حور

 علاقة محرمة 

                   ★الحلقة الخامسة★

من تاليفي

محمد منصور. **منص**

وقبل ما ابدأ نوحد الله ونصلي علي خير خلق الله سيدنا محمد.

اللهم صل وسلم وبارك علي محمد صلاة تحل بيها العقد وتفك بيها الكرب

المشهد الاول

             ★بيت الشيخ سعيد★

صلاح كان واقف مع الشيخ سعيد والشيخ بيقول

اي علاقة بينا وبينهم مصيرها الجنون او الموت.

صلاح

انا كدة عايش مجنون. وفي اخر الرحلة هموت. يعني مش خسران حاجة. ساعدني اتم العلاقة دي

سعيد

العلاقة دي محرمة

صلاح

زي ما قالي مراد صاحبي.

سعيد

مراد الله يرحمة. من ساعة ما مات من سنة وما حدش بياخد باله مني

صلاح باستغراب شديد

هو مين اللي مات

وهنا يشوف صلاح. نفسه وهو ماسك سلسلة ذهب وبيخنق بيها مراد. لغاية 

ما مات. وشاله ودفنه تحت جنينة فيلته عند اكبر شجرة في الجنينة ومع توالي الصدمات سمع صوت الشيخ سعيد بيقول

اية شايف اية

صلاح ما ردش وراح جري ناحية عربيتة وركبها واتحرك بها مع ان الشيخ سعيد كان بينادي عليه، ،،،،،،،

المشهد الثاني

                  ★جنينة الفيلا★

صلاح بيدخل ل جنينة فيلته وهو راكب العربية وبسرعة مجنونة ويقف قصاد شجرة وينزل من العربية وهو زي المجنون 

وبدأ يبص حوالين منه ويدور علي كوريك يحفر بي. وملقاش اي كوريك في الجنينة صرخ من كمية العصبية والضغط العصبي اللي كان في وراح جري ناحية باب الفيلا ودخل الفيلا وجاب كوريك. وخرج وهو بيجري زي المجنون وبيقع علي وشة ويرجع يقوم تاني لغاية ما وصل عند الشجرة وبدأ يحفر ويحفر ويحفر لغاية 

ما شاف هيكل عظمي ل جثة مراد. انهار وقعد علي راس الحفرة دي. وفضل يصرخ وباعلي صوت وكان بيقول

لا. لا. لا.

وهنا يلاقي سعاد واقفة قدام منه وكانت لابسة روب وبتقول

مراد مالك

اتفزع ورجع لوراء خطوتين وهو قاعد بايدة ورجله وقلبه كان بيدق وسعاد قربت وقالت

مراد 

صلاح بعصبية

انا مش مراد. انا صلاح

سعاد ضحكت وقالت

ودة من امتي بقي 

صلاح

دول عمري اسمي صلاح

سعاد مدت له ايدها وقالت

طيب قوم معايا وتعالي ندخل جوة

رفض صلاح يمد لها ايدة وقال

انا ازاي شايفك وانتي ميتة وبايدية دفنتك انا و مراد

ضحكت سعاد اوي وقالت 

انت سكران صح. مع انك وعدتني انك تبطل شرب

ومدت ايدها اكتر وحاولت تمسك ايدة وهو شال ايدة بعيد عنها وقال

انا مش سكران وابعدي عني. بدل ما ادفنك جنب جوزك

سعاد

وانت دافن جوزي فين

صلاح

هنا 

وبص ناحية الحفرة اللي كان لسة حفرها بايدة. لقي الحفرة اتردمت وطالع من الارض دود اسود كتير وكله رايح ناحيته قام بسرعة من الارض حس بالدود بيخرج من مناخيرة وودانه بدأ يضرب نفسه ويضرب. وسعاد بتحاول تهدي لكنة زقها بكل قوته وقال

قولت ابعدي عني

وراح جري ناحية عربيته وركبها واتحرك بيها وبمنتهي السرعة وهو بيقول لنفسه 

لازم اروح ل عمي واساله عن مراد دة برضو ابنه واكيد هيعرف اية اللي حصله . ،،،،،،،

المشهد الثالث

                ★عربية صلاح★

وصلاح جوة العربية والطريق كان واقف وهو متعصب وعمال يدوس كلكس ويقول

وهو دة وقته.

صوت راجل عجوز

مستعجل لية. 

بص صلاح ل مصدر الصوت شاف عجوز مشوه نص وشة محروق خاف منه ورجع لوراء والعجوز قال

للدرجة دي انا بقيت اخوفك مع انك زمان كنت خدام عندي وشكلك اوحش من شكلي 

صلاح

انت تعرفني

العجوز

ومين ما يعرفكش. دة انت اللي قتلت وسرقت وخونت وبقيت عايش في جسم مش جسمك واسم مش اسمك. لكن تفضل انت اللي اتسرق منك اسمك وعمرك. واخر طريقك السجن او الجنان. يا غلبان 

ومشي العجوز وندهه عليه صلاح لكنه 

ما ردش نزل صلاح من العربية وراء منه وجري لغاية ما حصلة وقال

استني بس من فضلك فهمني تقصد اية بكلامك دة

العجوز

هتعرف لما تروح لها.

