيونه بصعوبة علي صوت موبيلة اللي كان ولا يزال بيرن فيرد بعد ما بص علي رقم كاميليا

ما تقلقيش انا لسة عايش

فتعيط كاميليا بشدة وتقول فرحا 

كان قلبي حاسس انك عايش. مش رفعت اسماعيل اللي يموت بسهولة كدة

فيضحك رفعت ويقول

بس المرة دي مش سهلة خالص.  

ويدعك رفعت في عيونه مع صوت صفارة الانذار الخاصة بالموبيلات وهي معنها ان البطارية هاتفصل ويقول

واضح انك رنيتي علية كتير. البطارية ها،،،،،،،،،

ولكن الموبيل فصل فيقول رفعت باستهزاء

هاتفصل 

ويرمي رفعت الموبيل جنب منه علي الكرسي ويبدأ يستعيد تركيزة شيئا فشيئا ويقول

لازم فنجان قهوة وبعد كدة. اروح فيلا حلمي. بس غريبة ان خبيث ما قتلنيش بايدة وكان عايز يقتلني وكانها حادثة

ويتنهد رفعت ويقول

يارب الاقي في الشريط كل الاجابات علي الاسئلة دي

ورجع رفعت لفيلا حلمي وبص للعساكر وقال

لو سمحتهم فيلا دكتور حلمي الخياط

احدي العساكر وهو يشاور علي الفيلا

هي دي.

رفعت

طيب كنت عايز اقابل دكتور حل،،،،،،،،

ويبدأ رفعت يدعي انه مريض وكانه عندة حالة صرع فيروحو له الاثنين عساكر ناحية باب القيادة وهما قلقنين علية وهو جسمة كله بيتنفض وهنا يخرج رفعت من جيب بدلتة بخاخ فية بنج مركز ويرشة في وش الاثنين عساكر بمنتهي السرعة فيقعوا الاثنين عساكر مغمي عليهم فيبص رفعت حوالين منه علشان يتاكد ان الشارع فاضي ويرجع يسحبهم واحد وراء التاني ويدخل الفيلا بمنتهي الحذر ويبدأ يدور في كل ركن فيها لغاية ما وصل لمكتبة خاصة بها شرايط فيديو كتير فيبحث وسط الشرايط لغاية ما وصل لشريط العملية. وراح ناحية فيديو قديم كان موجود في مكتب دكتور حلمي ومتصل بتليفزيون صغير وحط الشريط في الفيديو واشتغل الفيديو وظهرت صورة لطفل في حالة هياج شديد وشكل الطفل غريب يشبة اكتر للحيوان ولة ايد صغيرة وارجل طويلة ولفت الكاميرا علشان يشوف يارا وهي طفلة بنت خمس سنين. ودماغ هذا الطفل في موخرة دماغ يارا فهما تؤام ملتصق فانصدم رفعت وهو بيتفرج وكمل الشريط للاخر وهذا الكائن بيتحكم في جسم يارا وبيقدر يشوف بعيونها ويخلي اعضائها وكانهم اعضائة هو. شريط بيعرض احداث مريبة ومشاهد لا يصدقها عقل وبدات دينا تتكلم وهي تشاور علي هذا المخلوق وتقول

دة ورم خبيث لكنة قدر يتغذي علي فصوص الادراك والحس والسمع عند يارا لدرجة انه اصبح اخ ملتصق لها وبدأ يبقي لي ايدين ورجلين لكنة عايز يتحكم في جسم يارا كامل ودة اللي احنا هانمنعه بعملية مرفوضة طبية لكن هي العلاج الوحيد لحالة يارا. وهو اننا هنقوم باسئتصال خبيث من دماغ يارا علشان تقدر تعيش حياة طبيعية

وفي هذة اللحظة تغمض يارا عيونها لانها نامت من مفعول البنج اللي خدتة وتقول دينا

ودلوقتي احنا ايدينا يارا حقنة بنج علشان نثبت لكم ان خبيث يقدر يتحكم في جسمها من غير ما هي ما تتحرك من مكانها

