★الحلقة السابعة★
من تاليفي
محمد منصور. **منص**
وقبل ما ابدأ نوحد الله ونصلي علي خير خلق الله سيدنا محمد.
اللهم صل وسلم وبارك علي محمد صلاة تحل بيها العقد وتفك بيها الكرب
المشهد الاول
★اوضة الشيخ سعيد★
الشيخ سعيد بيمد ايدة بطبق كبير في مية ناحية صلاح بعد ما قراء قران علي المية وقال ل صلاح
عايزك تبص في طبق المية دة. وصورتك الحقيقة هتبان لو فضلت في صورة الانسان تبقي انت مننا انما لو حصل العكس
صلاح كمل وقال
يبقي انا منهم
سعيد
نتمني ان ماهيا تكون كذابة. بص في المية
وبدا صلاح بتوتر وقرب وشة. من المية وبقي جاهز علشان يبص في المية وفعلا بص في المية وشاف صلاح طبق المية فاضي ما فيهوش اي صورة قلبه انقبض وبص ناحية الشيخ سعيد وقال
مافيش ليا اي صورة في المية
الشيخ سعيد بص في المية وشاف صورته هو في المية لكن صلاح ملهوش اي صورة وكانة مش موجود اتصدم الشيخ سعيد وقال
اللي قدام مني دة شئ مخيف. وملهوش الا معني واحد
صلاح بقلق
اية هو
سعيد
انك مش موجود اصلا
اتصدم صلاح وبرق من صعوبه الجملة وقال
يعني اية مش موجود
سعيد
انت مجرد روح هربانة
صلاح بمنتهي العصبية خبط طبق المية رمي علي الارض وقال وهو بيقف
اية. انتو كلكم اتفقتو علي جناني
سعيد وقف وحاول يهدي وقال
مش كدة يا ابني انا بحاول اساعدك
صلاح باستهزاء
تساعدني وتوصلني بسرعة ل طريق الجنان مش كدة
وخبط صلاح ايدة في الحيطة وضربها بمنتهي القوة. لدرجة ان ايدة جابت دم لكنه ما حسش بالوجع وفضل يبص ل ايدة وسعيد كان بيطمئن علي ايدة وهو ييقول
اية اللي انت عملته دة. انت كدة ممكن تكسر ايدك
لكن صلاح لسة باصص ل ايدة ازاي بعد الخبطة دي ما يحسش بوجع وخبط ايدة تاني في الحيط وبقوة اكتر من الاول واتخض سعيد عليه وهو مش فاهم لية صلاح بيعمل كدة. وحاول يهدي لكن صلاح قال
انا مش حاسس بايدي
سعيد استغرب وقال
ازاي بس دة الخبطة اكيد كسرت عضم ايدك
صلاح
بقول لك مش حاسس بايدي
وراح صلاح ناحية الولاعة اللي بيستخدمها سعيد في اشعال اعواد البخور وولع الولاعة ولسع نفسه وما حسش بالنار اللي بتحرق جسمة وبص ل سعيد وقال
حتي النار انا مش حاسس بيها
سعيد
دة شئ اغرب من الخيال انت كدة فعلا الجسم دة مش جسمك
صلاح برق وبص ل ايدة ول جسمة وقال
اومال جسم مين
سعيد سكت لانه ما كنش عنده اجابة فقال صلاح
دة مش جسم مراد والا كنت انت اول ما شوفتني كنت عرفت اني مراد
سعيد
فعلا لا دة شكل مراد ولا جسمة
صلاح ودماغة هتنفجر
اومال لية سعاد قالت اني مراد وحارس الامن في فيلا عمي قال اني مراد. وانا مش مراد
سعيد
دة ملهوش تفسير الا تفسير واحد ان ماهيا خلتهم يشوفوك مراد
صلاح
وهي تقدر تعمل اكدة
سعيد
ماهيا تقدر تعمل اللي اكتر من كدة. لانها غير الجن كله ماهيا عندها القدرة انها تتحكم في المخ. والمخ يعني الذاكرة والسمع والبصر يعني تشوف وتسمع وتفتكر وتنسي اللي هي عايزا. اللي بيقع تحت ايدها بيكون زي الغرقان محتاج يطلع لكن الخوف بيخلي يطبش لغاية ما المية تبلعه
صلاح
يعني انا بني ادم ولا جن ولا روح هربانه من الجسد. انا مين
وصرخ ومسك دماغه وقال
انا مين رد عليه
سعيد
رحم الله امراء عرف قدر نفسه. انا
ما عرفش انت ممكن تكون اية ومش هقدر اعمل اكتر من اللي عملته. انا اسف يا ابني. بس لو ماهيا دي جوة منك كنت قدرت اطلعها واريحك منها لكن باين كدة انك انت اللي جوة منها ودة بقي ما قدرش اعمل في حاجة
صلاح
طيب دلني مين يقدر يخلصني منها ويعرفني انا مين
سعيد
ماعرفش بس نصيحة مني مافيش غير انك تعمل اللي طلبته منك وترجع لها الذهب يمكن بعدها تقدر تعيش في سلام.
