عاصفة من الذكريات
★الحلقة التاسعة★
والاخيرة
كتابة واقتباس
محمد منصور. **منص**
وقبل ما ابدأ نوحد الله ونصلي علي خير خلق الله سيدنا محمد.
اللهم صل وسلم وبارك علي محمد صلاة تحل بيها العقد
المشهد الاول
★اوضة النوم★
كمال زق زاهر وقعه علي الارض وقال
مش هتخرج قبل ما نلعب عشرة طاوله. لو انت خسرت حلال عليك مراتي. ولو انا كسبت حلال عليك ابني
عائشة
انت اتجننت رسمي وانا مستحيل اقعد معاك تاني
ولسة هتخرج عائشة من الاوضة سمعت صوت طلقة رصاص بصت وصوت زاهر بيصرخ والدم بدأ يجري علي الارض لان كمال ضرب زاهر طلقة في رجلة جريت عائشة علية كمال وحاولت تاخد المسدس زقها كمال وقال
متخافيش عليه مش هقتله انا بس هعلمة الادب. لكن ممكن اقتله. لو ما قولتيش الحقيقية
عائشة صرخت في وهي لسة علي الارض وقالت
حقيقية اية
كمال
سيف ابني ولا ابن زاهر
عائشة
لا ابنك ولا ابن زاهر. ونزل المسدس دة وخليني اقول لك الحقيقية
كمال
اية هي الحقيقية انك كنتي علي علاقة بحد تالت. ولا بتقولي كدة علشان حبيب القلب يفلت بعملته.
كانت عائشة بصة له وساكتة وجه المسدس ناحيتها وقال
انطقي
زاهر. وهو بيتوجع
من غير ماتسال لازم تكون عارف ومتاكد ان عائشة اشرف من مراتك التانية اللي انت قتلت جوزها علشان اكتشف خيانتك معها
اتصدمت عائشة وبصت ل كمال اللي من شدة المفاجاة نزل سلاحة وقال بصعوبه
انت عرفت ازاي بالحكاية دي
زاهر
انا اللي عرفت نيفين سكتك ورسمت لها الطريق اللي تدخلك منه
كمال
انت،،،،،،،،،،
المشهد الثاني
★شقة مفروشة★
هنرجع بالاحداث ل كام سنة وراء وكانت نيفين قاعدة جنب زاهر وبتتكلم في الموبيل وهي متعصبة مع جوزها نسيم وبتقول
كفاية كذب وقرف بقي دة تاني مرة تقولي انك مسافر وانت في مصر وتكون مع زباله من بتوع الكباريهات بتصرف عليها فلوسي
خربت بيتي وشركتي ضاعت يا رمة
وقفلت الخط وكانت متعصبة جدا جدا زاهر ضحك وقال
انا مش عارف انت ازاي تسلمي حرامي زي دة مفاتيح شركتك. دة انا مشغلهوش عندي كاشير
نيفين
زاهر مش وقتك خالص انا فيا اللي مكفيني
انا في 6 شهور بس. خسرت فوق ال 50.مليون ج. والسبب الحيوان دة
زاهر
يا ضنايا يا بنتي دة انتي قربتي تيجي تقعدي جنب مني خرابة سيتي اللي انا عايش فيها
نيفين
يووووووو. شكلك كدة فايق ورايق وانا مش طايقة نفسي. انا ماشية
وقامت نيفين وقررت تمشي مسكها زاهر من ايدها وقال
طيب اقعدي واهدي وانا هحلهالك
بصت له نيفين وفضلت واقفة. سحب ايدها ل تحت وقال
بقول لك اقعدي
قعدت نيفين وبصت له وقالت
هتتكلم جد ولا ناوي تكمل استخفاف
زاهر
لا هتكلم جد.
