علاقة محرمة
★الحلقة السادسة★
من تاليفي
محمد منصور. **منص**
وقبل ما ابدأ نوحد الله ونصلي علي خير خلق الله سيدنا محمد.
اللهم صل وسلم وبارك علي محمد صلاة تحل بيها العقد وتفك بيها الكرب
المشهد الاول
★اوضة مراد★
صلاح كان واقف قصاد ماهيا وبعد ما سالها عن اسمة وقالت له اسمك راد. استغرب وقال
هو في بني ادم اسمة راد
ماهيا
ومين قال انك منهم
صلاح باستهزاء
اومال انا اية منكم
ماهيا
ايوة مننا. انت راد خادم من خدام الجن الاحمر
صلاح مابقاش عارف يقول اية وفضل باصص لها وهو مصدوم وبعدها قال
اية خدعة جديدة منك دي
ماهيا
تقدر تلف وتبص في اي مرايا وتشوف صورتك الحقيقة.
وفعلا لف صلاح وبص في مرايا التسريحة وشاف صورة مخلوق مشوة لي قرون وحوافر كسر المرايا بايدة وهو مغمض عينية وقال بعصبية
دة مستحيل يكون انا
ماهيا
لا انت. ومراد حضرك علي اساس انه بيحضر جنية للجواز منها. اصله كان بيلعب بطلاسم ما يعرفش هتودي لغاية فين وانت طمعت في جسمة وعشت جوة منه واخد صورته وما قدرتش تعيش باسمة. سميت نفسك صلاح. الشاب الوسيم اللي كل البنات بتحبة. زي ما اتمنيت
صلاح بعصبية
اسكتي
ماهيا
بنات الانس فتنوك وخلوك. مخلوق من النار سجين في جسم مخلوق من الطين. وانت عارف قانون مملكة الجن الاحمر وعلاقتنا بالانس دي علاقة محرمة. مصير اللي يروح لها برجلة السجن مدي الحياة في زنزانة نار الوعيد
صلاح
انتي كذابة وعايزا توصلينا للجنون. ودة مش هيحصل
ماهيا
انت اللي اخترت تعيش حياة مش حياتك ونسيت ان الجن مننا لما يعيش في جسم انسان بيكون ضعيف ونقدر احنا معشر الجن نسيطر عليه. ودة اللي انا عملته خليتك توصل ل اول مراحل الجنان واتحكمت في مركز الذاكرة عندك ما انت ضعيف والجسم البشري رافض روحك الملعونة. وهتفضل ضعيف وتحت سيطرتي
صلاح
ولما انا ما بقتش منكم لية انتي جاية ورايا عايزا مني اية.
ماهيا
ترجع تاني لمجرد خادم من الجن تحت ولايتي.
صلاح
عايزا تفهميني انك عملتي كل اللي عملتي دة علشان بس ارجع ليكي مجرد خادم. من امتي والملكة تنزل بنفسها من فوق عرشها علشان خادم هرب منها
ماهيا ابتسمت وقالت
بدأ المخ يقبلك والذكاء البشري يكون لك منه نصيب
صلاح
مش كدة وبس دة انا كمان افتكرت لية كنت كل ما تظهري تبلغيني اننا قربنا نتجوز واللي بينا قرب يروح
ماهيا
انت كمان ذاكرتك بدات ترجع
صلاح بتحدي
وقريب هعرف الحقيقة انا مش مجنون ومش هبقي مجنون. وكل اللي بتعملي وعايزا توصلي له انا هعرفه وهمنعك
ضحكت ماهيا اوي وقالت
هتقدر. وانت لوحدك
صلاح
هقدر
ماهيا
طيب ما بدل ما نبقي ضد بعض خلينا نكون مع بعض. وصلني لل الذهب اللي اتقلب صيني وانا هخرج من حياتك نهائي
صلاح
الذهب اللي كان مراد بيتخانق مع سعاد مراته بسببه
ماهيا
هو دة
صلاح
اخر حاجة اعرفها عن الذهب دة ان مراد عرف ان الذهب في بيت عشيقها وبعد كدة قتلها
ماهيا
يعني انت تعرف مين عشقها
صلاح
ما عرفش
ماهيا
ازاي ما تعرفش. دة انت عايش جوة جسم مراد يعني اكيد روحت للعنوان اللي في عشيق مراتك
صلاح
ما روحتش في حتة
ماهيا
راد. احسن لك تكون صريح معايا
صلاح بغضب شديد
اسمي صلاح. وكفاية بقي ل غاية كدة وزي ما ظهرتي اختفي
واداهاصلاح ظهره ولسة هيستعد للخروج من الاوضة لقي جسمة بيترفع لفوق وبيلف ناحية ماهيا اللي قدرت ترفعه بقوتها وبصت له وقالت بمنتهي الحدة
اياك تنسي نفسك وتديني ظهرك وانا بتكلم معاك.
وقربت منه اكتر وبصت في عيونه وقالت بصوت مخيف
انت في حضرة الملكة ماهيا
وصرخت في. صرخة خلته يطير ناحية احدي حوائط الاوضة واتصدم يالاوضة ووقع علي الارض وبدأ يتوجع وهي خلت ايدها ناحيتة بس وبعدها قدرت تسحبة علي الارض. ورفعته تاني ل فوق. وقالت وهي بتبص في عيونه ب شر اكتر من الاول
وصلني للذهب. ارحمك. غير كدة نار جهنم هتحرقك يا ملعون وانت حي.
وقررت تسيية وقع علي الارض وفضل يتوجع وهي لسة بص له وقالت
قدامك تلت ايام مش اكتر تجيب الذهب وتقابلني هنا. والا نهايتك هنا
وشاورت علي سجن مصنوع من الطلاسم والنار مولعه في. خاف صلاح وطلع جري من الاوضة.،،،،،،،
المشهد الثاني
★عربية صلاح★
صلاح جوة العربية ومش عارف يعمل اية ولا عارف يصدق كل اللي حصل معقوله يكون فعلا خادم من الجن واسمة راد زي ما قالت ماهيا. ولا. هو مراد اللي حضرها علشان يتجوزها ولا هو صلاح صاحب مراد وابن عمه. ولا هو مين. دماغ صلاح كانت في صراع رهيب ومش عارف يعمل اية. واللي زاد وغطي حكاية الذهب اللي اتقلب صيني طيب دي يعمل فيها اية. وازاي يوصل للي خد الذهب واية حكاية الذهب دة ولية ماهيا عايزا وفضل يفكر ويفكر لغاية ما قرر يبدأ من عند سعاد. وفعلا اتحرك بالعربية وراح ل سعاد، ،،،،،،،
المشهد الثالث
★فيلا صلاح★
وصلاح بيقف بالعربية وبينزل منها وبيدخل الفيلا علشان يلاقي سعاد قاعدة بتتفرج علي الشاشة بصت له اول مادخل ورجعت تبص تاني للشاشة. وهو راح وقعد جنب منها وقال
انا محتاج مساعدتك
سعاد بصت له ورجعت تاني تبص للشاشة وعليت صوت الفيلم اللي شغال. صلاح مسك الريموت وقفل الشاشة وقال
انا بكلمك علي فكرة
سعاد
ايوة اللي هو مين بقي بيكلمني مراد ولا صلاح
صلاح
مراد مش انا مراد جوزك
سعاد باستهزاء
والله المفروض كدة. بس حضرتك من شوية جيت وقولت انك اسمك صلاح ودفنتي قبل كدة وكلام كتير مش حابة افتكرة.
ومسكت الريموت وهي بتقول
ممكن بقي اكمل الفيلم
ولسة هتشغل الشاشة صلاح مسك الريموت وقال
لا. بقول لك عايز اتكلم معاكي
سعاد
عايز اية يا مراد
صلاح
عايز عرف اية حكاية ذهب اللي اتسرق من الدولاب
سعاد بزهق
تاني
صلاح
معلش علشان خاطري استحمليني. وعرفيني
سعاد
دة كان بوم منيل بوم ما دخلت عليه بالعلبة اللي فيها الذهب دة
صلاح
هو دة ما كنش شبكتك
سعاد
لا. دة ذهب جبته ليا هدية بعد جوازنا
ب سنة
صلاح بدأ يهتم اكتر واكتر وقال
وبعدين
سعاد
طلبت مني انه يفضل في دولابي وسط هدومي وما لبسهوش الا وانا نايمة
صلاح
وانتي نايمة بس
سعاد
ايوة انت قولت لي كدة
صلاح
وانتي ما استغربتيش
سعاد
استغربت وسالتك الذهب يتلبس واحنا خارجين مش واحنا نايمين.
صلاح باهتمام شديد
وانا وقتها قولت لك اية
سعاد
قولت لي الذهب دة قيمتة بتزيد والعيون مغمضة لانه ذهب نادر. جاي من سابع ارض
صلاح باستغراب
ولما انا كنت عارف قيمتة اوي كدة ازاي افكر ابيعة
سعاد
قولت انك محتاج فلوس في الشغل. وخد الذهب وروحت تبيعة لقيته صيني. وحصلت بينا خناقات كتير واتهمت اهلي بسرقته
صلاح
وبعدين
سعاد
ولا قبلين خد لك فترة علي الحالة دي وبعدها نسيت الذهب وما بقتش تجيب سيرته نهائي وكانك فقد الذاكرة
صلاح باستغراب
فقد الذاكرة.