وفعلا جسم يارا فضل في مكانه وخبيث أتجمع في شكل خيال جوة جسم شبية لجسم يارا وتحرك بمنتهي السرعة ناحية دكتور حلمي ووقف وقالت دينا 

طبعا خبيث راح باقصي سرعة ناحية حلمي علشان هو صاحب فكرة العملية لكن حب يارا لدكتور حلمي منع خبيث من اذية دكتور حلمي واللي منعه الفص الخاص بالحب اللي موجود في عقل يارا واللي لسة خبيث ماقدرش يسيطر علية وزي ما خبيث يقدر يتحكم في يارا فيارا تقدر تتحكم في خبيث لكن في حالة انه هو قدر يبقي اقوي منها هايقتل ويحرمها من كل اللي بتحبهم. علشان كدة لازم العملية.  

وصورة العملية بكل تفاصيلها وهو بتر لكل الاطراف اللي ظهرت لخبيث وادخال خبيث جوة مخ يارا بعد ما يتم شلل تام لكل الظروف اللي تجعلة عايش ويتم خياطة دماغ يارا وينتهي الشريط، ،،،،،،

وفي نفسك الوقت ومن داخل فيلا يارا وعند احدي الحوائط يخرج من الحائط أيد ليها ظوافر كبيرة وتخرج الايد الثانية وتيدأ تحفر في الحائط بكل قوة وسرعة غريبة سرعة ملهاش علاقة باي بشر لغاية ما تنتهي وتخرج من الحيط امراة في الستين من عمرها وكان شكلها غريب ومخيف ومكتوب علي اول صدرها المبروكة وفضلت تبص للفيلا وتصرخ صرخات غاضبة ،،،،،

وفي نفس الوقت 

ومن داخل المستشفي المحجوزة فيها يارا تصرخ يارا بشدة وتحط ايدها علي ودانها فتبص لها كاميليا وتقول لها

في اية مالك

يارا بصعوبة

في ست بتصرخ في ودني بشكل مخيف

كاميليا

مين دي،،،،،

وفي نفس الوقت كانت المبروكة بتقطع ايدها وتعمل دائرة من الدم بتاعها وهي بتصرخ وتصرخ وتصرخ وتقعد في وسط الدم وتقول

تعالي. تعالي. تعالي.

وتظل تقولها اكتر من مرة وهي بتهز في جسمها بسرعه رهيبة، ،،،

وفي نفس الوقت كانت يارا تقف علي رجليها فتقول لها كاميليا

رايحة فين

يارا وهي زي المسحورة

عايزاني.

كاميليا باستغراب

هي مين دي

يارا

امي

كاميليا وهي بتحاول تمنع يارا اللي كانت ماشية ناحية باب الاوضة

يارا طيب استني اقول لرفعت 

وراحت يارا ناحية باب الاوضة وخرجت من الاوضة وكاميليا بتاخد شنطتها والموبيل بتاعها وبتجري وراء منها،،،،

ومن داخل تاكسي تتكلم كاميليا في الموبيل بتاعها وتقول

يا رفعت احنا في التاكسي اهو ورايحين فيلا يارا

صوت رفعت

لية بس رايحين هناك

كاميليا

يارا سمعت صوت في ودانها بيقول،،،،،،،

ولكن الموبيل بتاع كاميليا يفصل شحن هو الاخر فتبص للموبيل وتقول

يا ربنا ودة وقته،،،،،،،

ومن قدام فيلا يارا يقف تاكسي وتنزل يارا ومعها كاميليا ويدخلو الي الفيلا بسرعة وتدخل يارا الي الفيلا ومن خلفها كاميليا وتبص يارا للمبروكة وتقول لها

امي

فتقف المبروكة وتبص ليارا وتتحول من امراة شكلها غريب لامراة في الاربعينات من عمرها جميلة جدا وتبص ليارا وتقول

