الورم الخبيث
حلمي وهو بيبص للاوضة بنفس الرعب
وهو في غيرة. من ساعة ما دخلت المستشفي واحنا في الرعب دة
وهنا يفتح الباب ويخرج ممرض وهو مصاب باصابات بالغة في جميع انحاء جسمة والدم مغرق هدومة فيبص له الجميع ويقول مينا
اية اللي خلاك تدخل عندة ومفعول المخدر لسة ماشتغلش
الممرض بصعوبة
ما كنتش اعرف انه في حالة هياج
ويتالم الممرض ويسمعوا صوت صراخ المريض من داخل الاوضة فتبص دينا للاوضة وتقول
حضروا حقنة المخدر بسرعة
حلمي
والعملية لازم تتعمل. مافيش وقت
مينا وهو بيبص لحلمي وبيحاول يسعف الممرض
لازم نخلص من خبيث باي شكل
فيبصو التلت دكاترة لبعض ويبصو للاوضة باصرار شديد علي نهاية هذا الشر، ،،،،،،،،،،،،
ملحوظة
القصة دي انا قريت حاجة شبها من سنة تقريبا للدكتور احمد خالد توفيق. لكني فوجت انها اتعملت فيلم اجنبي عموما سواء هي قصة الفيلم او الفيلم عمل حاجة شبه قصة دكتور احمد خالد توفيق فانا حبيت القصة وحبيت اكتر انقلها ليكم بشوية كدة اكشن من عندي فيارب القصة تعجبكم زي ما عجبتني.
خبيث. قصة من جزئين النهاردة باذن الله جزء وبكرة باذن الله الجزء الاخير
كتابة واقتباس
محمد منصور. **منص**
وقبل ما ابدأ نوحد الله ونصلي علي خير خلق الله سيدنا محمد.
اللهم صل وسلم وبارك علي محمد صلاة تحل بيها العقد وتفك بيها الكرب
وبعد مرور 30 سنة. ومن داخل فيلا صغيرة في كمبوند سكني في اسكندرية يجلس رجل في الاربعين من عمرة يدعي اسلام. علي سريرة في اوضة نومه وقدام منه الشاشة وبيتفرج علي فيلم لرشدي اباظة. فتفتح باب الاوضة امراة في ال 35 من عمرها وكانت حامل في شهرها الثامن وتدعي يارا ممدوح وكان باين علي التعب بسبب حملها فبص لها اسلام بلامبالاة ورجع وبص تاني للشاشة وهي بتغير هدومها وبتقول
طبعا كلت
فيعلي اسلام صوت الشاشة ولايرد عليها فتبص له وتقول
واضح انك حتي مش حابب تسمع صوتي
فلايرد اسلام ويظل المشهد كما هو. فتنتهي يارا من لبس هدومها وتروح وتقعد قدام اسلام علي السرير وتبص له ثم تمسك الريموت وتطفي الشاشة فيغضب اسلام ويقول
هو انا مش بتفرج
يارا
وانا بتكلم ولما اتكلم تسمعني وترد علية
اسلام
واللي مش عايز يتكلم يعمل اية
يارا
هو دة بقي كل اللي بينا اني اخرج اشتغل واجيب لك فلوس وانت تفضل قاعد القاعدة دي وياما بتحشش ياما عايز مني اكون في حضنك. انا خلاص ما بقتش قادرة حس بيا بقي انا بقيت في شهري الثامن
اسلام بلامبالاة
واية الجديد. هاينزل ميت زي اللي قابلة واللي قابلة.
يارا
باذن الله المرة دي هايعيش وهابقي ام.
اسلام
انتي ما تنفعيش تكوني اي حاجة ليها لزمة
يارا بعصبية
راجل انت كدة. وبقيت كل اللي تعرف تعملة انك تقل مني وقدام الناس وحتي واحنا لوحدينا. اية ما بتزهقش من التهزيق فيا
اسلام بعصبية اكتر
انتي صوتك ميعلاش. وطول ما انتي مش عايزا تديني فلوس هافضل اقل منك
يارا
اديك فلوس علشان تشتري حشيش. صح. يا اخي حس بيا بقي دة لولا الفيلا دي اللي جيبتها من فلوسي كان زمنا عايشين في الشارع. دة انت خلصت فلوسك علي الزفت اللي اسمه الكيف. وبقيت انا اللي بصرف عليك
فيمسكها اسلام من شعرها ويقف بها ويضربها بالقلم
انتي بتعيرني يا بنت الكلب
فتبعد يارا ايدة عنها ويقول
اياك تضربني انا ماصدقت اني وصلت للشهر الثامن وابني لسة عايش في الرحم بتاعي
فيزقها اسلام بمنتهي العنف. فتتخبط يارا في الحائط وهو يقول
هايموت زية زي اللي قبلة انتي اصلا معيوبة
فتتالم يارا من الخبطة وتحط ايدها علي راسها علشان تلاقي الدم بينزل من دماغها فتصرخ من الوجع فيخاف عليها اسلام ويقول لها
حقك علية يا يارا متزعليش مني. ما كنش قصدي
يارا صارخا في
اخرج برة مش طايقة اشوفك. بكرهك
اسلام
هاجيب شاش من تحت وهاكتم لك الجرح
ويخرج اسلام من الاوضة مسرعا فتقف يارا بصعوبة وتروح ناحية الباب وتقفل الباب وراء منه بالمفتاح وتنزل علي الارض وهي تصرخ وتعيط، ،،،،،،،،،
ومن امريكا كان رفعت اسماعيل دكتور امراض الدم واللي تخطي السبعين من عمره يجلس علي طاولة كبيرة قدام عراف امريكي مشهور يدعي جوثام ديفيد. وقدام منه اوراق التاروت وبيبص جوثام لدكتور رفعت. بعيون باردة قاتلة ويقول
مش عايز تعرف يا دكتور رفعت اوراق التاروت بتتنبي لك باية
رفعت باستهزاء
هو انا جاي لغاية عندك الا علشان اعرف التاروت بيقول أية
فيضحك جوثام ويقول
وانت الصادق جاي علشان تكشف كذبي وقد اية انا مخادع بس انا بقي هاثبت لك ان التاروت مش كذبة.
ويقلب جوثام اوراق التاروت في ايدة وهو بيقول
جاهز تعرف مستقبلك في اية
رفعت بثبات انفعالي وعدم اقتناع بكل ما يقوله ويعمله
جاهز
فيضحك جوثام ويفرد اوراق التاروت قدام منه ويسحب ورقة ويبص فيها وهو يضحك
بنت لقيطة. واختها الوحيدة مش من دمها
ويسحب ورقة اخري ويبص للصورة ويقول
30 سنة. اتكلمت مع وهو اتكلم معها
ويستغرب رفعت وجوثام يقول
خبيث. وما ادراك ما خبيث.