نيفين
طيب اقول اللي عندك
زاهر
الحل الوحيد ل وضع شركتك المنيل دة. انها تندمج مع شركة اقوي تاخدها وترفعها ل فوق واسمك يرجع من تاني يهز السوق
نيفين
ومين بقي صاحب شركة بالموصفات دي يقبل يدمج شركتة مع شركة زي شركتي
زاهر
تسمعي في السوق عن كمال ابو ماضي
نيفين
طبعا ومين في المجال بتاعنا ما يسمعش عنه بس حوت ومستحيل يوافق علي انه يدمج شركتة مع شركتي دة راس مال شركتة اربع اضعاف راس مال شركتي
زاهر
انتي مش هتخشي براس المال وبس. انتي هتخشي بكل اللي حيلتك
وبص ل جسمها فهمت نيفين وبصت هي كمان ل جسمها وقالت
وهو بريالة علشان يقبل الشراكة بيني وبينه بسبب جسمي وبس.
زاهر
ما هو انتي غير مراته خالص والراجل بطبعه يحب اللي مش في ايدة اصل في قاعدة بتقول الممنوع مرغوب.
نيفين رفعت حاجبها وقالت
وانت بقي تعرف مراته منين
زاهر
كانت جو قديم. واحدة كدة تنفع تعيش في الستينات انما ما تمشيش مع جو اليومين دول.
نيفين
دة انت شكلك لسة متابعها بقي
زاهر
نهائي بس انا عارف من فترة انها متجوزة كمال. واللي زيها لما تحطت في مقارنة معاكي انتي تكسبي.
نيفين
عارف لو فلحت فكرتك دي انا هعمل معاك اية
زاهر
20 % من الارباح تكون ملكي يا قمر
نيفين
والله ما هرجع لك كلمة بس الحكاية تتم،،،،،
المشهد الثالث
★اوضة نوم ★
كمال كان قاعد علي الارض وهو مش مصدق اللي بيسمعه وزاهر لسة بيقول
وفعلا تمت بينك وبينها علاقة لكنها غدرت بيا. ف بلغت جوزها وعرفته انتو بتتقابلو فين وقتلتو واتجوزتها وانا رجعت تاني اقابلها واخد منها فلوس وحاجات تانية فوق الفلوس.
كمال صرخ في وقال
اخرص مش عايز اسمع منك ولا كلمة تاني
عائشة كانت منهارة من العياط واعصابها منهارة من اللي عماله تسمعو وقال زاهر وهو بيعيط
لكن انتقام ربنا جه وقته وابتلاني بمرض ملهوش علاج. بسببه هتكون نهايتي قعد اعيد حساباتي وقولت لازم قبل ما اموت اكفر عن اكتر ذنب انا عملته واحاول اخلي اكتر بني ادم اذيته يسامحني قبل ما قابل ربنا. حاجة تتحط في ميزان حسانتي ولقيت ان اكتر بني ادمة اذيتها هي عائشة وفي المرتين ما رحمتهاش مع انها اطيب وانظف خلق الله. عرفت لية انا جيت هنا ولية قبلت اني اعيش الباقي من حياتي اعمي. يارب تكون فهمت وما تكنش انت كمان اعمي البصر والبصيرة. عائشة مظلومة
كمال
ازاي مظلومة وهي قالت بنفسها ان سيف مش ابني
عائشة وقفت وقالت
لا ابنك ولا ابني. ومش محتاجة ابرئ نفسي قدام منك. طلقني يا كمال
كمال اتوجع من الكلمة وقال
عائشة انتي بتقولي اية
عائشة
طلقني لاني مش هقدر اعيش تاني مع قتال قتله وكمان خاين
وسابته عائشة وخرجت من الاوضة وكمال خرج وراء منها جري، ،،،،،،
المشهد الرابع
★قصر كمال★
وكانت عائشة فتحت باب القصر لكن كمال مسكها من ذراعها وقال
عائشة انا عايزا اتكلم معاكي
عائشة ودموعها بتجري علي خدها
اية تاني لسة ما عرفهوش
كمال
انا ضعفت قدام نيفين لكني اقسم بالله عمري ما حبيت غيرك
عائشة
وانا ما حبتكش.
