الهام واللي كان الحلقة الاخيرة

 عاصفة من الذكريات

                  ★الحلقة الثامنة★ 

كتابة واقتباس 

محمد منصور. **منص**

وقبل ما ابدأ نوحد الله ونصلي علي خير خلق الله سيدنا محمد.

اللهم صل وسلم وبارك علي محمد صلاة تحل بيها العقد وتفك بيها الكرب 

المشهد الاول

                    ★شقة نور★

نور اتعصبت وقال 

يشك فيكي انتي دة اتجنن رسمي. وبعدين هو لو مش مصدق ان سيف ابنه ما يعمل d. n. a

عائشة

دة لو عمل كدة هتبقي فضيحة ليا

نور اتصدمت وقالت

بتقولي اية يا عائشة هو سيف مش ابنه

عائشة بصت في الارض وقالت بصوت مخنوق

لا مش ابنه

نور باستغراب شديد

انتي بتقولي اية. معقولة انت،،،،،،

عائشة قطعتها وقالت

اوعي تفهمي غلط الحكاية مش زي ما انتي فاكرة دة انتي صحبتي من زمان واكتر واحدة عارفة انا علي اية

نور

اومال ازاي سيف مش ابنه. وطالما هو مش ابنه ازاي توافقي انه يتكتب علي اسمه

عائشة

انا ما كنتش اعرف انه مش ابني ولا ابن كمال انا عرفت من خمس سنين بس

نور

عائشة انا مش مستحملة فوازير فهميني وانجزي

عائشة

هقول لك اللي حصل،،،،،،،

المشهد الثاني

                  ★مستشفي★

هنرجع بالزمن 5. س. وكان محجوز في اوضة من اوض المستشفي صديق كمال دكتور مدحت اللي كان بيعالجة علشان يخلف. ودخلت علية الاوضة عائشة وقالت

الف سلامة عليك يا دكتور مدحت 

مدحت بص لها وقال بصعوبه

الله يسلمك. كويس انك جيتي قبل ما اموت

عائشة

بعد الشر عليك ما تقولش كدة انت هتكون بخير. ودي ازمة وهتعدي

مدحت

انا دكتور وعارف اني مش هقوم منها. وعلشان كدة طلبت اشوفك علشان اخلص ضميري قصاد ربنا. والكلام اللي هقوله دة مش هقدر اقوله ل كمال لاني عارف قد اية رد فعله هيبقي قاسي اوي. لكن انتي قلبك مليان حب وهتقدري تتمالكي نفسك وقت الغضب 

عائشة قلقت اوي وقالت

خير يا دكتور مدحت انا قلقت 

مدحت 

من 15. س. انتي جيتي ولدي عندي في المستشفي. وجبتي ولد. لكن ابنك دة نزل ضعيف جدا ومات. وانتي لسة تحت تاثير البنج وماكنتيش فوقتي

عائشة اتصدمت وقالت

انت بتقول اية. اومال سيف دة مين. 

مدحت

ماما كمال خافت علي ابنها من اللي هيحصل لو عرف ان العيل اللي فضل مستني نزل وبعدها بكام ساعة مات. فطلبت مني. اني اشوف طفل تاني واقول ان دة ابنكم

عائشة قلبها صرخ صرخة تملئ قلوب كل المصدومين وحست ان رجليها مش قادرة تشيلها وقعدت علي اقرب كرسي ومدحت قال بصعوبه

رفض في الاول لكنها اتوسلت ليا وكانت هتبوس ايدي ورجلي ما كنتش عايزا تموت فرحة ابنها وخصوصا ان الحمل تم بصعوبه

يعني تعويض الطفل اللي مات بطفل تاني شبة مستحيل. وتحت الضغط والشيك اللي ادفع لي. وفقت وهي راحت ملجاة وقدرت تجيب طفل وانا وقتها طلبت من كمال يروح يطلع شهادة الميلاد عقبال ما مامتة تيجي بالطفل التاني وفعلا جت وتم كل شئ ودفنا ابنكم في السر وسيف انكتب يعيش وسطيكم

عائشة صرخت من شدة القهر وقالت

انتو ازاي كدة. 

ومسكت في وهي زي المجنونة. وقالت

علشان خايفين علي فرحتنا تموت. تكذبوا علينا وتخلونا نربي طفل بالتبني. لية عملته كدة

دخلت الممرضة علي صوت عائشة العالي وشافتها وهي ماسكة في هدوم مدحت فبعدتها عنه وقالت

انتي بتعملي اية

مدحت ل الممرضة

انتي اية اللي دخلك

الممرضة

الصوت العالي وكويس اني دخلت دي كانت هتموتك

مدحت بصعوبه

من فضلك اخرجي. وسيبنا لوحدينا ومهما يحصل انا مش عايز حد يدخل علينا

الممرضة سابت عائشة وعائشة دموعها علي خدها وبصت ل مدحت وقالت ب قهر

عايزا اقتلك بس اقتل ميت. روح منك لله هو قادر يجيب لي حقي منك

وخرجت من الاوضة وهي علي اخرها وخدت طرقه المستشفي كلها جري مش مصدقة اللي سمعته. وحاسة انها في كابوس، ،،،،،،،

المشهد الثالث

                ★قصر كمال★

وعائشة قاعدة قصاد سيف اللي كان بيذاكر وعماله تبص له وتعيط ومش عارفة تعمل اية كل كلمة ماما سمعتها ما كنتش من ابنها. كل مرة شالت وحضنت وسهرت وباست وحضنك ما كنش ل ابنها. ميت صرخة وصرخة وهي عماله تبص ل سيف

اللي رفع عينه بالصدفة عن الكتاب لقاها

بتعيط راح لها ومسح دموعها وقال

بتعيطي لية.  