فيبدأ الشك والقلق يتسرب الي قلب رفعت ورفعت يقول
خبيث
جوثام
صوتها مش صوتها وجسمها وعقلها ملكه. مش ملكها نفس الدم لكنه مش منها. 30 سنة محبوس جوة منها وخلاص اتحرر وهايقتل كل اللي كان ضده ومنعو من انه يعيش. وهاتيجي وتطلب مساعدتك اوعي، ،،،،،،
ويسكت جوثام فيبص له رفعت ويقول
سكت لية
ولكن جوثام يسحب اخر ورقة من اوراق التاروت وكان عليها صورة ملك الموت ويشاور جوثام علي الصورة ويقول
خبيث مابيرحمش. اوعي تموت. ولو ساعدتها هاتموت زي اللي هايموتو. ما تسمعش كلام كاميليا مراتك
فيبص رفعت للصورة وتبدأ دقائق الرعب في العد.،،،،،،
وليلا ومن داخل الفيلا يجلس اسلام علي كرسي مكتبة ويلف سيجارة حشيش وفجاة يفتح باب المكتب فيبص اسلام لباب المكتب باستغراب شديد ويقول
يارا. اخيرا فتحتي الباب ونازلة تقعدي معايا علشان
ولكن لا يجد رد ويقفل الباب مرة اخري فيبص اسلام للباب بترقب شديد ويقول مرة تانية
يارا. يارا
ولاياتي رد فيقوم من وراء مكتبة ويروح ناحية باب المكتب وفي نفس الوقت كانت يارا نائمة في سريرها وبتحلم بي اسلام وهو رايح ناحية باب المكتب وعمال ينادي عليها ويخرج اسلام من المكتب ويمشي في رسيبشن الفيلا بترقب شديد وهنا يرعش نور الفيلا بطريقة مخيفة ويسمع اسلام صوت صريخ فيحط ايدة علي ودانة ويسمع صوت خشن ومخيف
اهلا بيك في حضرة خبيث
وينطفي نور الفيلا تماما. ويبدا اسلام في تحسس خطواتة ناحية اي كوبس نور ويصل عند كوبس النور وبمجرد ما يحط ايدة علي كوبس النور فتخرج اسلاك الكهرباء بشكل مخيف وغريب وتلتف حوالين يد اسلام وتبدأ الكهرباء تخترق جسم اسلام بشكل مخيف لدرجة ان جلد اسلام احترق وسقط علي الارض جثة هامدة. وهنا تفتح يارا عيونها وهي تصرخ وتنادي
اسلام.
وتبص حوالين منها فتلاقي نفسيها في اوضتها وانها كانت بتحلم لكنها شمت ريحة شياط جاية من اسفل الفيلا وكان شئ يحترق فقامت من علي السرير وخرجت من الاوضة ومنها الي الطابق الاسفل وهي تنادي علي اسلام الي ان تري اسلام ساقط علي الارض جثة محترقة واسلاك الكهرباء حوالين ذراعة وقدام منها خيال اسود يتغذي علي عقلة فتصرخ من هول المنظر وتسقط علي الارض منهارة فاقدة للوعي ،،
ومن داخل احدي الاوض في فندق كبير في امريكا يجلس دكتور رفعت اسماعيل بعد ما ولع سيجارة وكان قدام منه صديقة المصري د. خالد. بيقول له
يا رفعت فهمني اية اللي حصل عند جوثام خلاك تطلع من جوة وانت في حالة انهيار عصبي تقريبا وكمان انت بطلت تدخين اية اللي حصل خلاك ترجع تدخن تاني.
رفعت
خبيث
خالد باستغراب
نعم. اية هو اللي خبيث
رفعت اللي كان بيفكر بصوت عالي
كاميليا
خالد
رفعت انت معايا
رفعت بنفس السرحان
خبيث
خالد بصوت عالي
رفعت
فيبص له رفعت مسرعا ويقول
في اية يا خالد دة انا قاعد جنبك مش لازم تصرخ في وداني
خالد
بحسبك كبرت وسمعك تقل
رفعت
انا اة كبرت بس لسة بسمع كويس.
ويقف رفعت ويروح ناحية الدولاب ويخرج شنطة سفرة فيقول له خالد
بتعمل اية
رفعت وهو بيحط هدومة في شنطتة
راجع مصر
خالد
ولعنة التاروت اللي احنا جائيين علشانها امريكا
رفعت
بعدين نبقي نحل لغز التاروت دة
خالد
رفعت جوثام دة نصاب وكذاب ولو قال لك حاجة تخليك تقلق لازم عقلك يرفضها
رفعت
انا فعلا عقلي رافض كل كلمة قالها. بس جاب سيرة كاميليا واخاف يكون الخطر بيلاحقها هي
وينتهي رفعت من لم هدومة ويبص لخالد ويقول
اسف حجزت تذكرة عودة من غيرك. بس دي كاميليا. وممكن فعلا تكون محتاجاني
ويخرج رفعت من الاوضة ،،،،،،،،،
ومن القاهرة وفي نفس الوقت ترقد يارا علي سرير في مستشفي خاص ومتعلق لها بعض التحاليل. وتجلس قدام منها كاميليا وتمسك ايدها وتقول لها
الف حمد لله علي سلامتك
يارا بصوت المرض
الله يسلمك. انتي عرفتي باللي حصل ل أسلام
كاميليا
عرفت من جارتكم هايدي اللي اتصلت بيا. واتصلت بالاسعاف والبوليس. المهم انتي حاسة انك كويسة
يارا
مش مهم انا المهم ابني
وتحط ايدها علي بطنها فتلاقي بطنها رجعت لطبيعتها والعيل مش موجود فتصرخ مصدومة فتاخذها كاميليا في حضنها وتقول لها
اهدي. انتي نزفتي كتير والجرح لسة مالمش
فتعيط يارا بحزن شديد وهي تمشي ايدها علي بطنها وكاميليا تقول لها
مات زي اللي قبله والسبب ان الدماغ اتكلت.
