الهام واللي كان الحلقة الاخيرة

 علاقة محرمة 

                   ★الحلقة الثامنة★

من تاليفي

محمد منصور. **منص**

وقبل ما ابدأ نوحد الله ونصلي علي خير خلق الله سيدنا محمد.

اللهم صل وسلم وبارك علي محمد صلاة

تحل بيها العقد وتفك بيها الكرب

المشهد الاول

                 ★فيلا صلاح★

وصلاح كان قاعد مع سعاد وفرحان جدا بانها حامل وسعاد بتقول

ناوي تسمي اية يا مراد

صلاح كان سرحان في كلام ماهيا وفي كلام الشبية ومش مركز نهائي مع سعاد ومابقاش عارف اية اللي المفروض يعمله ينزل اللي في بطن سعاد ولا يخلبها تولده ويكون نهايتة علي ايدية وهنا قالت سعاد

مراد انا بكلمك

بص لها وقال

معاكي

سعاد

لا مش معايا وباين اوي انك مضايق اني حامل

صلاح

سعاد انا مش فايق ل اي كلام. وسيبيني في حالي

وقام صلاح وبمجرد ما قام وادي ظهرة ل سعاد واستعد للانصراف سمع صوت سعاد بتصرخ وبتمسك بطنها وبتقول

الحقني يا مراد بطني بتتقطع

بص لها صلاح وشاف اغرب شئ ممكن بني ادم يشوفة. حوافر حيوان بتشق بطن سعاد من جوة ل برة. راح بسرعة وحط ايدة علي بطنها والغريب ان الحوافر اختفت مع صوت صرخة من الداخل بص ل ايدة وبص ل سعاد. وقالت سعاد

اية اللي بيحصل لي دة

صلاح

دة شر انا السبب في.

وتصرخ سعاد تاني وتفضل تتوجع وتتالم وتفتح بوقها علي الاخر وترجع دم مغلف بقطع من معدتها اتصدم صلاح وقرب منها وحط ايدة تاني علي بطنها ويسمع نفس الصرخة من الداخل وترتاح سعاد ويفهم وقتها ان ايدة فيها الشفاء. وفضل حاطط ايدة علي بطنها وقال في سرة.

انا سبب الشر وفي نفس الوقت انا سبب زوال الشر. معني اية اللي بيحصل دة

وبدأ يفكر ويفكر وسعاد بصت له وقالت

هو اية اللي بيحصل لي يا مراد

صلاح ما ردتش وقال ل نفسه 

معقوله يكون الجسم طاهر لكن الروح خبيثة. ما هو دة التفسير الوحيد ل رفع الاذي 

سعاد بصة ل صلاح وعماله تقول

صلاح انا بكلمك

صلاح شال ايدة من فوق بطن سعاد وفضل باصص لها مستنيها تصرخ وفعلا ما تعديش دقيقة الا وتصرخ سعاد والمخلوق الخبيث اللي جوة بطنها يهجم عليها تاني وتفضل تصرخ وصلاح باصص لها وشعرها بيلف حوالين وشها وبيدخل في بوقها بطريقة ترعب وهنا دخل المطبخ جري وطلع ساطور من درج المطبخ وقطع ايدة اليمين ورجع تاني ل سعاد وحط الايد المقطوعة علي بطنها علشان يرجع شعرها تاني زي مكان والصرخة تبقي من جوة وسعاد بتكح لانها كانت بتتخنق وصلاح بص لها وقال

خلي الايد زي ما هي كدة واوعي تشيلها من فوق بطنك

سعاد بصت للايد المقطوعة ومستغربه ازاي صلاح قدر يقطع ايدة بالسهولة دي وكمان من غير ما ينزف وفضلت سعادة ماسكة ايد صلاح لغاية ما رجع صلاح بشريط لزق ولفه حوالين جسمها وفوق الايد علشان يلزق الايد ببطنها وقالت سعاد

مراد اية اللي بيحصل

صلاح بص لها وقال

ما عرفش ومحتاج اعرف بش مش عارف ابدأ منين. حل اللغز كله في اني اوصل للذهب واعرف اية سر الذهب دة

سعاد بصت مكان الايد المقطوعة وقالت

انت ازاي قطعت ايدك ومافيش دم بينزل منك

صلاح بص مكان الايد المقطوعة وقال

بعدين افهمك. بس دلوقتي انا محتاج ارجع تاني للسواق بتاعي. عم حامد

واستعد للخروج من الفيلا قالت سعاد

وهتسبني ل وحدي

صلاح

افتكر ان طول ما ايدية لمسة جسمك انتي هتكوني بخير

وخرج صلاح من الفيلا، ،،،،،

المشهد الثاني

                ★اوضة حامد★

حامد علي سريرة وقصاد منه صلاح وكان بيترجي ويقول له

مش هتقدر تقرب منك لاني قدرت اعرف ازاي اوقف شرها. واي شر يجي من ناحيتها

حامد

ما حدش يقدر عليها. دي الملكة ماهيا

صلاح

انا هقدر بس دلني علي اول الطريق.

حامد بفزع

ما قدرش وابعد عني

صلاح

اللي انت في دة يقول انك تعرف الكتير والكتير ومش بعيد تكون عارف طريق الذهب

حامد اتفزع اكتر وقال

الذهب 

وبدأت ايد تطلع من حنجرتة وتمسك لسانة واتوجع حامد وصلاح بمنتهي السرعة حط ايدة الشمال علي رقبة حامد وبدا يسمع اكتر من صرخة. جاية من جوة حامد والايد اللي ظهرت اختفت وحامد استغرب وقال

قدرت ازاي تعمل كدة

صلاح

ما عرفش لكن ممكن علشان الجسم مش جسمي دة جسم حد تاني غيري بيقدر عليهم.

حامد

الوحيد اللي كان بيقدر عليهم ابوك يا ابني

صلاح باستهزاء 

تقصد طبعا خالد فتوح اللي هو عمي. لما كنت انا صلاح لكن لما بقيت مراد بقيت ابنه مش كدة

حامد

لا يا مراد بية ابوك اسمة سعيد ابو القاسم

صلاح اتصدم وقال

الشيخ سعيد

حامد

هو بقي شيخ ازاي 

صلاح باهتمام شديد

عم حامد بالله عليك احكي كل اللي تعرفه واوعي تخاف ما حدش منهم هيقدر يأذيك

حامد فضل يبص حوالين منه وهو مرعوب لكن صلاح قال

طول ما ايدي لمسة جسمك ماحدش هيقدر يقرب منك

حامد اطمئن شوية وقال

الحكاية بدات من 30 سنة. لما دخل سعيد علي جدك ابو القاسم اللي كان بيصرخ وبيضرب نفسه بسكينة،،،،،،،

المشهد الثالث

                   ★اوضة نوم★

هنرجع بالزمن 30. سنة. ودي كانت اوضة ابو القاسم والاوضة غرقانة دم وابو القاسم بيضرب نفسه بسكينة ويقطع حتة من جلدة ويلصقها علي الحائط ويجمع اسم ماهيا. وقت ما دخل عليه الاوضة حامد ومعه سعيد وحامد بص للي بيحصل واترعب وابو القاسم بص لهم وقال بعصبية 

انتو اية اللي دخلكم هنا

سعيد

عايزني اسييك ازاي تتعذب وانا السبب

ابو القاسم

هي عايزاك وانا مش هسيبها تاخدك. اخرج

سعيد بتحدي وهو بيبص في كل انحاء الاوضة

انا قدام منها لو تقدر تقرب مني انا جاهز

ابو القاسم ل حامد

خدو يا حامد واطلع برة 

حامد ل سعيد

يلا يا سعيد نخرج

سعيد زق حامد بعيد عنه وقال

مش هخرج واسيبة يموت بسببي اللي هو في دة انا السبب في

ورجع تاني يبص في كل انحاء الاوضة. وقال بتحدي اكتر

انا موجود. وقدام منك لو تقدري تاخديني قربي مني

هنا يتجمع قطع اللحم الخاص بجسم

 ابو القاسم واللي كان متعلق علي الحائط وبدات قطع اللحم تتجمع في شكل ماهيا ووقفت في وسط الاوضة وقالت بشر مخيف

قادر تقف قدام مني علشان تمتلك ذهب الحصن

سعيد

اومال كنتي عايزاني اهرب ازاي من لعنتك

ماهيا

بعد كل اللي عملته علشانك دة انت امتلكت قلبي وعقلي وفي الاخر سبتني واتجوزت انسية. اتجوزت سعاد. الممرضة 

سعيد

علشان ما كنش ينفع اتم علاقتي بيكي. لان علاقتي بيكي علاقة محرمة

ماهيا

زي ماهي محرمة عندكم. محرمة كمان عندنا وبسببك اطردت من عشيرتي وبقيت مجرد نكرة 

سعيد 

طلبت منك تبعدي عني وتعرفي ان تحضيري ليكي كانت غلطة وكلها من صحبة السوق اللي خليتني اهزر بكتاب مليان طلاسم وهو كتاب شمس المعارف وحاولت اصلح الغلطة دي . ولولا الخادم اللي متسخر لحمايتي واللي قدم لي ذهب الحصن ما كنتش قدرت ابعدك عني وعن اللي من دمي

