عاصفة من الذكريات
★الحلقة السادسة★
كتابة واقتباس
محمد منصور. **منص**
وقبل ما ابدأ نوحد الله ونصلي علي خير خلق الله سيدنا محمد.
اللهم صل وسلم وبارك علي محمد صلاة تحل بيها العقد وتفك بيها الكرب
المشهد الاول
★شقة تمليك★
خلصت الحلقة اللي فاتت علي كمال وهو بيقتل نسيم ودلوقتي كمال ونيفين قاعدين قصاد جثة نسيم والاثنين مش قادرين يستوعبو اللي حصل وقال كمال
هنفضل قاعدين نبص للجثة كدة
نيفين
ما كنش لي لزوم تقتله
كمال
ما هو كان هيقتلني
نيفين
طيب لازم نفكر وبسرعه ونشوف حل في المصيبة دي
كمال
ما فيش غير اننا وش الفجر ناخد الجثة ونروح ندفنها في الصحراء
نيفين
ايوة وبعديها بشوية البوليس يكتشف الجثة ويفضلو يحققوا لغاية ما يوصلو لينا ويعرفوا اللي احنا عملنا
كمال
اومال اية الحل
نيفين فكرت ل كام ثانية وبعدها قالت
نخلي البوليس يوصل للجثة
كمال
ويعرفو اللي احنا عملنا
نيفين
هيعرفوا اللي احنا عملنا لو الشقة فضلت باسمك انما لو بقت باسم نسيم يبقي كدة الوضع مختلف
كمال
تقصدي اية
نيفين
عقد بيع يتكتب بتاريخ قديم من شهرين فاتو من وقت ما انت اشتريت الشقة. والعقد يبقي مكتوب في ان نسيم صاحب الشقة. وبعدها شهادة كام شاهد تبعنا كدة ان نسيم كان بيقابل واحدة في الشقة دي
كمال
وسهل كدة ان البوليس يصدق
نيفين
هيصدق لان التحريات هتثبت انه بني ادم سئ السمعه. وبكدة احنا براءة وهو في ستين داهية
وبصت نيفين للتحفة الكريستال اللي اتقتل بيها كمال وقالت
المهم التحفة دي تختفي نهائي. ونمسح اي حاجة لمسنها في الشقة والملايات بتاعت السرير تتغير
كمال
نغير الاوضة كلها
نيفين
اكبر غلط لازم الاوضة تبان ان مستخدمة علشان البوليس لو شك ان الاوضة اتغيرت هيبقي فيها شك. ولازم بصمات نسيم تكون في كل مكان في الشقة بعد ما نمسح بصماتنا
كمال
انتي ازاي عاملة حساب كل حاجة كدة
نيفين
اصلي كنت بحب جدا اقراء القصص البوليسية
وضحكت نيفين بخبث شديد. كمال شاف ضحكتها وقال
انا لولا متاكد ان مستحيل مهما كنت جرئية انك تفضحي نفسك وتعرفي نسيم بالمكان اللي احنا بنتقابل في وتخلي يجي وواحد مننا يخلص علي التاني. كنت قولت انك محضرة للجريمة
نيفين
ياااااااا. دة انت شايفني شيطانة بقي علشان افكر بالطريقة دي
كمال
وهو الشيطان يجي فيكي اية دة انتي ظبطي الجريمة وخلتينا نطلع منها براءة بتخطيط ابالسة
نيفين
الحكاية مش حكاية تخطيط ابالسة الحكاية بتخلص في كلمتين انا اعمل اي حاجة بس اطلع كسبانة لان مبدأ الخسارة عندي مرفوض
كمال
تمام. اوي
نيفين
ممكن بقي ما نضيعش وقت وخلينا نيدأ تنفيذ مخطط الابالسة
وفعلا بدأو يمسحوا كل البصمات وبدا كمال يشيل جثة نسيم ونيفين تمسك ايد نيفين ب منديل وبدات تنشر بصماته في اركان الشقة،،،،،،،،،،
المشهد الثاني
★مكتب كمال★
بعد جريمة القتل ب 3 شهور كمال قاعد في مكتبه ونيفين بتدخل عليه رغم محاولات السكرتيرة لمنعها لكن كمال بص للسكرتيرة وقال
سايبني لوحدينا واخرجي انتي
خرجت السكرتيرة وقفلت الباب بصت نيفين ل كمال وقالت
هو انت فاكر ان اللي يعرفني. يعرف يخلص مني بسهوله
كمال
نيفين كام مرة اقول لك كفاية اللي حصل.