يارا
اشمعني ولادي اللي بيحصل فيهم كدة
كاميليا
الرحم بتاعك في شئ غريب. زي ما قال الدكتور طفلك بيوصل لسن ال 8 ش. ودماغه بتتاكل وكان في حيوان مفترس في رحمك
يارا
كاميليا انا خايفة و محتجالك قوي
وتستخبي يارا في حضن كاميليا من شدة الخوف وهي تقول
انا شوفت اللي قتل اسامة
كاميليا باهتمام
تقدري توصفي للبوليس
يارا
انا شوفت مجرد خيال لكائن غريب بياكل دماغ اسلام
كاميليا باشئمزاز
كائن غريب
يارا
وقال ل اسلام انت في حضرة خبيث
كاميليا
انتي شوفتي اسلام وهو بيتقتل
يارا
شوفت كل حاجة بس في الحلم
فتبص كاميليا ليارا باستغراب شديد، ،،،،،،
ومن داخل فيلا يارا يقف افراد البحث الجنائي وهما الظابط نبيل. والظابط صلاح. ودكتور البحث الجنائي كمال. وكمال يبص لجثة اسلام وبالتحديد لمكان الدماغ اللي متاكل ويقول
المجرم دة مستحيل يكون بني ادم
صلاح
اومال هايكون اللي قتله اية حيوان
نبيل
دكتور كمال. بشهادة الشهود وجيران القتيل ان ماحدش كان بيزور اسلام ويارا الا كاميليا اختها الصغيرة وامهم لميس. وجوز كاميليا رفعت اسماعيل وكانت ديما في مشاكل وخنقات بين القتيل ومراتة يارا. يعني الدافع للقتل موجود عند يارا
كمال
مستحيل يا فندم واحدة ست تقتل جوزها بالوحشية دي. وكمان تاكل فصين من دماغه وهو الفص الصدغي والفص الجداري
فيبص نبيل لصلاح كاشارة لانهم مش فاهمين حاجة فيفهم كمال معني بصتهم لبعض ويقول
عارف ان الكلام صعب بس بالبلدي كدة دماغ البني ادم متكون من اربع فصوص اساسين الجزء بقي اللي اتاكل او مش موجود في دماغ القتيل هو الفص الصدغي ودة مسئول عن تكوين الذاكرة البصرية واللفظية. تفسير الروائح والأصوات. و معالجة الأصوات السمعية والفص الجداري مسئول عن استشعار الألم والضغط واللمس
تنظيم وتجهيز الحواس الخمس الإدراك البصري والحركي
التعرف البصري الإدراك ومعالجة المعلومات
نبيل اللي شفتة التحتنية نزلت لتحت اكتر واكتر كاشارة لانه مش فاهم حاجة قال
كمال. انا كنت ادبي علشان بكرة كل اللي انت قولته دة. وعلشان كدة احنا نثبت ان مراتة هي اللي قتلتة اسهل من اللي انت بتحكي دة.
ثم يبص نبيل لصلاح ويقول
مش كدة ولا اية
صلاح
طبعا. دة انا دماغي صدعت ومافهمتش حاجة
نبيل
عايز تحريات باقصي سرعة عن مرات القتيل اللي اسمها يارا واي دليل يثبت انها هي اللي قتلت. الا صحيح هي فين يارا دي، ،،،،،،،،
وبعد مرور كام ساعة يصل رفعت الي المستشفي المحجوز فيها يارا بعد ما وصل القاهرة وعرف من كاميليا هي فين وراح ودخل الاوضة وبص ليارا اللي كانت حالتها صعبة وبصة ناحية شباك الاوضة وقال لها
بصراحة انا ما كنتش بحب اللي اسمه اسلام دة. لكن عمري ما تخيلت انه يموت مقتول
فتبص كاميليا لرفعت وتقول له بصوت واطي
دة كلام يتقال
وهنا كانت يارا تري خيال اسود نازل علي ازاز الشباك وبيكتب تلت اسامي. بالاسود وهما
دينا. مينا. حلمي. لقيطة. وخبيث منها وهي منه.
وينزل من الاسماء الثلاثة. نقط دم بشكل مخيف. وتظل يارا تبص للاسماء الثلاثة باستغراب شديد لا يقطع تركيزها الا صوت كاميليا وهي تقول
يارا. بنكلمك علي فكرة
فتبص يارا لكاميليا وتشاور ناحية الشباك وتقول
خبيث كتب علي الشباك اسامي دينا. مينا. حلمي. والدم نازل منهم ولقيطة وخبيث منها وهي منه
فيصدم رفعت ويقول
خبيث ولقيطة. زي ما قال جوثام
فيبص رفعت وكاميليا ناحية الشباك مسرعين ولكن الشباك كان معلهوش اي كلام فقال رفعت
الشباك معلهوش حاجة
يارا
ازاي الدم نازل منهم هما الثلاثة.
وتقوم يارا وتروح ناحية الشباك وكاميليا تقول لها
رايحة فين بس
ولكن يارا لا ترد وتحط ايديها علي الشباك والخيال الاسود يلف حوالين منها وهي بتبص من الشباك وتلاقي الدنيا ليلت والشمس راحت واختفت وبنت عندها خمس سنين وامراة بتفتح باب عربيتها وبتنزل البنت منها وهي بتقول لها
انتي ملعونة وخبيثة بعد كل اللي عملته علشانك عايزا تولعي في بنتي
البنت بتعيط
مش انا. دة ساري. انا بحبك ماما
المراة
انتي كذابة. وملعونة والجن عشقك ومش هانقدر نعمل لك حاجة. وانا ما قدرش اخليكي عندي تاني اخاف علي بنتي
وتنطلق العربية والبنت بتعيط وبتصرخ وبتجري وراء العربية بتحاول تلحقها لغاية ما تتعب البنت قدام باب بيت والدة كاميليا وتدعي زهرة. اللي كانت واقفة في الشباك بالصدفة وشافت اللي حصل ونزلت للبنت وخدتها في حضنها ودخلت بيها للبيت واتقفل الباب. وهنا يظهر الخيال الاسود قدام يارا ويقول بصوت خشن مخيف
انتي اللقيطة. انا اللي انتي رسمتي في خيالك وكنتي بتسمعي صوته وماحدش صدقك انا منك. ورغم اني منك انتي ساعديهم يخلصوا علية. لكني رجعت لكم
ويضحك خبيث بشدة فتصرخ يارا وتحط ايديها علي دماغها من الخلف مكان الخبطة فتلاقي الدم لسة بينزل من دماغها رغم انه كان وقف. فتبص للدم اللي في ايديها وهنا يرجع كل شئ كما كان وتلاقي يارا نفسها في حضن كاميليا وتقول لها
ساري. رجع يكلمني تاني
رفعت باستغراب
ساري مين
فتبص يارا لرفعت وتقول
ساري هو خبيث اللي قتل اسلام. وانا اللقيطة يا دكتور رفعت
فتصدم كاميليا ورفعت. ويقول رفعت
يعني اية ساري هو خبيث. مش فاهم
يارا وهي بتصرخ وبتتالم وبتحط ايدها علي دماغها من وراء. وتقول بصعوبة
مين قال ساري هو خبيث
فيبص رفعت لكاميليا باستغراب شديد وتقول كاميليا
انتي لسة قايلة دلوقتي كدة وقولتي انك اللقيطة
يارا
انا ما قولتش كدة. انتو عايزين تجننوني. صح
وتبدا يارا تنهار وتقول
اسلام مسلطكم علية. قال لكم خلصو عليها.