ولسة هيمشي العجوز تاني مسك صلاح ايدة وقال

هي مين

العجوز

الملكة. ماهيا

وصرخ العجوز. وقال

قدرت توصل لي لازم اهرب حالا

واتحول العجوز ل رماد اسود يتطاير في الهواء وصلاح اتفزع ورجع لوراء وسمع كلكسات العربيات اللي وراء منه بتضرب والكل بيستعجلة لرجوع عربيته والتحرك ييها لان الطريق مشي وفعلا رجع عربيته واتحرك قاصد فيلا عمه ، ،،،،،،

المشهد الرابع 

               ★فيلة اهل مراد★

وقدام بوابة الفيلا يقف صلاح بعربيتة وينزل وهو زي المجنون وفضل يخبط علي البوابة لغاية ما فرد الامن فتح وقال

استاذ مراد انت رحعت

صلاح كان هيتجنن وما ردتش ودخل الفيلا جري وفضل يخبط علي باب الفيلا الداخلي وفرد الامن قال

ما حدش هيفتح لك

صلاح

لية عمي مش جوة

فرد الامن

 عمك. مين. انت مالكش اعمام 

صلاح

عمي خالد فتوح. والد مراد 

فرد الامن ابتسم وقال

تقصد والدك 

صلاح بعصبية 

انا بقول لك عمي.

فرد الامن

انت لسة زعلان منه بقي. 

صلاح باستغراب 

وهو انا زعلان من عمي لية

فرد الامن

برضو عمك

صلاح راح مسك في رقبة فرد الامن وقال

انطق انا زعلان لية من عمي

فرد الامن

علشان جلسات تحضير الجن اللي كنت بتعملها في الصحراء وبعدين بقيت تعملها في اوضك 

صلاح ساب رقبة فرد الامن وقال

انا كنت بحضر جلسات تحضير جن

فرد الامن

ايوة. وكنت بتهزر وبتلعب انت واصحابك بكتاب شمس المعارف وكنت بتكتب طلاسم علي جسمك وعلي حيطان اوضك. وكنت عايز تتجوز منهم. اللهم احفظنا. واستاذ خالد عرف وخرب الدنيا. وطردتك ومن ساعتها وهو بيدور عليك في كل مكان

صلاح كان مصدوم وقلبه هيقف من كمية المفاجات اللي نازلة عليه وقال بصوت مكسور

وهو فين دلوقتي

فرد الامن

سافر امريكا. يتعالج بسبب الجلطة اللي جت له من حزنه عليك. والمفروض انه جاي كمان اسبوعين 

صلاح

وابن عمي مراد فين

فرد الامن

انت مالكش ابن عم. انت مالكش اعمام اصلا. وانت استاذ مراد. حتي بالامارة مفتاح الفيلا النسخة بتاعتك موجودة في المكان اللي انت متوعد تخبيها في 

صلاح كان هاين عليه يعيط. ومشي ناحية باب الفيلا وكان في شجرة فروعها ملفوفة حوالين عمود قدام باب الفيلا ولقي صلاح نفسه بيمد ايدة ناحية فرع من الفروع وبيطلع المفتاح اللي كان مغروز في قلب الفرع وهو مش عارف ازاي عرف المكان لكن شئ جوة منه قاله انه لية ما يكنش مراد فعلا. وان ما فيش حد اسمة صلاح. لكنة شاف نفسه وهو بيقتل مراد معني كدة ان اللي مات صلاح ميت سؤال وسؤال ولقي صلاح نفسه بيفتح باب الفيلا وبيدخل الفيلا وبيقفل الباب وراء منه .....

المشهد الخامس 

                 ★فيلا مراد★

وكان صلاح بيلف جوة الفيلا وشاف اكتر من خمس صور كلها متعلقة لي مع والدة خالد. فضل يلف وكان حاسس انه شاف كل دة قبل كدة لغاية وصل عند اوضة قلبه انقبض منها لكنه فتحها ودخل الاوضة وشاف طلاسم علي الحيط وايات قرانية مكتوبه بالمقلوب وشمع اسود بمجرد ما دخل الاوضة الشمع دة ولع وظهر اسم ماهيا. من دخان الشمع وفجاة تظهر ماهيا

وتبص ل صلاح اللي اتفزع منها وقال

انتي

ماهيا

وكنت مستني تشوف مين غيري في الاوضة دي

صلاح

طيب انا محتاج افهم اية اللي بيحصل

ماهيا

اية اللي بيحصل

صلاح

انا صلاح ولا مراد

ماهيا

انت الاثنين. في اللي يعرفك باسم صلاح وفي اللي يعرفك باسم مراد. لكن انت ليك اسم تالت ما حدش يعرفك بي الا انا 

صلاح

اسمي اية

ماهيا

راد.  

صلاح باستغراب 

هو في بني ادم اسمة راد

ماهيا

ومين قال انك منهم 

صلاح باستهزاء

اومال انا اية منكم

ماهيا

ايوة مننا. انت راد خادم من خدام الجن الاحمر

وهنا دار في دماغ صلاح ميت سؤال وسؤال .،،،،،،،،،،

اشوفكم يوم السبت باذن الله والحلقة الجديدة. وبتاسف عن حلقة بكرة بسبب ظروف شغلي. و ايوة عارفكم ياللي هتقروا وتقومو جري. وتسييوني لوحدي من غير تعليق. عيب والله