نيفين وهي بتقعد قدام منه
وهو اية اللي حصل القضية واتقفلت لعدم كفاية الادلة واتقيدت ضد مجهول وكل شئ خططنا لي تم من غير ولا غلطة انما بقي تحط دي قصاد دي. وتقول فرصة اخلص منها. لا. انا وانت بقينا بتوع بعض. ما انا قولت لك ما بحبش اخسر
كمال
وهي فين الخسارة في اننا نبعد عن بعض كدة احسن
نيفين
بص يا بابا لو مش حابب تعرفني تاني في شقة مقفوله علينا دة انت حر في. وانا مش هرمي نفسي عليك انا اشاور بس باصغر صباع عندي يترمي تحت رجلي بدل الراجل الف. انما بقي تبعد المحامي بتاعك للمحامي بتاعي علشان يفض الشركة. اللي ما بينا دي بقي حركة تزعلك قبل ما تزعلني اللي بينا بقي دم والدم ريحتة زفرة يعني عادي اوي لو حبيت الريحة تفوح ويتعرف نسيم مات ازاي
كمال
ما تقدريش لاني وقتها مش هروح في داهية ل وحدي
نيفين
لية انا واحدة ست خانت كبيري اية اللي هيحصل معايا هتفضح والناس يقولو الشمال اهه. .
وكملت بسخرية وقالت
لكن انت قتلت. ودي بقي فيها حبل المشنقة عدل
كمال اتوتر وقال
ملهوش لزوم كتر الكلام ولو علي الشركة انا هتصل ب المحامي واخلي يوقف اجراءات فض الشركة
نيفين
مش كفاية. اصل انت غدار. ممكن قدام تقل باصلك تاني
كمال
اومال تحبي تطمئني حقك ازاي
نيفين
بورقة يكتبها واحد ب عمة
كمال فهم وقال
اية. انت اتجننتي صح
نيفين
انت عارفني وانا مجنونة مش لسة هتجنن.
ودة اخر كلامي.
كمال عارف انها فعلا مجنونة وتعملها فقال
انا متجوز وعندي عيلة. فكرة اني اتجوز علي مراتي دي مش حاببها
نيفين
لية بس دة انت مشاء الله صحتك حلوة. وفلوسك كتير يعني تقدر تفتح بيتين ولا لما كنا بنتقابل في الحرام ما كنتش متجوز وعندك عيلة
كمال
طيب خليني افكر
نيفين
القرار اللي بيجي بعد التفكير بيبقي دمة تقيل وانت مش في وضع يسمح لك بانك تختار بين اختيارين يا انا يا الطوفان
كمال بقي مغلوب علي امرة وبص لها وفضل ساكت وفعلا اتجوز كمال نيفين واستمر الجواز لغاية وقتنا الحالي ،،،،،،،،،
المشهد الثالث
★المستشفي★
ونرجع تاني وعائشة تقف قصاد كمال وبتهزة في كتفة وهو سرحان بيفتكر اللي فات وبص لها كمال وقال
في اية يا عائشة
عائشة
انت كنت سرحان في اية
كمال
ما فيش يا عائشة انتي جاية لغاية عندي عايزا اية
عائشة
حبيت اعرفك ان العملية نجحت
كمال بفرحة لا توصف
بجد
عائشة
لسة الدكتور خارج من اوضة العمليات وطمئني
كمال
الحمد لله ازمة وعدت علي خير
وقام وقف كمال وقال
وهو فين سيف دلوقتي ،،،،،،،
المشهد الرابع
★اوضة★
ودي كانت الاوضة المحجوز فيها سيف وكان كمال بيحضن سيف فرحان ان هيرجع يشوف وكان سيف لازال تحت تاثير البنج وفاقد الوعي لكن للحظة وهو في حضن سيف اتردد في ودانه صوت نيفين وهي بتقول
انت ما كنتش بتخلف وبعد خمس سنين جواز جبته سيف. وانا وانت اهو متجوزين بقالنا 10 س. ما حملتش منك لية الا لو انت لسة مالكش في الخلفة
وبدأ كمال يبعد عن سيف ويبص له بشك مخيف وعائشة شافت كمال وهو بيبعد عن سيف بطريقة ما تقولش انها طبيعية فقالت
مالك يا كمال انت كويس
كمال بص لها وسكت وخرج من الاوضة وعائشة خرجت وراء منه ،،،،،،،