وتصرخ يارا وتهجم علي رفعت وتلف ايديها حوالين رقبتة وتقول
وبالذات انت. انت.
ويحاول رفعت التخلص من هجوم يارا علية.وهنا يرئ ان عيونها يصبحو زي الصفحة البيضاء ويكتب فيهم.
انا خبيث. وهذا الجسد ملكي.
فيصدم رفعت ويشوف في عيون يارا خيال جاي من وراء وبيستعد لقطع رقبتة بسكين حاد فيبص وراء منه مسرعه ميلقيش حد ومن شدة الخوف زق يارا بعيد عنه بكل قوتة وهنا دخلت كاميليا الي الاوضة وهي معها مجموعة من الممرضين والدكتور المعالج ليارا وبدأو يسيطروا علي الوضع ويقف رفعت وكاميليا تطمئن علية وهي تقول
انت كويس
ولكن رفعت لايرد عليها ويفضل باصص ليارا ،،،،،،،
وبعدها بفترة ومن قدام باب الاوضة المحجوزة فيها يارا يجلس رفعت وجنب منه كاميليا وبعد ما حكي لها اللي شافة قالت كاميليا
رفعت انت عايز تخوفني من يارا لية
رفعت
انا مش عايز اخوفك بس ان جيتي للحق حكاية يارا كلها ترعب. واللي اسمه جوثام حذرني من اني اساعد يارا اختك. وعلشان كدة انا اخاف عليكي تفضلي جنبيها
كاميليا
انت اكيد بتهزر.
رفعت بعصبية
انا ما بهزرش باين فعلا ان الموضوع خطير وشكله مش هايخلص علي خير
كاميليا
ومين بقي اللي قال لك انه مش هايخلص علي خير العراف
هو انت من امتي بتصدق كلام الدجالين
رفعت
انتي عارفة ومتاكدة اني مش بصدق كلام الدجالين. بس يعني مش صدفة ان اوراق التاروت تقول ان في خبيث واختك اكدت الكلام وفي لقيطة واختك قالت انا اللقيطة وقالت انها رجعت تكلمه تاني واسمه ساري. كل دة مجرد صدفة
كاميليا
يارا اختي و مش لقيطة ولو انت خايف تواجه خبيث دة انا هاوجهه وهاقدر علية باذن الله وانجي اختي من اللي هي في
رفعت
كاميليا. اللي انتي بتقولي دة في خطر عليكي . خبيث دة ممكن يكون جن ولابس اختك يارا
كاميليا باصرار شديد
يطلع زي ما يطلع انا مش. ،،،،،،،،،
وهنا يقف الظابط نبيل. و معه الظابط صلاح اللي بيحققو في قضية مقتل اسلام جوز يارا ويقول نبيل وهو يقف قدام رفعت
عرفنا من الممرضة انك انت زوج اخت مدام بارا
رفعت
ايوة انا دكتور رفعت اسماعيل
نبيل
وانا المقدم نبيل
ويشاور نبيل علي صلاح ويقول
ودة المقدم صلاح. احنا اللي بنحقق في قضية قتل اسلام زوج مدام يارا. وكنا عايزين نسال حضرتك بعض الاسئلة بخصوص التحقيق. اللي مع الاسف الادلة كلها ضد مدام يارا واصبحت هي المتهم الاول قدامنا
كاميليا
يارا اختي مستحيل تعمل كدة. قول لهم يا رفعت علي اللي انت شوفته في عينيها
فيستغربا الظابطين فيقول رفعت لهم
ما تاخدوش علي كلام مراتي كاميليا. دي برضو اختها وهي قلقانه عليها لكني اؤكد لكم ان يارا مستحيل تعمل كدة
صلاح
والخلافات اللي كانت ديما بينها وبين جوزها
رفعت
اهو حضرتك قولت ديما يبقي اشمعني المرة دي هاتقتله.
نبيل
الجيران شهدوا انهم سمعهوا وهي بتتخانق مع اسلام قبل ما يموت بكام ساعه. والفيلا اللي مافيهاش ولا بصمة غريبة.
رفعت
حضرة الظابط لو كل واحدة قتلت جوزها علشان خاطر اتخنقت معه كان زمان الرجالة انقرضت
فيبص نبيل لصلاح بصة اقتناع بكلام رفعت وقال صلاح
طيب ممكن نستجوب مدام يارا
رفعت
دلوقتي صعب علشان هي لسة واخدة حقنة مخدر ونايمة
صلاح
خلاص نبقي نرجع لها وقت تاني تكون حالتها احسن، ،،،،،
وتمر الايام ويستجوب صلاح ونبيل يارا ولا يصلو لاي جديد وتخرج يارا من المستشفي بعد ان تحسنت حالتها ويوصلها رفعت وكاميليا للفيلا بتاعتها ويدخلو الفيلا وكاميليا تقول لها
مش عارفة لية مش عايزا تيجي معانا وعايزا تقعدي لوحدك هنا. ما كنتي جيتي قعدي معانا كام يوم
يارا
معلش سيبني علي راحتي انا هاكون مرتاحة في بيتي اكتر من اي مكان تاني
كاميليا
طيب ما تنسيش تبقي تكلمي ماما. علشان هي سالت عليكي كتير وانا ما رضيتش اخضها عليكي زي ما انت طلبتي مني وحتي موت اسلام ما تعرفش بي
يارا
ماما تعبانة وكفاية الشلل اللي جالها هاتيجي ازاي بس واشيلها همي لية. انا هابقي كويسة وهاعيش
رفعت
يارا انتي متاكدة انك هاتكوني كويسة لوحدك
يارا
ما تقلقش علية.
رفعت
وساري اللي انتي بتكلمي
يارا
ساري اية بس. انا ما بكلمش حد صدقني انا كويسة
كاميليا
خلاص يا يارا هانسيبك. دلوقتي ترتاحي وانا هابقي اجي اطمئن عليكي
وتنصرف كاميليا ومعها رفعت وتطلع يارا الي اوضتها
وترمي جسمها علي السرير وتنام. وبعد منتصف الليل يرعش نور الاوضة بشكل غريب وتسمع يارا صوت امراة تقول
انت مين وعايز مني اية
فتصحي يارا من نومها وتخرج من الاوضة مسرعا وتشوف هذة المراة قدام باب اوضة نومها فتفزع يارا منها وتقول
انتي مين ودخلتي بيتي ازاي
ولكن المرة كانت لا ترد علية وتبص وراء منها وتقول بفزع
طيب انا عملت لك اية. عايز تقتلني لية
وتسمع نفس الصوت يقول.
اهلا بيكي في حضرة خبيث
ويهجم علي هذة المراة خيال اسود فتصرخ يارا وتحاول انها تلحق هذة المراة اللي هربت من الخيال الاسود ودخلت الي اوضة مكتبها وهنا تلاقي يارا نفسها في فيلا غير فيلتها والخيال يحاول فتح الباب باي شكل الي ان يكسر باب الاوضة ويدخل الي المكتب ويمسك هذا الخيال دماغ هذة المراة ويخبطها اكتر من مرة في رف المكتبة الموجودة في ظهر المكتب فتقع هذة المراة علي الارض وهي تنزف وتطلب منه الرحمة وهنا يقنع عين هذا الخيال علي جائرة في الطب من ذهب ولها سن مدبب وحاد فيمسك هذة الجائزة ويغرز السن المدبب في عين هذة المراة اكتر من مرة الي ان تفارق الحياة ويهجم علي راس هذة المراة وياكل دماغها بشكل مخيف ويارا تقف وراء منه وتحاول ان تصرخ فيبص لها هذا الخيال ولسة يارا هاتشوف ملامح وشة صحيت لقيت نفسيها علي سريرها في اوضة نومها فصرخت باعلي صوتها وصرخت وصرخت، ،،،،،،،
وتاني يوم الصبح كان نبيل وصلاح في فيلا المراة اللي قتلها ذلك الخيال واللي كانت تبعد عن فيلا يارا بحوالي كيلو. وبيبصو للجثة وبعد ما تم الكشف علي الجثة قال دكتور المعمل الجنائي. كمال
نفس الفصوص متاكلة من الدماغ يا فندم. زي بالظبط اللي حصل مع القتيل اللي اسمة اسلام
نبيل
يعني اية بقي.
كمال
يعني القاتل هو. هو
صلاح
ومين بس لي مصلحة يقتل دكتورة زي الدكتورة دينا بركات.
كمال
هو اللي باين قدامي ان في ظفر حريمي مكسور جنب الجثة
صلاح
يعني اللي قتلتها واحدة ست
كمال
ممكن لية لا.
نبيل لصلاح
صلاح البواب كان بيقول انه شاف حد خارج جري من الفيلا.
صلاح
فعلا.
نبيل
خلي يوصفة. وخلي الرسام بتاعنا يطلع لنا صورة تقريبا لي
صلاح
تمام، ،،،،،،،،،،
وبعدها بساعة ومن داخل فيلا يارا كانت يارا منهارة وقدام منها كاميليا ورفعت وتقول يارا
قتل ست المرة دي.
رفعت
مين هي
يارا
ماعرفهاش ولا عمري شوفتها
رفعت
اومال لية حلمتي بيها وهي بتتقتل
يارا بانهيار شديد
ماعرفش ماعرفش.
وهنا يرن موبيل يارا فتروح ايد يارا بسرعه وعلي عكس ارادتها وبمجرد ما تفتح الخط تسمع صوت خبيث يقول
لسة مش عارفة انا مين
يارا
انت. انت. انت.
فيضحك خبيث ويقول
انا اللي انتي رسمتي في خيالك وكنتي ديما بتكلمي. لكنك سيبتيهم يموتني وانا من دمك. لكني رجعت
ويضحك خبيث ويضحك ويضحك ضحكات مخيفة وترمي يارا الموبيل فيقول رفعت
كنت بتكلمي مين
فتبص يارا لرفعت وتقول
ما كنتش بكلم حد.
كاميليا
ازاي بس. دة انا سمعاكي بوداني
وهنا يسمعوا صوت خبط علي باب الفيلا فيروح رفعت مسرعا ويفتح الباب علشان يلاقي قدام منه نبيل وصلاح ويقول نبيل
اسف يا دكتور رفعت. بس مدام يارا مطلوب القبض علية
رفعت
لية
نبيل
قتلت الدكتورة دينا بركات،،
ومن داخل مديرية امن القاهرة تجلس يارا قدام مكتب الظابط نبيل وصلاح ويارا كانت في حضن كاميليا ومنهارة تماما من العياط ورفعت واقف قدام منها وبيقول لها
انا هاتجنن انتي بتقولي انك ما خرجتيش من البيت ليلتها والبواب وصفك بالظبط. وانتي خارجه بتجري من فيلا الدكتورة اللي اسمها دينا يبقي نصدق مين فيكم
كاميليا
نصدق يارا يا رفعت. وبعدين يارا تعرف منين الدكتورة دينا دي
رفعت
ماهي قالت اسمها من طمئن تلت اسامي كتبهم خبيث ليها
فتفتكر كاميليا. كلام يارا وتقول ليارا
رفعت بيتكلم صح انتي ساعتها قولتي دينا. مينا. حلمي. مين دول يا يارا
يارا وهي بتعيط وبتبص لكاميليا
ماعرفش حد بالاسم دة
رفعت بشي من العصبية
في حد بيقول اسامي ناس ما بيعرفهاش طيب ازاي يعني
يارا بانهيار شديد
ماعرفهمش والله. وصدقني بقي. حرام عليك انا تعبانه
وهنا تحس بوجع شديد وتحط ايدها علي دماغها من وراء فتلاقي دماغها بتجيب دم فتستغرب وتبص لايدها وتقول
انا فيه حاجة غريبة
كاميليا
حاسة باية طمنيني
يارا
دماغي مكان الخبطة اللي خبطهالي اسلام. كل ما الدم يقف ترجع تجيب دم تاني
رفعت
وريني كدة
ولسة هايحط رفعت ايدة علي دماغ يارا يسمع صوت الظابط نبيل جاي من وراء بيقول
دكتور رفعت. ممكن تجيب يارا والمدام وتدخل
فيبص له رفعت. ويبعد ايدة عن دماغ يارا،،،،،،،،،
ومن داخل مكتب الظابط نبيل يقف البواب ويبص ليارا بتركيز شديد ويقول
لا. يا بية مش دي اللي كانت في فيلا دكتورة دينا
نبيل
انت متاكد
البواب
ايوة يا بية التانية صحيح شبهها في الجسم بس لكن وشها كان اصغر من وش المدام وكانت بتجري بطهرها
رفعت باستغراب شديد ونبيل بيقول للبواب
يعني اية بتجري بطهرها. انت بتشرب اي مكيفات
البواب
والله ابدا يا بية هي الشيشة وبس. بس انا فاكر ليليتها كانت الست اللي خرجت من فيلا الدكتورة لابسة بلطو طويل وجونتي في ايديها وماسكة حاجة معدن في ايديها وبتلمع و بصالي وبتجري
فيفضل نبيل يسال البواب بعض الاسئلة الروتينية ورفعت كان بيفتكر الكلام اللي شافة في عيون يارا وهو ان الجسد دة ملكي. وفضلت الجملة تتكرر قدام منه الجسد دة ملكي الجسد دة ملكي. لغاية ما قال لنفسه
معقولة يكون جن. بس لو جن لية بياكل فصوص معينة في المخ. ولية اصلا يقتل بايدة. وازاي البواب يشوفه واشمعني جسم يارا
وماخرجش رفعت من دايرة الاسئلة دي كلها الا صوت نبيل اللي كان بيقول للبواب
خلاص روح ومتسافرش ولا تروح في اي مكان الا لما تبلغني علشان ممكن احتاجك تاني
ويخرج البواب من المكتب ونبيل يبص لصلاح ويقول
هو دة الشاهد اللي هايحل لغز القضية. جايب لي شاهد مصتبح وقال اية بتجري بطرها
صلاح لدكتور رفعت
احنا اسفين كمان مرة يا دكتور رفعت تقدر تاخد مدام يارا وتروحو. شهادة البواب. اعفتها من اي مسالة قانونية،،،،،،،
ومن داخل فيلا يارا يجلس رفعت في الريسبشن تحت وكانت كاميليا مع يارا في اوضه يارا ورفعت ماسك ورقة وقلم وبيكتب كل اللي دار وكل المعطيات اللي قدام منه. ويسمع صوت مكتوم وحد زي ما يكون بيطلب النجدة فيقوم من علي الكرسي ويبص في كل انحاء الفيلا بتركيز شديد وجعل حاسة السمع تشتغل اضعاف مضعفة بالنسبة لسنة الكبير واقترب من احدي حوائط الفيلا وحط ودانه علي الحيطة وهنا يسمع انين واستغاثة مكتومة فيبص للحائط باستغراب شديد ولسة هايحط ايدة علي الحائط لقي ايد بتتحط علي كتفة فبص بفزع لقي كاميليا قدام منه بتقول له
في اية.