صلاح باستهزاء
بس كدة خلصت. دة اللي ربنا قدرك عليه وعامل فيها شيخ وعلامة وانت ولا حاجة
سعيد
الله يسامحك يا ابني. بس انا مقدر اللي انت في ومش هلوم عليك
صلاح بعصبية
ما حدش يقدر يحس باللي انا حاسة. انا كنت في يوم بني لي ماضي وحاضر بقيت فجاة مجرد ولا حاجة. اكنش ميت ودة عفريتي
سعيد بص له وفضل ساكت صعبان عليه فعلا حاله لكن صلاح راح ناحية باب الاوضة وهو بيقول
هو دة انا فعلا ميت ودة عفريتي.
وخرج من الاوضة وسعيد باصص ناحيتة وهو بيقول
لا حول ولا قوة الا بالله. ،،،،،،،
المشهد الثاني
★فيلا صلاح★
بالليل متاخر وكان صلاح قاعد قصاد باب الفيلا علي درجة من درجات السلم وقت ما انضمت لي سعاد ووقفت وراء منه وقالت
هتفضل قاعد كدة
صلاح من غير ما يبص لها
عايزا مني اية
سعاد وهي بتقعد جنب منه
عايزاك ترجع مراد اللي حبيتة واتجوزته
بص لها وقال
مراد. دة اللي هو انا
سعاد
تاني يا مراد
صلاح
ل تاني ولا تالت. خشي نامي وسيبيني في حالي
سعاد
طيب كنت عايز اكلمك بخصوص عم حامد
صلاح
مين عم حامد دة
سعاد
السواق الخصوصي بتاعك
صلاح باستغراب
هو انا كان عندي سواق
سعاد
اة. بس اتعمي من سنة.
انتبه صلاح للكلام وكلمة سنة علقت في ودانه نفس السنة اللي مات فيها مراد ونسي فيها الذهب و هو بيفكر كانت سعاد بتقول
ومن وقتها وانت كل شهر كنت بتبعت له الشهرية بتاعته لكن بقالك شهرين ما بتبعتش ومراتي جت لي وقصدتني اكلمك لان الحالة صعبه زي ما انت عارف. انا اديتها اللي اقدر عليه وانت كلم الحسابات عندك ما يتاخروش علي عم حامد تاني
صلاح
تعرفي عنوان عم حامد دة
سعاد
لا. بس اكيد هتلاقي في الحسابات عندك،،،،
المشهد الثالث
★اوضة بسيطة★
وكانت دي اوضة عم حامد وكان عم حامد نايم علي السرير وقت ما سمع صوت خبط علي باب الاوضة وصوت مراته بتقول
حامد. مراد بية جاي بنفسه يطمئن عليك
عم حامد اتفزع وقال
واية اللي جابة هنا.
هنا فتح صلاح الباب وقال
مش عايزني اجي اطمئن عليك ولا اية
حامد
مش عايز بس اتعبك. يا بية.
وبعدها قال حامد ل مراته
تلاقيكي انتي اللي روحتي للبية وصدعتي بمشاكلنا وخلتي يجي. ويتعب نفسه مش كدة
مرات حامد
المصاريف كتير والبية مش غريب دة انت برضو كنت السواق الخصوصي بتاعة قبل ما عينك تروح
صلاح
انت مكبر الحكاية لية يا عم حامد دة انا مقصر معاك والله
حامد
اصلي يا مراد بية قايل لها ميت مرة ما تعملش اي حاجة من دماغها كان لازم تعرفني انها رايحة لك
صلاح
هي عملت الصح.
وبعدها بص صلاح ل مرات حامد وقال
لو الاقي عندك بن ممكن فنجان علي نار هادية علشان انا بحب اوي البن يستوي
مرات حامد
والله يا بية ما عندناش بس هنزل اشوف عند جارتنا وهعمل لك احلي فنجان قهوة
وخرجت من الاوضة وقفلت الباب وراء منها وراح صلاح وقعد قدام حامد وفضل يبص ل حامد وحامد ما كنش مرتاح ل سكوت صلاح فقال
ساكت لية يا مراد بية
صلاح
ببص لك وبحاول افتكرك لكني مش قادر بصراحة.
حامد
بيقولو البعيد عن العين بعيد عن القلب وانا من ساعة الليلة اياها وانا بعيد عن عينك وعن قلبك
صلاح
طيب ما تعرفني اية اللي حصل تاني في الليلة دي يخليك تخض لما تعرف اني جيت لغاية عندك
حامد
يا بية الله يرضي عنك انا بس لما شوفت اللي حصل فقعت عيوني في وقتها تفتكر لما احكي هتعمل فيا اية
صلاح
هي مين دي
حامد
صاحبة الذهب
صلاح
ماهيا
صرخ حامد بشدة وبدات عيونة الاثنين يجيبو دم اسود تقيل وقال حامد بتوسل
انا ما قولتش حاجة ما قولتش ارحميني انا خدامك.
بدأ الدم يقل شوية ب شوية وحامد بيقول
اخرج يا بية الله يرضي عنك انا مش ناقص كفاية اللي انا في
صلاح
عم حا،،،،،،،
صرخ حامد في وقطعه وقال بمنتهي العصبية
قولت اخرج دة كل اللي حصل لنا من تحت هزارك ولعبك بطلاسم الملوك. هيجتهم علينا وجاي تسال حصل اية. غور امشي من هنا
قام صلاح وخرج من الاوضة وبعد ما كان عنده امل يوصل ل اي جديد لقي نفسه واقف في نفس المكان، ،،،،،،،،،
المشهد الرابع
★اوضة★
صلاح واقف في وسط الاوضة اللي فيها الطلاسم وكان بيصرخ وبيقول
ماهيا. اظهري انا عايز اتكلم معاكي
ظهرت ماهيا ووقفت قدام منه وقالت
يعني جيت قبل ميعادي معاك
صلاح
لاني ما عرفش الذهب فين ولو فضلت 100 سنة الف وادور حوالين نفسي مش هعرف مكان الذهب دة
ماهيا
عارف دة معني اية
صلاح
السجن الموت الحرق انا جاهز لاي عقاب بس ارتاح من اللي انا في
ماهيا
للدرجة دي كرهت حياتك
صلاح
اني حياة. انا ماعرفش ليا حياة
ماهيا
حياتك جوة جسم مراد
صلاح
ماهيا انا مش جاي علشان اعيد كلام فات انا جاي اطلب العقاب وجاهز
ماهيا ضحكت اوي وقالت
جاي لي وعايز العقاب وفاكر انك مش هتحس باللي هيحصل فيك علشان الجسم مش جسمك
اتصدم صلاح لان فعلا دة كان تفكيرة وماهيا كملت وقالت
عقاب اللي زيك هيكون في اذية اللي من دمك.
وبصت ناحية حيطة من حوائط الاوضة وبص صلاح وقتها ناحية ما بصت وظهرت سعاد في عيادة دكتور امراض نساء وولادة والدكتور كان بيقول ل سعاد
مبروك انتي حامل في شهرين
سعاد فرحت جدا وكان معها امها خدتها بالحضن واختفت الصورة ورجعت الحيطة زي ما كانت وماهيا قالت ل صلاح
دة ابنك او مش ابنك. هيتزرع جوة قلبك حبة. والواد دة هيكبر جوة رحم امه وهيتحول ل مرض خبيث. ينهش احشاء سعاد مراتك. اللي برضو هيتزرع جوة منك حبها.
وحركت ايدها في الهواء حركة دائرية وظهرت الساعة الرملية القديمة وقالت
الوقت بيروح والعذاب هيبتدي. والموت قريب ل اكتر اتنين هتحبهم. من دلوقتي. اصل عذاب الروح ما بيكنش في وجع الجسد. العذاب بيكون في وجع الروح
واتحولت عيونها ل عيون الغضب وقالت
علاجهم في ان الذهب يرجع لي.
واختفت ماهيا. وسابت صلاح. يبدأ صراع جديد. وفتح باب الاوضة وخرج منها لقي قصاد منه شبية. بيبص له وبيقول
يا ابني انت قاعد هنا ومراتك قالبة عليك الدنيا
صلاح وهو مصدوم
دة انا
الشبية قال
صلاح مالك
صلاح
انا صلاح. اومال انت مين
الشبية قال
انا مين لا حلوة دي. مش عارف اخوك التؤام مراد. ولا علشان انت قتلتني نسيت اللي عملته فيا.
وبدأ الشبية يلف حوالين منه وبسرعة. وصلاح بيصرخ وبيقول
كفاية
وقف الشبية مرة واحدة وبص له اوي وقال بمنتهي الشر
بس كويس ان انت كمان موت واللي قتلك ابنك. اللي سبته يتولد يا صلاح. اوعي تخلي يتولد يا صلاح. اوعي. مهما كنت بتحبة اوعي يشوف نور الدنيا.
صلاح بدات الدنيا تلف بي. وكان ابسط رد فعل علي كل اللي حصل انه يقع مغمي عليه. ،،،،،،،،،،
خلصت حلقة النهاردة اللي يارب تكون عجبتكم
تم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفبجد تحفه يسلم دماغك
ردحذف