المشهد الخامس
★من قدام الاوضة★
كمال بيقفل باب الاوضة وراء منه وبيقعد علي اول كرسي يقابلة وهو مهموم وخايف ليكون فعلا كلام نيفين صح بس هو واثق في عائشة اوي ومستحيل تعمل كدة لكن الشك حل مكان الدم وبدأ يجري في العروق
وهنا يسمع صوت عائشة بتقول
مالك
كمال
مافيش
عائشة قعدت جنب منه وقالت
عارفة ان ليك حق تزعل مني لاني خبيت اني اعرف زاهر لكني اقسم لك بالله العظيم زاهر دة مجرد ذكرة في حياتي عرفتها ل مدة سنة وانا في الكلية وبعدها ما شفتهوش ابدأ الا لما جة القصر وقرر يتبرع بالقرنية ل سيف
بص لها كمال وهو ساكت فقالت عائشة
خوفت اقول لك ترفض العملية تتعمل ونشيل احنا الاثنين ذنب سيف ابننا
كمال
هو سيف بجد ابننا
عائشة اتصدمت وقالت
تقصد اية بكلامك دة
كمال
ما قصدش ومش وقته
عائشة
لا وقته اصل كلامك دة ملهوش الا معني واحد اني ست مش تمام
كمال
انا ما قولتش كدة
عائشة بحدة
لما راجل يسال مراته هو دة ابننا بجد يبقي بيشك فيها والشك والخيانة وجهين ل عمله واحدة وطالما شكيت ان دة مش ابنك يبقي انت بتقول اني خاينة
ونزلت دموع عائشة وقامت وراحت تقعد علي كرسي بعيد عنه وكمال بص لها وبدأ يلوم نفسه ازاي يقول كدة وقال لنفسه بمنتهي العصبية
انا غبي ازاي اسمع ل واحدة زي نيفين
وبدأ شيطانة يوسوس له ويقول
ولية ما تسمعش ليها هي علشان عيطت وقامت من جنبك تبقي مظلومة مش شرط
ولو هي ما بتعملش حاجة غلط لية خبت عليك انها تعرف زاهر طالما خبت علاقتها ب زاهر يبقي الحكاية فيها شئ مش مظبوط
كمال مسك دماغة وقال في سرة
كفاية انا مش عايز اسمع ولا كلمة
لكنه يسمع صوت نيفين بتقول
الخيانة كاس وداير وزي ما انت خونت راجل في مراته هيجي اللي يخونك في مراتك
قام كمال من قعدته وقال وهو متعصب
بس
وضرب بايدة الشباك الازاز الموجود في الاوضة واتكسر الازاز ودخل في ايدة وعائشة بصت للي حصل ورغم اللي اتقال ما استحملتش انها تشوف ايدة ب تنزل دم وقامت جري وراحت ناحيته وهي في ايدها منديل وحط المنديل علي الايد المصابة وقالت
اية اللي انت بتعمله دة
كمال بص لها وهي بتحاول تمنع نزول الدم وقال
حقك علية
واتجمع بعض الممرضين وكام دكتور علي صوت الازاز اللي اتكسر وبدأو يعالجو كمال ،،،،،،،،،
المشهد السادس
★عربية كمال★
وكان كمال جوة عربيته وبيلف في شوارع القاهرة بيحاول يهدي بعد الضغط العصبي اللي اتعرض لي وهو بيلف يشوف معمل تحاليل يقف قصاد ذلك المعمل ويبص له واتولد جوة منه نفس الصراع النفسي وياتري سيف ابنه ولا لا وفضل واقف ل كام دقيقة لغاية ما قرر ينزل ويدخل المعمل وعمل التحاليل الخاصة بالانجاب وخد ميعاد يجي يستلمهم في وفعلا رجع للمعمل في الميعاد المحدد وسال الدكتور الموجود في المعمل هو لي في الخلفة ولا لا الدكتور بص له وقال ،،،،،،،،،،،،
خلاص خلصت بح ومستني بقي توقاعتكم هو فعلا لي في الخلفة ولا لا واللي توقعها هيطلع صح هتكسب معايا هدية
ما حصلتش وما تتوصفش
تم
ردحذفههههههههه اكيد ليه وسيف ابنه باذن الله تحياتي لك اديبنا الكبير
ردحذفهو ابنة
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذف