عاصفة من الذكريات
★الحلقة السابعة★
كتابة واقتباس
محمد منصور. **منص**
وقبل ما ابدأ نوحد الله ونصلي علي خير خلق الله سيدنا محمد.
اللهم صل وسلم وبارك علي محمد صلاة تحل بيها العقد وتفك بيها الكرب
المشهد الاول
★عربية كمال★
وكان كمال جوة عربيته وبيلف في شوارع القاهرة بيحاول يهدي بعد الضغط العصبي اللي اتعرض لي وهو بيلف يشوف معمل تحاليل يقف قصاد ذلك المعمل ويبص له واتولد جوة منه نفس الصراع النفسي وياتري سيف ابنه ولا لا وفضل واقف ل كام دقيقة لغاية ما قرر ينزل ويدخل المعمل وعمل التحاليل الخاصة بالانجاب وخد ميعاد يجي يستلمهم في وفعلا رجع للمعمل في الميعاد المحدد وسال الدكتور الموجود في المعمل هو لي في الخلفة ولا لا الدكتور بص له وقال
ما خبيش عليك التحاليل اللي قدامي تقول انها ل حاله صعب تخلف لكن دة ممكن يكون ب حكم السن برضو حضرتك سنك مش صغير. اعتقد انك في اواخر الخمسينات
كمال
انا عديت الستين ب خمس سنين.
الدكتور
تمام يعني التحاليل ممكن تكون ظالمة لان حالتك دلوقتي مش زي حالتك وانت مثلا 30 سنة.
كمال
انت عايز تريحني وخلاص يا دكتور. قولي اني ماليش في الخلفة
الدكتور
ما قدرش اقول كدة لان السن لي حكمة. ممكن حضرتك كنت كويس وانت صغير لكن الدوالي سببت الحالة اللي وصلت لها دلوقتي
كمال
انا من زمان وانا حالتي صعبة انا خلفت اول مرة بعد 5 س. جواز وعلاج مكثف ودي كانت المرة الاولي والاخيرة
الدكتور
كنت بتتعالج عند مين
كمال
دكتور مدحت فراج. ووقتها العلاج جاب نتيجة ومراتي حملت. لكن من بعد الحمل دة ما حملتش تاني واتجوزت زوجة تانية وبرضو ما حملتش
الدكتور
طيب لية حضرتك ما تروحش تاني. لدكتور مدحت طالما هو عارف حالة حضرتك
كمال
توفي من خمس سنين
الدكتور
الله يرحمة. لو تسمح لي اسالك سؤال شخصي شوية
كمال
اتفضل
الدكتور
طالما حضرتك ربنا كرمك وخلفت لية بدور علي انك تعمل تحليل وتشوف ان كنت بتخلف ولا. لا.
كمال بص للدكتور واتكسف يقول السبب بص له الدكتور وشاف في عيونه الاحراج. فقال
اسف اني سالت سؤال زي دة. بس لو انا فهمت صح من سكوتك. ممكن تعمل
d. n. a
وفي التحليل دة هتلاقي الاجابة علي اي سؤال جه في بالك
كمال
صعب اعمل تحليل زي دة واعمله ازاي واكيد هيتعرف اني بعمل كدة علشان شاكك ودة مش حلو لا في حقي ولا في حق مراتي وابني
الدكتور
تسمح اقول لك نصيحة ل وجة الله
كمال
اتفضل
الدكتور
مافيش حد فضل يقلب في الماضي الا وتعب ودفع الثمن من راحتة. واتقلبت حياتة ل عذاب عظيم هون علي نفسك واختار السهل وبلاش تمشي في الطريق الصعب.
كمال بص له وفضل ساكت وكان نفسه يرتاح، ،،،،،،،
المشهد الثاني
★اوضة زاهر★
وبعدها بكام يوم. كان زاهر قاعد علي السرير بعد ما فك الشاش من فوق عيونة وقدام منه ممرضة وكانت بتاكلة وهو كان ييقول
سيف بقي كويس
الممرضة
كويس جدا وهيخرج بكرة باذن الله. بس الواد دة محتاج يتربي من اول وجديد
زاهر
شاب والسكينة سرقا زي ما كانت سرقاني.
بس يارب يفوق قبل ما يوصل بي الحال للي انا وصلت له
وفي الوقت دة يسمعوا صوت خبط علي باب الاوضة والباب يتفتح وكانت عائشة فتقول الممرضة
اتفضلي يا مدام عائشة
عائشة دخلت وبصت ل زاهر وحالته اللي بقت تصعب علي الكافر وبدا قلبها يحن لكنها تمالكت نفسها وقالت
انا سالت عليكي وعرفت انك هنا. كنت بس محتاجة نغير الملايات في الاوضة
زاهر
تقدري تروحي تشوفيها عايزا اية
عائشة
مش لازم دلوقتي طالما هي بتاكلك
زاهر ابتسم وقال
انا خلاص شبعت اول ما شميت ريحتك في الاوضة
عائشة قلبها دق بسرعة واحرجت فقال زاهر
انا ماقصدش اضايقك. انا اسف ما عرفش لية قولت كدة
عائشة بصت للممرضة. وقالت
كملي اللي بتعملي وانا مستنياكي برة
وجت تخرج عائشة قال زاهر
الف حمد لله علي سلامة سيف
عائشة بصت له وكانها بتشوفو ل اول مرة
الله يسلمك
وخرجت بسرعة من الاوضة وقفلت الباب وراء منها وفضلت واقفة علي الباب وحطة ظهرها علي الباب ودموعها بدات تنزل وقت ما حست بانفاس حد بيقرب منها اوي وبيقول بصوت واطي
صعبان عليكي صح
بصت عائشة للي بيتكلم ولقت كمال مسحت دموعها وقالت
انت فين بقالك يومين سيبني لوحدي مع ابنك
كمال
مش لوحدك اوي معاكي اللي يهون عليكي
بس مش المفروض انك تقفي عند باب اوضة ابنك وتعيطي بدل ما تقفي هنا
عائشة ما كنتش عارفة ترد تقول اية الموقف كله محرج لكنها مشيت وراحت عند اوضة ابنها وقعدت وكمال فضل يبص لها من تحت ل تحت، ،،،،،،،،
المشهد الثالث
★المستشفي★
بعدها بكام يوم وبعد ما الدكتور قرر خروج سيف اللي كان في حاله نفسية ما فيش زيها والسبب فرحتة برجوعة يشوف تاني
ودخلت علية عائشة وهو واقف قدام المرايا بيظبط هدومة وشعرة وكان بيضحك ويغني وقالت
اخيرا رجعت لك فرحتك
بص لها سيف وقال
البركة في حبيب القلب
عائشة اضيقت وقالت
حاسب علي كلامك يا سيف
سيف
حاضر بس ما تزعليش.