نجمة. بنتي وبنت قلبي

فتروح يارا ناحية المبروكة وهي تقول

قلبي دلني عليكي وقالي انتي اللي بتنادي 

المبروكة وهي بتروح ناحية يارا

كنت عارفة ان قلبك هايسمع صوتي هايعرفني

وتترمي يارا في حضن المبروكة وتعيط بحرقة وتقول

كنتي فين طول السنين دي وسيباني لوحدي

المبروكة

خبيث قدر يوصل لي ويحبسني في حيطان الفيلا دي من وهي مجرد رسم في خيال المهندس اللي رسمها و اللي خلص علية وعلي كل اللي يعرفو وخلاكي تشتربها علشان افضل ديما جنب منك لكني بعيده عنك. وقعد سنين طويلة زهقت من عدها احفر لغاية ما قدرت اخرج من سجني وجهزت السجن بتاع خبيث اللي هايفضل في ليوم الدين 

كاميليا

يارا. انا مش قادرة افهم في اية. ومين دي

المبروكة وهي بتبص لكاميليا وتقول ليارا

دي اختك كاميليا صح

يارا

اة.  

المبروكة

ياما يا كاميليا سمعت صوتك وانتي عند بنتي وديما جنبيها. ومعها. انما يارا ما تعرفش عني اي حاجة غير اللي قلبها قاله ليها اني امها. انما انا حكايتي حكاية. انا ملكة من ملوك الجن السفلي. واسمي تيرا. حبيت انسي وكنت فاكرة انه كمان بيحبني لكنة كان بيخدعني وبعد مافهمني انه حضرني في جسم انسية علشان يتجوزني واعيش معه في بيت اهله طلع بيضحك علية وحضرني في جسم حبيبتة اللي ماتت. ولما عرفت حقيقتة رفض اني افضل عايشة في جسم انسية وجيت اخرج رمي علية تعويذة وتقالات خليتني افضل محبوسة في الجسم دة لا انا جنية ولا انا انسية واغتصبني فقتلته وهربت وبقيت ماشية في بلاد ماعرفش ليها اسم زي التايهة لبعرف اتكلم كلامكم ولا بعرف افكر زيكم فشافوني اهل البلد وسموني المبروكة واكتشفت اني حامل. حاولت انزل الحمل دة لكني ما قدرتش وخلفت وشوفت انا بس خلفتي تؤام ملتصق البنت نجمة. اللي انتم سموتها يارا والولد مشوة وخبيث طالع من دماغ يارا شيطان رجيم في شكل ورم خبيث اللي يشوفو يقول انه مرض لكن الحقيقة انه جني من رحم جنية بس محبوس زيي في جسم اختة يارا عايز يخرج مش قادر عايز يهرب مش عارف فبدأ ينتقم ولقي متعة كبيرة في اكل فصوص المخ لانه بالطريقة دي يقدر يتحكم في اي جسم قدام منه عن طريق تصدير الوهم لي ويقدر يتحكم في جسمه كمان

وهنا يسمعوا صوت يارا تقول بصوت خبيث

كلامك كله صح واحب اعرفك ان جسم يارا بقي ملكي

وتمسك يارا دماغها من الخلف وترفع شعرها لفوق وتفتح بايديها الجرح الموجود في دماغها علشان يخرج وش خبيث علي حقيقتة قبيح اسود وعيونة حمراء عبارة عن لحم احرقتة النار وتلف ايد يارا ناحية ظهرها وكان الظهر هو الوش ورجليها بنفس المنظر فتخاف كاميليا من المنظر وتبص له المبروكة وتقول

اختك ملهاش ذنب خبيث عايز تنتقم انتقم مني انا.