سعاد
اة اصلك كنت كل ليلة من ساعة ما ضاع الذهب وانت تتخانق معايا. وفجاة ولا كأن كان في ذهب وبقيت واحد تاني خالص
صلاح
تفتكري امتي بالظبط انا اتغيرت بالشكل دة
سعاد بدات تفتكر وسكتت. لثواني وقالت
من سنة بالظبط
صلاح برق وقال
سنة.
وهنا يتردد في ودانه صوت الشيخ سعيد وهو بيقول
مراد الله يرحمة. من ساعة ما مات من سنة وما حدش بياخد باله مني
صلاح هنا قال ل نفسه
مراد مات من سنة وانا نسيت حكاية الذهب اللي اتبدل برضو من سنة يعني اية
ممكن فعلا اكون جن وطمعت في جسم مراد وسميت نفسي صلاح. طيب ازاي والشيخ سعيد شافني علي اني صلاح مش مراد يعني احنا اتنين صلاح ومراد. طيب في اية. اية اللي فاضل علشان احل الفزورة دي. لازم اروح للشيخ سعيد يمكن يكون عنده حل الفزورة
وخرج جري من باب الفيلا وسعاد بتقول
رايح فين تاني
لكنه ما ردش وسعاد قالت
مافيش فايدة المخدرات بوظت دماغة. اما اكمل الفيلم انا مش ناقصة هم
ومسكت الريموت ورجعت تكمل الفيلم، ،،،،
المشهد الرابع
★اوضة الشيخ سعيد★
ووقت ما كان الشيخ سعيد في اوضة بيقرأ قران يدخل عليه صلاح ويقعد قدام منه فيقول سعيد بعد ما صدق وقفل المصحف
لسة تايهة
صلاح
انا لما جت لك اخر مرة مش جيت لك وانا معايا مراد
سعيد
اخر مرة جيت لي ل وحدك
صلاح
مش اخر مرة اللي من يوم. انا اقصد المرة اللي قبليها وقت ما قولت ل مراد خد صاحبك وامشي
سعيد
مراد ميت من سنة ازاي كان معاك
صلاح
افتكر يا سيدنا الشيخ
سعيد
انت جيت لي مرتين وفي المرتين كنت لوحدك
صلاح
يعني ما كنش معايا مراد
سعيد
تاني هتقولي مراد
صلاح
طيب مش انا اسمي صلاح
سعيد
ايوة اسمك صلاح
صلاح
طيب هو ممكن خادم من الجن يعيش جوة جسم انسان ويسرق منه اسمه وعمره ويقرر يكون لي اسم تاني وعمر تاني
سعيد
شياطين الجن بتجري في عروق بني ادم مجري الدم. بس ما حدش منهم يقدر يسرق اسم وعمر انسان مننا لان دة في ايد ربنا سبحانة وتعالي
صلاح
اومال لية ماهيا قالت اني خادم من الجن حضرني مراد وطمعت انا في حياته وقررت اعيش جوة جسمة واسمه وعمره يكونو ملكي. لكني عيشت باسم صلاح
سعيد باستغراب
الكلام دة اول مرة اسمعه
صلاح
والاغرب من كدة اني بعد سنة من جوازي جبت ل مراتي ذهب وطلبت منها تلبسة وهي نايمة. وكمان رغم اني جايب لها الذهب دة. زي ما انا قولت لها من سابع ارض. الا اني قررت اخدة ابيعة علشان مزنوق في فلوس كل حاجة بتحصل لي وعكسها. فهمني يا شيخ انا فعلا ممكن اكون زي ما قالت ماهيا. جن قدرت امتلك جسم اللي حضرني
سعيد
انا بقالي في الطريق دة 40 سنة. شوفت كتير وقليل في عالم الصراع بين الانس والجن. لكن عمري ما سمعت زي حكايتك. واعرف ان ماهيا ما حدش قدر يهرب منها الا لو دخل قبرة.
صلاح
طيب انا فعلا جن.
سعيد
لو جن هعرف دلوقتي
ومسك طبق كبير جوة منه مية ورفع الطبق في مستوي بوقة وبدأ يقراء ايات من سورة البقرة وبعد ما خلص حط الطبق قدام صلاح وقال
عايزك تبص في طبق المية دة. وصورتك الحقيقة هتبان لو فضلت في صورة الانسان تبقي انت مننا انما لو حصل العكس
صلاح كمل وقال
يبقي انا منهم
سعيد
نتمني ان ماهيا تكون كذابة. بص في المية
وبدا صلاح بتوتر وقرب وشة. من المية وبقي جاهز علشان يبص في المية وفعلا بص في المية وشاف،،،،،،،،،،،،،،
بكرة اقول لكم شاف اية. سلام. وما تنسوش التعليق ل منص ابن ديراتكم
حلوة جدا
ردحذفجميله
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتم
ردحذفتحفه جدا جدا جدا جدا جدا
ردحذف