ومسك ايدها وباسها وعائشة قالت
طيب يلا علشان نروح باباك مستنيا تحت في العربية
سيف
هو مختفي لية الكام بوم اللي فاتو دول
عائشة
ماعرفش لما تشوفو ابقي اساله
وخرجت عائشة من الاوضة ومعها سيف علشان تلاقي كمال ماسك ايد زاهر وبيبص لها وبيقول
يلا
عائشة استغربت وقالت
انت مش قولت انك مستنينا في العربية
كمال بطريقة مخيفة
قولت بس رجعت وقولت ما يساعد زاهر في النزول. ما حدش يستاهل يكون لي مساعد الا انا. دة برضو فدي ابني بعينة
عائشة ما كنتش مرتاحة وكمال بيقول ل زاهر
يلا يا زاهر ننزل
زاهر برضو ما كنش مرتاح لكنه نزل مع كمال وعائشة نزلت مع سيف وهي بتقول في سرها
ناوي علي اية يا كمال، ،،،،،،
المشهد الرابع
★قصر كمال★
عائشة وسيف نزلو من العربية وكمال نزل وبدأ يساعد زاهر في النزول وزاهر قال
هتعبك معايا لو بس توصلني ل غاية الاوضة
كمال
اوضة اية
زاهر
اوضة الغفير
كمال
ودة برضو كلام يتقال انت هتنام جوة القصر في الاوضة اللي تحبها
استغربت عائشة وسيف قال
لية ان شاء الله
كمال
يستاهل. وبعدين انت اللي بتقول كدة بعد اللي عملو معاك. دي قلة اصل اعتبرة ابوك يا ابني
عائشة فهمت تلميح كمال وقالت
كمال انا شايفة انه يفضل في اوضة الغفير احسن
كمال
انتي ليكي اية في القصر دة علشان تحكمي في. انا صاحب القصر واقول دة يقعد فين ودة يقعد فين واللي مش عاجبة كلامي يقعد هو في اوضة الغفير
عائشة
لا. بقي دة باين ان اعصابك تعبانة ومش عارف انت بتقول اية
كمال بحدة
انا شايف انك تحطي لسانك جوة بوقك وتدخلي القصر وانتي ساكتة
عائشة بتحدي
مش هدخل يا كمال وعايز افهم انت بتعمل لية كدة
سيف
انا كمان محتاج افهم. لية زاهر ينام في القصر
زاهر
انا مش عايز كل المشاكل دي تحصل بينكم وبسببي انا مش هرتاح الا في الاوضة اللي كنت بنام فيها قبل العملية
كمال
وانا قولت لا. مش مقامك
ومسك كمال ايد زاهر ودخل بي القصر وسط نظرات استغراب عائشة وسيف. لكن عائشة قررت تسيب القصر وراحت ركبت عربيتها وسيف قال
رايحة فين
عائشة
هسيب القصر ل ابوك يشبع بي ويقعد في اللي هو عايزة
وخرجت بالعربية من بوابة القصر وسيف قال
هو اية اللي حصلهم ولية النكد دة في اليوم اللي رجعت اشوف في،،،،،،،
المشهد الخامس
★فيلا نور★
وكانت عائشة قاعدة قصاد نور وبتعيط وهي بتقول
بعد موت بابا وماما ما بقاش ليا حد في مصر غيرك يا نور ومش عارفة اعمل اية في كمال واللي بيعمله
نور
هي حركة غريبة بصراحة لية كمال يصمم ان زاهر يعيش جوة القصر.
عائشة
دة اختبار لية انا. علشان هو شكلة شاكك فيا دة وصل بي الحال انه كمان يشك في ان سيف ابنه
نور اتعصبت
يشك فيكي انتي دة اتجنن رسمي. وبعدين هو لو مش مصدق ان سيف ابنه ما يعمل d. n. a
عائشة
دة لو عمل كدة هتبقي فضيحة ليا
نور اتصدمت وقالت
بتقولي اية يا عائشة هو سيف مش ابنه
عائشة بصت في الارض وقالت بصوت مخنوق
لا مش ابنه، ،،،،،،،،،،،،،
خلصت حلقة النهاردة. وبكرة نكمل باذن الله. سلام
ايه بقى الغموض الجامد ده بس بصراحه تحفه
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفايه الغموض ده
ردحذف