خبيث وهو بيقرب منها

ومين قال اني مش هانتقم منك زي

ويزق بايدة المبروكة زقة قوية جدا خليت المبروكة تطير لبعيد وتتخبط في احدي الحوائط وتنزل علي الارض وهي تتالم بشدة. ثم يبص لكاميليا ويقترب منها بخطوات بطيئة مخيفة وكاميليا ترجع للخلف وهو يقول

اختارتك انتي اخت ليها وسابتني انا اخوها من دمها. وكانت فرحانة وسعيدة وهما بيعلمو العملية ليها. كانت فاكرة انها تقدر تخلص مني تقدر تخلص من خبيث. اديني خلصت علي ولادها واكلت فصوص دماغها وبقي جسمها ملكي 

ويمسك كاميليا من رقبتها ويرميها لبعيد بمنتهي الغضب علشان تنزل كاميليا علي الركنة فيروح لها خبيث بسرعة ويبص في عيون كاميليا وهي علي الركنة فيسحبها من رجليها علي الارض ويمسك مكتبة خشب تقيلة ويرمي المكتبة علي كاميليا بالظبط عندها نصها اللي تحت فتصرخ كاميليا من الوجع فيبص لها في عيونها بغضب شديد. ويخرج من ايدة سن ذهب مدبب ويقول

ودعي دنيتك كاميليا

ويحط السن المدبب دة في قلب كاميليا علشان تتوجع كاميليا بشدة ويسيب خبيث كاميليا تموت بالبطئ ويروح ناحية المبروكة ويمسك دماغها بمنتهي القوة ويظل يخبط دماغها في الارض بقوة شديدة لدرجة ان دماغ المبروكة انفجرت وهنا يلاقي خبيث نفسه في سجن اسود وبرة السجن يقف رفعت ويارا ويقول رفعت

خلصت حفلة الانتقام

فيمسك خبيث اسياخ الحديد اللي بينه وبين رفعت ويقول

انت. وهي طيب ازاي انا المفروض متحكم في جسم يارا وانت انا اصبت فصوص الادراك عندك بالخلل

رفعت

انت ناسي ان يارا تقدر تتحكم فيك بمخها زي ما انت ما بتقدر تتحكم في جسمها

يارا

وعلشان كدة انا حبست في سجن من خيال لكنك مش هاتقدر تتحرر منه ابدأ

خبيث وهو يصرخ ويمسك الاسياخ الحديد ويحاول الخروج ويقول

انا كنت متحكم فيكي ازاي قدرتي تحبسيني

رفعت

انت تقدر تتحكم في المخ وتخلي جسمها ملك لكن قلبها ملكها وهي بتحب كاميليا وامها اللي عمرها ما شافتها وقدر قلبها يحرر العقل منك ويرجع لها جسمها وانت تفضل محبوس في خيالها ومالكش تاثير عليها

يارا

قلب الست اقوي بكتير من عقلها ربنا خلقنا كدة.  

ويمشي رفعت ويارا وهو يصرخ ويحاول الخروج من سجنة باي طريقة.

ونرجع للفيلا والجرح اللي في دماغ يارا بدا يتقفل نهائي وايدين يارا رجعوا لطبيعتهم ورجليها رجعوا زي الاول ويارا بتبص لرفعت وهو بيخرج كاميليا من تحت المكتبة وبيطمئن عليها ويقول لها

حس بحاجة

كاميليا

انا بخير طول ما انت بخير

ويسمعوا عياط يارا علي امها اللي ماتت بسبب الخبطة اللي خدتها دي ويارا بتقول

ملحقتش اشبع منك ولا من حضنك. لية كل اللي من دمي بتحرم منهم

فتاخدها كاميليا في حضنها وتقول

مش بالدم. بالحب

رفعت

ياما ناس من دمنا ونتمني نحبسهم في سجن من خيالنا وننسي اننا عرفناهم. وياما ناس مش دمنا والقلب هو مكانهم، ،،،،،،،،،،

وتعدي الايام والسنين وتعيش يارا حياة هادئة تماما. وتقابل واحد ابن حلال وتتجوز وتخلف منه بنت زي القمر وتضحك وتضحك والبنت في حضنها وتبص لكاميليا ورفعت ودموعها بتضحك

                                النهاية

                                ‏

يارب تكون القصة عجبتكم. ومستني راي كل اللي شرفني بقراءة القصة