ماهيا بغضب شديد

انا ما قدرش اقرب منك ودة علشان انت تمتلك الذهب لكن اقدر اعذب اللي قلبك يحبة 

وبصت ل ابو القاسم وبدا يصرخ ويغرز السكينة في جسمة ويقطع من لحمة وهنا حط سعيد ايدة علي دماغ ابو القاسم وبدأ ينزل قطرات من الذهب. علي جسم

ابو القاسم. استغربت ماهيا وبدات تصرخ وقالت

قدرت ازاي تتحكم في ذهب الحصن وتخلي ليك حائط صد ضد عذابي 

سعيد بص لها وقال

قدرت اتحكم في زي ما قدرت اتحكم فيكي. 

وبتحدي كمل وقال

ابعدي عننا. لو عايزا تفضلي عايشة. انما لو حبيتي تكوني من اهل جهنم فكري تقربي مني او من اي حد تبعي

ماهيا بضحكة كلها شر

تفتكر انك تعرف كل حاجة عن ذهب الحصن. الذهب دة زي ما بيحمي زي ما بيعمي. والاعمي عندنا في مملكة الجن بيعيش فاقذ الذاكرة. ووقتها بيكون الماضي والحاضر والمستقبل ملكي انا اقدر اخلي يعيش زي ما انا عايزا ويصدق اللي هيعيشة. وانت حكمت علي نفسك وزي ما كنت ليك هكون عليك ويا ويلك وويل كل ذريتك مني يا سعيد. وافتكر كلامي كويس ماضيك ملكك. لكن مستقبلك ملكي والنهاية هتيحي من سنينك اللي جاية 

واختفت ماهيا.،،،،،،،،،

المشهد الرابع

                  ★اوضة حامد★

ونرجع تاني ل حامد وهو لسة باصص ل صلاح وبيقول

سعيد ابوك ما اهتمتش باللي قالته وعاش حياته ب الطول والعرض ما فكرش يأمن ذريته من شر ماهيا. وخلفك وكبرت وعشت حياتك بالطول والعرض نفس الاستهتار اللي كان عايش في والدك لغاية ما بقيت شاب وبدات تهزر وتلعب بالطلاسم والعهود السليمانية. وعرف سعيد والدك باللي انت بتعمله. لكنه وصل متاخر وصل بعد ما كنت حضرت ماهيا. وبكدة كمل مثلث النهاية. علاقة اب وابنه بملكة الجن الاحمر المطرودة من قبيلتها. علاقة محرمة في كل العهود القديمة والحديثة. والذهب مابقاش يقدر ينقذ سعيد وذريته. اصبح من غير قيمة. والسبب ان الذهب اتبدل بذهب صيني. واللي بدلة انت يا مراد

صلاح كان مبرق وقال

انا.  

حامد 

ابوك سعيد مع وفي خدمتة خادم من الجن. قال له انه شافك وانت بتاخد الذهب من دولاب سعاد مراتك ووقتها ابوك طلبني وجيت له وحصل بينك وبينه صدام شديد انتهي بانك قتلته 

صلاح

ما حصلش. سعيد ابو القاسم عايش وانا كنت لسة معه امباراح

حامد

مات واحنا الاثنين دفنا سوي

صلاح

دفنا فين

حامد

جوة منك. تحت جلدك. في عروقك.

صلاح بص ل جسمة وقال

تقصد ان دة جسم ابويا سعيد

حامد

جسمة ودي كانت اخر حاجة اشوفها قبل ما اتعمي ان ميت يدفن جوة حي. ودة بفضل ذهب الحصن اللي بيجري في عروقك

بص صلاح لعروق جسمة وشافها عادية فقال حامد

ذهب الحصن يتشاف في ظلمة العميان. غمض عيونك وهتشوف اللي اغرب من الخيال

وفعلا غمض صلاح عيونه وبص ناحية عروقة وشاف الذهب سايح وبيجري مكان الدم مابقاش قادر يصدق وفتح عيونه شاف قدام منه ماهيا في ايدها خنجر اسود قطعت بي رقبة صلاح. وبدأت الرقبة تنزف الذهب السايح وماهيا بتبص 

ل صلاح. والغريب ان في نفس الوقت كان سعيد قاعد في اوضة مع مراته بتاريخ قديم من 30. سنة. وشاف رقبة مراته بتجيب دم. اندبحت من جوة جسمها. بايد ابنها مراد اللي كان في بطنها وقتها. واتصدم سعيد وحاول ايقاف الدم باي شكل ،،،،،،،،،،،،،،،،

خلصت حلقة النهاردة وبكرة باذن الله نتقابل