رفعت
حط ودنك علي الحيطة كدة
كاميليا باستغراب
لية
رفعت
حطي بس ودانك.
فتحط كاميليا ودانها علي الحيطة وما تسمعش حاجة لان فعلا الصوت اختفي فتقول
مافيش حاجة
رفعت
كان في صوت حد زي ما يكون متكتف وبيحاول يطلب المساعدة
فتضحك كاميليا باستهزاء وتقول
هنا جوة الحيط
رفعت بعصبية
اة جوة الحيطة. هو انتي فكراني كبرت وخرفت
كاميليا اللي حست انها غلطت
انا اسفة ماقصدش والله. بس دي حيطة يا رفعت. ازاي حد جوة منها
رفعت
هو دة بس اللي انتي مستغربة في فيلا اختك المرعبة دي
كاميليا وهي بتاخد رفعت في حضنها
رفعت يا حبيبي انا عارفة اني دخلتك في موضوع اختي الغريب. وشكلك كدة اعصابت تعبت. بس دي اختي الوحيدة ومستحيل اتخلي عنها في محنتها
رفعت
وانا ما طلبتش منك تتخلي عنها وعارف ومتاكد انك لازم تفضلي جنب منها وانا مش هاسيبك توجهي المجهول لوحدك. انا قطعت رحلتي في امريكا ورجعت او من جوثام ذكر اسمك في اوراق التاروت. بس اللي بيحصل دة لازم يكون لي تفسير يقبلة عقلي.
كاميليا
رفعت يا حبيبي انت كل مغامراتك اللي فاتت ما تدخل عقل
فيضحك رفعت ويقول
طيب اعمل اية. انكتب علية اكون ديما في مغامرات ما وراء الطبيعة
وهنا يسمعوا صرخة يارا تاتي من اوضتها فيجروا الاثنين باقصي سرعة ناحية الاوضة ويفتحوا الاوضة ويدخلا علشان يلاقو يارا علي سريرها بتنهج وتقول وهي مفزوعه
مينا رمسيس اتقتل بنفس الطريقة اللي ماتت بيها دكتورة دينا
فيبص رفعت لكاميليا وهو هايتجنن فتقول كاميليا
انا سيباكي نايمة اي حلمت تاني
يارا
اة. وشوفت في الحلم صورة لمينا وهو ببلطو ابيض واسمة في شهادة تكريم متعلقة في مكتبة
رفعت
وماشوفتيش اي حاجة تاني
يارا
من شباك مكتبة لقيت يافطة كبيرة لمطعم اكلة هنية
رفعت
اكلة هنية. ملهوش الا فرع واحد بس في اسكندرية.
كاميليا
يبقي حالا نروح للعنوان دة ونشوف
رفعت
نشوف اية بس هانروح نسال في حد اتقتل هنا ولا لا
يارا
عارفة انك شايفني مجنونة. وبتقول لنفسك امتي تخلص مني علشان تعيش حياتك انت وكاميليا بهدوء
رفعت
ازاي بس يا يارا تقولي كدة انتي زي اختي الصغيرة. بس اللي بيحصل لك دة غريب جدا وشي ملهوش تفسير علمي
يارا
عارفة. بس لازم تصدقني انا مش مجنونة وانا حلمت بالاتنين اللي اتقتلو قبل كدة ودة التالت لازم تصدقني.