بصت له وفضلت ساكتة وهو قال

اتخنقتي مع بابا تاني

عائشة

لا يا حبيبي

سيف

لا اتخناقتو. عارفة انا عايز اروح النادي واتعلم الكارتية علشان كل ما يزعلك اعمل حركة بروس لي اوقعه علي الارض ونقعد انا وانتي فوق منه

ابتسمت عائشة وقالت

وحد يعمل كدة في بابا.

سيف

ما هو بيزعلك وانا ما بحبش اشوف حد بيزعلك ببقي عايز اضربه 

وفضل يتكلم ويتكلم وعائشة بص له وساكتة وعماله تقول في سرها 

ذنبك اية. تاخد الصدمة اللي انا خدها. وكمال لو عرف انك مش ابنه مستحيل يربيك. اول حاجة هيعملها هيرميك في الشارع وأشيل ذنبك. حرام ذنبك اية انت

وخدته في حضنها وفضلت تعيط اوي،،،،،

المشهد الرابع

                 ★شقة نور★

ونرجع تاني ل نور وهي بتقول ل عائشة

اكبر غلط اللي انتي عملتي دة. ازاي تخبي علي كمال موضوع خطير زي دة ولية تخلي جوزك يعيش مخدوع واسمة شايلة ابن مش من صلبه. ومش كدة وبس هيبقي شكلك اية لو فعلا كمال عمل d. n. a وعرف ان سيف مش ابنه. تفتكري وقتها مين هيصدق الحكاية دي لو حكيتها

عائشة وهي بتعيط بحرقة

خوفت يا عائشة يترمي في الشارع. خوفت اتحرم منه ومن كلمة ماما اللي فضلت اسمعها 15 س. هو صحيح مش ابني. لكن هي الام اللي بتخلف وبس. الام هي اللي ربت

نور اتنهدت وقالت

والله مش عارفة اقول لك اية لكن وضعك بقي صعب وخصوصا بعد ما كمال بدا يشك فيكي وقتها هتجيبي منين مدحت ولا ماما كمال يشهدوا انك برئية. والاثنين بين ايدين اللي خلقهم

عائشة بقلق

يعني اية. ممكن الدنيا تخرب عليه

نور

ذكرياتك شكلها هتقلب حياتك واللي جاي منها ل عاصفة. ربنا يسترها عليكي،،،،،،،،،

المشهد الخامس

                     ★قصر كمال★

بالليل وبعد نص الليل ووقت ما كانت عائشة نايمة تسمع باب الاوضة بيتفتح تقوم تشوف مين اللي داخل الاوضة تلاقي زاهر اتصدمت وسترت نفسها وقالت

زاهر انت بتعمل اية هنا

زاهر اتخض وقال

انا اسف بس استاذ كمال وصلني ل غاية هنا وقال لي ان دي اوضي

عائشة

كمال.

وهنا يدخل كمال ويمسك ايد زاهر ويكمل مشي معه جوة الاوضة وهو بيقول

مالك يا زاهر. ادخل يا راجل انت غريب 

ولا اية.

عائشة

كمال اللي انت بتعمله دة ما ينفعش خد زاهر واطلع برة لو سمحت

كمال بص للملايا اللي هي حطاها علي جسمها. وقال

انتي مغطية جسمك لية كدة. هو زاهر غريب

عائشة بعصبية

اة غريب. وتلميحك مش مقبول

كمال

يا ستي لو حتي غريب هو بقي يشوف. دة ضحي بعينه علشان اللي منه

زاهر

كلامك يا استاذ زاهر مش حلو

كمال

اومال اية يا حلو انك تعيش كدة بتتسحب

زاهر بدأ يمد ايدة قدام منه وبيستعد للخروج

انا خارج

كمال زقة وقعه علي الارض وقال

مش هتخرج قبل ما نلعب عشرة طاوله. لو انت خسرت حلال عليك مراتي. ولو انا كسبت حلال عليك ابني

عائشة

انت اتجننت رسمي وانا مستحيل اقعد معاك تاني

ولسة هتخرج عائشة من الاوضة سمعت صوت طلقة رصاص بصت وصوت زاهر بيصرخ والدم بدأ يجري علي الارض، ،،،،،،

خلصت حلقة النهاردة اللي يارب تكون عجبتكم. سلام