واستعدت للخروج من القصر مسك ذراعها تاني صرخت عائشة وقالت
ابعد عني مش طايقة ايدك تلمس جسمي. هو اية بالعافية. سيبني امشي
كمال
تمشي تروحي فين وانتي مالكيش حد في مصر غيري
عائشة
هروح في ستين داهية.
هنا يسمعوا صوت سرينة البوليس وظابط وكام عسكري بيقربوا من كمال وقال الظابط
كمال ابو ماضي
كمال
ايوة يا فندم
الظابط
انت متهم في جريمة قتل نسيم رائد ودة باعتراف مراتك نيفين اللي تم القبض عليه بعد بلاغ من واحد اسمه زاهر
بص كمال ل عائشة وهو مصدوم ،،،،،.،،،،
المشهد الخامس
★شقة تمليك★
بعدها بيومين نور كانت واقفة جوة الشقة مع عائشة وبتقول لها
عجبتك الشقة
عائشة
حلوة يا نور ربنا ما يحرمني منك
حضنتها نور وبعدها قالت
برضو مش عايزا حد يعرف انتي فين.
عائشة
انا مابقاش ليا حد يسال عليه
نور
حتي سيف
عائشة
سيف مابقاش سيف اتغير والحادثة طلعت اوحش ما في وما بقاش فاضي لي. وكمال اتسجن
نور
طيب وزاهر
عائشة اتنهدت وقالت
عايش في اوضة الغفير.
واتنهدت عائشة وقال
ما افتكرش ان في حد هيسال عليه،،،،،،،
المشهد السادس
★قصر كمال★
وكان سيف في القصر وعامل حفلة كبيرة وعازم اصحابة وقت ما ظهر زاهر وعجازة قدام منه وبينادي باعلي صوت
سيف وقف المزيكا دي و رد عليه
وقف سيف المزيكا وقال
عايز اية. يا عم الفصيل
زاهر
هي للدرجة دي امك مالهاش لزمة عندك. شهر بحاله سايبة القصر وانت ما فكرتش تعرف هي فين
سيف
هي كويسة ما تقلقش عليه. وارجع بقي اوضك ومش كل شوية تفصلني
زاهر
لو كويسة وتعرف مكانها وديني ليها
سيف
بعدين بعدين سيبنا نكمل الحفلة بقي
زاهر بعصبية
مش بعدين وديني ليها خليني اعيش اللي فاضل من عمري تحت رجليها
سيف بعصبية اكتر
اسمع انت صوتك ميعلاش هنا في قصري واعرف حدودك انا مستحملك بس علشان اللي عملته معايا لكن كلام كتير انا مش عايز. ودلوقتي انت هتغور ترجع اوضك
والا قسما بالله انسي اللي عملته معايا واخلي الخدامين يرموك برة القصر
زاهر
انت اكيد ابن حرام طالما بتعمل كدة في الست اللي ربتك. كمل حفلتك ربنا ياخدك انت وكل اللي شبهك
وخرج زاهر وفضل ماشي في الشارع ينادي علي عائشة وهو زي المجنون وبيعيط زي الطفل التايهة اللي نفسه يلاقي امه، ،،،،،،،
المشهد السابع
★محكمة★
وبعدها بكام شهر. كمال في القفص ومعه نيفين والاثنين بيبصوا للقاضي اللي كان بيقول
حكمت المحكمة حضريا علي كلا من كمال ابو ماضي ونيفين عبد الله. بالاعدام شنقا ،،،،،،،،،
وعاش زاهر. تحت احدي كباري مصر لغاية ما مات وعاشت عائشة في الشقة اللي جابتها لها نور. اللي قومت محامي وخدت حق عائشة في ورثها من كمال. واتشنق كمال ونيفين. وسيف بعديها ب كام سنة اتنصب عليه وكل اللي حيلته اتخاد وبقي مش لاقي اللقمة. وخلصت القصة. اللي بتمني انها تكون عجبتكم. سلام
تم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتمتم
ردحذفجميله
ردحذف