كاميليا
رفعت انا مصدقة يارا وانت كمان لازم تصدقها
رفعت
اصدق ازاي ان في واحد اتقتل دلوقتي وفي عز الظهر
كاميليا
ماهي حلمت باسلام وهو بيتقل وبالدكتورة دينا وفعلا كلامها طلع صح
رفعت
طيب ها نفترض انها صح لية الناس دي بتموت ولية هي بتشوفهم وهما بيموتو
كاميليا
نروح الاول لعنوان الدكتور مينا دي وهناك ممكن نلاقي حل للغز اللي احنا عايشنة دة
فيبص لها رفعت ويسكت، ،،،،،،،
ومن قدام مطعم اكلة هنية يقف رفعت ومعه كاميليا ويارا ويبصو للمطعم. ثم يبص لتلت عمارات في وش اليافطة بالظبط ويقول رفعت
قدام اليفطة تلت عمارات تقدري تحددي اني عمارة بالظبط
يارا وهي بتبص للتلت عمارات وتتذكر الحلم بكل ما تقدر من قوة ولكن الذاكرة بتاعتها كانت مشوشة بشكل غريب والصورة عمال تروح وتيجي وتصدع يارا وتتالم وتقول
مش قادرة افتكر مش قادرة
رفعت
طيب خلاص انا هاتصرف
ويروح ناحية اول عمارة ويسال فرد الامن اللي فيها عن شقة دكتور مينا ولكنة يقول
ماحدش في العمارة دي دكتور واسمة مينا
رفعت
طيب شكرا
ويروح لتاني عمارة وتالت عمارة والكل كانت اجابتة واحدة ماحدش هنا بالاسم دة فيرجع لكاميليا ويارا ويقول لهم
ماحدش في التلت عمارات دول اسمة مينا
يارا
انا متاكدة اني شوفت اليافطة بتاعت المطعم من شباك المكتب والخيال بيقتل مينا
فيبص رفعت لتلت عمارات مرة تانية ويركز انظارة علي الدور الثالث والرابع من كل عمارة ويقول
لو انتي صح. مينا هايطلع ساكن في الدور التالت او الرابع لان هما دول الدورين بس اللي تقدري تشوفي منهم اليافطة بتاعت المطعم
كاميليا
خلاص يا رفعت ندور في الدورين دول بتاعت التلت عمارات
ويخشوا اول عمارة. وتاني عمارة وفي تالت عمارة وهما في الدور التالت يلاقو باب شقة مفتوح ونقط دم علي اول الباب فتفزع كاميليا ويارا تبص للباب بثبات غريب وتقول
اول ما هاتخش من باب الشقة هتلاقي النيش المذهب علي يمينك
فيبص رفعت ليارا ويقول
انتي جيتي هنا قبل كدة
يارا وهي بتدخل الشقة
اول مرة. بس دة اللي شوفته في الحلم
ويدخلو الشقة وراء منها وفعلا النيش المذهب موجود فتقول يارا
هايقبلك علي الشمال انترية مذهب قديم
فيبصو علي الشمال يلاقو الانترية فعلا. فتشاور بايديها وهي بتترعش وتقول بصوت مهزوز
دي اوضة المكتب اللي اتقتل فيها مينا
فيروح رفعت ناحية باب الاوضة ويفتحها ويلاقي. فعلا دكتور مينا ميت مقتول بنفس الطريقة الوحشية ومتاكل منه نفس الفصوص فتنصدم كاميليا من المنظر ويارا تفزع ودكتور رفعت يروح ناحية الجثة ويغطيها بالاوراق اللي كانت علي مكتبة ويبص في المكتب بكل تركيز يمكن يوصل لخيط يوصله لحل اللغز. وهنا تري كاميليا صورة لدكتورة دينا ودكتور مينا ودكتور حلمي وهما في سن الشباب وقدام منهم صورة لطفلة عندها خمس سنين فتشوف كاميليا الصورة وتبص ليارا وتقول لها
دي صورتك يا يارا وانتي صغيرة
فتبص يارا للصورة وتقول بصوت خبيث
دي صورتي انا قبل ما اموت
فبص رفعت بسرعة ناحية يارا علشان يشوف يارا وهي بتخبط دماغها من قدام في عمود ديكور كان موجود في المكتب فتروح لها كاميليا وتحاول السيطرة عليها ولكن يارا تبعدها بايديها بمنتهي القوة وهي تقول بصوت خبيث
لازم تموت علشان انا اعيش. واللي بيني وبينها ماحدش يحاول يمنعه
وتصرخ يارا صرخة مخيفة لدرجة ان رفعت بص لها وبدا يقرأ عليها كل أيات اللي حفظها لحرق الجن ولكن يارا لا تتوقف وتظل تخبط راسها في العمود بنفس الشكل المخيف لكن الغريب ان رسها من قدام ما بتجبش دم لا. الدم بينزل من موخرة راسها لدرجة ان لون شعرها اتحول من الاسود للاحمر. فراح لها رفعت وحط ايدة علي دماغها من وراء وكتم الدم بايدة ويارا فضلت تصرخ وتصرخ لغاية ما رجعت لطببعتها فبص رفعت لكاميليا بسرعة وقال
هاتي حاجة اربط بيها دماغها بسرعه
فخرجت كاميليا من الاوضة تدور علي اي حاجة تنفع يتربط بيها دماغ يارا. وفي نفس الوقت يارا بتحاول تبص لرفعت وتقول
رفعت انت ما سكني لية كدة
رفعت
مش وقت اي اسئلة
ورجعت كاميليا وهي معها شاش ولف رفعت الشاش حوالين راس يارا بمنتهي السرعة واتوقف نزيف الدم وكاميليا بصت ليارا وقالت
انتي ازاي خبطي نفسك كل الخبط دة في العمود ودماغك ما جبتش دم
يارا باستغراب
انا خبط نفسي. محصلش
رفعت وهو بيبص لدماغ يارا قال
مش هاتفتكر هي عملت اية.
كاميليا
لية.
فيبص رفعت لكاميليا
علشان مش هي اللي عملت كدة
فاستغربت كاميليا ويارا بتبص لهم مش فاهمه اية اللي حصل، ،،،،،،،،،،
ومن قدام العمارة اللي ساكن فيها رفعت يقف رفعت بعربيتة ويبص لكاميليا اللي كانت قاعدة في الكنبة اللي وراء جنب يارا
خديها واطلعو انتو
يارا
بس انا عايزا ارجع الفيلا
رفعت
لمصلحتك انسي الفيلا دي خالص لغاية ما اوصل لأجاية للي انا شوفته
يارا وهي تمسك الشاش اللي علي دماغها
وهافضل رابطة دي كدة
رفعت
اة. لاني لو اللي بفكر في طلع صح. احنا هانبقي قصاد مصيبة سوداء
كاميليا بقلق
رفعت في اية
رفعت
مش وقت اي كلام اتاكد الاول وبعد كدة احكي لكم. يالا خدي اختك وانزلي بقي.
وتنزل كاميليا ويارا من العربية،،،،،،،،
ومن داخل شقة ماما كاميليا وتدعي زهرة يجلس رفعت قدام منها وبيشرب فنجان قهوة وبيبص لها وساكت فتبص له زهرة وهي قاعدة علي الكرسي بعجل بتاعها وتقول
مش ناوي بقي تقولي جاي لية
رفعت
جاي اطمئن عليكي
زهرة
بلاش تكدب انت خلاص كبرت علي كدة
رفعت ضاحكا
فعلا انا بكذب
زهرة
طيب قول بقي متخانق مع كاميليا لية
رفعت
لا. خالص
زهرة
يا رفعت انت ما بتجيش عمرك لوحدك الا وانت متخانق معها وبتيجي تشهدني عليه. وانا ديما باجي في صفك
رفعت
بس المرة دي. انا جاي علشان يارا
زهرة ياستغراب
مالها يارا
رفعت
بدون مقدمات. يارا مش بنتك صح
انصدمت زهرة والصدمة كانت كفيلة بانها تجيب لها شلل تاني وقالت
انت عرفت ازاي
رفعت
يارا قالت انا لقيطة
زهرة بحزن
ويارا عرفت منين انها لقيطة. دة في ست نازلتها من عربية ورمتها قدام بيتي وهي بنت خمس سنين. يعني من 30.سنة. تقريبا.
رفعت
يعني صح هي لقيطة
زهرة
مين اللي قال ليارا . كاميليا. دة انا محلفها وهي طول عمرها بتعامل يارا علي انها اختها الصغيرة وعمرها ما حسستها انها مش اختها
رفعت
كاميليا ما قالتش حاجة يارا عرفت من حد تاني
زهرة
مين دة
رفعت
لسة ماعرفش بس بدات اجمع خيوط حل اللغز.
زهرة
لغز اية
رفعت
بعدين هاحكي لك. المهم انتي ما حاولتيش تعرفي مين الست اللي نزلتها من العربية ونزلتها لية
زهرة
عرفتها طبعا ما انا خد نمرة العربية وجوزي الله يرحمة جاب لي عنونها من المرور وروحت لها وقعد معها وقالت لي ،،،،،،
ونرجع بالاحداث لسنين كتير فاتت وزهرة قاعدة مع هذة المراة وتدعي فريدة وفريدة تقول
البت دي عشقها جن
زهرة باستغراب
جن اية بس اللي هايعشق عيلة صغيرة
فريدة
انا عارفة بقي بس هي مش طبيعية. من ساعة ما خدها من امها وهي بتعمل حاجات غريبة
زهرة
هي مش بنتك
فريدة
لا. دي بنت المبروكة
زهرة
المبروكة
فريدة
ايوة اصل كنت في البلد من كام سنة انا وجوزي وماكنتش بخلف وكان نفسي في بنت اوي عرفت من داية قريبتي ان في بنت عندها 16 سنه ماحدش يعرف اصلها وفصلها بت عبيطة وهبلة اهل البلد سموها المبروكة لكن رغم انها عبيطة كانت حلوة اوي ورغم ان ماحدش لمسها. علي كلام المبروكة. لكنها حملت وراحت لقريبتي دي علشان تسقطها لكن كان الحمل ثبت وفضلت قريبتي تخدمها وترعيها لوجه الله. لغاية ما خلفت وجابت بت الداية قالت لي تاخديها قولت لها اخدها وسمينها حنان وكتبتها باسمي انا وجوزي وربينها وكبرت وسطينا لغاية ما بقي عندها سنتين لقيناها بتتكلم زينا بالظبط.
زهرة باستغراب شديد
سنتين وبتتكلم زيكم
فريدة
ايوة. مش مصدقاني استني اوريكي شريط عيد ميلادها الثاني.
وتقوم فريدة ناحية مكتبة للفيديو وتبحث وسط شرايط الفيديو الموجودة في المكتبة وهي تقول
اصل انا كنت متوعدة ديما اصورها فيديو في عيد ميلادها
ووصلت فريدة للشريط وحطيتة وظهرت يارا وهي بنت سنتين ووسط العائلة وبتقول معاهم اغنية عيد ميلادها زي ما هما بيقولو بالظبط والكل كان مستغرب لكنهم فرحانين انها بتتكلم.
وشالت فريدة الشريط دة وحطيت شريط تاني وهي بتقول
لكني حملت ببركة ربنا وقولت مش هاسيب حنان ابدا وش الخير علية ودة كان في عيد ميلادها الثالث لكن اللي حصل واحنا بنطفي الشمع خلينا نشك في حنان وفي انها مش طبيعية
زهرة
حصل اية
فريدة
الشريط هايشتغل وتشوفي بنفسك
واشتغل الشريط وكانت يارا قاعدة لوحديها رغم انه عيد ميلادها وبتتكلم مع حد مش موجود وبتقول
ساري مش هاعمل اللي انت بتقول علية.
وسكتت شوية وقالت
مش هاقتل ومش هاديك اللي انت عايزة. هي فرحانة بي ونفسها تشوفه لي عايز تحرمه منها
فريدة ليارا اللي كان اسمها حنان ساعتها
حنان انتي بتكلمي منين يا حبيبة ماما
فبصت لها يارا وقالت
مش بكلم حد ماما
فريدة
لية بتكدبي مش قولنا اللي بيكذب بيروح فين
يارا
مش بكدب انا بكلم ساري. بس انتي مش مصدقاني انه موجود وبيكلمني ديما
فريدة
مافيش حد معاكي. يالا قومي نطفي الشمع. وبطلي تقعدي لوحدك
وبصت فريدة لزهرة وقالت
وجيبنا شيخ واتنين وتلاتة. وميلقوش عليها حاجة لغاية ما
خلفت وبدات هي تلاعب بنتي شيماء وحبتها اوي وبطلت تكلم نفسيها وبقي عندها خمس سنين وفي ليلة دخلت عليها اوضة شيماء لقيتها بتحط عليها بنزين وعايزا تولع فيها. قولت لا بقي لغاية هنا وما ينفعش تعيش في البيت دة تاني
زهرة
غريبة البنت دي بقالها عندي في البيت اسبوع تقريبا وطيبة جدا وحنية الدنيا كلها فيها
فريدة
نصيحة ارميها في الشارع قبل ما تخلص علي اللي بتحبيهم. البنت دي ملعونه بلعنه مش مفهومه
زهرة
بس انا حبيتها وهاربيها لاني حرام ارميها في الشارع، ،،،،،،،،
ونرجع تاني لزهرة وهي مع رفعت وبتقول
وطول ما هي عايشة معايا ما شوفتش منها اي حاجة غريبة غير انها اشتكت من دماغها في عيد ميلادها السادس
رفعت
دماغها من وراء
زهرة باستغراب شديد
انت عرفت ازاي
رفعت بتركيز
مش مهم. وعملتي معها اية لما اشتكت من دماغها
زهرة
عرضتها علي الدكتورة دينا بركات اخصائية مخ واعصاب
فيبرق رفعت ويقول باهتمام
وقالت عندها اية
زهرة
كلام كتير من بتاعكم واللي فهمته انه مرض نادر و ورم خبيث. ومضيت علي تعهد بانها لازم يتعمل لها عملية بتتعمل لاول مرة وممكن يارا تموت فيها بس لو طلعت من العملية سليمة هاتعيش بقيت حياتها طبيعية جدا فطبعا وافقت علي العملية ما انا عايزا الراحة لبنتي
رفعت
وعملت يارا العملية.
زهرة
عملتها وبقيت طبيعية جدا. انما انت عمال تسال هو في اية
رفعت
في ان الورم الخبيث لسة عايش جوة دماغ يارا.
وهنا يرن موبيل فيخرج الموبيل بتاعه ويلاقي رقم كاميليا فيرد مسرعا
ايوة يا كاميليا
كاميليا وهي تستغيز
يارا يا رفعت يارا
رفعت بقلق
مالها
ولكن كاميليا تسكت ورفعت يقول
الو الو الو.،،،،،،،،،،،،،
وصلنا لنهاية الجزء الاول. اللي يارب يكون عجبكم واشوفكم بكرة باذن الله والجزء الاخير
جميله
ردحذف